مخصوم منك وطن يا خطاب حسن احمد ـ صور

مخصوم منك وطن يا خطاب حسن احمد ـ صور


12-29-2008, 07:57 AM


  » http://sudaneseonline.com/cgi-bin/sdb/2bb.cgi?seq=msg&board=279&msg=1241482082&rn=5


Post: #1
Title: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 12-29-2008, 07:57 AM
Parent: #0


مساء السبت 28 ديسمبر2008، المكان بيت صديقنا الشاعر عادل عبد الرحمن ونخبة من الحضور من ابناء الوطن والضيوف من الفلسطينيين الذين جاءوا للاستماع والمشاهدة
الاستماع الى صوت الشاعر خطاب حسن احمد وهو يغوينا عبرالشعر والمسرح معا
شهدنا عرضا مصحوبا باغنية "عم عبد الرحيم " للشاعر محمد الحسن سالم حميد واخراج خطاب حسن احمد توفر على الاداء فيه رفقة شباب من فرجينيا ، وهو اداء تعبيرى يجسد الاغنية مسرحا ، تحدث الحضور حول ذلك العرض الذى كان جيدا لولا ضيق الامكانات الصوتية والجسدية المتمثل فى رخاوة الشباب الذين يصعدون لخشبة المسرح لاول مرة ، لكنهم استطاعوا ان يجذبونا الى العرض على كثير علاته ، لكنه عرض يشى ان المسرح حضور فى حياة الفنان خطاب حسن احمد ، الذى نقلنا عبر محطاته الشعرية ملونا مساء هيوستن الشتوى ـ الحار ـ
وضعنا على خارطة الوطن حيث
تضيع القصيدة على طاولة الكتابة
ينوٍٍّت الاحساس شدوه
على رمل وموجة
كلما حار تيار
رجّها
كلما همّ ريح
صدحت احرفها بالنجوى
ويالها من نجوى ويالنا من بشر تبكيهم مرارة الفراق لاماكن احبوها







Post: #2
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 12-29-2008, 08:03 AM
Parent: #1

كان حضورا باهرا لبورداب هيوستن
لاول مرة نلتقى السودانى العجوز
عادل بلير
هوارى
عبد الرحمن الخليفة
خطاب حسن احمد
وكاتبة هذه السطور
فبدعوة كريمة من اخى وصديقى عبد الرحمن الخليفة وصلت الى هيوستن
وكنت قد غادرتها شمالا الى ايوا قبل عقد من الزمان
لكنها مدينة ما تزال تحمل الكثير من الدفء
رغم الشتاء البارد فى الشمال
ودفئها ينسجه اهلها من السودانيين
الذين ما تزال البلاد تغلف روحهم بحبها
فلهم اجزل الحب

Post: #3
Title: Re: مخصوم منك وطن يا خطاب حسن احمد ـ صور
Author: MOHAMMED ELSHEIKH
Date: 12-29-2008, 10:59 AM
Parent: #2

سلام ياسلمي
سؤالي عن حذيفة صديقي اين هو يا رب؟؟؟؟

Post: #4
Title: Re: مخصوم منك وطن يا خطاب حسن احمد ـ صور
Author: baha eassa
Date: 12-29-2008, 12:38 PM
Parent: #3

الاخت المشرقة سلمي الشيخ .. ..

كل سنة وانتي بالف خير .. .. افتقدنا كلماتك المعطرة

Post: #19
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 12-30-2008, 02:46 AM
Parent: #4

العزيز بهاء
كل الود والتقدير
تعرف اصعب حاجة انه ما يكون عندك كومبيتر
او يتدفق فيهو لبن
بحاول اتواصل مع الناس البحبهم
فلهم ولك الحب يبقى ابدا
شكرا لسؤالك عنى

Post: #104
Title: Re: مخصوم منك وطن يا خطاب حسن احمد ـ صور
Author: khatab
Date: 01-04-2009, 01:07 PM
Parent: #4


baha eassa

كل سنه وانت أطيب . من سلَم على سلمى وهى
.. بهيوستن ..
فلقد سلم علي ..

شُفت ( الصلبته دي كيف ؟؟)
!!
.
تحيات ياصديق

Post: #18
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 12-30-2008, 02:43 AM
Parent: #3

العزيز محمدالشيخ
تحية واحتراما
شكرا لسؤالك
وحذيفة موجود فى السودان
ممكن تاخد الايميل بتاعى
وارسل ليك عليهو التلفون الخاص بحذيفة
محبتى
[email protected]

Post: #105
Title: Re: مخصوم منك وطن يا خطاب حسن احمد ـ صور
Author: khatab
Date: 01-04-2009, 01:25 PM
Parent: #3

الاخ محمد الشيخ

لكم كامل الود .. بدورى اتساءل عن حذيفه الشيخ !!

كثير سؤال ولقد نبا الى علمى انه بارض البلا د ..

سلملى عل البلا د

وكتر فى اشتياقى .. فلقد طال بنا البُعاد

.

لكم خالص الموده

.


Post: #102
Title: Re: مخصوم منك وطن يا خطاب حسن احمد ـ صور
Author: khatab
Date: 01-04-2009, 08:07 AM
Parent: #2

(كان حضورا باهرا لبورداب هيوستن
لاول مرة نلتقى السودانى العجوز
عادل بلير
هوارى
عبد الرحمن الخليفة
خطاب حسن احمد
وكاتبة هذه السطور
فبدعوة كريمة من اخى وصديقى عبد الرحمن الخليفة وصلت الى هيوستن
وكنت قد غادرتها شمالا الى ايوا قبل عقد من الزمان
لكنها مدينة ما تزال تحمل الكثير من الدفء
رغم الشتاء البارد فى الشمال
ودفئها ينسجه اهلها من السودانيين
الذين ما تزال البلاد تغلف روحهم بحبها
فلهم اجزل الحب
..
.
.
..
.
.
شكرا ً
لكم
ايما
شكر
.


Post: #5
Title: Re: مخصوم منك وطن يا خطاب حسن احمد ـ صور
Author: Adil Osman
Date: 12-29-2008, 12:56 PM
Parent: #1

من المعالم الثقافية فى مدينة هيوستن

http://upload.wikimedia.org/wikipedia/commons/9/9b/Wortham_Center.jpg
مركز ورثام للفنون فى "حلة المسرح"




مركز هوبى لفنون الاداء




جنينة هيرمان

Post: #21
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 12-30-2008, 02:53 AM

شكرا ليك ياعادل عثمان على الصور
مدينة هيوستن من اكبر المدن التى تهتم بالفنون
خاصة الفن التشكيلى
والمسرح
كنت فيها لزمن قصير
مدينة حميمة
سوى انى هجرتها لحر يلف جوها
ورطوبة تنخر العظام
لكنها فى عداد المدن التى احببتها
لك خالص مودتى

Post: #106
Title: Re: مخصوم منك وطن يا خطاب حسن احمد ـ صور
Author: khatab
Date: 01-04-2009, 02:02 PM

وهكذا نلتقى .. يا عادل عثمان

كل عام مذ مسكنا درب .. الاسافير

كأنك تدلنى على الكنوز الثقافيه بمدينة هيوستن

مدينة البترول والميناء

سأحوم يا صديقى على الساحل المطل على خليج المكسيك

وغد الندوة , كنت قد زُرت صحبة - بوردابها لسودانيس -

( بلير .. هوارى .. عادل وسلمى

والدكتور , الميكانيكى .. عبدالمنعم العجبانى )

حيث قصدنا جزيرة ..قالفستون ..

تلك الانيقة المُحيره ...

واهلها الاوسم من العاصفه

التى لم تنس ان تزورها , وتعبث باوتادها !!

بعد طول سكون

لك منى خالص التحايا

حتى نعود

.




Post: #6
Title: Re: مخصوم منك وطن يا خطاب حسن احمد ـ صور
Author: أشرف البنا
Date: 12-29-2008, 04:58 PM
Parent: #1

الأستاذة سلمى ...
إفتقدنا سطوعك هنا ...
حمدالله على سلامة العودة ...
مع كثير الود و الإحترام و عاطر التحايا ...

Post: #7
Title: Re: مخصوم منك وطن يا خطاب حسن احمد ـ صور
Author: عثمان سيد أحمد
Date: 12-29-2008, 07:07 PM
Parent: #6


Quote: وضعنا على خارطة الوطن حيث
تضيع القصيدة على طاولة الكتابة
ينوٍٍّت الاحساس شدوه
على رمل وموجة
كلما حار تيار
رجّها
كلما همّ ريح
صدحت احرفها بالنجوى
ويالها من نجوى ويالنا من بشر تبكيهم مرارة الفراق لاماكن احبوها



الأخت سلمى

كل سنة وأنتي بكل عافية الوطن والحب
وتعود السنوات ونناجي حتى نعود لأماكن الحب



ايتها الغالية سلمى


صديقي خطاب حسن أحمد
ذلك الشاعر الشفيف

فنان بقامة وطن
و مسرحي حتى النخاع


لكما مني كل الود يا مسرحي الشتات





وكا عام وأنتم بألف خير وعافية

Post: #29
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 12-30-2008, 01:20 PM
Parent: #7

عثمان سيد احمد
يا مسرح
يا مسرح طالى من الابواب
افتح ابوابك
وامشى على الدرب الذى تشتت بموجبه قافلتنا
لكننا سنعود ذات اخضرار
ونبنى ما توقف
ونفتح كل باب استعصى

لك المسرح
ولنا الفرجة
لك النص
ولنا الرؤى التى تبثها خلاله
فاحلم ياصديقى
واحلم
احلم فللحلم مزايا الصحو
وللصحو حين نبلغ المدى حق علينا
ان نرتب ارواحنا فى دولاب الحياة المسرحية
ونعيد ما كان وهجا الى الاكثر توهجا
لك الامنيات الصادقة ان تعود لمسرحنا حيويته وحتما ستعود

Post: #134
Title: Re: مخصوم منك وطن يا خطاب حسن احمد ـ صور
Author: khatab
Date: 01-06-2009, 03:53 PM
Parent: #7

(ايتها الغالية سلمى


صديقي خطاب حسن أحمد
ذلك الشاعر الشفيف

فنان بقامة وطن
و مسرحي حتى النخاع


لكما مني كل الود يا مسرحي الشتات )

العزيز عتمان ود سيداحمد

صديق زارنا هنا وذهب ليتصفح بوست .. سلمى سلملم .. سلامه
وطالع فيما طالع مداخلتك النقيه ,
ياخى عثمان سيد احمد ده انا بعرفو ذكرنى ليهو !!
فقلت ليهو
اكتر فنان مسرحى اشتغل الخدمه المدنيه منو ؟
قال لى دون تردد .. طبعا ً
الفاضل سعيد
قلت ليهو تتذكر الكانوا بيلعبوا فى مسرحياتو
وتمثلياتو فى التلفزيون منو ؟
اخد ليهو صنه ..
وقال
طبعا.. عبدالوهاب الجعفرى و
وواحد اخدر طويل لابس نضارات .. ايواه اتذكرتو ليك عثمان سيداحمد
يا سلام ياخى وهسى وين الزول ده !!
اخدت صنه برضو
وقلت ليهو: زيما كاتب تحت
.
احد مسرحييى الشتات
.
الذين يسحبون خشبة المسرح القومى
يطوونها بعنايه
ويفرشونها اينما ذهبوا
.
لك الود العامر
.



Post: #8
Title: Re: مخصوم منك وطن يا خطاب حسن احمد ـ صور
Author: Aymen Tabir
Date: 12-29-2008, 07:18 PM
Parent: #6

سلمى
اجزل الحب لك ...
لخطاب حسن احمد ..

Post: #9
Title: Re: مخصوم منك وطن يا خطاب حسن احمد ـ صور
Author: محمد على طه الملك
Date: 12-29-2008, 07:39 PM
Parent: #8

إن عدتم عادت سودانيز لمحطات حكاياك الرائعة ..
بصدقها وواقعيتها وسلاستها وملمحها النقدي الخلاق ..
لك وللأستاذ خطاب أطيب الأماني ..
Quote: مخصوم منك وطن

صدقت يا خطاب .

Post: #50
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-01-2009, 01:36 AM
Parent: #9

الحبيب الغالى محمدعلى طه الملك
لك اندلاق الوهج الذى يشع فى دواخلك دائما
عدنا ياصديقى
لكن ما ابعدنا له موقع اخر من الحديث
سعيدة بوجودك هنا
واجزل المنى لك
ان يكون هذا العام عام سعد
وقدم سعد
على وطننا اولا واخرا
وعلينا من ثم ستندلق الاغنيات تباعا
لك المحبة

Post: #140
Title: Re: مخصوم منك وطن يا خطاب حسن احمد ـ صور
Author: khatab
Date: 01-06-2009, 05:55 PM
Parent: #9

(إن عدتم عادت سودانيز لمحطات حكاياك الرائعة ..
بصدقها وواقعيتها وسلاستها وملمحها النقدي الخلاق ..
لك وللأستاذ خطاب أطيب الأماني ..

Quote: مخصوم منك وطن


صدقت يا خطاب .
)

لك التحايا الباسقات

اخى الكريم .. محمد على طه الملك

يقول مطلع القصيده ..

التى تناكفنى بها العزيزه سلمى :

.
نجمتين
إتجادعن
نم’ اساك ..!!
لِحِق المسافرين
فى الصحاري
الارتباك
مخصوم منك وطن
ناس
وصِحاب
.
واسمها القصيده :

ابلغ احوال الورد

.

خالص التحايا

.

Post: #49
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-01-2009, 01:21 AM
Parent: #8

الابن الغالى ايمن
كل المنى ان تكون دائما بخير
وان تبلغ كل ما تروم
تحياتى لك على امل اللقاء قريبا
مشتهية الشوفة والونسة والحالة التسر
كل المنى ان تكون هذه السنة سنة رفاهية لك ولشريكتك
الراقية الحبيبة الابنة عزوزة
محبتى التى تعرف

Post: #138
Title: Re: مخصوم منك وطن يا خطاب حسن احمد ـ صور
Author: khatab
Date: 01-06-2009, 04:50 PM
Parent: #8

( سلمى
اجزل الحب لك ...
لخطاب حسن احمد ..
)

ولك
ايمن اجزل مما تكنون لنا
للصحاب
للبلاد وانسانهاالذى يناضل
ليتملى على مراّة اليوم
ما اعتلى وجهه من تغيُر
واختلاف
اّملا ً
الا يفقده الوسامة
_ المُستدامه_
.
اشوفك
اعمل تلفون فما زال الرقم
ناشطا
.

Post: #22
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 12-30-2008, 02:58 AM
Parent: #6

الحبيب الغالى اشرف
لكم يبهجنى ان اعود الى رباكم
وبكم
فانتم عزوتى وناسى والذين احبهم
لك الورود النديات
ولى شرف ان اكون بينكم
محمولة على اوردة شعر خطاب ومسرحه ونداوة كلماته
فلكما محبتى

Post: #115
Title: Re: مخصوم منك وطن يا خطاب حسن احمد ـ صور
Author: khatab
Date: 01-04-2009, 09:17 PM
Parent: #6

اشرف يا بنا

تحايا وسلامات متنوعة الاريج

كيفك يا صاحب

عل الاعوام القادمات ارحب

دام بهاك

.

.

.

Post: #126
Title: Re: مخصوم منك وطن يا خطاب حسن احمد ـ صور
Author: khatab
Date: 01-05-2009, 04:29 PM
Parent: #6

عزرا للتكرار

Post: #10
Title: Re: مخصوم منك وطن يا خطاب حسن احمد ـ صور
Author: ALGARADABI
Date: 12-29-2008, 07:41 PM
Parent: #1

عم عبد الرحيم
محمد الحسن حميد
-****-
فتاح يا عليم
رزاق يا كريم
صلى على عجل
همهم همهمة
حصن للعباد
وهوزز سبحتو
ودنقر للتراب
هم فوق هم همـة
صنقع للسما
وكان فى الجو
فى غيم
وكم نجمات بعاد
وكان الدنيا صيف
لا قالتو كيف
كيف اصبحت كيف
لا لمسة حنان
لا لمسة وداد
لا رمشة طريف
من قلبا وفى
زى ايام زمان
ايام الدفى
***********
كانت ماهـا فى
كانت فى المراح
شدتـلـو الحمار
تحلب فى الغنم
لى شاى الصباح
والطير ما نضم
ما رسل نغم
عم عبد الرحيم
اتوكل نزل
فى المشرع لقا
زملان الشقا
الجا من الجريف
الجا من الجبل
عل الناس بخير
صبح هاظرم
نقنق ناقرم
غاظوه نعل
وعم عبد الرحيم
ما بخبر زعل
كل الناس هنا
ما بتخبر زعل
تزعل من منو
وتزعل فى شنو
كل الناس حنان
كل الناس صحاب
كل الناس اهل
والماهم قراب
قربم العمل
الطاق اليطق
عشت ابو الزمل
بالحالة العليك
بالفال بالامل
**********
عم عبد الرحيم
كت فتاح فى يوم
فى ايدك تنوم
على كيفك تقوم
لا دفتر حضور
لا حصة فطور
تقرع بالقمر
تزرع بالنجوم
لكن الزمن دوار آ بدوم
عم عبد الرحيم
ماشى على الشغل
فى البال القديم
اتعارض تكل
تنشايح جراح ..
يا كيف الغسل ؟
الدنيا ام صلاح
تبدأ من التكل
من حج الصباح
فى حق الملاح
فى اللبس الجديد
فى القسط القديم
وبيناتن عشم
فى الفرج البعيد
***********
امونة الصباح
قالتلو النعال
والطرقة انهرن
ما قالتلو جيب
ما قالتلو جيب
شيلن يا الحبيب
غشهن النقلتى
والترزى القريب
بس يا ام الحسن
طقهن آبفيد !!
طقهن آبزيد !!
انطقن زمن
وان طق الزمن
لازمك توب جديد
وبى اية تمن
غصبًا للظروف
والحال الحرن
شان يا ام الرحوم
ما تنكسفى يوم
لو جاراتنا جن
مارقات لى صفاح
او بيريك نجاح
ده الواجب اذن
وايه الدنيا غير
لمة ناس فى خير
او ساعة حزن
**************
عم عبد الرحيم يا حر
ماكا حر
ياريت التمر
يا ريت لو يشيل
كل تلات اشهر
والله ايام زمان
كانت ما تمر
كان ما جاك هوان
ما لاقاكى ضر
كان لا ضقت ضيق
لا اتغرغر فقر
لا شابيت غريق
لا طلوح صبر
وكان ما كان وكان
كان اكسيكى در
*******
حيكومات تجى
وحيكومات تغور
تحكم بالحجى
بالدجل الكجور
ومرة العسكرى
كسار الجبور
يوم باسم النبى
تحكمك القبور
تعرف يا صبى
مرة تلف تدور
ولا تقول برى
او تحرق بخور
هم يا الفنجرى
يا الجرف الصبور
كل السقتو ما
باقى على التمور
وارضك راقدة بور
لا تيراب وصل
لا بابور يدور
والماهية اف
عيشة هاك وكف
فى هذا الزمن
تب يا دنيا تب
فى هذ الزمن
تف يا دنيا تف
يا العبد الشقى
ما اتعود شكى
لكن الكفاف
فوقك منتكى
والسوق فيك ياسوق
حالا ما تسر
الا كمان فى ناس
فايتاك بالصبر
ساكنين بالايجار
لا طين لا تمر
واحدين بالايجار
ما لا قين جحر
سلعتم الضراع
والعرق اليخر
عمال المدن
كلات الموانى
الغبش التعانى
بحارة السفن
حشاشة القصوب
لقاطة القطن
الجالب الحبال
الفطن الفرن
الشغلانتو نار
والجو كيف سخن
فرقاً شتى بين
ناس عيشا دين
مجرورة وتجر
تقدح بالاجر
ومرة بلا اجر
عيشهم كمهو
ديل شوف كمهم
وديل شوف هان قدر
*********
وناسا حالا زين
مصنع مصنعين
طين فى طينو وين ؟
ما مرابو مر
بارد همها
لا بعرق جبين
لا وشا يصر
عين والله عين
كلها كمها
عزها هان قدر
دى الجنة ام نعيم
الجنة ام قصر
يا عبد الرحيم
الا ورا القبر
يلكد فى الحمار
لا تسرح كتر
وان كان الفقر
يا عبد الرحيم
اشبه بالكفر
***********
حكومات تجى
وحكومات تغور
تحكم بالحجى
بالدجل الكجور
ومرة العسكرى
كسار الجبور
يوم باسم النبى
تحكمك القبور
تعرف يا صبى
مرة تلف تدور
ولا تقول برى
او تحرق بخور
هم يا الفنجرى
يا الجرف الصبور
كل السقتو ما باقى
على التمور
وارضك راقدة بور
لا تيراب وصل
لا بابور يدور
*********
نقرط للحمار
نقريط الحمار
لا تنسى النعال
الطرقة ، الخدار
اللبس الجديد
تسريح السفر
للماشى الصعيد
ماشى الديش نفر
والبــال اشتغل
والبال اشتعل
ب الابا مايعيد
الحول ما اشتغل
الغبن الشديد
السابة ورحل
الضيق المحل
الفرج القريب
الجا وما وصل
زى الحال دة يوم
لا كان لا حصل
والبال اشتغـل
*************
السكة الحديد
يا عم القطر
يا عبد الرحيم
قدامك قطر
وسال الدم مطر
وطارت دمعتين
وانشايح وتر
يا طاحن الخبر
ما بين القضا
ومرحاكة القدر
الشهدو الدموم
و الدمع الهدر
ايدهم فى التراب
والعين فى القطر
عارفين الحصل
عارفين فى حذر
الخبر اليقين
بوخ وانتشر
اطفال القرى
وعمال الحضر
ادوهو الطيور
ودنو البحر
انصاع السحاب
وادفق مطر
عم عبد الرحيم
فى الشارع عصر
لى تالا اليسار
متفادى الكجر
عربية الكجر
دوية الكجر
جفلت الحمار
وطوح زى حجر
وعم عبد الرحيم
اتلافا القطر
فتاح يا عليم
سال الدم مطر
جرتق بالتراب
منشور بكتاب
روشتة وجواب
ماهية شهر
مفتاحا قراب
اورنيقين سهر
جم لبدة حمار
مقطوعين ضهر
عم عبد الرحيم
يا كم من بشر
عم عبد الرحيم
يا كم من بشر
صحى الموت سلام
ما يغشاك شر
صح فى الموت سلام
ما يغشاك شر




سلمى
سلام

Post: #52
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-01-2009, 01:50 AM
Parent: #10

Quote: حيكومات تجى
وحيكومات تغور
تحكم بالحجى
بالدجل الكجور
ومرة العسكرى
كسار الجبور
يوم باسم النبى
تحكمك القبور
تعرف يا صبى
مرة تلف تدور
ولا تقول برى
او تحرق بخور
هم يا الفنجرى
يا الجرف الصبور
كل السقتو ما
باقى على التمور
وارضك راقدة بور
لا تيراب وصل
لا بابور يدور
والماهية اف
عيشة هاك وكف
فى هذا الزمن
تب يا دنيا تب
فى هذ الزمن
تف يا دنيا تف
يا العبد الشقى
ما اتعود شكى
لكن الكفاف
فوقك منتكى
والسوق فيك ياسوق
حالا ما تسر
الا كمان فى ناس
فايتاك بالصبر
ساكنين بالايجار
لا طين لا تمر
واحدين بالايجار
ما لا قين جحر
سلعتم الضراع
والعرق اليخر
عمال المدن
كلات الموانى
الغبش التعانى
بحارة السفن
حشاشة القصوب
لقاطة القطن
الجالب الحبال
الفطن الفرن
الشغلانتو نار
والجو كيف سخن
فرقاً شتى بين
ناس عيشا دين
مجرورة وتجر
تقدح بالاجر
ومرة بلا اجر
عيشهم كمهو
ديل شوف كمهم
وديل شوف هان قدر
*********
وناسا حالا زين
مصنع مصنعين
طين فى طينو وين ؟
ما مرابو مر
بارد همها
لا بعرق جبين
لا وشا يصر
عين والله عين
كلها كمها
عزها هان قدر
دى الجنة ام نعيم
الجنة ام قصر
يا عبد الرحيم
الا ورا القبر
يلكد فى الحمار
لا تسرح كتر
وان كان الفقر
يا عبد الرحيم
اشبه بالكفر
***********
حكومات تجى
وحكومات تغور
تحكم بالحجى
بالدجل الكجور
ومرة العسكرى
كسار الجبور
يوم باسم النبى
تحكمك القبور
تعرف يا صبى
مرة تلف تدور
ولا تقول برى
او تحرق بخور
هم يا الفنجرى
يا الجرف الصبور
كل السقتو ما باقى
على التمور
وارضك راقدة بور
لا تيراب وصل
لا بابور يدور
*********
نقرط للحمار
نقريط الحمار
لا تنسى النعال
الطرقة ، الخدار
اللبس الجديد
تسريح السفر
للماشى الصعيد
ماشى الديش نفر
والبــال اشتغل
والبال اشتعل
ب الابا مايعيد
الحول ما اشتغل
الغبن الشديد
السابة ورحل
الضيق المحل
الفرج القريب
الجا وما وصل
زى الحال دة يوم
لا كان لا حصل
والبال اشتغـل
*************
السكة الحديد
يا عم القطر
يا عبد الرحيم
قدامك قطر
وسال الدم مطر
وطارت دمعتين
وانشايح وتر
يا طاحن الخبر
ما بين القضا
ومرحاكة القدر
الشهدو الدموم
و الدمع الهدر
ايدهم فى التراب
والعين فى القطر
عارفين الحصل
عارفين فى حذر
الخبر اليقين
بوخ وانتشر
اطفال القرى
وعمال الحضر
ادوهو الطيور
ودنو البحر
انصاع السحاب
وادفق مطر
عم عبد الرحيم
فى الشارع عصر
لى تالا اليسار
متفادى الكجر
عربية الكجر
دوية الكجر
جفلت الحمار
وطوح زى حجر
وعم عبد الرحيم
اتلافا القطر
فتاح يا عليم
سال الدم مطر
جرتق بالتراب
منشور بكتاب
روشتة وجواب
ماهية شهر
مفتاحا قراب
اورنيقين سهر
جم لبدة حمار
مقطوعين ضهر
عم عبد الرحيم
يا كم من بشر
عم عبد الرحيم
يا كم من بشر
صحى الموت سلام
ما يغشاك شر
صح فى الموت سلام
ما يغشاك شر







وسلام يغشاك
محل ما تروح ابدا فى ضراك
يتوشحك
وتلبسو
تترش بى خيرو وتزيد
يا سلام عليك وسلام على الولد السمح حميد
وسلام على روح السمح مصطفى ود ست الجيل
السلام يقعد معاك لى ابد الابدين يا قردابى
يا زول يا سمح

Post: #141
Title: Re: مخصوم منك وطن يا خطاب حسن احمد ـ صور
Author: khatab
Date: 01-06-2009, 06:50 PM
Parent: #10

العزيز
Author: ALGARADABI
لك خالص الود .. على ايرادك النص
مانفستو , الجساره الابداعيه
لمصطفى , حميد
.
عم عبدالرحيم
.
الذى اشتغلت عليه .. للمرة الثالثه
وشباب فرجينيا .. بعد الاسكندريه
بالاكاديميه البحريه - صُحبة الرفيق
طلال عفيفى وصحبه الابرار - احتفاءا ً
بالاستقلال - اولئك ,
الطلبه السوداناويون ..
الذين لا ينسون
احداث وطنهم المشكله لملامح البلاد
اما عرض .. عم عبدالرحيم .. الاول
فلقد كان بالقاهره و مهرجان الثقافات
السودانيه
اليوم الختامى المُخصص
لفنان
مصطفى سيد احمد
.
اينما ما نكون يشرق السودان
.
ذاك كان .. شعار المهرجان
.

