Post: #1
Title: هذه الصورة لو لم تكن فوتوغرافية لظننت انها تعود الى القرون المظلمة !!
Author: jini
Date: 04-06-2005, 11:19 PM
Parent: #0
فيذهب هؤلاء القصابون الى الجحيم وليس لاهاى فحسب
جني
|
Post: #2
Title: Re: هذه الصورة لو لم تكن فوتوغرافية لظننت انها تعود الى القرون المظلمة !!
Author: atbarawi
Date: 04-06-2005, 11:44 PM
Parent: #1
أبلغ من أي تعبير يا عزيزي
وكله يتم باسم المقدس وفي اطمئنان تام0
|
Post: #19
Title: Re: هذه الصورة لو لم تكن فوتوغرافية لظننت انها تعود الى القرون المظلمة !!
Author: jini
Date: 04-08-2005, 09:06 AM
Parent: #2
Quote: أبلغ من أي تعبير يا عزيزي
وكله يتم باسم المقدس وفي اطمئنان تام0 |
وتقربا الى الله زلفى
جني
|
Post: #3
Title: Re: هذه الصورة لو لم تكن فوتوغرافية لظننت انها تعود الى القرون المظلمة !!
Author: nasiradin
Date: 04-06-2005, 11:57 PM
Parent: #1
جنى اخوى
سلامات
يا راجل هل بتصدق انو انا اسسسسسسع دى ممكن اعمل ليك دبلجه لى صوره زى دى بالكمبيوتر .. دى أولا
اسع ديل هم زاتم منو
و قصتم شنو زاتوا !!!
شنو طوالى شبكتنا لاهاى و ما لاهاى و الوتو الخماسى الموضه الرنانه دى
و ديل يا اخوى مقطعين من خلاف يعنى عملوا خطأ ان كانت الصوره حقيقيه
لانو التقطيع من خلاف ده معناهو قطاع طرق و و الله انا ما بدافع عن بنى ادم
وقف الناس الراجعين من ليبيا بعد تعب سنين
واكل اموالم بالباطل بالنهب المسلح ولا خلاص الناس نست النهب المسلح
و العملو فى الناس عليك الله اسأل الناس المشت دارفور قبل سنتين تلاته
يا اخوى انا لا عاجبانى الحكومه ولا المعارضه
لاكن بحكم بالمنطق
تحياتي ... ناصر البطل
|
Post: #4
Title: Re: هذه الصورة لو لم تكن فوتوغرافية لظننت انها تعود الى القرون المظلمة !!
Author: omar ali
Date: 04-07-2005, 00:15 AM
Parent: #1
Quote: يا راجل هل بتصدق انو انا اسسسسسسع دى ممكن اعمل ليك دبلجه لى صوره زى دى بالكمبيوتر .. دى أولا
اسع ديل هم زاتم منو
و قصتم شنو زاتوا !!! |
هؤلاء صدرت ضدهم احكام موجودة في السجلات الرسمية والصحف
بالقطع من خلاف علي اعتبار انهم قطاع طرق ايام كان نظام
الجبهة الاسلامية يطلق علي ثوار دارفور صفة قطاع طرق وقبل
ان يجلس معهم للتفاوض صاغرا .
حتي لو كانوا لصوص وقطاع طرق فهذه عقوبة همجية وحشية
يجب ان تجد الاستهجان من الانسانية المتحضرة.
| Quote: يا راجل هل بتصدق انو انا اسسسسسسع دى ممكن اعمل ليك دبلجه لى صوره زى دى بالكمبيوتر .. دى أولا |
وعلي كده المسيرية المليونية!!!!معموله بالكمبيوتر
| Quote: يا اخوى انا لا عاجبانى الحكومه ولا المعارضه |
|
Post: #5
Title: Re: هذه الصورة لو لم تكن فوتوغرافية لظننت انها تعود الى القرون المظلمة !!
