لك الله ... يا شاعر الشعب

نعم هو طريح الفراش الآن بمركز السكري بالخرطوم بحري .. نعم هو يقاوم أكثر الأمراض لؤماً .. بل وينتصر عليها في كل مرة .. والآن الآن قد إنتصر عليها وسيخرج قريبا جدا إلي داره الواسعة .. دار كل الشعب في الحارة 21 بمدينة الثورة
نعم .. نحن ندعو له في كل لحظة بطول العمر .. ذلك أنه يأتي لنا بكل عنفوان القصيدة المتكتنزة بالآمال العريضة .. لتجلجل الكلمات ولتغطي كل الوطن .. لأنها تتحدث عن الوطن وعن آمال الجماهير في العيش الكريم
لقد ظل صديقنا وأستاذنا وشاعر شعبنا الزاهد جدا محجوب شريف يطوف بنا في دنياوات الوطنية . فكم عشنا معه وهو يتغني مع وردي السودان بالجميلة ومستحيلة .. وكم أنشد لنا مع وردي السودان حتي لجيشنا ( جيتنا وفيك ملامحنا ) .. وكم شهدت له ساحات الجامعات ودور الطلاب وميادين النضال المتسعة وهو يشدو :
حنبنيهو البنحلم بيهو يوماتي
وطن شامخ وطن عاتي
وطن حدادي مدادي
وطن خير .. ديمقراطي
والأستاذ محجوب والذي ظل يصبر ويصبر علي الأذي من كافة أشكال الأنظمة .. لايزال هو محجوب الضاحك الباسم الزاهد .. والذي إن كان يريد نعيم الدنيا لكانت تأتيه في طبق من فضة أو من ذهب - لافرق -.. إلا أنه لم يفكر يوما في بيع قضايا شعبه مثل ماباعها العديدون من أصحاب الثرثرة الوطنية والتبجح المتبلد
نحن نظل نعجب بمحجوب الوطن وبمحجوب الوفاء .. وبمحجوب الذي كم كان يخاطب ويفاخر بشعبه ولم يياس قط حتي اللحظة:
ياشعبا تسامي .. ياهذا الهمام
تشق الدنيا ياما
وتطلع من زحاما
زي بدر التمام
تدي النخلة طولها
والغابات فصولها
ثم يستدير بنا إلي دنيا الوجد والعشق النبيل .. قائلا لها من سجنه ببورتسودان إبان تلك الفترات الحالكة السواد في عام 1977م:
معاكي .. معاني حياتي بتبدأ
وأفتح باب .. ياما إنسدا
أشوف العالم ربوة جميلة
عليها نسيم الصبح مخدة
وبيني وبين النهر عشانك
عشرة بتبدأ
وبين عينيا.. خد الورده
يتبقي مخده
أصالح روحي
تبري جروحي
أهلل بإسمك .. أهلل أغني
وأقيف وأتحدا
أحبك .. أنا مجنونك
***
أديتيتني مشاعر حيه
نسيتيني الزمن الماضي
أريت صادفني حنانك بدري
أو لاقيتك بدري شويه
... نعم لقد هزم حبيبنا وشاعرنا وصاحب القلب الكبير الذي يسع أجمل تراث أهل السودان وتقاليده الراسخة المتقدمة دوماً .. لقد هزم محجوب شريف المرض اللعين .. مرض السكر الذي ظل يلازمه .. وفي كل مرة ينتصر عليه ..
ذلك أن من تحبه الجماهير فإن الله يحبه .. ومن يعطي لشعبه وينشد له بالقيم الجميلة .. فإن دعوات كل الناس له تستجاب بإذن الله
نعم ظل محجوب ضاحكا وهو علي السرير الأبيض ، تحيط به إبتسامات الأهل والأصدقاء وأهل بيته الأوفياء وعلي رأسهم شريكة دربه الطويل الأستاذة أميرة الجزولي ، وكريمتيه مريم التي تخرجت حديثا من الجامعة .. ومي التي دخلت الآن لتدرس الفنون الجميلة بجامعة السودان ..برغم أن الفنون جميلة إلا أنها ليست مستحيلة علي مي شريف
هنيئا لك بالشفاء العاجل دوما يامحجوب.. لتخرج قريبا وتواصل متعة العمل لتنشئة المشردين في أطراف الثورات ولتصنع من الهكر المعجزات .. فالفاقد التربوي في رأيك من الممكن أن يغير الكون .. علي الأقل بأم درمان الصامدة كصمود الشعب في كرري.
وإلي اللقاء بك في دارك العامرة قريبا وقريبا جدا
صلاح الباشا - الخرطوم بحري