.

.

Post: #11
Title: Re: مخصوم منك وطن يا خطاب حسن احمد ـ صور
Author: عبدالرحمن الخليفة
Date: 12-29-2008, 11:44 PM
Parent: #1

كانت ليلة السبت ليست لقاءاً ادبيا فحسب
وانما تواصل اجيال , يحكى عن صيرورة العطاء
وصك ضمان لمرانة حبال التلاقى بين سودانييى
الشتات ,
من خلال الفنون وتجليات الادب والثقافه
.
شكرا لسلمى التى غمرت هيوستن وناشطيها واهلها
بحميم حضورها
ونتمنى وصولها الى ايوا .. بالسلامه
ومن ثم .. مواصلة العطاء
.

ً

Post: #53
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-01-2009, 02:08 AM
Parent: #11

ود الخليفة
مخصوم منى عمر بحاله لو ما كنت جيت
مخصومة الحياة
لو ما كنت لاقيتكم
فملاقاتكم ارجعتنى الى سنوات بعيدة
كانت
وكنا
يا لله
يا صديقى
شاكرة لكم حسن استقبالكم لى
واتمنى ان نظل دائما على وعد باللقاء
لكم اجزل المودة والمحبة
ولى ان ابعث لكم بكل رياحين الدنيا
وفاءا وعرفانا
لعادل واسرته الكريمةالتى تربطنى بهم صلات لها من الاعوام عدد شعر الراس

ولك ولعادل بلير
وهوارى
وخطاب رفيق العمر صداقة امتدت منذ حقب بعيدة
وحسام
وسميرة محمد نور واسرتها الصغيرة راشد وهدى ومحمد نور
هل نسيت احدا؟
حسين خضر
وخاتم
سلام يغطى وجدانكم الرائع
وحب يبقى ابدا

Post: #12
Title: Re: مخصوم منك وطن يا خطاب حسن احمد ـ صور
Author: Hawari Nimir
Date: 12-30-2008, 00:43 AM
Parent: #1

استاذتنا و اديبتنا\سلمي بت الشيخ سلامة
لك الشكر و انت تعطرين سماءوات (هيوستن) و لياليها الشتوية..
بذلك الحضور البهي والصخب الجميل...و المشاعر الدافئة الحميمة..
وعبر هذا البوست الجميل لابد من تقديم الشكر و التقدير الي, الاستاذ\عادل عبد الرحمن و اسرته الكريمة.
الوالده الحاجة\بثينة
و الاخوان الاعزاء..
عماد....
هويدا..
حسين....
لما شهدناه و كعادتهم دوما..من كرم فياض و استضافة كريمة..ومشاركة جميلة..
بل كان لهم القدح المعلي في انجاح هذه الامسية الجميلة..و التي ازدانت بوجودكوكبة مقدرة
من الاخوة السودانيين و خصوصا(البورداب)
والشكر ايضا الي الاستاذ و الشاعر الفلسطيني\رافت..
لحضوره و مشاركته المقدرة
..ولك كل الامنيات الطيبات ..اينما ما كنت
......
...........
هواري
(بره الموضوع)...الان الاستاذة سلمي في طريق عودتها الي ولاية ايوا.. و الصور في الطريق..

Post: #55
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-01-2009, 02:21 AM
Parent: #12

هوارى الجميل
لك المحبة تترى
والمعزة تنسجم وروحك الوثابة
وخلقك الكريم
يالله
لكم انى سعيدة
عدت للصقيع
لكننى ما ازال اتدفا بكم
واحن اليكم
كما لو انى عرفتكم العمر بحاله
فلقد جعلتم حرهيوستن نعيما كبيرا
وامطارها بعدد ذراتها لكم المودة
وعدد سحبها الماثلة والقادمة لكم الحب
باتساع البحر الذى ابتسم لنا لحظة وقوفنا امامه
وعدد موجاته وذرات مياهه لكم الحب
شكرا لكم على حفاوتكم ومحبتكم
على امل اللقاء

Post: #13
Title: Re: مخصوم منك وطن يا خطاب حسن احمد ـ صور
Author: Hawari Nimir
Date: 12-30-2008, 01:19 AM
Parent: #1






مدينة (قالفستونGalvstone)..علي ساحل خليج المكسيك..
من هذا التمثال و التحفة الفنية الجميلة....بدأنا التجوال و المسير..

Post: #14
Title: Re: مخصوم منك وطن يا خطاب حسن احمد ـ صور
Author: خالد العبيد
Date: 12-30-2008, 01:32 AM
Parent: #1

سلمى
سعيد بي عودتك

Post: #15
Title: Re: مخصوم منك وطن يا خطاب حسن احمد ـ صور
Author: Omayma Alfargony
Date: 12-30-2008, 02:23 AM
Parent: #14

"سلمى
سعيد بي عودتك"

Quote:

وأنا كمان



Post: #56
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-01-2009, 02:26 AM
Parent: #15

اميمة الفرجونى
يا الهى
يا ايتها الشمس التى لا تغيب
اين انتى؟
اما تزالين فى القاهرة ؟
اتمنى ان التقيك لاقول لك
لكم احبك يا صديقتى
لكم اشتاقك واتمنى ان تجمعنا الدنيا ذات صفاء
كما يقول صديقى عادل القصاص
ما تطولى الغيبة
لسه العشم فيكم
الناس فى وادى بعيد مكانى واديكم
او هكذا قال الفنان محمود تاور
محبتى ابدا

Post: #54
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-01-2009, 02:16 AM
Parent: #14

خالد العبيدايها الحبيب
وتجدنى اسعد لانى عدت لاهلى واصدقائى
فالشكر لخطاب الذى حفزنى للكتابة
ولكم ايضا
سلام لعم تجانى الخاتى صورته فى بروفايلك
اتمنى له عمرا مديدا
وصحة وعافية للجميع
كل عام والوطن بخير
شمال وجنوب
شرق وغرب
كل عام ونحن على مواقع الحب لوطن جمعنا
رغم شتاتنا
رغم معاناتنا
سلام يغطى الوطن ويعيد البسمة لكل مريض
ولكل غريب عن دياره
سلام سلام
فبسم السلام نبدا وبسم الله نجتمع على خير بلاد
علمتنا حبها
وارضعتنا اياه امهاتنا فى لبن المودة
واخرجننا من رحم لايود انفصالا
سلام سلام
يخيط اوصالنا
ويعيدنا الى بلاد وان ضنت علينا فهى الحبيبة التى تسقينا
حبها عبر نيل ورهد وتردة
سلام سلام
سلام يعم كل مرقد وكل موقع فى تلك البلاد
لك الحب دائما وللبلاد مثله ويزيد

Post: #142
Title: Re: مخصوم منك وطن يا خطاب حسن احمد ـ صور
Author: khatab
Date: 01-06-2009, 09:59 PM
Parent: #14

خالد العبيد

وفى روايه تانيه .. خالد الفريب وبعيد

نحن الاسعد بالطله ,

عُقبال

الدرب

.

ليك والمعاك تحايا .. قُرب المسافه وبُعدها

.

Post: #16
Title: Re: مخصوم منك وطن يا خطاب حسن احمد ـ صور
Author: ماجدة عوض خوجلى
Date: 12-30-2008, 02:28 AM
Parent: #1

سلوم الخاتية اللوم مشتااااقين معقولة بس انتى وين حبيبة، قلنا نسلم ونبلغ اشتياقى و+ حبى ليكى
تسـلمى يارب من كل شـــر ...

Post: #57
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-01-2009, 02:44 AM
Parent: #16

ماجدة الحبيبة ازيك
ومشتاقة ليك
لحدى ما نتلاقى تانى دى قزقزى بيها
كتبت عن رحلتى ليكم
والقصة طويلة
رحلة بنت بطوطة الى بلاد الانجليز

دائما كنت اقول ان السفر قطعة من جهنم لكنى استحلى حوامضه
ازدرد كل علقم الرحلات التى جعلت منى (طوافة ) او (بنت بطوطة )
للسفر عدة فوائد اقلها انك تتعرف الى نسق حيوات لم تجربها من قبل
فى مكان ما ، زمان ما ، وبقاع تطا ارضها لاول مرة فى هذا العالم
ازيد الى معارفى معرفة جديدة
السبت الثالث من مايو للعام 2008- سيظل يوما محفورا فى الذاكرة
يوم جديد فى حياتى وسيظل عالقا بذاكرتى ابدا
فهو اليوم الاول لى فى مكان لطالما ظلت نفسى تتوق لزيارته
الرحلة بدات من مطار منيابلس فى ولاية مينسوتا جئته من مطار سيدار رابد من ايوا
ثم من هناك الى هيثرو فى لندن
استغرقت الرحلة ثمان ساعات لنعبر المحيط اذا علمنا اننا بقينا رهينى المقاعد لمدة ساعة حيث لامكان للطائرة ان تقف ، من شدة الزحام ،وظل قائد الطائرة ينادينا كل فينة واخرى شاكرا ايانا على صبرنا
وياله من صبر سننال بعده حظوة ان تدخل الى مطار هو الاشهر بين كل مطارات العالم ، وازعم انه اعرقها (لفت انتباهى ساعة وقوفنا ذاك وجود طائرة مكتوب عليها خاص بالمنتخب القومى لانجلتراـ لا تعليق)
دخلنا الى المطار اذن ، الساعة كانت تشير الى الحادية عشر صباحا
توجهت الى قسم التاشيرات الخاصة بالدخول
(قبل نزولنا من الطائرة كانت المضيفة قد قدمت لنا وثيقة طلبت الينا ان نعبئها بالمعلومات ) وفعلت
لكنى نسيت ان اكتب العنوان الذى ساكون فيه فى لندن
وحين سالونى عن العنوان فى ادارة الهجرة والجوازات كانت اجابتى ان الارقام والعناوين فى مفكرتى وهى فى الحقيبة التى هى فى الشحن الان
مشحونة تلك اللحظات بالخوف وبوادر الخيبة بدات تلوح ، حيث حدث ان اعادتنى ادارة الهجرة فى مصر الى امريكا دون السماح لى بدخول مصر ، لنفس السبب
سوى انهم طلبوا منى هنا ان اوافيهم باسم الشخص الذى سانزل معه ، وكان ان قدمت لهم اسمها (اسيا ربيع ابشر ) ولحسن حظى كنت احفظ الاسم عن ظهر قلب ، واحفظ تاريخها كاملا ، وتصادف ان ادلت هى بنفس المعلومات التى افدت بها لادارة الجوازات
ولمن لا يعرف اسيا ربيع فهى تلك المواطنة السودانية التى تعرضت لاطلاق الرصاص عليها من جهة احد المتعصبين الانجليز وهى التى حكت لى انه حين كان بمحازاة شباك الباص وكان يركب دراجة نارية قال لها قبل ان يطلق عليها الرصاص
ـ اننى اكره الصوماليين
واطلق النار واطلق لدراجته العنان
وكان ان حملت الاخبار تلك القصة وهى اى تلك القصة كانت مدخلى مع ادارة الجوازات فى مطار هيثرو
من ناحية اخرى لم اندم على اعادة الجوازات المصرية لى الى امريكا فقد كانت فرصة طيبة حيث كنا محبوستين فى (حراسة المطار ) ان التقى تلميذة من تلميذاتى اللاتى درستهن فى المرحلة الابتدائية
وكانت قد فاتتها طائرتها المتجهة الى (يوغسلافيا) وبسبب انها لم تكن تحمل تاشيرة دخول لمصر ظلت حبيسة معى فى تلك الحراسة
كان لقائى بها غريبا ، اثناء تواجدى بالمطار لمحتنى هى
ـ ابلة سلمى
لم اتعرف الى الصوت للوهلة الاولى ، سالت عن مصدر الصوت جاءتنى الاجابة
ـ انتى مش ابلة سلمى ؟
قلت
ـ تمام
مدت احضانها لسلامى وبعد السلام قالت
ـ سناء
قلت
ـ اتلاقينا وين ؟
ـ كنت تلميذتك فى امير الابتدائية بنات العام تسعة وسبعين
ـ ما اتذكرتك
ـ كانت دفعتى سامية و..و..و....
اسماء عديدة وردت ، كانت تلك اخر ايامى فى التدريس فى المرحلة الابتدائية
تسالمنا وتطايبنا بالحديث ،قالت
ـ ما حتصدقى لو قلت ليك كل مانتلاقى بتكونى قاعدة معانا فى الجلسات والذكريات ، المسرح ، وحصص العربى ، ولمن كنا نجى من الصباح بدرى وانتى معانا ، ما نسيناك ابدا
كنت اقوم بتدريسهم لله حصصا يومية تبدأ قبل اليوم الدراسى منذ بداية العام حتى نهايته ، ندرس المرحلة بكاملها من رسم الحروف حتى نصل الى قواعد اللغة فى الصف السادس ، وكان نتيجة لذلك ان (بناتى ) كن يحرزن المركز الاول فى اللغة العربية فى كل انحاء المحافظة حينها
هاجت عبرتى بتلك اللحظة وتمنيت ان اعود تلك المدرّسة التى كانت ، وتلك الحياة البسيطة الخالية من كل تعقيد حادث الان
طافت كل تلك الذكريات بخاطرى وانا اقف خلف باب الحراسة رفقة المسافر النيجيرى المحبوس مثلى
خفت ان يتكرر ماحدث ، لكنى هذه المرة كنت اقل ايمانا بانهم سيعيدونى الى حيث اتيت ، ربما ، لانى احمل جوازا امريكيا ربما ، ووسوست لنفسى ان ذلك وارد ، وان امر اعادتى ايضا وارد ، المهم اننى ظللت متماسكة
طافت بذاكرتى كل تلك الاحداث لحظة جلوسى فى الحراسة قبالة رفيق الحبس النيجيرى
لكن مكوثى لم يطل حيث افرجوا عنى بعد نصف ساعة واخرجونى متمنين لى اقامة طيبة
خرجت على اجنحة من النشوى لانهم لم يعيدونى ادراجى ، بل دخلت مدينة لطالما تاقت نفسى لزيارتها منذ زمن بعيد
كانت بعض قريباتى كثيرات السفر الى لندن ، ويملؤنى غيظ كظيم منهن حين اراهن يلبسن (رسالة لندن ) او (دكتور شول )
لكم تمنيت ان البس تلك الازياء وتلك الاحذية التى حين وصلت الى مقرها فرت كما تفر الجيوش المهزومة من ساحة الوطيس فالاسعار لا تحط على الارض ولذا لايمكننى شراء ما اشتهيت طوال حياتى لكن لاباس من توب تهدينى اياه اسيا
خرجت اذن من المطار باتجاه الخارج وجدتنى ملفوفة بين احضان الفة لصديقة وريفة هدى العباسى
كانت تنتظرنى لان مضيفتى تخشى ما تخشى (السلالم المتحركة )
كنا قد التقينا فى القاهرة منذ وصولى الى تلك المدينة ومتنت الايام اواصر اخوتنا حتى سفرها لمدينة لندن مختفية عن عالمى
بالصدفة المحضة وكانما مقولة( القلوب شواهد)كانت ترفرف تلك اللحظة
رن جرس التلفون صباح يوم الجمعة ، كانت هدى تحدثنى لم تقل لها اسيا بطبيعة الحال اننى سازورها ، لكن هذا ما حدث
والتقينا فى اليوم التالى ، يا للمصادفة
اخرجتنى هدى من المطار فى رحلة اكثر تعقيدا مما تصورت ، سلالم ثابتة واخرى متحركة (جخانين بلا اول ولا آخر )
دخلنا بعدها الى محطة المترو المسافة الى حيث محطتنا تجاوزت الساعة بقليل
طوال تلك المسافة كان يبهرنى امر واحد هو ان المساكن تشابهت لدى الى حد بعيد وبيوت السكة الحديد فى السودان ، نفس ملامحها بقرميدها الاحمر وسقوفها المائلة كنت اتابع اسماء المحطات وادير شريط السكة حديد فى السودان ، وابحث عن (الناظر وجرسو النايم ولون المكتب وعفش الناس الماشى يناهد بالكيمان )، الاخضرار كان علامة اخرى تميز تلك المدينة ، الى كل ذلك لم اشهد بريطانيا واحدا ، كل الركاب كانوا اجانب بالوانهم التى تتبينها فلا تحس غربة فى المكان ، كل لحظة تزداد وتعلو وتيرة (الكوزموبوليتان ) فى اقصى تجلياتها ، ناس من الهند ، وهذا مشهد عام فى المطار ، فكل العاملين فى المطار من الهند وكينيا ، تميز الهنود خاصة السيخ بتلك العمامة الكبيرة ، والنساء بملبسهن من (السارى )
دخلنا الى محطتنا ونزلنا الى حيث سنتوجه الى منزل اسيا ، لم تختلف المبانى فى شئ سوى انى أحسستها اقل حجما من تلك القائمة فى ايوا او فى اى مكان فى امريكا ، هنا تمتاز بصغر حجمها وهناك فى ايوا بكبرها ، حتى انى ضحكت من حجم النوافذ الصغير قياسا بما لدى الامريكان الذين يحبون ان يبدو كل شئ اكبر حجما من العادى ، ونادرا ما تجد منزلا صغيرا ، حتى ان كان غرفة واحدة
دخلنا الى بيت اسيا ، بيت صغير وجميل ، مرتب تماما ، تشتم عطر البخور السودانى من صندل يملا الامكنة بهاءا ويضوع طيبه ، اذكر اننا فى العيد وكانت بنا رغبة ان (نبخر البيت ) فاشتكانا السكان فى العمارة لصاحب السكن متذمرين من رائحة بخورنا ، وصرنا بعد ذلك نضع (صادات لخروج البخور من حيز البيت تحت منفذ الباب )
فى المساء كنا على موعد مع الضيوف الذين لم ينقطع سيلهم حتى الساعات الاولى من الفجر ، تجذبهم الونسة والضحك والذكريات اولهم ماجدة ومنى عوض خوجلى وكان لى لقاء اخر مع ماجدة يوم ان (ركبنا الباص ابودورين لاول مرة ، وتعشينا فى مطعم عربى فول وفلافل) ما تزال طازجة ك(.........)اجة لقائى بماجدة بعد غياب طويل

Post: #149
Title: Re: مخصوم منك وطن يا خطاب حسن احمد ـ صور
Author: khatab
Date: 01-08-2009, 05:18 PM
Parent: #16

اميمه الفرجونى وماجده عوض خوجلى
لكم التحايا النواضر
برغمى غير المعنى .. فذاك لسلمى
لكننى سعدت بالمرور
لذا
وجب الامتنان
ثم بعد
الاحتفاء
.
لكم من الورد ما تودون

.

.

Post: #17
Title: Re: مخصوم منك وطن يا خطاب حسن احمد ـ صور
Author: Hawari Nimir
Date: 12-30-2008, 02:36 AM
Parent: #1




بسم الله ..نبدأ..
كاميرا مان(1)
الأخ العزيز\حسام الحبوب...و تركيز شديد..

Post: #20
Title: Re: مخصوم منك وطن يا خطاب حسن احمد ـ صور
Author: Hawari Nimir
Date: 12-30-2008, 02:52 AM
Parent: #1





.............
.................
.......................
الاخ \جمال حسن....في الكاميرا الثانية
و هموم التصوير و ....الدراما ....والسينما,

Post: #23
Title: Re: مخصوم منك وطن يا خطاب حسن احمد ـ صور
Author: نادية عثمان
Date: 12-30-2008, 03:17 AM
Parent: #20

والله الدنيا بيكم حلوة بشكل !!

بحبكم ياخ !!

سلوم

فرحانة بيك كل النجوم لا غاب بريقها ولا إنطفى .. ماتغيبي عليك الله وخليك قريبة سمح ؟


خطاب

إنت وأحشنا شديد كمان ربنا يحفظك يارب ويحفظك ياسلوم الغالية

Post: #24
Title: Re: مخصوم منك وطن يا خطاب حسن احمد ـ صور
Author: PLAYER
Date: 12-30-2008, 03:56 AM
Parent: #23


الشاعر المبدع خطاب يستعد لمعركته الشعرية في هيوستن...وقد خرج منها منتصرآ كعادته.

Post: #25
Title: Re: مخصوم منك وطن يا خطاب حسن احمد ـ صور
Author: PLAYER
Date: 12-30-2008, 04:18 AM
Parent: #24

*********

بكرم المضيف ورقة الشاعر أبدع الشاعر عادل عبدالرحمن في تقديم الليلة الشعرية الرائعة.

Post: #32
Title: Re: مخصوم منك وطن يا خطاب حسن احمد ـ صور
Author: Hawari Nimir
Date: 12-30-2008, 11:57 PM
Parent: #25

ابتدر الامسية الشعرية ,الاستاذ و الشاعر\عادل عبد الرحمن..
مرحبا بالضيوف الكرام و البورداب الاعزاء..ومقدما فيها,الاستاذو الشاعر و المسرحي
خطاب حسن احمد و الاستاذة و الاديبة \سلمي الشيخ سلامة..كاسماء سودانية ناشطة
ومبدعة في مجال الأدب والمسرح و الغناء و الشعر..
تطرق الاستاذ\عادل..الي مسيرة الاستاذ\خطاب الشعرية ,و تعاونه مع كبار الفنانين و المطربين
مثل الاستاذ\ابوعركي البخيت...الاستاذ الراحل\مصطفي سيد أحمد..الاستاذ\الهادي حامد(الجبل)
ومجموعة ساورا الغنائية,وغيرهم من الفنانيين..
كما تحدث ايضا عن (خطاب) و اشتراكه في فيلم (الحبل)..من اخراج(ابراهيم شداد)..الي جانب اعماله الاذاعية الكثيرة و المعروفة..ودوره المسرحي..ونشاطه في الحقل الثقافي و الفني.
و معلنا بذلك بداية الامسية الشعرية و التي ادارها بنجاح الاخ العزيز و عضو البورد\عادل بلير

Post: #58
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-01-2009, 02:51 AM
Parent: #23

نادية الندى
Quote: بحبكم ياخ !!

ونحنا كمان
خايفين منك؟
تعرفى الانسان الما بحب الناس
دا زول او زولة "ساكت"
احسن عدمومن وجودو
مش؟
اتمنى ان لايخذلنى كومبيترى
رغم خذلانه لكنى استطعت ان اجيكم
موشحة بالحب التعرفيهو
اجمل حاجة انه الناس تحب الناس
او كما قال الفنان الجميل الخالدى
له كل الرحمة
ولك المحبة ابدا يا صديقتى
كل سنه وانتى طيبة وجميلة ونادية

Post: #161
Title: Re: مخصوم منك وطن يا خطاب حسن احمد ـ صور
Author: khatab
Date: 01-09-2009, 05:30 PM
Parent: #23

(والله الدنيا بيكم حلوة بشكل !!

بحبكم ياخ !!

سلوم

فرحانة بيك كل النجوم لا غاب بريقها ولا إنطفى .. ماتغيبي عليك الله وخليك قريبة سمح ؟


خطاب

إنت وأحشنا شديد كمان ربنا يحفظك يارب ويحفظك ياسلوم الغالية )

..
العزيزه ناديه عثمان .. شكرا ًعلى كلماتك التى تفيض جمال ورقه
تحلى ايامك ياسيدتى
ولا اوحشك الله فى حبيب
كونى انت دائما ..
مودتى

.

