مشوا

يوم والصباح مرتاح
مشوا
اتلاقوا في شارع بعيد
اتسالموا و اتونسوا
بعيونو صلح طرحتا
بي أيدا سرحت الغمام
أتبخر الهم و انتشوا
رك الحمام في المصطبة
صحت المدارس والنوارس والندى
ضحك المدى
في يوم مريح
قالت: بحبك
وقال: بحبك
و بس
مشوا....!

********************

يوم مر
بعدو شهور مشت
أتلاقوا في الشارع البعيد
ما أتونسوا
قالوا السلام فتران
نسوا
لا عيونو لمست طرحتا
ولا أيدا لامست الغمام
المصطبة من غير حمام
قالت :تعبت
و قال: خلاص
و بس
مشوا....!

فاضلابى الزول الممتع

ياخى انت زول حلو شديد

بس ماقلت لى وين الغيبة دى(فقدناك وإشتهيناك)

ممكن الحنها ؟؟؟؟؟؟؟؟
عليك الله يا محمد

يا سلام يا طارق أنا لاقيك وين
لكن غاندي لحنها قبال كده في السودان
لو ما عندك مشكلة مع المسألة دي
لحنها

تسلم يا ألذ عثمان

ياسلام عليك ،،،،
وسلام ليك با فاضلابي
وتاني سلام عليهم لما يتلاقو في المره التالته عليك الله يا فاضلابي اعمل على لقاهم
ذكرتني الدوش له الرحمه ،،
لك الشكر
فيصل عباس

اخونا الفاضلابي
يا اخي لمست وترا حساسا في دواخلي بنضمك المدهش اعلاه
وبقول ليك زي الاخ بهاء بالله اعمل ملحق واجمعهم تاني عارف ليه؟؟؟
عسي ولعل وعشمنا كبير
اشكرك واشكر شعرك Not your hair.
ومتعك الله بالصحة والعافية

الله يجعل أيامك كلها صحة ومحبة يا أسعد

الدوووش
ياخ ده مقام عالي
الله يعلي مراتبك

بي أيدا سرحت الغمام

اتبخر الهم وانتشوا


متــــــــــــــــــــــــــــــــــــــين

اشوفك ويتبخر الهم وانتشي

قريب يا صاحب قريب
المقطع التحت عن عقد الجلاد أنا عارف سنده
القصيدة اسمها حصار
سعد الدين ابراهيم
ألحان أبو ذر عبد الباقي

ياريت ...

عاين العيد علينا وعليك يتبارك

عارف

ناس عقد الجلاد عملو شريط جديد موش عارف

لكن انته ما عارف انو شبكه بقه غناااي شديد وبقول كده

(الاماني الوساع العواجــــــــــــــــــــــــــــز)

بجرها ليك جر

اسمعني بعدين مع الشوق

شعرك ده سمح طوااااااااااالي ليه

أيواااا
معانا كدة ،داير تجرسني مش
وساع و لا عواجز أنا ما بجي هسع

يوم مر
بعدو شهور مشت
جاب الطريق نسمتا
خطـاهو سبقت خطوتـا
هشت وانتشت
ولي ايدو طارت طرحتا
فرح الحمام
ضحك الغمام
والمصطبة زادت بهجتا
قال: أحبك
قالت: ما كفا*
وبس
مشــــوا !!!

فاضلابي يا شفيف
ياخ ماتضيف لي المقطع دا "عليك الله"
والله انا بكره النهايات الحزينة دي موت

تسلم يا فاضلابي وكل سنة وانت طيب



* ما كفا يعني ما كفاية

وأنا كمان قاعدة هناااك
مستنية في المصطبة،
وراجياهم!
تسلم
إيمان

بهاء
أٍٍسعد
ايمـان

ما جمعتهم ليكم .. كان فاضلابي وافق نعمل الزفة
ونغني غنوة العيد والفرح
ايه رايكم؟

صلاح / شتات

اسمعوا كلكم كان صاحين ولا كان قريتوا كلامي دا بكرة
ملحوظة
كل سنة و انتوا طيبين

اقتراح
تدفعوا كم و ارفع ليكم الكلام دا مغني؟؟؟

عمر قال ليك والصور الوجيهة
حمد الله علي السلامة

أسمعني يا منقة
انشا الله أيامك كلها عيد

ترجي السمح انشاالله
كل سنة وأنتي طيبة

شتات خالي محطات
ده شعر جميل
لكن خليها كده،عشان شبكة ما يزعل مني

hellol my dear old friend
..................
what's up my negre
..............
as i know you personally since the intermediate school at ALAHLIA ,iam not surprised with your works of art
.................
but honestly you have some downs ,
...............
this is up
...................
shereef

قريتها لا هلى ..بصوت عالى ..

تعرف عملوا شتو بعد داك.؟؟؟


مشوا...


وانت يا شريف ود محمد شريف على..الممثل والمخرج ومدير المسرح لحقبة من الزمان "الابلج".
صاح؟؟؟


الف الف تحية..ولوالدك السلام..

