Post: #1
Title: سلمى الشيخ سلامة .. سلامتك من داء الملوك .. تعالوا دثروها وزملوها
Author: خالد العبيد
Date: 02-25-2009, 00:51 AM
Parent: #0
سلمى الشيخ سلامة
اخت عزيزة دائما ما ترسل لي بعض اعمالها الادبية
امس ارسلت لي نص جميل
وقالت في نهاية الرسالة :
انها ذهبت للشفخانة
والحكيم قال عندها داء الملوك او ما يعرف بالقاوت
سلامات يا سلمى
|
Post: #2
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: القلب النابض
Date: 02-25-2009, 01:07 AM
Parent: #1
الف سلامة لي سلمى
الف سلامة ليها وربنا يكتب لها الشفاء العاجل يارب ...
تحياتي لك اخي خالد
|
Post: #3
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سفيان بشير نابرى
Date: 02-25-2009, 01:21 AM
Parent: #2
سلمي صاحبتي ملكة
وفايت الملوك
أتمني ليك الشفاء
العاجل يا سلمي
ويا داء الملوك
سلمى ملكة بت ملوك
ماضرورى تجيها عشان
تبقيها ملكة .
عاجل الشفاء والامنيات
لك والدعوات بذلك .
شكراً
يا خالد العبيد صاحبي .
|
Post: #48
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 02-27-2009, 12:34 PM
Parent: #3
ياسوفى
ملوك شنو؟ياخ اقول ليك قاوت
تقول ملوك
"هو قاوت لمتين زاتو ما يمشى ياخ"
قاوت لعبة قون
مسربعة ليك بالفكرة سربعة ونص
عندى صحبى عنده قاوت
فمرة اصبع القدم بقى منفوخ من الورم
مشينا ليهو بالصدفة
ـ سلامتك مالك تمشى بالعصاية "دى مرحلة لسه ما وصلتها"
فقال لينا
ـ والله عندى "ايدز" فى الاصبع الكبير
الله لاوراك "اللواية" من وجع الاصبع
اها واحد صاحبنا برضو اصبعو كان مجروح
فاتصلت عليهو زولة صحبتنا مسربعة سالتو قبال صباح الخير
ـ كيف اصبعت
تخريمة
ياخ راجع مسنجرك
|
Post: #24
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 02-25-2009, 02:03 PM
Parent: #2
القلب النابض
ياخ سلفينى اسمك دا اول حاجة
تعرفى
العبدة لله ما عندها غرد بالاكل شديد كدى
يعنى زاهدة
وحات الله باكل بطرف اصابعينى زى الصوفيين
اتعلمت الحركة دى من ابوى عليه الرحمة
المهم
لكن عامل الوراثة هو الا صل
يعنى يا قلب الناس بورثوهم العمارات يا يمة والعقارات يا يمة ونحنا
الحمد لله
شى امراض قلب وشى قاوت
سالتنى سكينة الربيع المشت معاى المستشفى
ـ اها حتصرفى الدوا؟
قلت ليها
ـ حاصرف نظر
عارفة جنى وجن كلام الحكما دا
عندى حبوبة لى مشت للحكيم ودار بينهما الحوار التالى
ـ يا حاجة ما تاكلى البطيخ والموز ، اللحم، ال......... قائمة اطول من يوم القيامة
عاينت للدكتور كدى وقالت ليهو
ـ بطول العمر ؟
ـ لا ياحاجة
ـ بقصرو ؟
ـ الاعمار بيد الله
ـ اها دحين قول قولك وانا بسو سواتى
فيا اختى عالم الحكما دا بدخلنا فى مشاكل ماعندنا ليها عمر زاتو
وباقى العمر دا بنضارف عليهو تب
قلتى كيف؟
|
Post: #4
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 02-25-2009, 02:02 AM
Parent: #1
هسى يعنى يا خالد ود امى مالك على
وحاتك ماقادرة اكتب
اليد مكنكشة
لكن الحمد لله
امس لمن الحكيمة قالت لى
عندك قاوت
ما اتلفت طوالى قلت لنفسى
ـ قاوت قاوت usa
وقعدت اضحك منى
وما كنت قايلا القصة جد
غايتو الله يهون ويدينا الصحة
وكتر خيرك
|
Post: #5
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: د.نجاة محمود
Date: 02-25-2009, 03:49 AM
Parent: #4
سالومي
عين السواد الصابتك
كثري من الخضار وقولي للحوم باي باي
حتعملو شنو للمعهد يا سلمى؟
|
Post: #6
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: محمد فضل الله المكى
Date: 02-25-2009, 04:06 AM
Parent: #5
سلِمتِ يا سلمى
أتمنى أن تقهري هذا الداء بمزيد من الإبداع
ومزيد من الإنتاج . شفاكِ الله وحماك.
لك التقدير أستاذنا خالد
|
Post: #7
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: Rawia
Date: 02-25-2009, 04:13 AM
Parent: #6
الف بعد الشر عليك
ويازولة من يومداك قلنا ليك
watch your diet
الاكل بتاع الامريكان دا مشروع هلاك رسمي
_____________
مالها بقت لي زي الجرسة من سفر البنية
الله يرجعها بالسلامة بس
|
Post: #52
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 02-27-2009, 01:08 PM
Parent: #7
Quote: مالها بقت لي زي الجرسة من سفر البنية
الله يرجعها بالسلامة بس |
الله يسلمك حبيبة
عارفة يا راوية اختى
سفر البنية مزهجنى ومقلقنى
امى كانت بتقول لينا "بنات العنزة ان قربن اتناطحن وان بعدن اتصايحن "
وشايلة جنس هم لمن تتزوج وتمشى
الله لا وراك
غايتو ربنا يسعدا
مرة بتونس معاها
قالت لى
ـ امى انتى ما تتزوجى انا حامشى وحتكونى محتاجة ليك لزول
بنات اخر زمن
هسى بعد مرضى دا كلو اكون دايرة "عريس" ولا ممرض؟؟؟؟
غايتو من يجد فى نفسه كفاءة الممرض اليجى "وش مستغرب خالس"
وبعدين اكل الامريكان دا مكجنة خلقتو
ولا بجى بى جنبو
لانه اشتغلت فى مطعم وبعرف اصله وفصله
معفن ياخ
الله يفكنا من بلدهم دى زاتا
اقعدى عافية
|
Post: #8
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: حمد اسماعيل
Date: 02-25-2009, 04:35 AM
Parent: #6
0
0
كفاره يا سلمى
اتبعى وصفات الدكتور وربنا الشافى
بعدين فى حاجات من سوق ابوجهل وودعكيفه
بس ما أظنه مسموح دخوله عندكم كان رسلناها
شكرا عزيزنا خالد العبيد
|
Post: #9
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: ماضي ابو العزائم
Date: 02-25-2009, 05:46 AM
Parent: #8
ياخى بعد الشر عليك
باين كنتى متوصية بالمطايب و كلو من بيت الكلاوى
و لما تجى السودان سوق الناقة ما بتفارقيهوده كلو
يبقى حكاوى و يلا اربطى الكدارة و على رياضة الجرى.
الف كفارة ليك
تسلم خالد
|
Post: #10
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: Badreldin Ahmed Musa
Date: 02-25-2009, 05:54 AM
Parent: #9
خالد العبيد
سلام
نتمنى عاجل الشفاء و السلامة لسلمى سلامة.
|
Post: #11
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: أحمد الشايقي
Date: 02-25-2009, 06:35 AM
Parent: #10
ألف سلامة
شفاك الله وعافاك يا سلمى الشيخ سلامة
أديبتنا العزيزة,
وليك التحية
أحمد الشايقي
|
Post: #12
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: هند محمد
Date: 02-25-2009, 06:39 AM
Parent: #11
الف سلامة للعزيزة سلمى
وربنا يشفيها ويعافيها...
