Post: #1
Title: جوابات
Author: fadlabi
Date: 02-27-2006, 06:04 PM
Parent: #0
العارفين
كيف عرفوا?
طالما الأسئلة
كلما تلاقي البسألا
جواها تكبر و تنقسم لأسئلة
و السائل أصلا
مسألة!
|
Post: #2
Title: Re: جوابات
Author: fadlabi
Date: 02-27-2006, 06:23 PM
Parent: #1
إلي كتو
عبد القادر
الآن في شوارع المدينة التي أسكنها أحيانا ألوح لأصدقاء جدد. لا يجيدون الضحك بنفس الصدق. لكنهم طيبون. عيونهم زرقاء تحاكي بحر الشمال.
عارف يا كتو
أنا نسيت الكمبيوتر و نسيت بيتكم بمشوا ليهو كيف.
لكنني أذكر جيدا رائحة الملايات في أوضة الأولاد في بيتكم. أحيانا تسألني مالينا زوجتي التي أحب و أشتهي عن السودان, فأحكي ليها فيما أحكي عنك و أريها صورتك. مرة قالت لي أن نظارتك سميكة وسألتني عن كيف يمكنك الجلوس طويلا أمام الكمبيوتر. مالينا يا قدورة عميانة زيك عشان كدة شايلة همك. أخبرتها أن لا تفعل فمن يهتم لك يدمن هذا. و أنا أحبها مثلك يا صاحبي.
و أنا أعرف أن حبك يؤذي.
الليلة عندي وجع خرطوم شديد خلاص يا كتو. لكن الفايدة شنو و الناس كلها سافرت و كبرت و عرست. يا ربي ممكن تاني نمشي حفلات عقد الجلاد, مع ناس الشلن و أحمد سعد. عارف إنو شبكة و أبوذر خلو الفرقة. هسي يا ربي البقول (الدنيا ما شافت جديدو ولا الحزن دقالو باب )منو?
ولا البقول ( كذا النسيم)
كتو
مشتاقين يا معفن
|
Post: #3
Title: Re: جوابات
Author: fadlabi
Date: 02-27-2006, 06:37 PM
Parent: #1
إلي عمر خيري
أو جورج إدوارد.
الليلة يا صاحب عندي مشكلة كبيرة خالص.
عارف بعد أسبوعين عندي معرض.
الرسمات جاهزة, لكن فيها شي ناقص. في رسمة واحدة أنا مبسوط منها. لونها أزرق و فيها وش في الجزء التحتاني بعدين فوق فيها طيرة.
عارف يا أستاذ الرسم ده صعب خلاص.. ياخ إنت كنت بترسم كيف?
و الرسمة بتعرفها خلصت كيف? الليلة لو عندك وقت مر علي عاوز أسألك من رايك في شوية رسمات. أنا و الله لو ما كنت خواف كان مريت عليك أنا. بس الموت ده بخوف شوية بعدين أنا حاولت أعمل زيك و أعرس الرسم لكن غلبني يا عمر.
بالمناسبة أنا منتظر شافعة قريب. أكيد بكون كلمتك لكن الواحد زي ما إنت عارف نساي.
يا عمر متذكر الخواجية الهولندية ديك أيام ورشة كاس العالم في المركز الفرنسي?
اليومين دي متذكرة شديد خلاص.. حاجة غريبة. اللهم أجعلو خير.
المهم
أنا محتاج ليك جدا عشان أخلص المعرض ده.
عليك الله ساعدني يا عمر.
|
Post: #4
Title: Re: جوابات
Author: fadlabi
Date: 02-27-2006, 06:41 PM
Parent: #1
و الأغنيات
الفرق إيه بيناتها
مابين المناحة إذا ترنم بيها زول بعرف يغني
و يلمسك.
|
Post: #5
Title: Re: جوابات
Author: fadlabi
Date: 02-27-2006, 06:50 PM
Parent: #1
إلي عبد المجيد عفيفي
كلمات
لا أخشى شيئاً ، ولا آمل في شيء . أنا حر
نيكوس كازنتزاكيس
* * *
أخيراً وجدتْ فوضى روحي شيئاً مقدساً.
رامبوا
* * *
إن الحب هو الاسم الذي نطلقه على رعبنا.
