Post: #1
Title: بورداب الرياض ... لو سمحتْ ظروفكم ..
Author: ابو جهينة
Date: 08-02-2006, 06:38 AM
تحياتي لكم جميعاً ...
الشوق لكم جميعاً بحر دميرة .. كاسح ..
أها يا جماعة ... بندور نقعد مع بعض و نلم الشمل تاني ..
أكيد في ناس عندها إقتراحات ..
و ناس بتدور تتصافى ..
و ناس عندها أفكار جديدة ..
و في أعضاء طولنا ما شفناهم ..
و بعد إجازة الصيف دي في حاجات شفناها هناك عاوزة مفاكرة و مدابرة مع بعض.
أهل يا أخوانا ... حميميتكم اللتْ زمان مطلوبة ..
المكان حق اللمة معروف ..
أنا بقترح إستراحة الجرادية حقت رمضان .. إستراحة رخيصة و واسعة ..
العوائل بقترح يلتزموا بما تجود به المطابخ ..
العزابة حنوريهم يعملوا شنو ؟
رأيكم شنو ..؟؟؟؟؟
الموافق يخش يقول موافق ..
المعارض برضو وجهة نظرو بندور نسمعا هني ..
موعد و مكان الإجتماع دة طبعا متروك للمشاورة ..
و سلام لكم حتى مخرج الراى ..
أخوكم جلال
|
Post: #2
Title: Re: بورداب الرياض ... لو سمحتْ ظروفكم ..
Author: أحمد الشايقي
Date: 08-02-2006, 06:43 AM
Parent: #1
الريس أبو جهينة
أكيد موافــق,
فرصــة من الزمـن تجــود بلقاك يا حبيب
ولقاءهـم جميعا
أحمـد الشايقي
|
Post: #7
Title: Re: بورداب الرياض ... لو سمحتْ ظروفكم ..
Author: ابو جهينة
Date: 08-02-2006, 07:09 AM
Parent: #2
مولانا أحمد الشايقي
سلام بالكوم.
دايما سباق يا مولانا.
خير إستفتاح .. لخير سلسلة من العقد الفريد
تحياتي لحين اللقيا
|
Post: #3
Title: Re: بورداب الرياض ... لو سمحتْ ظروفكم ..
Author: حمزاوي
Date: 08-02-2006, 06:44 AM
Parent: #1
ابوجهينة اخوي
مسكاقمي
الخير على قدوم الواردين
مشتاقين بالحيل
|
Post: #11
Title: Re: بورداب الرياض ... لو سمحتْ ظروفكم ..
Author: ابو جهينة
Date: 08-02-2006, 07:50 AM
Parent: #3
حمزاوي
سلام مربع و شوق
عندي ليك ونسة كتيرة ..
| Quote: الخير على قدوم الواردين |
و عند إستقبال المستقبلين .. كل الخير
أرقد عافية حين اللقاء
|
Post: #4
Title: Re: بورداب الرياض ... لو سمحتْ ظروفكم ..
Author: مصدق مصطفى حسين
Date: 08-02-2006, 06:51 AM
Parent: #1
العزيز أبو جهينه
أولا حمدالله على السلامه ،،
و ثانيا نوافق بشده شدة شوقنا الشديد .
|
Post: #5
Title: Re: بورداب الرياض ... لو سمحتْ ظروفكم ..
Author: عبد الله عقيد
Date: 08-02-2006, 06:54 AM
Parent: #4
معاك يا صاحبي
بس لي رجاء
أن يكون يوم اللقاء (جمعة)
والأمة مجتمعة
(إذا بتريدو)..
بعدين يا ابو جهينة
بيني وبينك انا عندي مشروع قرار
لتعيين صديق الموج (خال بالإنابة).
تمهيدا (لإعادة التصويت)..
وذلك لأن الخال حمزاوي طال عمره
ما عمل لينا أي حاجة لحدي الآن.
مودتي
|
Post: #6
Title: Re: بورداب الرياض ... لو سمحتْ ظروفكم ..
Author: humida
Date: 08-02-2006, 07:02 AM
Parent: #5
| Quote: أنا بقترح إستراحة الجرادية |
استاذنا ابو جهينة ..
معاك علي طول الخط ..
واقتراح استراحة الجرادية مناسب جدا ..
في وسط البلد .. ورخيصة .. وبها قاعتين واسعات ..
ممكن تشيل الناس بكل راحة ..
ونتمني ان يكون الاجتماع يوم الخميس او الجمعة من الاسبوع القادم ..
لانه اتخيل لي نهاية الاسبوع دا قريبة شديدة ( اليوم الاربعاء ) ..
والناس بكون عندها إلتزامات سلفا ..
اقتراح آخر ..
كما طالب الاخوة قبل فترة بحل اللجنة الحالية وانتخاب لجنة جديدة ..
فأتمني من الاخوة البورداب طرح رؤيتهم لعمل اللجنة في هذا البوست ..
وكذلك ترشيحاتهم لأعضاء هذه اللجنة اذا وافق الجميع علي اجراء انتخابات جديدة ..
|
Post: #8
Title: Re: بورداب الرياض ... لو سمحتْ ظروفكم ..
Author: عبد الله عقيد
Date: 08-02-2006, 07:09 AM
Parent: #6
اقترح اللجنة الجديدة تتشكل من 4 أعضاء
جعفر بشير وحميدة وابورزقة واحمد حنين
عشان تبقا زي حكومة الوحدة الوطنية
|
Post: #9
Title: Re: بورداب الرياض ... لو سمحتْ ظروفكم ..
Author: tmbis
Date: 08-02-2006, 07:33 AM
Parent: #8
كلام جميـــل يا ريس أبوجهينة
وحمد الله على السلامة..
..
.
الفات داك نعتبرو كوم يا جماعة .. والجاي حاجة جديدة .. يا اما نتفق على شكل مجموعتنا القديمة بدون لوائح وقيود علشان ما ندخل ي صراعات حلو اللجنة دي وعايزين رئيس جديد .. وندخل في الصراعات الغير مجدية .. يا اما كمان نتفق على اسس واضحة تحكم التجمع دهـ بي شكل مؤسس والناس تكون عارفه بتعمل في شنو .. والمسالة دي طبعا بعيد عن الصراعات الحزبية بتاعت دهـ مؤتمر وطني ودهـ كوز وده شيوعي ..
في الفترة الفاتت انضم للمجموعة نفر خير من الأعضاء واتسعت المساحة وبالمثل في ناس بعدت بسبب التفاصيل التحت تحت الكانت حاصلة وما بعيدة عن الجميع
وما زلنــا يا أبوجهينة نطمع في خبرك اليقين وحكمتك ..ونظرتك البعيدة المدى للمجموعة
|
Post: #26
Title: Re: بورداب الرياض ... لو سمحتْ ظروفكم ..
Author: ابو جهينة
Date: 08-03-2006, 04:03 AM
Parent: #9
عزيزي علاء منصور
تمبس
مشتاقون
| Quote: الفات داك نعتبرو كوم يا جماعة .. والجاي حاجة جديدة |
جبت المفيد و من الآخر
|
Post: #13
Title: Re: بورداب الرياض ... لو سمحتْ ظروفكم ..
Author: humida
Date: 08-02-2006, 08:09 AM
Parent: #8
Quote: جعفر بشير وحميدة وابورزقة واحمد حنين
|
والله لو كان في حاجة ( بتتسفا ) ..
ما بكون عندي مانع ..
بس ياخي ما ممكن يبقى علينا ..
( ميتة وخراب ديار ) .. 
|
Post: #24
Title: Re: بورداب الرياض ... لو سمحتْ ظروفكم ..
Author: ابو جهينة
Date: 08-03-2006, 01:42 AM
Parent: #6
حميدة سلام
Quote: ونتمني ان يكون الاجتماع يوم الخميس او الجمعة من الاسبوع القادم ..
لانه اتخيل لي نهاية الاسبوع دا قريبة شديدة ( اليوم الاربعاء ) ..
والناس بكون عندها إلتزامات سلفا .. |
كلام وجيه
Quote: اقتراح آخر ..
كما طالب الاخوة قبل فترة بحل اللجنة الحالية وانتخاب لجنة جديدة ..
فأتمني من الاخوة البورداب طرح رؤيتهم لعمل اللجنة في هذا البوست ..
وكذلك ترشيحاتهم لأعضاء هذه اللجنة اذا وافق الجميع علي اجراء انتخابات جديدة .. |
أؤيد بشدة
|
Post: #23
Title: Re: بورداب الرياض ... لو سمحتْ ظروفكم ..
Author: ابو جهينة
Date: 08-03-2006, 01:15 AM
Parent: #5
عزيزي جدا الأستاذ عبدالله عقيد
مودتي
Quote: بس لي رجاء
أن يكون يوم اللقاء (جمعة)
والأمة مجتمعة
(إذا بتريدو).. |
بنريد و نص
Quote: بعدين يا ابو جهينة
بيني وبينك انا عندي مشروع قرار
لتعيين صديق الموج (خال بالإنابة).
تمهيدا (لإعادة التصويت)..
وذلك لأن الخال حمزاوي طال عمره
ما عمل لينا أي حاجة لحدي الآن. |
حمزاوي
إنت مقصر تب.
أؤيد ود العقيد
|
Post: #15
Title: Re: بورداب الرياض ... لو سمحتْ ظروفكم ..
Author: ابو جهينة
Date: 08-02-2006, 08:35 AM
Parent: #4
مصدق
سلام و شوق.
أها لما نتقابل في كلاما كتير.
دم بخير
|
Post: #10
Title: Re: بورداب الرياض ... لو سمحتْ ظروفكم ..
Author: عبدالقادر علي عبدالرحيم
Date: 08-02-2006, 07:37 AM
Parent: #1
نبارك اللمة لشوقنا لكم بعد العودة من السودان يابورداب الرياض وخاصة حبيبي ود الباوقة
|
Post: #12
Title: Re: بورداب الرياض ... لو سمحتْ ظروفكم ..