تحياتي اخي خالد
|
Post: #59
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 02-28-2009, 05:34 PM
Parent: #12
الشاعرة الرقيقة هند
تسلمى من كل شر
وما تشوفى الشفتو بت امى
نعمنو لا حكى لابقى
الله فى
|
Post: #58
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 02-28-2009, 05:28 PM
Parent: #11
احمد الشايقى
كتر خيرك ود امى
لكن الله لا وراك وجع "ضرس" المفاصل
فى الاول كنت فاكرة القصة روماتيزم
لانها ساكنة عندى سكنة راسا عديل
لمن خلتنى اسكن محل التلج دا
لانها حكمة الله ضد الحر
لكن خالتى ام جهينة الحكيمة قالت قاوت
قاوت لعبة قون
يا شيخنا التجى من الله كلها سمحة
والعمر ولى ما باقى كتير
نحمد الله على النفس الطالع ونازل
|
Post: #79
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 00:48 AM
Parent: #10
بدر الدين احمد موسى
شفت خالد طفش خلانى براى
شكيتك يا خالد على حبوبتك
تغتيك وتجعل البركة فيك
تعال مارق
كان لاقيتو يا بدر قول ليهو
كدا ما صاح منك
|
Post: #56
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 02-28-2009, 03:13 PM
Parent: #9
Quote: باين كنتى متوصية بالمطايب و كلو من بيت الكلاوى
و لما تجى السودان سوق الناقة ما بتفارقيهوده كلو |
ابو العزايم ياخ ازيك ياخ
اول حاجة بيت الكلاوى دا ما عندى معاهو غير انه
بشيل "الشحم " واقول كدى اسيح الدهن
واسوى داك يا الكركار "
وطبعا ما بحب الربيت
تعرف الربيت ؟
لانه دهنه كتير
وحكمة الله ممكن اطبخ بدون زيت او سمن
ما عندى شريعة مع الحاجات دى
لكن الجينات "الجينات الجرو سابو عروضهن هملو "
نجى لموضوع سوق الناقة
ماتقول مفلهمة ولاحاجة
لكن اكل فى الشارع دا ؟كان زماااااااان
ولابقرب منه بقرف عديل النبى عربى
وسوق الناقة دا بسمع بيهو سمع
يوم مشيت بالصدفة كان عندنا عرض مسرحى فى ود البشير مع ناس اسامه سالم وصوصل
ما دخلته ، لكن من بعيد صوصل الفنان قال لى داك سوق الناقة
واكتشفته انه رواكيب وحته ما صحية يعنى ضبان حايم ونسوان بسوطن فى الاكل صواته
واللحمة معلقة فى الشارع غبار السنين عليهاوعادم عربات و... ماخفى اعظم
هى وكت مغتية مشكلة
اها ياسيد امك وابوك دى قصتى مع الحاجات دى
قول اى حاجة لكن ما قاعدة اكل بره البيت
هسى فى البلد دى كان داير "تغدب" على اعزمنى اكل بره
لانه عارفه اكل بره البيت دا شكله كيف؟
قبل اشتغل فى المطاعم كنت "باكل " النصيحة ليك يا الله
لكن بعد ماعرفت "المغتى ومليان شطة "برى وحاتك
|
Post: #53
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 02-27-2009, 01:20 PM
Parent: #8
Quote: بعدين فى حاجات من سوق ابوجهل وودعكيفه
بس ما أظنه مسموح دخوله عندكم كان رسلناها |
حمد اسماعين ؟
ياخ مشتاقين كتير
والحقنى بيها البنية فى السودان تجيبا معاها
النمل يقرصك كان ما قلتها
لانى دويات الحكما دى ولا بدورا زاتو
استعجل ود امى خسمتك
تسلم يارب من كل شر
وعندك التلفون ياخ قول صباح الخير
قوول قول مساء الخير
وابدا يومك بالتحية
وانهى يومك بالتحية
او كما قال الناس بتاعين الزمن الجميل
|
Post: #50
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 02-27-2009, 12:58 PM
Parent: #6
محمد فضل الله المكى
يا ود امى القصة صعبة وما هينة
لكن التجى من الجينات تستحملا بت الشيخ
امى عليها الرحمة كانت تعانى من هذا المرض
لكنها ضاربة اضان جلد
مرة سالتها وكانت متصوفة للغاية
تاكل "حريف كسرة بموية " وتحمد الله كثيرا
قلت ليها انتى ياامى القاوت دا يجيك بى وين ؟ لحمة ما قاعدة تاكلى ؟
ضحكت وقالت لى
ـ زمان ابوك بجيب لينا كل اسبوع خروف من تسنى ايام كان شغال فى القضارف والشباب ايامها
لغاية ما اتمكن مننا القاوت
عارف برضو فى الابيض كل يوم جمعة كان بضبحو "عتود"
كملو العتان وجاهن القاوت
الله كريم يا حبيب
الظاهر العتان كانت زعلانة وادتنا القاوت
|
Post: #49
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 02-27-2009, 12:41 PM
Parent: #5
| Quote: حتعملو شنو للمعهد يا سلمى؟ |
نجاة الحبيبة
كتر خيرك وعمر بيتك
تعرفى اللحم "دا "
ما عندى كبير غرد مما قالو جنون البقر وجنون الخرفان
طلقناهو بالتلاته
لكن يا حبيبة الجينات
ما تظهر فى زول الا "انا ، الا انا" او كما قالت المغنية السمحة انغام
نرجع لموضوع المعهد
دى دايرة ليها مؤتمر
والمؤتمر تنبثق عنه جنة
اللجنة ينبثق عنها لجان
واللجان
ياحبيبة دى قصة طويلة لكن خلينا نفكر مع بعض
وبالخبرات الاتراكمت ممكن نعمل اوراق نرسلا لناس المعهد
ولو انهم ما حيوافقوا عليها
دا مبدئيا
لكن نعمل العلينا ولا رايك شنو؟
|
Post: #13
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: محمد كابيلا
Date: 02-25-2009, 08:14 AM
Parent: #4
Quote: هسى يعنى يا خالد ود امى مالك على
وحاتك ماقادرة اكتب
اليد مكنكشة
لكن الحمد لله
امس لمن الحكيمة قالت لى
عندك قاوت
ما اتلفت طوالى قلت لنفسى
ـ قاوت قاوت usa
وقعدت اضحك منى
وما كنت قايلا القصة جد
غايتو الله يهون ويدينا الصحة
وكتر خيرك |
ألف سلامة ليك يا سلمى ....
إنشاءالله ما تشوفى الأسى ....
|
Post: #14
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: خالد حامد الجزولي
Date: 02-25-2009, 09:34 AM
Parent: #13
سلامات
اختي
سلمى
وانضميتي
بهذا الداء
إلى نادينا
نادى
اصحاب
دا ء
لعظماء
القاوت
ربنا
يشفينا
ويشفيك
تحياتي
جزل
|
Post: #64
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 02-28-2009, 07:12 PM
Parent: #14
خالد حامد الجزولى
يا حبة القصة دى وحاتك لاكنت حارياها ولا متعشمة
نعمنى ما زولا كدى بشبه جنس دا
لكن تقول شنو ؟
هسى انت خليت اكل اللحمة ؟
قول النصيحة
عارف عندى حبوبة لى كدى بتريد اللحم
وكدكيد العضام من اهلنا ناس بربر
قومى يا الحبوبة تعالى الخرتوم
وقاعدة تنقرش فى الاكل بطرف اصابعيها
والمعاها مستغربات ، سالنها
ـ انتى يا بت امى مالك تعاينى فى الاكل كدى بعين الرخسة ؟
قالت ليهن
ـ يعنى ناس الخرتوم بكدو العضم ؟
ـ كيفن يعنى ماك شايفانا ؟
قال ليك الحاجة قالت كدى للتوب جدعتو محل هناك ويا الصينية جاك زول
ما خلت عضم طاير
نحنا يا ود امى ما عندنا غرد فى كدكيد العضام
لكن الله غالب
القصة جينات ما عضام ولحمة
|
Post: #15
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: خالد حامد الجزولي
Date: 02-25-2009, 10:24 AM
Parent: #13
سلامات
اختي
سلمى
وانضميتي
بهذا الداء
إلى نادينا
نادى
اصحاب
دا ء
لعظماء
القاوت
ربنا
يشفينا
ويشفيك
تحياتي
جزل
|
Post: #16
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: rosemen osman
Date: 02-25-2009, 10:26 AM
Parent: #15
الف سلامة للأستاذة سلمى ..وربنا يديها العافية
وتحياتي أخي خالد العبيد على مواقفك الجميلة المنثورة فى كل مكان
|
Post: #17
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: محمد مكى محمد
Date: 02-25-2009, 10:32 AM
Parent: #16
سلامتك ..ياملكه 
|
Post: #18
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: طارق جبريل
Date: 02-25-2009, 10:35 AM
Parent: #17
الف الف سلامة يا سلمى ياخي
شكرا خالد
|
Post: #69
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 02-28-2009, 08:10 PM
Parent: #18
طارق جبريل
يجوك فى السمح
ود امى
صورتك الف البروفايل دى عجبتنى شديد
لمن ردت عافيتى
يعافيك الله
|
Post: #67
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 02-28-2009, 07:33 PM
Parent: #17
محمد مكى محمد
يا ود امى
اسمك دا غايتو بذكرنى اهلنا ناس فريق المكى فى امدرمان
وطيبتك وسماحتك دى منهم بتكون
حبوباتى الله يوسدن الباردة كانن بريدن اللحم
وخاصة فى عيد الاضحى
الربيت دا ما يديك الدرب
ويقعدن العصر فى الضل حق العصر داك
ويجيبن الربيت وهاك يا "لخ "
يكوجنن كدى قدرتن
وبعد داك يشربن قهوتن وشاين "لزوم انهن يحبسن وكدا "
لكن الغربية ما كانو اصلا بشتكو من قاوت ولا مصران ولاهم يحزنون
ياربى من شنو ؟
|
Post: #19
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: عبد الدائم سيد أحمد
Date: 02-25-2009, 10:35 AM
Parent: #16
عيا العجايز ده شنو يا سلمى
كان بدرى عليك يا شابة
|
Post: #20
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: الطيب شيقوق
Date: 02-25-2009, 10:52 AM
Parent: #19
سلامتك بت الشيخ وبلي راسك يا بت الربيع
|
Post: #21
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: محمد عبد الماجد الصايم
Date: 02-25-2009, 10:56 AM
Parent: #20
ألف سلامة يا بت سلامة!
