Post: #1
Title: زينب
Author: mohammed alfadla
Date: 03-11-2004, 01:09 PM
Parent: #0
زينب الي ابراهيم الجريفاوي (1) زمان... كنا أطفالا،وسماوات ! كنا اذ نلهو نرسم أشجارا وشموسا في الرمل و أنا أرسم زينب (2) في المدرسة تعلمنا أشياء كثيرة كيف نعد و نكتب بلدا ولدا بنت.. أتهجى: زاي،ياء،نون،باء كانت زينب كل بنات ( كتابي الأول) (3) وحين غدونا أكبر في قديم الماء قبل أن ندري عن الكيمياء كان طعم الماء أفضل (4) وقبل أن يدرسوننا عن الأفلاك كانت السماء أجمل ...... غامضة كانت كشفوا عورتها بالعلم (5) كل الأشياء تبهت حين كبرت الا زينب ظلت زينب فاكهة ليالي الحزن سرقتها الغابة مني ذات زجاج و مضت عني لكني كنت أبادلها الأمواج أسمعها حتى لو غنت في أبعد أرض ممكنة أبعث يوميا كل دمي كل طيور البحر وعصافيري ليديها... حجاج (6) طالت أيامي و أنا في المنفى (المنفى...كل مكان لا تنظره زينب) طالت جدا و ألتهم الشوق دمي (7) في الشمس تنبت أزهار ونجوم تشبه زينب في السوق تمشي قربي زينب في المارة و السيارات ألمح زينب 8 ...... زينب زينب يا زينب...! و تآكل حلقي كثرة ما ناديت. (9) كلو ما فتشت عنك في البنات سموني صعلوق كلما كلمتهن عنك يفوتن ليه تدسي الشوق في واحدة والصوت .... في واحدة والموت.... في واحدة طيب انتي وين و ألقاك متين (10) يا ربي أبقاك؟ أبقى أنثى و أحبني ولا حلقاك؟ (11) آه لو ألقاك لو بس ألقاك و أحنس ضوك في الجوف يتلما و أسقي الغيمات منك جغمة...! وأتراقص تحت أمطارك نجمة (12) أنا طير هواك مسروق من الأسطورة من حجوة بلاد الأولياء وخدام نبيذ الله مدسوس في القدر والجو..! (13) و عايش في البلاد وحداني هذي العتمة رامية عليا شي يوطانـي ما شكاي وشكوى رفاقي يوت في أضاني شايل الشايلو،دونما أختارو ماردات الهموم حاباني حين الوجعة تنزل في حشاي تلقاني.. ثابت والوجع من غيظو كم سباني يا بت السما الفوقاني خيت المطرة و الألوان وست أحزاني ساكت عن هواك حين من سماك رماني ساكت ومادي ليك الروح لحاف و أغاني كاتلني الجواي والعبرة بيك خانقاني الا وقت لقاك حالف بمسكو لساني لا صرحت حدي اليوم أغني و أعاني لا جنيت ولا غبيت ولا فات يوم هواك وختاني (14) كلما الليل صب حبرو على الأفق تبقى هذي القمرة سر..! هي مغنطيس الروح هي كل هذا السيل من الأحزان الى فرشي هي أغنيات الخيل اذا هربت الى آخر أرض في الأرض سرا كي تموت أو لو بكت تحت السياط أو من تعب أو تحت وطأة وزن حزن العربجي (15) حوافر الخيل أصابع الجو اذا يطرب و ينقر بأصابعو الأرض..! (16) و دم الخيل صديق دم الصحابة الماتو في الغزوات جليسهم اذ يخالط دمهم دم الخيول والطين ويونس غربتم بعد الحرابة تموت (17) يا السكوت لما أجمل غنوة تبدا يا كلام أعصابي لى أعصابي لما تغني فيروز أو أموت...! 18 أنا و الليل نديد شعرك بنتونس عن الريح والهموم و يديك و نرجاك كل يوم في الليل زي الموت مصير محتوم بنستاك (19) مصير الحي يلاقي... و يموت.! محمد علي الفاضلابي
|
Post: #2
Title: Re: زينب
Author: doma
Date: 03-11-2004, 01:28 PM
Parent: #1
اها لبيك اناجيت
|
Post: #3
Title: Re: زينب
Author: Tumadir
Date: 03-11-2004, 01:39 PM
Parent: #2
تبقى انثى ليه؟؟ انت بس تبقى فاضلابى وتكتب شعر متدفق زى ده من ترابيز الجبال. يكسر..ويغتى وديان العطش .. لما انعام القبيلة تقول كفاى ..وتدفق ضروعها لبن...وعباد الشمس يتبسم ساااااى مع الاهتو المشرقه الواضحه القويه..وابزيم الزهر يفتح اكاليل ,... من جميع الاتجاهات وشححححححح..برق اللقا يقدح....