تماضر الفردة
كل سنة وانتي طيبة
بختي البتقراني تماضر
وبتقريني لى أهلها
تسلمي
عليك الله تعالي بوستاتي دي طوالي

hey wassap man
i didn't know that you are sherif till i saw the photo
you are getting skiny man what's wrong
but any way you look good
every body have ups and downs
thanx god this is up
thanx for passing by

ya ustaza tamador
...........
about my father yes ,and thanks for inquiring about him.
.................
i like very much this quote and quote . the fact of the matter is i like it when using the two hands in describing something ,it is now a new trend ,every intellect use his hands in a quote and quote style to impress others
.........................
i also acknowledge the hidden meanings of it (alkhabeeesssa
...................
"also i see the business of being "shaikh
is booming ,but i have a feeling that youu are one big loser in that arena
...............
i hope you got me
.............
shereef

ايها الشاب المحترم شريف

ساحتفظ لك..بالاحترام..وحسن المقاصد..من اجل ما جمعنى بوالدك الكريم..من روابط فى الفن..وفى الحى..والمحنه..


اذا شئت ..بلغه عنى السلام.

..So many familiar names in here but non of them

مشوا...

walid

thanx for passing by

شعرك وناس وجميل جدا..
ولسة ماشين في طريق..
لا ودى لا جاب الوطن..
والمسافات طولت..وعيونا ماشايفة الفريق..
لمتين حنمشيك يا محن..

علاقتك شنو بصديقي الفاضلابي في زيورخ ..شكرا ليك و كل سنة وانت طيب..

توفيق زيادة

شهر 8 الفات كنت معاهو في زيورخ
صاحبك ود عمي
شكرا على مرورك

..

بالفعل قد مس وتر حساس .....

فبعد اللقاء فراق ، و ذكري مؤلمة ف ابتسامة ...
كتقاطع طرق ، كالمفرق ....
فنسلك دربنا ، و الابتسامة تعلو...سلاحنا و قوتنا ....

فما العمل إن كانت قوة المشاعر هي سبب الفراق.... أيعقل ..


بالفعل قد مس وتر حساس .....

888

تعرف يا فاضلابي..
دي المرة الكم ما عارف دخلت البوست الجميل ده ومشيت..
وأقول يا ود رد المرة الجاية!! يعني بس سببا يجيبني راجع وكده..
كل سنة وإنت طيب..وحقيقي تبدع الجميل الما إعتيادي..
تعود الأيام.

سلام فاضلابي

Quote: بعيونو صلح طرحتا بي أيدا سرحت الغمام

دي الجندريات مشوها ليك كيف ولا يكون صلح الطرحة خايف عليها من ناس النظام العام واكيد ماقاصد انو الرجال هم البحددوا مواصفات جمال البنات
القصيدة جميلة ياريت تنزلها بصوت دكتور قصي بمصاحبة ماجيك

فى شتاء العناصر
الرخام موسيقانا
تسطع الاشياء من شدة الحب
والا كيف رايناك ..... فيما تغادر.

فاضلابى ، كل سنة وانت طيب . لم يتثنى لى الرد عليك فيما سبق , واخشى ان يداخلك الزعل منى معتبرا ان اللاوداعات التى سرقتك من الخرطوم هى ما يقف بيننا . مذيعة ما فى قناة الجزيرة قالت بشكل عرضى ان درجة الحرارة فى اوسلو ناقص واحد واع

فى شتاء العناصر
الرخام موسيقانا
تسطع الاشياء من شدة الحب
والا كيف رايناك ..... فيما تغادر.

فاضلابى ، كل سنة وانت طيب . لم يتثنى لى الرد عليك فيما سبق , واخشى ان يداخلك الزعل منى معتبرا ان اللاوداعات التى سرقتك من الخرطوم هى ما يقف بيننا . مذيعة ما فى قناة الجزيرة قالت بشكل عرضى ان درجة الحرارة فى اوسلو ناقص واحد واعتبرت ذلك رسالة اذ تزكرتك، وبينماتعيش هناك وتكتب وتحيل كل النظام الاوربى المنكوب الى فوضى لا تعنى لى تلك المدينةالا شيئا غامضا اسمع عنه فى النشرة الجوية؟ فانظر الى ما وصل اليه الاصدقاء. خلى بالك من نفسك .

نجلاء
لاحولاااااا

فاضلابى : شنو كلو ما اسلم عليك تحوقل وتستغفر ؟ مشتاقين . خلى التخلع شوية وورينى اخبارك . الماسنجر كيف معاك ؟حدد لى زمن عشان الروحة ما تحصل ... عمر اخوى بسلم عليك ...وانا بسلم على حسين ورجاء واسامة لو لسه بتلاقيهم .

نجلااااااء
نجلااااااء
نجلااااااء
و الله مشتاقين شدييييد
حسين و رجاء اسامة و زين
جاينكم قريب
رسلي لي تلفونك في رسالة هنا في سودانيز دي
لا حو لاااااا

الأخ /الفردة

مقاطعك جميلة وجديدة وبالفعل فيها شئ من الدوش كما خيل لي أيضا .. هات قصائد تانيه, مع تحياتى.

Quote: بعيونو صلح طرحتا بي أيدا سرحت الغمام أتبخر الهم و انتشوا

مشينا مشينا
ابعد خدر من شعرك السمح ده
و ابعد انت من نجلاء بتنا دى بالمناسبه انا ولى امرها البوردى
حتجينا متين؟؟
امسك فى سوكا ده قوى ده ود زى الورد ومن اندنا
سلام

شكرا يا حسن الجزولي
ويا عصام
أنقول ليك :خدر دا موضوعو أنتهى خلاس،مسكين عرس،بعدين نجلاءدي من متين يا أخوي بس ما تشوفو ليكم بت شايقية خدراااء وكتابة وسمحة مرة مرة الا تتكسروا
غايتو جنس حركات
أسمع ما تجيني أنت في أوسلو
والله أعمل ليك حاجات كتيرة خلاص