قلوبنا مع شاعر الشعب محجوب شريف

تمنياتنا له بعاجل الشفاء

اخونا الباشا ارجو ان تطمنا دوما علي صحته

.

...

ود مريم محمود ..

ومريم ومي بنياتو ..

وتبتبا تبتب .. باكر تعرف تقرا وتكتب ..

ونفاج الخير .. دعاش في الحر الطاعن ..

وود باب السنط ..

حديد القلم البيكتب حرفو ..

ياااااااااااااا رب

يوم بكرة يلاقيك في البيت العامر ..

تزيدو خدار .. وعمار .. ومحبة


شكراً أستاذ صلاح

حمد الله الف علي السلامه

دم معافي * عوفي الشعب

أستاذنا ـ أستاذ الأجيال .. شفاك الله وعافاك ، دعاؤنا من قلوبنا التي أحبتك ـ أن يبلغك الله الصحة والعافية ..
كتيابي

تقوم بالسلامة يا كبيرنا ياجميل يا طيب .

ألف لا بأس عليك ياعم محجوب يا وسيم الإبتسامة ..




...
طلال

شفاك الله وعافاك

و بلغك الله الصحة والعافية ..

الله أكبر الله أكبر الله أكبر وسبحان الله وبحمده عدد خلقه ورضاء نفسه وزنة عرشه اللهم اذهب البأس رب الناس أنت الشافى لا شفاء إلا شفاؤك شفاء لا يغادر سغما اللهم أشفه وعافه واعف عنه و(ص) آمين



منصور

نتمنى له الشفاء العاجل. صانع الشعر. والنفاج.

لك الشفاء العاجل



يامحجوب



سلامتك

معاكي .. معاني حياتي بتبدأ
وأفتح باب .. ياما إنسدا
أشوف العالم ربوة جميلة
عليها نسيم الصبح مخدة
وبيني وبين النهر عشانك
عشرة بتبدأ
وبين عينيا.. خد الورده
يتبقي مخده
أصالح روحي
تبري جروحي
أهلل بإسمك .. أهلل أغني
وأقيف وأتحدا
أحبك .. أنا مجنونك
***
أديتيتني مشاعر حيه
نسيتيني الزمن الماضي
أريت صادفني حنانك بدري
أو لاقيتك بدري شويه

تمنياتي من القلب لقائد حركة الشعر

النبيل بعاجل الشفاء

شكرا أيها الأحباب .. ياصناع الوطن القادم بكلماتكم النديات ... سأحمل كل هذا الزخم من الود وخير الدعاء إلي حبيبكم .. وحبيب شعب السودان الأستاذ محجوب شريف وهو علي السرير الأبيض ؟؟ كل هذه الكلمات الباسقات الشامخات كنخيل بلادي .. سأحملها باكرا في صباح الجمعة الجامعة لأستاذنا وهي مطبوعة علي الورق حتي يعيش معاني دعاواتكم وكلماتكم الرقيقة.. لعلها ترفع أكثر من روحه المعنوية والتي لم نرها قط في الحضيض .. فمحجوب لايعرف اليأس .. فهو يعلم جيدا كيف يقوم بتوظيف أدواته الإبداعية من أجل جماهير شعبه.. فلو كان محجوبا يجيد فن الوقوف علي أبواب السلاطين لكان مكانه الآن في أرقي مستشفيات بلادي .. حتي إن كان ذلك علي نفقة الشعب السوداني .
لكنني أتساءل .. أين منظمات المجتمع المدني التي لانراها إلا وهي تزايد علي تقسيم كراسي السلطة القادمة أو بعد القادمة .. أين الذين يتبجحون بالوطنية والإنحياز لقضايا الجماهير علي صفحات الصحف وشاعر الشعب وشاديه وحاديه يعاني مايعاني
لك الله ياابا مريم
وسنراك قريبا تقطع شوارع أم درمان طولا وعرضا ويجلجل صوتك في أمسيات العاصمة وفي منابرها السياسية
شكرا لكم أحبتي مرة وثانية وألف

Dear Salah,
I hope you're doing well. In behalf of most the Sudanese in the USA, please convey our heartiest feelings and best wishes for quick recovery for Mahgoub Shareef. Can we send anything from here?? Insulin or any kind of drugs might be useful for him?? Please let me know .