Post: #26
Title: Re: مخصوم منك وطن يا خطاب حسن احمد ـ صور
Author: الطاهر عثمان
Date: 12-30-2008, 04:25 AM
Parent: #1

حمدا لله علي السلامة اختي سلمى
سعيد بعودتك وتواصلك

Post: #27
Title: Re: مخصوم منك وطن يا خطاب حسن احمد ـ صور
Author: PLAYER
Date: 12-30-2008, 04:41 AM
Parent: #26


الشاعر خطاب(وسط)ابداعآ.... والأديبة سلمي(يسار)و بليير(يمين) أستمتاعآ

Post: #59
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-01-2009, 03:01 AM
Parent: #26

الطاهر النقى الانسان الجميل
ويشرفنى ان اكون بينكم
دائما نجتمع على الحب والاخاء
والانسانية اولا
جزيل محبتى

Post: #162
Title: Re: مخصوم منك وطن يا خطاب حسن احمد ـ صور
Author: khatab
Date: 01-09-2009, 05:42 PM
Parent: #26

العزيز الطاهر عثمان
سعيد بمرورك من هنا ففى حضور سلمى
اشاعه للحب .. الكلمه الصافيه قلبا ومناخاً
عامر بالسلا م

.

.


Post: #28
Title: Re: مخصوم منك وطن يا خطاب حسن احمد ـ صور
Author: Hawari Nimir
Date: 12-30-2008, 10:00 AM
Parent: #1

نرفع البوست عاليا ,
في انتظار الاستاذة\سلمي الشيخ سلامة...التي وصلت بالسلامة الي
ولاية ايوا......
هواري\هيوستن,,
.....
.......
...........
باقي الصور في الطريق و خصوصا صور (قندهار الاميركية)(سوق الناقة-هيوستن)

Post: #30
Title: Re: مخصوم منك وطن يا خطاب حسن احمد ـ صور
Author: عبدالرحمن الخليفة
Date: 12-30-2008, 08:37 PM
Parent: #28

ابلغ احوال الورد

..

نجمتين اتجادعن
نمة أساك
لِحق المسافرين فى الصحارى
الإرتباك
مخصوم منك
وطن
ناس
وصحاب

..

..

ولسلمى وخطاب
وعدا ً بلقاء ٍ اكبر فى الوطن المخصوم






Post: #31
Title: Re: مخصوم منك وطن يا خطاب حسن احمد ـ صور
Author: منعمشوف
Date: 12-30-2008, 11:09 PM
Parent: #30

هنيئاً لكم يا سلوم التجمع الحميم بهيوستن
فى ضيافة عائلة الشاعر الجديد القديم عادل عبدالرحمن الكريمة
هنيئاً لكم بقرآت من دفتر القاصد وحبيب اللون الكتّاب خطّاب
كيف كانت بالله عليك نظرته تلك ؟
وهو يحدق فى نقطة بعيده، بعد إتمام مقطع من قصيدة .. كيف كانت؟
كيف كان صوت خطّاب يتردد فى القاعة ؟ أحكى يا سلوم وبالتفاصيل ههههه ليس مهمة شاقة .. هــــِ ؟

التحية مجدداً لعادل عبدالرحمن والأصدقاء البورداب هوارى، عبدالرحمن وبلير
وموصولة برضو لضيوف البوست الكرام

ومشتاقين والله يا سلوم لونسة عبر الأطلسى

Post: #33
Title: Re: مخصوم منك وطن يا خطاب حسن احمد ـ صور
Author: PLAYER
Date: 12-31-2008, 00:12 AM
Parent: #31


العم الشاب أرنست(سوداني عجوز) حضور مميز

Post: #34
Title: Re: مخصوم منك وطن يا خطاب حسن احمد ـ صور
Author: PLAYER
Date: 12-31-2008, 00:21 AM
Parent: #33


الصديق هواري وأبتسامة رضي بالليلة الشعرية

Post: #61
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-01-2009, 03:14 AM
Parent: #31

منعمشوف
ياخ ازيك
مش كان بيناتنا مواعيد وكده؟
الحصل شنو ياربى ؟

اها الذكرى التانية جات ومشت
عارفنى قاصدة شنو مش؟
المهم زى ما بقول صديقنا الحميم تبارك
منتظرة لسه
ولسه لسه منتظرة
Quote: كيف كان صوت خطّاب يتردد فى القاعة ؟ أحكى يا سلوم وبالتفاصيل ههههه ليس مهمة شاقة .. هــــِ ؟

دى الا تكون قاعد معانا
كانت حاجة غير عادية
جمال ما طبيعى
بالجد مش لانه خطاب صحبى
لكن كنت زى الممسوسة
فى حاجة زى ما قال هاشم صديق
حاجة فيك تقطع نفس خيل القصايد
وتشده اجراس المعابد
توهتنى
جننتنى
بالجد
لانها امسية ليس لها رديف الا نفسها
همت ان تودينا الى وطن نحبه
لكن بساط الريح تعلق بين السقف والمحيط
وما نزل الى هذه اللحظة
حاجة زى نقر الاصابع لما ترتاح للموسيقى
يا زول مالك علينا
اتمنى انه الشباب هوارى وبلير
لانهم حريفين فى قصة الصوت دى ينزلوها بالصوت
عشان تااااامن
محبة شديدة وكل لحظة وانت بالف خير

Post: #163
Title: Re: مخصوم منك وطن يا خطاب حسن احمد ـ صور
Author: khatab
Date: 01-09-2009, 10:18 PM
Parent: #31

حبيب اللون .. القاصد منعم
هذه اول مره تاخذ بعض مقاطع ملحمة .. بوابة اللون طريقها
الى الاّذان .. شاءت بوابة اللون ان تتلى بعيدا جداً عن
عمقها الجغرافى .. بوابة اللون عبد القيوم !!!
لكنه الشعر ايها القاصد لا يحفل بالمكان
اتمنى ان اتمكن يوما من غناءها من كل مكان
.. ام ستردام ..
سيكون رائعا حتماً
فلقد عشت ياصديقى والعزيزه ماجده ,
بعد القاصد منوت
اجمل مراحل تخلقها

تمنياتى لكما بكل ( الاشياء الجميله )

انتظر منكم تلفون

ضرورى

مازال الرقم مناوبا ً

اشوفك

.

.

Post: #35
Title: Re: مخصوم منك وطن يا خطاب حسن احمد ـ صور
Author: Hawari Nimir
Date: 12-31-2008, 00:23 AM
Parent: #1





...
.....
......
اهتمام ومتابعة و انصات,,الاستاذ\سيف و عضو البوردالاستاذ\(سوداني عجوز)


,
,

Post: #36
Title: Re: مخصوم منك وطن يا خطاب حسن احمد ـ صور
Author: Hawari Nimir
Date: 12-31-2008, 01:54 AM
Parent: #1

أم درمان
نَم منتصف الضيق

***************

تضيع القصيدة
على طاولة
الكتابة
ينوِّت الإحساس
شدوِّه
على رملٍ
و موجة
.....
كلما حار تيارٌ
رجَّها
كلمّا هَمّ
ريحٌ
صدحت
أحرفها
بالنجوى
.....
سلكتُ النجومَ
بصيصاً
بصيصاً
حثيثاً نياقي تخبُّ إليك
أنِمُّ
لتمشى
تسير
لأطرب
تجِدُّ
لأهفو..
إليك،
أقربُ
فأقرب
*******
تنتشرين في تفاصيل يومي
أتوضأ
فجراً
على عَتَب شُرفتِك
أغنيك جهراً
و أسبح بحمد الذي
سخَّر لي
المنافي
طوَّفني
نهايات المرافي
--------------->
سهمُ
إشتياق
أطلقني في المدى..
سُدّى
مرماي صحرى
و حلمي ندى
*******
إثر إكتشافي أن رباط عنقي هوالمشنقة، تشدُّ عليّ..كلما إليكِ
هممت
بالخروج،
أحكم و ضعها أمامك..صرتُ، طالما زلتِ مرآتي، هناك،
برغمي..هنا. أحكم وضعها أمامك
و أبرح
عشب الأرض
هوالذي
يفرح،
أسفلت الكباري..
هوالذي
يقترح
المشاويرُ !!!
تقترح الفُرقة،
سكك الحديد..مترو القرى
حلماً،
على التحقق ليس بالبعيد
.
.
قصارٌ
إليك
دروبي الطوال
..دواب الركوب على أهبة العجل..
النوارس
تفتتح
المواني
بالشَدوِ
قصاً
مناقيرها شريط العبور
*******
أحكم و ضعها..مشنقتي و أغادر، مهرجان هو طريقي إليك، زاخر بالمطبات حافل بالأسى..لذا أحكم و ضعها..تلك التي تشدَّ عليّ كلما همَمْتُ.. كل خطوةٍ تضيق.. كل شوقٍ، تحتضن العنق في نزقٍ، لا يفضي إلآ إلى أحدث شهوات الموت.
لذا أحكم وضعها و أغادر ترمقني في كسل...عدسات حيواناتي البرية.
الأنشط دائماً
هي الأشجار
- في كل الأمكنة التي كنت قد تعرفت-
تشرع
في الهواء أغصانها بقصد تأكيد رسوخها في الخضرةِ
في مواجهة الرياح و الصحارى، بقصد الترويح أوالتلويح لصديق.
طوال الرحلة.. تفعل هذا ..
ما طال الطريق.
في أضيق صالات المغادرة
يهاتفني صديق:
…أن دربي كما ورق الكتابة، أعجبه
رغم بردِيَّته تلك
فهو يراه..صقيلٌ..جميل
أحييه
محاولاً فرد ملاءة صوتي.. و ضيق الصالة تلك
على سرير الأصوات

*******
ما زال صديقي
على الخط
أدلف إلى لب طائري الخرافي
المهيب
نافذة أختار
اخبره : .. بأنني أراها...
علمت سلفاً بإحتشادها هناك
..الطيور الموسمية..
كانت في إنتظار لحظة الإقلاع
لتنفض بأجنحتها
غبار الإتجاه
........
يضحك هو..
مودعاً
*******
.. كما شهرت أخضرها ..
شارات المرور .. في التقاطعات
رغم أبواق الإعتراض
....
....
....
....
أخضر طريقنا ...
الخطى على الدرب
أغرَس ما تكون
رباط عنقي
تمام الصوت
الفظ أنغامي
سراً
تمويهاً للعناق
.
.
.
.
.
عفواً..
.
.
.
للخناق
.
.
.
*******
خطاب حسن أحمد
فرجينيا 2005


....
.......
.........
و يالها من (امدرمان)..استمتعنا بها...من خلال صوت خطاب(الجهور)
و الملئي شوقا و شجننا ..الي حواريها و ازقتها..
..
...

Post: #37
Title: Re: مخصوم منك وطن يا خطاب حسن احمد ـ صور
Author: Hawari Nimir
Date: 12-31-2008, 03:15 AM
Parent: #1




________________
_____________________
___________________________
شرف الندوة الشاعر و الناقد\رأفت البجيرمي
ولقد كان لحضوره ومداخلاته المتميزه ,
بعدا ً
ومناخ المسرح والشعر السودانى ..
بحكم ما توفر له منه.
وشكرا له و هو يشاركنا فرحتنا واستمتاعنا بشعر و مسرح..نعشقه
و نشتهيه ..

..
...
....

Post: #38
Title: Re: مخصوم منك وطن يا خطاب حسن احمد ـ صور
Author: عبدالرحمن الخليفة
Date: 12-31-2008, 06:57 AM
Parent: #1


بعد التحية


فى الليلة ديك.....

وبعد سرد الكلام عن (ريا) وعن (مونج) فى نصوص خلت ....

قائليها حضور بيننا......

ثم....



(المحلق) و(تاجوج) من خلال النص حيث تأدبت الكلمة خضوعا تحكى تفاصيل البلد .......


أيقنت باننا ليس فى حوجة (لينفاشا) ولا (ابوجا ) ....


بقدر الحوجة لاهل البلد ...

Post: #39
Title: Re: مخصوم منك وطن يا خطاب حسن احمد ـ صور
Author: abdalla elshaikh
Date: 12-31-2008, 08:38 AM
Parent: #38

إنتي عارفه يا سلمي كنت خايف أدخل علي هذا البوست بظن أن أصافح {عميري} وهو يدندن{خلي بالك من زهورك}... ويا سلمي كنت خايف إني ما حألاقي{الدوش} وهو {يصنصن} بجوار بيت ناس{سعاد!!} .. ويا سلمي عندما دخلت هذا البوست!!ت ذاكرتي!!{ عادل عبدالرحمن.. عادل سليمان.. محمد مدني.. عادل قصاص.. محمد خلف الله.. أسامه الخواض .. منعم رحمه وسامي سالـم وبيت الـنمل بوصف{ محمد طه القدال}.. أو بيت{حي الزهور} بلغة {عبدالواحد كمبال!!}...
غايتو!! يا سلمي!! ببوستاتك دي حا تخلي زول يـمشي يجيب{الزياده} بلغة{طارق كرف!!!}...فيا حليلكم دوام بطراكم!

Post: #40
Title: Re: مخصوم منك وطن يا خطاب حسن احمد ـ صور
Author: khatab
Date: 12-31-2008, 01:08 PM
Parent: #39

اكثر اللحظات ارباكا ً
هى تلك التى تجدك محاصر
بالوان المحبه والجمال
وانا ذاك المحاصر
وانتم السور
النابض
كما حضن الام
تطوق بعضا
ً من عمرها الممتد فيك

.

الم اقل انها الاكثر ارباكا

ّّ!!

نعم اللهم فأشهد

.

.


Post: #41
Title: Re: مخصوم منك وطن يا خطاب حسن احمد ـ صور
Author: khatab
Date: 12-31-2008, 01:40 PM
Parent: #40

ما اكثف الوقت واثمن ثوانيه وانا بينكم
ناسى الذين التقيت قبلا ً .. احب ُ واعرف ُ
ناسى الذين التقى لاول
عشق
كاننى التقيت اصلا ًبهم
فقط خبأتهم عنى المسافات المفروضه من قِبل
القدر
جور الحكام .. الحكومات المتوهه
.
ما اكثف الوقت !!
حينما ( تتشاكل القصائد فى طريقها الى الحلق )
.
انا التى ستُغنى هذا المساء !!
انا التى ستطرق اّذان هذا الجمع الحميم !!
تتشاكل القصائد ..
!!
ما اسعدنى بكم
وضوء
عيونكم
نظارتى
التى تطالع صمتى
والكلا م
.

Post: #42
Title: Re: مخصوم منك وطن يا خطاب حسن احمد ـ صور
Author: Osman Musa
Date: 12-31-2008, 03:27 PM
Parent: #41


معليش
نقول شنو ؟
اصلو حظنا مجلى .
يا خطاب وعادل وسلمى
كان تقولولينا عووك .
ادرى أن دار ناس ودعبدالرحمن
نوافذ كنجوم السماوات مفتوحة .
وادرى انها تضىء بالشعر .
معليش .
نقول شنو ؟
كنا معكم نلوذ من قهر هجرتنا.
كنا معكم نرتدى اثواب الكريسماس .
طلعنا من المولد ساكت .
معليش
الندوة البعد دى هناك
.. سلامات

Post: #43
Title: Re: مخصوم منك وطن يا خطاب حسن احمد ـ صور
Author: khatab
Date: 12-31-2008, 04:21 PM
Parent: #42

حينما
هبطت مطارك يا..
هيوستن
صعدتنى الذاكره
لبلا به
تعتلى خيوطها
( التكساسيه )
فلقد اقلتنى طائره
من قبل ..
اول هبوطى المطارى
ب ( فورت وورث )
عن طريق مطار
( دالا س )
!
وها انا اعود اليك بعد عشر سنين
يا ولاية
تكساس
بلد
( الكابويات )
.

.

فشكرا ً
لعبدالرحمن الماحى مصطفى ود الخليفه
على رحابة الدعوه ..

شكرا ً
لصديقى
الذى طاردنه سنينا ً
- عادل عبد الرحمن -
وطاردنى
حتى ادركنى وصحبة
الفرده
محمد عبد الرؤوف

لنلتقى .. مرة
كل عشر اعوام .

وشكرا ً جزيلا ً.. للصديق حسن التوم
هذا الرجل المهموم .. بالاجيال الطالعه ,
شبابا ً
واطفال
سودانييى المهاجر والشتات
وكيف يشبوا عن الطوق , وهم اكثر انتماء
ثقافة( ًوسودانويه)
لا تنتمى سوى الى مؤطرها
شيخنا الفنان
احمد الطيب زين العابدين
.
لحسن التوم التحايا وهو يحيطنى بالعنايه المُركًزه
من قبل الجميع ..
وعيد الاضحى المبارك .. حيث اجتمع الجميع .. للسلا م
ومباركة العيد
رغمه , لم يكن هناك ,
فقد كان ( شغال )
لكنه بالتلفون ..
ما انفك يسأل ؟؟
لاقيت فلان ؟؟
لازم تسلم
على علان
.
تعديل حروف اسم التوم الوارد اعلاه
لذا وجبت الاشاره
.

Post: #69
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-01-2009, 11:36 PM
Parent: #42

Quote: يا خطاب وعادل وسلمى
كان تقولولينا عووك .
ادرى أن دار ناس ودعبدالرحمن
نوافذ كنجوم السماوات مفتوحة .
وادرى انها تضىء بالشعر .
معليش .
نقول شنو ؟


وصدقت يا صديقى فبيت عادل واسرته مجمع نجوم
ومهجد لها
حقا كانت ايام لاتنسى
عشت بينهم كانى واحدة بل انهم احالونى الى ست البيت
وباتوا هم الضيوف
ما اروع ان تكون بين اولئك البشر
ما اجمل ان تكون بين دفتى امى بثينة وعادل وهويدا وحسين وعماد
تحياتى لك واتمنى ان نلتقى " تانى " فى تلك الامكنة العطرة

Post: #170
Title: Re: مخصوم منك وطن يا خطاب حسن احمد ـ صور
Author: khatab
Date: 01-11-2009, 04:49 PM
Parent: #42

Quote: معليش
نقول شنو ؟
اصلو حظنا مجلى .
يا خطاب وعادل وسلمى
كان تقولولينا عووك .
ادرى أن دار ناس ودعبدالرحمن
نوافذ كنجوم السماوات مفتوحة .
وادرى انها تضىء بالشعر .
معليش .
نقول شنو ؟
كنا معكم نلوذ من قهر هجرتنا.
كنا معكم نرتدى اثواب الكريسماس .
طلعنا من المولد ساكت .
معليش
الندوة البعد دى هناك
.. سلامات

ايا عثمان بن موسى
سلا م
لمداخلاتك دائماً ذوق البهار الخاص
او عطر
لا تنفتح له الا
اشرعه
دربتهارياح الرئات
.
لك يا عثمان من عادل
ود عبد الرحمن ونوافذه المضيئه
سلامات تمتد حتى الذيداب ,
الى حين
استعادة
( باسوورده )

فانتظره يا صديقى على قارعة الجمال
.
.



Post: #62
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-01-2009, 03:31 AM
Parent: #39

الصديق الجافى كارلوس
ازيك ياخ
ومشتاقين ليك
لا رسالة تجينى منك ؟
لاخبر طمنى عنك ؟
وانت سايق فينى ظنك
على ذكر البيت دا من الاغنية
قبل سنتين فى وفاة والدتنا عليها كل الرحمة
مامون عجيمى الصديق العزيز كان جايينى للعزاء
واتصل عشان اوصف ليهو البيت
اثناء الحوار والوصف قلت ليهو
ـ مامون انت سايق ؟ وما خليتا مشت طوالى خشيت ليهو "انت سايق فينى ظنك "؟
قام ضحك وقال لى " بت الشيخ انا مش جاى للعزاء بتاع والدتكم ؟
ياخ السربعة دى كائن ظريف جدا بتغسل منك كتير
وقمت يا كارلوس دخلت
ولقيت عميرى وهو واقف فى نص الحوش وبغنى
والدوش كان شايل ليهو قصيدة بردد فى الابيات عشان ما تطير
وعادل سليمان بضحك من الدنيا وهو ماشى للجامعة لانه عنده
مشروع بتاع اكاديمية الفنون الاتخرج بيهو فى الجامعة
وسامى سالم لسه بحاصر فى القراية والكتب وببيع الساعة عشان الزيادة
اخ يا كارلوس مالك علينا بالليل دا ؟
الناس دى مشت وين وليه ؟
ليه دايما الناس البنحبهم بمشوا ؟
ليه ياخ ؟
قدر ما كنت فرحانة حزنت
لكن اهى طبيعة الدنيا زى الموج زى ما قال عمنا عوض جبريل
محمد طه القدال مازال جميلا
كان معاى هو وحميد لاخر لحظة فى المطار وكان معانا السر السيد وعادل الياس
وبدر الدين الشين بالتلفون ومحمد عوض ومصطفى احمد الخليفة
محمد مدنى لى منه زمن ما تكلمت معاهو اخر مرة فى بيت عبد المنعم رحمة
لمن مشينا نسلم على زينب شيخ السوق لمن جات من استراليا
عادل القصاص كنا بنتكلم معاهو قبل كم يوم فى بيت ناس عادل عبد الرحمن
كمبال اخر عهدى بيهو يوم وفاة سامى سالم اتصل يعزينى
محمد خلف الله من القاهرة ومافى اتصال
اسامة الخواض اتصلت يوم وفاة شقيقه وما لقيتو
يا كارلوس الله يهديك ياخ اتصل وطمنا عليك
مشتاقين ليك وللاضافات وامهم
محبة اطنان كده وكل سنه والوطن بالف خير وانت من اهل الخير

Post: #165
Title: Re: مخصوم منك وطن يا خطاب حسن احمد ـ صور
Author: khatab
Date: 01-10-2009, 10:24 AM
Parent: #39

(إنتي عارفه يا سلمي كنت خايف أدخل علي هذا البوست بظن أن أصافح {عميري} وهو يدندن{خلي بالك من زهورك}... ويا سلمي كنت خايف إني ما حألاقي{الدوش} وهو {يصنصن} بجوار بيت ناس{سعاد!!} .. ويا سلمي عندما دخلت هذا البوست!!ت ذاكرتي!!{ عادل عبدالرحمن.. عادل سليمان.. محمد مدني.. عادل قصاص.. محمد خلف الله.. أسامه الخواض .. منعم رحمه وسامي سالـم وبيت الـنمل بوصف{ محمد طه القدال}.. أو بيت{حي الزهور} بلغة {عبدالواحد كمبال!!}...
غايتو!! يا سلمي!! ببوستاتك دي حا تخلي زول يـمشي يجيب{الزياده} بلغة{طارق كرف!!!}...فيا حليلكم دوام بطراكم! )

.

يا صديقى عبدالله الشيخ
.
من اين اقتلعت هذه الشخوص !
للأصدقاء !
وأي حنوٍ ..
جمعت ما اختفى منها وسرحات الذاكرة
الخصبه .. ذاك الذى كان يُعجبُ به ويحتفى
صديقى .. الناقد والقاص والصحفى الجميل ,
محمود
محمد
مدنى
لماذا !!!
يا كاركوس ؟؟

وهل جلسنا والدوش !!
ذات
صباح ٍ
وألق !!

وغنينا ملئ حناجرنا وما توفر لنا من
هرمنة ٍ
حميمه !!
وإقتطعنا من .. تورتة الحقيبه ..
ما اشتهينا
من زوايا !!

أم لُذنابالغناء
الحديث !!
نحلم
بالقبلة
السكرى .. !!

وجالس فى نجايلو !!
او
متحكرين حين الانقلابات
فى
عُمق المأساة
!!
.
ان تُصادر وبسهوله من جانب !!
وترصُد
بكامل سبق إصرارك !!
من الجانب الأكثر حِرفة ً
ودربه
ديمقراطية
البلاد
.
وتداول سلطتها
بين بنيها
بالقسط
فذاك
اوفى
احوال التداول

؟؟

فلماذا
يا هذا
؟؟

.

( ترى الناس سكارى
وما هم ُ

.
.
يا للحريه
!
( ياصوتها لما سرى
!
عبر
الاثير !!

.
.
وثم ضاع
الأمس منا ..!!

والحاضر
بين وعي قديم !
ووعي
أحدث
مازال ينتظر
العلا مة
المناسبه
.
اما عن المُستقبل , فحدث ولا حرج
فالا حتمالات
مفتوحه !!
لسيادة الحق ..
برغم الكارثه
.
ما انضج
الاحتمال
.

ما أوهى
الكارثه
!
!
!

Post: #44
Title: Re: مخصوم منك وطن يا خطاب حسن احمد ـ صور
Author: شول اشوانق دينق
Date: 12-31-2008, 05:49 PM
Parent: #1

الاستاذة سلمى الشيخ سلامة... ياخ إفتقدناكى بشدة
كل سنة وإنت طيبة وكل الاهل بخير والسوادن والسودانيين بالف خير










ما تغيبى شديد كده تانى


شول اشوانق دينق

Post: #45
Title: Re: مخصوم منك وطن يا خطاب حسن احمد ـ صور
Author: khatab
Date: 12-31-2008, 08:51 PM
Parent: #44

فى هذا اليوم
من العام
عادة ً
ما ينتبه
الوقت
.
تشرئب الشهور
تتكدس
على الطرقات
الايام
.
تتدافر الساعات
.
تتمطى الدقائق ,
ليس من نعاس ,
وانما مدافره ..
.
الثوانى سيدة الوقت
.
أي ثانيه
سيكون
لها
شرف اعلا ن !!
العام
.

حتى تلكم الثانيه .!
لكم انبل الود
وتباشير
واقع جديد
.

Post: #63
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-01-2009, 03:35 AM
Parent: #44

شول ياصديقى الحميم
المجد لله فى الاعالى وعلى الارض السلام
وبالناس المسرة
كل عام وانت بخير
عام يعود عليك وانت فى اعلى قمم الامنيات المحققة
لك الود ياصديقى وتاكد انى ما حاغيب تانى
الا للشديد القوى
محبتى واخائى

Post: #46
Title: Re: مخصوم منك وطن يا خطاب حسن احمد ـ صور
Author: Hawari Nimir
Date: 01-01-2009, 00:18 AM
Parent: #1




.....
.......
........
الاستاذ و الصحفي الكبير\محمد المبارك..و الشاعر\رأفت البجيرمي..و الاديبة\سلمي سلامة
و فتح نافذة جانبية حوارية....و اسئلة حول الفن و الادب و (الدارجية السودانية)
..
....