تحياتي خالد
|
Post: #74
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 02-28-2009, 10:51 PM
Parent: #21
محمد عبد الماجد الصايم
ياخ كتر خيرك زاتو ياخ
ما شكل ولا حاجة لكن اكضب عليك ؟
قاعدة اريد مشاغباتك
بث
ونجيك فى السمح
|
Post: #72
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 02-28-2009, 08:35 PM
Parent: #20
| Quote: سلامتك بت الشيخ وبلي راسك يا بت الربيع |
هسى يا ود شيقوق الجاب السيرة دى منو؟
يعنى ليه يعنى زى ما بتقول حبوبة حليمة الله يرحمها ويغفر ليها
ولا نظام الكاشف اخوى ؟
وعشه اختى زى ما بقول الفنان العظيم اسماعيل عبد المعين
كان فى برنامج اسمه"سحارة الكاشف"
بقدموا الراحل محمود ابو العزايم
استضاف فيهو الراحل اسماعيل عبد المعين والراحلة عائشة الفلاتية
الكلام كلو عمك اسماعيل يقول لعشه
ـ اها ياعشة اختى غنى لينا
وتقوم عشه تقول لاسماعيل
ـ اسماعين اخوى فترت من الغنا غنى انت
ودنيا كانت جميلة يا الطيب اخوى
والمرض ما بكتلو زول
|
Post: #22
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: Mohamed Abdelgaleel
Date: 02-25-2009, 10:59 AM
Parent: #19
سلمى الشيخ سلامة .. ربنا يديها الصحة والعافية
وترجع لآمدرمان وتتبرك بكتاحة أمبدة وتملأ ســوح
الثقافة بالحكي المو لعب
|
Post: #23
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: عماد الشبلي
Date: 02-25-2009, 11:18 AM
Parent: #22
عاش الملك
عاشت الملكة
وسلامة
لسلمي...
|
Post: #25
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: نصار
Date: 02-25-2009, 02:15 PM
كان زمان مرض ملوك
و كان خطر
الان فقد مولكيته و خطره
عاجل الشفاء يا سلمي
|
Post: #26
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: نصر الدين عثمان
Date: 02-25-2009, 02:19 PM
Parent: #25
دعواتنا بالشفاء العاجل للأستاذة (سلمى)
وإن شاء الله أجر وعافية
|
Post: #27
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: ASHRAF MUSTAFA
Date: 02-25-2009, 02:34 PM
Parent: #26
سلمي الشيخ ازيك
الف سلامة ليكي
و.............
احنا في جاه الملوك نلوك!
|
Post: #82
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 00:55 AM
Parent: #27
اشرف مصطفى
اول حاجة انت زول فنان
عارف ليه؟
لانه بروسلى الخاتيهو فى بروفايلك دا
من الممثلين العظماء
رغم انه مات مقتولا كما برر قاتليه
انه مات نتيجة خطا
لكنه ظل رغم السنوات فى ضمير الناس
شكرا ليك و نجيك فى الخير
|
Post: #28
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: أبوبكر أبوالقاسم
Date: 02-25-2009, 02:35 PM
Parent: #26
ضحكتينا معاك وسلامات فكلنا نردد هتافك السابق.
شكراً خالد العبيد.
|
Post: #83
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 01:01 AM
Parent: #28
ابو بكر ابو القاسم
يعنى هو القاوت من زمان عامل للناس مشكلة ؟
عارف عندنا زول صاحبنا مخستك شديد
وجا هنا امريكا لزيارة
فى الاسانسير كان معاهو راكب امريكى ابيض من غير سوء
فسال صاحبنا دا
ـ going up or down?
فما كضب ولقاها فرصة للخستكة
ورد على الخواجة بسرعة جدا
ـdown down usa
ياخ المظاهرات طالعة للناس فى راسا من زمان
|
Post: #29
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: حواء سليمان ابراهيم
Date: 02-25-2009, 02:35 PM
Parent: #26
سلمى قريعة العسل
|
Post: #30
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: عزيز عيسى
Date: 02-25-2009, 03:02 PM
Parent: #29
ألف سلامة ليك يا سلمى،
وبلدكم أيوا الباردة دي
أحسن تطلعي منها وتجينا
هنا في هيوستن..
بي رطوبتنا الشفتيها ديك
لا عندنا قو أوت ولا قو أواي.
|
Post: #31
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: Yassir Bainwi
Date: 02-25-2009, 03:08 PM
Parent: #30
الف سلامة ياسلمي انشاءالله عدوينك
خالص الود
|
Post: #32
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: Abdelgadir Galal Ahmed
Date: 02-25-2009, 03:17 PM
Parent: #31
ألف سلامة ليك يا سلمى
|
Post: #33
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: Muna Khugali
Date: 02-25-2009, 03:20 PM
Parent: #32
سلامتك يا سلمي..
أسه دي أيام تمرضي فيها وتخلي أخيتك براها تحضر للكرامه والسمايه؟؟
وقفي أكل اللحمه علشان لما تمشي السودان تمشي قندهار..
كيفنك خالد والوليدات وأمهم؟؟
|
Post: #34
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: ناهد بشير الطيب
Date: 02-25-2009, 03:33 PM
Parent: #33
سلمى
كفارة انشاءالله .....
وسمعتك امبارح فى النيل الازرق
بتتكلمى كلام مؤثر عن صديقتك المرحومة رجاء حسن حامد
كل تعازى الحارة
والشفاء لك
خالد ازيك انشاءالله طيب
ناس فوق كلكم سلام
|
Post: #35
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: خالد محمد سليمان
Date: 02-25-2009, 04:13 PM
Parent: #34
سلامتك و الف لا بأس عليك الاستاذه سلمى
نسأل الله ان يديم عليك الصحه و العافيه
نصيحه
ابعدى من
البقوليات بكل انواعها
و الكافات السبعه
كباب
كبده
كسره
كمونية
كوارع
و سلمتى يا سلمى
|
Post: #91
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 05:04 AM
Parent: #35
خالد ولض امى
اولا شى
Quote: و الكافات السبعه
كباب
كبده
كسره
كمونية
كوارع |
فى كافين ما لقيتهم
وين ودرتهم؟
ثم تانى حاجة
كوارع دى من الله خلقنى ما ضقت طعمها لغاية الان
الكمونية نهائى ما باكلا
الكبدة دى بتقزز منها
الكسرة دى ولافى الحلم ما معاى
الكباب دا فى السنه حسنه
اها يلا ورينى الكافين ديل امكن اكون باكل واحد منهم
لكين بالغت معاى فى حكاية البقوليات دى
وحات سيدى ما بخلى طعمية الفلاتة كانت تكتلونى عديل
احلى طعمية فى الدنيا
لكن الفول هادى طرفى منه الى يوم يبعثون
نعمنى كملت كوتى فيهو من زمن الداخلية فى المدرسة
احى يا خالد العدس حبيبى ما بقدر
يعنى باختصار روشتتك دى خسرانة معاى
|
Post: #36
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: Zoal Wahid
Date: 02-25-2009, 04:14 PM
Parent: #34
سلامتك يا اختي
ربنا يكتب ليك الشفاء و العافية و رضاه كمان.
اخ مجرب قال لي "الدوم" بيعالج القاوت .... كدي فتشي امريكا لو لميتي ليك في دوماية.
|
Post: #37
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: باسط المكي
Date: 02-25-2009, 05:28 PM
Parent: #36
سلمي
شرك مقسم علي الدغشم
والف لاباس عليك .وتب العفية
توبك ..
|
Post: #38
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: Alsa7afa_30
Date: 02-25-2009, 09:09 PM
Parent: #37
الخالة العزيزة سلمى
ألف سلامة
و ما تشوفي شر
........
تحياتي أ.خالد العبيد
|
Post: #39
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: طه كروم
Date: 02-25-2009, 09:30 PM
Parent: #38
الملكة بنت الشيخ
ملكة وأهلك مكوك ..
ألف سلامة والشر يزول
النظام الغذائى والعلاج
ومعاه دعاء المحبين .. لك العافية
|
Post: #100
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 04:04 PM
Parent: #39
طه كروم يا احلى صديق
نور جنبيك خليك رقيق
متذكر الاغنية دى ؟
اعتدت انه اعمل الحركة مع اصحابى
يعنى تلاقينى مع السنى دفع الله
بغنى ليهو يابوى يالسنى يا السنى طمنى
وعميرى هو العلمنى الحركة دى
كان بيسلم على يقول
سلمى الشيخ سلامة يا بلال على
وارد ليهو
عبد العزيز جينا ليك
الحمد لله اتحسنت الاحوال
يوم الاتنين تانى ماشه الحكيم
وربك يهون حقن حقن غرامة غرامة
|
Post: #40
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: محجوب البيلي
Date: 02-25-2009, 09:38 PM
Parent: #38
| Quote: ربنا يكتب ليك الشفاء والعافية ورضاه كمان |
1000 بعد الشر عليك أختنا سلمى
إتمنى إنك تلتزمي بالدوا والحمية
وتسمعي كلام الحُكما، على ما فيه من مساخة
|
Post: #41
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: عبدالوهاب علي الحاج
Date: 02-25-2009, 09:45 PM
Parent: #40
كفارة وسلامتك
___
كتر خير البورد البورينا اخبارك
|
Post: #105
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 04:23 PM
Parent: #41
| Quote: كتر خير البورد البورينا اخبارك |
قمنا للخبته يا هيبة؟
انت حتى الايميل بقيت ما بترسلو
اجى يا انت ؟
وليه يعنى الجفا دا؟
سمعتو ولاجابوه ليك ولا شفتو بى عينك؟
مرة محمد مدنى الله يمسيهو ويصبحو بالخير
رسل لى اطرف رسالة
ـ بت الشيخ سمنتى ولاجابو ليك ؟
هسى انت كمان سمنت ولاجابوه ليك؟
ظاهر عليك صدقتهم
ما الجوه قلبك فى عينيك
شفت كيف؟
شفت كيف مش ؟
|
Post: #42
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: ماجدة عوض خوجلى
Date: 02-25-2009, 09:47 PM
Parent: #40
الف سلامة عليها سلوم وانشالله ماتشوف شــر
خالد العبيد انشالله كلو معاك تمام التمام والوليدات وامهم بخير
تسلم يارب ..