Author: nasiradin
Date: 04-07-2005, 00:39 AM
Parent: #4
يا مان
Quote: حتي لو كانوا لصوص وقطاع طرق فهذه عقوبة همجية وحشية
يجب ان تجد الاستهجان من الانسانية المتحضرة |
يا مان انا اساسا ما بؤمن بالانسانيه الخاوية المضمون الكل حديثه عن الجنس و السياسه و الشذوذ ووو لانو الكون فى نظرى فيو حاجات اهم من ال...
| Quote: يطلق علي ثوار دارفور صفة قطاع طرق |
قد و قد يوجد ثوار دارفور و انا مقتنع بانه قد يوجد من لديه قضيه هناك
و لكن يوجد قبلهم و بينهم قطاع طرق و نهب مسلح
لن تستطيع ان تغير التاريخ يا عزيزى
هذا هو الفرق بيننا انا انظر للموضوع بحياديه
| Quote: وعلي كده المسيرية المليونية!!!!معموله بالكمبيوتر |
كلام صاح
المسيره ممكن تكون مدبلجه
و الصوره دى مدبلجه
و انا زاتى مدبلج... اسع انت عارفنى منو ولا انا عارفك ما اهو كلو كلام كلام
و البورد ده سايبيرى يا فرده عشان كده ما تزعل روحك
قول كلامك وانا بقول كلامى
تحياتي ... ناصر البطل
|
Post: #9
Title: Re: هذه الصورة لو لم تكن فوتوغرافية لظننت انها تعود الى القرون المظلمة !!
Author: Mohamed Suleiman
Date: 04-07-2005, 01:10 AM
Parent: #5
Quote: قد و قد يوجد ثوار دارفور و انا مقتنع بانه قد يوجد من لديه قضيه هناك
و لكن يوجد قبلهم و بينهم قطاع طرق و نهب مسلح |
يا ناصر البطل
في قطاع طرق و نهب مسلح أكبر من أبطالك التلبو في أكبر الاسلحة "دبابات" و سرقوا شعب
كامل و دولة بحالها. عمولة الواحد في صفقة واحدة بتاعة بترول 15 مليون دولار أمريكي؟
و تقول لينا شقي سنين في ليبيا؟ و مال شقي شعب كامل أكتر من 16 سنة بتقيسه كيف؟
ثورة دارفور أهلها دفعوا ثمنها بدمهم و ذويهم عشان يتخارجوا من الزيك و أن شا الله ماتلمنا معاكم دولة و لا بلد.
سئمنا من النغمة الخبيثة هذه التي دائما تلجأ الي تصوير ثوار دارفور بأنهم قطاع طرق.
أنتو من زمن الأنجليز سرقتوا عمرنا .. سرقتوا حياتنا .. سرقتوا شباب أجيالنا و كانوا وقودا لتصفية خلافاتكم .. في الآخر تتلموا علي بعض "بسلامتكم" .. وردي علي البشير علي النميري علي الميرغني و تهنو بعض علي "قرض" ثلاثمائة الف دارفوري.
ما ياهو بلايين البترول دي م كلها منهوبة ... شفت ليك شايقي و لا جعلي و لا دنقلاوي مصورنو زي الفوق ديل - قطع من خلاف؟
زيك ده البخلينا نتمسك بحقنا للآخر.
حتدفعو الثمن قصاد أي روح راحت في دارفور.
حتدفعو التمن قصاد أي أنسان شرد من بيته.
حتدفعو ثمن أي جريح و معوق و مروع في دارفور.
حتدفعو تمن أي بيت حرقتوه في دارفور.
حتدفعو ثمن أي جريمة أرتكبت في دارفور.
تعويضات أهل دارفور ستتضاءل أمامها كل التعويضات الأخري .. لوكربي ..هولوكست...العراق.
لا يهم و لو رهن كل ما في باطن و ظاهر أرض السودان و لو لألف عام.
لاهاي هي البداية فقط ... البداية فقط.
و لا تجدي مسيرة مليونية أو بليونية ... ستدفعون الثمن.
لا يجدي الأستجداء بأسم الوطن ... و نسيان الماضي ... فأنتم مازلتم تروننا ..ناس نهب مسلح
برطعو .. هددو .. أقسمو... طلقو ... ما حنخليكم ... و في رقابكم ليوم الدين
العملتو فينا حنخلصو منكم ... واحد واحد ...بعد شهر ..بعد سنة .. بعد قرن .. حنخلصو.
|
Post: #10
Title: Re: هذه الصورة لو لم تكن فوتوغرافية لظننت انها تعود الى القرون المظلمة !!
