Post: #1
Title: لقاء أعضاء سودانيزأونلاين مع سعادة القنصل
Author: ابو جهينة
Date: 05-07-2005, 07:47 AM
Parent: #0
الإخوة و الأخوات أعضاء سودانيزأونلاين
تحية من عند الله مباركة
و إبتهالنا إلى الله سبحانه و تعالى أن يرد غربة الجميع سالمين غانمين.
بعد الموافقة المبدئية التي أبداها سعادة القنصل على لقاء أعضاء المنبر ..
فقد قمت صباح اليوم بالإتصال بسعادته و الذي رحب ترحيبا حارا بعقد هذا اللقاء ..
إقترح يوم الإثنين و لكنني ذكرت له بأن هناك من يعمل ( دوامين ) ..
فإقترحت عليه يوم الجمعة القادم 13 مايو 2005م .. فوافق مشكورا.
ثم إقترحت عليه بأن يكون من ضمن طاقم السفارة ممثلا للجوازات و ممثلا للقسم التجاري .
فوافق على ذلك أيضا.
عليه أيها الكرام فإننا نقترح الآتي :
سيكون اللقاء في إستراحة كيوم أسري مفتوح .. حيث بعد لقاء أسرة السفارة سنحتفل بهذه المناسبات السعيدة :
1. قدوم مولودة للأخ أحمد سعيد قرنفل.
2. قدوم مولود للمرحوم كمال ( دقدق ) .. مهيار
3. عقد قران وليد طه
4. قدوم عائلةالوجيه ود الزين .
5. قدوم عائلة عمران حسن صالح .
6. شفاء إبنة إسماعيل وراق ( أسيل ) بعد العملية التي أجرتها.
مع العلم بأن سعادة القنصل تكفل بنصف مصاريف اليوم المفتوح.
فما رأيكم دام فضلكم ؟
هل يوم الجمعة مناسب؟
هل يكون يوم أسري مفتوح ؟ أم فقط للرجال ؟
وافونا بمقترحاتكم .
دمتم
|
Post: #2
Title: Re: لقاء أعضاء سودانيزأونلاين مع سعادة القنصل
Author: A.Razek Althalib
Date: 05-07-2005, 08:11 AM
Parent: #1
أبو جهينة ..
تحياتنا..
لسعادة القنصل...
ولطاقم السفارة...
ولجميع بورداب الرياض..
| Quote: و إبتهالنا إلى الله سبحانه و تعالى أن يرد غربة الجميع سالمين غانمين. |
آمين..
من ضمن طاقم السفارة
| Quote: ممثلا للجوازات و ممثلا للقسم التجاري . |
مافي ممثل أراضي وإسكان...
وبالمرة الجماعة بتاعين الزكاة والضرائب... عشان النقاش يأتي أُكله ويحمى... مظبوط...
| Quote: فوافق على ذلك أيضا. |
ويكون عشمنا كبير... فوقو... لو كمل الناقصة...
| Quote: مع العلم بأن سعادة القنصل تكفل بنصف مصاريف اليوم المفتوح. |
دي بقي دي فوقها رأي قابل للنقاش...
يا أبو جهينة يعني بقت على النص التاني... ولا كيف...؟
وأنت سيد العارفين في مسألة ....
إذا عمل أحدكم عمل فاليتقنه...
ما خليهو يخليها كاملة...
وبنكون شاكرين وممتنين...
والعوض على الضرائب..
| Quote: فما رأيكم دام فضلكم ؟ |
من بعد المشاورة... الرأي رأي الجميع...
لكن حكاية الإتقان دي.. ما أظن في واحد بيخالفني فيها...
ولو... بنكمل الناقصة بعد ملاواة...
| Quote: هل يوم الجمعة مناسب؟ |
مناسب... والمكان أقترح إستراحة العمارية...
قلتو شنو...؟
| Quote: هل يكون يوم أسري مفتوح ؟ أم فقط للرجال ؟ |
يوم أسري مفتوح...
بدون أنانية...
وده مقترحي...
وبالمرة معاهو تلاته دروع...
يا صديق الموج...
قلتو شنو...؟
|
Post: #3
Title: Re: لقاء أعضاء سودانيزأونلاين مع سعادة القنصل
Author: ابو جهينة
Date: 05-07-2005, 11:25 AM
Parent: #2
شكرا عبدالرازق
و سنحاول ( الإتقان ) و نطلب منه دفع كامل الفاتورة ..
كما سنطلب ممثل للزكاة و الأراضي إن أمكن ذلك.
تسلم
أرجو سرعة الإدلاء بالرأى كسبا للوقت.
|
Post: #5
Title: Re: لقاء أعضاء سودانيزأونلاين مع سعادة القنصل
Author: إسماعيل وراق
Date: 05-07-2005, 11:40 AM
Parent: #3
العزيز أبو جهينة
الفكرة من حيث المبدأ جميلة...
ولكن
| Quote: مع العلم بأن سعادة القنصل تكفل بنصف مصاريف اليوم المفتوح. |
هنا ينظر ويفاد.،
|
Post: #12
Title: Re: لقاء أعضاء سودانيزأونلاين مع سعادة القنصل
Author: ابو جهينة
Date: 05-07-2005, 11:59 PM
Parent: #5
الحبيب أبو محمد وراق
في إنتظار سرعة النظر و سرعة الإفادة
تسلم
|
Post: #13
Title: Re: لقاء أعضاء سودانيزأونلاين مع سعادة القنصل
Author: ابو جهينة
Date: 05-08-2005, 00:02 AM
Parent: #5
الحبيب أبو محمد وراق
في إنتظار سرعة النظر و سرعة الإفادة
تسلم
|
Post: #4
Title: Re: لقاء أعضاء سودانيزأونلاين مع سعادة القنصل
Author: عمران حسن صالح
Date: 05-07-2005, 11:39 AM
Parent: #1
Quote: 1. قدوم مولودة للأخ أحمد سعيد قرنفل.
2. قدوم مولود للمرحوم كمال ( دقدق ) .. مهيار
3. عقد قران وليد طه
4. قدوم عائلةالوجيه ود الزين .
5. قدوم عائلة عمران حسن صالح .
6. شفاء إبنة إسماعيل وراق ( أسيل ) بعد العملية التي أجرتها.
|
Quote: هل يكون يوم أسري مفتوح ؟ أم فقط للرجال ؟
|
الاستاذ /أبو جهينة
لك التحيات والمودات
خلينا نتلم نحنا ووليداتنا (العزابة أخوانا)
|
Post: #6
Title: Re: لقاء أعضاء سودانيزأونلاين مع سعادة القنصل
Author: nassar elhaj
Date: 05-07-2005, 11:50 AM
Parent: #4
صديقي جلال داؤود " ابوجهينة "
والاصدقاء بورداب الرياض
للاسف الشديد لكن اكون هذه الجمعة موجوداً بالرياض
اتمنى لو كان هنالك اي إمكانية لتاجيله حتى الجمعة التي تليها،
ان يتم ذلك ..