Post: #47
Title: Re: مخصوم منك وطن يا خطاب حسن احمد ـ صور
Author: Hawari Nimir
Date: 01-01-2009, 00:35 AM
Parent: #1




________
_________
الريس الاستاذ\جمال الماحي..
رئيس الجالية السودانية-هيوستن,
قمة الاستمتاع...و الدهشة.. و الانبساط..
...
....
.....

Post: #171
Title: Re: مخصوم منك وطن يا خطاب حسن احمد ـ صور
Author: khatab
Date: 01-11-2009, 05:02 PM
Parent: #47

العزيز شول اشوانق دينق

لك التحايا

بالعام الجديد وعلى كل تروم من اهداف

احباب و مقاصد

ابقى عافيه

.

اشوفك

.

Post: #48
Title: Re: مخصوم منك وطن يا خطاب حسن احمد ـ صور
Author: Hawari Nimir
Date: 01-01-2009, 01:06 AM
Parent: #1

****أسباب العسل***

نحله كانت
ذات ضُحى
الظلال والضو
بيلعبو فى الطراوه
العصافير ،
آخر خميل ،

النقيشيش
التهابيش
الشقاوه

..رغم شوفتك

..مُحتفله حولى بالرحيق
..راسمه أقواس بالترانيم
..عارضه ،
.. فى نحاس الإغاره..

ناسله من هِد م السِكون ،
خيط العواصف ،

..رغم شوفتك
وكنت عارف.!
ما سأ لتِك ،
وإحتملت َ
لسعه مِنِك
وطد َت بيناتنا
أسباب العسل..
ورجعتنى للغُنا..

.....

ما أعسَلِك

أشفاها جقمة بقتِك..

جبتى الرحيق من وين.!

والجدب طايح بالعباد.!

..كل من مشى
تلقاهو شايل صحرتُه..
..حَد ما وصل
آخر النهار
عن قدمُه طَلَع رملَتُه.!

جبتى الرحيق من وين ؟

والشجر غاد ر تباعا ً
والثِمار..

ما ألسَعِك..أمضاها ،
..ومضَة وخزتك

فى دمى
ساري المهرجان

مرق القمر دورين

طاب المقام للنَم

فج َالكلام زولين

رمادو والضَلمه

صُحاهُو والحَلمه

..
الضَحَوه
عَبَت بالنجوم
..جيب النهار
..شال النهار السوق
جاب للكنار مِزمار
عَزف الكنار بَدَع ،
..
نقر الكلام الحار،
عِمم الرِجال رَفن
من الطَرَب جنحات ..
من أسر
وإنفكن ..
طبقوا الأ ُفق
صفقه..
عرَاضَه ،
مُندبكه..
..
..
فراشات البنات
إتقاودَن
نزلَن
من سافِل..صعيد
والغَرَبن ،
شَرقن
ما الليله الطريق
قدح الزناد فى الهَم
واتبخر صفق
شجر الكِضب
مُعدَم

وهاك يا زميل..

صعقات الجمال
وأحوال الهوى
لو نطق الجِسِم..
ونقاره
سوااا..
سوى

هاك
يا زميل
...
.
.

خطاب حسن أحمد
فرجينيا 2004

Post: #80
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-03-2009, 01:57 AM
Parent: #48

Quote: وهاك يا زميل..

صعقات الجمال
وأحوال الهوى
لو نطق الجِسِم..
ونقاره
سوااا..
سوى

هاك
يا زميل


هات يا زميل
عبى المكان بالنم
اصهل وقول يا ليل
اشرح واحاكى سرور
قول يا زميل اول
شعر الغنا المنجم
على ضهر البلد بالليل
قول يا خليل واصهل
قول وهات النم
باكر فرحنا يتم
والكان تعب ينجم
والكان بعيد قرب
انفخ قرب يا عم
قول الكلام الصاح
قول يا زميل وانده
انده بنات الحى
القالن ووب واحى
قوليهن الكلمة جمة حشا المغبون
والكان بعيش فى الضل
الليلة مارق تم

Post: #184
Title: Re: مخصوم منك وطن يا خطاب حسن احمد ـ صور
Author: khatab
Date: 01-12-2009, 07:58 PM
Parent: #80

Quote: هات يا زميل
عبى المكان بالنم
اصهل وقول يا ليل
اشرح واحاكى سرور
قول يا زميل اول
شعر الغنا المنجم
على ضهر البلد بالليل
قول يا خليل واصهل
قول وهات النم
باكر فرحنا يتم
والكان تعب ينجم
والكان بعيد قرب
انفخ قرب يا عم
قول الكلام الصاح
قول يا زميل وانده
انده بنات الحى
القالن ووب واحى
قوليهن الكلمة جمة حشا المغبون
والكان بعيش فى الضل
الليلة مارق تم

..
سلمى ما اجملك
وانت تحتلين مكانك الشاغر نهايات العام الفائت بمدينة هيوستون
ناثرة ً عبق حضورك المُميز على الجميع ومشكلين ملامح اللحظه بما
راق لك من عطاء ..
..
بت يا شتله
اكدت الفراغ
ولِقت النسائم بي حفاوه
..

Post: #51
Title: Re: مخصوم منك وطن يا خطاب حسن احمد ـ صور
Author: Hawari Nimir
Date: 01-01-2009, 01:40 AM
Parent: #1






الاستاذة\سلمي الشيخ سلامة
وبداية لنقاش حار و اسئلةكثيرة
حول العرض المسرحي لاغنية(عم عبدالرحيم)


**
*

Post: #60
Title: Re: مخصوم منك وطن يا خطاب حسن احمد ـ صور
Author: PLAYER
Date: 01-01-2009, 03:08 AM
Parent: #51


واذدادت الليلة أشراقا بوجود الاخوة عبدالرازق مورغان و الطيب هاشم(كالفورنيا)

Post: #64
Title: Re: مخصوم منك وطن يا خطاب حسن احمد ـ صور
Author: PLAYER
Date: 01-01-2009, 04:14 AM
Parent: #60


الشاعر عادل عبدالرحمن ومتابعة دقيقة لمجريات الليلة الشعرية

Post: #91
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-03-2009, 06:01 PM
Parent: #64

عادل عبد الرحمن
صديق العمر
حين نلتقى بعد كل افتراق نبدا من حيث توقفنا
كان الزمن لم يمر
كأن العمر لم تنصرم ايامه
اخر مرة التقينا فى تكساس العام 1999
وخرجت من هيوستن الى ايوا شمالا
لكن اوصرانا لم تنفك
يغيب ثم يعود
يكلمنى من حيث كان
كلورادو ، نيو هامشير ، تكساس
كانه سواح فى هذه الدنيا
نلتقى عبر الاثير
نثرثر ونضحك
نحكى ونبكى
يفجعنا رحيل الاصدقاء المشتركين فنتوارى خلف ادمعنا
يبكى بشار وسامى سالم وعادل سليمان
عادل سليمان
تعارفنا فى فترة زمنية واحدة
ايام ان كان عادل عبد الرحمن عائدا من سوريا من دراسة كان رشح لها
لكنه عمل بمقولة اراثر رامبو "من العار ان تفنى سروايلنا فى مقاعد الدرس "
وعاد موفورا بكتابات وكتب حسين مروة التى تناقلناها بيننا
كان عادل سليمان من ناحيته تلك الايام
يتمنى ويحلم عبر مشروع تخرجه فى جامعة الخرطوم كلية الهندسة
ان تكون لنا اكاديمية فنون هى مشروع تخرجه مما اقعده فى المعهد
حتى ظن الناس انه طالبا فى المعهد
رفقتنا بدات
دخل الى حيزها الشاعر محمد طه القدال الذى كان قد تنكر لدراسة الطب فى جامعة الخرطوم
وبدا رحلته فى البطانة
ثم انضاف الى ذلك العقد الصحفية والقاصة عوضية يوسف وزوجها حينها
الشاعر محمد نجيب محمد على
ثم كان ان دخل الى تلك الالفة عبد المنعم رحمة
والراحل ابو السرة "شن القعدة يا ابو السرة " ورحل الان ابو السرة مبكيا على شبابه
ورحل عادل سليمان فاجعا لكل واحد منا
وكان من تلك المجموعة الحميمة
حاتم محمد صالح والشاعر يحى فضل الله والشاعر محمد مدنى والشاعر قاسم ابوزيد
ومحمود كدان الارتيرى الجميل
والشاعرمحمد محى الدين والشاعراسامة الخواض
كنا مثل التوائم نخرج جماعة ونقرا الشعر متسكعين فى ردهات الجامعات والمعاهد العليا
يحل علينا احيانا الشاعر محمد يوسف ابوعاقلة من مدنى
ثم كانت جماعة الكاميراتا
وامها نفر جديد سامى سالم وبشار الكتبى والسر السيد واحمد طه امفريب وفرانس القبطى الجميل
الذى اعلن اسلامه ليتزوج من صديقتنا سمية خالد ويحط طائرهما فى هولندا، ووسط هذا العقد قعد عادل القصاص ، وعمار الشيخ عليه الرحمة
لكن عادل كان ما يزال الى حد كبير هو القابض على تلك الجماعة
كلما حللنا فى مكان قريب من مدنى كان بيته مقاما
جئناه بعد زواج القدال وقعدنا فى نعيم بيته
وحللنا بعد ذلك رفقة فرقة الاصدقاء "كنت فى مامورية من الاذاعة فى امدرمان الى اذاعة مدنى "
لكن عادل هو نفسه التربادور المغنى
يفرحك ان تكون الى جانبه
يفرحك ان تكون على علم بحبيبة جديدة
لكنها سرعان ما تتركه وتتزوج حتى لقبناه "بالزين "
يضحك من تلك التسمية
يا لى هل سافى الرجل حقه ؟
كنا كمن ولدتنا ام واحدة وارضعتنا حبها
رفقة لاتمل
يخلطها الجد بالهزل واحمد الطيب عبد المكرم كان اكثرنا جدية وصرامة لكنه يحب الضحك
نضحك كما قال خطاب من الوقع سوا
ولكم ضحكنا من الواقع
لكننا ما نزال مؤتلفين نشد وثاق المحبة بيننا
حين حدثت عادل عن زوج مهيار ابن عوضية ومحمد نجيب
قال
ـ مهيار ؟ ياخ كان كدى نحنا عجزنا
عادل ود بثينة سعيدة انك صديقى


Post: #65
Title: Re: مخصوم منك وطن يا خطاب حسن احمد ـ صور
Author: Yasier Elsayed
Date: 01-01-2009, 04:18 AM
Parent: #60

خطاب حسن احمد

شاعر ومسرحى متمكن ... كم سعدت هيوستن به

الفنانة / سلمى

دائما مبدعة ومتالقة بفنك

بلير الراقى

خيانة كبيرة بعدم الدعوة



التحية للجميع

Post: #79
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-03-2009, 01:50 AM
Parent: #65

Quote: خيانة كبيرة بعدم الدعوة

ياسر العزيز
الله يكتلنى ما قايلاك فى هيوستن
ومتاسفين
امسحا لينا فى وشنا
لكن بنتلاقى فى الدنيا امقدود
لك العتبى حتى ترضى
وكل سنه وانت طيب
محبتى

Post: #172
Title: Re: مخصوم منك وطن يا خطاب حسن احمد ـ صور
Author: khatab
Date: 01-11-2009, 11:17 PM
Parent: #65

Quote:
بلير الراقى

خيانة كبيرة بعدم الدعوة



التحية للجميع

..
العزيز ياسر السيد

كم سعدت بمرورك ايها الرفيق

الرياصى والفنان المعتق ..

.
ارجو توصيل التحايا للجميع

نواحى ميريلاند

فرجينيا

وواشنقتون

D C

.

.


Post: #66
Title: Re: مخصوم منك وطن يا خطاب حسن احمد ـ صور
Author: عبد الدائم سيد أحمد
Date: 01-01-2009, 07:36 AM
Parent: #1



كل سنة وانتى طيبة الغالية سلمى
وده سنة حلوة الشفناك فيها مع تباشير صباح عام جديد

والتحية موصولة للشاعر عادل عبدالرحمن
والاستاذ خطاب حسن احمد

وشكرا" على الصور يا آخ بلـير

Post: #67
Title: Re: مخصوم منك وطن يا خطاب حسن احمد ـ صور
Author: Elkhawad
Date: 01-01-2009, 04:46 PM
Parent: #66


سلام
part1


part2



_________
"YourAttitudeDetermineYourAltitude"

Post: #99
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-04-2009, 01:37 AM
Parent: #67

خواض الحبيب
ايها الابن العاق لامك سلمى
لماذا تطيل الغياب عنى
وتعرف انى اودك ابنا لى
وتعرف انى كم احبك
وتعرف وتعرف
لكنك ترمى الى عقوقى دائما
هنا اقبض عليك كحلم اتمنى ان يبدو حقيقة
فما تطول غيابك على ام قلبها عليك
ممنونة بهذا العرض الذى سقته الينا
ليتجدد المشهد كل لحظة حين نراه ونذكرك

Post: #186
Title: Re: مخصوم منك وطن يا خطاب حسن احمد ـ صور
Author: khatab
Date: 01-13-2009, 07:24 PM
Parent: #67

العزيز الخواض .. لك منى الطف التحايا

شكرا ً لجلبك العم عبد الرحيم الى هنا .. وهى لذات العرض للمسرحيه
التى قدمها .. شباب فرحينيا ضمن فعاليات الاحتفاء بالذكرى السابعه
للفنان مصطفى سيداحمد .. وهذه النسخه التى .. عرضت هنا تختلف قليلا
للنسخه التى قام بمونتاجها العزيز احمد خضر
اذ ان هذه النسخه التقطها احد الحضور اي _ كاميرا وزاويه واحده .
لكنها اوصلت الفكره على كل حال
فلك منا جزيل العرفان والموده


.

.

Post: #85
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-03-2009, 04:28 PM
Parent: #66

عبد الدايم سيد احمد
يا زول يا جميل
كل يوم وانت طيب
كل لحظة وانت بالف خير
شكرا لخطاب الذى حفزنى للعودة
وعادل عبدالرحمن
وهوارى
وعادل بلير
وودالخليفة
شكرا لكل قارئ اطل من نافذة هذا المكان
ولك الف شكر ياصديقى

Post: #185
Title: Re: مخصوم منك وطن يا خطاب حسن احمد ـ صور
Author: khatab
Date: 01-13-2009, 06:32 PM
Parent: #66

Quote:

والتحية موصولة للشاعر عادل عبدالرحمن
والاستاذ خطاب حسن احمد


العزيز عبدالدائم .. اوقاتك طيبه

تسلم وتحاياك واصله للجميع

ولك مثلها منى وعادل

,

Post: #68
Title: Re: مخصوم منك وطن يا خطاب حسن احمد ـ صور
Author: Sudany Agouz
Date: 01-01-2009, 08:44 PM
Parent: #1

الأستاذة التى هى فى مقام قامة وطن ..
ألاستاذة سلمى الشيخ ..

أننى أكتب هذه الكلمات مرة أخرى محاولاً ضبط أعصابى ..
وبعد جهد جهيد .. استجمعت قواى للوصول الى جهاز
الكمبيوتر .. وبعد تجهيز الكلمات .. وعندما هممت بارسالها ..
وإذ بها تختفى من الشاشة الغشاشة ..
وها أنا أحاول إجترار ما سبق محاولاً ترتيب الأفكار مرة أخرى ..

أولاً آسف أشد الأسف لتأخيرى فى التعليق .. والكتابة فى هذا البوست المتميز ..
فقد ألمت بى وعكة صحية بسيطة ألزمتنى الفراش من دور برد حاد .. وهذه أول
مرة أتجه الى جهاز الكمبيوتر منذ عدة أيام ..

آسف مرة أخرى ..

سأواصل إتمام هذه المداخلة بعد قلبل .. أرجو المعذرة ..

أخوكم العجوز ..
أرنست أرجانوس جبران ..

Post: #86
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-03-2009, 04:35 PM
Parent: #68

Quote: أولاً آسف أشد الأسف لتأخيرى فى التعليق .. والكتابة فى هذا البوست المتميز ..
فقد ألمت بى وعكة صحية بسيطة ألزمتنى الفراش من دور برد حاد .. وهذه أول
مرة أتجه الى جهاز الكمبيوتر منذ عدة أيام


الف سلامة يا ايها الشاب الجميل
لسه انت شباب
يا فرايحى اللون
يااب عيون احباب

سعدت بلقائك
وازدادت سعادتى حين تحدثت اليك
فانت فنان تدخر الحلو من الكلام
وتريحه على اذن من يستع اليك

خلى بالك من زهورك
فالعمر فيه متسع للجمال والمحبة
واتمنى ان تعود عليك هذه السنة
املا وفالا وسعادة
ونلتقى يا ايها الشاب الجميل

Post: #70
Title: Re: مخصوم منك وطن يا خطاب حسن احمد ـ صور
Author: طارق جبريل
Date: 01-01-2009, 11:42 PM
Parent: #1

كل سنة وانت طيبة ياخ

Post: #71
Title: Re: مخصوم منك وطن يا خطاب حسن احمد ـ صور
Author: عبد المنعم سيد احمد
Date: 01-02-2009, 01:00 AM
Parent: #70

اينما حلت الاستاذة
سلمى الشيخ سلامة
كان الشعر والجمال
التحية للشاعر خطاب
وللصديق الجميل..عادل عبد الرحمن

Post: #72
Title: Re: مخصوم منك وطن يا خطاب حسن احمد ـ صور
Author: Sudany Agouz
Date: 01-02-2009, 04:16 AM
Parent: #71

الأستاذة سلمى ،

وبالرجوع الى مداخلتى السابقة ..

أعود من جديد .. وأبدأ من " قولة تيت " .. وبعد أن فكرت وكتبت وتعبت .. ضاع مجهودى سدى .. إختفت الكتابة من الكمبيوتر بقدرة قادر
قبل القيام بإرسالها ..
وها أنا أبدأ من جديد .. لكن للأسف ستكون الأفكار غير مرتبة كالسابقة ..والتى أخذت فيها وقتاً طويلاً لتحضيرها ..
غايته .. الله يستر ..

أقول .. ثم أكتب ..
قد يعتقد المرء بأنه يستطيع معرفة الشخص أو الشخصية من كتابات ذلك الانسان .. لأن نوعية الكتابة تعكس خلجات نفس الكاتب ..
واعتقدت أننى ومن كتابات الأستاذة سلمى ، أننى قد قمت بتكوين معلومات كافية عن شخصيتها الابداعية ..
ولكن .. كان اعتقادى .. ما هو الا جزءاً بسيطاً من الكثير .. والذى تأتى عند مقابلتى لتلك الشخصية وجهاً لوجه ..
فى منزل الأستاذ عادل وعماد ..
أى فى منزل الحاجة بثينة العامر ..أم السودانيين .. جزاها الله كل خير ..
وها هى الأستاذة سلمى ..
سلمى الانسانة المتواضعة .." الحبّوبة " .. أعنى المُحِبّة .. " مش الحبوبة " بالمعنى الآخر.. ما تودوناش فى داهية ..
نعم الانسانة التى تقابل الانسان بصدر رحب ووجه باش ..
سلمى الواضحة الصريحة .. والتى أبدت رأيها بمنتهى الصراحة فى أمر كان بامكانها أن تضع عليه الكثير البهارات والشمارات ..
سلمى الأستاذة والتى كانت حاضرة بذهن حاضر متحضر .. حيث كانت تعطى رءوس الخيوط لكل من إحتاج الى " لكزة "
أثناء القاء الكلمات المختلفة ..
كانت تتلو رءوس الخيوط من أسماء القصائد الشعرية .. وقائليها .. ثم أسماء المسرحيات المختلفة .. الخ .. الخ ..
فقد كانت أحد الشخصيتين المضيوفتين فى تلك الندوة الشعرية ..
كانت هى .. والضيف المُشرق المشّرف الأستاذ خطاب حسن أحمد .. ..
بالمناسبة قد كان من بين الحضور الأستاذ رأفت الشاعر الفلسطينى .. والكاتب الأستاذ محمد مبارك
والى هنا يجب أن أتوقف خوفاً من الحادثة السابقة .. ولا يلدغ المؤمن من جحر مرتين ..

ولنا لقاء آخر لحلو الكلام عن الضيف الكريم الأستاذ الشاعر خطاب حسن أحمد ..
إن شاء الله ..
أخوكم العجوز
أرنست

Post: #73
Title: Re: مخصوم منك وطن يا خطاب حسن احمد ـ صور
Author: PLAYER
Date: 01-02-2009, 05:45 AM
Parent: #72


الأستاذ عماد(شقيق الشاعر عادل عبدالرحمن) في سرحة شعرية

Post: #74
Title: Re: مخصوم منك وطن يا خطاب حسن احمد ـ صور
Author: PLAYER
Date: 01-02-2009, 05:52 AM
Parent: #73

العزيز ياسر السيد
كل عام وانت بخير
Quote: بلير الراقى
خيانة كبيرة بعدم الدعوة

سامحنى المرة دي........المرة الجاية انت اول المدعوين.

Post: #75
Title: Re: مخصوم منك وطن يا خطاب حسن احمد ـ صور
Author: PLAYER
Date: 01-02-2009, 06:04 AM
Parent: #74


]الدكتور عبدالمنعم العجبانى والأستاذعبدالرحمن الخليفة والشاعر عادل عبدالرحمن(هدوء قبل العاصفة الشعرية)

Post: #76
Title: Re: مخصوم منك وطن يا خطاب حسن احمد ـ صور
Author: khatab
Date: 01-02-2009, 04:06 PM
Parent: #75

العزيزات والاعزاء الذين يمرون من هنا
لابد من خلع القبعة وكل انواع الطواقى
ثم الانحناء للسيده بثينه مرغنى ..امنا
على حنوها وفيض كرمها الذى شملناجميعا
ودفق على جمعنا .. على جمعناالذى توخى الشعر
ذاك المساء ( الهيوستينى العجيب )
ولهويده .. عماد وحسين .. اطنان امتنان
.

.

.

يا للبيت السودانى الرحيب
وقدرته على الانتقال من مدنى
بكامل وده واناقته من ودمدنى
south west
هيوستن
!
!

Post: #173
Title: Re: مخصوم منك وطن يا خطاب حسن احمد ـ صور
Author: mohmed khalail
Date: 01-11-2009, 11:38 PM
Parent: #75

عفوا حزف للتكرار

Post: #175
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-12-2009, 00:15 AM
Parent: #173

محمد خليل
يا خليل ياخليل خليلك وين ؟
متذكر الغنوة دى
كان ماحضرتها ليك حق تعمم خطاب اخوى
دى على وزن الكاشف اخوى وكدا
كلنا اولاد جيل واحد معاى طبعا خطاب
عارف يامحمد خليل
انحنا متبارين لينا تلاتين سنه
يعنى كنا شفع ومازلنا وصلنا الى الكهولة وماتزال بيننا
تلك النضارة منذ ان تعارفنا قبل ثلاثين عاما
كان رفقتنا العميرى عليه كل الرحمة
ثم مررنا على منعطف العمل معا فى الاذاعة
فكان ان انضم الى هذا العقد
حسن محمد دوكة دكتور حسن فيما بعد
ولانه كان اكبر طموحا منا فلقد افترقنا
سافر الى حيث ازدادت خبراته وارتقى علمه
لكنا مانزال كل الود احدنا للاخر
عشرن عاما او تزيد منذ ان تعرفت الى هذا الولد النابه حسن
وبين هذه الضفاف كان يلوح ابوعركى البخيت تميمة لعقد اتمنى ان لاينفرط قط
ثم كانت مريم محمد الطيب وماتزال "فردة" تعجز كل كلماتى عن ايفاء حقها
وشقيقيها محمود وعبد الله اب سفه مجموعة التقت على الحب والمودة
وافترقت لكنها متصلة كالسرمد
اينما حللنا نحمل احدنا الاخر فى جوانياتنا
مالى بقيت بكاية كده ؟
امكن الغربة
لكنها لن تفصلنى عن اخوة لم تلدهم امى قط

Post: #189
Title: Re: مخصوم منك وطن يا خطاب حسن احمد ـ صور
Author: khatab
Date: 01-14-2009, 01:23 PM
Parent: #173

Quote:
استاذة سلمى بت الشيخ

عم خطاب (شفت كيف بنعجزك)




كم يزهو بكما

وطنا لكما

وتلاقت يا مرحى قمما




محمد خليل .. ياخى تصدق بكون متكيف كيف !
بى كلمة .. عم خطاب .. معناها بالنسبه لي
يعادل بالعمله المعنويه , حاجات حميمه ..
طول الواحد ما سمعها ومشتاق ليها كتير!!
و بعدين يا حماده انت كده ما بتعجزنى ..
بالعكس تماما ً
بتحرضنى اسمعها من الزول القاعد فى البروفايل
حتى لو كانت جدو.. زي الشاب مريود
لذيذه الكلمه وبتحسس الزول بالامتنان
للخالق والكون
,,
يا فاطر الكون
ارواح
واشيا
ومن لون
..
تحايا عامره ياصديق
.
.

Post: #98
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-04-2009, 01:21 AM
Parent: #72

Quote: مش الحبوبة " بالمعنى الآخر.. ما تودوناش فى داهية ..