Author: A.Razek Althalib
Date: 08-02-2006, 08:04 AM
Parent: #10
-
جيتاً جيت..
|
Post: #14
Title: Re: بورداب الرياض ... لو سمحتْ ظروفكم ..
Author: humida
Date: 08-02-2006, 08:17 AM
Parent: #12
Quote: يا اما نتفق على شكل مجموعتنا القديمة بدون لوائح وقيود علشان ما ندخل ي صراعات حلو اللجنة دي وعايزين رئيس جديد .. وندخل في الصراعات الغير مجدية .. يا اما كمان نتفق على اسس واضحة تحكم التجمع دهـ بي شكل مؤسس والناس تكون عارفه بتعمل في شنو .. والمسالة دي طبعا بعيد عن الصراعات الحزبية بتاعت دهـ مؤتمر وطني ودهـ كوز وده شيوعي ..
|
دا كلام سليم مية المية ..
اصلو الود تمبس الايام دي قرب يبقى لقمان الحكيم ..
واتخيل لي دا البند الأساسي لهذا الاجتماع .. قبل الونسة وشوفة الناس ..
يا أما تأسيس كيان بلوائح وقيود .. يا اما خلونا نتونس بدون إدارة الحوار وكلام الطير في الباقير دا ..
|
Post: #38
Title: Re: بورداب الرياض ... لو سمحتْ ظروفكم ..
Author: ابو جهينة
Date: 08-04-2006, 04:06 PM
Parent: #12
أبو رزقة
تحياتي
مشتاقون .. فإلى حين لقاء.
تحياتي للأسرة الكريمة
|
Post: #32
Title: Re: بورداب الرياض ... لو سمحتْ ظروفكم ..
Author: ابو جهينة
Date: 08-03-2006, 11:52 AM
Parent: #10
عبدالقادر
| Quote: نبارك اللمة لشوقنا لكم بعد العودة من السودان يابورداب الرياض وخاصة حبيبي ود الباوقة |
ود الباوقة ليهو وحشة و الله
|
Post: #16
Title: Re: بورداب الرياض ... لو سمحتْ ظروفكم ..
Author: معتصم دفع الله
Date: 08-02-2006, 09:28 AM
Parent: #1
سلام يا ريس ..
نبارك هذه الخطوة ..
ومزيد من الإتصال والتنسيق ..
مع الأعضاء الذين لا يتداخلون في المنبر لظروفهم الخاصة ..
فوق إلى يوم هذا اللقاء ..
|
Post: #17
Title: Re: بورداب الرياض ... لو سمحتْ ظروفكم ..
Author: ahmed haneen
Date: 08-02-2006, 11:29 AM
Parent: #1
يا حليل
الخال الأصلي ود قاسم
غاب اب شنب ولعب اب ضنب
تحياتي يا ابو جهينة
|
Post: #18
Title: Re: بورداب الرياض ... لو سمحتْ ظروفكم ..
Author: عمر الفاروق
Date: 08-02-2006, 11:41 AM
Parent: #1
الاستاذ ابو جهينة ..
جينا نقول ليك سلامات وحمد لله على السلامة ..وتهانينا يا زول يا جميل..
تحياتي..
|
Post: #19
Title: Re: بورداب الرياض ... لو سمحتْ ظروفكم ..
Author: البعيو
Date: 08-02-2006, 11:56 AM
Parent: #1
جيدا جيت
اها ندفع لى منو
-----------------
واللجنه يافيها يانفسيها
وعايزنها لجنه شبابيه
معاى
حميده
تمبس
ومعتصم
دكين
الكهن
ريحوا
ولازم تطعموها بالجنس اللطيف
---------------------------
فى انتظار لمتنا
|
Post: #20
Title: Re: بورداب الرياض ... لو سمحتْ ظروفكم ..
Author: عزاز شامي
Date: 08-02-2006, 11:59 AM
Parent: #1
سلامات يا قريبي والف مبروك
بس لو اتلميتوا وانا بعيده انا ما عافية ليكم 
اجلوا الربة دي لغاية ما اجي
|
Post: #21
Title: Re: بورداب الرياض ... لو سمحتْ ظروفكم ..
Author: الصادق خليفة
Date: 08-02-2006, 12:35 PM
Parent: #1
ابوجهينة
الف حمد الله على السلامة يا حبيب والف مبروك للعروسة
حاضرين يا سيد
|
Post: #22
Title: Re: بورداب الرياض ... لو سمحتْ ظروفكم ..
Author: Khalid Saeed
Date: 08-02-2006, 01:11 PM
Parent: #21
الأستاذ/ أبوجهينـــة
حمد لله على سلامة الوصول
منذ أن إنضضمت إلى سودانييز أون لاين وأنا أمني نفسي بلمه كبيرة لبورداب الرياض
أيدك والبركة .. بورداب الرياض ناس جميلين ..
أدهشوني عندما ألتقيت ببعضهم في المناسبات القليلة الفائته . فأنا أجد أشخاص آخرين .. لطيفين .. بشوشين .. كريمين .. وأكثر مايدهشني أجدهم جمعياً يتعانقون وكأن ليس هنالك بوستات دواس بينهم ..
يذكروني رحلاتنا السابقة بالقطار .. فعند ركوبنا القطار تبدأ المشاحنات وهذا مكاني .. وهذا مكانك .. ويكون هنالك شد وتوتر .. وما أن ينطلق القطار ألا وتبدأ الونسة .. ثم مقاسمة الزاد .. وعندما يصل القطار إلى محطته الأخيرة ..تجد الناس تودع بعضعها بالعناق والبكاء ... هذا هو الجمال الحقيقي ..
خالد الأرباب
|
Post: #25
Title: Re: بورداب الرياض ... لو سمحتْ ظروفكم ..
Author: mohamed elshiekh
Date: 08-03-2006, 03:03 AM
Parent: #22
ابو جهينه الف مبروك عديل البنيه
وحمد الله على السلامه
ظروفنا انشاء الله حاتسمح ...
ومعاك ....
|
Post: #28
Title: Re: بورداب الرياض ... لو سمحتْ ظروفكم ..
Author: حمزاوي
Date: 08-03-2006, 05:40 AM
Parent: #1
Quote: بعدين يا ابو جهينة
بيني وبينك انا عندي مشروع قرار
لتعيين صديق الموج (خال بالإنابة).
تمهيدا (لإعادة التصويت)..
وذلك لأن الخال حمزاوي طال عمره
ما عمل لينا أي حاجة لحدي الآن. |
صديق بتاع مين يا اخوي
ماما قالت لي اصلك ما تمشي مع الزول
الاسمو صديق الموج دا
انتو يا ناس ام درمان حكايتكم شنو
الا الواحد يكون من الحلفايا
ومولود في المنشية
عشان تعملوه خال
قرار من الخال
كل واحد يجيب معاه لبان غندور
Quote: يا حليل
الخال الأصلي ود قاسم
غاب اب شنب ولعب اب ضنب |
يا احمد يا حنونه
الظاهر عجبك جلابية وليد شريف
الكنت شاديها منو يوم احتفال قرنق
انت قرنق دا قريبكم
اي مناسبة بتاع قرنق
متسلف جلابية واحد جاي فيها
يا اخوي الجلابية في البطحاء
بـ 40 ريال بس
وما تنسى اللبان
خالكم حمزاوي
لديه مفأجآت
|
Post: #30
Title: Re: بورداب الرياض ... لو سمحتْ ظروفكم ..
Author: Mohamed Abdelgaleel
Date: 08-03-2006, 07:14 AM
Parent: #28
الاخ أبوجهينة .. حيثما درت تدور الفائدة والمعرفة واللمة فشكرا وحاضرين
يا أخي..
الاخ عبدالله عقيد ..
Quote: بعدين يا ابو جهينة
بيني وبينك انا عندي مشروع قرار
لتعيين صديق الموج (خال بالإنابة).
|
الموضوع ده ما ينخليهو أبداً .. ومشروع قرارك ده
إلا توديهو الأمم المتحدة أو غير المتحدة .. إن شاء
توديهو دول عدم الإنحياز .. لأننا نحنا منحازين
لحمزاوي .. وأظنك لم تسمع بمشروع قرار حمزاوي
والذ أصدره بعد أن قالت له مامته ما تمشي مع
الزول الاسمو صديق الموج ده خالص وعليه فق أصبح
القرار سارياً من سماية ود الباوقة وإلى ما
شاء الله .. وهو كما يلي:
((بورداب الرياض .. أسمعوا واعوا أي زول في
بورداب الرياض أنا خالوا من لحظة مغادرة ود قاسم
للرياض .. العاوزني أنا خالو والما عاوزني برضو
أنا خالو .. يسقط صديق الموج ويعيش حمزاوي
صدر تحت توقيع حمزاوي .. بإستراحة سماية علا))
|
Post: #29
Title: Re: بورداب الرياض ... لو سمحتْ ظروفكم ..
Author: ghariba
Date: 08-03-2006, 07:13 AM
Parent: #1
الخال العزيز ابو جهينة
دائما انت صاحب الافكار النيرة
ابارك لك اقتراحاتك وكان المفروض ان اكون مشاركا ولكني بعيدا عن المملكة \
وسيرو على بركة الله
صلاح غريبة - القاهرة
|
Post: #31
Title: Re: بورداب الرياض ... لو سمحتْ ظروفكم ..
Author: معتصم دفع الله
Date: 08-03-2006, 09:51 AM
Parent: #1
Quote: ((بورداب الرياض .. أسمعوا واعوا أي زول في
بورداب الرياض أنا خالوا من لحظة مغادرة ود قاسم
للرياض .. العاوزني أنا خالو والما عاوزني برضو
أنا خالو .. يسقط صديق الموج ويعيش حمزاوي
صدر تحت توقيع حمزاوي .. بإستراحة سماية علا)) |
القرار رقم 666
على الموقعين أدناه العمل بهذا القرار منذ تاريخه وصدوره ..
يلا لي قدااااام ..
|
Post: #33
Title: Re: بورداب الرياض ... لو سمحتْ ظروفكم ..