بول كارول
* * *
يأتي الرسم من الكتابة ، منطلقة أو معقودة بطريقة أخرى.
بيار الشنسكي
* * *
لا أقيم التفريق أبداً بين التصوير والشعر.
خوان ميرو
* * *
البيت هو مكان الوحدة.
مرغريت دوراس
* * *
علمني الدفن أن أمسح الطين عن أصدقائي
مظفر النواب
* * *
الشاعر سيد شعب من الصور .
سان جون بيرس
* * *
اللغة ليست زاداً من المواد ، بقدر ما هي أفق.
رولان بارت
* * *
وعلم الألف في النقطة .
وعلم النقطة في المعرفة الأصلية.
الخط أصله نقطة فهو مجموعة من النقاط ،
لذلك قلت : ما رأيت خطاً إلا ورأيت الله فيه.
الحلاج
* * *
تحت عواصف الله أيها الشعراء،
برأس مكشوف نقف.
هولدرين
مجيد إنت فنان
و طيب و صاحب
أنا بحبك
|
Post: #12
Title: Re: جوابات
Author: سفيان بشير نابرى
Date: 03-01-2006, 02:42 AM
Parent: #5
الفاضلابى /
الصديق الذى لم التقيه ،،
كيفك وكيف الحب معاك ؟؟؟
واخبار مدينة شنو ؟؟؟
ياصاحب هاك الصورة دى أكيد مشتاق
المهم صاحب ده تمام التمام
وعندو عريس جديد بس انتو جهزوا العروس
واكيد برضو ما مارقين من النخرين ، المشكلة حتكون نخره زايده شامه
|
Post: #22
Title: Re: جوابات
Author: fadlabi
Date: 03-01-2006, 06:55 PM
Parent: #12
سفيان بشير
الصديق الذي ألتقيته هنا
و وجدت بينه ما يجمعني و أياه
هم و محبة
و صديق مشترك (نخرتو كلها حاجات غريبة) 
شكرا على الصورة و التطمين
|
Post: #6
Title: Re: جوابات
Author: fadlabi
Date: 02-27-2006, 06:53 PM
Parent: #1
إلي ماجيك ميوزك باند
* * *
إن الحياة بدون موسيقى ستكون غلطة.
نيتشه
|
Post: #7
Title: Re: جوابات
Author: fadlabi
Date: 02-27-2006, 06:56 PM
Parent: #1
إلي رينيه شار
و عنه
رغبتنا سحبت من البحر ثوبه الدافئ
قبل أن تسبح على قلبه
|
Post: #8
Title: Re: جوابات
Author: عصام عبد الحفيظ
Date: 02-27-2006, 07:20 PM
Parent: #7
فاضلابى عزيزى
مالك على
فلقد تركت هذا الفعل
سنينا
فانتا
تنادينى نزقا
لا للصمت عندك
ولا موعدا اختارنى
اتيتنى عاريا الا من فرشاة
القميص والندى
تعرفها انت و لاتراها
ولكن يعرفك حبك
للحياة
وذاك القطيع
انحت اللون عندك وناده
ولا تنتصب واقفا عند الخرير
بل ضع الحريرة تاجا فوق راسها
واقف معى صامتا
ننتظر سوية
قدوم ذاك اللون الاصيل
....
|
Post: #9
Title: Re: جوابات
Author: نادية عثمان
Date: 02-27-2006, 08:10 PM
فاضلابى
فى حضرة الجمال .. هل أجدى من الصمت ؟!!!!!!
|
Post: #11
Title: Re: جوابات
Author: fadlabi
Date: 02-28-2006, 06:06 PM
Parent: #9
نادية
صمت جميل
بصمت أجمل
|
Post: #10
Title: Re: جوابات
Author: fadlabi
Date: 02-28-2006, 06:05 PM
إلى عصام عبد الحفيظ
تعرف يا عصام
الله يخلي المنبر ده عشان قربنا منك
زمان أبوذر صاحبي كان بقول لي في حتة إسمها كوكب الأخوان, دي فيها الناس الأصليين بس. أنا متأكد إنك حتكون عندك بيت ناصية هناك يا عصام.
مرات الواحد ما بعرف يقول شنو مع إنو عنده رغبة كبيرة في الكلام. المرة دي واحدة من المرات ديل.
