سلمى الشيخ سلامة في التلفزيون السوداني ....

سلمي في التلفزيون تتحدف عن الدراما السودانية

ومعامصطفى احمد الخليفة

سلمى البتحب الإذاعة السودانية ..لحد الإدمان

سلمى الزولة الوفية للصداقة

سلمى الزولة المليانة حياة وحب وجمال وفكرة

سلمى الزولة الإنسانة ...


والله إني أحبها هذه السلمى ...

شكرا يا لقمان حسن همام

وكل سنة وانت طيب

كلنا نحب هذه السلمى الإنسانة

والفنانة

كانت رائعة

حديثها .. وحديثها عن زملائها محمد السني وغيره

حديثها عن الدراما

عن الواقع السوداني للدراما والمسرح

حديثها عن وعن ... كانت راررررررائعة ..

الوعي والمعرفة والخبرة ..

وأنتِ بألف صحة وسعادة ..

هلا نطمحُ في المزيد من نبضات قلبك

تجاه هذه السلمى المتفردة؟؟..

سلمى لمن يعرفها

بها نبض من رمال كردفان ومدينة الأبيض والتي كتبت سلمى عنها كتابة المحب والصادق ..

بها قدر من الوفاء لمن تعرف وتصادق .. حتى الجماد ..

أحبت الإذاعة السودانية وتحدثت عنها حديث الذي يحب حتى خشبها ..

سلمى الرائعة "هذا الحديث عام ليس عن السهرة"

أما حديث السهرة فقد تركز حول الدراما السودانية ..

لعلها تعود وتواصل احاديثها التي بدأتها هنا ..

القلب النابض ... كل عام وأنت بخير ... لك التحايا
سلمى الشيخ سلامة من العلامات الفارقة في صفحة الدراما والعمل الثقافي السوداني فهي بحق جديرة بالإحتفاء والتقدير لإمكانياتها التي تتجلى في كل مساحات الحركة الخاصة بسلمى في حقل العمل الثقافي الواسع ... تحدثت حديثا العارف بحقائق علمه عمله فلها ولك الشكر ... والود اجزله

الاخ مجاهد عيد الرحمن

كل سنة وانت طيب

التحية ليك ولي سلمى الرائعة ..

Quote: والله إني أحبها هذه السلمى

انا برضو والله العظيم

Quote: انا برضو والله العظيم

ما طالباك حليفة

يا سيجى شكرا على (حبك ) ما تفكر تنسانى ، امس لمن اتلاقينا وقلت ليك ( سرغو موبايلى ) كنت حزينة لانى فقدت تلفونات عزيزة على المهم الر(غم ) ما اتغير لو حبيت تتصل يعنى ، سلام مربع

القلب النابض ايتها الحبيبة لكم اسعدتنىوارجعتىلى بعض امل فى ذاتى بعض حلم كان يبدو لى مستحيلا ان تجد من يهتم بك فى كل هذا الكون الفسيح يا لى من امراة ستحب كل يوم البشر الجميلين مثلك ( على فكرة كنت من مؤسسى الحزب الجمالى ) وما زال فى الروح بعض جمال استقيه منكم ، يا لكم ، يا لى ، اليوم حين مضيت باتجاه الخطوط الجوية التى ستقلنى الى هناك احسست اننى خائفة ، وان على ان انتظر قليلا ، لكنى ما استطعت سوى دفع ما على من رسوم سددت بها رمق التذاكر التى ستحملنى الى بر آخر ، بر لن اجدكم فيه بالقطع لكن الاثير بيننا والحياة فيها متسع لنلتقى ايتها الجميلة فعلا

بالفعل انها رائعة
***********
شاهدتها امس تتحدث في الفضائية السودانية
كانت رائعة : كما تكتب في الصحف ، مجللة بلفحة من الحياء والأدب
هكذا هي سلمى الشيخ سلامة التي التقيتها للأول مرة في شهر اغسطس الماضي
عندما جاءت الى منزلنا في حي الصحافة شرق بالخرطوم
لتعزيتي انا وشقيقتي ورفيقة دربها الصحفية نجاة عبدالسلام في وفاة والدنا رحمه الله
كل المنى والتوفيق لسلمى في محطتها الجديدة بعد سنوات الغربة
-----
عمر عبدالسلام

الأخ عمر عبد السلام

كل سنة وانت طيب ..