الأخ


الأستاذ



ابو الباشا


عليك الله قول ليه


سلامتك... من ناس فلادلفيا...


وتلفون أميره طيلة أمس واليوم


هذا المشترك لايمكن الوصول اليه حاليا


طمنا عليه الله يطمنك

قبل قليل كنت مع الأستاذ .. وأبلغناه تحياتكم ياناس فلادلفيا .. وكمان أعطيناها مداخلات الأمس مطبوعة علي الروق .. فكان زيدا جميلا ودفعة معنوية عالية المقام وهو لايزال علي السرير الأبيض بالمستشفي
ويمكن الإتصال علي تلفون مي محجوب شريف كالتالي
912613503

ياسلا م


يا استاذنا الفاضل

الباشا

كتر خيرك كتير , بفضلك واهتمامك الكريم تحدثناقبل قليل مع الاستاذ محجوب واسرته

وهو كما قلت فى روح معنويه عاليه كالعاده


ويضحك من القلب


ربنا يتمم عليه العافيه

والصحه



وهو قدامنا

حانبنيه البنحلم بيه يوماتى


شكرا جزيلا

نادر جدا ان تجد الصفات التى تشكل منها محجوب شريف فى إنسان واحد. الشاعرية الفذة، التواضع، النضال المتواصل، الزهد،الصمود، المرح والحس الفكاهى، الإنسانية، الرقة و دفء المشاعر.

زاملته حوالى عشرين شهرا بسجن بورسودان مابين 1989و 1991 و كان خير الأخ و خير السند وتعلمت منه الكثير مما أعاننى على تحويل تجربة إعتقالى الى شىء إيجابى اثر يشكل كبير على ماصرت عليه لاحقا.


قال حينما أخذ الى كوبر عقب انقلاب 1989 المشئوم مخاطبا السجن الشهير بوسط الخرطوم بحرى:

جيناك و كنا طلعنا منك مرفوعى الرؤوس
جيناك مرفوعى الرؤوس
افتح زنازينك اهو بنفتح صدورا
ما بتكوس الرحمة
تب ما فينا عرقا فيهو سوس.

عاجل الشفاء لرفيق النضال الشاعر الإنسان محجوب شريف

عاجل الشفاء لاستاذنا الكبير محجوب
وتحايتنا لاسرته الكريمة مريم ومي والانسانة الفاضلة أميرة

وتقبلوا تحيات وتمنيات الاستاذ محمد جبارة للاستاذ محجوب بالصحة التامة

كيف اصبحت




يامحجوب





انشاء الله تمام

أبو مريم
دوام الصحة والعافية
قلوب الملايين معاك

كيف


أمسيت


يامحجوب



ياشاعرا


بالناس



انشاء الله عافيه

جيناك و كنا طلعنا منك مرفوعى الرؤوس
جيناك مرفوعى الرؤوس
افتح زنازينك اهو بنفتح صدورا
ما بتكوس الرحمة
تب ما فينا عرقا فيهو سوس.

تب ما فينا عرقا فيهو سوس.

تب ما فينا عرقا فيهو سوس.

تب ما فينا عرقا فيهو سوس.

تب ما فينا عرقا فيهو سوس.

عزيزنا جميلناعمنا وخالنا
شاعرنا محجوب شريف
مثلما كانت كلماتك زادا نضاليا
لنا
فلتكن دعواتنا زادا لك في الشفاء .


ولتغمرك العافية .

ألف سلامة وكل العافية للشاعر العظيم

والرجل الإنسان

الرجل الوطن

وطن حدادي مدادي..