Author: ود الباوقة
Date: 08-03-2006, 01:16 PM
Parent: #31
العمدة ابو جهينة .. الف حمدا لله على سلامتك ومشتاقين والله كثير ...
Quote: نبارك اللمة لشوقنا لكم بعد العودة من السودان يابورداب الرياض وخاصة حبيبي ود الباوقة
|
اخي الكريم عبد القادر .. حمدا لله على سلامتك ومشتاقين والله وفي انتظار ان نلتقي باذن الله تعالى
العمدة جاهزون بعون الله تعالى وكلنا شوق لمقابلتكم ..
ود الباوقة
|
Post: #34
Title: Re: بورداب الرياض ... لو سمحتْ ظروفكم ..
Author: عثمان سيد أحمد
Date: 08-03-2006, 06:09 PM
Parent: #33
الأستاذ أبو جهينه
حمدلله على سلامتكم
نحن معكم قلبا وقالبا .. عايزين اللمة
ونسعد بلقاء الأحباب بورداب الرياض
وما تنسوا تدعونا
مع مودتي ...
|
Post: #35
Title: Re: بورداب الرياض ... لو سمحتْ ظروفكم ..
Author: welyab
Date: 08-03-2006, 07:08 PM
Parent: #34
بعد تقديم اجمل التبريكات
نقول حاضرين ان شاء الله..
|
Post: #36
Title: Re: بورداب الرياض ... لو سمحتْ ظروفكم ..
Author: ادريس خليفة علم الهدي
Date: 08-03-2006, 07:42 PM
Parent: #35
حضور بإذن الله .. وعلينا السقاية والري
خوالص المحبة
|
Post: #37
Title: Re: بورداب الرياض ... لو سمحتْ ظروفكم ..
Author: عبد المنعم عمر عثمان
Date: 08-03-2006, 08:50 PM
Parent: #1
نحن والموج جاهزين للحضور وللبت فى أمر الخال الجديد إلا إذا أخذها حمزاوى بحقها و إلتزامها والزمن ده مافيش حاجة مجان ،،،،،،،،
|
Post: #39
Title: Re: بورداب الرياض ... لو سمحتْ ظروفكم ..
Author: حمزاوي
Date: 08-05-2006, 01:48 AM
Parent: #1
| Quote: يسقط صديق الموج ويعيش حمزاوي |
محمد عبدالجليل اخوي
انصر دينك ودين دينك
صلاح غربية اخوي
أمال أنا اطلع أيه
أخوي عبدالمنعم عمر حفيد ودحبوبه
يا الزعيم حفيد الزعيم خليك معانا
مع الرطانة انت كاسب طوالي
اما بخصوص حقو
خلاص يا اخوي ما يهمك سامحناك
من صيام رمضان هذا العام
|
Post: #40
Title: Re: بورداب الرياض ... لو سمحتْ ظروفكم ..
Author: معتصم دفع الله
Date: 08-05-2006, 02:39 AM
Parent: #1
سلام للجميع ..
شكراً لهذا التفاعل ..
يلا يا جماعة عندنا اقتراح ..
مساء الخميس القادم ..
أو ..
يوم الجمعة ..
عايزين رأي وتحديد عشان نشوف الخطوة القادمة ..
فووق ..
|
Post: #41
Title: Re: بورداب الرياض ... لو سمحتْ ظروفكم ..
Author: عمران حسن صالح
Date: 08-05-2006, 03:28 AM
Parent: #40
أستاذنا الجميل أبو جهينة
وهل نرفض لك طلباً ؟؟؟؟؟؟؟
حمدلله على السلامة والجمعة دائماً أحسن عشان الخميس ده حاجزنوا ((الأهل)) 
بلاش تخربوا علينا يا معتصم دفع الله 
|
Post: #42
Title: Re: بورداب الرياض ... لو سمحتْ ظروفكم ..
Author: إسماعيل وراق
Date: 08-05-2006, 03:44 AM
Parent: #41
العزيز أبو جهينة
مرحباً بعودتك
وأجمل التهاني لكريمتكم
.
.
الفكرة صائبة رغم أن بورداب الرياض في الفترة أخيرة إجتمعوا لأكثر من مرة..
.
.
أقترح تكوين لجنة من خمس أشخاص على رأسهم صاحب البوست أبو جهينة.. مهامها تحديد المكان والزمان (والدفع ودي أهم نقطة) واشياء أخرى.
.
.
سيروا وعين الله ترعاكم..
.
.
قبل أن أبرح مكاني
لا مساومة في خؤولة حمزاوي فهذا أمر حسم بالطرق الديموقراطية وللتأكيد أنه أمر دونه الرقاب..
|
Post: #43
Title: Re: بورداب الرياض ... لو سمحتْ ظروفكم ..
Author: معتصم دفع الله
Date: 08-05-2006, 04:14 AM
Parent: #41
| Quote: بلاش تخربوا علينا يا معتصم دفع الله |
سلام يا عمران ..
خلاس قولوا يوم الجمعة بس بشرط ..
نطالب بقراصة كاربة ..
وعلى ودالباوقة نفس الطلب ..
اها قصرنا معاكم ..
|
Post: #44
Title: Re: بورداب الرياض ... لو سمحتْ ظروفكم ..
Author: حمزاوي
Date: 08-05-2006, 04:35 AM
Parent: #1
تأكيداً لإقتراح الزعيم ود وراق
| Quote: أقترح تكوين لجنة من خمس أشخاص على رأسهم صاحب البوست أبو جهينة.. مهامها تحديد المكان والزمان (والدفع ودي أهم نقطة) واشياء أخرى. |
أقترح أن يتم تكليف هؤلاء الأعضاء
1 ـ جلال داؤود ( أبوجهينة )
2 ـ اسماعيل وراق
3 ـ المهندس عبدالمنعم عمر
4 ـ عبدالقادر علي عبدالرحيم
5 ـ عبدالرازق الطالب
6 ـ عثمان سيداحمد
7 ـ علاء الدين تمبس
8 ـ معتصم دفع الله
9 ـ طارق نقد
10 ـ أمير الجمري
وطبعاً الأخوان تمبس ومعتصم دفع الله لا نستطيع الاستغناء عنهم في اي عمل ( وبصراحة كدا هم القاعدين يقوموا بكل شئ )
يا اخوان دا مجرد اقتراح من خالكم المعين بالانتخاب الحر النزيه . . حمزاوي
|
Post: #45
Title: Re: بورداب الرياض ... لو سمحتْ ظروفكم ..
Author: welyab
Date: 08-05-2006, 04:50 AM
Parent: #44
لنا ان نناصر الطرح المخول ... حمزاوي ..
هو من اندنــــــــــــــــــا...
|
Post: #46
Title: Re: بورداب الرياض ... لو سمحتْ ظروفكم ..
Author: عبد الله عقيد
Date: 08-05-2006, 07:00 AM
Parent: #45
أين الخال صديق الموج؟
|
Post: #47
Title: Re: بورداب الرياض ... لو سمحتْ ظروفكم ..
Author: ود الباوقة
Date: 08-05-2006, 03:31 PM
Parent: #46
Quote: سلام يا عمران ..
خلاس قولوا يوم الجمعة بس بشرط ..
نطالب بقراصة كاربة ..
وعلى ودالباوقة نفس الطلب ..
اها قصرنا معاكم .. |
والله يا معتصم انتو تستاهلوا الضبح عديل كدا ..
ود الباوقة
|
Post: #48
Title: Re: بورداب الرياض ... لو سمحتْ ظروفكم ..
Author: عثمان سيد أحمد
Date: 08-05-2006, 04:06 PM
Parent: #47
الخال الحبيب حمزاوي
التحية من عندنا ندية
طبعا موضوع الخال دا ما فيهو أي نقاش
لانو كان بالأغلبية الساحقة والتنصيب كان رائعا
روعتكم وروعة بورداب الرياض الذين انت خالهم
ايها الخال أشكر لك ضم أسمي ضمن المقترحين للتحضير
للأجتماع المرتقب لبورداب الرياض ..
ونحن جاهزين .. خالي العزيز
التحية عبرك للرائع أبوجهينة
مع مودتي لكم ...
|
Post: #49
Title: Re: بورداب الرياض ... لو سمحتْ ظروفكم ..
Author: حمزاوي
Date: 08-06-2006, 00:40 AM
Parent: #1
| Quote: أين الخال صديق الموج؟ |
عقيد تم تخفيض رتبتكم إلى شاويش
|
Post: #50
Title: Re: بورداب الرياض ... لو سمحتْ ظروفكم ..
Author: ابو جهينة
Date: 08-06-2006, 01:14 AM
Parent: #49
إلى الأعزاء
أحمد حنين : مشتاقون .. و أخبار خارطة الطريق ؟
عمر الفاروق : نطمع في أكثر من التحايا .. جيتك ضرورية.
البعيو : لا بد بالطبع أن تكون اللمة مملحة .. بالجنس اللطيف
عزاز : إنت وين ؟ شكرا على التهنئة
الصادق خليفة : شكرا على التهنئة
خالد سعيد : شكرا يا رجل يا أصيل.
محمد الشيخ : أكرر الشكر على التهنئة
لؤى الفنان : شكرا على الأغنية. حضورك له نكهة
محمد عبدالجليل : تسلم. و إلى أن نلتقي
صلاح غريبة : تحياتي و أنت معنا قلبا و قالبا
ود الباوقة : قراريصك ريحتا فاحت من حسع دي
عثمان سيدأحمد : شكرا ة نتطلع لرؤيتك
ولياب : شكرا على التهنئة
إدريس خليفة : لقياكم عيد
عبد المنعم عمر : تحياتنا لك
إسماعيل وراق : شكرا على التهنئة. و إقتراحك أرجو أن نرجؤه حتى اللمة .. تسيير اليوم هذا يمكن أن يقوم به الشباب و فيهم البركة.