انها سلمى ولا ازيد

أحبها جداً

ومن يلتقيها لا يملك غي ان يحبها .. مليانة كلام وحياة وهي تذكر بالأيام السمحة للإذاعة ..

ننتظر اللقاء الجاي ..

القلب النابض لقمان همام عمر عبد السلام ومجاهد يا لكم ، يا لى من امراة ادمنت حب الجميع ، لكننىبالقدر ذاته اقول آآآآخ يا بلد ، حزينة لان كل شئ ليس مثل كل شئ ، اود لو ان هذا البلد الذى امشى على ترابه يحبنا كما نحبه ، لكنهم يزورون كل شئ حتى المشاعر ، لكننا (ما بنخليهو ليهن ) سنظل نحبه ولا نريد ضربه ،حين دعانى اخى وصديقى جعفر للظهور على شاشة التلفزيون ، فى برنامج لم اكن احسب ان احدا سيهتم بمشاهدته ، وافقت على دخول التلفزيون شرطى الاساسى ان اقول ما اريد عن الدراما ولم يمانع اهل البرنامج ، مما اتاح لى فرصة لا تعوض ، فرصة ان التقيكم ايها البشر الجميل ، لكننى زعلانة (منى )لان البرنامج لم ينزل فى الموعد الذى حددوه لى الاهم انكم شهدتموه فلكم الحب ،والله يا احبابى ممتنة لكم، فلكم محبتى وهناك حلقة اخرى لا اعرف متى سيتم بثه مرة اخرى لكم الحب

التحية للقلب النابض
بالمناسبة أنا وللأسف لم أشاهد الرايئعة سلمي علي القناة السودانية
لكني انتهز الفرصة دي عشان اقول حاجةعن سلمي
دي يا أخواننا انسانة بسيطة جدا.. عميقة جدا .. مستنيرة حد الاضاءة
محبة للمعرفة لحد الشره
من قلاءل السودانيات التي تشارك بكل الحيوية في كل مناشط نهرجان القاهرة للكتاب
ليس بالمداخلات فقط
بل كانت تهتم بالتعرف الشخصي على المشاركين ومحاورتهم
لانها تمتلك حساسة مترفردة من الانجذاب نحو كل ماهو مبدع ومتجدد واصيل
فيا شباب لا تستغربوا حيويتها ومعرفتها الغزيرة علي التلفزيون السداني
ده جزء من همها بترفيع مستوى العمل الابداعي في الوطن الجريح
حتى انها كانت تسمو علي معاناتها الشخصية لصالح العام
وبالمناسبة زي ماهي مشعةعلي كل ماهو ومن هو من حولها
نرى أنها أنجبت لنا مبدعة ايضا
فسلام لهما وكل سنة وانتو طيبين

الأخ ياسر بسطاوي ..

كل سنة وانت طيب ..

كلام زي الورد ..

التحية ليك وللأخت سلمى ..وبنتها الرائعة

سلام تربيع

الاخ ياسر بسطاوى ازيك اول حاجة وتانى حاجة سعيدة بالطلة منك ، واشكر للقلب النابض ان جعلت لقاؤك ممكنا ولو عبر النت ، اتذكر الان بصفاء مجلسنا فى المنظمة والمنظمة فى ذلكم المكان فى القاهرة والقاهرة التى اشتاق الان الى رجوع بعض لحظاتى فيها فيما هيهات لكم الود صديقى والمحبة

سلومة

كل سنة وانت طيبة

شهقت حين رأيتك على الشاشة ..

وفرحت شاشتنا

الهدف من هذا البوست انو نقول ليك شفناك وسعدنا يشوفتك ...

وراجين الحلقة الجاية ...

وما تزعلى منك ..

.