يا حبيبنا
يا سودانى شاب
مش عجوز لانه روحك تمتلك كل الشباب
عارف حكاية حبوبة دى منتظراها بفارغ الصبر
اجمل لحظة يتخيل حتكون فى حياتى لما اسمع ولد عزة ولا بتها بتصرخ
فى اول لحظة حياتها
ومستعجلة عليها جدا
لانها من اجمل لحظات الام
واتمنى ان تتحقق هذه الامنية هذا العام
فليس فى العمر متسع يا صديقى
دايرة اشيل الاحفاد والعب معاهم
فى اجمل اللحظات
اتمنى انك فهمتنى
طابت ايامك كلها

Post: #194
Title: Re: مخصوم منك وطن يا خطاب حسن احمد ـ صور
Author: Mohamed Abdelgaleel
Date: 01-15-2009, 10:55 AM
Parent: #72

سلمى وخطاب .. هسع لو أتوكلتو على
الله وجيتو تميتو باقي كلامكن ده في
أمدرمان ما أخير، وانتو عارفين
مستمعينكن هناك لهفانين لجنس الكلام
ده ومقاعدكم شاغرة وأصبحت
الآن أكثر شغورا فلا تتأخروا

Post: #201
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-18-2009, 02:15 PM
Parent: #194

Quote: سلمى وخطاب .. هسع لو أتوكلتو على
الله وجيتو تميتو باقي كلامكن ده في
أمدرمان ما أخير، وانتو عارفين
مستمعينكن هناك لهفانين لجنس الكلام
ده ومقاعدكم شاغرة وأصبحت
الآن أكثر شغورا فلا تتأخروا

محمد الجليل
كلما مدينا ايدنا نلقى زهرة ريدنا بعدت
يا صديقى
بات الوطن ابعد من زحل
امنية ما
فى زمان ما كانت
مشينا نتبنو لامن سال عرقنا
على صعيد خاص
صدونى المراكبية
وانا البعت الفرح للنيل
حزينة يا صديقى
حزن يغطى النيل دموع
واكتشفت انك عشان تقعد هناك
يا تدوس على كل الناس وتمشى خطاك
او تبعد وتاوق
والاتنين حارات
كيف الشورة يا ابو التومات؟

Post: #205
Title: Re: مخصوم منك وطن يا خطاب حسن احمد ـ صور
Author: khatab
Date: 01-19-2009, 06:46 AM
Parent: #194

Quote:

سلمى وخطاب .. هسع لو أتوكلتو على
الله وجيتو تميتو باقي كلامكن ده في
أمدرمان ما أخير، وانتو عارفين
مستمعينكن هناك لهفانين لجنس الكلام
ده ومقاعدكم شاغرة وأصبحت
الآن أكثر شغورا فلا تتأخروا

..


.
محمد عبد الجليل
حينما اصافح حروفك فى اي مداخله , التقيك عُدة مرات
فى الكرة الواحده ..
حتى من قبل ان تحج ,

من قبلى تراب السودان
.
تلك التربه
.
التى عادلت بين دماء بنيها ,
مدافعين عن حُريتِها ..

ودماء من مهروها

الدماء..

وهم

!!

؟


.

Post: #89
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-03-2009, 05:34 PM
Parent: #71

عبمنعم
سيد احمد
الشوق مطر وبحر وقرررررب يبقى جبال
شدة ما تقيل
ازيك ود امى
من زمن مستنى عودة قلبى راحل
كنت بكتب ليهو بدمى الرسايل
وللشعر حول وصول فى الروح
وله موجبات الصمت كلها
حين تستمع الى من ينشدونه
وانت يا صديقى شاعر جميل
اخفته ثلوج كندا وبراريها
انفض عنك زخات الثلج واكتب لنا
اكتب ما يجيش بنا
فانت تعرفه

Post: #187
Title: Re: مخصوم منك وطن يا خطاب حسن احمد ـ صور
Author: khatab
Date: 01-13-2009, 10:07 PM
Parent: #71

الاعزاء دائما ً


طارق جبريل
و
عبدالمنعم سيداحمد

خالص التحايا لكم منى وعادل عبدالرحمن

نلتقى مستقبلاً باذنه تعالى

.

.

Post: #88
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-03-2009, 05:21 PM
Parent: #70

الحبيب طارق جبريل
او جبرين
كما تقول حبوبة امنة بت الجزولى عليها الرحمة
الدنيا عيد
وعارف خصام العيد حرام
مش؟
لا رسالة تجينى منك ؟
لا خبر طمنى عنك ؟
وانت سايق فينى ظنك
برضو منك
لا الزمن بقدر يحول قلبى عنك
لا المسافة ولا الخيال
هذه الايام امتلئ حد الفيضان بمصطفى سيد احمد
اتمنى لك طول العمر
وكل يوم وانت واسرتك بكل الخير

Post: #77
Title: Re: مخصوم منك وطن يا خطاب حسن احمد ـ صور
Author: حنين للبلد
Date: 01-02-2009, 04:28 PM
Parent: #1

سلمى الشيخ سلامة
كل عام وانت بخير
السنة الفردية دي انشاء الله تكون فال خير عليك وبنيتك والكل
توقيع حضور ومتابعة للبوست
والحاجت الحلوة دي ادونا بيها علم من بدري تاني..

Post: #92
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-03-2009, 06:22 PM
Parent: #77

Quote: السنة الفردية دي انشاء الله تكون فال خير عليك وبنيتك والكل


يا حنين السمحة وحورية ولفتاتا غزال
ازيك
طولنا منك يا حبيبة
اول حاجة انتى ما بتعرفى كوتشينة؟
تسعة دا رقم ابن كلب
عارفة
ايام كنا فى المعهد العالى للموسيقى والمسرح
كانت الدنيا بى خيرا
كان فى بصات وتذاكر بصات
احلى لحظة لمن نلعب فى الباص بالتذاكر
دائما بكون معاى الصادق شيخ الدين واسامة سالم واسيا التلب وامنة امين
نمشى السينما فى القاعة
اول حاجة لمن الكمسارى يدينا التذاكر كنا
"بنشكها " التذاكر ونوزعا
دايما كان نصيبى "التسعة "
وما كنا نركب تكسى الا يكون عامل تسعة
واحب جدا رقم تسعة
فعشان كده متفاءلة جدا
انه كتابى الرابع حيشوف النور فى هذا العام ومعاهو مجموعتين قصصيات
شفتى كيف ؟
تسعة وطويلة كمان
كل سنه وانتى واسرتك بكل الخير

Post: #188
Title: Re: مخصوم منك وطن يا خطاب حسن احمد ـ صور
Author: khatab
Date: 01-14-2009, 05:58 AM
Parent: #77

Quote:
يا حنين السمحة وحورية ولفتاتا غزال
ازيك
طولنا منك يا حبيبة


اه لو تعلق
قشه
على
شعرى
من شدره هناك

.

.

برضو طولنا منك ..

يا حنين للبلد ,

يا

عريفى .!

سلملى

على الاحباب

.

واشوفك

.




Post: #190
Title: Re: مخصوم منك وطن يا خطاب حسن احمد ـ صور
Author: khatab
Date: 01-14-2009, 05:02 PM
Parent: #77

Quote:

توقيع حضور ومتابعة للبوست
والحاجت الحلوة دي ادونا بيها علم من بدري تاني..


حنين للبلد .. سلا م

كان الوالد هو النبهنى ليك ذات .. شوبينق فى فرجيينيا..

متزكرو لحدى هسى ..

سلمى برضو زيما عارفه .. بت حُفره

المرات الجايات اكتر

اشوفك

.

عمو

.

Post: #78
Title: Re: مخصوم منك وطن يا خطاب حسن احمد ـ صور
Author: منوت
Date: 01-02-2009, 05:19 PM
Parent: #1

هذا كلامُ العنكوليبِ للعنكوليب :

" ... دائما كنت اقول ان السفر قطعة من جهنم لكنى استحلى حوامضه
ازدرد كل علقم الرحلات التى جعلت منى (طوافة ) او (بنت بطوطة )
للسفر عدة فوائد اقلها انك تتعرف الى نسق حيوات لم تجربها من قبل
فى مكان ما ، زمان ما ، وبقاع تطا ارضها لاول مرة فى هذا العالم
ازيد الى معارفى معرفة جديدة... " .


* أمو ،
و انتِ كمان مخصوم منك وطنين !

Post: #93
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-03-2009, 06:33 PM
Parent: #78

Quote: و انتِ كمان مخصوم منك وطنين !


يا اعز الناس ابو الحسن
اول وطن "صباح الخير يا وطنى ، والتانى مساء الخير ياوطنى "
يا لتلك الايام يا صديقى
كنا وكان الزمان غير الذى نراه الان
او نعيشه حتى
لكم افتقد ذلك الوطن الصباحى
بمحمد مصطفى وسعد الدين ابراهيم
وطلال عثمان واسامة جمعة وعمر عوض وعثمان عمر وهاشم الريح له كل الرحمة
ومصطفى سيد احمد ينشج وينشدنا للوطن
له كل الرحمة
يا ولد
مالك على ؟
اتمنى ان نعود الى تلك الامكنة يا صديقى
وتعود رجاء حسن حامد ما كانته
يعود اليها بصرها كاملا وتتعافى
اتمنى ان نعود الى استديوهات امدرمان ونلتقى مستمعينا الاحباء
اتمنى

Post: #191
Title: Re: مخصوم منك وطن يا خطاب حسن احمد ـ صور
Author: khatab
Date: 01-14-2009, 06:33 PM
Parent: #78

Quote: !هذا كلامُ العنكوليبِ للعنكوليب :



وغناء الليمون لللسعة ِ
النادره بين ماء وسُكر ببيت الخاله او العمه
ذات صباح .. ظهيره
او مساء

.
لك الحسكنيت وابو اللصاق ايها الصديق
.
جنوبنا كيف !!

.

كلم قمارينا

.



Post: #81
Title: Re: مخصوم منك وطن يا خطاب حسن احمد ـ صور
Author: خضر حسين خليل
Date: 01-03-2009, 02:04 AM
Parent: #1



سلمي وخ(كتاب)


كيفنكم وكل عام والفأل فأل الأخوان
وإتمنيت لو كنت معاكم!!



عيد مبارك علينا وعليكم

ـــــــــــ

سلمي حضرت ولم أجدك

Post: #95
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-03-2009, 06:45 PM
Parent: #81

Quote: سلمي حضرت ولم أجدك



خضر الزاهى واخضر
لقيت رسالتك
لكن ود امى النحدسك
عندنا "سقط" شرعا
قرب يقطع الاضنين
وعشان تمشى تجيب كرت
تقع وتقوم من التلج
خلينا فى المسنجر احسن
باكر برضو قاعدة فى البيت
نتلاقى
خلاس؟
كل سنه وانت طيب
محبتى

Post: #192
Title: Re: مخصوم منك وطن يا خطاب حسن احمد ـ صور
Author: khatab
Date: 01-14-2009, 11:07 PM
Parent: #81

Quote:
سلمي وخ(كتاب)


كيفنكم وكل عام والفأل فأل الأخوان
وإتمنيت لو كنت معاكم!!



عيد مبارك علينا وعليكم



يا خضر ياحسين ابن الخليل

كل سنه وانت اطيب واحلامك اقرب للتحقق

على ارض الواقع ..

شكرا ً يا صاحب على الطله

وبنتلاقى فيها الفانيه .. كان شدينا الحيل

باذن الله

والله الله

أللا ..

( المدحه اياها بي عقد الجلا د وكده )

.
.

اشوفك
خط
اب

.





Post: #82
Title: Re: مخصوم منك وطن يا خطاب حسن احمد ـ صور
Author: Hawari Nimir
Date: 01-03-2009, 06:55 AM
Parent: #1




...
....
,
الوالدة ..الحاجة\بثينة ميرغني..
(ام السودانيين بهيوستن)..
ام الكل...
ضمتنا الي حضنها..و روتنا من حبها..و احاطتنا برعايتها
وشالتنا علي كفوف الراحة..
..
.
ربنا يديك الصحة و العافية..

Post: #107
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-04-2009, 04:01 PM
Parent: #82

امى بثينة
صباحك فال
وصحتك عال العال
فاقداك يمة فقد الروح
طارياك يمة وين مااروح
كيف ايامك ؟
لسه بتاوقى للصور وتبكى ؟
ما تبكى يا السمحة المغتية بصور الجمال ارتال
كل الدنيا تضحك ليك
كل الكون يهلل بيك
يام الكل يا ست الكل
يا روح الفل
يازهرة ندية تنفحنا العطر والروح
كيف ايامك يا سمحة ؟
عساك بى خير
ومشتاقين يا ست الخير
خلى بالك من عيونك ومن زهورك ومن ولادك ومن رويحتك يام نفل
مشتاقة لحضنك دفا
مشتاقة لعيونك دوام
اقعدى عافية امنا
وبيك الزمن اتمنى تانى يلمنا

Post: #83
Title: Re: مخصوم منك وطن يا خطاب حسن احمد ـ صور
Author: محمد عثمان
Date: 01-03-2009, 07:11 AM
Parent: #1

الحبيبة سلمى...

كل سنه و انت طيبه
والله ليك وحشة و فقدناك هنا...

تحياات...

Post: #97
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-03-2009, 08:37 PM
Parent: #83

الحبيب محمد عثمان
الشوق غلاب
جينا ليك والشوق دفرنا
يا نشوق روحنا
يا جميل
شكرا ليك على لطيف كلماتك
وبنتلاقى فى الاحساس
تسلم حبيبنا

Post: #84
Title: Re: مخصوم منك وطن يا خطاب حسن احمد ـ صور
Author: Hawari Nimir
Date: 01-03-2009, 07:21 AM
Parent: #1




...
..الاستاذة\هويدا عبدالرحمن..
انسانة مهمومة بالثقافة و الادب و الشعر..
كان لها الريادة باقامة اول معرض عربي للكتاب
(معرض بثينة الدولي للكتاب-هيوستن)
توثق بالكاميرا للندوة..
لها كل الشكر والتقدير
...
..
.

Post: #87
Title: Re: مخصوم منك وطن يا خطاب حسن احمد ـ صور
Author: Abdelgadir Galal Ahmed
Date: 01-03-2009, 04:39 PM
Parent: #84

الاخت الاستاذة سلمي الشيخ

السلام عليكم ورحمة الله

موضوع جميل جدا ادام الله فكرك وفضلك
لقد قراة لك صفحة كاملة يوم امس بصحيفة اجراس الحرية ولفد اعجبت ايما اعجاب بسلاسة التعبير وانسياب المعاني وبراعة الحكي
لك التحية اينما كنت

Post: #100
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-04-2009, 01:47 AM
Parent: #87

العزيز عبد القادر جلال
تحية واحتراما
اشكر لك صبرك على قراءة ما اكتب
احيانا احس بغصة بعد ارسال المادة
واتمنى ان اسحبها
لكن حديثك عن قراءة صفحة كاملة من جريدة اجراس الحرية
يزيد اعبائى
ويجعلنى افكر الف مرة
لان للقارئ على الكاتب حق
حق ان يجعله محب لما يقرا
حق ان لا يقتله بلغة "شترا"
احمد الله انه جعلنى اجد قبولا لدى قارئ بقامتك
لك الود والتقدير

Post: #108
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-04-2009, 04:41 PM
Parent: #84

هويدا الجميلة
يا سمحة وحنينة
مشتاقين
كل ما رن جرس تلفون
اقول دى هويدا
ياخ اتصلى وطمنينا على امنا
وما تخليها تشوف المسلسلات وتبكى
وخلى بالك منها
مليون سلام
سعيدة با حتفاكم بى
وسعيدة انى لاقيتكم بعد غياب طال

Post: #90
Title: Re: مخصوم منك وطن يا خطاب حسن احمد ـ صور
Author: Hafiz Suliman
Date: 01-03-2009, 05:56 PM
Parent: #1

خطاب و سلمي و كل الاصدقاء
كل عام و انتم بخير
و السنه الجايه شعر ساكت
و مسرح لمن تقول ماداير
و مزيكا للطيش

سلمي اتصلته بي عامر الجوهري في القاهره
قبل يومين كده
و هو بسلم عليك و سالني منك

[email protected]



BACH
Air on G string

دي ام فتفت

Post: #109
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-04-2009, 04:47 PM
Parent: #90

Quote: دي ام فتفت

حافظ العريس
ازيك ومشتاقين
دى بت براها كده
ولعابة لعب
غيتو ساهرت بى
لانها بتلعب بطريقة لاحكت ولا بقت
ليك حق تسميها ام فتفت

وعامر الجوهرى لسه فى القاهرة ؟
اللهم اشفه وعافه اعده سالما غانما
اللهم انزل عليه نعمة الشفاء عاجلا
وبلغه سلامى وتحياتى
وليك وللمعاك فى اللوضهقاعدين
الا ياخيرى الجواب اتملا بى الصفحتين
ما تطول مننا ادينا سلك يا حبة

Post: #207
Title: Re: مخصوم منك وطن يا خطاب حسن احمد ـ صور
Author: khatab
Date: 01-19-2009, 02:46 PM
Parent: #90

Quote:
خطاب و سلمي و كل الاصدقاء
كل عام و انتم بخير
و السنه الجايه شعر ساكت
و مسرح لمن تقول ماداير
و مزيكا للطيش

سلمي اتصلته بي عامر الجوهري في القاهره
قبل يومين كده
و هو بسلم عليك و سالني منك

حافظوف يا سليمان .. كيفك والعروس
نسمعك بالعربى , تسمعنا بالانقليزى !
ام فتفت عندك لاكين .. يخيل لى الكمنجه دى .. الفلوت يعنى
اصلها انثى من شجن وعبير
البنيه غرقانه ياحافظ ..
مجذوبه يا صاحب ..
زيما قال اخونا هاشم صديق فى جان والكريسماس
..
( لما ترقص جان
( بتغرق
( مره زي لهبا
( الهلب
( ومره زي اهل
( الطريقه ..)
..
حافظ اعمل تلفون مازال شغال تلفونى
ضرورى جدا ً وسلملى
على عامر الجوهرى
الذى اضاعه منى قريبه العجيب
.
فى انتظارك
.

.

Post: #94
Title: Re: مخصوم منك وطن يا خطاب حسن احمد ـ صور
Author: mustafa bashar
Date: 01-03-2009, 06:36 PM
Parent: #1

حديث النساءالمبدعات مثل سلمي الشيخ
يريح القلب
ويمنح أذيناه أذنا تصغي بكاملها
الي ذلك اللحن الفريد
دمت حسنا وعشقا

Post: #96
Title: Re: مخصوم منك وطن يا خطاب حسن احمد ـ صور
Author: عبد المنعم ابراهيم الحاج
Date: 01-03-2009, 07:50 PM
Parent: #94

دا شنو دا ياسلمى!!؟

ميلتو الدنيا الجديدة..عادل وخطاب
وانت في حتة واحدة ..

الليل غرق في
نشيد طويل..

والذكريات إتمازجت
والأغنيات
الشاردة
في خيط النضم
حال النجم
يعصى الشهاق..

خطين وفاصل
من كلام
ألفين
سلام..
مرت ثواني
الساعة
والعقرب وقف
وقع الزمن
بين
السنين..

وبقت الحكاوي
النية
تنضج بالحروف
يامحسنين..


كل سنة وانتم بخير

Post: #116
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-04-2009, 09:53 PM
Parent: #96

Quote: وبقت الحكاوي
النية
تنضج بالحروف
يامحسنين..


عبدالمنعم ابراهيم
يازول مالك تبقبق فى الحشا
بنضمك الماهل وسمح؟
وحاتك يالغالى
اتلمينا
تقول ما اتلمينا
اتلمينا شغل ما سوينا
زى ما قالت صحبتى البقارية الجميلة حواء
قعدنا وحكينا جنس حكى ؟
وبكينا شهقنا النجوم من تالا الدموع
يا سيدى
كانت ايام زى لمح البصر
ارواح اتناغمت واتناضمت وما ونت
شى بالتلفون مع عادل القصاص
مشينا المشاوبر التى لم نمشها منذ عشرات الاعوام
منبتة "من نباته الخياطة "بالفرح
تعرف نباتة الخياطة ؟
زمان كانت مدرسة الخياطة فى كلية المعلمات
تقررب تدينى كف لانى ما بنيت الخياطة
لكنى انبت الاصحاب عشبا يخضر به القلب
انبتهم وادخلهم فى مكامن لا ترى
ادعوهم فياتونى يدعونى فاتيهم
ونلتقى على ضفاف الشوق طرا
لانود الافتراق
كنا رجاء الصحو
وكان عميرى بيننا طوال هذه الايام
وحلق بنا القدال فى مجامر من الشعر لاتشوى لكنها تدفئ القلب والروح
وانشدنا خطاب نشيدا حراقا وبوحا يخرج من بين تلابيب الروح
يمسك بارواحنا
ليتك كنت معنا يا صديقى الجميل
ليت كل الكاميراتا والكوفنجية كانوا معنا
لاقمنا لنا سرادقا للمحبة فى قلب تلك الامكنة ولن نبارحها
لك ولاسرتك كل المحبة

Post: #216
Title: Re: مخصوم منك وطن يا خطاب حسن احمد ـ صور
Author: khatab
Date: 01-27-2009, 06:31 PM
Parent: #96

Quote:
وبقت الحكاوي
النية
تنضج بالحروف
يامحسنين..


كل سنة وانتم بخير



وبكل الخير يا منعم سميه والشباب الحلوين

كان لقاءا ً طيبا فاض الحب من الجميع

فسبحنا نهرا ً

حالم الموجات برغم الواقع المغبر

لك الود دائما ً

..
.

Post: #110
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-04-2009, 05:01 PM
Parent: #94

مصطفى يا مصطفى يا بشار
كل يوم وانت طيب
مشتاقين كتير
وبركة فى شوفتك
طلتك بالدنيا
اتمنى ان تكون كل امورك على ما يرام
واتمنى لك عاما جديدا سعيدا
وخلينا نسمع صوتك

Post: #101
Title: Re: مخصوم منك وطن يا خطاب حسن احمد ـ صور
Author: khatab
Date: 01-04-2009, 06:55 AM
Parent: #1

سلمى الشيخ سلامه

لقد اقتطعت عنوان .. ترويستك .. البوست ..



من مدخل قصيده

عصرتنى وبداية القرن الذى شهدنا , حين جلوسنا متجاورين

هذا المساء الذى حرضك على الكتابه .

بعد تباعد سنوات تزيد

او تقل قليلا

عن الخمس او العشر سنوات

جلسنا لنتاّنس شعرا

لتغنى بوطن

ارهق مواطنيه ساسته

او المتسلطين على امره ,

واهداهم المنافى .

معسكرات النزوح

الملاجئ

وحاصرتهم فى كل الزوايا

الانعطاف

.

فبأي الالسنه !!

اغنيك رهطا ً حميم

!!

لك الشموس .. دون رطوبه ..

وانت تعودين الى ثلاجة ..ايوا سيتى

التى اشعتم الدفئ فيها غناءا ً سودانيا ً اصيل ,

وصُحبة ماهر تاج السر

.

.






Post: #103
Title: Re: مخصوم منك وطن يا خطاب حسن احمد ـ صور
Author: عبدالأله زمراوي
Date: 01-04-2009, 08:35 AM
Parent: #101

سلمى الشيخ سلامة ايتها النخلة الباسقة
والشامل الكامل خطًاب...

أنتم هناك في هيوستن تبدعون وتتألقون، ونحن في الدوحة
ثملون بهذا الألق!

أنتم تعيدون لنا سيرة الأدب الذي يسافر قاطعا الوهاد والفيافي،
عكس ما يقال عن ان العلم يؤتى ولا يأتي، أتيتم تحملون زادا غاليا
وأشبعتم كل الحاضرين والغائبين من أمثالي...

يا ليتني كنت معكم، يا ليتني...!

Post: #118
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-04-2009, 10:29 PM
Parent: #103

Quote: يا ليتني كنت معكم، يا ليتني...!


يا مولانا
وكنت حاضرا
كنت الحضور الياتلف
واليمتد الى كل لوحة شعرية
كنت معنا يا صديقى
فى الكلمة التى تخدش صمت البحر
فترتج لها خلجان الكون زهوا

يوم شكرك ما يجى
عارفنى بقصد شنو
وما بقدر اوفيك يا زول يا اصيل
مابقدر تب
تسلم ويسلم عمرك
وما نعدمك
اقعد فى العافية غتا وضرا

Post: #209
Title: Re: مخصوم منك وطن يا خطاب حسن احمد ـ صور
Author: khatab
Date: 01-20-2009, 11:28 AM
Parent: #103

Quote:
أنتم هناك في هيوستن تبدعون وتتألقون، ونحن في الدوحة
ثملون بهذا الألق!

أنتم تعيدون لنا سيرة الأدب الذي يسافر قاطعا الوهاد والفيافي،
عكس ما يقال عن ان العلم يؤتى ولا يأتي، أتيتم تحملون زادا غاليا
وأشبعتم كل الحاضرين والغائبين من أمثالي...

يا ليتني كنت معكم، يا ليتني...!



او نكون معك .. العزيز عبدالاله زمراوى

مولانا , الشاعر

المقاوم الصنديد !! بماذا اسميك يا رجل

فلقد عرفتك من خلال ابهى الاصدقاء ..

القدامى الجُدد

باكفتنى مهمة الاجتهاد

صديقنا السينمائى .. الكاتب الساخر

فى زمن الكوميديا السوداء

شيخنا عبدالقادر داوود

.

ليس لنا مطيه يا عزيزى وان طال القصيد

فتتساوى كل الامكنه .. خليج المكسيك

بحر الغزال

وشط العرب

.

خالص التحايا لك

حتى نلتقى

فنكون

.

.

Post: #117
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-04-2009, 10:20 PM
Parent: #101

Quote: لك الشموس .. دون رطوبه ..