محجوب شريف

"بي تمن طبنجة..
أحسن الكمنجة..
أحلى شتل منقة..
أحسن الحليب..
إيد وإيد وإيد..
نزرع الجديد"


ألف لابأس عليك يا حبيب الكل

سيف بشير

والله في كل زيارة صباحية أو مسائية - يوماتي علي الله - نقوم بتليغ وتسليم كل هذه التمنيات القلبية منكم لأستاذنا وأسرته وهو طريح الفراش بمستشفي مركز السكري بالخرطوم بحري بشارع المدارس بالدناقله شمال .. حيث لايبعد المستشفي بعيدا عن مقر سكني، لكننا نقول أن الأستاذ محجوب بخير .. لكن لايزال تحت رعاية أسرة المركز لكي يتمكنوا من ضبط السكر بواسطة الأنسولين حتي يصلوا إلي الجرعة المناسبة ، وبعدها يتم إطلاق سراحه ، ونحن نعلم جيدا أنه لا يطيق مثل هذه الحبسة مطلقا .. لكن للضرورة أحكام .
وسنراك في أتم عافية قريبا جدا يامحجوب
من طرائف الأشياء أنني حين أسأل الأستاذ عن قراءة الجلكوز في الدم كم كانت صباح اليوم صائما وكم وصلت أميرة أو البنات يتابعون تطورات نتائج فحص السكر ، وهو مستمر في تحية الناس الذين يكتظ بهم المستشفي يوميا مما إضطر إدارة المستشفي بأن تمنع الدخول بتاتا لغرفته ، فإكتفت العائلة بوضع دفتر زوار في إستقبال المركز، ليتم عرضه علي الأستاذ عدة مرات في اليوم ، وهذا يدل علي عظمة شعب السودان من ناحية .. وعلي حب هذا الشعب لشاديه وحاديه محجوب شريف من ناحية أخري
شكرا لكم وله ودمتم ،،،

والله في كل زيارة صباحية أو مسائية - يوماتي علي الله - نقوم بتليغ وتسليم كل هذه التمنيات القلبية منكم لأستاذنا وأسرته وهو طريح الفراش بمستشفي مركز السكري بالخرطوم بحري بشارع المدارس بالدناقله شمال .. حيث لايبعد المستشفي بعيدا عن مقر سكني، لكننا نقول أن الأستاذ محجوب بخير .. لكن لايزال تحت رعاية أسرة المركز لكي يتمكنوا من ضبط السكر بواسطة الأنسولين حتي يصلوا إلي الجرعة المناسبة ، وبعدها يتم إطلاق سراحه ، ونحن نعلم جيدا أنه لا يطيق مثل هذه الحبسة مطلقا .. لكن للضرورة أحكام .
وسنراك في أتم عافية قريبا جدا يامحجوب
من طرائف الأشياء أنني حين أسأل الأستاذ عن قراءة الجلكوز في الدم كم كانت صباح اليوم صائما وكم وصلت ،فيكون رده : والله ماعارفو .. لكن أميرة أو البنات يتابعون تطورات نتائج فحص السكر ، وهو مستمر في تحية الناس الذين يكتظ بهم المستشفي يوميا مما إضطر إدارة المستشفي بأن تمنع الدخول بتاتا لغرفته ، فإكتفت العائلة بوضع دفتر زوار في إستقبال المركز، ليتم عرضه علي الأستاذ عدة مرات في اليوم ، وهذا يدل علي عظمة شعب السودان من ناحية .. وعلي حب هذا الشعب لشاديه وحاديه محجوب شريف من ناحية أخري
شكرا لكم وله ودمتم ،،،

أخاف الطريق ..
اللي مابودى ليك
وأعاف الصديق..
اللى ما بهم بيك
معاك انتظارى ولو بالكفاف
وعنك بعيد ابيت الرحيل
وبيك اعتزاز الصباح الجميل
جمبع الأغانى اتكالن عليك


هاؤم أقرأوا كتابية
وما أصدقك وما أكذبهم!
ودمت لأسرتك الصغيرة ووطنك الكبير أيها الجسور يا صاحب القلب الكبير