وإلا امنياتي لكم بنجاح هذا اليوم وهذا اللقاء
والتهاني العظيمة لك هؤلاء الاصدقاء :
1 .قدوم مولودة للأخ أحمد سعيد قرنفل.
2. قدوم مولود للمرحوم كمال ( دقدق ) .. مهيار
3. عقد قران وليد طه
4. قدوم عائلةالوجيه ود الزين .
5. قدوم عائلة عمران حسن صالح .
6. شفاء إبنة إسماعيل وراق ( أسيل ) بعد العملية التي أجرتها
|
Post: #15
Title: Re: لقاء أعضاء سودانيزأونلاين مع سعادة القنصل
Author: ابو جهينة
Date: 05-08-2005, 00:33 AM
Parent: #6
عزيزي أبوالنسب نصار
إنت حاضر في غيابك.
لو إتفق الجميع على الجمعة القادمة فبها.
و إن لم يوافقوا فأنت ستتابعنا عبر هذا البوست.
تحياتي للأسرة
|
Post: #14
Title: Re: لقاء أعضاء سودانيزأونلاين مع سعادة القنصل
Author: ابو جهينة
Date: 05-08-2005, 00:05 AM
Parent: #4
عزيزي عمران
كيف الحال و الأحوال؟
| Quote: خلينا نتلم نحنا ووليداتنا (العزابة أخوانا) |
سامعين يا عزابة ؟ زولكم عضو حزب العزابة يحن إليكم ..
|
Post: #7
Title: Re: لقاء أعضاء سودانيزأونلاين مع سعادة القنصل
Author: ghariba
Date: 05-07-2005, 11:59 AM
Parent: #1
نرحب بكل المجهودات التي قمت بها يا ابو جهينة
ولتكمل المشوار الذي بدأته منذ أكثر من ثلاثاة أشهر لاكمال هذا اللقاء ولقد قطعت فيه شوطا طويلا من خلال اللقاءات والمناقشات ولتكمل هذا اللقاء
وهمسة :
لنرحب بهذا الانفتاح في العلاقات وليدم هذا الانفتاح في لقاءات اخرى مماثلة مع شخصيات اخرى من السفارة و العمل العام
بالمناسبة
الجمعة القادمة انا في اجتماع تنظيمي يخصني ولن اتمكن من المشاركة
صلاح غريبة
|
Post: #16
Title: Re: لقاء أعضاء سودانيزأونلاين مع سعادة القنصل
Author: ابو جهينة
Date: 05-08-2005, 01:30 AM
Parent: #7
الأخ أبو أحمد غريبة
إقتراحنا هو يوم مفتوح .. فلو وافق الأعضاء ممكن تحضر جزء من اللقاء.
تسلم
|
Post: #8
Title: Re: لقاء أعضاء سودانيزأونلاين مع سعادة القنصل
Author: الصادق خليفة
Date: 05-07-2005, 12:12 PM
Parent: #1
الحبيب ابو جهينة
مبدئياً موافق ولكن مسألة تحمل سعادة القنصل دفع نصف التكاليف دي ما وارده اما ان يدفعها كامله او لا يدفعها بالمرة .
|
Post: #17
Title: Re: لقاء أعضاء سودانيزأونلاين مع سعادة القنصل
Author: ابو جهينة
Date: 05-08-2005, 01:55 AM
Parent: #8
عزيزي الصادق خليفة
| Quote: مبدئياً موافق ولكن مسألة تحمل سعادة القنصل دفع نصف التكاليف دي ما وارده اما ان يدفعها كامله او لا يدفعها بالمرة . |
سنطرح الأمر عليه مرة أخرى.
تحياتي
|
Post: #9
Title: Re: لقاء أعضاء سودانيزأونلاين مع سعادة القنصل
Author: صديق الموج
Date: 05-07-2005, 12:25 PM
Parent: #1
Quote: مع العلم بأن سعادة القنصل تكفل بنصف مصاريف اليوم المفتوح.
فما رأيكم دام فضلكم |
ابو جهينة ورونا منو عازم منو عشان يتحدد منو البدفع النفقات
ومعروف المضيف هو البدفع .
اصلو يا ريس نحن اللون الرمادى ما نحبوش!!!!
|
Post: #10
Title: Re: لقاء أعضاء سودانيزأونلاين مع سعادة القنصل
Author: عمر محمد عبد القادر
Date: 05-07-2005, 12:35 PM
Parent: #9
الحبيب ابو جهينة ... جاهزين .. جاهزين .. ويا جماعة خلوه مخلوط ريايييل وحريم .. عشان البهجة تكون ففتي ففتي ....
ود الباوقة
|
Post: #21
Title: Re: لقاء أعضاء سودانيزأونلاين مع سعادة القنصل
Author: ابو جهينة
Date: 05-08-2005, 06:41 AM
Parent: #10
ودالباوقة أبوالنسب
| Quote: ويا جماعة خلوه مخلوط ريايييل وحريم .. عشان البهجة تكون ففتي ففتي |
و ما تنسى العريس وصل و منتظر الحفل بفروغ الصبر
|
Post: #11
Title: Re: لقاء أعضاء سودانيزأونلاين مع سعادة القنصل
Author: ahmed haneen
Date: 05-07-2005, 11:48 PM
Parent: #1
صباحات الله بي خيرا
سلامات يا شباب
اخونا ابوجهينة الزول دا قلنا نحنا نستضيفوا
ولا هو يستضيفنا ،، ؟؟؟
بعدين حكاية يدفع هو نص التكلفة دي فيها كلام كتير
وحيدفع من وين ؟؟؟ من الجبايات الفي السفارة ولا من جيبو الخاص؟؟
وهل طلب هو ان يساهم في التكلفة ؟؟ ولا طلب منه ذلك شخص اخر؟؟؟
نحن رغم اننا بنلقط في اشتراكاتنا زي دم الحجامة .. ومحتاجين..
