لكن ما كترتوها لمن بقت مسيخة ......

حكاية شيلنى واشيلك و راعيني قيراط أراعيك قيراطين و الباصات خد و هات والمبدع و المبدعة و تسلم وتسلمي دا في البورد المفتوح و في الماسنجر شتايم الى أن تم اغلاقه للتحسينات وزي ما قال الأبنودي:
بحبك يا مصر
واحشاني يا مصر
و لمن كلنا بنحبك يا مصر الخراب دا جاء من وين
والماسنجر قفلوه ليه؟
يا جماعة الشكروه قدامو نبذو على رأى المثل والله موش كده؟

جني

خلاص قمت لجنك

كدة كيف ؟؟؟

نبقى زي ناس سودانيت

مرة عملت بوست هناك ودخلت واحدة وكتبت كلام شاعري جميل

وبعد جهد جهيد كتبت كلمتين مجاريا لها ومجاملا

يجي واحد خاشي تووووش ويكتب

برنامج

اشراقة الصبااااااااح

وفي ناس من الصباح شغلتم يقدو

يقدو يقدو لامن عملو غربال

والبري ده خليهو ساي

..
.
شعب اجتماعى
يعشق المجاملات
يتبارى فى منافسة الاتراح والافراح
والتهليل والتصفيق .. بسبب وبلا سبب
ان جاءت الديمقراطية مملنا
وان حكمنا العسكر غضبنا
وان اذلنا الجبهجية اذعنا
فان مرض تبلدينا شاركه الاخوة
وان غاب ودعزة تسائلنا
وأن اختفت تماضر وبناديها و وشرنوبي وبت الجزيرة تعجبنا

ولا أدرى هل هذا محمده ام مسغبة ؟؟
كثيرا أتسأل ؟؟

فهل من مجيب

تحياتى

لو قلنا حاجة حيقولوا : تاني نجيب سيرة البحر

ما قلنا حاجة في المجاملات...لكن عليك الله لاحظ البوست الفاضي


داك ..لمن يرد عليهو الشعب كلو ده معناتو شنو؟؟؟الناس


ما عندها موضوع ولا مجاملة والسلام..

اول مرة اعرف انو الماسنجر قفلو عشان كده؟؟؟لا ياخ ما اظن!!مشاكل وما تعرف تشاكل

سكرا

والله يا تبلدينا المثل القديم بقول اي شئ لو زاد عن حده بنقلب لي ضده والمجامله المفرطه تصبح نوع من النفاق الاجتماعي وتحول دون النقد البناء واثراء النقاش بوجهات نظر متباينه .
لكن توجد حوارات راقيه من غير مجاملات او عدائيه علي سبيل المثال موضوع طرحه ود شاموق والله كان قمه واشترك معه الابن اساسي ومهيره لا استحضر العنوان لكن ود شاموق ابدع في اداره دفه الحوار

في اعتقادي ليست صفات سيئة
ومن المشرق منها باختصار:
تشجيع على مواصلة الكتابة
تحفيذ للتجويد
إضفاء الشعور بأن المخاطب فرد في مجموعة
وأنه مرغوب فيه
وأنه ليس وحده
هناك أعضاء في المنتدى الواحد فيهم يعيش في غرفة وحيدة
باردة
مغلقة
كما أن التشجيع ليس هو الصفة الوحيدة أو المشتركة بين كل الكتابات
هناك نقد قد يوجه من هنا أو هناك
وما يقال من مشارك جديد قد يكفي من أن يقوله كل الناس

لا أمانع في لفت نظر القراء إلى الأشياء الجميلة

والتواضع هو معرفة عيوب النفس وقيمة الآخرين ولا أرى بأسا من إبراز قيمة الآخر وشكره على ما يقدم

وبهذه المناسبة أنا أحب جني مع أني لا أعرفه ولكن عرفت أنه يعشق الحرية ويحب الخير ويكره الشر ولا يغلظ القول لأحد وهذا يكفي. ونفس الشعور أحمله تجاه كثيرين من رواد البورد خاصة الذين كتبوا في هذا البوست، ولا أدع فرصة تمر من غير أن أقول أن دوما تملأني فخرا وتشعرني بأن الحياة تستحق أن تعاش وأتمنى أن أراها في الحياة يوما ما،

هناك اشخاص أحبهم لدرجة بعيدة مع أنني أظهر معارضة لما يقدمون في هذا البورد وأتمنى لو تتاح لي الفرصة لمقابلتهم حتى أستطيع أن أشعرهم بأنني لا أكرههم وإنما أحترمهم وأقدرهم وأحفل بهم..

إنكم لن تستطيعوا أن تسعوا الناس بأموالكم فسعوهم بأخلاقكم.

أجمل تعريف للأخلاق قرأته في أحد كتب الأستاذ محمود يقول فيه:

الأخلاق هي حسن التصرف في الحرية الفردية المطلقة..

وتسلم يا جني

مش بقولو تبسمك فى وش أخوك صدقة
أهو الناس هنا بتلملم فى الاجر
أصلو ياخوى قالو الاجر تلاقيط

دايرة أقول ليك شنو
إنت يا أبو الجنون زولاً رائع بالحيل
ووالله ووحاة النبى ما كترتها ولا دى بتمسخ

أها تسلم كميات يا مبدع

واحدة معرفة قديمة

أخي جني ..
هذه واحدة .. والأخرى وإن جاءت من نفس المنحى وتصب في ذات الصفة المجاملة إلا أنها لا تقل أهمية وتبعث بشيء من الضرر للآخرين ..
إن أهديتني هدية ما، قطعاً يسعدك أن تراني متزيناً بها وإن اجتهدت أيما إجتهاد في إبتداع فكرة أو إثارة موضوع فهو لي وأنا أجزى بالتعليق عنه وبالقطع فإن ذلك سيسعدك .. هذا على سبيل المثال.
ولذا فإن هنالك مساهمات ثرة كثيرة جداً قتلت في مهدها لا لشيء سوى أن مسطرها (ما عنده وجيع) والعكس بالعكس نجد الكثير الذي لا يرقى للمستوى يقتل بحثاً حتى يتساءل هو أي النص .. من أين جاء هؤلاء بهذا الذي ليس فيني !!؟؟.