ومكانك صميم فؤادالسودانيين في الوطن والمنافى ودمت ذخرا
جنى

إلي أصيل الدواخل
إلي شاعرنا الهمام
ألمحجوب عنه كل بلاء ألشريف النقي
وكما قلت لك قبل دقائق في محادثتي الهاتفية معك بالمستشفي
شرك مقسم علي الدقشم
وتسلم لنا من كل بلاء
فكم نحن أحوج لمثلك ومثل نضالك وطهرك وعفافك في هذا الزمن الردئ أبو مي
متعك الله بالعافية
أبو الباشا أشواقي حين تسعي إليك تشتاق

أبنك د متوكل
واشنجطن

الامنيات بالشفاء العاجل لشاعر الشعب محجوب شريف

خضر

تمشي و ما بتطاطى
ما بين ليل و شاطى
نهارا مع السواقى
و ليلا مع الطواقى
و عمرها للجاهل

والنهر عبر السنين
ينحت بعمق و بلين
يحمينا حضنو الامين
فارس بسيوفو السنين
نطلع بكتفو الشمال
ننزل بكتفو اليمين
لكنو مين يقدر يقول
انا سيدو مين

لك العافية يا ضميرنا الحى فى زمن البيع العلنى

قبل يومين , وبعد كتر فراق , اتكلمت مع عمر ادريس ..
قلت ليه شايفك مشيت البلد .
استعدل عمر الحكى :
و... ومشينا لناس محجوب واميرة و جبنا سيرتك ...
وحضرت سيرتكم الشامخة فى القلب , فوح عطور , انفجارات فى الصدر , زى الواجبات تجاه الوطن وذكرى الاصدقاء .
اتذكر كنت اكاويك بدرويش واقول ليك :
" ويجيئوك الفقراء لاخبز لديك ولا دعاء , ينقذ القمح المهدد بالجفاف .
ستقول شيئا ما ..."

صل على النبى . انا كفاية على كباية الشاى دى.

ولكن علي ايام الفيضان والخبز معدوم , جيت انت للفقراء امثالنا من قاطنى الحارة 13 وفى ايديك كيس مليان رغيف , وندى فى الراح والروح , ومسعى زميل. لم يكن فى مستطاع امى ان تحبك اكثر مما فعلت - وسيرتك مع امى اقدم من الخبز واقرب للوالدة يامريم – وامى امرأة قادرة على الحب بعد الاطلاق .
كنت اعتقد انه كان على الدرويش ان يعيد كتابة قصيدته, او يخاطبك علنا بالاستثناء . فقد ولدتك امك وانت كامل الاعباء , ومن الحادث قبلت امهات الشيوعيين اعباء بنياتهم و وليداتهم.
ومى فى الجامعة !
لما شفت مى اخر مرة كانت عمر شهرين او اقل . اميرة كانت فرحانة باتسامة مى الشارقة فى جوانب البيت , المشرقة فى جوانب النفس , و توريها زول زول . عمرها اقل من شهريين وتصادرك ببساطة , ببسمة . ومريم هى البترسم , مش كده ؟ مى تصادر الروح ببسمة ومريم تردها برسمة .
اذكر فى السجن , كنا بنستهبل عليك , انا والهادى جمعة . ,نديَن منك سجاير , وكنت عارف اننا مستهبلين ,انو سجايرك لاحقه جمالك - اقصد جمايلك- مبذولة للرفاق وساير الناس , ومى كانت موافقة وابتسمت عن قصد فى اقل من شهرين .

اَه .. الناس السكر
ياللغرابة !!
كنا بنسعد الهادى وانا وساير الناس فى اقترابنا منكم , عامليين فيها الحالة واحدة , وانت الشاهق كالمطر , ندفأ برشاقة العشرة ونتبوبر .

تجى اميرة من المدينة عشان نمشى الاجتماع ..
- مالك زهجانة ؟
- محجوب ماشى اخر الدنيا عشان يشارك فى ليلية سياسية , مارق نص النهار عشان ما يتاخر , و الزملاء ديل ما عيزين يرسلوا عربية !
- هوى زولك ده بكون قاليهم : لا ما فى مشكلة .