القلب النابض
كل عام وأنت وسلمى وكل السودانيين وكل المسلمين في بقاع الأرض بألف خير وكل عام و (نحن فوووووووق).
نعم، ظهور الأستاذة سلمى ، كان دعوة خفية لقلوبنا بعودة (زمن أخضر)، مشحون بالإبداع. زمن كان رائعا في الإذاعة والصحافة. زمن بروعة يحي فضل الله و سلمى الشيخ أحمد سلامة.
ولكن...
رغم فرحي برؤية (جبل البشاشة والإبداع) أمامي، إلا أنني كنت أحس إحساسا (سخيفا) ، مرا مرارة تجربتها السابقة في الخروج من السودان (عبر اريتريا) وفيه طعم معاناتها في ذلك الوقت وفي تلك الرحلة . وليتني لم أقرأ ذلك في مذكراتها.
عادت سلمى وسامرتنا في تلك الليلة التلفزيونية ولكن غابت عنها (حيويتها الإذاعية) التي عرفناها بها. كانت مرهقة الذاكرة، وهذا لا يقدح فيها وهي العائد من (البعيد) بجرأة وقودها حب الناس والوطن. كان الناس يتابعون الحديث - ولأسفي - كنت أتابع تراكم (الأورام) في الهرم الفني و أحاول سبر ( الترسبات) على جدار نفسها.
إن مبدعا مثل سلمى يحتاج لوقت طويل - بعد العودة- لتستعيد بريقها، الذي لم يغادرها ولكن حجبا غطته رغما عنها.
إن إنسانا مثل سلمى لا يستطيع أن يعيش بغير حب الناس ومواصلتهم في المذياع أو التلفزيون.
أتمنى لها إقامة طيبة وأرجو منها الجديد المثير.
إن التي رأيت في التلفزيون أيها القلب النابض ، كانت بعضا من سلمى، الحيوية، الحب والحضور.
لها ولكل أسرتها ألف أمنية طيبة في هذا العيد.
وليتنا نكرم المبدعين.

.

القلب النابض

تابعت الحلقة واكثر ما لفت نظرى

العفوية والتلقائية التى كانت تتحدث

بها الاستاذة سلمى بقلب ينبض بالحب

للدراما وللفن وكانت ارائها جريئة

وجعلتنى اشعر بالفرق بينها ومن ياتى

ليقول كل شىء على مايرام

حتى ضحكتها كانت تاتى ب ( بصراحة )

شكرا للقلب النابض على طرح الموضوع

ولسلمى ، نقول اننا فى انتظار الجزء الثانى

وكل عام والجميع بالف خير

استاذة سلمى هي الوجه الصريح لبلد (حتى النهر ينشق فيها) لكن التلفزيون يصر على تزييف (وش) البلد (بيهن) .. ظهورها على الشاشة أمر طبيعي (لو كانت البلد وتلفزيونا القومي متآلفين) . لكن البلد في وادي والتلفزيون في جيهة .
لذا - يا سلمى - ياريت ما تفوتي اي فرصة دعوة تلفزيونية حتى لو بشروط إنقاذية فـحردان أمثالك يقع للعنكبوت في جرح ويبني بيوتوا في الشاشة بمهلة وهمله . وعقبال نشوف التانيين نفر نفر ..

شكرا للقلب النابض
والتحايا للاستاذة سلمى
وهذا البوست الراقى
اتى الينا بصديق جميل
ياسر بسطاوى
التحايا لك والود

الأخ عبد المنعم سيد أحمد

التحايا ليك وللأستاذه سلمة

وبسطاوي

وكل سنة وانت طيب

الأخ عامر تيتاوي

كل سنة وانت طيب

Quote: تابعت الحلقة واكثر ما لفت نظرى العفوية والتلقائية التى كانت تتحدث بها الاستاذة سلمى بقلب ينبض بالحب للدراما وللفن وكانت ارائها جريئة وجعلتنى اشعر بالفرق بينها ومن ياتى ليقول كل شىء على مايرام

هي سلمى التلقائية العميقة

العارفة روحها بتقول شنو ..


وفي انتظار الجزء الثاني

عامر تيتاوى شكرا على المتابعة ، ولو قلت ما شفت ولا حلقة ما حتصدق ، لانى دايما خارج البيت وما فى تلفزيون فى البكانات البطمش فيهن وزى الشفتها من خلال كلامك ، شكرا صديقى لكين تانى ما اظن يجيبونى فى التلفزيون، قالو عيارى فالت ما بدورونا الناس ديل

الاخ ابو عز البشري

كل سنة وانت طيب ..

كنت بعاين ويفتش بسمع بكل مسامي ومرات اسرح وما اسمع .. اخاف تفوت اللحظة والخوف يفوت على بعض الكلام ..

كنت فرحانة لمن بقيت خفيفة .. دايرة اطير ..

ياريت يا تلفزيون تجيب الناس المعتقين ديل مش في الدراما بس كمان في البرامج واللقاءات ..