Author: nasiradin
Date: 04-07-2005, 01:42 AM
Parent: #9
| Quote: عشان يتخارجوا من الزيك و أن شا الله ماتلمنا معاكم دولة و لا بلد |
طيب ياخى شدو حيلكم شويه و زيدو الحرب و انفصلوا و دعواتنا معاكم
بالتوفيييييييييييييييييييييييييييييييييييييييييييييييييييييييق
| Quote: وردي علي البشير علي النميري علي الميرغني |
طبعا بدون تعليق ... اسع وردى مالو ...
By the way. I'm also from the WEST SUDAN
Another Truth just for U & U only i'm not shaygy,Gaaly or donglawy
شفت كيف ما كل الناس مقتنعين بى فكرتك
شفت كيف الانترنت
ماهى الممكن تخليك تحكم صاح ... لسع بدرى عليك اتعلم لسع.. و اعرف كيف تتقبل الراى الاخر
تحياتي ... ناصر البطل
|
Post: #6
Title: Re: هذه الصورة لو لم تكن فوتوغرافية لظننت انها تعود الى القرون المظلمة !!
Author: omar ali
Date: 04-07-2005, 00:47 AM
Parent: #1
| Quote: يا مان انا اساسا ما بؤمن بالانسانيه الخاوية المضمون الكل حديثه عن الجنس و السياسه و الشذوذ ووو لانو الكون فى نظرى فيو حاجات اهم من ال... |
شنو الجاب هسع الجنس والشذوذ وال...
| Quote: انا اساسا ما بؤمن بالانسانيه الخاوية المضمون |
هل الانسانية الملئية المضمون هي قطع الاطراف
كلام ما راكب عدل
|
Post: #7
Title: Re: هذه الصورة لو لم تكن فوتوغرافية لظننت انها تعود الى القرون المظلمة !!
Author: nadus2000
Date: 04-07-2005, 01:00 AM
Parent: #6
Quote: هذا هو الفرق بيننا انا انظر للموضوع بحياديه
|
|
Post: #11
Title: Re: هذه الصورة لو لم تكن فوتوغرافية لظننت انها تعود الى القرون المظلمة !!
Author: nasiradin
Date: 04-07-2005, 02:02 AM
Parent: #6
اها كده كيف...
يا أخوانا انتو الا الزول يكون رايو من رايكم يا مان انا ده راييى انتو زعلانين مالكم
و الله ضحكتونى ... حاجه تحير
| Quote: هل الانسانية الملئية المضمون هي قطع الاطراف |
يا عزيزى راجع كلامو قال الانسانيه المتحضره و الكلمتين مع بعض زاتم انا عندى فيهم راى لانو كان ممكن يقول الانسانيه و يسكت او يقول العالم المتحضر بس عشان بعد شويه ما تقول لى عرف الانسانيه و اقول ليك عرف التحضر و نخش فى جدل سفصطائى و انا ما عندى و كت راجع تاريخ الاشتراك مع عدد المشاركات دايما بحب اتكلو فى حاجه مفيده
معليش التعديل ده عشان الصوره
تحياتي .... ناصر البطل
|
Post: #8
Title: Re: هذه الصورة لو لم تكن فوتوغرافية لظننت انها تعود الى القرون المظلمة !!
Author: مريم بنت الحسين
Date: 04-07-2005, 01:08 AM
Parent: #1
جنّي.. تحياتي
كل من يرى هذه الصورة ولا يطرف له عين حريّ به أن يشكك في انسانيته ويبحث له عن انتماء سوى الإنسانية...
الشريعة التي طبقها نميري باطله باطله باطله لأنه استغل الدين اسماً وطبقها على الفقراء والمساكين... وهرب من حكمها أولاد الجاه والمال والمحسوبيه...