يا جبال المهام .. يا حدائق , مشرعين بالحلم , واصلين فى السكة
ياناس يا سكر

تدب نأمة .. فى خاطر الحياة .. تشيل من عيون الناس حكايا .. تدخل خاطر محجوب .. تمرق صورة ..
تدب نأمة .. تمرق صورة
كل قصيدة هى بعض من بيان .. يكتبه محجوب شريف .. اسمه البيان الشيوعى فى السودان .
يا ناس محجوب
والله مشتاقين
وياخى بعد الشر عليك .
عصام على

الصمود


(إلى سجن كوبر)


محجوب شريف




جيناك وكنا طلعنا منك نحنا مرفوعي الرؤوس
جيناك مرفوعي الرؤوس
أفتح زنازينك
أهو بنفتح صدوراً ما بتكوس الرحمة تب
ما فينا مرقاً فيه سوس
بل فينا عرقاً من جذور الشعب عشقاً لا يداس
نحنا بندوس على كل من داير يدوس
نحنا بندوس..
جيناك وكنا طلعنا منك عنوة كدة واقتدار
تشهد ترابيسك هديك وهدا الجدار
نهر الجماهير العميق جلجل شديد الانحدار
زلزل حديد الانكسار
إمتدّ حولك واستدار
وملا الطريق
فاذا بأسوار الضفاف وسواعد الناس النخيل
حملتنا أمواج الهتاف في ذلك الصبح الجميل
حملتنا أمواج الكفاف ومدامع الفرح النبيل
الغدر ما ببقى انتصار
والانكسار ده المستحيل
المستحيل .. المستحيل
أسمعنا يا ليل السجن
نحنا بنحب شاي الصباح
والمغربية مع الولاد
والزوجة والأم الحنون
والأصدقاء وإلى اللقاء
واللمة عند الأمسيات
والتكية جنب الأغنيات
والقدلة في السوق الكبير
نتمشى نغرق في الزحام ملء العيون
بنحب كده ونعشق تمام
إلا بنكون قدر الثبات
ضد السكات
ضد السكون
ضد التسكع والجنون
جنباً إلى جنب التماسك والحنين
أفتح زنازينك أهو بنفتح شبابيك اليقين



(سجن كوبر ديسمبر 1989)




سلامة يا أبو مريم ومي
ياحبيب شعبنا
وعاجل الشفاء

أخاف الطريق ..
اللي مابودى ليك
وأعاف الصديق..
اللى ما بهم بيك

معاك أنتظاري
ولو بالكلام



عاجل الشفاء لملهم شعبنا المحجوب شريف

" كان محجوبآ فى كوبر لأنه شريف"
بشرى الفاضل عقب انتفاضة مارس ابريل 1985

وكان الاحرار فى العالم من الشعراء والكتاب يتابعون انتهاكات حقوق الانسان فى السودان منذ 30 يونيو 1989 وحتى الان. فى نوفمبر 1990 كان عدد من الكتاب والشعراء السودانيين فى المعتقلات، وكان من ضمنهم محجوب شريف الشاعر والمعلم. لم يسكت احرار العالم، فكتبوا وتضامنوا، وفضحوا الانتهاكات وكتبوا البيانات وسيروا المسيرات. هنا نموذج من ذلك الزمان، وعينة من اولئك البشر الحقيقيين.

--------------------------------------------------------------------------------· Newsletters · Gallery · NYR Books
Volume 37, Number 17 · November 8, 1990
Email to a friend

Letter
WRITERS IN PRISON
By Allen Ginsberg, Arthur Miller, Edward Albee, Faith Sale, Grace Paley, Hortense Calisher, John Irving, Larry McMurtry, Leon Wieseltier, Rose Styron, Susan Sontag, William Styron

To the Editors:

As members of PEN American Center, we write to call attention to grave freedom-to-write violations in Sudan, and encourage other writers to lend their voice to an international campaign to bring about the restoration of fundamental human rights in that country.