سعدنا بها ...

شكرا لي كلامك عن اللقاء وياريت سلمى تقرأ كلامك دا دا

الأخ متوكل توم

كل سنة وانت طيب

شكرا ليك

وفي انتظار الحلقة التانية ..

ابى عزالدين اتفق معك انى لم اكن حضورا مثل الذى يعجب ، لكنى كنت بين اداء الواجب والحب اتوزع ، كنت خائفة من انفلاتى يا عزالدين كنت اخشى ان اتسبب فى قطع عيش من احب ،ابحث عن الاجوبة فى ركام الذاكرة ، لان التلفزيون علمنا ان لا نقول ما يجب رغم ذلك قال لى احد الاصدقاء اننى كنت منفلته فى اجاباتى التى حاذرت ان تكون موضوعية ، حقيقة كنت انت الصائب فلم اكن بحيوية الاذاعة لان ذلك مناخ تتنفس فيه ما تشاء كيفما تريد ، يا عزنا لك الود يبقى وشكرا لك على متابعتك

الاخت الفاضلة القلب النابض
وكل المتداخلين تحياتي لكم جميعا
استمتعت أيما ساتمتاع بالحديث الذي دار في تلك الحلقة التلفزيونية التي تحدثت فيها الاخت سلمى، وحقيقة أسمع عن سلمى منذ وقت مبكر وانا ابن امدرمان ومجتمعات الفنون المختلفة والمبدعين في شتى ضروب الفن والابداع، فكانت فرصة جميلة ان استمع اليها، وأجمل ما في البرنامج ان مقدمه شخص واعي ومحبوب لذا كان النقاش جميل ورائع وتلقائي..
لكن رغم ذلك شعرت بلمسة حزن شديدة حينما تذكرت عزيزتنا الغالية شقيقة زوجتى الاستاذة الفقيدة الراحلة الخالدة نعمات هارون، لأنها تحب المسرح وتؤمن ايمان عميق بدوره في صناعة الحياة، رحمها الله وأسكنها فسيح جناته..
نرجو ان تتكرر هذه الفرصة ونشوف سلمى مرة ثانية..

[

Quote: U] القلب النابض لقمان همام عمر عبد السلام ومجاهد يا لكم ، يا لى من امراة ادمنت حب الجميع ، لكننىبالقدر ذاته اقول آآآآخ يا بلد ، حزينة لان كل شئ ليس مثل كل شئ ، اود لو ان هذا البلد الذى امشى على ترابه يحبنا كما نحبه ، لكنهم يزورون كل شئ حتى المشاعر ، لكننا (ما بنخليهو ليهن ) سنظل نحبه ولا نريد ضربه ،حين دعانى اخى وصديقى جعفر للظهور على شاشة التلفزيون ، فى برنامج لم اكن احسب ان احدا سيهتم بمشاهدته ، وافقت على دخول التلفزيون شرطى الاساسى ان اقول ما اريد عن الدراما ولم يمانع اهل البرنامج ، مما اتاح لى فرصة لا تعوض ، فرصة ان التقيكم ايها البشر الجميل ، لكننى زعلانة (منى )لان البرنامج لم ينزل فى الموعد الذى حددوه لى الاهم انكم شهدتموه فلكم الحب ،والله يا احبابى ممتنة لكم، فلكم محبتى وهناك حلقة اخرى لا اعرف متى سيتم بثه مرة اخرى لكم الحب

سلمى الشيخ سلامة ... ....هذه السيدة الرائعة المهجوسة بحب الناس

والوطن والتي تمقت الظلم والنفاق والكذب وقول الزور.... نحن نحبها

وكل ذرة تراب من أرض الوطن تحبها والله في عليائه يحبها وحبنا لها

كحب الوطن لا ينفع فيه التعدد ولا يسقطه التقادم و لا توهنه عوامل التعرية

السياسية الكاذبة وهو فريضة .. وفي الفرائض فرض عين لا تسقط عن شرفاء

الوطن المتوضئين بطهر حبه وعزة أهله وكرامتهم وحريتهم...

وأنت أيها القلب النابض ما دمت تحبين سلمى فنحن أيضا نحبك ...

فالحب هو أجمل ما نملك ... وهو أنبل ما تستحقانه .....

ودمتما للوطن الرائع الجميل ......