عثمان سيدأحمد : مشتاقون لرؤيتك
أها يا أخوانا .. موافقين يوم الجمعة الجاية ؟
الما موافق و عندو رأيا تاني يدينا ليهو عشان نطرحو للنقاش هنا.
لو موافقين على الجمعة الجاية و إستراحة الجرادية. أها خشوا إتونسوا ساكت.
معتصم .. نظم حكاية الجباية و كدة.
أرقدوا عافية
|
Post: #51
Title: Re: بورداب الرياض ... لو سمحتْ ظروفكم ..
Author: A.Razek Althalib
Date: 08-06-2006, 02:09 AM
Parent: #50
| Quote: أها يا أخوانا .. موافقين يوم الجمعة الجاية ؟ |
ودالطالب موافق..
بخصوص حمزاوي..
ديمقراطياً حُسم الأمر ونال مرشحنا حمزاوي أغلبية أصوات الحضور..
ولا جدال..
مبروكـ حمزاوي ـ هارد لكـ صديق الموج..
لزم التنويه..
ترقيتي أديها للشاويش (عقيد) يا سعادة الخال..
ومن وين أجيب ليكـ العذر..
|
Post: #52
Title: Re: بورداب الرياض ... لو سمحتْ ظروفكم ..
Author: عبد الله عقيد
Date: 08-06-2006, 07:12 AM
Parent: #51
الخال (بالوكالة) حمزاوي
دا شنو يا خال (بالوكالة)..؟
أنا ما رشحتك.. وفوزتك.. ورفعت يدي الاتنين..؟؟
كِدا يا خال (بالوكالة)..!!
تنزلني لي رتبة شاويش؟؟
دي ما المحرية فيك والله
أها عاد النوريك.. اول حاجة (النصاب) ما كان مكتمل
والعمدة ابو جهينة كان مافيش
ولازم نعيد التصويت تاني..
بس
ابو رزقة
| Quote: ترقيتي أديها للشاويش (عقيد) يا سعادة الخال.. |
تشكر يا حبيب على هذه الروح الرياضية..
أما (الخال بالوكالة) فخلاص انا بقيت في المعارضة.
|
Post: #53
Title: Re: بورداب الرياض ... لو سمحتْ ظروفكم ..
Author: حمزاوي
Date: 08-07-2006, 01:18 AM
Parent: #1
| Quote: أما (الخال بالوكالة) فخلاص انا بقيت في المعارضة. |
سـجـمي
|
Post: #54
Title: Re: بورداب الرياض ... لو سمحتْ ظروفكم ..
Author: معتصم دفع الله
Date: 08-07-2006, 02:02 AM
Parent: #1
سلام للجمــــيع ..
وصباحكم خير ..
لسه ما شفنا رأيكم في يوم الجمعة القادم يا جماعة ..
يلا أدونا إقتراحكم بسرعة عشان اليوم الإثنين ..
وفي بعض الأعضاء الأساسيين بعيدين عن المنبر ..
نحاول نتصل عليهم وأي واحد ممكن يكلم "الجنبو" والقريب منه ..
عايزين نتلم ونتفاكر ونتشاور ونكون لجنة جديدة تسير العمل ..
وأخونا مرزوق جاهز ليعطر هذا اليوم بروائعه ..
خلوا البوست دا فووووق ..
|
Post: #55
Title: Re: بورداب الرياض ... لو سمحتْ ظروفكم ..
Author: ابو جهينة
Date: 08-07-2006, 03:08 AM
Parent: #54
الجمعة بعد صلاة العصر حتى بعد صلاة العشاء .
كدة كويس يا جماعة ؟؟؟
في ناس كتار ما خشت.
عل المانع خير
|
Post: #56
Title: Re: بورداب الرياض ... لو سمحتْ ظروفكم ..
Author: Habib_bldo
Date: 08-07-2006, 06:28 AM
Parent: #55
جيناكم يا حبايبنا بعد غربة وشوق
الزعيم أبو جهينة حمد الله على سلامة الوصول وألف مبروك
حاضرين إن شاء الله وربنا يبعد العوارض
إعتقد يوم الجمعة بعد العصر مناسب للجميع
|
Post: #57
Title: Re: الزمان والمكان
Author: humida
Date: 08-07-2006, 11:49 AM
Parent: #56
طيب يا جماعة ..
بعد مشاورات ومداولات ..
تقرر ان الجمعة القادم هو موعد اللقاء ..
بعد صلاة العصر مباشرة ..
استراحة الجرادية - شارع الكهربا - خلف اسواق بن دايل ..
وانشاء الله سيقوم الشفيف الاستاذ معتصم دفع الله بانزال كروكي الموقع ..
والعاقبة عندكم في المسرات ..!!!
|
Post: #58
Title: Re: الزمان والمكان
Author: عبد الله عقيد
Date: 08-07-2006, 11:58 AM
Parent: #57
على بركة الله
موافقين على الموعد الذي تم تحديده
|
Post: #59
Title: Re: الزمان والمكان
Author: جمال هباني
Date: 08-07-2006, 01:13 PM
Parent: #58
ابوجهينة
الف حمد الله على السلامة يا حبيب والف مبروك للعروسة
حاضرين يا سيد
|
Post: #60
Title: Re: الزمان والمكان
Author: ود الباوقة
Date: 08-07-2006, 03:49 PM
Parent: #59
حاضرون ان شاء الله ..
|
Post: #61
Title: جاري وأنا جارو..
Author: ابي عزالدين البشري
Date: 08-07-2006, 05:00 PM
Parent: #1
يلا ورينا عضلاتك، اليوم بس عرفت من تمبس إنو أنا جارك في أم الحمام. يلا ننسق. في ناس كثيرين
عايز أشوفهم و... مادام نحن جيران أحسن نتقابل.
|
Post: #62
Title: يـــاتو نوع من المويـــة؟؟
Author: tmbis
Date: 08-07-2006, 05:09 PM
Parent: #61
اتصل على ..
الزميــل إدريس الخليفة علم الهدى .. وأكد أنو ( المويــة ) عليهــو
بس ما حدد لي ياتو نوع من ( المويــة ) .. ولا العبوة كم لتــر .. ولا السعرات الحرارية كم ..؟
بلاي المهتمين ممكن يزودونــا بالتفاصيل ..
خصوصا أنو الايامات دي الرياض فيها حــر شديد .. وح نحتاج لي كميات كبيرة من ( القوارير )
|
Post: #63
Title: Re: يـــاتو نوع من المويـــة؟؟
Author: ابو جهينة
Date: 08-08-2006, 00:39 AM
Parent: #62
حبيب بلدو : تحياتي و شكرا على التهنئة.
جمال هباني : سلام كبير و شكرا على التهنئة.
أبي عزالدين : جار و نحن ما عارفين ؟ نتقابل بحول الله.
تمبس : فقط قوارير ماركة ( هَنا ) هي المسموح ليها بالدخول. غير كدة إلا بتصريح من ساطور.
|
Post: #65
Title: Re: يـــاتو نوع من المويـــة؟؟
Author: ادريس خليفة علم الهدي
Date: 08-08-2006, 03:46 AM
Parent: #63
الموية ماركة (هنا) ولكم حق خيار العبوات وهي:
660 مل
330 مل
250 مل (كاسات)
محبتي واحترامي
|
Post: #64
Title: Re: بورداب الرياض ... لو سمحتْ ظروفكم ..
Author: مهدى الصادق السيد
Date: 08-08-2006, 01:22 AM
Parent: #1
سلام يااحباب
نحن جاهزين فى المكان والزمان
|
Post: #67
Title: Re: بورداب الرياض ... لو سمحتْ ظروفكم ..
Author: إسحاق بله الأمين
Date: 08-08-2006, 04:17 AM
Parent: #64
الأخ الكريم أبوجهينة
السلام عليكم ورحمة الله وبركاته
مبروك زواج إبنتكم وعقبال تفرح بحفيدكم
الدنيا شن فيها غير لمة تجمع الأحباب تفرح القلوب وتزيل اللوم والعتاب بين الأصحاب
|
Post: #66
Title: Re: بورداب الرياض ... لو سمحتْ ظروفكم ..
Author: عبد السلام أبوشنب
Date: 08-08-2006, 04:17 AM
Parent: #1
اخونا جلال - ابو جهينه سلام و الف حمد الله على السلامه
الجميع سلام من عبد السلام
"الجمعة بعد صلاة العصر حتى بعد صلاة العشاء "
حاضرون ان شاء الله
تحياتى
|
Post: #68
Title: Re: بورداب الرياض ... لو سمحتْ ظروفكم ..
Author: tmbis
Date: 08-08-2006, 05:48 AM
Parent: #66
|
Post: #69
Title: Re: بورداب الرياض ... لو سمحتْ ظروفكم ..
Author: Mohamed Abdelgaleel
Date: 08-08-2006, 05:58 AM
Parent: #68
شكراً يا تامبا يا فنان يا ملتزم
Quote: محمد عبدالجليل اخوي
انصر دينك ودين دينك |
الخال حمزاوي ..
التانية دي ذم يشبه المدح
والله شنو يا أخوانا ..
ينبغي على الأخوال المتصارع
"ضم الميم" حول خؤولتهم
ان يقللوا من المتشابه حمّال الأوجه ..
فالمتشابه في مثل هذه الظروف التاريخية
التي يمر بها الصراع حول السلطة
حرام والانتخابات قدام ..
ولن نصادق غير حمزاوي .. أها .. شنو ليك
|
Post: #70
Title: Re: بورداب الرياض ... لو سمحتْ ظروفكم ..
Author: حمزاوي
Date: 08-09-2006, 01:00 AM
Parent: #1
| Quote: بس ما حدد لي ياتو نوع من ( المويــة ) .. ولا العبوة كم لتــر .. ولا السعرات الحرارية كم ..؟ |
يا ود الاستاذ عايزين موية خالية من ثاني ايدروكسيد النيتروجين وبه مركز رابع ايدروكسيد الكحوليك عبوة لتر ونص . .
| Quote: ولن نصادق غير حمزاوي .. أها .. شنو ليك |
أموت أنا في الحصاحيصا
|
Post: #71
Title: Re: بورداب الرياض ... لو سمحتْ ظروفكم ..