|
Post: #8
Title: Re: زينب
Author: mohammed alfadla
Date: 03-11-2004, 03:37 PM
Parent: #3
و أنتي دي البقاك تماضر شنو الأداك القلب ده منو و الفهم ده بس أشمعنى عشان نعاين لى كلامك ده كل مرة وروحنا توجعنا شديد الله يسامحك
|
Post: #6
Title: Re: زينب
Author: mohammed alfadla
Date: 03-11-2004, 03:34 PM
Parent: #2
doma بالله هو انتي شوف... كيف تمام
|
Post: #4
Title: Re: زينب
Author: مراويد
Date: 03-11-2004, 02:18 PM
Parent: #1
شححححححح يبرق وانا قلبي ينتح تحححححح
|
Post: #9
Title: Re: زينب
Author: mohammed alfadla
Date: 03-11-2004, 03:38 PM
Parent: #4
سلامتو قلبك يا حبيب الله لا يتحتو ليك
|
Post: #5
Title: Re: زينب
Author: Ibrahim Algrefwi
Date: 03-11-2004, 03:24 PM
Parent: #1
ساحكي لكم حكايه:
وحينما نما الورد تسرب يداه , عادةً اي حينما يبتسم الشارع هي خطاه , حكايا عن الشوق , له صديقي, للنصوص التي تتفتق درايه بادوات الكتابه وموسيقاها وجماهيريتها , في ذاكره عمقتها الحياه والتجارب وحفرتها الالوان ذاكره طيبه ومثابره وذوافق مفتوح للمعرفه بعمقها لا اليومي والاجتماعي أفق جمالي وفذ ذاكره خصبه ابتسامه عاليه بدفء الامهات انها ذاكره وافق وابتسامه
محمد علي محمد عثمان محمد علي أحمد الفاضلابي
ونغني لود القبائل سيد الراي والفهم!!!
,,,, ساحكي لكم الحكايا...
محمد: (عندي ليك كلام سر شديد)
|
Post: #10
Title: Re: زينب
Author: mohammed alfadla
Date: 03-11-2004, 03:42 PM
Parent: #5
ان حكيت يا صاحبي ساحكيك لهم عن صاحبي الذي يعرفه الجميع الزملاء،الشعراء،الانمائية،الأصدقاء،بحري،أمدرمانوالحسناوات سأحكي لهم حكاية بطعم شوقي للقعدة معاك أحكي و أنا سأفعل
|
Post: #7
Title: Re: زينب
Author: nada ali
Date: 03-11-2004, 03:35 PM
Parent: #1
Quote: ليه تدسي الشوق في واحدة والصوت .... في واحدة والموت.... في واحدة |
la hawlaaaaa
|
Post: #11
Title: Re: زينب
Author: mohammed alfadla
Date: 03-11-2004, 03:44 PM
Parent: #7
ولا قوة الا بالله شفت زينب دي بتاعة حركات كيف يا ندى
|
Post: #12
Title: Re: زينب
Author: nada ali
Date: 03-11-2004, 04:08 PM
Parent: #1
بتاعة حركات خالص ندى
|
Post: #13
Title: Re: زينب
Author: mohammed alfadla
Date: 03-11-2004, 06:02 PM
Parent: #1
لكن الله في يا زولة حتمشي من ربنا وين
|
Post: #14
Title: Re: زينب
Author: mohammed alfadla
Date: 03-12-2004, 06:38 PM
Parent: #1
-
|
Post: #15
Title: زينب
Author: omer ibrahim
Date: 03-12-2004, 06:57 PM
Parent: #14
زينب بي صوتك ............ ............ بتتلون
والله جد
زمااااان...
كنا أطفالا،وسماوات !
و ذات لقاء .. قرأت و قرأت و غنينا سويا .. متذكر؟؟
حينها كان طعم شعرك اكثر غموضا .. كنت تقرأه انا ادري انك ود ....
ولا اقول ليك بلاش ...