لكن لن نقبل اي ريال من السفارة ،،
واذا كان في مشكلة في المكان نشوف اي استراحة قريبة
او منزل كبير وواسع ،، وكلو واحد يجيب معاه ترمسة شاي وقهوة
وشوية سندوتشات فول ،، وعمود عمودين ،، الموضوع بي يتم
سعادة القنصل لو شرفنا وقعد معانا في واطات الله دي واكل الفول
مرحب بيهو ،،،
اما قروش من السفارة ،، وخلافه ،، دي مرفوضة من جانبي ،
وهذا راي الشخصي ،،
ولكم وله التحية
|
Post: #22
Title: Re: لقاء أعضاء سودانيزأونلاين مع سعادة القنصل
Author: ابو جهينة
Date: 05-08-2005, 07:01 AM
Parent: #11
البربراوي أحمد حنين
Quote: اما قروش من السفارة ،، وخلافه ،، دي مرفوضة من جانبي ،
وهذا راي الشخصي ،، |
إنت عارف البير و غطاه .. همتكم معانا.
|
Post: #18
Title: Re: لقاء أعضاء سودانيزأونلاين مع سعادة القنصل
Author: أحمد الشايقي
Date: 05-08-2005, 03:44 AM
Parent: #1
الأخ جلال الموقـــر
تحياتي والتهانئ على الفكرة الجيدة
بالطبع من البشائر أن نتشرف بالاجتماع لسعادة القنصل ونتمكن من ايصال قضايانا الفردية للممثلية السودانية كمسؤولــة مباشرة عن المواطنين السودانيين.
بالنسبة للتكاليف فبورداب الرياض على قدرة تامــة بتوفير سبل اللقاء دون تكليفـه (شخصيا) أي مبلغ لأن مسألة (نصف التكاليف) هذه يفهم منها أنه سيدفع بصورة شخصية.
إذا كان سعادته سيساهم بصورة شخصية فلا أوافق سوى أن يدفع (عـدلـه) , كنصيب أي بوردابي آخر وإذا كان له أسره فيمكنه المشاركة المشاركة الاسرية المعتادة لأي بوردابي صاحب أسرة.
أما إذا كان سيدفع من مال السفارة (الرسمي) فالمناسبات المشار إليها أعلاه , لا علاقة لها بصرف أموال السفارة بالاحتفال بها.
أيا كان فاللقاء هو الأهم وشكرا على الفكرة الجيـدة.
خالص تحياتي
|
Post: #19
Title: Re: لقاء أعضاء سودانيزأونلاين مع سعادة القنصل
Author: ابو جهينة
Date: 05-08-2005, 03:54 AM
Parent: #18
ود الموج
Quote: ابو جهينة ورونا منو عازم منو عشان يتحدد منو البدفع النفقات
ومعروف المضيف هو البدفع . |
نحن الذين طلبنا طبعا الإجتماع .. يبقى نحن أصحاب العزومة و لازم ندفع . و عندما إقترحت المكان كإستراحة و يوم مفتوح .. الراجل أبدى أريحية بأن يدفع نصف التكاليف.
| Quote: اصلو يا ريس نحن اللون الرمادى ما نحبوش!!!! |
أكتر بدلك و بنطلوناتك لونها رمادي  
المهم يا أخوانا حددوا المكان و الكيفية بسرعة عشان نبدأ في حاجات تانية.
|
Post: #20
Title: Re: لقاء أعضاء سودانيزأونلاين مع سعادة القنصل
Author: حسن الملك
Date: 05-08-2005, 04:09 AM
Parent: #19
الاستراحة بتاعة العمارية واضحة وقريبة ...
ومستعدين ياابو جهينة لطلباتكم اذا كان مساهمات او ماكولات ..
|
Post: #23
Title: Re: لقاء أعضاء سودانيزأونلاين مع سعادة القنصل
Author: A.Razek Althalib
Date: 05-08-2005, 07:13 AM
Parent: #20
أبو جهينة
| Quote: نطلب منه دفع كامل الفاتورة .. |
ما تخلينا نحن أصحاب الدعوة...
قلتو شنو...؟
|
Post: #28
Title: Re: لقاء أعضاء سودانيزأونلاين مع سعادة القنصل
Author: ابو جهينة
Date: 05-08-2005, 11:59 PM
Parent: #18
أحمد الشايقي
تحياتي
Quote: إذا كان سعادته سيساهم بصورة شخصية فلا أوافق سوى أن يدفع (عـدلـه) , كنصيب أي بوردابي آخر وإذا كان له أسره فيمكنه المشاركة المشاركة الاسرية المعتادة لأي بوردابي صاحب أسرة.
أما إذا كان سيدفع من مال السفارة (الرسمي) فالمناسبات المشار إليها أعلاه , لا علاقة لها بصرف أموال السفارة بالاحتفال بها.
أيا كان فاللقاء هو الأهم وشكرا على الفكرة الجيـدة. |
إذن يا جماعة من اليوم كل واحد يدفع ما سينقله لكم أمين المال معتصم.
تسلم
|
Post: #24
Title: Re: لقاء أعضاء سودانيزأونلاين مع سعادة القنصل
Author: صديق الموج
Date: 05-08-2005, 01:56 PM
Parent: #1
Quote: الاستراحة بتاعة العمارية واضحة وقريبة ...
ومستعدين ياابو جهينة لطلباتكم اذا كان مساهمات او ماكولات .. |
حسن الملك الحضور للاعضاء فقط..لكن كان رسلت لينا
الغداء باعتبارك حسن اخونا فكتر خيرك،،،
|
Post: #25
Title: Re: لقاء أعضاء سودانيزأونلاين مع سعادة القنصل
Author: ahmed haneen
Date: 05-08-2005, 02:26 PM
Parent: #1
الريس ابو جهينة
انا جيتك تاني
اولا عن ضيق ذات اليد اتفق معاك انها ضيقة
لكن هذا الضيق لا يدفعنا ان نقبل فلوس من السفارة
او من يمثلها ،، ولا يجب ان نكرم اخواننا بفلوس ليست
من الأعضاء ،، وهناك غبار مثار عن ما هو الغرض والهدف من دفعها
لذا ارجو ان تفصل موضوع لقاء القنصل عن المناسبات الأخري
1Quote: . قدوم مولودة للأخ أحمد سعيد قرنفل.
2. قدوم مولود للمرحوم كمال ( دقدق ) .. مهيار
3. عقد قران وليد طه
4. قدوم عائلةالوجيه ود الزين .
5. قدوم عائلة عمران حسن صالح .