Author: ابو جهينة
Date: 08-09-2006, 01:09 AM
Parent: #70
الأخ العزيز إسحق : تحياتي و مودتي. شكرا على التهنئة. و نلقاكم بحول الله
الأخ العزيز عبدالسلام: مشتاقون .. إلى الملتقى
حمزاوي : حمْلتك الإنتخابية ضعيفة. شايف صديق الموج منقطع للدعاية للفوز بالمنصب. جيب معاك ناس الجمعية.
|
Post: #72
Title: Re: بورداب الرياض ... لو سمحتْ ظروفكم ..
Author: معتصم دفع الله
Date: 08-09-2006, 03:04 AM
Parent: #1
| Quote: أموت أنا في الحصاحيصا |
القلقالة وانت الصادق ..
يا ريس الحملة ماشة كويس ..
ونحن خلف الخال حمزاوي ولن نهادن ..
وسنضرب بيدٍ من حديد ..
يلا يا جماعة ما شايف أي تجاوب ..
الحاضر يكلم الغائب ..
ويوم الجمعة لقاءنا إن شاء الله ..
|
Post: #73
Title: Re: بورداب الرياض ... لو سمحتْ ظروفكم ..
Author: أحمد الشايقي
Date: 08-09-2006, 03:15 AM
Parent: #1
الجمعة الجمعـة..
يا خـال حمــزاوي,
مـا عـنـدك ( وعــود ) إنتخـابـيـة ؟؟؟
مشـاكـل العضــويــة , وكــدا...
نشــوف البرنامـج .. وتعيـش نجــوم كـرمــة..
أحمـد الشايقي
|
Post: #74
Title: Re: بورداب الرياض ... لو سمحتْ ظروفكم ..
Author: ابو جهينة
Date: 08-10-2006, 01:28 AM
Parent: #73
و هكذا ...
غدا بحول الله نراكم.
العوائل : عليكم بترامس الشاى و بعض القهوة.
الحضور لو أمكن بدري .. يعني الساعة الرابعة عصراً يكون تمام.
نفترض أن كل الذين تداخلوا هنا سيحضرون بحول الله.
ساطور : ال Keyboard تعال طابقو معاك.
خلو البوست دة فوووووووووووووووووق لغاية بكرة.
واصلوا
|
Post: #75
Title: Re: بورداب الرياض ... لو سمحتْ ظروفكم ..
Author: معتصم دفع الله
Date: 08-10-2006, 01:44 AM
Parent: #74
يلا يا جماعة خلو البوست دا فوق ..
نلتقيم غداً بمشيئة الله ..
قيلوا عافية ..
|
Post: #76
Title: Re: بورداب الرياض ... لو سمحتْ ظروفكم ..
Author: ود الباوقة
Date: 08-10-2006, 01:50 AM
Parent: #75
| Quote: العوائل : عليكم بترامس الشاى و بعض القهوة. |
بس الشاي دايرنو كيف ؟؟
بي قرنفل .. ام هبهان .. ولا حمريب .. ام منعنع .. ولا سليقة ساي ..
ود الباوقة
|
Post: #77
Title: Re: بورداب الرياض ... لو سمحتْ ظروفكم ..
Author: ابو جهينة
Date: 08-10-2006, 02:01 AM
Parent: #76
ود الباوقة العزيز
| Quote: بي قرنفل .. ام هبهان .. ولا حمريب .. ام منعنع .. ولا سليقة ساي .. |
جيبو سليقة سااااااااااااااى ..
و جيب معاك حبة قرفة و شوية هبهان و قليل من النعناع و بعض القرنفل ..
|
Post: #78
Title: Re: بورداب الرياض ... لو سمحتْ ظروفكم ..
Author: ود الباوقة
Date: 08-10-2006, 02:07 AM
Parent: #77
| Quote: و جيب معاك حبة قرفة و شوية هبهان و قليل من النعناع و بعض القرنفل .. |
العمدة ابو جهينة .. برضو حا اجيب معاي شوية جوز هند ولوز .. حصل شربت شاي باللوز
ود الباوقة
|
Post: #79
Title: Re: بورداب الرياض ... لو سمحتْ ظروفكم ..
Author: ابو جهينة
Date: 08-10-2006, 02:18 AM
Parent: #78
ود الباوقة أبو النسب
| Quote: برضو حا اجيب معاي شوية جوز هند ولوز .. حصل شربت شاي باللوز |
اللوز دة خطير جدا يا ريس.
لما نتقابل بقول ليك سرو الباتع
|
Post: #80
Title: Re: بورداب الرياض ... لو سمحتْ ظروفكم ..
Author: صديق الموج
Date: 08-10-2006, 08:03 AM
Parent: #1
معاكم معاكم ..خالكم الما بشيل حالكم ..صديق الموج
يسقط حمـــــــــــــــــــــــــــــــــــــــــــــــــــــــزاوى!!!
|
Post: #81
Title: Re: بورداب الرياض ... لو سمحتْ ظروفكم ..
Author: ahmed haneen
Date: 08-10-2006, 11:03 AM
Parent: #1
يا ود الباوقة
ما تنسي
جيب معاك الرز باللبن ..
بتاع مروق المرة من الأربعين
واقم الأحتفالات ..
والله من وراء القصد
|
Post: #82
Title: Re: بورداب الرياض ... لو سمحتْ ظروفكم ..
Author: humida
Date: 08-10-2006, 11:14 AM
Parent: #81
المويــــــــة وصـــــــلت ..
وكلها قوارير ..
يعني كل واحد يجيب كبايتو معاهو ..
مافي زول يجي يقول لينا بشرب بـ( البوز ) ..
|
Post: #83
Title: Re: بورداب الرياض ... لو سمحتْ ظروفكم ..
Author: البعيو
Date: 08-10-2006, 11:24 AM
Parent: #1
يا هميده
ياكوى
كيف هالكم
انت الرندوك هق القروش
ماغلتوهو
يانى نفهم
من كده
المشاركه
مله
......
صوتوا لخالكم صديق الموج
|
Post: #84
Title: Re: بورداب الرياض ... لو سمحتْ ظروفكم ..
Author: مهدى الصادق السيد
Date: 08-10-2006, 11:42 AM
Parent: #1
الف مبروك على البنية يا ريس وربنا يسعدهم
وقت العصر ما مناسب معانا ولكن نحاول ان نسجل حضور
|
Post: #85
Title: Re: بورداب الرياض ... لو سمحتْ ظروفكم ..
Author: humida
Date: 08-10-2006, 12:07 PM
Parent: #84
يا البعيو ..
والله انت ( الملح ) دا بكتلك ..
ونحن ناس بنعيش حياتنا بالنية السليمة ..
عشان كدى .. جيب معاك 50 ريال وتعال ..
خمستاشر ريال للبورداب ..
وخمسة وتلاتين حق قارورة الموية ( سعر جملة والله ) ..!!
|
Post: #86
Title: Re: بورداب الرياض ... لو سمحتْ ظروفكم ..
Author: humida
Date: 08-10-2006, 12:16 PM
Parent: #85
| Quote: وقت العصر ما مناسب معانا ولكن نحاول ان نسجل حضور |
يا جماعة ..
نأكد مرة تانية علي مسالة الزمن دي ..
ونتمنى تواجد الجميع بعد صلاة العصر مباشرة ..
الساعة خمسة تماما حيبدأ الاجتماع ..
لانه بعد صلاة المغرب دايرين نشرب ( الموية ) ..
في حوالي 20 كرتونة .. وكل كرتونة فيها 40 قارورة .. وكل قارورة فيها 0.33 لتر ..
يعني علي الساعة واحدة صباحا كدا يا دوب نخلص ..
الله يجازي محنك يا ادريس .. انت ضابح ليها ( فنطاس ) ..!!
|
Post: #87
Title: Re: بورداب الرياض ... لو سمحتْ ظروفكم ..
Author: عثمان سيد أحمد
Date: 08-10-2006, 01:47 PM
Parent: #86
الصديق أبو جهينه
معكم في نفس المكان والزمان
وأقول لأبن عمي ود القبائل صديق الموج
موضوع الخال دا حسم بالأغلبية الميكانيكية
مع انو مفروض أدعم أبن عمي وأسانده حتى النصر
لكن هذه ديمقراطينا برانا وحمزاوي خالنا
ولأبن عمي العتبى حتى يرضى
|
Post: #88
Title: Re: بورداب الرياض ... لو سمحتْ ظروفكم ..
Author: DKEEN
Date: 08-10-2006, 02:14 PM
Parent: #1
Quote: يا جماعة ..
نأكد مرة تانية علي مسالة الزمن دي .. |
بلاي تعال من سكات وماتنظر كتير..
حليلك ياود قاسم ..
|
Post: #89
Title: Re: بورداب الرياض ... لو سمحتْ ظروفكم ..
Author: ابو جهينة
Date: 08-10-2006, 03:52 PM
Parent: #88
حميدة
| Quote: لانه بعد صلاة المغرب دايرين نشرب ( الموية ) .. |
ما تجينا صايم.
|
Post: #90
Title: Re: بورداب الرياض ... لو سمحتْ ظروفكم ..
Author: yasir Abdelgadir
Date: 08-10-2006, 03:54 PM
Parent: #88
الاخوة الاعزاء
لكم عاطر التحايا....
سأحاول الحضور غدا بأذن الله فهي فرصة مناسبة للتعرف اليكم ولقياكم قبل مغادرة الرياض
ولكم فائق ودي
اخوكم د.ياسر
|
Post: #91
Title: Re: بورداب الرياض ... لو سمحتْ ظروفكم ..
Author: ادريس خليفة علم الهدي
Date: 08-10-2006, 07:56 PM
Parent: #90
حميدة أخوي سلام
انت شفت حاجة في عبوات VIP عبوة 250 مل دي للحبان وأنت واحد منهم (أرجو التذكير غدا)
كل الحب لك وللجنة المنظمة... ( انا ما عندي كباية ولا بشرب بالـ (بوز) لكن عندي عبار نساهو أخوي دينق عندي (عندك مانع أجيبوا معاي ) تحياتي يا راقي.