لست مرجعاً هذه الصرخة لشيء ذاتي فأنا لا زلت أتحسس الدرب ولا أقوى على المطالبة ولا حتى إثراء نقاط لست مبديها ولكن يحز في نفوس الاخوة المشاركين ، بعضهم بالطبع، تجاوز الأغلبية لمساهماتهم دون الالتفات لها أو مطالعتها فقط ولو من جانب العلم بالشيء، هنالك من يقول أنه ليس بالضرورة أن تثرى المساهمات بالحوار وهذه رؤية في اعتقادي جانبها الصواب وإلا لاحتفظ الاخوة المشاركين بمساهماتهم في دفتر خاص بهم للذكرى ولكن الهدف أسمى، فيه روح الفريق والكميون ويتحلى بالصبر في تقبل الرأي والرأي الآخر إضافة إلى قدرة ذلك على تطوير الذات والآخر، والكل يتعلم من أخطاءه والآخرين.

أمتي كم غصة داميةً خنقت نجوى علاكِ في فمي
لامست أسماعهم لكنها لم تلامس نخوة المعتصم

فى فتره من فترات العهود الديمقراطيه التى مرت على السودان -و ربنا يطراها بالخير - كان فيهاالمرحوم عبد الله خليل هو رئيس الوزراء, وحدث ان اثيرت مسالة حلايب التى كان فيها عبد الله خليل متشددا جدا تجاه هذه القضيه فى مواجهة الحكومه المصريه, لدرجة انه اصدر توجيهاته بارسال كتائب عسكريه من الجيش السودانى الى تلك المنطقه , وقيل ان جموع الشعب السودانى خرجت فى مظاهرات عارمه تاييدا له على هذا الموقف, وقد توجهت الى القصر الجمهورى وهى تهتف ( نحن معاك يا عبد الله ) , ( لاتتنازل يا عبد الله ) , فخرج المرحوم عبد الله خليل بعد ان سمع بالهتافات الى شرفة القصر والقى نظره على الجموع التى جاءت لتحيته وتعضيد موقفه فتسائل مندهشا عما يحدث وكان قد نسى موضوع حلايب منصرفا الى اعماله الاخرى والمزدحمه, فقالوا له هذه جموع الشعب السوانى قد خرجت عن بكرة ابيها تاييدا لك فى موقفك الحازم تجاه حلايب , نظر عبدالله خليل مره اخرى للجموع لبرهه قليله ثم التفت عائدا الى مكتبه وهو يقول متعجبا ( عالم ما عندهاش شغله) , انتهى

مع تحياتى يا جنى
اخوك حسن

كان ما عجبني أشرب من البحر ثم اركب أعلى ما فب خيلي و الباب يفوت جمل.
جني

البحر القدامك جميل لكن ماتكملوا كلو
حصينك اصلية بختك لكن دربه كويس قبل ماتركب
اما الباب ظاهر علية مصنوع في ابروف جنب البحر بس ماتخلي فاتح
والجمل حرن







اطلقوا سراح معتقلي زالنجي

شكرا على هذه الهدهدة يا هدهد البورد
جني

الأخ العزيز جنيّ
الف تحية ليك يا حبيب...
والله الجماعة المبدعين جد جد ما قصرّوا معاك فى الرد, أريتوا حالنا...
من خلال ادارتي للموقع أنور كينج...
فبتجى مرّة مرّة كدا رسائل أطراء تجبرك على مواصلة العمل رغم الأحباط المستمر... والصمت موت, والأسواء بعض الرسائل فيها من الككلامم ما يشيب له الرأس...
والله دى من رحمة ربنا علينا المجاملات وشيلنى وأشيلك دى...
فلنحتفى بها ونبتسم ونضحك على الواقع المرّ دا...
لك منى كل الودّ
أخوك أنور





-------------------------
"النصح ثقيل فلا ترسله جبلاً, ولا تجعله جدلاً
الحقائق مرّة ,فأستعيروا لها خفة البيان"

سلام يا ملك
ان ليس ضد التقريظ ولكن ضد الآيغال فيه بصورة ممجوجة تجعل منه شيئا سخيفالا معنى له. الكلمة الحلوة ضرورة مثل التزود بالوقود حتى بالنسبة للزوجين لمواجهة مصاعب الحياة والا اصبحت الحياة عبئا ثقيلا.
جني

سلام جنى

الظاهر انت فاقد شكر ساكت هاك دى

والله البوست بتاعك جميل

يالله تعال من الاخر

راجين منك الكتير


قرنفل

الاخ جني
سلام
والله بالجد في حاجات غريبة جدا
كونوا مايزوروا او يعلقوا علي البوست حق الزول مامشكلة لكن لما حتي تعلق علي بوستات بعض الناس مايكلفا نقسهم حتي يقولوا شكرا ناهيك عن ناس تعاين في تعليقك تشكر سيد التعليق التحتك دا كان ما سيد البوست خلاهو مرة واحدة عشان اسم زول طل فيهو الحاصل شنو والغلط وين والله ماعارفين