Until a coup which took place on June 30 of last year, Sudan had one of the freest presses in sub-Saharan Africa. As documented by Africa Watch and other human rights organizations, at least nine writers are now imprisoned, without charges, under degrading conditions of confinement. They include Writers' Union leader Kamal al Gizouli, poet and teacher Mahjoub Sharif, Al-Ayam editor Mohamed Mahjoub Osman, Al-Midan editor Tijani el Tayeb and al R'ay al Amm editor Mohamed Medani Tawfiq. Where a year ago there were forty independent newspapers and journals, now only three government-sponsored newspapers are permitted to publish. The government must approve all travel by journalists.

We have called upon the Sudanese authorities to release all those imprisoned for exercising internationally protected rights of freedom of expression, and to permit independent newspapers to re-open. We urge other concerned writers to do the same. Appeals may be addressed to His Excellency Lt. Gen. Omar Hassan al-Bashir, Head of State, Defense Minister and Commander-in-Chief, Army Headquarters, Khartoum, Sudan.

Edward Albee
Hortense Calisher
Allen Ginsberg
John Irving
Larry McMurtry
Arthur Miller
Grace Paley
Faith Sale
Susan Sontag
Rose Styron
William Styron
Leon Wieseltier
PEN American Center
New York City

الامنيات للشاعر الوطني الرجل العظيم الاب (العمرو ما قال طق) محجوب الشريف
بالشفاء .. والعودة الي مكانه الذي سيظل ممتلئاّ بالفراغ ..

متوكل

المجد عوفي اذ عوفيت ...

دعواتي الخالصة لشاعر الشعب والسودان
الاستاذ محجوب شريف بعاجل الشفاء والصحة ..
وليحفظ الله الشاعر الكبير ..ويجعل كل ذلك في ميزان حسناته ..
والله وحده يعلم كم اكن لك من الود والحب والتقدير ...
فكلماتك ستظل ابدا بلسم الروح ...وشفاء المجروح ..مترعة بالحب
لهذا المسمى السودان ...وللغلابه من اهله ..وشوارعه وترابه ونيله وصحرائه
وعوافي ..

الاكرم ابوا لباشا تحية طيبة وعبرك عاطر السلام وارق الدعوات والامنيات للشاعر
الكبير بالصحة والعافية ..ولك تقديري ،،،

يامحجوب


الأستاذ صديق عبد الهادى , والدكتور عز الدين سليمان بخيت...من فلادلفيا

بقولوا

ليك


كفاره وسلامتك


وليك العافيه .....والشفاء التام



والشكر مكرر للأستاذ ابو الباشا

الاسم الكامل :انسان..الشعب الطيب والديه
المهنة :بناضل بتعلم..
تلميذ فى مدرسة الشعب
والمدرسة فاتحة على الشارع..والشارع فاتح فى قلبى
وانا قلبى مساكن شعبية..



الف لا باس عليك..شاعر الشعب

الف سلامة لشاعرنا الكبير

Dear Salah,
I hope you're doing well. In behalf of most the Sudanese in the USA, please convey our heartiest feelings and best wishes for quick recovery for Mahgoub Shareef. Can we send anything from here?? Insulin or any kind of drugs might be useful for him?? Please let me know

فوق

ربما بعد خمسة أجيال من الآن سيسأل أحد أحفادنا هذا السؤال

من هو عمر البشير?

وسيجيب ذاك الحفيد:

أظنه أحد الذين حكموا السودان في عصر الشاعر محجوب شريف

لك الشفاء عاجله ولك المودة والأشواق إيها الإنسان النبيل ومعلم الأجيال

والتحية لك أستاذنا ودالباشا وأنت تتابع الآن مع محجوب رحلة الشفاء
وتضعنا معك عبر هذا البوست ليتابعه الجميع بقلق و إشفاق .. ونحن الذين نظن أن سوداننا دوما بخير طالما ظل أمثال محجوب شريف بخير

أنا مابحبو !!


بكرهو جدا !!


هو سخيف جدا !!

لو ماسخيف ماكان بيمسك فى جسد هذا الرجل النبيل الغالى ..محجوب شريف !!


ايوة بكرهو جدا .. مابحبو .. هو سخيف ....لانه اسمه المرض .. ولانه مسك فى جسد هذا الرجل الشريف


ربنا يشفيك ايها النبيل الغالى ..الشاعر الشفيف محجوب شريف ..