محبتي واحنرامي
|
Post: #92
Title: Re: بورداب الرياض ... لو سمحتْ ظروفكم ..
Author: معتصم دفع الله
Date: 08-12-2006, 04:30 AM
Parent: #1
يوم أمس الجمعة تم بحمد الله إجتماع بورداب الرياض ..
وكعادتهم حين يلتقون بالأحضان يتسالمون ..
ولا يخلو الجو من مناكفات ونقاشات حادة وجادة تسبقها الدعابات أحياناً كثيراً ..
تمت مراجعة فترة اللجنة السابقة كما تلاها الريس ودالباوقة ..
وتشكلت لجنة جديدة لتسيير العمل في الفترة القادمة تتخللها بعض البرامج ..
ستقوم اللجنة بتنظيمها ..
وسيقوم الأخ خالد سعيد بانزال محضر الجلسة ..
وشنف آذاننا الفنان المكاشفي خضر بشير والفنان ياسر الحلفايا بالطرب الأصيل ..
وكان بحق يوم من أيام الرياض المشهودة ..
ولا يفوتنا أن نشكر الحضور الكبير ..
والعذر لمن فاتهم وإعتذروا لأسباب أسرية طارئة ..
يلا نتشارك بمزيد من الآراء لحين إجتماع اللجنة وفق ما حدد له ..
بالتوفيق ..
|
Post: #93
Title: Re: بورداب الرياض ... لو سمحتْ ظروفكم ..
Author: Mohamed Abdelgaleel
Date: 08-12-2006, 05:27 AM
Parent: #92
أيوه يا معتصم كلامك صح .. لكنك لم تكشف
أنها كانت جلسة سمحت المنصة فيها بديمقراطية
تعالى فيها صوت المناكفة على روح الحوار الهادف
وأهدرت الديمقراطية بأسم الديمقراطية ..
وضاع وقت ثمين في كلام دائري كان يمكن إستثماره في
الغناء الجميل للمكاشفي وياسر
فبقدرما نستمتع بمناكفات بورداب الرياض
العنيفة والطريفة والتي تنقلنا لجو من
المرح الذي يخلقه الاصدقاء الألداء حمزاوي/
الموج/حنين/حميده/دكين .. لكن يبقى من الضروري
أن نقول كل شيء في مكانه جميل والعكس صحيح
فلو تم تخصيص وقت لمسألة جادة فينبغي أن
نلتزم بقبول ما تراه المنصة بالحد الذي تتيحه
الديمقراطية .. والذي يحرم فيه الخروج من
الموضوع لا سيما أن الزملاء قد تواضعوا على
قاعدة واسعة نجتمع تحت ظلها.. ونتوقع من بورداب
الرياض أن يكونوا المثال الرائع في الجد والهزل
وإلى الأمام أيها الأعزاء
|
Post: #102
Title: Re: بورداب الرياض ... لو سمحتْ ظروفكم ..
Author: معتصم دفع الله
Date: 08-12-2006, 09:08 AM
Parent: #93
شكراً محمد عبدالجليل على التوضيح ..
ونتمنى أن يتفهم الجميع ويمارسون العمل وفق ما يتفقون ..
ووفق ضوابط يلتزم بها الأعضاء خصوصاً في مثل هذه الإجتماعات ..
محبتي ..
|
Post: #94
Title: Re: بورداب الرياض ... لو سمحتْ ظروفكم ..
Author: ابو جهينة
Date: 08-12-2006, 05:35 AM
Parent: #92
و هكذا ...
يثبت بورداب الرياض بأنهم فوق كل خلاف.
شكرا لمن حضر.
و نتمنى من كل بورداب الرياض الذين لم يحضروا أن يشاركوننا بالرأى هنا.
الأستاذ خالد .. نرجو إنزال المحضر
و كذلك لجنة العشرة.
تخريمة : تم تعميد الموج خالاً و حمزاوي ( بدل فاقد ) ..
حمزاوي : ما رشيت مالك ؟
|
Post: #100
Title: Re: بورداب الرياض ... لو سمحتْ ظروفكم ..
Author: humida
Date: 08-12-2006, 08:35 AM
Parent: #92
ما عارف يا معتصم ليه مداخلاتك دي بتذكرني كتاب المطالعة بتاع سنة رابعة ..!!
ولكي لا اتهم بالهرطقة ..
شوفوا دي ..
| Quote: وكعادتهم حين يلتقون بالأحضان يتسالمون |
عليكم الله الجزئية دي ما بتذكركم القرد الأعمش و النظارة ..!!
|
Post: #101
Title: Re: بورداب الرياض ... لو سمحتْ ظروفكم ..
Author: معتصم دفع الله
Date: 08-12-2006, 09:01 AM
Parent: #100
| Quote: ما عارف يا معتصم ليه مداخلاتك دي بتذكرني كتاب المطالعة بتاع سنة رابعة ..!! |
عشان ما تضايق يا حميدة ..
أنا تاني بعد كتاب المطالعة دا ما قريت زاتو ..
جيت الخرتوم شايل لي جردل بتاع موية وكوز ..
عشان كده بحب النظارات جداً وخصوصاً السوداء ..
عشان ما بتخليني أشوف عوجة رقبتي وأقوم أصهين ليك طوالي من أي حاجة ..
يعني ممكن "أفط" ليك أي حاجة حلوة هنا وأقوم أهبش ليك الحاجة الفارغة ..
فهمت ليه نحن أمة ما بتتقدم ؟
|
Post: #103
Title: Re: بورداب الرياض ... لو سمحتْ ظروفكم ..
Author: humida
Date: 08-12-2006, 09:09 AM
Parent: #101
| Quote: فهمت ليه نحن أمة ما بتتقدم ؟ |
خلي لباسك واسع يا دكتور ..
|
Post: #107
Title: Re: بورداب الرياض ... لو سمحتْ ظروفكم ..
Author: معتصم دفع الله
Date: 08-13-2006, 01:31 AM
Parent: #103
يا صاح ..
مسألة التذاكي والشيطنة دي بتاعت ناس لسه مراهقين ما بتشبهنا ..
يعني الزول القرأ الخلوة ما بنقول عليهو جاهل ..
والزول القرأ الجامعة ما بنقول عليهو متعلم ..
والفرق بين الإتنين الإحترام ودا ما بشتروهو بالقروش ولا بقروهو ..
يفترض أن يكون التعامل هنا زي خارجه يعني ما أكون معاك كويس بره وأجي أبستفك هنا ..
ومسألة الكتابة خلف الكيبورد دي أي زول بقدر عليها ويمكن يقول الداير يقولو ..
وكل له أدواته ..
اللباس وااااااسع أتمنى أن تكون أنت كذلك ..
أرقد عافية ..
|
Post: #95
Title: Re: بورداب الرياض ... لو سمحتْ ظروفكم ..
Author: صديق الموج
Date: 08-12-2006, 06:08 AM
Parent: #1
والله قعدة محضور واجمل شى فيها انهزام حمزاوى امام جحافل المغاوير
والماجدات وتقهقره امام الملا....فلا نامت اعين الجبناء،،،
|
Post: #96
Title: Re: بورداب الرياض ... لو سمحتْ ظروفكم ..
Author: ود الباوقة
Date: 08-12-2006, 06:21 AM
Parent: #95
والله قعدة محضور واجمل شى فيها انهزام حمزاوى امام جحافل المغاوير
والماجدات
دا شنو يا ود عمي قلبت ولا شنو ؟؟؟
ود الباوقة
|
Post: #97
Title: Re: بورداب الرياض ... لو سمحتْ ظروفكم ..
Author: Khalid Saeed
Date: 08-12-2006, 06:33 AM
Parent: #96
الأخوة الأعزاء .. لكم التحيات الطيبات ..
وشكراً على تلك الجمعة الطيبة التي بكم إزدانت طيباً ..
وإليكم مادار فيها بإختصار
محضـــر الإجتمـــــاع
إنه وبحمد الله في يوم الجمعة الموافق 11/8/2006م ، تم إجتماع أعضاء سودانيز أون لاين بإستراحة الجرادية بالرياض ، وكان الحضور كبيراً ومقدراً وقد إفتتح الإجتماع العضو / محمد الشيخ ورحب بالحضور ثم تنحي تاركاً رئاسة الإجتماع لرئيس اللجنة السابقة ود الباوقه .
إقترح العضو/ صديق الموج أن تستمر اللجنة السابقة وتدعم ببعض الأشخاص الفاعلين وقد ثنى عليه العضو/ أبوجهينة وقد وجد إقتراحهما قبول لدى الحضور .
تحدث العضو / حميده حول اللجنة وتكوينها وماهي مهامها علماً بأن العمل دوماً يقوم به أشخاص محددين فطالب بتوضيح أكثر .
العضو يوسف السماني تحدث عن وجوب وضع برنامج للجنة قبل أن أيتم إختيارها حيث يجب أن تلتزم بهذا البرنامج ، بحيث تكون هنالك رسالة واضحة لبورداب الرياض يجب أن يلتزموا بها وأن ينشدوا تحقيقها .
تحدث العضو / محمد الشيخ راداً على إقتراح العضو / يوسف السماني وأوضح أنه هنالك بعض الخطط السابقة التي وضعت والتي حددت مسيرة اللجنة ، وأفاد بأنه في إجتماع سابق بمنزل العضو / صلاح غريبة تقدم العضو / محمد صلاح بمشروع لائحة وتم رفض هذا الإقتراح تماماً .
تحدث العضو / أبو جهينة وأفاد بأنه على اللجنة المنتخبة أن تضع برنامج ثقافي يثرى الحركة الثقافية.
تحدث العضو / عمر الفاروق وتساءل عن بورداب الرياض ( من هم ؟ وماهو تعريفهم؟) .