*** فاروق حامد ***

الأخ فاروق حامد


كل سنة وانت طيب

تستحق سلمى كل الحب ..

ولك التحايا





من يعرف موعد بث الحلقة القادمة يخطرنا

فاروق يا روقه ، ازيك مشتاقة اعرفك ، لكن عرفتك (قلت بر آمن ) شكرا لك على ثقتك ساظل يا صديقى وفية لكم ما دمت على وجه هذا الكون

الأخ خالد ابو أحمد

كل عام وانتم بخير

الحمد لله انك تابعت الحلقة

وارجو ان تشاهد الجزء الثاني ..

سلمى مليئة بالحياة

وتجعل الحياة تتدفق على من حولها ..كم احبها ..

تحياتي

القلب النابض
سلام وكل سنه وانت طيبه
ما اروع ما كتبت .
سلمى الشيخ سلامه
انسانه بحجم وطن كامل
وام حنانه يكفي الدنيا ..
التحيه ليها والنحناء لهامتها السامقه

Quote: كم احبها

ود السر!

أيمن تابر

كل سنة وانت طيب


سلام لك

ولسلمى

راجين الحلقة الجاية

ايمن تابر ، الزمان تسعينات القرن الماضى ، المكان القاهرة ، الوقت ينصرم سريعا ،اغنياتكم ما تزال طازجة فى الروح ، ذلكم الفريق الذى كنتم اعضاؤه وسالى حمودة وعزة جعفر والبروفات تنعقد فى مبنى المظمة السودانية لحقوق الانسان ، (مسارب الضى ) ماتزال فى الروح سادرة ، ياسر بسطاوى ،علاء الدين ابراهيم ،وهيبة العميرى ، ما تزال فى اذنى الاصوات ، ماتزال ترن الى هذى اللحظة لكنكم مضيتم ايها الاولاد والبنات كل الى منفاه وما زلت انتظركم ايها الرائعون

سلمى الشيخ سلامه

بريدا واريدا كلاما

على عمر لكم اشتاقك ايها الولد التعيس كلمنى مرةمرة ، غالبا حارجع الشهر دا هناك عندكم ، لكين ما اتحدد الموعد بعد ، لانى مطلوبة ( اقامة ) وشنو كده ما عارفة ليك المهم حنتلاقى فى الولايات الشمالية غالبا

يعنى خلاص مششته تانى تخلينا

بت الشيخ
سلمى سلامه

ليث سلمى أنجزتنا
من غيثارها وشجو الأنامل
لحن القصيد ورهق الشتات


انفض سامرنا


ايا غيمة تمتهن الرحيل
..... ولا ضرار
فأين ماكنتي
يأتينا خراجك


لكم الود
للبلد النبض
ولسلمى السلامة


نورالهادي
الدوحة

على عمر

كل سنة وانت طيب

كلنا نحيها


تحياتي

الغالية القلب النابض
سلامي وإحترامي وإشتياقي
وكل سنة والجميع بخير

أنا صاحب سلمى الكانت في التلفزيون
والله جد وكان ما مصدقاني أساليها

سلمى مش أنا صاحبك؟؟؟

تحياتي للجميع

العزيز بدر الدين حلا

كل سنة وانت طيب

Quote: أنا صاحب سلمى الكانت في التلفزيون والله جد وكان ما مصدقاني أساليها

نحن برضو اصحاب بدر الدين البيجي في التلفزيون ..
وكان ما مصدقنا أسأل العنبة الرامية في بيتنا ..

التحايا والاحترام

متين نشوفك تاني في المسرح

والتلفزيون ؟؟

بدر الدين الجميل اول حاجة كل عام وانت بخير فاجانى صديق ذات يوم وقال انك فى الخرتوم ، فطرت فرحا ، لكنه كان كاذبا اظنها كذبة اكتوبر ، مشتاقة ليك ، اذكر كل يوم صحبة مصطفى وجعفر سعيد تلك الايام الزى اكانت بطعم الحياة اللذيذ ، وكنا فيها مثلنا مثل ا لفراش حبا للحياة ، نغنى من الداخلية الى المعهد ايام كان فى العمارات ونفعل نفس الامر فى طريق العودة فى باص عم محمد وقاسم نصر يعبث بالحياة كانه صنو لها ، هل تذكر قاسم نصر اشتاقه شوقا جما ولك مثله ويزيدابن معاوية ، ليت الزمان يرجع بنا الى تلك الايام العذبة اونعود الى الوطن ذلك الذى كان يشع بنا ونشع به ، الله له ولنا ايها الصديق ، العزيز جدا ، محبتى لك

استاذة سلمى
كل سنة وانتي طيبة
والحمد الله الشفناك كويسة على الشاشة، والحوار كان شيقاً للغاية

يا راكوبة ياراقي ..