بنت الحسين
|
Post: #12
Title: Re: هذه الصورة لو لم تكن فوتوغرافية لظننت انها تعود الى القرون المظلمة !!
Author: nasiradin
Date: 04-07-2005, 02:15 AM
Parent: #8
| Quote: كل من يرى هذه الصورة ولا يطرف له عين حريّ به أن يشكك في انسانيته ويبحث له عن انتماء سوى الإنسانية... |
و الله برضو راى الواحد ممكن يختو فى الاعتبار ... بين قوسين يجوز نقطه و ابدأ فقره جديده من بداية السطر اترك مسافة بوصه و اكتب التالى
| Quote: الشريعة التي طبقها نميري باطله باطله باطله لأنه استغل الدين اسماً وطبقها على الفقراء والمساكين... وهرب من حكمها أولاد الجاه والمال والمحسوبيه... |
كلام صاح ... متفقين تماما و ازيد عليهو كمان انو البشير و الجبهه تاجروا باسم الدين و انو الصادق المهدى هو سبب الانحنا فيهو و انو الميرغنى اخير يرجع لسجادتو و انو قرنق زول بتاجر باسم القضية ... مافى معلومه جديده
تحياتي ... ناصر البطل
|
Post: #13
Title: Re: هذه الصورة لو لم تكن فوتوغرافية لظننت انها تعود الى القرون المظلمة !!
Author: Yasir Elsharif
Date: 04-07-2005, 02:17 AM
Parent: #1
تحياتي يا دكتورنا العزيز جني..
ما هي دلالات بقاء قوانين سبتمبر التي فرضها النميري وما زالت باقية حتى الآن تحت مسمى قانون 1991 الجنائي؟؟
دلالاتها أن الحكومة تستطيع أن تحاكم معارضي "الدولة" "الإسلامية"، وبخاصة الذين يحملون السلاح ضدها، أو الذين يؤيدون محاكمة متهمي دارفور في المحكمة الدولية بلاهاي، بأنهم يحاربون الله ورسوله.. وما هو جزاء الذين يحاربون الله ورسوله؟ إنهم يقولون أنها موجودة في الآية الكريمة:
إِنَّمَا جَزَاء الَّذِينَ يُحَارِبُونَ اللّهَ وَرَسُولَهُ وَيَسْعَوْنَ فِي الأَرْضِ فَسَادًا أَن يُقَتَّلُواْ أَوْ يُصَلَّبُواْ أَوْ تُقَطَّعَ أَيْدِيهِمْ وَأَرْجُلُهُم مِّنْ خِلافٍ أَوْ يُنفَوْاْ مِنَ الأَرْضِ ذَلِكَ لَهُمْ خِزْيٌ فِي الدُّنْيَا وَلَهُمْ فِي الآخِرَةِ عَذَابٌ عَظِيمٌ (33)
وقد استخدموها في التنكيل بمعارضيها من حاملي السلاح في دارفور في يوم من الأيام وهذه صورة التي أوردتها أنت هنا هي أبلغ دلالة على إرهابهم بإسم الدين..
وهذا سيحدث لا محالة لجميع معارضي الحكومة سواء كانوا من حزب الأمة أو من مؤتمر البجا أو من غيره.. وقد رأينا بالأمس كيف منعت الحكومة حزب الأمة من الاحتفال بذكرى الانتفاضة واعتقلت بعضهم وضربت الرصاص، وأحاطت بدار حزبهم، ثم حظرت نشاط حزبهم..
ليت الجميع يفهمون دلالة مطالبة الاستاذ محمود بإلغاء مثل هذه القوانين قبل 20 سنة و 76 يوما من هذه الذكرى التي كان حزب الأمة يحاول الاحتفال بها..