ولو كان المرض امرأة لقتلتها من أجل ان اخلص جسدك الطيب من عذابها

تسلم ابو الباشا
تحياتى لاسرتك الراقية وابنتك الرقيقة سموحة

وتحياتى لشاعر الشعب وارجو ان توصل اليه اخر دواوينى مشكورا ..

حبى وتقديرى دون حدود للشريف محجوب شريف ..

لك الله ... يا شاعر الشعب


قالت

البنيه .....ابوى تمام

قالت

امها .....الدكتور قال فى شوية التهابات فى الصدر ...ولازم يتعالج منها...عشان كده

لسه ما مرقونا ...ده كلو من رطوبة المعتقلات ....ومحجوب ذاتو مابهتم بى صحتو ....لكن انشاء يوم يومين ونمشى البيت

رطوبة المعتقلات
رطوبة المعتقلات
رطوبة المعتقلات
رطوبة المعتقلات
رطوبة المعتقلات
رطوبة المعتقلات



ودونا لى
شالا
عزتنا ما شالا

كوبر , بور سودان, شالا, وبالعكس ...كل سنين العمر ....وأجملها يامحجوب ....الزنازين

والجوع ....واللهفه على الناس


يلاك يا أدم نتقادم





ر
ط
و
ب
ة
ا
ل
م
ع
ت
ق
ل
ا
ت

الاستاذ ابو الباشا لك التحايا والاحترام
الف الف سلامه ليك شاعرنا الشامخ شموخ بلادى
لا باس عليك .. ان شاء الله اجر وعافيه ..
الامنيات لك بدوام الصحه والعافيه
ما زلت اذكر اللقاء الجميل ..
فى ساحة الاحفاد.. لحظات جميله جمعتنى بك واستاذنا ابو الباشا
وان شاء الله على وعدى لك قريبا نلتقى فى مركز عبد الكريم مرغنى
لك تحياتى وتحايا ود الجنيد وامنياته لك بدوام الصحه وموفور العافيه
التحايا عبرك للاسرة الكريمه

Up

...تفج الدنيا ياما وتطلع من زحاما

زي بدر التمام

تدي النخلة طولا والغابات طبولا

والايام فصولا والبذرة الغمام

قدرك عالي قدرك يا سامي المقام

يا ملهم رماحك سناها الصدام

أمدر والطوابي في صدرك وسام

ملامح كم تسامح تغضب لا تلام

همه وعبقرية.. ذمه وفنجرية

ضد العنصرية وتحلم بالسلام

فداك وفي حواك يا مدد الكلام

عفوك انت ورضاك وبرنا ليك تمام

وبحلم في حداك بي حسن الختام

دَينك كم علينا منك والدينا

واجمل ما لدينا..

من يوم السماية.. ومن قبل الفطام

منك كل حته في الخاطر صبابا

جنبك نبته نبته نكبر نحن يابا

نسألك انت وانت ورينا الاجابة

علمنا الرماية والحجا والقراية

والمشي في مهابه في الضحى والظلام

قول ليهو نادية قالت ليك حمد لله على السلامة بعد ماطلعت فى البيت

وماتنسونا من الكرامة

الاستاذ الشاعر المرهف

محجـــوب شريـــف ..

حبيناك من قلوبنا .. وهويناك يا حلو

ظللت اتابع منذ فترة ليست بالقصيرة مع بعض الشباب الحلوين من بورداب الخرطوم و شقيقي المهندس عثمان احمد عبد الله خاصة .. الذي كان يزوره مع بقية البورداب بشكل يومي لأطمئن على صحتة (القمة، الوطن) الحبيب شاعر الشعب محجوب شريف وهو طريح مركز السكري بالخرطوم بحري ولله الحمد يتماثل محجوب شريف إلى الشفاء،،
لك الله يا محجوب شريف مثل هذه القامات يجب ان ترعى ويحافظ عليها حتى لا تأول إلى السقوط ولا اظنها تفعل، فمثله سيبقى في (حدق العيون) واسمه محفور في اعماق قلوب ووجدان الشعب السوداني .. شفاك الله من هذا المرض اللعين، وانشاء الله ما تشوف شر ..

امـــــــــــــيـن
غادر أستاذنا محجوب شريف السرير الأبيض