|
Post: #106
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 04:27 PM
Parent: #42
ماجدة الحبيبة
مظلوم يا بيه وربنا والمصحف الشريف مظلوم يا بيه
دا انا غلباااااااان
شدة وتزول
وباتا للجميع
وحاجات تانية
مشتاقين كتير
ياخية مرة مرة ادونا سلك
نسمع الصوت الحنين
تحياتى لامنا جارة ومنى واحفادها وبنيتها
|
Post: #43
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: الفاتح يسن
Date: 02-25-2009, 09:48 PM
Parent: #40
سلامة يابت الشيخ سلامة ثلاث ملاعق كبيرة كل صباح من مزيج لاهاي وحبة اوكامبو بعد كل وجبة يابت الملوك الشفاء العاجل انشاء الله
|
Post: #44
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: ترهاقا
Date: 02-25-2009, 10:00 PM
Parent: #43
سلمى يا سلامة الفين كفارة
والله يديكي العافية ويكفيكي شر المافيا ؟ ابعدي من اللحوم كفاكي
|
Post: #45
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: Elkhawad
Date: 02-25-2009, 10:34 PM
Parent: #44
سلامتك والالم بي زول .... زولين شويه
ما كفار ليك سلوم
_________
"YourAttitudeDetermineYourAltitude"
|
Post: #46
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: انعام حيمورة
Date: 02-27-2009, 00:21 AM
Parent: #45
الحالة لسة ما جاتنا ووديناها قندهار .. اها وريني جاك من وييين .. تكونوا عملتوا ليكم دريبات ...
الف سلامة يا سلومة .. لسة لسة بدري عليك ..
خالد العبيد شكرا يا زميل !! (هههه)
|
Post: #47
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: طارق الأمين
Date: 02-27-2009, 08:52 AM
Parent: #46
سلامتك سلمي من داء الملوك
بسحروك الناس عشان مابشبهوك
كان ختيتي اللحمه بالذات والسجوك
وبقيتي علي السمك واكل الديوك
مابتجيكي الحبه مهما يعزموك
يالحنينه الغاليه (طبعا من ابوك)
اختي ناس بورداب وشله قندهار
البصوتو الشيه بالليل والنهار
اصلهم ياسلمي قاصدين الدمار
يولعو في الكوانين الكتار
وعاد داء الملوك بعرف هظار؟
اريت امريكا تعرف ابتسامك
وروشتاتا تتضمن كلامك
كان اوباما كان بعرف مقامك
كان اسرع وجاك شايل وسامك
سلامه ام عزه تبري من المصايب
معاك بالريده ح نخلي المطايب
نعزمك بكره يا ام الحبايب
فطير بي حب حليب العزه رايب
|
Post: #51
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: محمد الطيب يوسف
Date: 02-27-2009, 01:07 PM
Parent: #47
تسلمي يا ست الناس من كل شر
وأجر وعافية وكفارة ذنوب يارب
|
Post: #54
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: عبدالرحمن الخليفة
Date: 02-28-2009, 08:57 AM
Parent: #51
بت الشيخ سلامة
ونعيد صياغة الطلب بكل ادب واحترام ...
امراضا فى الجنوب ( مرض) عوام اهالى (ساكت )... وليس مايمنع لو استقر الامر على ماعلية ونحن ههنا ( فى جاه الملوك نلوك )......
وتدثرى ...
ابقى عافيه..
|
Post: #55
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: الجندرية
Date: 02-28-2009, 09:31 AM
Parent: #54
ـ
تضحك ايامك
وبرية سلامتك
|
Post: #113
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 06:23 PM
Parent: #54
ود الخليفة
وتدثرت بمحبتكم
ودفئ اخوتكم
وحنانكم وعطفكم على
اهلى وناسى ومحل تقديرى
احبكم واتمنى دائما ان اكون بينكم
يا لى من سعيدة بكل هذا الفيض من المحبة
يا لى من محظوظة ان حبانى الله بكم
ويا لكم من بشر فى روعة الملائكة
حفظكم الله اصدقائى وجعلنى قادرة على
رد جمائلكم وشمائلكم التى لاتحصى
|
Post: #112
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 06:10 PM
Parent: #51
محمد الطيب يوسف
الزول السمح
يسلم عمرك وشبابك
يخليك لينا يارب
اها انت مع المدثرين لا المزملين؟
تقول جاتنى رسالة ما داء علاجه بقى ساهل
عليك الله شفت الزول الممسوخ خالد العبيد
فكانى براى
شكيتو لى حبوبته
لكين باقى لى ما كلمتو
تسلم حبيبنا
|
Post: #110
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 05:30 PM
Parent: #47
Quote: سلامتك سلمي من داء الملوك
بسحروك الناس عشان مابشبهوك
كان ختيتي اللحمه بالذات والسجوك
وبقيتي علي السمك واكل الديوك
مابتجيكي الحبه مهما يعزموك
يالحنينه الغاليه (طبعا من ابوك)
اختي ناس بورداب وشله قندهار
البصوتو الشيه بالليل والنهار
اصلهم ياسلمي قاصدين الدمار
يولعو في الكوانين الكتار
وعاد داء الملوك بعرف هظار؟
اريت امريكا تعرف ابتسامك
وروشتاتا تتضمن كلامك
كان اوباما كان بعرف مقامك
كان اسرع وجاك شايل وسامك
سلامه ام عزه تبري من المصايب
معاك بالريده ح نخلي المطايب
نعزمك بكره يا ام الحبايب
فطير بي حب حليب العزه رايب |
طارق المبروك اقيف
لا تخرب النضم السمح
ناس قندهار ماعليك منهن
وتانى ما بنمشى نلمهم
واوباما ود امى مزنوق
زنقة عدوك والناس المابشبهوك
ميزانية ضاربة تسوك وتلوك
ونحنا فى مرض الملوك
وفطيرك يا حلاتو مع الصباح
ولا كان فى العشية برضو ما بنابى الملاح
الا الملاح ما بناكلو تب
نعمنو جاب لينا المتكل بالشعب
انا اخيتك يا السمح العديل
كلامك سمحا يخلى للمرضان يطيب
وتدنو الثريا تبقالنا قريب
ويا حبيب ناكل فى جديدك يوم المنى
ونعزم صحابنا وكلنا
نتقدم السيرة ونبشر بالهنا
ود الصلاح ساق بتنا
ابشر بالخير يالسمح
نجرتقك ونحننك عاد كلنا
|
Post: #109
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 05:02 PM
Parent: #45
الخواض
الابن العاق
مش عاد حرام ساكن الضفاف
ينشرا فى عمرو الجفاف؟
بث
|
Post: #108
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 04:45 PM
Parent: #44
ترهاقا
او محمد عثمان ساطور ؟
شن يا؟انت مزيقا هنا مافى ؟
مشتاقين يا جافى
زعلانة منك لمن غلط
ليه ياخ ما صحبتك ولا ما صحبتك؟
ادينا
سلك تلفونى برسلو ليك فى مسنجر
واتمنى انك بخير وعافية
محبتى
|
Post: #107
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 04:32 PM
Parent: #43
| Quote: ثلاث ملاعق كبيرة كل صباح من مزيج لاهاي وحبة اوكامبو بعد كل وجبة يابت الملوك الشفاء العاجل انشاء الله |
الفاتح يسن
يا الحبيب
والله وصفتك ناجعة بحق روح الشهيد معاوية بسن
ربنا ينصف هذا الانسان
وبحق ارواح كل شهداءنا
ربنا هو المنتقم
لاحول ولاقوة الا بالله
اللهم يا رب العزة خذ هذا الظلم عن حياتنا
|
Post: #103
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 04:18 PM
Parent: #40
| Quote: وتسمعي كلام الحُكما، على ما فيه من مساخة |
يا محجوب البيلى ود امى
كلام الحكمادا يا الحبيب
ما بنبلع لكن التجى من الحكما تستحملا بت الشيخ
النحكى ليك ببت عما لى جنها دكاترة ومستشفى
ووحاتك تعرف الادوية عرفة ما حصلت باسماءها اللاتينية
وكان جيت عندها وشكيت ليهاحالا تنادى بتها يا امل جيبى الدوا حق الحاجة الفلانية لخالتك
والعجب كمان كان قلت ليها عندى كدى ولا كدى طوالى تقول ليك
ـ هى دا ماعندى الله يسختو
اها يا سيد امك وابوك اخدت ليها كم يوم ما مشت المستشفى ولا لاقت دكتورها البتمشى ليهو
يقوم يسالا
ـ وينك ليك كم يوم ما شفناك ؟
انقر الرد شنو ؟
ـ هيا دكتور ما كنت عيانة
شفت كيف ؟
شفت كيف مش ؟
|
Post: #99
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 02:40 PM
Parent: #38
صحافة 30
تسلم حبيبنا
ويخليك يارب
خلى بالك من نفسك
|
Post: #98
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 02:24 PM
Parent: #37
باسط
يا باسط
ازيك ود امى
ويسلم عمرك حبيبى
وما تشوف شر
|
Post: #97
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 01:55 PM
Parent: #36
زول واحد كبفك ابوى
الدوم والريد دا بنعرفو طب
لكن الدوم دا الا الزول يمشى المكسيك
عارف ناس المكسيك ديل حيرونى فى راسى دا
اى حاجة حقتنا عندهم
ياربى بنتشابه فى الممارسات؟
عندى بت صحبتى امها فنانة تشكيلية وخالتها برضو
فقالت لخالتها "انتى بتشبهى امى جدا "
الخالة قالت ليها فى شنو ؟
البت المفعوصة قالت لخالتها"فى الممارسات وكدا"
اها ناس المكسيك ديل للعرديب دا عندهم
بغلبهن ياربى الدوم ؟
ما ظنيت
وباقى لى كان ما اخاف الكضب شفت شجر دوم فى تكساس
النكلم ناس تكساس يرسلو لى دقة الدومعشان الوزن
تسلم ود امى
|
Post: #89
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 04:52 AM
Parent: #34
Quote: وسمعتك امبارح فى النيل الازرق
بتتكلمى كلام مؤثر عن صديقتك المرحومة رجاء حسن حامد