ولكن لحسن الحظ فإن المجتمع الدولي لن يسمح لمثل هذه المهازل التي تفعلها الدول الفاشلة أن تستمر.. ولن تجدي النظام تنازلاته الأخيرة التي صرح بها وزير خارجيته ودعمها وزير خارجية النظام الفرعوني المصري والتي تقول بأن السودان مستعد للتعاون مع المحكمة الدولية لمحاكمة المجرمين بالسودان.. يا للسذاجة.. أول سؤال للوزيرين الهمامين: ما هي القوانين التي ستحاكمون بها هؤلاء المتهمين؟؟ ثاني سؤال: إذا كانت حكومة لا زالت تحظر نشاط أكبر الأحزاب السياسية وهو حزب الأمة فهل يثق بها أحد .. ثالث سؤال: هل تستطيع حكومة جمعت الدبابين والإرهابيين الملثمين في مسيرة هتف فيها الأمين العام للحزب الحاكم بصورة حمقاء "خائن خائن يا عنان" "عميل عميل يا عنان" وله سابقة أخرى وصف فيها السيد كوفي عنان بالـ "خائب"، هل تستطيع مثل هذه الحكومة أن تقنع مجلس الأمن بأنها حكومة محترمة تحترم القوانين..
ليس هناك من مخرج لهذه الحكومة سوى أن تعلن تراجعها عن هذه القوانين، ثم تقبل بوجود قانوني محمي للأمم المتحدة داخل السودان يشرف على تكوين حكومة وطنية تمسك بالبلاد ريثما يتأهل البلد لإقامة إنتخابات حرة نزيهة..
أشكرك يا أخي العزيز عمر عبد الله على إيراد فيديو حديث الأستاذ محمود في المحكمة قبل أكثر من عشرين عاما، فقد ظنت حكومة نميري ومعها قوى الهوس الديني بجميع صوره واشكاله، أنه ما أسهل التخلص من الأستاذ محمود وتغليف الأمر بمسألة الردة عن الإسلام.. كما يحاول المهوسون إيهام السودانيين بذلك حتى يومنا هذا، وهذا البورد يشهد، والإرهابيون قد قالوها في هذا البوست، فهل يستطيعون أن يحكموا على الأستاذ محمود مرة أخرى ويقتلوه.. أم أنهم سيتجهون إلى ذبح آخر؟؟ هذا ما ستكشف عنه الأيام
وعاش الإنسان السوداني حرا من التضليل ومن الإرهاب ومن الظلم..
|
Post: #14
Title: Re: هذه الصورة لو لم تكن فوتوغرافية لظننت انها تعود الى القرون المظلمة !!
Author: omar ali
Date: 04-07-2005, 05:54 AM
Parent: #1
Quote: يا أخوانا انتو الا الزول يكون رايو من رايكم يا مان انا ده راييى انتو زعلانين مالكم
و الله ضحكتونى ... حاجه تحير |
يا مان ما مطلوب منك تكون راديو زينا بس تكون صادق مع نفسك ومع
الاخرين...خليك واضح..والواضح ما فاضح..انت بتدافع عن نظام الحبهة
الاسلامية وعشان تمرر كلامك بتقول انك ضد النظام والمعارضة ودي لعبة
قديمةانكشفت زماااان..واحد بيدافع عن قطع الاطراف اكيد انه ضد
الديمقراطية والانسانية.
|
Post: #15
Title: Re: هذه الصورة لو لم تكن فوتوغرافية لظننت انها تعود الى القرون المظلمة !!
Author: nasiradin
Date: 04-07-2005, 06:49 AM
Parent: #14
| Quote: و أن شا الله ماتلمنا معاكم دولة و لا بلد |
يا حليو
الحق صاحبك الفوق اسمو مين ده
الكلام المعلم بتشديد اللام ده بتاعو مااااااا بتاعى انا
و يا غالى انت مشكلتك انك ما قادر تتصور انو فى ناس كل الحاصل ده ما عاجبم
و دى مشكلتك انت ما مشكلتى انا حلهه مع روحك
يعنى يا كوز يا معارضه ابيييييييييييييييييت ما داير
راحة نفسى و تعب الحاسى بى
تحياتي ... ناصر البطل
|
Post: #16
Title: Re: هذه الصورة لو لم تكن فوتوغرافية لظننت انها تعود الى القرون المظلمة !!
Author: jini
Date: 04-07-2005, 07:17 AM
Parent: #1
Quote: اسع ديل هم زاتم منو
و قصتم شنو زاتوا !!!
|
دي اوركسترا التلفزيون!
