كيف تكون نجمآ في البورد...الجزءالثالث

الاهداء الى العزيز ايهاب

رغم كثرة الاعضاء المسجلين في البورد واختلاف مفاهيمهم السياسية والفنية والثقافية والرياضية واللاموضوعية
الا ان يمكن وضعهم في ثلاثة مجموعات
أ/ مجموعة تفيد وتستفيد
ب/ مجموعة تستفيد
ج/ مجموعة لا تفيد ولا تستفيد

كيف تعرف في أى مجموعة انت
اذا كنت تحب ان تكتب او ترد او تناقش وتهتم بردود وتعليقات الاخرين سواء كانت سلبية او ايجابية واحيانآ تعود الى المراجع حتى تدعم ردودك وتنقد المواضيع وليس الاشخاص....فانت في مجموعة تفيد وتستفيد

اما اذا كان حرصك على قراءة ردود ومشاركات ونقاش الاخرين في مواضيع معينة وقليل ما تكتب او ترد او تقرا المواضيع الاخري...فانت فى مجموعة تستفيد

اما كنت تهتم فقط باسم الكاتب بصرف النظر عن الموضوع وتقرا لاناس معينين وليس لك مجالات تهمك اراء الاخرين فيه او الادلاء برايك ونادرآ ما تكتب واغلب ردودك: فوق,موضوعك حلو..وكل انواع المدائح ...فابشر خيرآ لانك تابع لقوم..لا تفيد ولا تستفيد

كثيرآ ما نتسائل : لماذا البعض اكثر عطاءآ
الاجابة تقود الى سؤال: لماذا سجلنا كاعضاء في البورد
كل منا أدرى بسبب تسجيله
لكن
سواء كان سبب تسجيلك العطاء,الهناء,البقاء,الشقاء
فأن دافع العطاء تاتى من دافع التسجيل

فالذين دافعهم القناعة الشخصية...عطاءهم لا يتوقف

اما الذين طلب منهم التسجيل...فعطاءهم نادرآ وارضاءآ لمن سجل من اجله

اما الذين دافعهم وجود فلان..فكل مشاركتهم مديحآ وفي مواضيع فلان

واخرون لتظهر اسماءهم...لذلك ترى ردودهم بعيدآ و لا علاقة له بالمواضيع ولا معنى له

اخيرآ
تذكر ان اسلوب النقاش او الكتابة في البورد يختلف كثيرآ عن الكتابة في الجرائد او المجلات او النقاش فى ساحات النقاش
لذلك
اذا كنت كاتبآ او مناقشآ او شاعرآ فيجب ان تختار الاسلوب واللغة المناسبين لتحقيق غرضك وايصال ما تريده

 

الاخ player

بعد هذا التصنيف الذي يمكن
الإتفاق والإختلاف عليه , ماهي الفائدة العملية لهذا التصنيف ؟

لو فرضنا بحسب تصنيفك هذا انني أو
احدا غيرى كان من الذين قلت فيهم (فابشر خيرآ لانك تابع لقوم) او دلدولا ,
فماذا افيد عمليا من التصنيف؟ ,,,,وهل من طريق للخروج من التابعية(البوردية) الى
تابعية افضل او الى (لا تابعية)

هل بامكانك ان تبين لنا اسماء
الذين يقعون في الفئة الأولى والفئة الثانية والفئة الثالثة ان كانت قاعدتك قابلة
للتطبيق , ولا تخف من الذين قد يسيئهم التصنيف طالما ان القاعدة سليمة ولن يتهمك
احد,,

وارجو ان تفيدنا تحت اي علم تقع
هذه القاعدة حتى نستفيد من عولمة الإنترنت ونقوي ضعفنا في هذا العلم حتى نستطيع
الحكم على نظريتك ,,او نأني بنظريات وتصنيفات داعمة او مناقضة لما اتيت به

وبما انني لأ استطيع القول على
وجه اليقين في أي فئة اقع , فاني سأبدا من اول السلم التعليمي وادخل مع الفئة
الثالثة ,, ولكن هل هناك من فئة تمهيدية (روضة - خلوة) او ما شابه ,,, او روابط قبل
الدخول الى الدوري ,,, واعدكم سيدي ان عزيمتنا قد زادت بفعل العولمة وانتشار
المعلومات ما يلزم منها وما يلزم ولن نقف ببلوغ الدوري الممتاز والدوري المحلى , بل
نحن عازمون على المنافسة الخارجية لنعيد للسودان مجدا كان حريا به ,,, ولن نسمع
للقيادات الكريوية والصحف الكروية واسماءها اللامعة والملمعة لأننا نشك في قدرتها
التنافسية في عالم العولمة