تحدث العضو / حبيب بلدو رداً على العضو عمر الفاروق وأعطى نبذه مختصرة عن بورداب الرياض.
كما تحدث العضو / جمال هباني وأكد على أن البورداب يجب أن يكونوا نواة للعمل الإجتماعي ويجب أن يحصروا العمل السياسي في المنبر فقط ، كما أكد على إقتراح العضو أبو جهينة بوجوب وجود منبر ثقافي إجتماعي يدعم الروابط الإجتماعية بين البورداب .
تحدث العضو / مصدق وأكد على أن بورداب الرياض تعرفهم الصورة الإجتماعية .
العضو عصام أفاد بأنه يؤكد على كلام العضو مصدق ومن سبقه ويجب أن نفكر في دعم النشاط الثقافي والإجتماعي وندعه يعرف عن نفسه وعن البورداب .
العضو / أحمد حنين أفاد بأنه يرأى أن لايعاد تكليف اللجنة السابقة وإقترح بأن يتم تداول منصب الرئيس وأن لايتم تكرار نفس الوجوه .
كما تداخل معه العضو / المكاشفي وتحدث بأنه يقترح أن يتم تأجيل موضوع الترشيح وأن القائمة يجب أن تنزل في بوست للتصويت عليها .
كما كان هنالك مداخلات من العضو محمد عبد الجليل والعضو البعيو والعضو إسماعيل وراق تحدث عن الإجتماع وضرورة ضبطه .
العضو عبد الله عقيد تحدث عن تجمع بورداب الرياض وأفاد بأنه تجمع أخوى إجتماعي لذا يتم بعض التجاوز في الرسميات حتى يتم إمتصاص التوتر بين الأعضاء في البورد والإنتقال بهم إلى رحابت العمل الإجتماعي الذي يتنحى عن الإنتمائات السياسة على الأقل خارج البورد .
ختامـــــاً :
كان الإجتماع موفقاً وناجحاً بكل المقاييس الحضور مقدر وكان الجميع هاشين باشين يتقابلون بالسلام تعلوا وجوهم البسمه .. وكانوا جميعاً على قلب رجل واحد وهم كذلك في العمل الإجتماعي فلهم كل الشكر على تلبيته الدعوة وحضورهم الإجتماع كما لايفوتنا أن نرحب بالأعضاء الجدد والذين كان وجودهم مميزاً .
كما يتضح من جميع المداخلات أعلاه أن النقطتان الأساسيتان الذي ناقشهما الإجتماع هما :
1- إختيار اللجنة الجديدة .
2- تعريف بورداب الرياض .
وقد وفق الجميع في الوصول إلى نتيجة دميقراطية بالإتفاق على أن تستمر اللجنة القديمة في العمل وتددعم بعدد من الأعضاء الجدد :
اللجنة السابقة : الريس ود الباوقه ، عبد الله عقيد ، تمبس ، معتصم دفع الله ، حميدة .
الأعضاء الجدد: أبوجهينة ، طارق نقد ، يوسف السماني ، أدريس علم الهدى ، خالد الأرباب
والله الموفق ،،،
خالـد الأرباب
|
Post: #98
Title: Re: بورداب الرياض ... لو سمحتْ ظروفكم ..
Author: مصدق مصطفى حسين
Date: 08-12-2006, 06:36 AM
Parent: #1
Quote: واجمل شى فيها انهزام حمزاوى امام جحافل المغاوير
،،، |
إطرشـــــــــــنى !!
|
Post: #99
Title: Re: بورداب الرياض ... لو سمحتْ ظروفكم ..
Author: حمزاوي
Date: 08-12-2006, 06:52 AM
Parent: #1
| Quote: والله قعدة محضور واجمل شى فيها انهزام حمزاوى امام جحافل المغاوير |
جنس تزوير للحقائق وفي الاوراق الرسمية
يا جماعة شوفتوا واحد مراتو صوتت ضدو
امبارح بالليل حصل لي صديق الموج
شكراً شكراً يا ام حيدر
هي لله هي لله
حنستمر في التوالي
والاجماع السكوتي
|
Post: #104
Title: Re: بورداب الرياض ... لو سمحتْ ظروفكم ..
Author: معتصم دفع الله
Date: 08-12-2006, 11:16 AM
Parent: #1
 الريس ودالباوقة في سره .. والله الرئاسة دي همها كبير خلاس .. يعني الواحد لو بقى رئيس جمهورية لمة زي دي تاني ما يلقاها..  إسماعيل وراق .. مهندس عبدالمنعم عمر وحديث جانبي ..  خالد الأرباب .. أبشروا بالخير يا جماعة ..  جمال هباني .. الهم الوطني دورنا كبير يا شباب ..  مولانا أحمد الشايقي .. ولحظة تفكير
|
Post: #105
Title: Re: بورداب الرياض ... لو سمحتْ ظروفكم ..
Author: Khalid Saeed
Date: 08-12-2006, 11:50 AM
Parent: #104
Quote: الريس ودالباوقة في سره ..
والله الرئاسة دي همها كبير خلاس ..
يعني الواحد لو بقى رئيس جمهورية لمة زي دي تاني ما يلقاها.. |
والله ياريس ضحكتني ..
تعرف لو بقيت رئيس جمهورية خلي اللمات الذي دي علي وأنا مابقصر تب ..
التحيايا لكم يارايعيين ..
وأجمل التحايا للجميل دوماً .. معتصم
|
Post: #106
Title: Re: بورداب الرياض ... لو سمحتْ ظروفكم ..
Author: ود الباوقة
Date: 08-12-2006, 06:21 PM
Parent: #105
الريس ودالباوقة في سره ..
والله الرئاسة دي همها كبير خلاس ..
يعني الواحد لو بقى رئيس جمهورية لمة زي دي تاني ما يلقاها..
صديقي معتصم .. السيول تبدا بقطرة من السماء .. امسكوا الخشب .. وما خفي اجمل ..
ود الباوقة
|
Post: #109
Title: Re: بورداب الرياض ... لو سمحتْ ظروفكم ..
Author: معتصم دفع الله
Date: 08-13-2006, 06:06 AM
Parent: #104
 عبدالله عقيد .. محمد عبدالجليل ولسان حالهم ما أحلاها من لمة ..  يوسف السماني .. لماتكم يا بورداب الرياض بتذكرنا بكل حاجة حلوة في البلد ..  مصدق حسين .. عمر الفاروق وحديث منفرد ..  الصديق الفنان ياسر الحلفايا يشدو .. وتمبس في التسجيل والتوثيق ..  الخال حمزاوي .. يقود حملته الإنتخابية بكل حنكة .. يسقط يسقط صديق الموج .. واحدة من اللافاتات المرفوعة ..
|
Post: #108
Title: Re: بورداب الرياض ... لو سمحتْ ظروفكم ..
Author: عبد اللطيف عبد الحفيظ حمد
Date: 08-13-2006, 03:28 AM
Parent: #1
والله فرصة لكي يولي زمن الاختباء حول الحروف وأنغام الكيبورد
نحب نتعرف على هؤلاء القاطنين في مدينة الأسفلت
مع التحية
|
Post: #110
Title: Re: بورداب الرياض ... لو سمحتْ ظروفكم ..
Author: humida
Date: 08-13-2006, 08:05 AM
Parent: #108
معتصم ..
|
Post: #111
Title: Re: بورداب الرياض ... لو سمحتْ ظروفكم ..
Author: ود الباوقة
Date: 08-13-2006, 03:56 PM
Parent: #110
مصدق حسين
عمر الفاروق
يوسف السماني ..
انتو الجلاليب دي صارفنها ليكم ( سمني × سمني )
ود الباوقة
|
Post: #112
Title: Re: بورداب الرياض ... لو سمحتْ ظروفكم ..
Author: عمر الفاروق
Date: 08-14-2006, 02:03 AM
Parent: #1
افتقدناها وعندما سألنا عنها عرفنا من بعض البورداب انها غير إجتماعية ..
تخريمة :
هي ضمير مستتر تقديره الجلسة ..
لذا يمكن إعادة الجملة :
افتقدنا الجلسة وعندما سألنا عن الجلسة عرفنا انها جلسة غير إجتماعية ولكنها جلسة لتكوين اللجنة ..
|
Post: #113
Title: Re: بورداب الرياض ... لو سمحتْ ظروفكم ..
Author: Mohamed Abdelgaleel
Date: 08-14-2006, 02:39 AM
Parent: #112
الريس ودالباوقة والخال حمزاوي والتنظيمين درجة أيه1 معتصم وتمبس - تحياتي
في إطار العمل المؤسسي الذي تواضع عليه أعضاء سودانيزونلاين .. وأكدوا عليه
في الاجتماع الأخير:
يسرني إبلاغكم بأني قد إلتقيت بعض أعضاء جمعية المسرح مساء أمس بالصالحية
وجددوا الدعوة لعقد ندوة عن المسرح بدارهم .. وعلى شرف بورداب الرياض
وطلبوا إبلاغكم بالأمر .. أرجو أن تقودوا هذه الخطوة لقدام .. وتقبلوا تحياتي.
|
Post: #114
Title: Re: بورداب الرياض ... لو سمحتْ ظروفكم ..
Author: ود الباوقة
Date: 08-14-2006, 03:50 AM
Parent: #113
Quote: الريس ودالباوقة والخال حمزاوي والتنظيمين درجة أيه1 معتصم وتمبس - تحياتي
في إطار العمل المؤسسي الذي تواضع عليه أعضاء سودانيزونلاين .. وأكدوا عليه
في الاجتماع الأخير: |
اخي الكريم محمد عبد الجليل يزيدنا شرفا ان نكون ضمن الحضور لجمعية المسرحيين السودانيين بس حددوا ..
ود الباوقة
|
Post: #115
Title: Re: بورداب الرياض ... لو سمحتْ ظروفكم ..