وانت تعودين الى ثلاجة ..ايوا سيتى

التى اشعتم الدفئ فيها غناءا ً سودانيا ً اصيل ,

وصُحبة ماهر تاج السر


يا خطاب
يا رفيق الروح
كانت ليلة لاتنسى
كانها من ليالى شهرزاد
او تزيد
محضورة طب
كان يومها حاضرا صديقنا المشترك عبدالواحد محمد خير الفنان التشكيلى
ذلكم الذى كان يوثق اغنيات مصطفى سيد احمد بالورود
فى بداية ظهور مصطفى
كان يصنع من الاغنيات لوحات مرسومة بالورد
يا له
وكنا فى قمة من دفئ اصابنا به ماهر تاج السر
غنينا وفرحنا وامسينا وصبحنا
ونحنا كما انحنا
نروى بغير لحنا
كان ماهر هو اللحن العذب ليلتها
والمغنى المطرب الذى اشجانافامتلانا بغنائه
وعزفه الذى تعرف
وملانا القاعة التى كانت لكنيسة ابت الا ان تستضيفنا لنحتفل
بماهر وغنائه العذب
اتمنيت لو كنت معانا

Post: #111
Title: Re: مخصوم منك وطن يا خطاب حسن احمد ـ صور
Author: محمد كابيلا
Date: 01-04-2009, 05:15 PM
Parent: #1

سلمى سلامات
سنه سعيده عليك
ولكل أصدقائك
تسجيل حضور
من الأجراس لسودانيزأونلاين
نستمتع بالحكى المدهش .

كل الود
محمد كابيلا

Post: #113
Title: Re: مخصوم منك وطن يا خطاب حسن احمد ـ صور
Author: PLAYER
Date: 01-04-2009, 07:32 PM
Parent: #111


علي شرف الأديبة سلمي أقام الشاعران عادل عبدالرحمن وخطاب رحلة الي جزيرة غالفستون.
دكتور عبدالمنعم(دليل سياحي) الزميل هواري(مصور) وبليير(سائق).

Post: #119
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-04-2009, 10:36 PM
Parent: #111

الاخ العزيز محمد كابيلا
تحية واحتراما
شاكرة لك على لطيف كلماتك
واهديك مقطعا من يومياتى
لغات تعيش ولغتنا تموت
فى الباص ، حيث العالم كله بين يديك ، شعوب الارض جميعا تجدها فى داخل الباص ، وحين تركب باصا للطلاب ، حيث للطلاب فى الجامعة بصات خاصة ومجانية تنقلهم من والى المدرسة ، تحس انك فى هيئة الامم المتحدة ، شعوبا وقبائل شتى ، تسمع الاطفال يتحدثون الى امهاتهم او ابائهم ، بلغتهم الام
سواء من باكستان او الهند او الصين اواليابان او افغانستان ، او اثيوبيا او الصومال ، او ارتيريا ، كلهم ينطقون بلسان امتهم ، الا اطفالنا ، الوحيدين بين الشعوب الذين لا يتحدثون لغة اهلهم ، كانها لعنةاو سبة
ووجدت نفس الامر فى انجلترا ، والامهات يبدين فرحة وغبطة كانهن اتين امرا خارقا حين يتحدث اطفالهن باللغة الانجليزية ، حتى اهل البلد انفسهم باتوا فى حمى لتعلم اللغات الاخرى وفتحوا لهذا الغرض فصولا اضافية لتعلم اللغات العربية والفارسية والاردو وغيرها من اللغات ، كل هذا لم يحفز ابناء جلدتى لتعليم الابناء لغتهم الحية فباتوا عجما
وهو امر محزن بل يدعو للاسف
كانت لدينا طفلة فى الفصل جدتها من البيرو وجدها من فرنسا ، وامها امريكية ، لذلك كانت الجدة تحضر كل ما ساقتها خطاها للمدرسة وتجلس الى تلك الحفيدة ، ولا تكلمها سوى بلغتها الاسبانية قط
سالتها عن السر فى تلك المحادثة فاجابت لان اختها البالغة الان اربعة اعوام تتحدث الفرنسية والاسبانية والانجليزية بطلاقة ، لابد للانسان ان تجرى فى عروقه لغة اهله الاصلية، ولانهم يسافرون الى فرنسا والبيرو لابد ان يكونوا ملمين بلغتهم الاصل من كل ناحية
قلت لنفسى ليت اهلنا من السودانيين الشماليين الذين يعيشون فى المنافى يدركون حكمتك حتى لا يعودوا عجما
عفوا عزيزى القارئ لابد من الاشادة بالسودانيين من الدينكا والنوير والشلك الحريصين كل الحرص على تعليم ابنائهم لغاتهم قراءة وكتابة وحوارا
بل ان النوير اوجدوا للغتهم حيزابين اللغات فى امريكا تحديدا فى مدينة ديمويند عاصمة ولاية ايوا
كنت هناك ذات مرة ولان لونى اسودا سالنى احد مواطنى المدينة من الامريكان
ـ من اين اصلا؟ حيث السؤال دائما من اى الولايات ؟
فاجبته اننى من السودان
بادرنى لحظتها بالسؤال
ـ اذن انتى من النوير
فسالته عن مكمن السر
فاجابنى ان السودانيين هنا يتحدثون بلغتهم الاصلية لغة النوير ويشكلون قطاعا كبيرا من السكان ، لذلك تعلمت منهم اللغة وبت اتحدثها

Post: #127
Title: Re: مخصوم منك وطن يا خطاب حسن احمد ـ صور
Author: محمد كابيلا
Date: 01-05-2009, 04:55 PM
Parent: #119

الأستاذه/سلمى
تانى سلامات
حقيقه حالنا يحنن وهى ليست لعنه أو غيره
بقدرماهى استعدادنا للتصالح مع انفسنا فى الأول
وقبول الآخر المختلف فيما يتعلق بمحددات اللغه
من آداب وفنون وغيره حيث نجد فى السودان ان كل
المناهج التعليميه من الروضه للجامعه كلها تكرس
لمحو اللغات المحليه باعتبارها رطانه وليست
لغه كامله وهو يقود لا شعورياَللتنازل عن اللغات الأصليه
على مستوى الأفراد ويكون انعكاسه النفسى هو الخجل من
التحدث بها فى المجتمع فى حين ان كل علماء التربيه أكدوا
ان البدايه يجب ان يكون بلغة الطفل الأصليه ولكن عندنا
فى السودان الحال معكوس وهى مرارات لا أريد ان أقحم به
هذا البوست الرائع ...

كل الود
محمد كابيلا

Post: #128
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-06-2009, 03:16 AM
Parent: #127

Quote: حيث نجد فى السودان ان كل
المناهج التعليميه من الروضه للجامعه كلها تكرس
لمحو اللغات المحليه باعتبارها رطانه وليست
لغه كامله وهو يقود لا شعورياَللتنازل عن اللغات الأصليه
على مستوى الأفراد ويكون انعكاسه النفسى هو الخجل من
التحدث بها فى المجتمع فى حين ان كل علماء التربيه أكدوا
ان البدايه يجب ان يكون بلغة الطفل الأصليه ولكن عندنا
فى السودان الحال معكوس


العزيز محمد كابيلا
فى مرة كنت اشتغل مع بعض الاصدقاء فى ترجمة حوار اجريناه مع العلامة
تعبان ليو ليونق
وكان يتحدث عن ضرورة تعلم اللغات المحلية جنبا الى جنب واللغة العربية
او اللغات الاخرى من انجليزية الى غيرها
وهو بالمناسبة ما زال يتحدث لغة اهله رغم انه عاش وكثيرا بعيدا عن موطنه
ما يهمنى هنا
ان اللغة الام هى التى يجب ان لاتضيع
وهى التى على الناطقين بها مهما كانوا فى اى موقع فى السودان عليهم
ان يعلموها لاطفالهم غض النظر عن المنهج
لانهم بذلك يحافظون على لغاتهم الام
واتصور اننا يجب ان ننتبه لامر كهذا
حتى لاتضيع اللغات الام بين متاريس المناهج
شكرا انك اثرت هذه النقطة لانه "حارقانى بصراحة "

Post: #112
Title: Re: مخصوم منك وطن يا خطاب حسن احمد ـ صور
Author: Adil Osman
Date: 01-04-2009, 07:15 PM
Parent: #1

هيوستن. مات فيها. فى احدى مستشفياتها شاعر. شاعر إنعطب قلبه الحار باسئلة الشعر والشعب والحرية والناس.



Post: #114
Title: Re: مخصوم منك وطن يا خطاب حسن احمد ـ صور
Author: PLAYER
Date: 01-04-2009, 07:49 PM
Parent: #112


استراحة قصيرة علي ضفاف خليج المكسيك

Post: #129
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-06-2009, 03:39 AM
Parent: #112

وما اقسى رحيله يا عادل
اينما كانت وجهة الرحيل
لكنها الاقسى حتى تاريخ هذه اللحظة
ما زلت على صعيد خاص ادارى دموعى اشفاقا على
بكيت كخنساء وواريته اضلعى ففقد مثله لا يدانى
لكنه خالد فينا
وهو كما قال حبة قمح تخضر ثانية
الهمنا الصبر يارب

Post: #210
Title: Re: مخصوم منك وطن يا خطاب حسن احمد ـ صور
Author: khatab
Date: 01-22-2009, 10:43 AM
Parent: #112

Quote:
هيوستن. مات فيها. فى احدى مستشفياتها شاعر. شاعر إنعطب قلبه الحار باسئلة الشعر والشعب والحرية والناس.



قمر ٌ على بعلبك

ودم ٌ

على بيروت

.

صديقى عادل عثمان .. نعم لقد مر صديقنا محموددرويش

من هنا !!

جئئتها هذى المدينه
وقلبى مفتوح ..
كما ارجو الخروج منها
بذات الحُب

لك خالص الود
حتى نلتقى ..

.

.

Post: #120
Title: Re: مخصوم منك وطن يا خطاب حسن احمد ـ صور
Author: Hawari Nimir
Date: 01-05-2009, 03:22 AM
Parent: #1

*** بوابة اللون .. النشيد الافتتاحي

فتحتَ الساحل
للوطن الراحل في دمّي ..
دفّق همّي ..
غمر الحارات .. نزفتَ نزيف ..
مسداري الماطر غرّقني ..
آه من حِنّي ..
لو أبوابك تدخلني ..
لو نفّاجك جوّه بيوتك يروّحني ..
و ما ألقى دليل ..
أو خرطومك يقطفني ..
من غصن الشوك السّورني ..
وافضل طايف في كرش الفيل !!!
آه لو تعلق قشه على شَعري من شجره
هناك ..
ممكن تتمسّح على رجلي يا قط حيران !!
و الدنيا صباح و خريفيه ..
ممكن جداً
تنوّت أشعارك في ضحى متكاسل يا قمري ..
..
آه يا صاحب
أنسام الصيف لو تتخاتت نشر الأحلام على حبل اليوم ..
و ننُّوما مِسا
عل فوحا نقوم
نفرش لوحاتنا في رحابا ،
بوابة اللون عبد القيوم ..
لاكين شتان ما بين الراهن
والحلم في الزمن الضايع للنوم !!
..
اللوحه النادره للوطن الرايع للبيع ،
بي جاي
الوطن الكادح و بتحمّل
الوطن الجايع و بتجمّل
الوطن الساخط و بتأمل
في الحال الأعوج و الميّل
للبيع بي جاي
قوم على حيلك
أسرج خيلك
كلّم غيرك
أسرع يا زول
أكرب بطنك
أرفع صدرك
أفتح قلبك
طلّع حبك
قدر العندك
أدفع يا زول

قرّب يا شاري ، كحّل عينك
الشوف الشاهد للحظه فالت و موقوت
فيها تدركو ، و فيها يفوت
خاطفه اللحظه
زي ما بتبرق حتخفت
و تغيب بسراع
و اللوحه في إيد البيّاع
و الناس جايين من كل فج
من إى بقاع
هابين كالريح
هاطلين كالغيث
و كالسيل جارفين

صوب البوابه
قاصدو رحابا
الكل دافر
شطر اللوحه و نداء اللون
و انا المفتون بالبوح و الصون
و اللوحه رجاي
راكض كالغير ،
و مناي أكون أول من مسَّ الميس لمسه
يا فاطر الكون
أرواح واشيا
ومن لون
ثبّتني حين اللوحه مشرعه للشوف
فرّجني كل نواحيها
ملّكني كل معانيها
الغاطس منها و الطافي
عكران فيها و الصافي
درّجني سِكّاتا يا دال
أقبيه كانت ، كان أسطح
أوديه كانت أو كِثبان
جبلاً كانَ أو غابه
وريني إنسانا يا عارف
ملامح إشراقو ، إظلامو
نوع غاياتو ،
معدّل فرحو، حزنو
أحلامو
مظلوم أم ظالم ؟
ثار على ظالمو و لا مسالم ؟
و لو ما ثار ، قاعد فوق راي ،
أم ساي قاعد
راجي الصيحه ؟
و هل ما زال في دارو أم نازح ؟
قدامو مسارات السراب فتحن
راسخ دعامات السكن غارو
مناحات الحزن ردحن
نايبات الزمن جارو
مِصيبيحو السُّقد قارح
دماملو الغم
فيا فاطر الكون
أرواح واِشيا ومن لون
تثبتني حين اللوحه مدقوقه عليها الأجراس
الدّلال واقف ،
و على أُهبه وقوف الحرّاس
و الناس من هول اللحظه راعشه محبوسة أنفاس
لا درعاً - ها اللحظه - يقيها
سوراً لا ..
و في الإيد سهماً
سيفاً
لا فاس

إلا الحب ،
و ما الشاري غير الإحساس
.
.
خطاب حسن احمد

Post: #121
Title: Re: مخصوم منك وطن يا خطاب حسن احمد ـ صور
Author: Hawari Nimir
Date: 01-05-2009, 04:17 AM
Parent: #1




...
..
.
(يا بوكس الغراااام)..
بوكس (الصفيح)..من زمن السبيعنيات..
و لازال مناضلا..
وجد ضالته(اي البوكس)..عندالطبيب د\منعم..(الميكانيكي)..
وصاحب ورشة الاناتيك و العربات (الهكر)..
..
بقيادة كبير الشماسة و الفرد..الشماسي (خطاب).
و الكمساري (سلمي)...
اصر البورداب(الشماسة)..علي ركوب البوكس..وبداية الرحلة الي قالفستون..
...
..
.
(أمبدة نفر......امبدة ,,امبدة)

Post: #122
Title: Re: مخصوم منك وطن يا خطاب حسن احمد ـ صور
Author: Hawari Nimir
Date: 01-05-2009, 04:54 AM
Parent: #1

بوابة اللون .. تفكيك البناء

......

تاجوح :- مولاي ..!
..مليكي .. محل ..لل ا ق ..!
محلق :- نعم .!
: نعم يا تاجى .!
تاجوج:- محلق انت ..!
وللا ..! هنا ..!؟
محلق :- أنا يا تاجى .. بين بين

تاجوج:-تبقى محلق .. أستأذن أنا ...

محلق : لا لا ما تمشى ..
:عايزك أنا ..
تاجوج:- ما لك يا مليكى .!!
محلق :- عايز أتكلم يا تاجى ..

تاجوج:- قول يا مليكى أحكى ..كيف بين بين .!!

محلق :- بين القاعد يا تاجى و الماش .. الخارج يا حبيبه والخاش
تاجوج:-محلللق .!؟
محلق :-موتد ..
: وتيد تاكا أحيان , مرات دافر
: نافض
: نفضان قاش ..
تاجوج:-أحكى ,فضفض يا محلق قول ..!
محلق :- اتسمح بيك يا حبيبتى القول ..
:- تشرق بيك الأصباح ..
:اقشر بيك , يا حبيبتى اللون
تاجوج:-مجنون يا مليكى .. مجنون
محلق :-مفتون بيك .. يا تاجى و مسكون
تاجوج:-ماهن دى أنا ..
: ما معاك
محلق :- .. معاى وبس
شعاع الشمس لو إِفصِحْ
كان قال ,
طُرق
التبيان ,
درجات الهَمْس
عصب الأحيان ,
أحوال النفسْ ..

آه لو تعرِفى كيف .!
قمرات الأيام تترصّ عِقِد
تتجمّل بيك ..
أنهار الكون طِرقات لافحاهن ... ولافحاك
وانا بي نجواك دمّى بدندن ,
لو تعرفى كيف كم عصفور برخوا اضانهم
وانتى بتحكى .!!
كم ثمرة تدق الدلجة .!
لمّن
خلخالك
فى الشجرة يرن
وكم أبنوسة ..
لى نخلة تحن !!

يجرّوا ظلالهم ضحوية
نخلة للبن
تقلى
أبنوسة ..
تدقّو ..
وهاك يا ونسة
مع الفنجان و دورانُه ..
هاك يا حكيان ،
العجب يا تاج لامن تضحكى .. داك ما مولد ..
ومن .. نُص الخجلة ..
قمتى ضحكتى، ضحكة صغيرة، صغيرة كده
تاجوج:- ..
: بس يا محلق .. ما دايرة معاك ..
هسى خجلت ..
محلق :- لأ .. ما شنو ..!؟

تبلدى عديل الجاي كاسح،
وكدّارى كمان
سواكن ..

سنكات ..

الجبل البى جاي ..

بى هناك الوادى ..

لي أيّ مكان لازم قال ..

: لازم إوصل
: واشيل و يطلِّع فى القرب المليانه ,
: متشعبط فوق جنباته ندى
.. عليهو الخريف
.. عليهو الحفاير , اشيل ويطلِّع فى القرب المليانه ,
اما الشفع ..
فهاك يا مصصان .. ما القونقو* لذيذ
واماتهم يصدحوا بى صوت طربان واحاحو , مسالمين .!
: بس يا حلوين ..
: خلوهو نخلطو ليكم ..
: خلوهو نسويهو .. شربات
تاجوج :تتجازى ..
.. اجازى محنك .. يا محلق !!
محلق : مغالطانى ..!
..أضحكى هسي ..
.....
ما تجربى مالك .!!
..يللا ..
تاجوج : ...
محلق : .....طيب واحده .!
تاجوج: ...
محلق : سغيره كده .!
.. شايفه .!؟
..أهو النحل اتلملم و بى يون .. طبعا جنو وجن الحركه دي .! تبدى
الضحكه وما تتم ,
فحيقوم السعنا الاتنين
لو ما غردتى .!
( .. تنفجر تاجوج ضاحكه ..)
.. الله الله
.. نهر النيل بجلالة قدرو ..!! ؟
.. النيل شخصيا معقول .!!
أكبر يا ابو الأنهار .. ياخ انت مليون سنه يجى عمرك .!
كدي شاور المسيسيبى .!!
تاجوج : مليون مليون .. لسه سغير و جاهل
.. مش اصغر نهر شرف للكون .!
حرقت روحى يا محلق
ما لو النيل ؟
محلق : قال أللا اغير مجراو .!!
أهاا .!!
لا القصه ..كبرت خالص .!
تاجوج: فى شنو كمان تانى .!؟
محلق : حوض بارا .. بيهناك قام اتحجز .!
قال..
: كمية المويه الفيهو .!!
: تسقى دوّل .. أعذب مويه فى العالم .!
كيف أولادو اشربو مالح .؟؟
: و من عندو أكانت المويه تسافربالفنطاز

حدها لندن

تتحول فى ردهات القصر الملكى
لى كوب بارد وتتوسل
: شربا شربا ..
: يا مولاتى ,
: شربا شربا ..
: شر ر . . . . .
: شربا . . .
: ش
: ...
: .
تاجوج: أطلع منها يا بوى
..حبيبى أنا قدامك , عاين أصحى ..
.. محلق ......
.. محلـ ..ا..ا...ق
محلق : عفوا يا تاجى
الظاهر انى سرحت شويه
تاجوج: ما شويه
.. ما شويه , ده الشط الخايفه عليك منو .!

محلق : أنا بي خير يا تاج ما تخافى علي ,
أنا غواص .. غواص جدا
.. وبعرف من القاع أقَلِِع
جالب ليك من عمقه معاى
.. ياقوت ولالئ ..

تاجوج: خايفاك تفوت
بى وشك تمشى

محلق : أنا فعلا ماش
بس مش منك .. ليك
يا تاج
انتى مسارى ,
مدارى الدايم أبعادك ..
عينيك ,
عنوانى الثابت

تاجوج: محلق أنا
.. أنا خايفه !!!
محلق : انتى الطمأنه للناس ,
مفتاحه المتاح للكل ,
انتى الضل .. الهاش الباش
للغشا و الطاش ,
الضل العازم
: عليهو النسيم
: عليهو الطراوه ,
تنجموا حدانا شويتين من تعب الرحله
تاجوج: ... تبقى فعلا يا محلق فايت , لو ما كنت أساسا فُت
... آه لو كنت .. بس لو أعرف كيف تم ..
ما يجرى الان
كيف كان .!!
محلق : انا احكيلك يا تاجى ..
تاجى النصبنى ملك .. علي عالم
مأهول بالأنغام
مشحون بالمعنى ,
سابحه فى غلافه الأحلام .. بدت المعرفه بيك
تاجوج: .. بي انا .!
محلق : نعم يا تاجى ,
وانأ بكتشف فيك على ارض الواقع
بديت اتحسس الأشياء من حولى البلد ..
العالم
و بدت الغنيه
مقطع يودى لي مقطع
نمه تفضى لى نمه ,
و بدت الرحله للمعنى الكامن
فى عمقك .. بدت الرحله
تاجوج: محلق .!
محلق : نعم يا تاجهم , بلد بي حالهُ وأحواله ُ بدى اتفتح ,
أرضه ُ .. سماه ُ
بحرهُ نهر وانسان
حجرو و طير ,
تاريخه ُ الناصع والكالح ..
ولما اتكشف كل المستور , كنت مرقت
منك ليهو .. أو كلفتينى بالأحرى بي ..
: زي ما حبيتك احبه ُ..
: زيما غنيتك أغني ..
: أعلن فى الناس جهراً ,
: حُُبه ُ
: الحق فيهو
: لازم يسود ,
: انسانهُ الطيب لازم يرجع أروع
: ارجع للكون أروع ما يكون ..
: الحق ابين ما اندفن
: كل الشوارع درب واحد
: العمر يوم
: لكنه ُ ممتد
:واللحظه نٍِِِصل .. تجهد تسنُه
: العمر كُلُه ..
: افتح مسامك وادخلك

تاجوج: تبقى مشيت يا محلق
فُتَ
قاصد وين .. يابوي هسه .!
محلق :...
محل دارونى الناس اِلقوني
أهلى الكُل أحبابى
أنا كل بيوت الفُقرا
بيوتى
كل الحلال منى تجيب
ليّ تودي
يوم هاشم يوم محجوب
يوم حميد يوم قاسم
يوم يحيى يوم قدال
يوم الصادق يوم عاطف
أزهرى يوم
عبد القاد ر .. يوم بشرى
و يوم عثمان
ولو ما لقيتينى و غفاري
ابوذر
حتما
تلقينى مع الجيران
بيوتى كتيره
وفى كل يوم بتطل ورده
قصيده تقيف وسط الصحرى , للماره سبيل
قصيده تنظم للحركه , حين الفوضى
قصيده مناره
قصيده دليل ..
قصايد تجرد للحاصل و تعبي الحاضر لي بكره
تاجوج: مشيت يا بوي
مشيت يا مليكى .. مشيت ياحبيب .!
دربك أخضر ..
محلق :عارفاو دورك يا تاجى وتاج بلدك ! عارفاو !!
تاجوج:عارفاو يا محلق عارفاو...
محلق : كل جبال الأرض جبالك
: مره .. النوبه .. رجاف , الفاو
: كل الوديان
: كل الصحرى
تاجوج: الانسان يا محلق .. عافارفاهو كلامك وحافظاو
: الانسان فى كل مكان
محلق : ارتاح البال
.. قلبى يا حبيبه اتطمن .. السعد ه مسارك
.. موطاك الريحان , الفُل حارسِك
يغشاك صباحا ,, الأطفال والنحل سوى
, بارين البوص .. للخصله تنقِط , واللوح مفرود
اِكتبو نقره .. تمليهم
العسل الأول لليوم
العسل التانى , شعاع بُكره
أِكتبو نبره , جسما وفكره ..
اِكتبو نبره
جسما
و فكره
تاجوج:محلق يا ملي .. كى .. مح ل ق
محلق : جسما ً
: و فك ره .. ..
.........

خطاب حسن احمد

Post: #123
Title: Re: مخصوم منك وطن يا خطاب حسن احمد ـ صور
Author: Hawari Nimir
Date: 01-05-2009, 05:31 AM
Parent: #1




...
..
.يا بوكس الغرااااااام و الصحبة و اللمة و الناس الحلوة..
خطاب: والله يا عادل ما تدفع..(حرم) ما تدفع
هواري:يا اخوانا ..يلا ادونا حقنا..اطلعو لينا بالفكة..خلو اللولوة و الحركات دي..
عادل بلير:اسمع يا حبة انا(طالب)..نص القيمة بس!!
سلمي:هووووووي انا حاجزة المقعد القدام
..
.

