ألبينو

مرات بحس نفسي
كأني (ألبينو)
بالعامي كده ..ود حور !
لا خمري زي أمي
ولا فيني سمرة أبوي
كلما الشمس تسطع
أنا بتحرق بالضو
و ما بشبه الفرسان الفي حجا الأمات
وعيوني ما واسعات
ولا لونا عسلية
أنا زول بدون ألوان
أنا بيت بلا عنوان
ود حور عذابي الضو
كل ما الشمس سطعت
أنا بنحرق جلدي
ليه لما بيغنوا
و يقولوا حرية
بيغنوا شان الشمس
تطلع تغطي الليل
و أنا كلما يغنوا
براي أحس بألم
خاص
ما بحسو الزول
لوما اتولد ود حور.

الاخ فضلابي
ليه بس البينو
ما في تاني غيرو
ليباركك الرب

الاخ البينو سلام وتحية
الاخ الفاضلابي هنا لا يتحدث عن شخص اسمه البينو ولكنه يتحدث عن مرض وراثى حيث يولد الطفل دون لون فى جلده او شعره او عيونه. هذا المرض يعرف بالالبينيزم. تجد معلومات مختصرة عنه هنا:
Albinism is a group of conditions where people are born with little or no pigmentation in their eyes, skin and hair (or sometimes just in the eyes alone).

It occurs because they have inherited one or more faulty genes that do not produce the usual amounts of a pigment called Melanin. Apart from their physical appearance, those with the condition can experience a number of associated problems, depending on which genetic type they have. Particularly common are problems with vision and from skin burning in sunlight.

هنا صورة شخص "البينو"، او "ود الحور" كما يقول السودانيون الشماليون. وقد يكون فى التراثات فى مناطق اخرى فى السودان ما يقابل هذا الوصف.

ألبينو
عادل ماخلى لي حاجة أقولا
شكرا ليكم الأتنين

اخي الفنان التشكيلي/فضـــــــــــــــلابي
اولا اشكرك
واعتذر لك عن عدم فهمي بس برضو ارجع واقول
ما ممكن تخلي بدل البينيزم او البين بدل البينو بالمرة
وشكرا

يا سيدي غلطانين السمو المرض عليك
و أنا ما شفت إسمك عشان كده كتبتها
لكن من هنا و لي قدام مافي أي قصايد إسمها ألبينو
كده تمام?
تحياتي

الأخ المفضال ألبينو أكون

تحياتي وإحترامي

أتمنى أن تحسن الظن بعنوان
واحدة من أعذب القصائد التي
دفع بها الأخ الفاضلابي لقراء
هذا الموقع

معلوم يا أخي الفاضل بأن
الكثير من الأسماء و المفردات
لها دلالاتٍ مضادة لدلالاتها
الأصلية في لغات شعوب أخرى

الأخ الفاضل عثمان محمد صالح
تحية طيبة و إحترام
شكرا للفت نظر الأخ ألبينو للمعنى المراد
وشكرا لثناءك على القصيدة
ودي



محمد الفاضلابي

Quote: و ما بشبه الفرسان الفي حجا الأمات وعيوني ما واسعات ولا لونا عسلية أنا زول بدون ألوان أنا بيت بلا عنوان

ليه كـــدا بس؟؟؟

الله يديك العافية

يا أبوحميد
الفكرة إنو لو كنت مصاب بهذا المرض فهذا تماما حالك
و هو يشبه حالنا السودانيين جدا
فنحن لا نشبه المسيح عليه السلام أو النبي (ص) أو صلاح الدين الأيوبي أو جيمس بوند
وعلى الرغم من هذا نحن أشد الناس عنصرة
نقتل بعضنا البعض لإختلاف أشكالنا
و نحب و نقتدي بمن نعلم أنه لا يشبهنا
و لو حاول الشمالي المسلم الزواج بسيده من ليبيا القريبة دي
عشم إبليس في الجنة
ولو طلب أحد الجنوبين الزواج بأخت نفس الشمالي
فبرضو عشم إبليس في الجنة
علينا أن ننظر للأشياء بتجريد
و أن نحكم عليها بعدل

عندما تصادف بوردابي يتجاوز فهمه البعد العادي للأشياء، و يتوفر على موهبة تنزع إلى الكتابة الجميله، فمن المحتمل أن تحصل على تجربة تخرج عن حدود البورد العابره، إلى شكل آخر.

لك التحيه يا فاضلابي...



هبشه:
يعني نزلت من الأمجاد ومشيت علي الامجاد

كل الود،،،

عادل فايت

شكرا جزيلا يا عادل
ولست متجاوزا ولا غير عادي
ما يجعل الكلمات تصل.. أن نقولها بعادية لا يشوبها أي نوع من أمراضنا الجمعية

أن نحاول أن نكون صادقين
وأنا لا زلت أحاول

الأخ المفضال محمد الفاضلابي
لك تحياتي

طالعت القصيدة مرات عدة
وأثنيت عليها موقناً من
ان الحبر الأول الذي صاغتها
رهافته ـ شابه التعديل
الجراحي الذي أجريته تحت
ضغط سجال لاعلاقة له بعملية
الخلق الأصلية ـ قد أفرد
لها مكاناً تحت ظلال شجرة
الخلود

الأخ عثمان
شكرا لإهتمامك و لمعاودة قرآتها و لإستنباطك المقدر
سعيد بما منحته بصيرتك لها من مكان تحت ظلال شجرة الخلود
و آمل في ذلك


ودي

الفاضلابي التحية والمجد

هذه القصيدة فعلا تنتقش ازمة هوية السودان لا هو عربي ولا هو افريقي وداخل هذا التناقض يوجد فرز عرقي حاد وهناك اشياء مسكوت عنها في الثقافة السودانية يجب فتحها للقضى عليه مسألة (اولادعرب-وعبيد)- للاسف في ازمة - رغم ان هذا التباين جميل
بت الفضل

بت الفضل
بل هو عربي و أفريقي و لكننا ننسى أن الأهم من هذا وذاك
أنه سوداني
شكرا على مرورك
وعلى تعليقك

Quote: علينا أن ننظر للأشياء بتجريد و أن نحكم عليها بعدل

ولو وصلنا للمرحلة دي
يبقي ما عندنا عوجة تب...
الا بس
احيييييييييييييي

إلا بس....
يا أبوحميد
بالضبط كده