ملحوظة: الشوق شققنا
|
Post: #25
Title: Re: زينب
Author: mohammed alfadla
Date: 03-13-2004, 07:19 PM
Parent: #15
عمر يا... شنو و كده و زاد وجدي الشوق ...لاحولاااااا
|
Post: #43
Title: Re: زينب
Author: Ibrahim Algrefwi
Date: 03-15-2004, 05:50 PM
Parent: #15
عمر الحاجات مش جات , هم قالو لي كده
|
Post: #44
Title: Re: زينب
Author: omer ibrahim
Date: 03-15-2004, 06:04 PM
Parent: #43
فاضلابي معليش علي شيل حتة زينب
قرمبا يا جاز اللمبة
سمعت اليمني قال القالليك بلدنا امان .. روج اكبر اكذوبة القال ليك ماهو جعان .. اداك صورة مقلوبة؟ سمعتوا ولا لا ؟؟
قلت لي قالو ليك الحاجات جات ؟؟ كلمني هسة القال ليك كدة دا منو و انا امشي اديهوا ليك دقة تمام. جات؟؟
علي رأي المثل الصيني القديم
جات الحزينة تطرب ملقاتلاهاش سي دي
|
Post: #45
Title: Re: زينب
Author: Ibrahim Algrefwi
Date: 03-15-2004, 06:24 PM
Parent: #44
عمر يا سي دي يا مولاي يا رسول الله
ديل ناس أسه ديل
تاني بوريك
لكن انته عرف اسه انا وين؟؟؟
|
Post: #16
Title: Re: زينب
Author: nada ali
Date: 03-12-2004, 07:52 PM
Parent: #1
Quote: لكن الله في يا زولة حتمشي من ربنا وين |
انت حاتدعى عليها كمان؟ ندى
|
Post: #26
Title: Re: زينب
Author: mohammed alfadla
Date: 03-13-2004, 07:21 PM
Parent: #16
يا ندى يعني عاجبك البتعمل فيهو بت الناس ده
|
Post: #17
Title: Re: زينب
Author: Ibrahim Algrefwi
Date: 03-13-2004, 02:52 PM
Parent: #1
الحكايا ...ذات مره
محمد علي ...ذات مره أوغل حثيثاًُ دخل القلب ولم يغلق الباب , فانسحبت اثره قبائل الشعروالالوان , ومطرق التشكيل واشجار الموسيقي , وكامل البحر والضحكات الضحكات الطيبه ,,وفي ذات المره حين دخل من الباب خرج الاسئ والقبح من النافذه... تراه يحمل ورده في يسراه وفي اليمني قبل طفل طفله....في تمام اللون!!!
|
Post: #27
Title: Re: زينب
Author: mohammed alfadla
Date: 03-13-2004, 07:25 PM
Parent: #17
الحكايا ...ذات مره يحكى أن أبراهيم،أقترب جدا،حتى ظننت أن الصاحب كلمة ترادف أسمه، قيل أنه الوقت ينداح اتساعا للوراء..كل ثانية كل تجربة و كل خطوة مع صديق
|
Post: #18
Title: Re: زينب
Author: Ibrahim Algrefwi
Date: 03-13-2004, 02:54 PM
Parent: #1
الحكايا ...طين اللون
قدرالحب كلو ..كانت مساحاتك ,,والالحان مشاويرنا ,,محمد خطاك علي الارض ووشمها في الذاكره جبنه ام سكر خفيف ...أزرق ,,أزرق وما بك داء فيروز ولما النجوم في الليل تنوم .. الناس ديل سمحين شديد ..البحّار , بورسودان سمحه موش كده ,,,لما النجوم في الليل تنوم .. لحن الحياه , والجامعه وا تذكر لمن رسمت سعيده؟؟وو لما النجوم في الليل تنوم,,والحب ان تغمض عيناك وتري.....,
اتشربك الهواء في الشدر!!!
|
Post: #28
Title: Re: زينب
Author: mohammed alfadla
Date: 03-13-2004, 07:36 PM
Parent: #18
الحكايا....طين الأشجار،التي تخضر في مكان ما...بيننا عندما،في كل جمعة،يجمعنا مزاد بحري نجلس في منزل حاتم سيف وسحر سيف،ونبدأ أيقاظ هذه النعرة في كروموسوماتنا،لعنة الانتماء ذو الحدين يقول حاتم: بحري الهوا بحري الدوا أحمد قاسم،مركز القلب وأبراهيم ود أمدرمان،يضحك كما يجب الضحك،كأن السماء تتنصت بحة صوته تلك... يا الله أعدني ذات يوم هناك يا الله يا الله
|
Post: #19
Title: Re: زينب
Author: Ibrahim Algrefwi
Date: 03-13-2004, 02:56 PM
Parent: #1
الحكايا ...وعود من العاصفه
حين صارت الارض منبع افكارنا ,,راودتنا السماء عن صدرها,,,وكيف الذي تشتاق اين انت يا مرشد الخطي ,, انا دونك محض احتلام,,وبقايا دمع ,,,او تدرون ان بعض الثقوب المضيئه علي الجدار...انها مساهمه واضحه,,لثقب نافذه من فعل فاطمه وشم محمد علي الفاضلابي....