كل تعازى الحارة |
الصديقة العزيزة ناهدبشير
تعرفى الكلام مع ناس التلفزيون دا لا بودى ولا بجيب
لانهم ما جهة تنفيذية
للاسف
والمتنفذين ما بعبروا الفنانين
يعنى كل الفنانين حيموتو سمبلة
هسى عليك الله الزى رجاء دى ربنا يرحمها بخليها تمرض ؟خلى تموت بالحسرة ؟
يا امى البلد دى ماعندها وجيع
والفنان فى بلد زى بلادنا بموت بالحسرة والمرض
وياما فنانين رحلو دون ما واحد يعبرهم
عارفة الفنان عوض الجاك مات وهو افقر من مشى على الارض
وكان بجى الاذاعة من بيته ماشى لانه شلن المواصلات فى الوكت داك ما كان عنده
وغيره كتيرين
ربنا يرحم فنانى السودان الذين يوقدون اصابعهم شمعا ليضئيوا حياتنا
يسلم عمرك حبيبة
|
Post: #88
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 04:40 AM
Parent: #33
منى العزيزة
يسلم عمرك
| Quote: وقفي أكل اللحمه علشان لما تمشي السودان تمشي قندهار.. |
وحاتك ولا كابول زاتا
شفتها من بعيد لبعيد
برى وحات الله مانى ماكله فيها
ياحبيبة نحنا بقينا فى ارزل العمر
والفاضل دا بنتضارف عليهو
مبروك يا السمحة للبنية لينا كلنا الحفيد
يتربى فى عزكم
وما تنسوا ترسلو لينا الكرامة لكن ما لحم حاجة تانية
انشا الله علبة حلاوة
تحياتى لاية ويسين وامنا حاجة جارة
|
Post: #87
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 04:35 AM
Parent: #32
عبد القادر جلال
يسلم شبابك حبيبنا
وحات الله فجيت من كل الم
لانه وجودكم معاى ادانى احساس انه الدنيا حلوة
وانتو احلى هدية
كتر خيرك يا السمح وبارك الله فيك
وما تشوف شر ودامى
|
Post: #86
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 04:19 AM
Parent: #31
ياسر بيناوى
ازيك ياخ
الرطب الفى يدك بتودينا للموت
انت ماك عارف ريدى للتمر ؟
زمان كان عندنا مزارع ولا شنو اسمهاياربى
لاما مزارع بقول عليها فى البلد"دنقلا ـ الحفير ـ اسم غايتو
يفيد انها مزارع
كانوا بجيبو لينا التمر
الله عليه ومعاهو "الجرم"بضم الميم
لكين لمن حبوبة ماتت انقطعت الامدادات التمرية
والقمحية والجرمية
لكن ظلت علاقتى بالتمر قائمة
قومى يا بت الشيخ امشى كاليفورنيا فى احد سفراتى التاريخية
لقيت ليك التمر الماخمج
كان زمن الدنيا بى خاترا عمنا صدام عليه الرحمة
اهدى شتولا ما هينة لعمنا ريجان
وقول كدى يالتمر املا المحلات
والشوارع
شوف عينى الشفع يطقعو التمر زى ما نحنا بنطقعو
الظاهر الحركة دى انترناشيونال
وقاموا اصحابى المشيت ليهم ديل لمن شافونى متوجدة على التمر
رسلوا لى طردا ماكن
من التمر
وعاد يايمة ليك لمن مشيت العراق عامن اول
ما عندهن تمر انى امنت بالله
حلاوة الدنيا كلها
لكن مازى حقنا السمح داك
بمناسبة التمر برضو
حصل اكلت الكابيده؟
مخلوطة بالتمر ؟
جربا وحات الله تاكل ما تدى المعاك
والحكمة كانت زوجة جدنا صالح الدنقلاوى عليه الرحمة هى البتسويها
لكن الحكمة انها شايقية شفت كيف؟
شفت كيف؟مش؟
بعدين تعال هنا ليه عملت اعداء ياحبة؟
نحنا ناس بنعيش حياتنا الغالية بالنية السليمة
وكل زول دايرين سعادتو تشهد الايام عليمة
ولا كيف؟
|
Post: #85
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 03:26 AM
Parent: #30
Quote: وبلدكم أيوا الباردة دي
أحسن تطلعي منها وتجينا
هنا في هيوستن..
بي رطوبتنا الشفتيها ديك
لا عندنا قو أوت ولا قو أواي. |
ياعزيز يا عزيز
ياعزيزى هيوستن دى اخير منها برد ايوا
انى امنت بالله
بلد فى الشتا سخانتها تلحم؟
حرام عليك ياخ انت فعلا قنعان منى
زمان اول ما جينا البلد دى كنا فى هيوستن
ولمن لقيت ايوا بعتها طوالى
ياخ دى حرها كافر خالس
ورطوبة ما بتعتق
يعنى درجة الرطوبة بتصل اكتر من مية فى المية
انا لله
يازول بردا جاف ولا حرا مرطب
|
Post: #84
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 02:56 AM
Parent: #29
حواءسليمان
يا اعز الناس
دا اسم حلو مرة واحدة
ذكرتينى اهلنا ناس كردفان وطبيق العسل
وعلى ذكر القرع
مرة كنت فى الدوحة فى سمنار ما عن كرة القدم
لاهتمامى الخاص بتلك اللعبة ولعلمى التام ان الانجليز اسياد اللعبة
قلت لبدر الدين الامير الله يطراهو بالخير حامشى معاك
فى الجلسة الختامية واحد هندى اتكلم عن
اللاعب الافريقى وفرصة انه يبقى نجم لمجرد عبوره الى اوروبا
زعلت واعلنت غضبى بصورة واضحة
المهم يا ستى بعد كلام الهندى جا "الكنجكة" الكبير
محمد همام رئيس اللجنة الاولمبية الاسيوية حينها
وقال فى معرض حديثه انه"اعتذر للاخت الصحفية سلمى السودانية "
"امك "
قمت لشلاقتى حكيت للسنى دفع الله
قال لى
ـ ما مشيتى ليهو واتكلمتى معاهو عن وظيفة ؟
قلت ليهو ابدا
زعل منى وقال
ـ تعرفى لو دا لو زول تانى كان القرع دا ما يديك الدرب
من الدمازين لغاية الابيض كان هسى يكون ممدود
ياخ دى فرصة ذهبية
لكين يا اخية الرزق مكتوب ولا ما كدى ؟
تسلمى بت امى ويخليك يارب
|
Post: #81
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 00:50 AM
Parent: #26
نصر الدين عثمان
يجوك فى السمح ود امى
كتر خيرك وبارك الله فيك
وماتشوف شر
تحياتى
|
Post: #78
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 00:41 AM
Parent: #25
Quote: كان زمان مرض ملوك
و كان خطر
الان فقد مولكيته و خطره |
نصار اخوى
الله لا وراك وجع المفاصل
لكن اتمنى انه كلامك دا يطلع صاح
لانه القومة بقت صعبة
والزول ماشى دفرة
ثقيل جدا هذا الورم العضامى
يسمع منك ربنا ويلحقنا ويفزعنا الخواجة بعدد واحد دوا يطفشو
لكن اقول ليك حاجة
غايتو كان حمونى الشكولاتا بموووووووووت
الباقى هين
|
Post: #77
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 00:35 AM
عماد الشبلى حبيب الشعب
عليك الله ما مظاهرة محترمة؟
بتعرف صباح النعمة سراج النور
كان فى كلية الفنون
اول ما الشباب يصحو الصباح ماشين على الكلية يدوها ليك مظاهرة
وهم شايلين صباح ويهتفوا
صباح النعمة سراج النور
المسا لمن اليوم الدراسى ينتهى صباح يقول ليهم
ـ يا شباب ما فى مظاهرة ؟
الجواب انه المظاهرة فى الصباح بس
هسى انتى اسمك عملناه ليك مظاهرة بت كلب
تحياتى
|
Post: #75
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 02-28-2009, 10:57 PM
Parent: #22
محمد الجليل
ازيك وبركة الشفناك "اثيريا طيب"
طولت من تلفوناتك وكلامك اليرد الروح
ويا حليل امدر
طريتا وطريت ناسا
بمناسبة امبدة دى
يوم جاية البيت المسا
موصلنى عركى البخيت
مش فى المنطقة الصناعية فى محلات بتاعة ابواب وشبابيك حديد
على الشارع الكبير
الممتد من ود البشير لغاية لفة بيتنا
عركى قام عاين للابواب ديلاك وقال لى
ـ تعالى ندق الابواب دى ونجرى
قلت ليهو لوجا زول فتح لينا ؟
بقيت كل ما امر بهناك اتذكر الحكاية دى واضحك
خلينا نضحك ياخ
ونضحك من الواقع سوا
|
Post: #71
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 02-28-2009, 08:22 PM
Parent: #19
Quote: عيا العجايز ده شنو يا سلمى
كان بدرى عليك يا شابة |
شابة وين ياعمنا ؟
يا سيد احمد اخوى
دخ الما بتداوى
بقينا فى ارزل العمر
اللهم من القوة للهوة زى ما كانت بتقول امى
ويكفينا شر العمى والمرض البكسر الزول
تانى عوجة تب مافى
العافية ضراك
|
Post: #65
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 02-28-2009, 07:20 PM
Parent: #16
ياروزمين
روز مين قال الوردة الا فى الحدائق؟
شكرا على فوحك العطر
|
Post: #62
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 02-28-2009, 06:02 PM
Parent: #13
محمد كابيلا
ود امى الحبيب
المرض ما بكتلو زول
دى قاعدة قديمة
لكن العلاج قبال ما الفاس يقع فى الراس
لكن يا الحبيب
العلاج لجنس مرضى دا قاسى
خاصة وانه بقى حقن
عارف الحقن دى بخاف منها من الله خلقنى
يعنى الزول البدينى حقنة دا الا يجيب معاهو اتنين من الصف الاخير
بجرى عديل
لكن الله يهون
كتر خيرك على سؤالك
وما تشوف شر
|
Post: #57
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: أبوذر بابكر
Date: 02-28-2009, 03:53 PM
Parent: #1
سلامتك يا سلمى يا سلامة
تعرفى تانى بس
ما تحومى جنب "اللحوم" جنبك من اللحوم الحمراء
إزيك يا خالد
|
Post: #60
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سمية الحسن طلحة
Date: 02-28-2009, 05:58 PM
Parent: #57
برييية سلامتك
تبري من الألم البجو الجيران
كل شيء ولا الناس الخلقم الله
ديل الكتّابين زيك يابت الشيخ سلامة
...