الاخ العزيز الصديق بلير
كيفك كدا
اولا اشكرك على الاهداء
و اقدم لك تحيه موده و تقديرو انا اعلم انك تتمنى ان ترى هذا البورد في احسن و افضل الاحوال
و تسعي للمساهمه في تحسين مستواه و محتواه
لكن يا عزيزي انا اختلف معك في هذا التصنيف بالزات
لانني اعتقد بحريه كل اعضاء البورد في المساهمه او عدم المساهمه و بالشكل الذي يرضيه
يمكن ان ندعوهم للمشاركه الفعاله ولذلك من اجل غايات نبيله نتمنى جميعا انا نحققها من خلال هذا البورد
ولكن ان كان خيار ايهم غير ذلك فتلكم هي حريته و ذلك هو شانه ما لم يتعدى قوانين البورد
و هولاء نحن اعضائه بكل ما نحتويه ويحتوينا من تباين واختلافات
لك مني مره اخرى كل الود والتحيه

تحياتي بلير

مجهود رائع و مقدر... اوع تختني مع قوم لا يقيد و لا يستفيد

ناس المعارضة... لم الاعتراض ؟ هذا تحليل مفيد جدا و يساهم في
دفع حركة البورد الى الامام... يمكن ان يطلق على هذا التحليل باللغة الانجليزية "Brain storm" يعني ترجمة حرفية زوبعة دماغية
تحرك الافكار و تدفع كل واحد فينا لتقيم عطاءه ومقدار ما قدمه, من كان يفيد و يستفيد فليواصل و يبذل المزيد.. ومن كان يستفيد فقط فليتلحلح و يتحرك شوية و يحاول يرد الدين و يفيد برضو... اما من كان لا يفيد ولا يستفيد فليلحق نفسه وما يضيع زمنه.

العزيز ايهاب
انا معك ان الكل حر فى ان يكثر او يقلل فى مشاركاته
لكن ان يبخل....فهذا ليس تحت بند الحرية
كلامى دا نوع من النقد الساخر لواقع قد نختلف في تقيمه
ولكن
سيظل المقصد من قساوة هذا الكلام ..ان نتقدم الى الامام
واحتمال خطئى كبير
واخيرآ كما قلت

Quote: يمكن ان ندعوهم للمشاركه الفعاله ولذلك من اجل غايات نبيله نتمنى جميعا انا نحققها من خلال هذا البورد

والله الموفق

Newbie
مقصدى ان اعكس صورة البورد للبوردين كما اراه من زاويتى وكما قلت الاختلاف والاتفاق وارد لكن دائمآ ااخذ احتمال خطئى اكبر ...لذلك يحق لك ان تصصح ما تراه خطأ لان الغاية الاسمى ان نرى البورد في احسن الصور
اما اذا وجدت نفسك تقع في المجموعة الاخيرة فباجراء تغير بسيط لطريقة مشاركاتك في الماضى وانشاءالله تتحول الى الافضل
اما مسالة ذكر الاسماء فلا استطيع عمله...لاننى انقد بسخرية الافعال... وليس الاشخاص
انا اسميه علم تحليل نفسي...ويمكن ان يقول اخرون...تنظير ,تشريع ..الخ ليس المهم الاسم لكن ما يهمنى ان يصل مقصدى
الروضة والخلوة قبل التسجيل فى البورد...بعد التسجيل انت في المنافسة
اخيرآ
خذ ما تراه واقعى وعدل ما تراه غير مستقيم واترك ما لا يفيد
والله الموفق

manj
الشكر لك
يا اخوى انا ما بخط الناس في المجموعات لكن انا بوريهم اوصاف كل مجموعة ...عشان كده شوف الاوصاف العندك تبع ياتوا مجموعة..واذا ما عجبك المجموعة يمكن تغيروا
زوبعة دماغية...تسمية مية في المية
وقصدنا ذى ما قلتوا انت

Quote: دفع حركة البورد الى الامام

وتسلم على فهمك الرائع
ونسأل الله التوفيق في مقصدنا

الاخ بلير
موضوعك موضوع اساسي وجميل
والواحد انشاء الله يكون من مجموعة يفيد ويستفيد
سلمت
ومن البوست ده نستفيد بس انشاء الله