عارف الصور البتصورا دي مخلياني متجرررررررس. الحتات النفسي فيها كلها والناس العاوز ألاقيهم كلهم, تعرف أول ما بديت تنزل الصور أنا قلت صدفة, بعدين كلما تواصل بديت أتأكد إنك قاصدني. يعني يا عصام الواحد مغترب في أمانة الله. يجي عصام عبد الحفيظ ينزل صور تمسخ عليهو الدولار ذاتو
عموما
شكرا يا صاحب
|
Post: #13
Title: Re: جوابات
Author: عصام عبد الحفيظ
Date: 03-01-2006, 04:13 AM
Parent: #10
من معرض ( اصداء من السودان ) 2005
تيتو وعفيفى
|
Post: #14
Title: Re: جوابات
Author: fadlabi
Date: 03-01-2006, 06:36 AM
Parent: #1
إلى نفسي
لما تمشي
خلي شمع الروح منور
و سدي باب الروح وراك
يمكن أقدر أستريح.
|
Post: #15
Title: Re: جوابات
Author: fadlabi
Date: 03-01-2006, 07:13 AM
Parent: #14
إلى عمر عبد العزيز الطيب حاج إبراهيم
أحمد عبد العزيز الطيب حاج إبراهيم
محمد عبد العزيز الطيب حاج إبراهيم
أسامة عبد العزيز الطيب حاج إبراهيم
ياسر عبد العزيز الطيب حاج إبراهيم
بشرى عبد العزيز الطيب حاج إبراهيم
أما بعد
الربيع
يملا النفوس قوة إحتمـــــــــــــال
|
Post: #17
Title: Re: جوابات
Author: عصام عبد الحفيظ
Date: 03-01-2006, 07:36 AM
Parent: #14
( عندما استيقظ من ميتته الصغيرة كانت النافذة فتحةمثقـــوبة
فى السماء ,محجوزة, بستارتها البيضاء المتهدلة قـــليلا, عن
الهواءالذى يحسه فى الخارج بارد ومعاديا , ومن وراء الزجاج
الفاصل كانت السقوف المنحدرة فى خطوط حجرية حادة الزوايا,
قديمة ومسودةمن الدخان , ومتجمدة , تطل على فناء عار.
وجههاالاسمر المدور هو وحده الذى يبدو من الملاءة التى تلفها
مرتاح وقانع فى نور الصبح الضعيف المثقل برائحة شهوات
قديمة منقضية )
من رامة والتنين / ادوارد الخراط
|
Post: #16
Title: Re: جوابات
Author: fadlabi
Date: 03-01-2006, 07:18 AM
Parent: #1
إلى الطيور
الطيور التي لا يستأذنها أحد عند إطلاق كل هذه الألعاب النارية
ليلة رأس السنة
الطيور التي في الكتاب المقدس
و في القرآن
و في الشعر
و في المتصوفة
و في أركان الروح العاصية
و المستعصية
الطيور
التي في الأغنيات و الرسوم و الأساطير
الطيور التي في الأقفاص
و في الناس
الطيور
الطيور
الطيور...
|
Post: #18
Title: Re: جوابات
Author: عصام عبد الحفيظ
Date: 03-01-2006, 08:56 AM
Parent: #16
|
Post: #19
Title: Re: جوابات
Author: أبوذر بابكر
Date: 03-01-2006, 09:11 AM
Parent: #1
إلى
فاضلابى
يجده بخير
يجده بجمال
|
Post: #23
Title: Re: جوابات
Author: fadlabi
Date: 03-01-2006, 07:00 PM
Parent: #19
إلى أبوذر
الذي لا يمشي وحده
ولا يأكل وحده
ولا يموت..
(المكتوب المنك جاني)
أما بعد...
..........
..........
|
Post: #20
Title: Re: جوابات
Author: esam gabralla
Date: 03-01-2006, 09:21 AM
Parent: #1
Quote:
بابلو نيرودا
من "مئة سونيتة حبّ"
1- لو لم يكن لعينيكِ لون القمر،
لون النهار بطينه وكده وناره
لو لم تُخضعي خفة الهواء،
ولم تشبهي أسبوعا من العنبر،
لو لم تكوني اللحظة الصفراء
التي ينبثق فيها الخريف من الدوالي
والخبز الذي يعجنه القمر العطِر
حين ينزّه طحينة في السماء
آه، يا حبيبتي، لما أحببتك!
