الرووووووب

يا شباب الغربة دي حااااارة و انا متجرس شديييييد
و محتاج للنصح و المؤازرة
ومحتاج لي قراصة تعملها لي فاطنة خليل أمي
ولي قعدة شمار مع سارة و خلود أخواتي
و لي شكلة مع عبير الفاضلابي أختي برضو
ولي ونسة مع أيهاب رحمة ود جيرانا
ولي تليبة حيطة و أنا راجع من حفلة عقد الجلاد و أبوي يقول لي أنت أصلك ما حتبقى زول مسؤول
ياخ الرووووووووووب عديل كده
ما تشوفو لينا حل يا شباب

اخوي محمد
بركة الجيت سالم وربنا يبل الشوق

الرووووووووووووب دى ما بتحلك شوف ليك وشوف لينا معاك حاجه تانيه
تنفع

تعرف يا فاضلابي
اجازتي للسودان قبل شهرين دي لقيت اصحابك كلهم
وقلت ليهم الفاضلابي عايش احلي ايامه
كان عرفوا جرستك دي الضحك شرك

الرووووووب ؟؟

ياصديقى ما ذالت رائعا

بنحبك وانت بتكورك

زماااااااااااااااان اول ما انت جيت البورد انا سالت سؤال وتانى بسالو ..... انت كيف متحمل بعدك عن الخرطوم ؟؟؟

لا اعتقد ان السمكة يمكن ان تعيش فى البر ...

مكانك الطبيعى هناك فى الخرطوم وشوارع الخرطوم مع اولاد شمس وفنانى السودان وشباب جودة .. وفى كافتيريا الصخور وكل الرائع فى بلادى .. (عاطف خيرى - بهنس - الصادق الرضى وغيرهم وما انسى العزيز الصادق عثمان اللزيز)

ولكن مع هذا كله يجب عليك الصبر قليلا حتى تستطيع اخذ ما يفيدك فى حرية الحركة ما بين الخرطوم واوسلو ...

نفتقدك كثيرا ايها الحبيب الغالى ...

يا سلاااااااااااااااااااااام ما اجمل ضحكاتك

ودمت

محمد ادريس

بالمناسبة مالك مختفى ؟؟؟؟؟؟؟؟؟؟

اهي هي هي

قرقرقرقرقرر قرقر

اللهم لا شماته!!!! محمد هاهاهاه قرقرقر

الاخ العزيز محمد: السلام عليكم ورحمة الله وبركاته
وبعد
كيف حالك واحوالك فى هذه المدة الطويلة والتى لا ينقصنا فيها الا سوى عدم رؤياكم الغالية علينا. الجميع بخير ويسلمون عليك بدون فرز .
الاخت المواطنة : نجلاء
ملحوظة : بدل الكواريك لم القروش والحق حفلة فيروز قالو فى فرنسا .اخير يمشى واحد فينا من نموت كلنا بى مغستنا . الا زلت تزكر السيدة ؟ غنت لى امس :
رجعت فى المساء كالقمر المهاجر
حقولك السماء حصانك البيادر
انا نيست وجهى
تركته يسافر
تالا لا لا لا لا لا لى لا
تارارا را تى رارا رى رارا
سافرت البحار لم تاخذ السفينة
وانت كالنهار تشرق فى المدينة
الريح تبكى تبكى فى الساحة الحزينة

اعرفو يا حبيبى تم تم تم
انك ظلون مائل تم تم تم
وان ايامك لا تقيم وكالمدى تبعدو ثم تبعد
اعرفو يا حبيبى
وتحت سقف الليل والمطر
وبحضور الخوف والاسماء والعناصر تم تم تم
وكل ما لا اسم لهو فى الكون
اعلنو حبى لك واتحادى
بحزنى عينيك
وارض الزهر فى بلادى ترارارا
وارض الزهر فى بلادى اه
وينزل المساء .....تم

اخونا الفاضلابي

لا حولالالالالالالالالالالا ، قدر دة

بركة الجيت

والله نحن فايتنك بالصبر بس ، واظنو كمل.