6. شفاء إبنة إسماعيل وراق ( أسيل ) بعد العملية التي أجرتها. |
اما عن لقاء القنصل فيمكن ان يتم دون تكلفة كبيرة تجعلنا مضطرين لقبول
مساهمته،، مع شكري له علي ذلك ،،
وانا شخصيا مستعد ان استقبل اللقاء مع القنصل في منزلي المتواضع
والموجود في البيت بنقدمه اكراما له وللأخوان الأعزاء
ودعونا ناخذ فرصة لجمع الأشتراكات لباقي الأحتفالية
رجا خاص للأخوان حسن الملك وصديق الموج
انتما رائعين وتعرفان تقديري لكما ولذا ارجو منكم
ان تبطلوا حركات توم وجيري دي 
وخلونا نمشي لي قدام
|
Post: #26
Title: Re: لقاء أعضاء سودانيزأونلاين مع سعادة القنصل
Author: صديق الموج
Date: 05-08-2005, 02:44 PM
Parent: #1
Quote: رجا خاص للأخوان حسن الملك وصديق الموج
انتما رائعين وتعرفان تقديري لكما ولذا ارجو منكم
ان تبطلوا حركات توم وجيري دي |
احمد حنين بالمناسبة...ياتو فيهم الكديس وياتو فيهم الفار
عشان اوريك انا ياتو فيهم.
اما بخصوص كلامى لحسن الملك والله انا ما بهظر ودحين لو حسن
الملك ده عضو ورونا....باقى انا بحترم المؤسسية جدا يا احمد
وعندنا مثل بقول البيخجل من بت عمو ما بجيب منها جنا
ويظل هذا الرطانى شقيقى ولكن فى التنظيم له دينه ولى دين،،،
|
Post: #27
Title: Re: لقاء أعضاء سودانيزأونلاين مع سعادة القنصل
Author: Abureesh
Date: 05-08-2005, 04:18 PM
Parent: #26
ناس الرياض،
ســلامـات..
يا جماعـة نحن تبنـا من لومكم فى أى خطـوة لأنو ظروفكـم مع الجوازات والتجديدات والزكاة والمواليد والوفيـات والوكلاء والعملاء، جـد صعبـة.
بس أعملوا حسـابكـم لأن الحكومـة اليومين ديل محتاجـة لكادر جـديـد من الجواسيس على الدول العربية لحسـاب أمريكـا، بعـد ما إتكشف الكادر القـديـم.
بعدين السعـوديين وغيرهـم فى النطقـة عيونهـم على كل زول يجتمـع بقنصل سـودانى.
دى نصيحتنـا الوحيـدة، فيمـا عـدا ذلك، شيلوا قروش أدوا قروش على كيفكـم..
بالمناسبـة القنصل دا ما قالوا جـديـد فى المنصب.. لكن هـو وفر القروش دى متين؟
|
Post: #29
Title: Re: لقاء أعضاء سودانيزأونلاين مع سعادة القنصل
Author: ابو جهينة
Date: 05-09-2005, 01:07 AM
Parent: #27
إقتراح جديد للسادة الأعضاء
حيث أن جمع المال ربما سيؤخر اللقاء مع سعادة القنصل و كلنا يعلم صعوبة جمع المال قبل أي مناسبة و بالتالي تراكم مبالغ من مناسبات قديمة.
و بما أن لقاءنا مع سعادة القنصل من الأهمية بمكان ..
أقترح أن يكون اللقاء يوم الجمعة القادم بعد صلاة المغرب مباشرة بمنزلي المتواضع الكائن على شارع العروبة و الذي يعرفه كثير من أعضاءنا الأعزاء.
أما الإحتفال بتلك المناسبات المذكورة فيمكن أن نجمع لها المال على مهل حتى الجمعة التي تليها.
رأيكم ؟؟
|
Post: #30
Title: Re: لقاء أعضاء سودانيزأونلاين مع سعادة القنصل
Author: صديق الموج
Date: 05-09-2005, 01:49 AM
Parent: #1
| Quote: أقترح أن يكون اللقاء يوم الجمعة القادم بعد صلاة المغرب مباشرة بمنزلي المتواضع الكائن على شارع العروبة و الذي يعرفه كثير من أعضاءنا الأعزاء. |
اولا:يجب ان لاتتعدى الضيافة شاى وموية ساقطة وانت عارف ساقطة ليه!!!!
ثانيا :الاعضاء فقط هم الذين يحق لهم الحضور والداير يزور
ابو جهينة ممكن يزورو وقت اخر
بالله القريشات جيبوهم معاكم عشان الحاجات الكتيرة القال عنها
السيد الرئيس،،،،
|
Post: #31
Title: Re: لقاء أعضاء سودانيزأونلاين مع سعادة القنصل
Author: abookyassarra
Date: 05-09-2005, 02:12 AM
Parent: #1
هنيئاً
لكل الغاليين
وتحية خاصة للعزيز ( أبورزقه )
وللجميع نهديكم والوطن رحيقاً من
أزاهير ( معز بخيت )
فامدد لى الطوق الأمين تواصلا
و افتح شبابيك القصائد للصدى
و اخرج من الصمت الطويل
هذى مساحيق الرجاء تطير من كفيك
تكحل مقلَتىِ
بالنور والحب النبيل
ما أنت الا و الهوى عندى قناديل
الأمانى و الوفاء وأنت خطوى و الرحيل
وحياتك الاحساس فانظر يا رفيق خواطرى
هذى حياتى انت فيها معبدى
محراب عشقى سامر الصحو الجليل
هذى حياتى منك تبقى قصة منسوجة
بالحب والحسن المُعتّق و الندى
والعطر والوجه الجميل.
|
Post: #32
Title: Re: لقاء أعضاء سودانيزأونلاين مع سعادة القنصل
Author: ابو جهينة
Date: 05-09-2005, 02:59 AM
Parent: #31
صديق ودالموج
أنا على الشاى .. جيبوا معاكم الموية .. 
|
Post: #33
Title: Re: لقاء أعضاء سودانيزأونلاين مع سعادة القنصل
Author: صديق الموج
Date: 05-09-2005, 06:04 AM
Parent: #1
| Quote: أنا على الشاى .. جيبوا معاكم الموية |
ابو جهينة اجى!!! ياتو موية..انتو عازمين قنصل ياتو دولة؟؟؟؟
والا خلاص توزيع الثروة والسلطة والكا....... بقى امر واقع،،،،
|
Post: #34
Title: Re: لقاء أعضاء سودانيزأونلاين مع سعادة القنصل
Author: ابو جهينة
Date: 05-09-2005, 06:24 AM
| Quote: ابو جهينة اجى!!! ياتو موية |
موية الله الزرقا .. أي موية تانية ما بتعتب من عتبة الدار .. بلا سلطة بلا ثروة ..
|
Post: #35
Title: Re: لقاء أعضاء سودانيزأونلاين مع سعادة القنصل
Author: سجيمان
Date: 05-09-2005, 06:31 AM
Parent: #34
ابو جهينة
اذكورونا عنده بخير...قولو ليهو....عندك رعايا ورعاوية في بادية الشام.......
|
Post: #36
Title: Re: لقاء أعضاء سودانيزأونلاين مع سعادة القنصل
Author: ابو جهينة
Date: 05-09-2005, 06:38 AM
Parent: #35
سي جي
| Quote: عندك رعايا ورعاوية في بادية الشام....... |
يقولون سي جي في بوادي الشام منبهل ...