دي واحدة من أهلنا البدو ياسلمى
بتقول للناس البعجبوها :
( ديل الناس الخلقم الله )
قلنا ليها الناس كلهم خلقم الله
قالت : في ناس مخلوقين ضيق واطا ساكت
الأخ خالد العبيد
نسأل الله لنا ولها ولكم
العافية والمعافاة
لكم أطيب تحية.
|
Post: #114
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 07:18 PM
Parent: #60
السامية المقام سمية طلحة
ضحكتنى فكرة الناس الخلقهم الله ضيق واطا ساكت
امانة ما حكمة
طوالى اتذكرت اغنية ود البادية
ياالخلقوك للحب والهوى
والنجوى
صاغوك حنان ومودة
الله على الغنا اليرد الروح
وعلى كلامك البجيب العافية بكان ماتروح
الله يحبب فيك خلقو يا السمحة ام عجن
ويزيدك من نعيمه
|
Post: #61
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: عبدالغفار محمد سعيد
Date: 02-28-2009, 05:59 PM
Parent: #57
سلامتك ياسلمى
ربنا يديك العافية
|
Post: #63
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: دورنقاس
Date: 02-28-2009, 06:24 PM
Parent: #61
اختنا العزيزة العزيزة سلمي
سلامتك يابت الشيخ سلامة والله سلامة
ـــــــــــــــــــــــــــــــــــــــــــ
عذراً إن جئت متأخراً فلقد شغلني عنك شاغل
فلقد دهم المغول اراضى الاجداد بحلفاية الموك
|
Post: #66
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: ismeil abbas
Date: 02-28-2009, 07:22 PM
Parent: #63
Quote: والحكيم قال عندها داء الملوك او ما يعرف بالقاوت
سلامات يا سلمى |
نسأل الله له الشفاء العاجل..
شكرآ أخ خالد العبيد
|
Post: #117
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 08:06 PM
Parent: #66
اسماعيل عباس
ياجميل يا حلو الشقايق
املا كاسك واصبر دقايق
اوهكذا قال حبيبى الخليل عليه كل الرحمة
ولا تملا كاسك الا بالحب والامل والحياة
دائما سعيد يارب
لك تقديرى
|
Post: #122
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: عبدالله الشقليني
Date: 03-01-2009, 09:17 PM
Parent: #117
محبة سننعُم بها إن رأينا سيدة الكتابة والفرح : الأستاذة سلمى بنت الشيخ
بألف خير وأتم صحة و تُشرق بالإبتسام كما عودنا قلمها ، و ودها للآخرين
وتضامنها مع الذين يستحقون .
يدها في يد كل نور يخسف بالظلمة .
دوماً هي معنا في طريق الإستنارة ، والفن والإبداع : نهرٌ وبحيرة .
ألف سلامة لكِ يا سيدة من الزمن الجميل ...
محبة لكل من ينقل لنا أنكِ بخير ،
وملائكة الرحمة أن تُبشرنا بأن ابنة سلامة بمليون سلام
|
Post: #133
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-02-2009, 11:45 PM
Parent: #122
عبدالله الشقلينى
يارفيق الحرف
تسلم عيونك
لعلى لن اضيف جديدا ان قلت اننى الان بكامل الصحة
والحمد لله
فقط كان لدعواتكم طيب الاثر بالجد
مارجعت للحكيم لكن عرفت براى
شفت محبة الناس بتجيب العافية كيف؟
لكم محبتة ابدا
|
Post: #68
Title: Re: خالد العبيد
Author: mustafa mudathir
Date: 02-28-2009, 07:46 PM
Parent: #63
يا سلمى إنت عندك حاجة إسمها
متلازمة أيضية.
نوع حركات كدا بيعملها عزرائيل
قبل ما يقول:
"أها كب بح أنقوم نشوف بت الشيخ
دي"
أتصلي بي عشان الضحك ما يشرطنا.
شكرا خالد العبيد على الهيدز أب
المبكر
|
Post: #70
Title: Re: خالد العبيد
Author: خالد علي محجوب المنسي
Date: 02-28-2009, 08:15 PM
Parent: #68
التحية والسلام أخي خالد
وسلمى سلامتك وكفارة وإن شاء كل عضة قاوتايا تنقلب ليك 100$
تنحي وتنحنحي وتعاي السودان
مرة لبن ومرة قاوت الجايا فسيخ
أتخلخلي وتعالي مارقا
تحياتي اختي سلمى والسلام مطبوق ودالعبيد
|
Post: #73
Title: Re: خالد العبيد
Author: عبد المنعم سيد احمد
Date: 02-28-2009, 08:59 PM
Parent: #70
الف حمدا لله على السلامة
وكفارة للزميلة الاستاذة سلمى الشيخ سلامة
وعوافى..نتمنى لك الصحة التامة
والتحية ليك خالد العبيد
وللمعاك فى الغربة قاعدين
|
Post: #76
Title: Re: خالد العبيد
Author: Yassir Tayfour
Date: 03-01-2009, 00:10 AM
Parent: #73
سلامتك يا أم عازة من القاوت..
|
Post: #80
Title: Re: خالد العبيد
Author: خالد عنان عمر
Date: 03-01-2009, 00:50 AM
Parent: #76
تسلم لينا سلومة الطيبة المبدعة
|
Post: #90
Title: Re: خالد العبيد
Author: Mohamed Yassin Khalifa
Date: 03-01-2009, 04:59 AM
Parent: #80
تسلمي يا سلمى من المرض
ويا ستي مرض لاالملوك ده ما بجي إلا لملك
زمان حبوبتي جاها وقلنا ليها إسمو مرض الملوك
إستعدلت في قعدتها... وقالت لينا: وحاتكم المرحوم جدكم ما كان بيناديني غير بملكة
وما أظنك غير تب ملكة!