Author: ود الباوقة
Date: 08-14-2006, 03:53 AM
Parent: #113
Quote: يسرني إبلاغكم بأني قد إلتقيت بعض أعضاء جمعية المسرح مساء أمس بالصالحية
وجددوا الدعوة لعقد ندوة عن المسرح بدارهم .. وعلى شرف بورداب الرياض
وطلبوا إبلاغكم بالأمر .. أرجو أن تقودوا هذه الخطوة لقدام .. وتقبلوا تحياتي |
اخي الكريم محمد عبد الجليل .. ستجدونا بعون الله تعالى اول الواصلين بس حددوا المواعيد ..
ود الباوقة
|
Post: #116
Title: Re: بورداب الرياض ... لو سمحتْ ظروفكم ..
Author: Mohamed Abdelgaleel
Date: 08-14-2006, 05:58 AM
Parent: #115
الأخ ود الباوقة ..
قصدت بالمداخلة أن أقول (ألا هل بلغت) .. لتقوم اللجنة
بتحديد الموعد .. فأين الخال الناسي عيالو عاوزنا تاني
نجيب سيرة البحر وصديق الموج..
وأين المعتصم وتمبس .. وبقية العقد الفريد ..
|
Post: #117
Title: Re: بورداب الرياض ... لو سمحتْ ظروفكم ..
Author: عبد المنعم عمر عثمان
Date: 08-14-2006, 10:32 AM
Parent: #1
فعلا كانت جلسة سودانية 100% وذكرتنا ألايام الخوالى ، علينا تكرارها دائما ، فقط نتمنى حضور بقية البورداب و الذين نراهم و نعرفهم من خلال المنبر فقط رقم وجودهم فى الرياض .
و التحية خالصة لعلاء تمبس ، حميدة ، معتصم ، شتات والذين كان عليهم الدور ألاكبر فى تحضير و تجهيز لوازم الجلسة و من نهارا بدرى فى الرياض ( 46c ) .
|
Post: #118
Title: Re: بورداب الرياض ... لو سمحتْ ظروفكم ..
Author: عثمان سيد أحمد
Date: 08-14-2006, 05:37 PM
Parent: #117
الأحباب بورداب الرياض الأوفياء
لكم التحية والمودة
لظروف حرجة وقاهرة حالت دون حضوري ذلك اللقاء الجميل ولطالما تمنيت
أن أتعرف على أكبر مجموعة من بورداب الرياض وكان هذا اللفاء فرصة ذهبية
للتعارف ولكن 000 وآه من كلمة لكن هذه !!!
أولا : مبروك للذين أختيروا أعضاء في اللجنة القديمة الجديده ونتمنى
العمل للقاء آخر في أقرب فرصة لطرح برنامج اللجنة المنتخبة 0
ثانيا : أشيد باقتراح الأخ أبو جهينة بتفعيل العمل الثقافي والاجتماعي 0
ثالثا : اشير للدعوة التى تمت عن طريق الأخ محمد عبدالجليل من المسرحيين
لعمل ندوة عن المسرح بدارهم 00 وبصفتي رئيس فرقة المسرح السوداني اشكر
الأخ محمد عبدالجليل بتبنيه هذه الدعوة وأطلب من اللجنة الجديدة العمل
على التحضير لهذه الندوة وفرقة المسرح على اتم استعداد لاستضافة كل بورداب
الرياض في دارها في حي اليمامة بالقرب من محطة مياة منفوحة 00
دعوتنا لكم أيها الأحباب نود أن نجعلها بداية انطلاقة لبرنامج ثقافي واجتماعي متكامل
يحمل لوائها الأخوة أعضاء اللجنة الجديدة 00 وأهلا بكم في دار المسرحيين 00
مع مودتي للجميع 000
|
Post: #119
Title: Re: بورداب الرياض ... لو سمحتْ ظروفكم ..
Author: ابو جهينة
Date: 08-15-2006, 01:18 AM
Parent: #118
الأخ عثمان سيدأحمد
تحياتي
Quote: ونتمنى العمل للقاء آخر في أقرب فرصة لطرح برنامج اللجنة المنتخبة 0
ثانيا : أشيد باقتراح الأخ أبو جهينة بتفعيل العمل الثقافي والاجتماعي 0
ثالثا : اشير للدعوة التى تمت عن طريق الأخ محمد عبدالجليل من المسرحيين
لعمل ندوة عن المسرح بدارهم 00 وبصفتي رئيس فرقة المسرح السوداني اشكر
الأخ محمد عبدالجليل بتبنيه هذه الدعوة وأطلب من اللجنة الجديدة العمل
على التحضير لهذه الندوة وفرقة المسرح على اتم استعداد لاستضافة كل بورداب
الرياض في دارها في حي اليمامة بالقرب من محطة مياة منفوحة 00
دعوتنا لكم أيها الأحباب نود أن نجعلها بداية انطلاقة لبرنامج ثقافي واجتماعي متكامل
يحمل لوائها الأخوة أعضاء اللجنة الجديدة 00 وأهلا بكم في دار المسرحيين 00 |
لا فض فوك
كلام سمح بالحيل
|
Post: #120
Title: Re: بورداب الرياض ... لو سمحتْ ظروفكم ..
Author: معتصم دفع الله
Date: 08-15-2006, 01:25 AM
Parent: #119
الأحباب ..
محمد عبدالجليل ..
عثمان سيد أحمد ..
تحياتي ..
شكراً لما تفضلتما به ..
وشكراً للدعوة الكريمة من مجموعة المسرح ..
ونحن عند وعندنا إن شاء الله ننتظر إجتماع اللجنة لتحديد اليوم ..
والتفاكر حول كثير من الأمور ..
بكم يتم كل رائع وجميل ..
محبتي ..
|
Post: #121
Title: Re: بورداب الرياض ... لو سمحتْ ظروفكم ..
Author: Mohamed Abdelgaleel
Date: 08-15-2006, 02:04 AM
Parent: #120
Quote: ونحن عند وعندنا إن شاء الله ننتظر إجتماع اللجنة لتحديد اليوم ..
والتفاكر حول كثير من الأمور .. |
الأخ معتصم والاعزاء جميعاً .. الحكاية ماشه تمام لكين:
لا أعتقد أن المسألة تتطلب إجتماع حته واحدة .. يمكن إدارتها بالتلفون
وكتر خير ماركوني .. وكتير خير الاخوة بجمعية المسرحيين فقد أبلغتهم
بأني سأبلغ البورداب لنساهم ليساهموا في تكاليف اليوم .. فأصروا أن هذا
الأمر في هذه الدعوة هو مسؤوليتهم .. وتقديم الندوة هو مسؤوليتهم
فقط مطلوب من بورداب الرياض تحضير أنفسهم وشعورهم للمشاركة بمداخلاتهم
التي تثري الحوار ومن ثم توضع تصورات آفاق التواصل المستقبلي لهذا
العمل الثقافي الإجتماعي ..
فأرجو أن يكون تحديد اليوم سريعا وأقترح تفويض أحد أعضاء اللجنة
للتنسيق مع الأخ عثمان وإنزال الموعد الذي يتفق عليه على هذا البوست
|
Post: #122
Title: Re: بورداب الرياض ... لو سمحتْ ظروفكم ..
Author: ابو جهينة
Date: 08-15-2006, 02:06 AM
Parent: #121
الأخ محمد عبدالجليل
سلام
Quote: فأرجو أن يكون تحديد اليوم سريعا وأقترح تفويض أحد أعضاء اللجنة
للتنسيق مع الأخ عثمان وإنزال الموعد الذي يتفق عليه على هذا البوست |
أقترح تفويض الأخ الهميم معتصم دفع الله للقيام بهذا التنسيق مع الأخ عثمان سيد أحمد.
لي قدام
|
Post: #123
Title: Re: بورداب الرياض ... لو سمحتْ ظروفكم ..
Author: Mohamed Abdelgaleel
Date: 08-16-2006, 03:08 AM
Parent: #122
Quote: أقترح تفويض الأخ الهميم معتصم دفع الله للقيام بهذا التنسيق مع الأخ عثمان سيد أحمد.
لي قدام |
الأخ أبوجهينة - تحياتي
إتصل بي الأخ معتصم دفع عصر أمس الثلاثاء 15 أغسطس 2006م .. وطلب أن أتصل بالأخ
عثمان سيدأحمد لأبلغه بأن الموعد الذي يقترحونه هو يوم الجمعة الموافق 25 أغسطس 2006م
وقمت بالإتصال بالأخ عثمان سيدأحمد وجاءت موافقته على أن يكون موع اللقاء هو:
مساء الجمعة الموافق 25 أغسطس 2006م بدار فرقة المسرح السوداني بالرياض
أرجو أن يقوم الإخوة المعنيين بتوفير اللازم (الكروكي) - أرقام الإتصال - تبليغ الأعضاء .. الخ
|
Post: #124
Title: Re: بورداب الرياض ... لو سمحتْ ظروفكم ..
Author: ابو جهينة
Date: 08-16-2006, 03:30 AM
Parent: #123
الأخ العزيز محمد عبدالجليل
تحياتي
Quote: وقمت بالإتصال بالأخ عثمان سيدأحمد وجاءت موافقته على أن يكون موع اللقاء هو:
مساء الجمعة الموافق 25 أغسطس 2006م بدار فرقة المسرح السوداني بالرياض
أرجو أن يقوم الإخوة المعنيين بتوفير اللازم (الكروكي) - أرقام الإتصال - تبليغ الأعضاء .. الخ |
مجهود مقدر و شكرا كثيرا.
الإخوة فرقة المسرح نرجو توفير الكروكي و أرقام الإتصالش
|
Post: #125
Title: Re: بورداب الرياض ... لو سمحتْ ظروفكم ..
Author: عثمان سيد أحمد
Date: 08-17-2006, 02:24 PM
Parent: #124
شكرا ايها الرئيس الرائع
سيتم التنسيق مع الأخوة تمبس ومعتصم دفع الله
لعمل رسم كروكي لموقع الدار بحي اليمامة بالقرب من
محطة مياة منفوحة 00
وللأستفسار نرجو الاتصال على التلفونة: 0503287159
مع مودتي 000
|
|