و كان جمع الرياض له رســــــــــولا
فذاك ود الموج و ذاك تمبس و ود دفع الله
و ذاك الذي لا زال في الحصاحيصا مقتولا
|
Post: #37
Title: Re: لقاء أعضاء سودانيزأونلاين مع سعادة القنصل
Author: صديق الموج
Date: 05-09-2005, 07:05 AM
Parent: #1
Quote: يقولون سي جي في بوادي الشام منبهل ...
و كان جمع الرياض له رســــــــــولا
فذاك ود الموج و ذاك تمبس و ود دفع الله
و ذاك الذي لا زال في الحصاحيصا مقتولا |
هائما خلف غنمه ياكل التميس والفولا
مابين غنماية ولدت واخرى مرضت ذهنه مشغولا
وماعرف عنه تراخى ولم يكن طوال عمره خاملا وكسولا
فارحمه من ضرائب اثقلت كاهله وصيرت جيبه مشلولا
|
Post: #38
Title: Re: لقاء أعضاء سودانيزأونلاين مع سعادة القنصل
Author: عمر محمد عبد القادر
Date: 05-09-2005, 02:27 PM
Parent: #37
Quote: هائما خلف غنمه ياكل التميس والفولا
مابين غنماية ولدت واخرى مرضت ذهنه مشغولا
وماعرف عنه تراخى ولم يكن طوال عمره خاملا وكسولا
فارحمه من ضرائب اثقلت كاهله وصيرت جيبه مشلولا |
ومن ركوب الحمير يمناه مكسورا
ومن تكسير ندى القلعة اصابه النحولا
فيا سعادة القنصل لقد جاءك سجيمان ذلولا
فاخفض له من الضرائب شئيا. فقد زاغت عينيه عن النوم حولا
فطوره pass وغدائه عدس وعشائه ( موية ) فولا
قلوبنا معك يا سجومي لا تجزع وهيفاء في غرامك مكتولا
ود الباوقة
|
Post: #46
Title: Re: لقاء أعضاء سودانيزأونلاين مع سعادة القنصل
Author: ابو جهينة
Date: 05-10-2005, 07:25 AM
Parent: #38
ود الباوقة
| Quote: ومن تكسير ندى القلعة اصابه النحولا |
فعلا .. النحول كان باين على سي جي ..
|
Post: #39
Title: Re: لقاء أعضاء سودانيزأونلاين مع سعادة القنصل
Author: ابو جهينة
Date: 05-10-2005, 00:05 AM
Parent: #37
ود الموج
Quote: هائما خلف غنمه ياكل التميس والفولا
مابين غنماية ولدت واخرى مرضت ذهنه مشغولا
وماعرف عنه تراخى ولم يكن طوال عمره خاملا وكسولا
فارحمه من ضرائب اثقلت كاهله وصيرت جيبه مشلولا |
فوق دربك
|
Post: #40
Title: Re: لقاء أعضاء سودانيزأونلاين مع سعادة القنصل
Author: خدر
Date: 05-10-2005, 01:30 AM
Parent: #39
ابوجهينه
ده تطبيع ولا شنو !!
|
Post: #41
Title: Re: لقاء أعضاء سودانيزأونلاين مع سعادة القنصل
Author: ابو جهينة
Date: 05-10-2005, 01:40 AM
Parent: #40
خدر
| Quote: ده تطبيع ولا شنو !! |
بعد أن ننقل إليك وقائع اللقاء كاملا غير منقوص .. حتما ستجد الإجابة الشافية على سؤالك.
النقل لقناة خدر نت دون أخذ موافقة لجنتنا الموقرة سنعتبره تعديا على حقوق الطبع و النشر المحفوظة.
|
Post: #42
Title: Re: لقاء أعضاء سودانيزأونلاين مع سعادة القنصل
Author: صديق الموج
Date: 05-10-2005, 01:48 AM
Parent: #1
Quote: ابوجهينه
ده تطبيع ولا شنو !! |
خدورى...ده تركيع...تشليع...ترقيع...تمزيع...تقريع...
غايتو ياناس القنوات بتريدو الخبارات زى عيونكم
حقو تسميها شمارنت...تسلم ..هيييع يا العريريف،،،،،،
|
Post: #43
Title: Re: لقاء أعضاء سودانيزأونلاين مع سعادة القنصل
Author: عمر محمد عبد القادر
Date: 05-10-2005, 03:54 AM
Parent: #42
الحبيب ابو جهينة ... حضور باذن الله ....
ود الباوقة
|
Post: #44
Title: Re: لقاء أعضاء سودانيزأونلاين مع سعادة القنصل
Author: tmbis
Date: 05-10-2005, 03:55 AM
Parent: #42
الأستاذ ابوجهينة ..
موافقتي علي فكرة أن يكون اللقاء بمنلكم العامر مع السيد القنصل ..
علي أن تتم باقي احتفاليتنا بالاخوان في مناسبة منفصلة كما جرت العادة
|
Post: #45
Title: Re: لقاء أعضاء سودانيزأونلاين مع سعادة القنصل
Author: ابو جهينة
Date: 05-10-2005, 04:21 AM
Parent: #44
ود الباوقة
علاء منصور
علم .. حول
|
Post: #47
Title: Re: لقاء أعضاء سودانيزأونلاين مع سعادة القنصل
Author: elsawi
Date: 05-10-2005, 05:16 PM
Parent: #1
الأخ أبو جهينة تحياتي لك و لكل بورداب الرياض
بالأمس القريب تقدم عضو البورد abookyassarra ببعض الأسئلة بإسم سودانيز اون لاين لممثلي السفارة السودانية بدولة الأمارات، و ها أنتم اليوم توجهون الدعوة للقنصل بالسفارة السودانية بالرياض لتتقدموا له بأسئلتكم فيما يخص قضايا المغتربين.
لا أدري ما هي ضرورة الزج بإسم سودانيز أون أو لاين أو المنبر الحر عند مخاطبة المسئولين ممثلي نظام الإنقاذ أو غيرهم من الجهات الرسمية.
