Post: #1
Title: مباراه السلام في يوتا الامريكيه
Author: PLAYER
Date: 06-11-2004, 00:12 AM
اقامت الجاليه السودانيه في مدينه سولت ليك سيتي /ولايه يوتا الامريكيه[Salt Lake City,UT}مساء السبت 5/6/2004 مباراه كره قدم بين فريقي السودان الجديد ومثلها الشباب السوداني الذين اتوا امريكا من خلال كينيا واثيوبيا واغالبيتهم من الاطفال المفقودين(lose boys} .
وفريق السودان القديم حوث مثلها بعض الشباب السوداني الذين اتوا الي امريكا من خلال مصر او السودان او سوريا. وقد انتهت المباراه بالتعادل الايجابي 2/2.
وقد اتسمت المباراه بالحساسيه الشديده والحماس الذائد والعنف القانوني وغير القانوني التي كادت ان تفسدها ،لكن وعي الحكم ومساعده كابتني الفريقين في تهدئه اللاعبين ساعدت في نجاحها.
وعقب المباراه تعانق الجميع بحبآ سودانيآ واعتذرا لبعضهما بسماحه الاخلاق السودانيه واتفقا علي تكوين فريق واحد باسم السودان يجمع الجميع بدون فرق.
فريق السودان الجديد
فريق السودان القديم
|
Post: #2
Title: Re: مباراه السلام في يوتا الامريكيه
Author: بكرى ابوبكر
Date: 06-11-2004, 04:48 AM
Parent: #1
شكرا يا بلير و التحية لشباب السودان الجديد
و التحية لشباب الحركة الشعبية لكن انت فى الناس وين
|
Post: #3
Title: Re: مباراه السلام في يوتا الامريكيه
Author: smart_ana2001
Date: 06-11-2004, 07:16 PM
Parent: #2
اخى بلير
و الله ماشاء الله برامجكم تحسدوا عليها
فى المرات القليلة اللى كنت فى فيها فى( سولت ليك ستى )و فى احد المطاعم شفت شاب صغبر و من ملامحه عرفت على طول انو سودانى و غالبا( من الاطفال المفقودين). مشيت عليه وسلمت و قلت ليه انت من السودان ؟, قال لى ايوه , قلت ليه انا زاتى من السودان و عرفتو باسمى و سكنى وكده . لكن الشاب لم يبدى اى رغبة فى الكلام معى. شعرت بالضيق و من يومها بطلت اسلم على السودانيين لما الاقيهم.
|
Post: #4
Title: Re: مباراه السلام في يوتا الامريكيه
Author: PLAYER
Date: 06-12-2004, 03:36 PM
Parent: #3
العزيز بكري
شكرآ يا ذوق
اخوك كابتن منتخب السودان القديم لانو جاء بطريق القاهره(موجود في الصوره)
بالمناسبه
عندنا زياره قريب لاريزونا لمقابله فريق السودان الجديد ..فدا دعوا لسودانيزاونلاين في شخصكم الكريم للحضور ..سوف اديك التاريخ اذا اتفقنا عليهو
المحترمه smart_ana2001
اولآ اشكرك لاشاداتك ببرانامج سودانيي يوتا..والمره الجاي حنستقبلك لو عرفنا موعد جيتك( انتي المرات الجيتي كان شغل ولا زياره}
ثانيآ: نيابه عن سودانيي يوتا ارجو ان تتقبلي اعتذاري الشديد لما بدر من ذاك الشاب
تحياتي وتقديري لكما
|
Post: #5
Title: Re: مباراه السلام في يوتا الامريكيه
Author: PLAYER
Date: 06-12-2004, 03:54 PM
Parent: #4
لقطات من الفريقين
|
|