المحترمة هوزي

شكرآ على ذوقك
صدقينى
انت في الطريق الصحيح
بتشاركى ,بتناقشى
والاروع ان بالك طويل
واصلى عطاءك
انا برضى بحاول ان اكون مع ناس فيد واستفيد
لكن
مرات اسلوبنا الكتابى بكون شوية جاف
بس قالوا
اسمع كلام الببكيك ولا تسمع كلام البضحكك
وفقكم الله وايانا فى تقديم الافضل

بليير

بدون عزيزى والرائع

وبدون كلامك بنكهة الفراولة والحاجات دى

عشان ما ادخل فى التصنيفات الوارة فى الجزء الاول والتانى

غايتو انا ماخد كلامك وابو حراز بالجد اوع تغطسو حجرنا

ليك الود

سلام مربع

بلييير

على الدوام يجب ان نشد على يد
من يجتهد في فكره وفي تخطيطه
بغض النظر عن حجم هذا العمل
الذي قام به
فصلاحه او عدمه هذا ايضا يحسب
للمجتهد وليس عليه
لانه ايضا في الحالتين سوف يطلع كسبان
له في الحالتين منا شكرنا الجزيل
على مجهوده
ومن الله الثواب العظيم

اختلف شويتين كده
وحتة صنغونه في
خانة الذين لا يستفيدون ولا يفيدون
وفي نفس الوقت
اوافق وبمساحة مربعه
على ماجاء في المسالة نفسها التي اختلفت
من شوية فيها معاك
والدليل صحة هذا ان الجميع
كتب وسيحاول ان يكتب لينفي
عدم انتماءه لهذه الطبقة
المشئومه
وانا اكيد منهم والدليل على ذلك
تركي لكل ماجاء في مشروع الدراسة
والتشبعط فقط بتلك النقطة الماراكبه عدلها

ارتيجا

دا اذا ما كانوا
غطسوا حجرك بالفعل
هاهاهاهاه
امازحك يارجل
ابو حراز عسل
وكمان بلير عشان مايزعل
ويقوم يفكني بي نبله كاالتي يعدون لها في البورد
النااااس الشريرييين اوي

واوافق

سلام مربع

بلييير

على الدوام يجب ان نشد على يد
من يجتهد في فكره وفي تخطيطه
بغض النظر عن حجم هذا العمل
الذي قام به
فصلاحه او عدمه هذا ايضا يحسب
للمجتهد وليس عليه
لانه ايضا في الحالتين سوف يطلع كسبان
له في الحالتين منا شكرنا الجزيل
على مجهوده
ومن الله الثواب العظيم

اختلف شويتين كده
وحتة صنغونه في
خانة الذين لا يستفيدون ولا يفيدون
وفي نفس الوقت
اوافق وبمساحة مربعه
على ماجاء في المسالة نفسها التي اختلفت
من شوية فيها معاك
والدليل صحة هذا ان الجميع
كتب وسيحاول ان يكتب لينفي
عدم انتماءه لهذه الطبقة
المشئومه
وانا اكيد منهم والدليل على ذلك
تركي لكل ماجاء في مشروع الدراسة
والتشبعط فقط بتلك النقطة الماراكبه عدلها

ارتيجا

دا اذا ما كانوا
غطسوا حجرك بالفعل
هاهاهاهاه
امازحك يارجل
ابو حراز عسل
وكمان بلير عشان مايزعل
ويقوم يفكني بي نبله كاالتي يعدون لها في البورد
النااااس الشريرييين اوي

________________
شكيتكم على الله يابوش وبليير وصدام

اروتيقا
يا اخوى ما تدينى كلمتين مدايح...لزوم رفع المعناويات
امسك في كلام اخوي الشيخ ابوحراز وكلامى قوى...وخت فى بطنك بطيخة صيفية لان النتيجة مضمونة مية فى المية...وانشاءالله ما حنخزلك
تعرف اجمل تعليق سمعتوا من بعض ظريفات البورد
انوا بليير يزعل في ناس البورد ببوساتوا وابوحراز يضحكهم ببوساتوا
المهم
كلنا عيال البورد
لك الحب و الود

شيرى
بفتش لى في كلمة حلوة اختوا قدام اسمك...المحترمة او العزيزة...اخيرآ عجبتنى كلمة الشيخة شيرى
وكلمة شيخة ليس باب التكبير لاننى على قناعة انك بعيدة عن ذلك...لكنه من باب الاحترام والتقدير كما هو عند اهل الخليج
ما قلتى لى الحتة الصخنونة دى ايه