في إعتقادي إن الدعوة للقنصل تمت لغرض نقاش قضايا المغتربين بالسعودية، و أنا عملت في المملكة لمدة ثلاثة أعوام و أعلم تماماً بمشاكل مغتربي السعودية و أهمية ذلك اللقاء لعله يفضي إلي إنصاف المغتربين و يعجل بحل مشاكلهم. لكن لماذا لا تقابلوا القنصل بصفتكم الأساسية كمغتربين و أعضاء للجالية السودانية بالرياض و التي هي في تقديري تتسع لكل من يهمة الأمر من أبناء الجالية السودانية بالرياض و ليس بالصفة الضيقة (بورداب الرياض) التي تعزل معظم أبناء الجالية الذين لم ينالوا عضوية البورد؟
أخي أبو جهينة، أعلم أن تخطيطكم لذلك اللقاء تصحبة حسن النية و الرغبة في خدمة المغتربين و إيصال صوتهم للمسئولين، ولكن ألا تري إن مثل هذه اللقاءآت التي تتم مع المسئولين بإسم سودانيز أون لاين أو المنبر الحر قد تفتح أبواباً أخري في المستقبل سيصعب علينا جميعاً سدها، و قد تتطورمثل هذه الدعاوي و تتسم بطابع سياسي قد يميل يميناً أو يساراً حسب نوع البورداب، ثم تتحول الي تأييد أو تنديد أو خلافه؟
أنا لا اريد أن افسد عليكم لقاءكم و لكن أدعوكم للتفاكر حول حدود صلاحياتنا كأعضاء قبل الشروع في مثل هذه الخطوات، و يا حبذا لو تفضل علينا الأخ بكري بوجهة نظرة في هذا الموضوع ، علي الأقل لنعرف حقوقنا وواجباتنا كأعضاء و أين تقع الخطوط الحمراء.
و لك و لكل بورداب الرياض خالص ودي و تقديري
الصاوي
|
Post: #48
Title: Re: لقاء أعضاء سودانيزأونلاين مع سعادة القنصل
Author: ابو جهينة
Date: 05-11-2005, 00:26 AM
Parent: #47
عزيزي الصاوي
تحية و إحترام لشخصكم الكريم
أشكرك جزيل الشكر على طرحك الهادي و الذي أنا واثق أنه يصب في المصلحة العامة.
| Quote: و قد تتطورمثل هذه الدعاوي و تتسم بطابع سياسي قد يميل يميناً أو يساراً حسب نوع البورداب، ثم تتحول الي تأييد أو تنديد أو خلافه؟ |
كلامك هنا منطقي جدا ..
و لكن أحب أن أقول لك بأننا كسودانيز أون لاين قابلنا الصادق المهدي.
و نخطط لمقابلة كل ألوان الطيف السياسي.
و للعلم بأن أعضاء سودانيز أون لاين يمثلون :
شيوعيون
حزب أمة
إتحادي
حركات دارفور
حركات النوبة بالشمال
مؤتمر وطني
شعبي
مستقلين ( في كمان مستغلين )
لذا لا مجال للإستقطاب أو التنديد أو تأييد جهة على حساب الآخرين.
نحن جسم يريد إيصال صوته بالطرق المشروعة.
و أخيرا .. نعرف حدبك و حرصك .. و نشكر لك مداخلتك الرصينة.
دمتم
|
Post: #49
Title: Re: لقاء أعضاء سودانيزأونلاين مع سعادة القنصل
Author: nile1
Date: 05-11-2005, 03:42 AM
Parent: #48
الأخ صديق الموج
لك الود والتحية
| Quote: ثانيا :الاعضاء فقط هم الذين يحق لهم الحضور والداير يزور |
من هم الأعضاء؟؟ هل هم المسجلين في البورد من أهل الرياض فقط أم أن كلمة عضو تشمل أي شخص من المسجلين بالبورد؟؟
لماذا أعضاء سودانيس أونلاين فقط والقنصل هو قنصل ج السودان وليس قنصل سودانيس أونلاين؟؟؟
ثم لماذا نفلق الموضوع على البورداب فقط؟؟لماذا لا يكون لهم الفضل والشرف في تسهيل لقاءات المسئولين بالمغتربين السودانيين سوا كانوا أعضاء في البورد أو لم يكونوا اعضاء؟؟؟
لك وافر التقدير
|
Post: #50
Title: Re: لقاء أعضاء سودانيزأونلاين مع سعادة القنصل
Author: صديق الموج
Date: 05-11-2005, 04:05 AM
Parent: #1
Quote: الأخ صديق الموج
لك الود والتحية
Quote: ثانيا :الاعضاء فقط هم الذين يحق لهم الحضور والداير يزور
من هم الأعضاء؟؟ هل هم المسجلين في البورد من أهل الرياض فقط أم أن كلمة عضو تشمل أي شخص من المسجلين بالبورد؟؟ |
يا حليلك لما كنت معانا فى الرياض...يا اخى انت تجى وتجيب معاك
بنغلاديش وهنود كمان بس نشوفك...والمقصودين الله عالم بيهم
واصلوا ما تزعل داير منو من الاعضاء وغير الاعضاء نسوقوا ليك
معانا كمان،،،شكرا على المرور البهى ده،،،
|
Post: #51
Title: Re: لقاء أعضاء سودانيزأونلاين مع سعادة القنصل
Author: صديق الموج
Date: 05-11-2005, 04:09 AM
Parent: #1
اها شلنا التكرار البشيل ليكم صورتى السنيحة شنو؟؟؟؟
|
Post: #52
Title: Re: لقاء أعضاء سودانيزأونلاين مع سعادة القنصل
Author: صديق الموج
Date: 05-11-2005, 04:10 AM
Parent: #1
مكرررررررررررررررررررررررر
|
Post: #53
Title: Re: لقاء أعضاء سودانيزأونلاين مع سعادة القنصل
Author: nile1
Date: 05-11-2005, 05:44 AM
Parent: #52
الأخ صديق
لك كل الحب والتجلة والتقدير
سؤالي ليس عن زعل ولكن لأنني حقيقة أفتقدكم جميعا..وبما أنني سأكون في الرياض يومي الخميس والجمعة سول لي شوقي اليكم أن أكون بينكم..ولكن كلمة الأعضاء وقفت(زي دقار اللوري) ..أشكرك على ترحيبك بي والذي لم يصادف نجم سعدي إذ أنني ساغادر الرياض بقطار الساعة الثالثة عصر الجمعة ولقاءكم سيكون مساء الجمعة....ليته كان مساء الخميس ولكن...ما عندنا في الطيب نصيب..ثقتنا كبيرة في أن الحضور فيهم البركة وسيثيرون مع القنصل كل المنقصات الرسمية التي إختنقنا تحت ثقلها..تحياتي لك وللجميع
|
Post: #54
Title: Re: لقاء أعضاء سودانيزأونلاين مع سعادة القنصل
Author: ابو جهينة
Date: 05-12-2005, 00:09 AM
Parent: #53
تذكير بالموعد غدا إن شاء الله.