دكتور المليح
دكتور جني هذا اللقب خلعه على العم شوقي بدري ضمير ام درمان وسجلها المدني وهي دكتوراة فخرية لا يثاب حاملها ولا يعاقب تاركهاولا تسمن ولا تغني من جوع
ياعزيزي
نحن في زمن قضاة مكسيم همهم كسرالعظم وفرم اللحم! ولو صدقوا مع انفسهم او خالقهم
لامتنعوا عن تطبيق العقوبات ورضوا بها ذنوبا يستغفرون منها ولكنها هي السوداوية والتشفي
وغلوالانفس المريضة التى حرمت ذائقة الحقيقة والرحمة والحب وجمال الخلق والخلقة
جني
|
Post: #17
Title: Re: هذه الصورة لو لم تكن فوتوغرافية لظننت انها تعود الى القرون المظلمة !!
Author: nasiradin
Date: 04-07-2005, 07:59 AM
Parent: #16
كلام جميل و الله
فعلا الكان فى التلفزيون ده مسخره
و فعلا كل مجرم لازم ياخد جزاءه ... متفقين و الله
و فعلا ناس الجبهه لازم يعاقبوا على جرائمهم و خاصة قتل 29 ضابط فى يوم الوقفه نقطه و نواصل
و فعلا نشروا الفساد فى البلد
و اتفق معك ان تاتى انتفاضه و اول ما يجب ان نعمل
هو ان نطبق من اين لك هذا؟
وا وا وا ده هوا الكلام المنطقى
لكن تقولوا لى ناس النهب الانا بعرفم ثوار و ما ادراك ما ابطال و شنو شنو لا و الله انا
زول عاقل و بعرف المنطق من الما منطق
مع اعترافى التااااااام بان اهلى بدارفور متضررين
و ان منهم من له قضيه فعلا
و لكن ليس هذا هو الحل فمن تضرر الان هم اهلى بدارفور ليس سواهم
فالناس فى كل انحاء السودان لا يعرفون حتى هل توجد حرب هناك ام لا؟
و اعترف ايضا كما اعترفت سابقا
ان على الحج و الترابى وا وا وا هدفهم شخصى و ليس دارفور
اذن فلا ندع عواطفنا تقودنا هكذا
فلابد من تحكيم العقل و المنطق
العقل و المنطق فقط و ليس الا
بلا احزاب بلا نفاق بلا نضال زائف و كلام سايبيرى
الشعب و الديمقراطيه و انتفاضة الشعب هى الفيصل و ليس الامم المتحدة و امريكا
فامريكا لم و لن تكون همها مصلحتنا فى يوم كان
Quote: فليس فى السياسه اصحاب دائمون و لا اعداء دائمون
و لكن هناك مصالح مشتركة |
By the way
الانشاء الفى الكوت دى علمونا ليها ايهييييييك فى سنه اولى سياسه و ما ادراك ما اولى سياسه
أو و الله ايام يا زمان
اسمى ناصر
امى مريم
ابويا ميت ... و كان خدرجى
و مره صاحب قهوه فى ركن الوزاره ... مع الاعتزار لهاشم صديق
تحياتي... ناصر البطل
|
Post: #18
Title: Re: هذه الصورة لو لم تكن فوتوغرافية لظننت انها تعود الى القرون المظلمة !!
Author: jini
Date: 04-08-2005, 09:01 AM
Parent: #1
Quote: جنّي.. تحياتي
كل من يرى هذه الصورة ولا يطرف له عين حريّ به أن يشكك في انسانيته ويبحث له عن انتماء سوى الإنسانية...
|
مريم بت الحسين
شكرا للمرور
جني
|
Post: #20
Title: Re: هذه الصورة لو لم تكن فوتوغرافية لظننت انها تعود الى القرون المظلمة !!
Author: Kobista
Date: 04-08-2005, 09:50 AM
Parent: #1
greetings Jini
Such seens are the only few documented ones...there too much hidden crimes happened in specific parts of the country...more will be revealed...
as for the guy leaping around like frisky ferrets..just a wink better than engage
|
|