في عناقكِ أعانق كل الوجود:
الرمل والوقت وشجرة المطر
وكل ما هو حي يعيش كي أحيا انا
لا احتاج مسافة كي أرى الأشياء،
فيكِ أنت أرى الحياة كلها
* * *
2- يا امرأة تامة، يا تفاحة شهوانية، يا قمرا حارا
يا عطر الطحالب الكثيف، ووحلا معجوناً بالضوء
اي نور غامض يتفتح بين أعمدتك؟
وأي ليل قديم يثير حواس الرجل؟
آه، الحب رحلة مع المياه والنجوم،
مع الهواء الضيق وعواصف الطحين النزقة:
الحب قتال بين البروق
وجسدان ضلّلهما عسل واحد
قبلة فقبلة اجتاز مطلقكِ الصغير
وضفتيكِ وأنهارك وقراكِ،
فتركض نار الجنس وقد صارت لذة
على طرق الدم الضيقة،
لترتمي كمثل قرنفلة ليلية
وتصبح محض شعاع بين الظلال
* * *
3- لا احبكِ كما لو انكِ وردة من ملح
أو حجر ياقوت، أو سهم من قرنفلات تشيع النار:
احبكِ مثلما تحَبّ بعض الأمور الغامضة،
سرا، بين الظل والروح
احبكِ مثل النبتة التي لا تزهر
وتخبىء في داخلها ضوء تلك الزهور
وبفضل حبكِ يعيش معتماً في جسدي
العطر المكثّف الطالع من الأرض
احبكِ دون ان اعرف كيف، أو متى أو أين،
احبكِ بلا مواربة، بلا عُقد وبلا غرور:
هكذا احبكِ لأني لا اعرف طريقة أخرى
غير هذه، دون ان أكون أو تكوني،
قريبة حتى ان يدكِ على صدري يدي،
قريبة حتى أغفو حين تغمضين عينيكِ |
|
Post: #24
Title: Re: جوابات
Author: fadlabi
Date: 03-01-2006, 07:04 PM
Parent: #20
إلى عصام جبرالله
بنظاراته التي تزين وجهه الطيب
و بالذكريات التي تنفح نسمة لطيفة تريح القلب
و بإبتسامته حين يتكلم
و حين يسمع الشعر
و حين يحكي
و حين يسلمQuote: لا احبكِ كما لو انكِ وردة من ملح
أو حجر ياقوت، أو سهم من قرنفلات تشيع النار:
احبكِ مثلما تحَبّ بعض الأمور الغامضة،
سرا، بين الظل والروح
|
|
Post: #21
Title: Re: جوابات
Author: Ibrahim Algrefwi
Date: 03-01-2006, 10:26 AM
Parent: #1
هل سكن البرد شبابك يا ولد ؟
مازلتني أتسأل ؟ كيف تنازل عن قطعة القلب اللذيذة الي شهوة في السفر؟
كيف؟
لاتنسي انك خدعتنا يا محمد!
قلت : المانيا ، جامعة بورن ، معرض واكسجينج ودعم لسيرتك الذاتية وحتجي راجع .
كان ضياء يعلم ببصيرة الصاحب الفذ انك لن تعود ، لذا اصر علي "شيرنق" حفلة الوداع
في ليلة قبل رمضان احتشدنا لاجلك ، غنينا لك وللامريكية وزهرة غنا شبكة وابــراس ،
غاندي وببو ، غنيناك من قلوبنا ؟
غنياناك ياحلو!
اذا لم تخني ذكرياتي التقينا صباحاً ، كان أول رمضان "في الصخور" ذهبت
معاك الي مكاتب ذينة نت اخذت من "صلاح" اذا لم أنسي حبة مصاريف .
التقينا مساءً هذا مالن تخني فيه ذاكرتي ، في المطار، كنت تحمل حقيبة
صغيرة وحالق لنج ولابس "تي شيرت" جميل وجديد وتبتسم ، كان في عينيك حذر وطيف دمعة ،
مالن انساه انك ذُبت في صالة المغادرة، خرجت الي نقطة في الروح حيث الوحدة والشوق والذكريات.