بعد صلاة المغرب مباشرة لأن القنصل لديه إرتباط آخر بعد لقاءنا به مساءا.تمبس
معتصم
وليد
الوجيه
الكاميرات يا حبان
|
Post: #55
Title: Re: لقاء أعضاء سودانيزأونلاين مع سعادة القنصل
Author: محمد أبوجودة
Date: 05-12-2005, 01:38 AM
Parent: #1
التحايا للجميع ،،
لقد قيل أنّ أحد أباطرة الحبشة قد طرد "بعثة مُبشِّرين " غربيين ، وقال لكبيرهم : إنّنى لستُ في غباء المهراجات !! واعلمُ جيِّداً أنّ المُبشِّرين يتبعهم الــ " القناصل " وتتبع القناصل " الجيوش " ! وأحبُّ ان اكون على استعداد منذ اللحظة لمقابلة جيوشكم !!
------------------------
أخي " أبوجهيــنة " ،، سلام وترحاب ،،
وشكراًجزيلاً على موالاة النشاط العام للجماعة السودانية بالرياض ، هذه الجماعة السودانية متنوَّعة المشارب والألوان السياسية والثقافية، والتى يجمع بين أعضائها الكثير من الروابط الوطنية والأخوية وحال التغرُّب والهموم المتقاربة والطموحات المتدافعة من شخصية وعامّة وإنسانية ؛ وليس " عضوية سودانيزأونلاين " فحسبْ ! وبالتالي ، فكل النشاطات الثقافية والإجتماعية التى تتمُّ على هذه الصُّعُد! لن تُحسب "خَصْماً" على " إسم أو بقيّة عضوية سودانيزاون لاين ، في مختلف المهاجر أو داخل الوطن ، وربما تُعْتـَـبر "إضافة " لسودانيزأون لاين ، وبقيّة عضويتها ، إن لم يُمانعا في ذلك . طالما عَقِــلَ النّاسُ أنّ هذا " الخصم والإضافة " مبنيّان أساساً على اتِّفاق هذه الجماعة السودانية "بالرياض" بحسب لوائحها والنُّظم، إن وُجدت ، صراحةً أو ضِمناً ، وسَلِمَتْ من الإنقسام والتشرذم والمماحكات في أحقّيّة التَّسمِّي بكلمة " بورداب الرياض " ..
أُقَدِّر تماماً ، الآراء التى ترى بعض السلبية في ان يأخذ البعض ، حقُّ النّاطق الرسمي باسمهم كأعضاء في السودانيزأون لاين ، دون رغبتهم ودون موافقتهم ! ولذلك ، أُقدِّم تفسيرى الشخصي - أعلاه - لدحض هذه الآراء السلبية ، مضيفاً : أن كلمة " بورداب الرّياض " تحمل تخصيصاً وتُعيِّن " تحديداً" يفيد في مسؤولية الاعضاء الناطقين بهذا الرّسم أو القائمين بهذا العمل تضامنيّاً ، من دون ان يُرتِّب ذلك مسؤوليةً على السودانيزأون لاين ، او بقيّة عضويتها ..
-------------------
أُرحِّب باستضافة " قنصل " جمهورية السودان ، واستعداده للإجابة على أسئلة هذه المجموعة في المجالات التى تخصُّ وظيفته بقنصلية السودان بالرياض ، وسأسعى جهدي ، لحضور اللِّقاء .
عزيزي أبوجهينة ،
لا أظنّك تريد منِّى تعليقاً على خبر المبشِّرين والقناصل والجيوش ، ذاك الذي افتتحتُ به هذه المداخلة ! فيقينى أنّه لن تفوتك ، ولن تفوت المتداخلين ، شُـبهة التطبيع فالغزو فالتركيع ، حينما يأتى اسم الرسميين القابضين على مقاليد الأمور في دولة ذات نهج شمولي ، لم تأتِ للكلمة " السّواء " إلآ بعد لأيٍّ ! ولايزال داخل هذه الـ"لأي " ألفُ لم يستقم بعدُ !! وعلى أيٍّ ، فالزمان زمان حوار ونقاش ، خصوصاً والقضايا المفترض بحثها ، تتميّز بالجانب الشخصي لكل مغترب ، فضلاً عن انّها تحظى بالعمومية بشموليّة وقوعها على الكثيرين .
أقول: الزمان زمانُ حوار ومحاولة للوصول للوسط الذهبي ، فلا إقصاء ولا تخلٍّ عن جرائم .. ولكن ، لا حرد ولا سكوت هُس .. !! بل كلام وفِعال ومصاولات ..
مع خالص الود ،،،/
|
Post: #56
Title: Re: لقاء أعضاء سودانيزأونلاين مع سعادة القنصل
Author: ودقاسم
Date: 05-12-2005, 02:18 AM
Parent: #1
حسبت أنّ اللقاء سيكون خلال فترة النهار في استراحة حسب الترتيبات الأولية للموضوع ، وكنت حريصا على حضور اللقاء في هذا التوقيت ، وكنت سأغادر موقع لقائنا قبيل المغرب لأتمكن من المشاركة في مناسبة اجتماعية أخرى مبرمجة في وقت سابق ،،،
ونظرا لما استجد من تعديل في موعد اللقاء بسعادة القنصل ، فإني أعتذر عن عدم حضوري لهذا اللقاء الذي انتظرته طويلا ،،، لكن على كل حال سعادة القنصل موجود إن شاء الله ، وسألتقيه في مرّات قادمات ،،، كما أن الاخوة في مجموعة بورداب الرياض فيهم خير وبركة وسيحملون وجهات نظرنا ومطالبنا وتطلعاتنا لسعادة القنصل ...
أكرر أسفي واعتذاري لسعادة القنصل ولبورداب الرياض ،،،
|
Post: #57
Title: Re: لقاء أعضاء سودانيزأونلاين مع سعادة القنصل
Author: ابو جهينة
Date: 05-12-2005, 04:04 AM
Parent: #56
عزيزي أبوجودة
الزول الأصيل
مبنيّان أساساً على اتِّفاق هذه الجماعة السودانية "بالرياض" بحسب لوائحها والنُّظم، إن وُجدت ، صراحةً أو ضِمناً ، وسَلِمَتْ من الإنقسام والتشرذم والمماحكات في أحقّيّة التَّسمِّي بكلمة " بورداب الرياض " ..