|
Post: #29
Title: Re: زينب
Author: mohammed alfadla
Date: 03-13-2004, 07:47 PM
Parent: #19
الحكايا ...وعود من العاصفه وعود من النسيم
وأنت،هناك تزرع الشوارع ذاتها بخطاك أحلم برفقتك يعصف بي الحنين،أنظر في عيونهم الزرقاء ،و أرى البحر ثم أسمع الرجل يغني (لماذا أسلم للبحر أمري و أمنح للريح أيام عمري وهل في البحار سوى العاصفات تروح بلؤم وتغدو بغدر) أمشي في شارعهم المغسول جيدا،غالبا بيدي حالم ما جاء من افريقيا ، يحلم بالمال ،و بالسترة و الكسرة أنظرهم و ينظرونني لست بينهم يا صاحبي لست بينهم...!
|
Post: #20
Title: Re: زينب
Author: Ibrahim Algrefwi
Date: 03-13-2004, 02:57 PM
Parent: #1
الحكايا... كلام سر الرجل ذو العينين الجميلتين ,,الوزير ..ياخ بس اصبر لي,,,,اللوحه ,,,زرقاء جدا كسماء الطائره.
|
Post: #30
Title: Re: زينب
Author: mohammed alfadla
Date: 03-13-2004, 07:51 PM
Parent: #20
الحكايا... كلام سر أحمد مطر قال: في البلاد الأجنبية يصبح اللص زعيما للنوادي و لأوكار الفساد وفي بلادي التي من شرعها قطع الأيادي يصبح اللص رئيسا للبلاد !
|
Post: #21
Title: Re: زينب
Author: Ibrahim Algrefwi
Date: 03-13-2004, 03:00 PM
Parent: #1
الحكايا ...العجله
يامحمد ياخ انا رادفك؟!!!
|
Post: #31
Title: Re: زينب
Author: mohammed alfadla
Date: 03-13-2004, 07:53 PM
Parent: #21
الحكايا ...العجله قرمبوز ياخ انا رادفك؟!!!
|
Post: #22
Title: Re: زينب
Author: Ibrahim Algrefwi
Date: 03-13-2004, 03:00 PM
Parent: #1
الحكايا ...الوعد
ما هذا الذي ينمو ..الاصحاب ..مترسه الحياه ..هي ثقتي فيك كأحد فرسان الرهان هي ثقتي التي تنمو
|
Post: #32
Title: Re: زينب
Author: mohammed alfadla
Date: 03-13-2004, 07:54 PM
Parent: #22
هو الحلم هو أنت داخلي
|
Post: #23
Title: Re: زينب
Author: Ibrahim Algrefwi
Date: 03-13-2004, 03:01 PM
Parent: #1
الحكايا ...شوق
بالجد بكره اتاخر ومشتاق ليك
|
Post: #33
Title: Re: زينب
Author: mohammed alfadla
Date: 03-13-2004, 07:55 PM
Parent: #23
................... ................... ................... ................... ................الله
|
Post: #24
Title: Re: زينب
Author: Ibrahim Algrefwi
Date: 03-13-2004, 03:08 PM
Parent: #1
حول النص
صيروره زينب\ خطاب الصفاء
تواتر السرد الشعري وتحقيبه بنيان جمالي وشفاف من دون ان يؤثر في موسيقي النص ..التي من الملاحظ انها _أي موسيق النص_ حافظت علي ايقاعها حتي في لحظه كسر جغرافيته من الفصيح الي الدارجه دون اثر مخل في البنيان والاحظ جنباً الي جماليات الصوره الشعريه عند محمد الفاضلابي ,تنوع المناخات النفسيه التي تتنقل فيها من عوالم النص بتراص ادبي ينم عن حس شعري صادق ومعرفه والمام بالكتابه...