الله يديك العافية ياخ

تحية ليك تاني وتحية لي سلومة

بدر الدين الجميل اول حاجة كل عام وانت بخير فاجانى صديق ذات يوم وقال انك فى الخرتوم ، فطرت فرحا ، لكنه كان كاذبا اظنها كذبة اكتوبر ، مشتاقة ليك ، اذكر كل يوم صحبة مصطفى وجعفر سعيد تلك الايام الزى اكانت بطعم الحياة اللذيذ ، وكنا فيها مثلنا مثل ا لفراش حبا للحياة ، نغنى من الداخلية الى المعهد ايام كان فى العمارات ونفعل نفس الامر فى طريق العودة فى باص عم محمد وقاسم نصر يعبث بالحياة كانه صنو لها ، هل تذكر قاسم نصر اشتاقه شوقا جما ولك مثله ويزيدابن معاوية ، ليت الزمان يرجع بنا الى تلك الايام العذبة اونعود الى الوطن ذلك الذى كان يشع بنا ونشع به ، الله له ولنا ايها الصديق ، العزيز جدا ، محبتى لك

سلمى ... فرجينيا ولف السودانية
ومصطفى . . . لوبى دى فيجا السودانى

ولا شنو كلامكى

قاسم قور ازيك يا استاذى اولا انت تعرف ملابسات عودتى لان ما يحدث لا يرضى حبيب اوعدو وتعرفنى لا اعرف ان اتزلف لاحد اما ان تجئ الاشياء بباب البيت عدييييل او لا تجئ وهنا لا تجئ لذلك احسن امشى ولا شنوووا؟

Quote: فاجانى صديق ذات يوم وقال انك فى الخرتوم ، فطرت فرحا ، لكنه كان كاذبا اظنها كذبة اكتوبر ،

أشكرك يا سلمى على الفرح الطرتيهو بسببي وأنا كمان طرت فرحاً بحروفك في حقي وصدقيني عودتي للسودان قررررررررررررررررررررربت باقي ليها53 يوم لو ربنا مد في العمر يعني ممكن تقولي عيد الأضحى ولابد من لقاء بعد العيد

شكري وتقديري

سلمى

Izy ik

أها يا سلمى الليلة وبنعمة من ربي الحلقة عادوها وفي الساعات الأولى من الصباح وأنا شفتها وإستمتعت وضحكت وبكيت في نفس الوقت وحسيت بإني فقدت حاجات كتيرة ومحتاج لتغذية عاجلة فأتمنى تحتضنوني في الإجازة الجاية دي وما تخلوني أرجع تاني للغربة السجم دي

تحياتي

بدر سامى علاهو ، كيفانك بعد دا كلو ؟ طبعا الشكر اجزله للصديق جعفر سعيد على اتاحته الفرصة فى التلفزيون ، لكييييين سعيدى ليلتنا سعيدى لمن شفتك ، ولمن شفتنى ، غايتو كان الله هون بنتلاقى لانى راجعة للبلد العاليات قصورا قريب دا حسى بلملم فى حق التذكرة وربك يهون تعال فسراع عشان تتلاقى الروح مع نديدا لك حبى ولاسرتك

سلمى حبوبة
راجعة وين ؟؟
لااقدر على شكرك ولكن كنت عايز ارد لكن لقيت مكتوب اني زميلك وفرحت لاني كه بكون قدرك ولحم سدرك،، تعالي لابسة في التلفزيون شجرة قرفة ولا شنو طرحه بنية واسكيرت اخضر وحذاء سمني ديل صرفوهم ليك لزوم الرقابة ولاشنو ؟؟ لكن مقدرة الكلام عندك وتوأم الروح مصطفى ماخلى حاجة شكرا لك وكنت عايزك تحضري تجربتي الجديدة في المونو دراما ــ
اغنية الموغاي ــ بعد يومين سوف اعرض في الشارقة حكاية الطاهر وسوف اقدمهافي السعودية
عمان في فبراير مع الموغاي
عملت مختبر مسرحي ( سودانوي ) لعمل مشروع للبحث عن مسرح يتوافق فيه السرد والنغم والإيقاع
وهذا مااضيفه لتجربة السقا..
شووووووووووووووووووق من غير حدود ومحبة وســـــــــــــــــــــــــــلام