ربنا يحفظك .. فقد أتيت بكلام ليت الكل يقرؤه و يضعه دستورا أمامه.
تسلم
إلى لقاء الغد إن شاء الله.
تحياتي للأسرة
|
Post: #58
Title: Re: لقاء أعضاء سودانيزأونلاين مع سعادة القنصل
Author: ahmed haneen
Date: 05-12-2005, 05:21 AM
Parent: #1
الريس ابو جهينة
تحياتي
انشاء الله حاضرين وكل الشباب اكدوا حضورهم
بس كنت بتمني من الأخ نايل يحجز في القطر الأخير
الساعة 12 حتي ننعم بمقابلته
وبرضو نوجه نداء لكل بورداب الرياض والمملكة عموما
والخليج علي الوجه الأعم والأشمل وحتي لجميع المغتربين دون فرز
وكل من لديه استفسار او مطالب ،، او مظالم او رأي يريد
ان يوصله لسعادة القنصل ان يرسله لنا في هذا البوست او الأيميل
الموجود في البروفايل
مع التحية للجميع
|
Post: #59
Title: Re: لقاء أعضاء سودانيزأونلاين مع سعادة القنصل
Author: ابو جهينة
Date: 05-12-2005, 06:13 AM
Parent: #58
البربراوي الأصيل أحمد
Quote: وبرضو نوجه نداء لكل بورداب الرياض والمملكة عموما
والخليج علي الوجه الأعم والأشمل وحتي لجميع المغتربين دون فرز
وكل من لديه استفسار او مطالب ،، او مظالم او رأي يريد
ان يوصله لسعادة القنصل ان يرسله لنا في هذا البوست او الأيميل
الموجود في البروفايل |
دة كلام تمام
إلى الغد بحوله و قوته
|
Post: #60
Title: Re: لقاء أعضاء سودانيزأونلاين مع سعادة القنصل
Author: ahmed saeed
Date: 05-12-2005, 09:08 AM
Parent: #59
ابو جهينة سلام
انشاء الله حاضرين
واتمني ان يكون لقاء يفيد كل مغتربي السعودية والرياض
بالتحديد
لك الشكر
|
Post: #63
Title: Re: لقاء أعضاء سودانيزأونلاين مع سعادة القنصل
Author: ابو جهينة
Date: 05-12-2005, 02:31 PM
Parent: #60
الأخ الحبيب أحمد سعيد
تحية و مودة
يشرفنا جدا حضورك ..
نحن مشتاقون جدا ..
نتكلم بكرة بإذن الله.
|
Post: #61
Title: Re: لقاء أعضاء سودانيزأونلاين مع سعادة القنصل
Author: ghariba
Date: 05-12-2005, 02:07 PM
Parent: #1
الاخ ابو جهينة
انا حاضر رغم الظروف التي سبقت ان ذكرتها لك بخصوص اجتماع تنظيمي سيكون في نفس الوقت
ولكن علشان خاطرك انا جاي
وعلشان اشوف الاصوات التي تحدثت على انني لست عضو في هذا الجسم ( بجانب آخرون )
على العموم ساكون في رفقة سعادة القنصل
وساقوم بتغطيتها اعلاميا
صلاح غريبة – الرياض
|
Post: #64
Title: Re: لقاء أعضاء سودانيزأونلاين مع سعادة القنصل
Author: ابو جهينة
Date: 05-12-2005, 02:35 PM
Parent: #61
أبو أحمد غريبة
تحايا ماكنة
Quote: انا حاضر رغم الظروف التي سبقت ان ذكرتها لك بخصوص اجتماع تنظيمي سيكون في نفس الوقت
ولكن علشان خاطرك انا جاي |
عارفين معدنك و الله يا أبو أحمد .. إنت قدها و قدود.
Quote: وعلشان اشوف الاصوات التي تحدثت على انني لست عضو في هذا الجسم ( بجانب آخرون )
على العموم ساكون في رفقة سعادة القنصل |
صدقني إنها دعابة من العيار التقيل .. و وجها لوجه ستعرف صحة كلامي.
| Quote: وساقوم بتغطيتها اعلاميا |
و هذا هو المهم و بيت القصيد
تسلم
ما تنسى الزهرات.
|
Post: #62
Title: Re: لقاء أعضاء سودانيزأونلاين مع سعادة القنصل
Author: ghariba
Date: 05-12-2005, 02:09 PM
Parent: #1
مكرر
|
Post: #65
Title: Re: لقاء أعضاء سودانيزأونلاين مع سعادة القنصل
Author: صديق الموج
Date: 05-12-2005, 03:38 PM
Parent: #1
Quote: وعلشان اشوف الاصوات التي تحدثت على انني لست عضو في هذا الجسم ( بجانب آخرون )
على العموم ساكون في رفقة سعادة القنصل |
صلاح غريبة مافى الى الان صوت قال انت مافى التنظيم غير صوتى
واؤكدها لك الان ...انت مافى التنظيم ده...ولانى احب المؤسسية
انا لا احضر اى اجتماع هو لغير الاعضاء.
اما اذا كنت تقصد ان زيارتك لابو جهنية ودية..يا اخى انا زاتى زورنى
وديا فى بيتى ..والله مرحب بيك والبيت بيتك...ولكن اذا كان هنالك اجتماع للتنظيم
وانت سوف تحضرعليه انا بعتذر يا ابوجهينة عن الحضور...وفى تلك ما بتنازل
وبعدين رفقة القنصل بخيتة وسعيدة عليك ،،،،،،
|
Post: #66
Title: Re: لقاء أعضاء سودانيزأونلاين مع سعادة القنصل
Author: ghariba
Date: 05-13-2005, 00:05 AM
Parent: #1
وبعدين
|
Post: #67
Title: Re: لقاء أعضاء سودانيزأونلاين مع سعادة القنصل
Author: ابو جهينة
Date: 05-13-2005, 04:52 AM
Parent: #66
بعد صلاة المغرب مباشرة يا شباب
|
Post: #68
Title: Re: لقاء أعضاء سودانيزأونلاين مع سعادة القنصل
Author: صديق الموج
Date: 05-13-2005, 06:01 AM
Parent: #1
صلاح غريبة كيفك..
يا اخوى مافى لا بعدين ولا قبلين الموضوع بسيط وليست تحدى
اذا كان ده اجتماع فانت ليست عضو عليه لايحق لك حضور الاجتماع
لكن اذا الموضوع ونسة ما عندى مانع نتونس فى بيت ابوجهينة ونمشى
نتعشى فى بيتك ونبيت فى بيتى الحالة واحدة...يازول،،،،
|
|