زينب الصفاء حوار الذات والاخر ,الامل الانكسار , الحتميه .........الحب
الصيروره
**( محمد اخوك كيف موش نقاد ,اكتر حاجه عاجباني انو النص ده فيه وعي بيئ متقدم جداً فشكراً جداً علي الاهداء يا اصلي
|
Post: #34
Title: Re: زينب
Author: mohammed alfadla
Date: 03-13-2004, 07:59 PM
Parent: #24
دينااااك ده شنو ده نقااااد... جنس نقد محمد أبراهيم عديل كده
بعدين زي ما قلت ليك أنا برى انو البيئة دي حاجة تمام جدا
|
Post: #35
Title: Re: زينب
Author: dreams
Date: 03-13-2004, 08:37 PM
Parent: #34
جريفاوى وفاضلابى
بس بعاين بى عيونى
تسلمو والله
|
Post: #36
Title: Re: زينب
Author: DEEK_ALJIN
Date: 03-13-2004, 08:49 PM
Parent: #35
الدهشه صادرت كل التعابير
وحلاوة المجادعه خدرت يباس المنبر
وزينب ... كل بنوتنا الرهاف
اليدفقن العشق جواك ويغلبك مقاومتو .. وتفوت ولهان
تسافر من بلاد لبلاد وزرات الحنين تبراك
شكرا للاستراحه
ديكو
|
Post: #38
Title: Re: زينب
Author: mohammed alfadla
Date: 03-13-2004, 10:09 PM
Parent: #36
شكرا يا ديكو على الوقفة معانا الله يخضر أيامك و ضراعك قول يامين
|
Post: #39
Title: Re: زينب
Author: mohammed alfadla
Date: 03-13-2004, 10:09 PM
Parent: #36
|
Post: #37
Title: Re: زينب
Author: mohammed alfadla
Date: 03-13-2004, 10:07 PM
Parent: #35
تسلم انت وعيونك وتعاين للسمح لامن تفتر
|
Post: #40
Title: Re: زينب
Author: Ibrahim Algrefwi
Date: 03-14-2004, 02:59 PM
Parent: #1
أحكي ليكم القصه السمحه دي
محمد ده لامن كان صغيروني كده وجاي من الفاضلاب عندهم جارتهم رسلتو
قالت ليه: محمد يا ولدي أمشي جيب لي عيش من الفرن
قام قال ليها :سمح
ومشي جاب الرغيف وجاء...
قالت ليه: يا محمد اقعد اتغدي معانا
قال ليها : لالالالا( بتاعه بدقوني ديك) واذكر كلام ناس بيتهم بتاع(ياود ما تاكل عند الناس وشنو موش بقولو كده زمان![](http://www.sudaneseonline.com/db/smilies/smile.gif)
فقالت ليه : خلاص أقعد نعمل ليك سندوتش
سندويتش دي طبعاً حيرتو ليك حيره شديده !!! ياربي ده يكون شنو ده!
فكر قال انا ما اشوف السندوتش ده انشاءالله يدقوني ذاتو!!؟
قال ليها كويس جيبيهو !!
مشت وجات شايله السندوتش من هناك شافو ,,جاهو ليك احباط اساسي
وقال ليها بحرد: أأأأأأأ حشوه !!! مــا داير ياخ ![](http://www.sudaneseonline.com/db/smilies/smile.gif)
صا حبي ده موش لذيذ عليكم\ن الله
*(الحركه دي\ن عامل فيها جندر)
|
Post: #41
Title: Re: زينب
Author: Ibrahim Algrefwi
Date: 03-14-2004, 03:00 PM
Parent: #1
|
Post: #42
Title: Re: زينب
Author: mohammed alfadla
Date: 03-14-2004, 06:38 PM
Parent: #1
أيوااا معانا بالأشاعات كمان تمام يا زول ،البادي أجمل
|
Post: #46
Title: Re: زينب
Author: Ibrahim Algrefwi
Date: 03-15-2004, 06:25 PM
Parent: #1
ما صاح شنو
بعدين كدي روق وأشرب ليك مكويه من رضا ده
[IMG]
باااااااااقط موش,, اشمال ابرد لكن
|
Post: #47
Title: Re: زينب
Author: Ibrahim Algrefwi
Date: 03-16-2004, 01:37 PM
Parent: #1
خلو البتاع ده فوق ديل شنو ديل
|
Post: #48
Title: Re: زينب
Author: mohammed alfadla
Date: 03-16-2004, 08:37 PM
Parent: #1
aywaaaaaaaa ma3ana beljiris kaman sami7