وتسلم يا خالد
|
Post: #127
Title: Re: خالد العبيد
Author: سلمى الشيخ سلامة
Date: 03-02-2009, 02:15 PM
Parent: #90
محمد يس خليفة
لكم انى ممنونة لهذا المكان الذى جمعنى بكم
لكم انى سعيدة انى بينكم
فوالله لو كان بمكنتى لدلفت اليكم حيث تقيمون
واقمت الى محل تقيمون فيه
فما وجدت احن على منك
لم اجد سوى الاخاء والمحبة التى اتمناها دائمة
|
Post: #92
Title: Re: خالد العبيد
Author: محاسن أحمد محمد
Date: 03-01-2009, 05:12 AM
Parent: #80
يا سلمى ألف سلامة عليك و كفارة وسلامتك و ألف عذيذ كرامتك
وكدى أكتبى لينا حاجة من كتاباتك ألسمحة ديك أكيد حتكونى بخير
وكمان أسمعي ألأغنيةألجميلة دى إمكن إكـون( دستوركم يا أولاد ماما)
ومشتاقين كتير
في غفلة رقيبي
http://www.youtube.com/watch?v=Ea3mWw4X3DQ
|
Post: #129
Title: Re: خالد العبيد
Author: سلمى الشيخ سلامة
Date: 03-02-2009, 02:46 PM
Parent: #92
محاسن يا صديقة عمرى
الله على محبتك وروحك السمحة
دايما جميلة
اصيلة ونبيلة
وفى غفلة رقيبى
رحت ازور حبيبى لقيتو شوية حاسى
متعك الله دايما بالصحة والعافية
خلينا على اتصال
|
Post: #124
Title: Re: خالد العبيد
Author: سلمى الشيخ سلامة
Date: 03-01-2009, 09:55 PM
Parent: #80
خالد عنان
يسلم عمرك ياحبيبنا ويسلم شبابك يارب
يعليك ويطرح البركة فيك
قول امين
|
Post: #121
Title: Re: خالد العبيد
Author: سلمى الشيخ سلامة
Date: 03-01-2009, 09:08 PM
Parent: #73
عب منعم سيد احمد
ازيك ومشتاقييين
ووين الحى بيك؟
واختنا زينب الحويرص برضو قاطعه اخبارا
امرقو علينا
النفاج دا مافاتح
تعالو اشربو معانا شاى كان قهوة
كان ونسة الله والرسول دى
عليكن النمل تعالو
وحات سيدى ما عزومة مراكبية
احلف عليكن
على الطلائع كان ماجيتو
|
Post: #120
Title: Re: خالد العبيد
Author: سلمى الشيخ سلامة
Date: 03-01-2009, 09:04 PM
Parent: #70
خالد محجوب
اصبر لى ياخالد
| Quote: أتخلخلي وتعالي مارقا |
ياخ انا ضرس؟
والضرس زاتو الزمن دا بقى يقع طوالى
هسى نحنا كمان نتخلخل شنو؟
وكان الزول داير يجى اهله ما بخلوه
قال ليك منعونى شوفتك
لانه الجو معكر هناك القصة فيها ملاح كمبو واكامبو اوكامبو
اى ضقلا يقعد فى خانتو
ونحنا بقينا مضقلين يا حبيب
وبعدين تانى الكلام
كان لحقت جيت وما لقيتك والله الا تشوف براك
شوف الجنا المسخوت دا
تجيبنى وتسافر انت
بالله ؟
|
Post: #119
Title: Re: خالد العبيد
Author: سلمى الشيخ سلامة
Date: 03-01-2009, 08:59 PM
Parent: #68
يا مصطفى يا مصطفى انا بحبك يا مصطفى
متذكر اغنية صباح دى ؟
يا دفعة بتكون
منى ما تزعلى دى اغنية "ساكت"
ياحبيب التلفون مافى زول برد
كل ماسالت عليك صدونى حراسك
وحراسك ديل ناس "الانسرنيق مشيين وعار عليك اذا فعلت عظيم" وكدا
يجينى زول يقول لى "ابوالقاسم" مجموعة كمان بزيادة "اس "
اسى كدا كويس؟
اتصلحو معانا ياحبايب
بعدين شنو كلام الدكاترة دا ؟
وحات الله يوم ما فهمت من رطانتكم دى التكتح
احكى ليك قثة
يوم فى المدرسة الشغالة فيها الحية وقاعدة دى
واحدة ام طفل ولدها "رقوه"ما كبوا ليهو موية
بلغة الترقيات "رفعهوه " بتشديد ما تعصر عليهو بنكسر
قامت جابت لى كرت ظريف وهى طبيبة
عاد يا مصطفى يخربنى كان عرفت اقرا حرف
فعليكم الله ما تخمونا مصطلحات
Quote: متلازمة أيضية.
نوع حركات كدا بيعملها عزرائيل
قبل ما يقول:
"أها كب بح أنقوم نشوف بت الشيخ
دي" |
اها متلازمة ايضية دى شنو يعنى؟
بنعرف "ايضية العيد"
لكين دى ما ادونا ليها
وبعدين تعال هنا شنو حكاية عزرائيل دى الجاى تخمنى بيها
عليك امان الله روحى سلبة
لكن مشتهية ود مدنى
ياخ اتصلو وخلى الضحك يفرقعنا زاتو
|
Post: #116
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 07:54 PM
Parent: #63
دور نقاس الحبيب
المغول ماخلو ارث قائم
حيث يعتقدون جازمين ان تاريخنا
يجب ان يبدا من يوم ان اعتلوا حياتنا على ظهور تلك الدبابات
التى احالتنا الى شظايا
نملا سطح الكرة الارضية
وحيث انهم يا صديقى ضد تاريخنا وضد انسانيتنا
فهم يفعلون ما يقطع هذه الاوصال
انظر الى كل بقعة تجدها دمارا شاملا
انظر الى كل مرفق كان حيا احالوه الى رماد
من كان يصدق ان يعود الكتاب للتلميذ مدفوع الاجر ؟
من كان يصدق ان "حبة السلفا" باتت بمبلغ مقدر فى العيادات؟
من كان يصدق ان يرى ما يحدث من عبث فى الوطن الان وتحت اسم المشروع الحضارى؟
ترى اين ذهب المشروع الحضارى الان ؟
وقداستاسدوا على الناس ردحا من الزمان ؟
كل ليل وان طال الى صباح يقشع عنا ما كابدناه من حزن وغم
وانه لقريب
|
Post: #115
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 07:38 PM
Parent: #61
عبد الغفار محمد سعيد
سعيدة بوجودك معانا
ساعة الحارة دى
الله لاوراك وجع مفاصل الروح
الحمد لله خفت بدعواتكم
وكتر خيرك
ما نجيك الا فى السمح
|
Post: #111
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-01-2009, 05:50 PM
Parent: #57
ابو ذر ابو بكر
الشاعر الجميل
| Quote: ما تحومى جنب "اللحوم" جنبك من اللحوم الحمراء |
يا حبيب اللحمة براها بتجينى
ماقاعدة امشى ليها
عارف عندى صديق ما افضلو عليك زول لطيف جدا
اسمه قاسم نصر
قاسم قال لى مرة جايين من المسرح القومى فى امدرمان
وجيعانيييين وما عندهم تعريفة حمرا
وماشين الداخلية فى بانت كدارى
طبعا لازم يمروا بشوايات الموردة
اها لمن بقوا قدام الشوايات والجداد يلف ويدور جوه الشواية
عاين كده واتلمظ ولسانه مطق عارف قال شنو ؟
ـ الجداد ، الجداد، كر
|
Post: #93
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: محمد خليل ساني
Date: 03-01-2009, 05:26 AM
Parent: #1
الزوله اللذيذه سلمى بت الشيخ
الف سلامه عليك والمرض زكاه وكفاره بس خليك حريصه
واعملي حسابك وقللي من مسببات المرض وانشاء الله عدوينك ،،،
ده طبعا لو اصلا في زول بــ يكرهك
|
Post: #94
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: مبارك محمد عثمان
Date: 03-01-2009, 05:45 AM
Parent: #93
سلامتك سلمى
الملوك
وفوك
وذو مال
دى كلها ( عثرات) فى طريق الموهوبين
الف بعد الشر عليك ... انا بس اليوم ( حصلت) على باص ويرد ... وتقريبا بدأت السلام من هنا ... بجيك راجع عشان اسألك من ( صباح حسين)
|
Post: #137
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-14-2009, 10:05 PM
Parent: #94
Quote: الملوك
وفوك
وذو مال
دى كلها ( عثرات) فى طريق الموهوبين
الف بعد الشر عليك ... انا بس اليوم ( حصلت) على باص ويرد ... وتقريبا بدأت السلام من هنا ... بجيك راجع عشان اسألك من ( صباح حسين)
|
مبارك المبروك
تسلم من كل شر
وصباح حسين نحنا زاتنا طولنا منها
كان لقيت ليها خبر ادينا معاك خبر
الملوك ديل منو ياربى ؟
كتر خيرك
|
Post: #95
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: محمد سنى دفع الله
Date: 03-01-2009, 05:52 AM
Parent: #93
صحي الزوله دي
بتاكل بي طرف اصابعه
وطول يومه ماشه داقشه
ومعاها باقة موية الموية عندها اهم من كل شئ
الموية الفيها سر الحياة
حياة سلمى العسل
لكن الزول البياكل بي طرف اصابعينو
مرات بغرق لي جوة
زي الحاجة الكبيرة الكانت في عزومة
قاعدة جنب صينية الباسطه
وكل مرة تمد يدها تشيل من فوق
قالو ليها ياحاجة السكري
ردت عليهم : لالابشيل من فوق
بعد شوية اتلفتت عليهم ،وقالت .
فيها فول وعسل ...
اها صديقتي الجميلة دي بتاكل بي طرف اصابعة
لكن بتعزل الأكل المجيه
اها تكون في الفترة الفاتت دي جيهت اللحم ده
وقام زارها القاوت
لكن السودانيين ناسيين حاجة
الفول من اقوى البروتينات وبجيب القاوت
وطبعا لمن نضرب شوالات الفول اللهطناها
من الخلوة لحدي الجامعة
مفروض كل واحد فينا يكون بنبت فول
وكل سنة نملص من جلدنا قميص زي الدبايب
بتاع خيش
يعني تلقى الواحد منا عندو يوم في السنة
بتاع خلع شوال الفول
وتتغير الأمثال بدل قميص عثمان
يقولوا شوال عثمان
انتو قايلين القاوت ده بجي بس من اللحم ده
ما تقولوا لي اي
سلامتك سلمى
وامريكا كلها كرامتك
محبتي
|
Post: #96
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: اسامة الكاشف
Date: 03-01-2009, 08:57 AM
Parent: #95
ألف لا باس على الأخت سلمى
ربنا يتم عليها نعمة الصحة والعافية
ويطمنا عليها
|
Post: #101
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: khatab
Date: 03-01-2009, 04:09 PM
Parent: #96
قووت مورننق .. سلمى
.
.
سلا متك
.
.
|
Post: #102
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: khatab
Date: 03-01-2009, 04:16 PM
Parent: #101
شوف بالله .. حتى العيا بقى فيهو خيار وفقوس
ناس ملوك
وناس شنو كده ماعارف !
غايتو ..
ناس تتزاوغ من اللحمه بالعدس والفلافل !!
لمن تفحص يقولوا ليها go out
!
سلا متك
.
|
Post: #104
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: khatab
Date: 03-01-2009, 04:18 PM
Parent: #102
معليش يا بت الشيخ
لو كنت قاوت
للهوى زيك
كنت
ضربت ليك
.