Post: #124
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-05-2009, 10:36 AM
Parent: #123

هسى عليك الله يا هوارى البوكس دا فيهو طريقة ؟
ياخ دا فرامات ما يشتغل
اولن شى لونو ما تعرفو احمر ولا بنى
تانى شى كان جيت جمبو ساكت
دى معناها تسمم جاهز
عبد المنعم زاتو ما يقدر يديك علاج

وحكمة الله ماشى ومدور زى الورد
ولله فى خلقه شؤون
ولمنعم فى بوكسيه مفاهيم
غايتو يا نعوم بقيت دكتور حديد
هسى كان ليلى مراد جاتك وقالت دايرة تغنى ليك تقول شنو ياربى ؟
مؤكد حتقول
دكتور حديد وافهم فى الحديد
انا سبت البشر

حلوة عجبتنى

يعجبك الزين يا العديل
الفنادك كيف؟جبتها من سوق الملجة بتاعكم ؟
شى عجيب فى تكساس
يا فريع ياسمين

انشا الله نتلاقى تانى الف مرة كل مرة

Post: #125
Title: Re: مخصوم منك وطن يا خطاب حسن احمد ـ صور
Author: الطيب شيقوق
Date: 01-05-2009, 10:49 AM
Parent: #124

بت الشيخ سلام ومتابعة

Post: #145
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-07-2009, 03:40 AM
Parent: #125

الصديق الطيب
يا ود شيقوق
اهديك والقراء بعض ما كتبته فى هذه الرحلة
دمار شامل
الرياح كانت تحملنا على اكتافها فنحاول الى التشبث بالارض لان الريح كانت فى اعلى معدلاتها ، صباح من صباحات تكساس الباردة ، خليج المكسيك يتبدى لنا هادرا على غير عادته فى مثل هذه الاوقات من العام
سواح واجانب يحملون الكاميرات حتى لا تفوتهم اسراب الطيور المتجولة على سطح الماء خاصة طيور من التى نطلق عليها "ابو مركوب "
كان المكان "خليج جليفستون"على الخليج المكسيكى وكان النهار غائما وباردا ، خرجنا نبتغى مشاهد جديدة
فى العام الماضى كان اعصارا ضخما قد ضرب هذه المدينة الهادئة ، فكنا نقف على اطلال من اطلالها التى صارعت الموج
فنادق على البحر تشهدها فتقول ما اجملها ، لكنها خالية وخاوية اثر الاعصار ، فيما كانت بعض المبانى تقف متكاملة دون ان يصيبها ما اصاب غيرها
اماكن بيع السمك كلها كانت تحت التجديد موضوع عليها عبارة
"نعم ، فعلناها ، الم نقل ان ذلك ممكنا " نفس عبارات كانت تستخدم فى الانتخابات الاخيرة على لسان المرشح الديمقراطى الفائز باراك اوباما ، رغم انه لم يصوت له اهل تكساس لمبادئهم الجمهورية ، لكن العبارات سرت مسرى اليومى
باتجاه البحر وعميقا انت ترى المراكب كمن عبث بها عابث ، تبدو شظايا وبالعشرات ، وكذا البيوت ، مع ذلك تمضى الحياة
مطاعم تستقبل الناس وفنادق تعيد تاهيل نفسها وشوارع تضج بالحياة
فى مطعم مكسيكى يقوم فى قلب سوق اشبه بسوق "ليبيا" كل الباعة فيه من المكسيك ، رواكيب مظللة بالاجولة ومعروضات يقل ثمنها كلما اوغلت داخلا ، فى ذلك المطعم تناولنا وجبة العشا او الغداء لايهم ، المهم اننا اكلنا ، وكان الاكل مبهرا بالبهارات التى نستخدمها عادة ، له نكهة محلات "سوق الناقة "
بعد ذلك توجهنا لمحلات اشبه ما تكون سودانية لما فيها من تشابه فى المعروضات "فنادك كبيرة كالتى نستخدمها ، بهارات طازجة ، وـ ليف الحمام ـ والعرديب ، الذى يطلقون عليه اسم ـ تمر هندى ـ
خرجنا من ذلك السوق باتجاه اخر ، لكنه سوق حين تقف الى داخله تظن انك فى سوق من اسواق نيالا ، او سوق ليبيا حتى ان احد المرافقين حين التقط لنا صورا ضحك قائلا
ـ ما اظن فى زول حيصدق انه دا سوق فى امريكا
وبالفعل كنا نقف الى جوار راكوبة مظللة بالاجولة وخلفيتنا كانت لسيارة تشبه ما يمتلكه العم ابراهيم الحلبى فى ورشته تلك
وعلى ذكر العربات القديمة ، صاحب الدعوة كان من الاطباء السودانيين النابهين لكنه هنا غيّر تخصصه تماما الى "مكيانيكى" يقوم بتصليح العربات خاصة الاثرية منها ويعيش من عائدها ، فكان كلما مررنا بعربات حملها التيار الى عمق البحر صاح
ـ هسى دى بتجيب ليها مبلغ محترم
ترك الطب كما قلت وبات احد باعة القطع الاثرية لعربات انتهت مدة صلاحيتها او انتهى عصرها حتى ، لكنه يجيب طلب الزبائن من مختلف انحاء العالم عبر النت ، وياله من طبيب تحول من علاج البشر الى علاج "الحديد" لانه كما قال
ـ اكثر ربحا من الطب !

Post: #130
Title: Re: مخصوم منك وطن يا خطاب حسن احمد ـ صور
Author: حنين للبلد
Date: 01-06-2009, 03:50 AM
Parent: #1

سلمى الشيخ سلامة


والله البوكس ده عجبني كيف....

Post: #131
Title: Re: مخصوم منك وطن يا خطاب حسن احمد ـ صور
Author: عبدالله وداعه الامين
Date: 01-06-2009, 04:00 AM
Parent: #130

بت الشيخ ازيك وكل سة وانتي طيبة
وان شاء الله بتك بتوصل ليك سلامي؟
طبعا البوست دا مما نزل مستمتع وبجي اتلصص وامرق
وكـ حبوبة كدا بجي بستمتع بي الحكي بتاعك وذاكرتك الخرافية دي
ربنا يخليك ويديك العافية بس
كنت متابع معاك رحلة لندن بس ماكملتي الحكي

الزول الاسمو خطاب دا غايتو الله يديهو العافية بس
والله مشتهنكم الاتنين تجونا هنا وتمتعونا
تحياتي ليكم وكل سنة وانتو طيبين

ود ومحبة ليكم

Post: #132
Title: Re: مخصوم منك وطن يا خطاب حسن احمد ـ صور
Author: Sudany Agouz
Date: 01-06-2009, 07:22 AM
Parent: #131

الأستاذ خطّاب ..
أنت المُخاطب ..
أرجو أن ...
أرسل إليك هذا الخِطاب ..
مع كل الأحباب ..
مع ناس سلمى .. ويا حليل اللمّة ..
مع ناس هويدا .. والوالدة بثينة ..
وناس عادل وعماد .. و .. أصحاب الكرم والزاد ..
مع ناس عادل بلير .. ديمة نذكرو بالخير ..
مع ناس هوارى ..أكان قاعد ولا جارى ..
مع ناس جمال .. وكمان جمال ...كلهم جمال فى جمال ..
مع ناس حسام ... أها ذكرنى بسيف الضرغام ..
مع ناس دكتور عبد المنعم عجبانى ..
لا تقول لىّ كانى ولا مانى ..
وناس محمد مبارك .. الكاتب المبارك ..
بالخير ديمة مشارك ..
وياربى تانى منو ..
أى .. ناس كاليفرنيا .. الأستاذ عبد الرازق .. و ..
معليش .. بعض مرات الاسم بطير من الراس ..
لو كان أصلو فى راس ..
ما خلاص الفاس وقع فى الراس ..
أها .. بس خلااااااااااااااااااااااااااااص ..
والى لقاء جديد ..
مع فراغ جديد ..
عمكم العجوز ..
أرنست

Post: #147
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-08-2009, 02:53 AM
Parent: #131

Quote: وكـ حبوبة كدا بجي بستمتع بي الحكي بتاعك وذاكرتك الخرافية دي
ربنا يخليك ويديك العافية بس
كنت متابع معاك رحلة لندن بس ماكملتي الحكي


اولا شى يا عبد الله ود امى يوم واحد ما كلمتنى بتى
ولا بالغلط انك بتسال على
يسال منك الخير يا العديل
وتانى حاجة حكاية لندن دى دايرا ليها بوست براها
لكن عشان خاطرك
بنديك حبة منها
الحركة شمال
منذ السبعينات فى السودان لم اشهد حركة شمال قط ، الا فى الافلام المصورة فى كينبا او فى تنزانيا ، او استراليا
المهم اننى كنت اتمشى ذاك العصر فى صحبة لطيفة وشقيقة اسيا
بين الشوارع على امل ان اتعرف على المدينة ، مدينة ساكنة ،
بل الاكثر سكونا فى تلك البقعة التى كانت تسكن فيها اسيا ،
ربما لان طبيعة السكان كانت هى العنصر الاصيل ، لكن ،
حين تدخل الى وسط المدينة فالامر مختلف تماما ،
تتمنى ان لاتعود الى تلك الاماكن الصامتة
خرجت ولم اكن اكاد اتذكر ان الحركة شمال ، حين بدات فى المشى ، جوبهت ان العربات تاتى من اتجاه معاكس للاتجاه المفروض بالنسبة لى عادة ، بت التصق بمن معى خشية ان اصطدم بعربة ماكرة تحل من ناحية غير متوقعة
مضت الرحلة بسلام
وكان فى نيتى ان اركب الباص(ابو دورين ) للدنيا والزمان
ضيفتى كانت الصديقة ماجدةعوض خوجلى هذه المرة
استضافتنى فى (كنتين ) والكنتين كلمة تعنى المحل الصغير فى انجلترا ، ولقريب كنا فى السودان نستخدم هذه الكلمة فى تعريف الدكان ، حيث جاءت مع الانجليز اولا واليمانية فيما بعد
دخلنا الى الكنتين وجلسنا فى طاولة صغيرة ، المحل نفسه يتسم بالصغر
والاريحية حيث الاسر تتراص واطفالها ، المحل مكتظ بالاجانب ، معظم الجلوس من الصوماليين ، رجالا فقط ، لم يكن بينهم سيدة او حتى طفل ، يبدو ان الحديث كان تجاريا او سياسيا لان الاوراق كانت تجثو الى سطح الطاولة فى انين واضح من ثقل الارقام عليها او الاحرف ، لا اعرف
طوال الجلسة كان ثمة من يراقب حضورى ، وبه لهفة ان يكلمنى ، وانتهز فرصة قيام صديقتى لامر ما ليسالنى بانجليزية رصينة
ـ هل انتى صومالية ؟
فاجبته بالنفى
فلم يتردد من ابداء رغبته ان نتعارف
فاجبته اننى
ـ ضيفة ها هنا ، ولم اكمل الحوار حيث عادت صديقتى وخرج هو كالحا ومبتئسا
قلت لصديقتى ما كان من امرالصومالى ضحكت وقالت
ـ انتى فعلا بتشبهى الصوماليات
قلت لها عليكى ان تقولى (فلعا ) لان الاخوة الصوماليين ينطقونها هكذا
فلقد كان المسؤول الاجتماعى الذى رصدته لنا المنظمة فى هيوستن فى تكساس ، يقول ان سالناها (فلعا ) كذا وكذا ، و يقول (اليوم انا تبعان ) اى تعبان ، او كناية عن العطش كان يقول (عشطان ) لكنه كان من الناس القلائل الذين رايتهم يتفانون فى عملهم ، وازعم انهم لو كان لديهم بعض الهمة تجاه بلادهم لما حدث فيها ماحدث ، مثلهم مثلنا ، نعمل بجد فى المهاجر وننسى اوطاننا حين نحل فيها وكانها امر لا يعنينا
خرجنا من ذلك الكنتين باتجاه محل مصرى لنتعشى فيه فلافلا وفولا وسلطة بابا غنوج ، وكان لابد ان نمتطى صهوة الباص اب دورين ، ولكم كان مدهشا بالنسبة لى ، حيث مقاعده مريحة وسائقه يدير الباص من اليمين فبدا لى كأن امرا عجيبا يحدث ، حيث فى الولايات المتحدة العربة الوحيدة ذات عجلة القيادة من اليمين هى (عربية) البريد ، وحين تجد سيارة (دركسونها ) يمين فتاكد انها سيارة (انتيكه) من الخمسينات او تزيد

Post: #146
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-08-2009, 02:45 AM
Parent: #130

يا حنين اخيتى الحبيبة
يعجبك الخير بت امى
لكن وحاتك يالغالية دا بوكسى
الله يعلم ماشى كيف؟
وحكمة الله بمشى بدون دفرة
شفتى كيف؟
وكان شفتى سيد البوكس متوعجب بيهو لياتو درجة تقولى
"همر "
والنحدسك ناس هيوستن مفلهمين فلهمة
بالله الهمر دى ماشه فى الشارع زى الرقشات فى شوارع الخرطوم
مقدرة والله

اقعدى فى العافية

Post: #133
Title: Re: مخصوم منك وطن يا خطاب حسن احمد ـ صور
Author: Hawari Nimir
Date: 01-06-2009, 10:26 AM
Parent: #1

ونقول فوووق ....
..
.
ولسه الصور في الطريق
سوق الناقة فرع هيوستن....
حيث الاكل الطاعم... السعر الرخيص.....
سوق الهبابات..والفنادك..والنبق..العرديب..وليف الحمام
والتبش بالشطة(ده سوقنا في هيوستن)...(سوق المكاسيك)..
والخبير د\منعم....
....
......
..
الاسبوع الجاي يا سلمي ماشين نجيب (مفرمة اللحمة)اليدوية
وكم مفراكة كدة..
لو في اي طلبات ,,,قولي الووووو
.
.

Post: #135
Title: Re: مخصوم منك وطن يا خطاب حسن احمد ـ صور
Author: عبد المنعم ابراهيم الحاج
Date: 01-06-2009, 04:20 PM
Parent: #133




أعطاكم الإله نورسا ووهبكم البحر

Post: #136
Title: Re: مخصوم منك وطن يا خطاب حسن احمد ـ صور
Author: khatab
Date: 01-06-2009, 04:32 PM
Parent: #135

( أعطاكم الإله نورسا ووهبكم البحر )

واهداك اللاّلئ

يواقيتها ..

يا غواص

.

جاييك بي مهله
العباديه , الفلاتيه , منى الخير
وفاطنه الحاج

.
جاييك بي شغبه وبت مسيمس
.

عجبنى التعليق .. عشان كده ..
خربت الصف !!
يا شاعر
كنا نحتاجك هنا
كما نحتاجك هُناك

.
سلامى للعروسات
وام العون
بت قسِم
.


Post: #137
Title: Re: مخصوم منك وطن يا خطاب حسن احمد ـ صور
Author: Osman Musa
Date: 01-06-2009, 04:50 PM
Parent: #136


اول شىء
النمر حقات البوكس ده وين ؟
هناك مافى كجر ؟
بوكس من سنة دو؟
عليك الله يا بلير البوكس ده
هرب كم مكسيكى ؟
يا خطاب الفرامل كيف ؟
اوعك يكون فراملو سيدى الحسن .
والله استمتاع جد
تحياتى .

Post: #139
Title: Re: مخصوم منك وطن يا خطاب حسن احمد ـ صور
Author: محمد سنى دفع الله
Date: 01-06-2009, 05:15 PM
Parent: #137

مدني الجمال
ماما بثينة
اخوي عادل عبد الرحمن
اختي هويدة
اول معرض ورد وزهور
كان في مدني
اول معرض كتاب عندكم فكرة جمالية
واصبوحتكم الشعرية
ذادنا في مملكة الجمال
اخوي حطاب ( تووشي )
اشتاق اليك عمرك مديد
وعامك سعيد
وكيف الحال ياشاعرنا
فكر هذا العام تزورنا
وينك لم تزورنا في بيتك سودانوي
كبرنا ليك الخط وغيرنا ليك الصفخات
زورنا وادعوا كل الجميلين
سلمى الجمال كلو راجعي فيروز
ونتقابل كلنا ياحلوين في مدني الجمال
هواري المعزة والود

Post: #143
Title: Re: مخصوم منك وطن يا خطاب حسن احمد ـ صور
Author: محمد سنى دفع الله
Date: 01-06-2009, 10:49 PM
Parent: #139

بليير وهواري اخواني
لكم محبتي
الصور دي كان في داعي ليها وقت بردانيين قدر ده
تمشوا تتصوروا قدام البحر
نحن هنا بردنا
التحية والمودة ليكم
والمنى لكم بعام سعيد وجميل
اخوتي في البلاد البعيدة[
/B]

Post: #144
Title: Re: مخصوم منك وطن يا خطاب حسن احمد ـ صور
Author: Osman Musa
Date: 01-07-2009, 02:54 AM
Parent: #143


ده ياهو ال GULF OF MEXICO
ياهو ؟
ها ناس ها
ده بحر الزول يقيف جمبو ؟
لاحدى ما يجيكم هوروكين طاير .
مرة مرة الارصاد بجلى .
يعنى لو بقيت كارل لويس ما عندك حل .
يازول ابعد بعيد .
يا عادل انت قايل نفسك قدام بيت جدك بخيت ؟
يازول داك النيل .. حليل النيل .
هناك اكعب شىء يطلع ليك تمساح عجوز جعان كحيان
زهجان من النيل ومن الحكومة والوضع يهرشك ويقع الموج راجع .
لكن هنا عليك امان الله مافى كلو كلو نفس .
الهوروكين ده ما منو مفر .
تحياتى

Post: #156
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-09-2009, 02:45 AM
Parent: #139

Quote: الصور دي كان في داعي ليها وقت بردانيين قدر ده
تمشوا تتصوروا قدام البحر
نحن هنا بردنا


سنى يا جميل
ازيك وكل سنه وانت طيب
راجعت الايميل وماقدرت ادخل زى ما قال ليك منعمشوف
تاكلين بابكم بى عود "ماكن "
ماكن بالفلورايد كمان

نجى لحكاية البرد والله ما طالبنى حليفة
البرد عندنا ما فى تكساس
اكان شفت ياالسنى
هنا كان نخرتك الله يكرم القارئين سالت
ما بتلحق تعمل اى حاجة لانها بتكون ن ش ف ت
والدنيا دى صانة صنة قبل الزلزال
تعرفا مش ؟
اقول ياالسنى ؟
حاقول
يلا كان سنة 1993 فى القاهرة قام جا زلزال
والسنى وناس عمارة النصر كلهم فرتقوا
خلونى براى فى العمارة
الخلق دى كلها نايمة فى الشارع
الا كان انتى يا بت الشيخ
انتهى الزلزال وتوابعه
اول ما تمينا لينا كم يوم
السنى قال ماشى السودان
ـ فى شنو ؟
ـ الوالدة عيانة شوية
نكتة مش ؟
ونكتة دى بقولا يوسف الصغيرونى فى برنامج الاطفال
فى الاذاعة
المهم السنى قام سافر تاه
اطر ف ما حدث فى الزلزال من اقوال
انه الاستاذ محمد الامين كان ايامها فى القاهرة
لمن نزل السلالم من بيته الكان خمسة طوابق
سال الناس
ـ فى شنو ؟
قالو ليهو فى زلزال
ضحك وقال
ـ والله كتر خير الزلزال الواحد عرف سرعته كم فى الدقيقة
يا السنى كانت ايام جميلة شديد
وطبعا بعد الزلزال بقى فى ناس كتار اسمهم ريختر
لانهم كانوا طوالى زى ما بقول صديقنا جمال حسن سعيد محمرين للسقف

طابت ايامك يا السنى الحبيب اخى الذى لم تلده امى

Post: #148
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-08-2009, 03:42 AM
Parent: #133

Quote: الاسبوع الجاي يا سلمي ماشين نجيب (مفرمة اللحمة)اليدوية
وكم مفراكة كدة..
لو في اي طلبات ,,,قولي الووووو
.


اتمنيت لو كنت معاكم
سلامات للجميع
تحياتى لدكتور عبد المنعم
والمصور الفنان حسام
والمصوراتى عادل بلير
وود الخليفة
وخطاب حسن احمد
وكل الناس السمحة
حداكم

Post: #150
Title: Re: مخصوم منك وطن يا خطاب حسن احمد ـ صور
Author: هاشم الحسن
Date: 01-08-2009, 07:01 PM
Parent: #1

انا محيوك يا سلمى
فحييـــــــــــنا
شكراً على السقيـا
و هاك نمّة الأسى مجرورة على دفتر الوطن
من شعر و إنشاد
الـــ خطّاب حسن أحمد



أبلغ أحوال الورد

نجمتين إتجادَعن نَمّة أساك
لِحْقَ المسافرين في الصحارى الارتباك
مخصوم منك وطن،
ناس..
و صحاب


قدر الطنابير ما شكن
طبل المساهرين
ما رَطَنْ
منشور هواك
فضّا الجناحات الصفّقن
في ليلاً أشتر
غدر الرياح الودّرن
من المراكب إتجاه
معلوم عَناكَ
و لوعتك
كل الدقايق تلسعك
و انت بتغامد في نِعاس عسل الغُنا
كل المواسم تلدغك
بي سم حنينا الحَصَّنك
ضد المناخات الغريبة
و نشرة أحوال الحبيبة
الأرهقت
كورس حقيبتك دوزنة
وتِعْبَت معاك
مادّا إيدا
و وارده موجة
من عيون النيل
تُم تُم شجي
مال بيها نازله
وهِي بتفج
الموج فجيج
مردوم صبي
قام بيها قادله
ايديها جوزين
يرووا الحجيج
كأبلغ أحوال الورد
عاكساني خدودك بالبِلدات
منثور و مشتت
وعازماني اتلملم من تاني
مدينه مدينه
و اتوحّد
إيقاعِك جابد أقدامي
من غابة
ضحكاتِك واحات
ماليه الصحرا
لقيتيني جزيرة مشرّدة بالمجرى
إيدينك فاضوا و حضنوني

مأهول يا ليل
مأهول بالألِف
بـي إبل النجوى
الدقشت
ضربت أنحاك

و مجنون يا نجم
مِتجادع نمِّي
مِشهِّر بي
بين الأفلاك

مخصوم منك وطن
ناس
و صحاب
....
مخصوم مِنُّو
مخصوم مِنِّي
ــــ
خطّاب حسن أحمد

Post: #157
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-09-2009, 03:10 AM
Parent: #150

هاشم الحسن
انى امنت بالله
كانت اخر لحظة شهدتك فيها يوم افترقنا على امل اللقاء
كان حفلا ما
وكان رقصا وشجى ما
شجنى الحزن الى ضفاف متعددة
وامتلات اوردتى بالحزن اليفيض
وملات احشاء الورق بكلام عنك
لكن الورق ما زال فى جيب البالطو الاسود
الذى ما لبسته منذ ذاك الحين
كم سنوات مرت ؟
كم كتبت اليك ان تكتب
وتكلمت معك فى التلفون من الدوحة
لكنك قررت ان تمشى عن دنيتى
فسكت عن كلام مباح وغير مباح
واترجيتك ان تاتى فى موجة عابرة لراديو ما
لكنك لم تات يا صديقى
وحين كان الوطن مخصوما منا جميعا
جئت حاملا اياه
مخصوم منك ومنى
مخصوم مننا كم وطن ياصديقى ؟
لك الامتنان ان نزلت الينا من علياء اخذتك عنا
وحطت بك الى حيث الوطن المخصوم من كل منا
لك التقدير وما تطول غيابك
عنوانى فى مكان ما من هذا البوست
اتمنى ان نلتقى
محبتى

Post: #151
Title: Re: مخصوم منك وطن يا خطاب حسن احمد ـ صور
Author: Hawari Nimir
Date: 01-08-2009, 10:43 PM
Parent: #1




....

للناس المتكيفة من (بوكس الغرااااااااااااام)
ونسة و ضحك و شماااااااارات ..
.
..
بس للاسف لو ما البرد..كنا ركبنا البوكس و مشينا بيه الي قالفستون
و اتذكرنا السودان والرحلات)

Post: #152
Title: Re: مخصوم منك وطن يا خطاب حسن احمد ـ صور
Author: عزيز عيسى
Date: 01-08-2009, 11:06 PM
Parent: #1

الأستاذة العزيزية سلمى الشيخ سلامة،

تحياتي وكل عام وأنتم بخير،

كم كنت أتمنى أن أتشرف بلقائك مع باقي الأخوة في تلك
الليلة الشعرية المميزة مع الأخ الشاعر خطاب..
ولكن نظرا لإرتباطي المسبق بمناسبة أخرى في نفس اليوم
والوقت لم أتمكن من تلبية الدعوة والحضور لمنزل أخونا
المضياف الشاعر عادل عبدالرحمن.
نأمل أن تعودي مرة أخرى الى هيوستن في المستقبل القريب
وتتكرر مثل هذه اللقاءات لنلتقي ونسعد بصحبتكم وتواصلكم
ونستمع لكلماتكم وأشعاركم وروعة معانيها.

ومخير الله خلوك تركبي بوكسي لا لون ولا شكل له.

إحتراماتي وتقديري.

Post: #167
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-10-2009, 04:09 PM
Parent: #152

ياعزيز العزيز
تعرف
كلمنى هشام هبانى بزعلتك انك ما لاقيتنا
وماكنت عارف ياريت كنت عارف
ما كنت عارفة انك فى تكساس
الا لمن كلمنى هشام قبل كم يوم
وتانى لمن قريت مداخلتك
ولا يهمك نتلاقى تانى كان الله هون
لكن بينى بينك تكساس بالنسبة لى
صعبة جد
لانها فيها رطوبة تضرس العضام
رجعت لمدة يومين كنت اعانى من عدم المقدرة على الحركة
شفت كيف؟
لانه الجسم كان متورم كله
ودا كان سبب رئيسى خلانى امشى منها
لكن بنتلاقى ود امى كان الله هون
تحياتى حتى نلتقى

Post: #153
Title: Re: مخصوم منك وطن يا خطاب حسن احمد ـ صور
Author: Hawari Nimir
Date: 01-08-2009, 11:33 PM
Parent: #1




..
.
قالفستون..علي خليج المكسيك..
(دندنة و غناء )
يا بحر.. حرك
تحرك..
او فعد..

.
.

Post: #154
Title: Re: مخصوم منك وطن يا خطاب حسن احمد ـ صور
Author: Hawari Nimir
Date: 01-08-2009, 11:44 PM
Parent: #1




.
..
صورة تضم المجموعة..
ورغم البرد يا(محمد السني)..
كانت رحلة جميلة..صحبة ممتعة..
ورفقة طيبة..
..
.

Post: #155
Title: Re: مخصوم منك وطن يا خطاب حسن احمد ـ صور
Author: Hawari Nimir
Date: 01-09-2009, 00:01 AM
Parent: #1




..
.
صمت...تأمل..نظرة ممتدة الي افق بعيد
(بحر...برد..وذكرياااااات)
ماذا يشغل بال البورداب ياتري؟؟
..
.