للسنى دفع الله حبى الاكيد الذى لن تغيره الايام ولن تعتر له القشة ، تعرف احكى ليك قصة الهدوم المشكبة الكنت لابساها ، عارف فى واحدة قالت لى دى اجمل لبسه ، وانت قلت كلام تانى ، المهم انه لمن قالو فى حلقة تانية ، ما كان عندى غيار لو لاحظت المذيع غير هدومو ومصطفى برضو ، اها اسوى كيف ؟ يا معلم قال ليك فى بت واقفة فى خشم باب الاستديوقلت ليها ادينى طرحتك ، والمنتجة عندها توب فى الشنطة دا اللونو اخدر الشافتو عينك ، قمت لبست التوب الاخدر بدل اسكيرت والطرحة بدل طرحتى ، وطرحتى ذاتا كانت توب ادتنى ليهوسوسن دفع الله قطعناهو يا باشا على طرحتين بس دى كل القصة ، المهم اكتشفت انى ما زولة تلفزيونيةخالس خالس لانى بحب الاذاعة

عفوا
عزرا

اذ ضللت ديار سلمى
ونسيت بطاقة التموين
وتخطاني الدور


فاشواقي زغب
فلا أقل أن أشرب من نز الجداول

ملحوظة
هذه المداخلة
بدون تلوين .... يعني زعلان
ويمين الله مابشرب من البحر

up

نور الهادى يا الهى من اين يجئ هذا الجمال يا ربى ؟ كيف اراك ولا اسمع صوتك ؟ منذ ان غادرت الدوحة وكلى امل ان التقيك فى شارع الله اكبر لكن يبدو انك ما بتجى الا فى الانترنت ، حلوة طلعتك علينا وحلوة الصدفة البيك جمعتنا

الأعزاء أصدقاء سلمر

والعزيزة سلمى

تحياتي لهذا التواصل

اليوم داك زاتو،،

إتصلت بي صديقة من الامارات ،،
و اظنها ما سلمت علي زاتو،،
يا عزة ماما في التلفزيون،،
و بدون خجلة و مع عدم جميعة الساعة ستة صباحاً إلا ربع ديك،،
ماما منو؟
السؤال البعدو ،، اها بتقول في شنو؟
و برضو تضحك
كم يومين تانين مسج طويلة عريضة من سلمي٭ خالتي،،
مسج بي قصصها،،
يعني شكلي انا البراي ما شفتك!!!
.......
اها و إنتي يا سلمي بتمشي التلفزيوون ده ساكت كدي ولا بتقولي؟

يعني كان صبرتي حبة لحدوة ما اجي مالو؟



حقيقي كل الناس السمعتهم إتكلمو عن الحلقة بعد ما شافوها قالو كانت جميلة و ده شي مفرح يا جميل،،
فخورة بيك،،

القلب النابض إنتي حلوة حلا تعرفيها براك،،
دي لفتة انيقة منك،،
لك كبير محبة،،

عارفة يا سوميتة العسل

اليوم داك

انا بفتح التلفزيون قدامي لكن ما بعاين ليهو

وفاتحة النت ..

لما جات الحلقة فجأة اشوف سلمى

الناس قاعدين في الهول بيتكلموا فجأة لقوني بقول ليهم اسكتوا أسكتوا .. بدون لو سمحتو وبدون مقدمات طبعا في النهاية قلت ليهم سوري ..

وسكتهم كلهم وقطعتهم النفس قلت ليهم آسفة والله الداير يتونس يمشب الأوضة ..

وحضرت الحلقة حلها وانا اعد انفاسي لا تزعجني ...

وسعدت حتى تجمدت ...

ولا أدري بعد ما انتهت الحلقة صحبتي اتكيفت وقالت لي احكي لي عن الزولة دي

وقعدت أحكي ليها ..

قامت حبتها برضو

ولقيت ليك روحي في نص الحوار بركز لما ما اسمع يعني بركز لما القى روحي اني مركزة اركز .. علشان ما تطير مني حاجة ..

ليتني سجلتها ..