|
Post: #49
Title: Re: زينب
Author: tmbis
Date: 03-17-2004, 09:59 AM
Parent: #48
انتو الاتنين بتحبو زينب الواحده دي بس .... والا انا مالي ؟؟
|
Post: #50
Title: Re: زينب
Author: mohammed alfadla
Date: 03-17-2004, 07:43 PM
Parent: #1
ياسلام عليك يا صاحبي القديم لنج بعد ده تعبت معاي
|
Post: #51
Title: Re: زينب
Author: khider
Date: 03-17-2004, 09:05 PM
Parent: #50
Quote: (13) و عايش في البلاد وحداني هذي العتمة رامية عليا شي يوطانـي ما شكاي وشكوى رفاقي يوت في أضاني شايل الشايلو،دونما أختارو ماردات الهموم حاباني حين الوجعة تنزل في حشاي تلقاني.. ثابت والوجع من غيظو كم سباني يا بت السما الفوقاني خيت المطرة و الألوان وست أحزاني ساكت عن هواك حين من سماك رماني ساكت ومادي ليك الروح لحاف و أغاني كاتلني الجواي والعبرة بيك خانقاني الا وقت لقاك حالف بمسكو لساني لا صرحت حدي اليوم أغني و أعاني لا جنيت ولا غبيت ولا فات يوم هواك وختاني |
يا ولد خلي الطرطشة البتسوي فيها دي و اكتب اكتب شعر جميل زي دة
Quote: أنا و الليل نديد شعرك بنتونس عن الريح والهموم و يديك و نرجاك كل يوم في الليل
|
دة كلام غريب
|
Post: #53
Title: Re: زينب
Author: mohammed alfadla
Date: 03-18-2004, 05:18 PM
Parent: #51
حاضر سعادتك أحلامك أوامر يا طارق
|
Post: #52
Title: Re: زينب
Author: Ibrahim Algrefwi
Date: 03-18-2004, 11:45 AM
Parent: #50
تمبوس دينااااااااااااااااااااااااااااااك
جنك تعمل الحاجات السمحه يا خ اخو وديني
|
Post: #54
Title: Re: زينب
Author: Rawia
Date: 03-18-2004, 05:20 PM
Parent: #1
محمد ازيك
|
Post: #55
Title: Re: زينب
Author: mohammed alfadla
Date: 03-18-2004, 05:26 PM
Parent: #54
وين يا جكس مشتاقين
|
Post: #56
Title: Re: زينب
Author: Rawia
Date: 03-18-2004, 05:28 PM
Parent: #1
جكس دى لى انا هاهاها
حاجاتك سمحه وبتذكرنى ايام جميله
|
Post: #57
Title: Re: زينب
Author: mohammed alfadla
Date: 03-18-2004, 05:36 PM
Parent: #1
والله ليك ونص وخمسة مالك يا أختي ما جكس زي العجب،و الما عاجبو،عنو شكرا أنتو ديل السمحين الله يقدرني وأذكرك الأجمل طوالي
|
Post: #58
Title: Re: زينب
Author: Rawia
Date: 03-18-2004, 05:51 PM
Parent: #1
taslm
|
Post: #59
Title: Re: زينب
Author: Ibrahim Algrefwi
Date: 03-20-2004, 01:02 PM
Parent: #1
ما شكاي وشكوى رفاقي يوت في أضاني شايل الشايلو،دونما أختارو ماردات الهموم حاباني حين الوجعة تنزل في حشاي تلقاني.. ثابت والوجع من غيظو كم سباني
|
Post: #60
Title: Re: زينب
Author: Ibrahim Algrefwi
Date: 03-20-2004, 01:03 PM
Parent: #1
ما شكاي وشكوى رفاقي يوت في أضاني شايل الشايلو،دونما أختارو ماردات الهموم حاباني حين الوجعة تنزل في حشاي تلقاني.. ثابت والوجع من غيظو كم سباني
الكلام ده ماتش للدين مع الغنيه بتاعه تمبس الشغاله دي
لوووووووووووووووووووووول
|
Post: #61
Title: Re: زينب
Author: mohammed alfadla
Date: 03-20-2004, 06:54 PM
Parent: #60
أها بعد ده طارق قال شين
|
Post: #62
Title: Re: زينب
Author: Dia eldin khalil
Date: 04-08-2004, 01:39 PM
Parent: #1
algasiiid bitzakirna bel 7agaat ya fadlabiiiiiiii
|
|