Post: #158
Title: Re: مخصوم منك وطن يا خطاب حسن احمد ـ صور
Author: Hawari Nimir
Date: 01-09-2009, 06:26 AM
Parent: #1

مخصوم منك وطن
ناس
و صحاب
....
مخصوم مِنُّو
مخصوم مِنِّي..
...
..
.

Post: #159
Title: Re: مخصوم منك وطن يا خطاب حسن احمد ـ صور
Author: عبدالله الشقليني
Date: 01-09-2009, 07:06 AM
Parent: #1

سيدتي في رُبى إبداع القص والمسرح :

الأستاذة سلمى الشيخ سلامة
تحيات زاكيات
وأعياد طيبات

حريٌ بنا تهنُئتك بتقديم إبداع الذين قدّموا لوطنهم أعمالاً إبداعية ، وشاهدنا جميعاً في زمن من الأزمان كيف كانوا ولمن كانوا ينتمون .
إن الكثيرين من مُبدعي معهد الموسيقى والمسرح قد أفادوا كثيراً من لُحمة الموسيقى بالمسرح . الكل يوقد سراجه من زيت الآخر ، فنمت أجيالٌ قدمت الكثير وببطء وروية ، وانتزعوا علاقتهم بالمُتلقين عُنوة حتى جاء الزمن الذي بدأنا نسمع أن الغناء حرام والتمثيل أشد حُرمة ، وعلى المرأة أن تلبس وترتدي وفق أهواء أناس لم يقرءوا التاريخ ، بل ولم يعرفوا الفرق بين النقل والتفكير ، بين النقل والإتباع .. فصرنا نتجادل على الصغائر ، وتفاصيل التفاصيل ونسأل عن حُرمتها من عدمه . لم أزل أذكر سهرة في تلفزيون السودان منذ زمنٍ غابر في التسعينات استضافوا الشيخ القرضاوي ويسأله مقدم الحلقة ليُفتي :
( هل يصح للممثل أن يُمثل " أبو جهل " مرة ، ثم يمثل "دور صحابي" في مسلسل لا حِق ؟! )
!!!!!!!!!!!!!!
من هذه الدُنيا كان يتعين على المتسلطين أن يطرُدوا المبدعين ... ومنهم :
الشاعر : خطاب حسن أحمد وغيره وهم كُثر .

شاعر هو ومسرحي من طراز مُميز بأعماله التي شاهدنا ، وبشعره الذي تمكنا من قراءته ومن شعره الغنائي وقد " فاح طيب رياه على ميتَ الهَوى أحياه .."
فكيف لا تستمتعون بتلك الملكة وهي تبحث في الشباب الغض ...عن مكان . عند التجربة يعرف هؤلاء الذين يُنفذون الأعمال أن المسرح عالم متين البناء ، وليس عالم ساحرٌ فحسب .
التحية له ولكل من تنفس روح الوطن من خلال إبداعه ...
قريب منا ..الدكتور عز الدين هلالي ، و الأستاذة منى الطاهر ينامون في العسل ...
شغلتهم دُنيانا ، لكن الدكتور يقود بيسر سكرتارية " منتدى السودان الفكري " في المدينة التي نعيش فيها ، وأساعده مع بعض الأصدقاء لإقامة محاضرة كل أسبوع : أقل من محاضرة أكاديمية و أعلى من " ونسة " لتكون المسافة بين القامات بتنوعها يسيرة .
لك التحية .. أستاذة سلمي ، والتحية للأستاذ / خطاب حسن أحمد وللشباب الذين نفذوا الأعمال .

عبد الله الشقليني
09/01/09




Post: #164
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-10-2009, 02:45 AM
Parent: #159

Quote: إن الكثيرين من مُبدعي معهد الموسيقى والمسرح قد أفادوا كثيراً من لُحمة الموسيقى بالمسرح . الكل يوقد سراجه من زيت الآخر ، فنمت أجيالٌ قدمت الكثير وببطء وروية ، وانتزعوا علاقتهم بالمُتلقين عُنوة


العزيز الغالى عبد الله الشقلينى
تحية واحتراما
كل ماذكرته كامل الصحة
فلقد اضاف الينا المعهد وكثيرا
وما زلنا ننهل من روافد سقانا اياها
بل انه اسهم الى حد كبير وخلال عمره القصير قياسا
بمؤسسات مشابهة له
فى رفد حياتنا بالفنانين من كل جانب
يكفى ان تجد اسماء تلمع ما تزال
رغم انها غابت عن الساحة لزمان يمتد لعقدين
وهنا لابد ان اذكر بعض الاستاذات والاساتذة السنى دفع الله ، خطاب حسن احمد ، تماضر شيخ الدين
يوسف الموصلى، مريم محمد الطيب ، عفاف الصادق حمد النيل ، السر السيد ، فيصل سعد
والكثيرين من اعضاء وعضوات هذا المنبر تحديدا
وللمعهد فضل لاينسى فى كثير مجالات
خاصة المسرح والشعر والغناء والقصة والرواية وكل الوان الطيف الادبى والفنى
احيانا احس بالعجز ، والعن الزمان
لكنها دورة الحياة يا صديقى
مع كل ذلك يظل المعهد احد روافدنا التى لن تنضب قط
فهى كما اخرجت خطاب حسن احمد وغيره الكثير قادرة على اخراج العشرات
قادة للراى والفكر والمعرفة فى السودان وخارجه
يكفينى فخرا اننى احد خريجاته
لك التجلة ياصديقى وعاطر تحاياى للصديقة منى والصديق عزالدين هلالى
ولاخى وصديقى عبد الجبار عبدالله
وكل خريج من المعهد طرفكم
وهى دعوة منا هنا
تعالوا نحتفل بالعيد الاربعين للمعهد
من كل فج تعالوا
نتنادى لنتبصر فى كيفية رد جميل المعهد لكل واحد منا
اتمنى ان تجد دعوتنا الاهتمام من الخريجين فى كل انحاء العالم
موسيقيين ودراميين
كل عام والمعهد بخير
رغم ان اسمه تحول الى كلية لكنا ما نزال نره المعهد العالى للموسيقى والمسرح
ولا ينطلق لسان اى واحد منا سوى بهذا الاسم


Post: #160
Title: Re: مخصوم منك وطن يا خطاب حسن احمد ـ صور
Author: عبدالله الشقليني
Date: 01-09-2009, 11:28 AM
Parent: #1







يا حبيبي ما أجملك
إنت ما أروعك
إنسان في صورة ملاك


هدية ... وديعة في أعناق كل العُشاق ،
الذين يفتحون نافذة لترى الأرواح بعضها .


Post: #166
Title: Re: مخصوم منك وطن يا خطاب حسن احمد ـ صور
Author: Mohamed Abdelgaleel
Date: 01-10-2009, 11:19 AM
Parent: #160

سلمى انتي وين ياخ!!!!! سلام ليك ولي خطاب
ولكل جميل في الغربة
كنت في السودان خمسين يوم جيت امس
ما قريت ولا جريدة ولا فتحت منبر
قريت عيون الناس واتكلمت معاهن
ومع حميد مرتين تلاتة ومع محجوب
شريف مرة واحدة لكين طويلة وكان
معاي شلة من الشباب الحالمين
بالحرية والحب وياما جالست عم
عبدالرحيم لكن سكته بالحمار
لا يصادفها قضيب قطر .. لاقيت منى
خوجلى وبقال وبكري أبوبكر
والمسلمى ومنال خوجلي وانعام
حيموره وبورداب كتار و (ضحكنا
وبكينا) على عناقريب سوق الناقة
والشية الما لعب ولا مبردة وانتم
تغنون عم عبدالرحيم على الطرف
الآخر من العالم و(الدنيا كلها
سكك) المهم الناس يكونوا كويسين
ويصبحون على وطن كما يقول صديقنا
عصام عيسى

Post: #168
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-10-2009, 04:24 PM
Parent: #166

Quote: قريت عيون الناس واتكلمت معاهن
ومع حميد مرتين تلاتة ومع محجوب
شريف مرة واحدة لكين طويلة وكان
معاي شلة من الشباب الحالمين
بالحرية والحب وياما جالست عم
عبدالرحيم لكن سكته بالحمار
لا يصادفها قضيب قطر ..


وفى اجمل من انك تلاقى عيون الناس؟
يا محمد الجليل
كيف ايامك كانت ؟
عليك الله ما سمح الزول البلاقى الناس الزى محجوب وحميد
يسمحن ايامك
ويعلى مقامك
وتصبحون على وطن
او هكذا قال محمود درويش

Post: #169
Title: Re: مخصوم منك وطن يا خطاب حسن احمد ـ صور
Author: عبدالرحمن الخليفة
Date: 01-11-2009, 04:34 PM
Parent: #1

سلمى سلامة

سلام تانى وتحايا نواضر

رغم انها كانت ستة ايام من ايام الله السبعة ....

فى خواتيم عام يمضى ...

ولكن ومضة اللقاء القصير ايقظ اوعوام خلت...تضج بالزكريات ...امتدت لمن غاب عن المكان ...

ابقى عافية ...

وتدثرى.........

وتانى بنندهك ...

Post: #174
Title: Re: مخصوم منك وطن يا خطاب حسن احمد ـ صور
Author: mohmed khalail
Date: 01-11-2009, 11:58 PM
Parent: #169

استاذة سلمى بت الشيخ

عم خطاب (شفت كيف بنعجزك)




كم يزهو بكما

وطنا لكما

وتلاقت يا مرحى قمما





تحياتي

Post: #202
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-18-2009, 02:42 PM
Parent: #169

Quote: رغم انها كانت ستة ايام من ايام الله السبعة ....

فى خواتيم عام مضى ...

ولكن ومضة اللقاء القصير ايقظ اعوام خلت...تضج بالذكريات ...امتدت لمن غاب عن المكان ...


عبدالرحمن
ايها الولد القامة الشامخة
لولاك ما التقينا
بفياض كرمك
وعلو كعبك فى جمع الشتات
يا لك من انسان
تتقزم امامه كل القامات
يا لك من فاضل
اوسعت لنا فى دارك الصغير مراقدا
واوسعتنا حبا لن نفيه
ولن نستطيع الى ايفائك بعضا من حقك علينا
فلك التجلة ولك المحبة تنبنى طوابقا تناطح السحب

Post: #176
Title: Re: مخصوم منك وطن يا خطاب حسن احمد ـ صور
Author: خالد العبيد
Date: 01-12-2009, 01:04 AM
Parent: #1

سلمى
تحياتي
مخصوم منك بدل شوق

متاااابعك

Post: #203
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-18-2009, 02:57 PM
Parent: #176

Quote: مخصوم منك بدل شوق


خالد الحبيب
بدل شوق دى اخت بدل سفرية ؟
كنت شغالة فى الابيض فى مكتب التعليم
فى المناشط التربية فى فترة ما من الثمانينات
يوم جاتنى ورقة انى صرفت بدل سفرية ومفروض امضى عليها
وكنت من محلى ما سافرت
مشيت الحسابات سالت فى شنو ؟
قالوا لى فى زول صرف بدل سفرية باسمك
كان اسمه افتكر لو ما الذاكرة خانتنى اسماعيل
لكن اسماعيل منو ما تسالنى
المهم اتضح انه الزول مضى اسمى ولهف القرشين
ولا يهمك يا حكومة
هسى بدل الشوق دا بصرفوه من وين؟
فكر معانا عشان نحنا مخصوم مننا وطن

Post: #177
Title: Re: مخصوم منك وطن يا خطاب حسن احمد ـ صور
Author: Hawari Nimir
Date: 01-12-2009, 02:47 AM
Parent: #1




..
.
عادل و سلمي....في سوق(الناقة)...هيوستن

سلمي:يا عادل سجمي انت متاكد نحنا في اميركا..
:شكلنا كده طشينا.!
عادل: يا سلمي طشينا شنو..
:ده ما السوق الشعبي زاتووو !!

..
.

Post: #178
Title: Re: مخصوم منك وطن يا خطاب حسن احمد ـ صور
Author: Hawari Nimir
Date: 01-12-2009, 03:49 AM
Parent: #1




..
.
الفري ماركت....العضة و كده
..
.

Post: #179
Title: Re: مخصوم منك وطن يا خطاب حسن احمد ـ صور
Author: سارة علي
Date: 01-12-2009, 04:09 AM
Parent: #1

هواري..

ود سنجة...

ازيك؟؟

Post: #180
Title: Re: مخصوم منك وطن يا خطاب حسن احمد ـ صور
Author: Hawari Nimir
Date: 01-12-2009, 04:50 AM
Parent: #1

اهلا يا سارة
اخبارك و كل سنة طيبة
بركة البوست الليلة جابك..
...
..
.
شكرا كتييييييير للطلة و راجعي البريد
(الهواري)..

..
.

Post: #181
Title: Re: مخصوم منك وطن يا خطاب حسن احمد ـ صور
Author: سارة علي
Date: 01-12-2009, 05:26 AM
Parent: #1

ياتو ؟؟؟؟

الماسنجر مش اتهكر؟؟؟؟

Post: #182
Title: Re: مخصوم منك وطن يا خطاب حسن احمد ـ صور
Author: Hawari Nimir
Date: 01-12-2009, 06:43 AM
Parent: #181

ياتو ؟؟؟؟

الماسنجر مش اتهكر؟؟؟؟

.
.
..
الايميل يا سارة..
(الهواري).,,

..
.

Post: #183
Title: Re: مخصوم منك وطن يا خطاب حسن احمد ـ صور
Author: يحي ابن عوف
Date: 01-12-2009, 08:30 AM
Parent: #182

Quote: كانت ليلة السبت ليست لقاءاً ادبيا فحسب
وانما تواصل اجيال , يحكى عن صيرورة العطاء
وصك ضمان لمرانة حبال التلاقى بين سودانييى
الشتات ,



الحبيبة الغالية سلمى
صديقي خطاب حسن أحمد
السودانى العجوز
عادل بلير
هوارى
عبد الرحمن الخليفة
الأحباب دوما"يبقون" في أعماق الذاكرة، وبين حنايا الوجدان، يمثلون أجمل الكنوز
التي لايأتي عليها غبارالنسيان ولانستطيع محو بريقها وأصالتها، حتى وإن طال البعد وقل الوصال،


Post: #196
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-17-2009, 08:47 PM
Parent: #183

Quote: الأحباب دوما"يبقون" في أعماق الذاكرة، وبين حنايا الوجدان، يمثلون أجمل الكنوز
التي لايأتي عليها غبارالنسيان ولانستطيع محو بريقها وأصالتها، حتى وإن طال البعد وقل الوصال،


وهم يا صديقى يحى عزوتنا وتاج راسنا
هم من نحن اليهم ونمضى كالعصافير
ونجد انفسنا فى مرايا ذاكراتهم
ونمارس طقسنا الحيوى فى محبتهم
فلهم امكنة القلب تضئ وبهم
لك المنى ان تكون ابدا بخير

Post: #193
Title: Re: مخصوم منك وطن يا خطاب حسن احمد ـ صور
Author: باسط المكي
Date: 01-15-2009, 03:44 AM
Parent: #1

سلمي الشيخ
تحياتي ..متابع مدادك الجميل
من زمن ..
واليوم اردك عليك واتابع بمتعة الحضور
الصريح ..لحروفك ..
انا يدوب دخلت ..محلكم الوطن الرائع ..
غي مداخلاتكم .ومشاركاتكم ..
تقبلي مروري ...
ودجيرانكم باسط المكي .

Post: #195
Title: Re: مخصوم منك وطن يا خطاب حسن احمد ـ صور
Author: PLAYER
Date: 01-17-2009, 07:11 PM
Parent: #193



Post: #197
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-17-2009, 09:42 PM
Parent: #193

باسط المكى
صحيت اشجان
ابسط كمان
يا سلام على اولاد الجيران فى الحلة
يوم النفير
ناس فلان عندهم حيطة وقعت
اتلمو الحبان
صحن فول كارب
والحيطة اتبنت
يا باسط
والحاجة الماقدرة تمشى بتكلوها اولاد الجيران بشيلوها شيل
وبعدلو ميل بعض
البنات كان خرمجن تلاقى اخوان البنات
واقفين
والعيال كان اتداوسو تلاقى اخوان العيال واقفين
يحلو المشبوك ويلفو المحتاج
دا كان حالنا فى الحلة
هسى ما بعرف شنو الحاصل لكن
اتمنى انه كل ماكان سمح قاعد محروس بالسمحين

Post: #198
Title: Re: مخصوم منك وطن يا خطاب حسن احمد ـ صور
Author: خالد علي محجوب المنسي
Date: 01-17-2009, 09:50 PM
Parent: #197

Quote: والعيال كان اتداوسو تلاقى اخوان العيال واقفين
يحلو المشبوك ويلفو المحتاج
سلمى الرائعة كيف حالك مشتاقين

Post: #199
Title: Re: مخصوم منك وطن يا خطاب حسن احمد ـ صور
Author: الطيب شيقوق
Date: 01-18-2009, 07:34 AM
Parent: #198

سلمى بت الشيخ


Quote: دا كان حالنا فى الحلة
هسى ما بعرف شنو الحاصل لكن


الحاصل هسع بقوا علا يأجروا ليهم عمال يشيلوا ليهم عنقريب الجنازة

وكزام حل محل الصواني البططاقق في الرياض والطائف والمعمورة

زمان الضيف بنزلوا ليه فرش الدابة لكن ما بشدوا ليهو الدابة عند الوداع

والان صاروا بنزلوا ليهو فرش الدابة وبشدوا ليهم فرش الدابة عشان يشتت سريع

Post: #213
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-23-2009, 02:35 AM
Parent: #199

Quote: الحاصل هسع بقوا علا يأجروا ليهم عمال يشيلوا ليهم عنقريب الجنازة

وكزام حل محل الصواني البططاقق في الرياض والطائف والمعمورة

زمان الضيف بنزلوا ليه فرش الدابة لكن ما بشدوا ليهو الدابة عند الوداع

والان صاروا بنزلوا ليهو فرش الدابة وبشدوا ليهم فرش الدابة عشان يشتت سريع


الطيب اخوى ودامى الحبيب
حالا ما بسر
مخصوم مننا وطن
وكمان انسانية
زمان
الله يرحم زمان
كان فى زول قريبنا عليه رحمة الله
لمن يسمع فى زول اتوفى ما بسال منو ؟
لكن بيشيل عدة الحفر وهو واولاده بمشوا الدافنة قبال الناس تجى
ولمن الناس تجى بكون هو واولاده حفروا المثوى
وزى امس متذكرة لمن جدى احمد ابراهيم عليه الرحمة اتوفى
وصى انه ما يشيلوه بعربية اللورى
قال خالى الهادى احمد ابراهيم بحكى لينا
ـ مشينا نفتش لورى عشان نشيل فيهو ابوى
لمن جينا راجعين لقينا الناس مشت الدافنة
وما مشوار بعيد يعنى كلها دقيقتين
لكن النية زاملة سيدا
هسى عليك الله يا الطيب اخوى دا ماكلام خطاب زاتو ؟
مخصوم منك وطن ؟
مخصومة منناالف عام
مخصوم مننا وطن

Post: #204
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-19-2009, 01:56 AM
Parent: #198

خالد الحبيب
وتجدنى اتمنى ان تنتهى اجازتك سريعا
لا لشئ سوى اننى افتقدت محادثاتك ايا السبت والاحد
ومناكفاتك التى لاتنتهى
لكم احس باليتم والوحشة

مع ذلك اتمنى لك اقامة طيبة بين اهلك واصدقائك
وبين دفتى وطن بات مخصوم منا

Post: #200
Title: Re: مخصوم منك وطن يا خطاب حسن احمد ـ صور
Author: باسط المكي
Date: 01-18-2009, 12:17 PM
Parent: #1

باسط المكى
صحيت اشجان
ابسط كمان
يا سلام على اولاد الجيران فى الحلة
يوم النفير
ناس فلان عندهم حيطة وقعت
اتلمو الحبان
صحن فول كارب
والحيطة اتبنت
يا باسط
والحاجة الماقدرة تمشى بتكلوها اولاد الجيران بشيلوها شيل
وبعدلو ميل بعض
البنات كان خرمجن تلاقى اخوان البنات
واقفين
والعيال كان اتداوسو تلاقى اخوان العيال واقفين
يحلو المشبوك ويلفو المحتاج
دا كان حالنا فى الحلة
هسى ما بعرف شنو الحاصل لكن
اتمنى انه كل ماكان سمح قاعد محروس بالسمحين
..................
سلمي الشيخ احمد سلامة
في بيوتنا الكاكية ...
سكنت الالفة حطة الجدران .
رائحة الابري..
وطاقات البيوت القديمة
والشبابيك..وصوت نضمي في اول الطريق
وياحلات بنوت الفريق في العصاري ونفير
الجيران

لك التحية
بطعم المقيل في امدرمان
واتكاءة مع جبنة مندكول
تحياتي

Post: #208
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-19-2009, 04:01 PM
Parent: #200

Quote: يا يجرّوا ظلالهم ضحوية
نخلة للبن
تقلى
أبنوسة ..
تدقّو ..
وهاك يا ونسة
مع الفنجان و دورانُه ..
هاك يا حكيان ،

باسط دا كلام خطاب
Quote: لك التحية
بطعم المقيل في امدرمان
واتكاءة مع جبنة مندكول


يا حليلا مندكول
الحنينة
عارف يا باسط حبوبتنا امنة دى
الله يديها الصحة والعافية
وناسة ونسة لمن تبدا تحكى ليك تنسى
روحك
مرة فى زواج واحد من اعمامى ابراهيم سلامة
قمت يا سيدى عملت قهوة اول مرة اعمل قهوة فى حياتى
بالله الساعة الزغردت
لمن اتكيفت
وكانت قهوة محضورة الله يرحم تلك الايام يا صديقى




Post: #206
Title: Re: مخصوم منك وطن يا خطاب حسن احمد ـ صور
Author: باسط المكي
Date: 01-19-2009, 11:26 AM
Parent: #1

سلمي
ما اجمل التدعيات
في حضور مدادك الرائع
كوني بخير وعافية

Post: #211
Title: Re: مخصوم منك وطن يا خطاب حسن احمد ـ صور
Author: ابوعسل السيد احمد
Date: 01-22-2009, 10:53 AM
Parent: #206

سلمى سلامة و خطاب حسن أحمد..

لي مدة بدخل البوست و أقرأ باستمتاع آخر الليل.. لما أفتش لكلمات عشان أكتبها تسكت
الألحان و يغيض الكلام..

هذا دفق حميم.. تداع خلاب.. زخ ينعش الروح.. يخلي الواحد يقول من غير حسد" اتمنيت لو كنت
معاكم..

لا تنقطعي سلمى عن البريق.. و يا كتّاب ما زال صدى حوارنا يرن في أفق الكلمات الآتية.. و
تاني " اتمنيت لو كنت معاكم، و اتفاكرنا"

عشتم

Post: #212
Title: Re: مخصوم منك وطن يا خطاب حسن احمد ـ صور
Author: باسط المكي
Date: 01-22-2009, 12:41 PM
Parent: #211

في ضل ضحي سنين ..دفنت جواها ..المناظر القائمة والاصوات
الغائبة ..كانت حذود الدنيا عند طرف القرية ..والغابة..كنت بتامل
الطير في صفوف ..الي ان يبتلعه المدي البعيد..واسال من كان قربي ..
ماشي وين ..ماشي بلاد الله ..حد الاجابة وقف ..
بعد سنين كنت انا محل الطير ..وفي بلاد الله ..
بين فرجات اللوري شفت ونحن مرحلين وسط كوم من العفش كنت بشوف النسوان ينشلن الموية من البير
كنت بسال امي نحن ماشبن ..وين قريب وجاين ..ومن يومها انتزعت من القرية ..
ومازالت جواي ..الطاب ..والمركب ....وحبل المريد والمناجل ..
ورائحة فراد الدمور ..في بيت النساجين..ورائحة القطران ..في القرب ..لما يكون في فرح
واسماء البهائم والوان الحمير..وطنابير شباب الفريق ..وصوت الشتم والدلوكة تتخنق..
وابلعتني المدن ..وسكنت ..جواي ...الام الزكري ..
والوطن ..عندي القرية ومازال ..كل مرة ينبت تاني من جديد

الوطن الان خواطر مرحلة تنازع كل واحد منا كل مساء..
ودون استاذان

Post: #214
Title: Re: مخصوم منك وطن يا خطاب حسن احمد ـ صور
Author: الطيب شيقوق
Date: 01-23-2009, 05:30 PM
Parent: #212

بت الشيخ

سلامي وتحياتي والحمد لله بس عضى بالنواجز على هذا الرقم والا سيخصم منك وطن كامل .


الحمد لله تم اجراء العملية بنجاح

يمكنك زيارة العنبر وفي بالك هذا الرقم


0494076912


لقيتيني كيف؟

Post: #215
Title: Re: مخصوم منك وطن يا خطاب حسن احمد ـ صور
Author: سلمى الشيخ سلامة
Date: 01-24-2009, 02:21 AM
Parent: #211

Quote: اتمنيت لو كنت معاكم، و اتفاكرنا"


ابو عسل العسل
ياخ ازيك ومشتاقين كتير
اتمنيت لو كنت معانا
عارف ليه؟
لانه الدنيا كانت عيد
كان خطاب وعادل وبهجة شعر واغانى ومسرح
وناس منبسطة وناس مبسوطة
وايد مبسوطة تقابل الحنة
نجم الليل الشال شبال
وكان مصطفى ود ست الجيل
شايل بشكيرو داخل بيناتنا يغنى
نغنى
عم عبد الرحيم
فتاح يا عليم
رزاق يا كريم
وكانت ايام بطعم الناس الحلوة
القاعدة فى جوانا
شفت كيف ؟
شفت كيف؟ مش ؟
اقعد عافية وتانى بنتلاقى
تعال فى المرة الجاية
جيب نغماتك واسرح فى مراح السمح الاتخت