.
|
Post: #118
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: كمبورة
Date: 03-01-2009, 08:19 PM
Parent: #104
الاستاذة العزيزة سلمى جل التحايا واسماها
وما تشوفين شر
وكفارة وسلامتك والف الف عزيز كرامتك
نتمنى عاجل الشفاء لك
|
Post: #123
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: عبدالله الشقليني
Date: 03-01-2009, 09:21 PM
Parent: #118
لتكن سيدتنا دوماً بخير
|
Post: #125
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: اسيا ربيع
Date: 03-02-2009, 03:44 AM
Parent: #123
الحبيبة سلمى الف الف سلامة ليك
بس يا بت امي اكلتي لحمنا .. جاك القاوت , وجبتى لينا الكلام
هسي شوفى جنس دا Quote: سلامتك بت الشيخ وبلي راسك يا بت الربيع
|
يعني يا الطيب شيقوق دا نظام انا والكاشف اخوي ولا شنو يعني؟؟؟
عمومآ الف سلامة للحبيبة سلمى .. وانت يا الطيب انسل لابره احسن لك ولاعذر لمن انذر
مع ودي الصادق لروحك الجميلة... ويوم قاوتك ما يجي يا الطيب اخوي
هاك يا سلمى هدية صغيرة كده .. وعاد تانى وين وين اللحمة ديك وين تتلقي.. تم تم تم 
العزيز خالد لك اعزازى وتقديرى
|
Post: #126
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: خالد العبيد
Date: 03-02-2009, 04:41 AM
Parent: #125
|
Post: #128
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: Safa Fagiri
Date: 03-02-2009, 02:22 PM
Parent: #126
ألف ألف ألف
لا بأس عليك يا سلمى
وإن شاء الله ما تشوفي
شر ابدا يا رب..
|
Post: #144
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-16-2009, 03:23 PM
Parent: #128
صفاء الصافية ونقية
يسلم عمرك حبيبة
الحال تعرفى ما سمح
لانه الزول ما بلقى خاترو فى الحاجات البحبها
لكن الله غالب
هسى يعنى الزول ما ياكل لحم اصلا؟
دى ما حاجة صعبة عليك الله؟
الله يجازى الجينات ولحم العيد
|
Post: #143
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-16-2009, 03:04 PM
Parent: #126
يا خالد العبيد
التفاح معانا وكذا عمى البرتكان
لكن انت عارف البروكلى دا زول اقصد من الخضار الماعندنا فى السودان
اها يعنى لو كنت فى السودان اجيبو ليك من وين ؟
لكن الموز دا بياكلوه القرود
الشطه الخدرا بتعمل حاجات ما كويسة
الكمثرى دى ما بطالة
نهايتو اتحولت لكائن نباتى
خلاس ؟
|
Post: #141
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-14-2009, 11:05 PM
Parent: #125
| Quote: ويوم قاوتك ما يجي يا الطيب اخوي |
اسوية
نحنا متين اكلنا لحمكم؟
يعنى العضمين ديلاك حسبتيهن لحمة ؟
يا حليل زمن كنا بنكد العضام بت امى
والطيب دا مالك عليهو جايبة ليهو القاوت ؟
هو ناقص ؟ضعيف ورهيف مسكين
ويوم قاوتكم ما يجى بت امى
غايتو اللحيمات الرسلتيهن ديل اديناهن للجيران
عارفة
لمن كنت فى تكساس الزول الكان مسوؤل المنظمة هرانا لحمة
بجيبا من ناس حلال ديل بقسمو اللحم مجانا
ويشيل ويجيب
ونحنا نشيل ونقسم
الجيران صوماليين وسودانيين ومكاسيك وما ادراك
اظنو هو العملا فينى
الله يسامحو
|
Post: #139
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-14-2009, 10:28 PM
Parent: #102
Quote: شوف بالله .. حتى العيا بقى فيهو خيار وفقوس
ناس ملوك
وناس شنو كده ماعارف !
غايتو ..
ناس تتزاوغ من اللحمه بالعدس والفلافل !!
لمن تفحص يقولوا ليها go out
!
سلا متك |
يسلم عمرك ابو عزة وسالى
لكيييييييييييين
هو غير الفول دا حاجة بتقصر العمر ما اظن فى
ياخ هسى الزول ما ياكل العدس حبيبى؟
عارف بت صاحبنا حمودة فتح الرحمن
عندها حساسية مع العسل
مرة مشو حفلة الغناية بتغنى فى العسل حبيبى
دموعى سالت والمنام ابى لى انا العسل حبيبى
البنية قام جسمها كلو من الحساسية
مشى ليها حمودة وكلمها عشان تقول بدل العسل
العدس ويقينا نغنيها العدس حبيبى هسى العدس زاتو بقى ممنوعات
شفت كيف؟
اختك كمان بقيت ناس خدار ساااااااااكت
لحمة بابو وااااااااااااى منها بت الكلب
لكن الله غالب
|
Post: #138
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-14-2009, 10:12 PM
Parent: #96
اسامة الكاشف
ياخ اسمك دا طوالى بنقلنى للراحل الجميل الكاشف سيد الاسم
لكم اعشق هذا الرجل
كنت كتبت عنه مرة فى هذا المنبر
لكنى لا اعرف اين ذهب ما كتبت
ومازال يحتاج منا كثير تنقيب
فان كان لك به صلة خلينا نفتح ملفه مرة وتانية وتالته
لانه يستحق
كتر خيرك حبوب
|
Post: #130
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-02-2009, 03:24 PM
Parent: #95
السنى ياالسنى طمنى
الفول فولى زرعته وحدى
ياخ الدجاجة الصغيرة الحمراء اكلت فول
لمن نحنا؟
بعدين ياسنى حبيبى ووجدانى
الفول والريد دا فى طريقة نخليهو؟
بالطريقة دى عمك الدمياطى ما اكل نيم
رغم انه مافى نيم فى مصر
وحات فكى القاعة يالسنى خليت الفول
واللحم "دا"
والباسطة دى
بقيت ن ب ا ت ي ة
لكن
شفت لكن دى
بس خليك هنا دقيقة واحدة
الفول كملت الكوته بتاعته فى مصر
لانه مافى زى فول عمك الدمياطى فى القاهرة
وفى اسكندرية محمد احمد
هنا الفول للحصين يا حبيبنا
عجبتنى فكرة قميص عثمان الفولية
وعلى ذكر الفولية رسلو ليك حلاوة المولد؟
مشتاقة ليها شديد
وفى مجال القاوت
انتم السابقون ياصديقى
يا شباب السنى دا عندو قاوت ابو عصاية
|
Post: #131
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: معتصم دفع الله
Date: 03-02-2009, 03:58 PM
Parent: #130
الملكة بت الملوك ..
ألف سلامة ليك إن شاء الله ما تشوفي شر ..
خالد ازيك ..
كيف حالك يا حبيب ..
|
Post: #132
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: osama elkhawad
Date: 03-02-2009, 06:38 PM
Parent: #131
نتمنى الشفاء العاجل للصديقة سلمى الشيخ
المشاء
|
Post: #134
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: نوفل عبد الرحيم حسن
Date: 03-03-2009, 00:01 AM
Parent: #132
الاستاذه سلمي
ان شاء الله زي اسم جدك
سلاااامتك الف سلامه
والمجد عوفي ان عوفيتي والكرم
أجر وعافيه ان شاء الله
|
Post: #135
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: سلمى الشيخ سلامة
Date: 03-14-2009, 09:58 PM
Parent: #93
محمد خليل سانى
معليش يا حبيب البوست دا طفش منى ليهو زمن
غايتو الجاتك فى قاوتك سامحتك
وجاتنا خفيفة الحمد لله
كلو تمام التمام
تسلم يالغالى
|
Post: #136
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: الطيب شيقوق
Date: 03-14-2009, 10:05 PM
Parent: #135
Quote: يعني يا الطيب شيقوق دا نظام انا والكاشف اخوي ولا شنو يعني؟؟؟
عمومآ الف سلامة للحبيبة سلمى .. وانت يا الطيب انسل لابره احسن لك ولاعذر لمن انذر
مع ودي الصادق لروحك الجميلة... ويوم قاوتك ما يجي يا الطيب اخوي |
الزول السمح ما بقول الا السمح
هييييييييييييييع اسوية السمحة
|
Post: #140
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: HAYDER GASIM
Date: 03-14-2009, 11:05 PM
Parent: #136
تسلم... سلمى ,
وشكرا ... خالد.
... مع تحياتي
... وإن تأخرت.
|
Post: #142
Title: Re: سلمى الشيخ سلامة .. سلامتك من داء الملوك .. تعالوا دثروها وزملوها
Author: محمد أحمد الخضر
Date: 03-15-2009, 08:13 AM
Parent: #140
أستاذتنا سلمى
تسلمي من كل شر وأبشري بالخير،
تكفيك يا أختي هذه الدعوات الصادقة.
قال قاوت قال؟!!
كمان واحدين يقولوا ليك نقرس ومرض ملوك وشنو داك.
باالله روحوا كدا واللا كدا.
والدنا رحمه الله كان مصابابه وكناعندما نحاول منعه
من أكل اللحوم يقول:الحكيم قال:ابلع الحبوب وأكل علي كيفك؟!
أنا شخصيا ورثت منه هذه المرض وملتزم بنصيحته.
يعني معقول أخلي أكل البطيخ وشية الفحم؟؟!!
يا شيخة سيبك من دا كلو.
منتظرين طلتك في بوست "مواقف وطرائف في عالم التدريس".
أنت نسيتي واللا شنو؟!
|
|