تمانية وتسعــــــــون في المائة من البورداب يعانون من

الإكتئاب النفسي والدليل على ذلك


خلو البوست من الأخبار السارة
خلو البورد من النكتة و القفشات
الرؤية التشائمية في المستقبل تسود غالبية الأعضاء
إفتقار عدد لا بأس من البورداب لروح الدعابة و المرح كليا
الميل الي العدوانية وسوء الظن بالآخر
سرعة إساءة الفهم والتحرش بالآخر وإهتبال أول سانحة للنيل منه
روح التشفي والشماتةعند بعض البورداب عند تحرش أي عضو بآخر
تقوقع غالبية البورداب أمام الكمبيوتر طوال الإسبوع دون الخروج للتنزه او الزيارات الخارجية.
عدد كبير من الأعضاء يظهر في لائحة الموجودين بدون أن يشارك.
غالبية الأعضاء يفتقرون الى روح المبادرة ويميلون الي الردود والتعليقات السطحية وبث روح الإحباط.
أغلب بروفالات الأعضاء تحمل صور إكتئابية ماعدا كبسيبة.
أغلب توفيعات الأعضاء إكتئابية وعدائية.
روح الهوس الديني و والميل للتكفير السائدة عند بعض الأعضاء والتفكير الدائم في بنات الحور مما يدل على الزهد في الدنيا

وبناتها.
الأعراض النفسجسمية الدالة على القلق و العصاب التي تظهر في الظهور و الغياب المتواتر السريع لبعض الأعضاء في قائمة الموجودين.
الخلافات والفتن والغيبة والنميمة التى سادت بين بعض الأعضاءأبان فترة إزدهار المسنجر مما أدى الي إغلاقه نهائيا.
الرغبة المحمومة في تطبيق الحدود عند بعض الأعضاء تعكس الرغبة المريضة في التشفي والتلمظ عند بتر وقطع أعضاء البسطاء والتشهير بهم وتعكس روح سوداويةأيضا عقدة الإحساس يالذنب ونكفيره في الآخرين
دقيقة أبلع لي حبة بروزاك وأجيكم راجع.
جني

إنتو زعلتوا ولا شنو!

طيب وين 2% الباقين؟
جني

يا جني انا كلامك دا ما عارفوا غايتو كان صاح ولا غلط لكن انا بعاني من الفلس دايما زي ما انت عارف

بالله رايك شنو في صورتي بتجيب شنو دي

اساسي
الكاش سبب الإنعاش.
الفلس مابعمل حاجة بس بضيق الخلق.
جني

جني..
انا غايتو براي 3%

الكناري

صورتك الخايف عليها!
بتجيب الهوا
رجاء

وانتي صورتك بتجيب الهوى

3% ونص وخمسة
جني

Quote: تقوقع غالبية البورداب أمام الكمبيوتر طوال الإسبوع دون الخروج للتنزه او الزيارات الخارجية.

يا جنى انا غايتو عندى اول سبت فى الشهر فى عشاء فى الجامع وبعده فى محاضره دينيه انا بمشى الاقى صاحبتى واتعشى وقبلها اغشى الدكان العربى اجيب لبن البودره والجبنه الدمياطى وعلب الفول
وخلاص ارجع البيت وياها فسحتى والطلعه

بعد داك بكون متقوقعه قوقعه عدوك قدام الكمبيوتر

راوية
لكن البرتامج ما عندك
كان كدي أخير الشويحات
الجامع والفول دأ انتوا حيعتذرلكو لوووووول
جني

Quote: كان كدي أخير الشويحات الجامع والفول دأ انتوا حيعتذرلكو لوووووول

جنى ... الصيت ولا الغنى

بالغت ياجني لكن هسه في ذمتك صورتي دي كئيبة؟؟؟؟؟؟؟
هاهاهاهاها يديك العافية ..

Quote: أغلب بروفالات الأعضاء تحمل صور إكتئابية ماعدا كبسيبة

أخير ليك دي ولا أنزل ليك صورتي الحقيقية؟؟؟
أحبك يا جني

(إفتقار عدد لا بأس من البورداب لروح الدعابة و المرح كليا
الميل الي العدوانية وسوء الظن بالآخر)


دى هى المشكلة الاساسية بتعت البورد

وبعدين أسألك ؟ الحبة المشيت بلعتها وجيت دى حبة بتعت شنو؟

حلفت يمين إلا أقول نكتة في بوستك دا يا جني.. يعني إنتا حتكون أجن مني؟؟

النكتة بتكون سمعتها بدليل ما كتبته لراوية.. وهي عن الواعظ المصري الذي كان يعظ ويدرس الناس في مسجد الخرطوم الكبير، بعد صلاة الظهر، والدنيا رمضان، والفصل صيف.. فقال له السامعون الجيدون "يا مولانا أدعو لينا الله يتقبل صيامنا!!".. فما كان منه إلا أن التفت إليهم قائلا: "إيه؟؟ دا مش يأبل صيامكو وبس! دا يعتذرلوكو كمان!!"..
ياخييييي.. السودانيين ديل ناس أصحاب دور أساسي في الدين..
وهذا هو السبب في الطرفة التالية وهي أن الناس جميعا لما جوا يوم القيامة، الملايكة اختاروا السودانيين طوالي، بدون حساب وبدون غلبة، وقالوا ليهم، إنتو خشوا ساكت، كفاية الصبرتو عليهو في السودان في الحياة الدنيا..

يت منصور
انتوا ما ناس ال 2% ا
بدر الدين شنا
لا أنا كفاية على العفريتة

ود الشريف
لكن الواضح ما فاضح وناقل الكفر ليس بكافر غايتونحن بنومئ من بعيد لي بعيد
ما بنقدر علي سيخ ناس أساسي &ودالريح.
ترهاقا
الشينة منكورة.
جني