Quote: والدليل صحة هذا ان الجميع كتب وسيحاول ان يكتب لينفي عدم انتماءه لهذه الطبقة المشئومه

ودا غايتنا المنشودة

Quote: فصلاحه او عدمه هذا ايضا يحسب للمجتهد وليس عليه

انشاءالله ربنا يرضى عنا والناس تقبل منا
كويس انك قلتى انا كمان عسل والا كنت حازعل
شعارك الجديد يجنن..بوش وبليير عرفناهم فى البورد....بس صدام يطلع منو
خلصى الدراسة اول والباقى ملحوق
شكرآ لكلماتك المشجعة
وربنا يحقق امانيك ياشيخة

الله يجازي محنك يابلير
الحق بي سرعة أشطب الكلمة الكتبتها دي
قال بوساتو قال
يازول عاوز تعمل لينا مشكلة مالك
انا خشمي دا قاعد أشرب بيهو وأتكلم بيهو بس


غايتو لو في واحدين قراوا البوسات دا
انا غايتو عافي ليهم
اها شوف ليك طريقة إنت خارج بيها نفسك

والله سبحان الله
بعض الأخطاء المطبعية مرات بتودي السجن عدييييييييييل

قال بوساتو قال

ابوحراز
قربتا تفقعنى من الضحك
يا اخوى اجيك بالباب الوراء عشان ما زولن يسمعنى
تقوم تعلى صوتك والجيران يسمعوا

قنبتا اعاين للكلمة الشرطتنى بيها من الضحك واعاين فى صورتك...واتخيلك بتشرب مديدة حلبة
قلتا امسح الكلمة ...لكن الكل شافوها
عشان انت الوريتهم لازم تحلنى منهم
وكان فيها السجن...جهز حالك محامى

العزيز بلـير
هنـاك تصنيـف رابع شايفك اغفلت عنه وهى فئـة الذين يشجعون اللعبة الحلوة.
الفئـة دى واخوك واحد منهم هى فئـة عايشـة بالأيجار يعنى هى فئة دايرة تتصعد للدورى الممتاز او الفئة الأولى حسب تصنيفك انت او تصنيف الفيفا فالحالة واحدة لكن مالاقين طريقة للأشتراك بسبب قيود الكوتش بكرى وبالتالى فمافى لينا طريقةللواحد يدخل على الحبايب فى
البورد الا من خلال اشتراك اخ او اخت يكونوا متسجلين من بدرى
اها ياأخ بلير زى ديل لغاية متين يكونوا قاعدين على المشتركين فى قلوبم؟
اخوكم من المدرجات قـلقـو

الاخو اللابس ملابس كوفى
اقدر فيك حبك للبورد
لو كان في ديقراطية تسجيل في البورد...لكنت في داخلها الان
لكن...مسالة التصعيد والتسجيلات فى يد رئيس البورد
وفي اخر تصريح له قال: ان الامكانيات لا تسمح
والعجيب ان كل يوم يظهر عضو جديد
سجلوا بياتوا امكانيات ما عارف
المهم
طول بالك
او
شوف لك فكى كارب
وحتتسجل

الأخ بلـير
الأنطـون جـاهز لكـن التكالـيف عليـك مش دى شـورتك ؟
اخوك قـلقـو

اللابس بدلة كوفى
انت داير لك انطوان خبرة
من البقولوا اسا ايسا
واخوك رقبتوا سدادة
اقول لك فكرة
نزل بوست بموضوعك دا
عشان نعرف راى ملك البورد
في موضوع تسجيلك
وبعدين نشوف شغلنا
لان الحكاية ما داخلة دماغى
ناس بقولوا لهم لا
وناس بسجلوهم

الأخ كوفي
ديل ما بتاعين الروابط ,,,ما عندهم اي طريقة ,,, يعاينو بس,,و يموتو بس
لا ينفع معاهم الجزئ الأول ولا الثالث من كيف تربح المليون
ما يسمعنا جورج أرداحي ويرفع علينا قضية ويزوغو مننا ناس بلاير وابو حراز

newbie
ماتخوف الراجل ساكت
ابوحراز قدام وانا بوراهو
ماتقول لى ارداحى ولا المليون
زوغة شنو البنزوغا
شكرآ علي ظرافتك