مع كل الامنيات لك بالعودة الي الغالي السودان

مع حبي وودي

اوسلو الحكاية شنو يافاضلابي!!!!

واحدة من اظرف البوستات ..وانا زاتي روووب ها هاهااه

فاضلابي
اركززززززز يا ولد
واعتبر كلام نجلاء زغرودة بطان
وبدوري اوصيك بالمداومة على كتاب الله ثم قصيدة الطغرائي

ما كنت أوثر ان يمتد بي زمني حتى ارى دولة الاوغاد والسفل
تقدمتني اناس كان شوطهمو وراء خطوي لو امشي على مهلي
ان الألى حدثتني وهي صادقة فيما تحدث ان العز في النقل
لو أن في شرف المأوى بلوغ منى ما حادت الشمس يوما دارة الحمل
لكنما رجل الدنيا وواحدها من لا يعول في الدنيا على رجل
اعلل النفس بالآمال ارقبها ما اضيق العيش لولا فسحة الأمل

تتذكر يافاضلابي
حينما جمعتنا ( حنة ) هاشم عثمان التوم شقيق نجلاء وامام حوش ناس عثمان التوم في الصحافة؟..
يومها قالت لك نجلاء رأيا أمامي ولكنك لم تستمع اليه جيدا، ولو كنت فعلت لكان خيرا لك
ولما اضطررت الى كل هذا الروري
اخيرا انصحك ان تغير كلمة الروب هذه بكلمة اخرى اكثر استدعاء للغوث وهي
يا ابو مرووووووّة

الأخ محمــد الفضلابى،
مرحبا بك عضــوا جـديــدا بيننـــا
زمان أول ما جينا البلاد دى، البقول لينا عنـدو سنتين من الســـودان، نقول كفــر عـديل.. لحـد ما لاقانا واحــد من أخوانا الشمـاليين.. رحب بينـا وقال لينا، طبعـا أول عشـــرة سنــة دى الواحــد يكون فتــح وعــرف البلــد!

يا الزول ..ارجع بلدك بس الجابرك شنو على الجرسة والبهدلة

الروووووووووب

عزيزي محمد رد الله غربتنا رداً جميلاً ..

أنا مشتاق لكورة روب من يد الوالدة العزيزة هدية بت فكي أحمد ودآمنة ..

الأخ سبيل .. بل كتر لينا من الكلمات الضمادة دي ..

سلام لكم بني وطني .. وتحيوا كراماً في حلكم وترحالكم ..

السائح في رحاب ذكريات البلد .. جاد

الروووووووب انا ده

يا اخوانا اتبنوا الزول دا
قال الرووووووب وتانى ما رجع

شوفوا ما تعملوا لي فيها شنو و شعر وغنا فيروز
شنو وشنو
الرووووب بس, أنا داير السودان هسا دي دايركم انتو البتتفاصحوا ديل داير أمشي شرم الشيخ مع
قرمبوز
و نجلاء تقول لينا القصيدة الجديدة الكتبتها في المركز ويجي أدريس ولا عمر يطردنا عشان الزمن أنتهى
وناكل الفول جمب البرتش
وشبكة يجي يتلايق كده ويقول ما تعزمونا بارد
ياخ الموضوع ده صعب انتوا ما مكتشفين ساكت
غايتو عموما
كتر خيركم على المواساة لاكين
الروووووووووب بس
بعدين يا سبيل الراكزين ليها شنو في السقط ده علي بالطلاق المك نمر في اوسلو دي كان بكون عندو راي
و يا راوية البنفع شنو يعني
قرمبوز من أسعد
محمد أدريس ياخ الله يدي العافية يا أبو الزمل
كلكم كلكم
شكرا لكن الكلام ده ما بنفع

الفاضلابي
الود
علي قول حميد

الا كمان في ناس فايتاك بالصبر


ربنا يرد غربتك ..واكتب عن كل الفيك ودعنا نقرأك

عبدالله جعفر

والله يا محمد الروب دي باين عليها بقت ما نافعة

الموضة هسة تقول الزبـادي 000

استغفر اله العظيم