كيف قسي قلبك علي ذكرياتك؟ كيف؟
كيف تنازلت عن قطعة القلب اللذيذ
...
...
علي كُل مشتاقين ياحمادة
ودرويشك في الجوف مُستني ...
...
أخوك اخوك والزمن طويل
|
Post: #25
Title: Re: جوابات
Author: fadlabi
Date: 03-01-2006, 07:14 PM
Parent: #21
إبراهيم
صحبي
بس برسم لمن أشتاق ليكم
بس برسم
أنا داير أحكي ليك حاجات كتيرة خلاص
الرسمة دي من معرضي الجاي.
إنت أول سوداني بحبو يشوفها.
|
Post: #26
Title: Re: جوابات
Author: fadlabi
Date: 03-02-2006, 09:39 AM
Parent: #1
|
Post: #27
Title: Re: جوابات
Author: fadlabi
Date: 03-02-2006, 09:41 AM
Parent: #1
إلي صاحبي
شمت محمد نور
|
Post: #28
Title: Re: جوابات
Author: fadlabi
Date: 03-02-2006, 10:01 AM
Parent: #1
|
Post: #29
Title: Re: جوابات
Author: fadlabi
Date: 03-02-2006, 10:03 AM
Parent: #1
|
Post: #30
Title: Re: جوابات
Author: fadlabi
Date: 03-02-2006, 10:04 AM
Parent: #1
|
Post: #31
Title: Re: جوابات
Author: محمد بهنس
Date: 03-02-2006, 11:55 AM
Parent: #30
لوحه كحليه ذي ده? ...ابلغك التحيه من صديقنا الفنان الخلى هولندا بقت
فان جوخيه,موش فان جوخ هولندي,اهه وقال ليك يافاضلابي باللون الاخضر
ربنا يخدر ضراعك.
|
Post: #33
Title: Re: جوابات
Author: fadlabi
Date: 03-02-2006, 05:46 PM
Parent: #31
بهنس
إتفضل يا صاحب
|
Post: #32
Title: Re: جوابات
Author: fadlabi
Date: 03-02-2006, 05:43 PM
Parent: #1
إلي إبراهيم الجريفاوي
إبراهيم قرمبوز
أما أنا عندما يحضرني منك ما يحضرني, فإنني أتذكر ما لا أقوى عليه وحدي.
عارف يا قرمبوز في مسلسل حرب البسوس داك متذكره? لمن كليب مات أخوه قال ليهم (كليب كله مات?)
أها كلهو دي الحكاية كلها .. يا إبراهيم مرات الواحد بكون نفسه في فرقة صغيرة يمرق منها لمن تحصل الحاجات.
أنا و الله ما قادر خلاااااااااص.
متذكر لمن كيمو دق الحرس
متذكر لمن القهوة في المزاد
متذكر لمن الغنا
متذكر لمن أتني
و لمن شارع القصر
و لمن ماو
و لمن سعيدة
و لمن الأفرويشن
و لمن بيتكم
و لمن بيتنا
و لمن الفرنسي
و لمن الألماني
و لمن ناس ضياء
و لمن معهد الموسيقى
و لمن الشعر
و لمن الخستكة
و لمن الخرطوم
متذكر يا إبراهيم?
|
Post: #34
Title: Re: جوابات
Author: Ibrahim Algrefwi
Date: 03-07-2006, 01:15 PM
Parent: #32
دمعة ،
حارة وحميمة نزلت في جوفي ...
ملحها من شوقي اليك ؟
قريت كلامك لي ،ة حسيتك جواي مُستني ...
مشتاقين يافنان
|
Post: #35
Title: Re: جوابات
Author: Dia eldin khalil
Date: 04-10-2006, 06:02 PM
Parent: #1
في الشارع
سهو و ضو
و حمام سارح
في السما و الناس
في الشارع ناس
لو عرفوا بحبك كيف
بستغربوا كيف
عايش للآن
جمب الدكان أولاد الحلة
إتمنيتم لو عرفوا بحبك كيف للآن
جمب بيتنا طيور
و عمود النور
واقف سرحان...
alshoog ya abo madina
Dia
|
|