Post: #1
Title: أغنيات سيئة المذاق
Author: fadlabi
Date: 10-12-2006, 08:00 AM
Parent: #0
عندما يصبح عمري ثمانون عام
و أنا أنتظر العيد أو عيد العمال أو الكريسماس
أو شيئا ما...
سأحكي لأولاد بنتي عنك.
و كيف تسير المآذن نحوي كل غروب حزين
و كيف يطير المؤذن مثل الطيور
و كيف يغني وحيدا إذا أليل الليل في دمه
و تذكر.
و أحكي عن الأولياء جلابيبهم خضر حين أدقق في قبة الصدر تحت زجاج العنق
و نوباتهم كيف تحتلني حين تبتسمين
و كيف تعانق روحي الشبق.
أحكي لهم
أعدل من جلستي
و أمتص نارجيلتي
و أكح.
ثم أنظر في الأفق
بعيدا
كأني أرى شجرا ماشيا
أو طائرا لابسا يومه كالعمامة
أو بلدا متنكرا في شكل جثة
و أهمس إسمك
مثل الأساطير تلبس النيل
و النيل يلبس الأشرعة
ثم أنام
......
......
حين أصحو
و عمري ثمانين عاما و يوم
سأحكي لأولاد بنتي عنك.
****************
حكاية السفن و البحارة:
و زهرة كانت تشبه الخيول, عندما أنظر عينيها لا تجرؤ على تقبيلي.. و كانت تتحدث بحذر و رقة ككركي يمتحن الأرض بساق واحدة.
عندما أودعها في الليل و أذهب الى البيت, أصعد السلم و أشغل شريط (بحر أبوجريشة) و أسدل الستائر.
في الجامعة, أسمع خطبا عن سودان جديد, و رجال يتحدثون عن نوع حبهم.
و على أوراقي كان العالم أفضل .. إذ ليس هنالك قطط جائعة أو ذباب أو ملاريا.
الفصل الثاني من حكاية السفن و البحارة:
تمرنت طويلا على الموت لكنني لم أتعلمه بعد. عندما رجعت اليوم إلى البيت, وجدت سمكة الزينة ساكنة في بيتها الزجاجي(لسبب تعرفه هي)
كانت هناك نقاط سوداء على جسمها اللامع.. رفعتها إلى وجهي و نظرت جسدها المتخشب.. ثم و ضعتها في الماء مرة أخرى( لأن صوتا أخبرني أن أفعل) ثم لدهشتي لم يطفو جسدها أفقيا تماما. كان ذيلها غاطسا للأسفل. عندها فكرت في السفن و البحارة. و أحسست فقاعة من ضوء تصعد الماء, لكن السمكة ظلت ساكنة. نظرت عينيها( أعين السمك لا تجيد التعبير فهي ذاتها حال الألم أو الموت أو الحياة)
جلست على الكنبة و حاولت أن أقرأ و لا أفكر في أن الفتاة التي أهدتني السمكة قد هجرتني قبل 6 أشهر.
الدنيا تعطيني أشياء كثيرة حية و لكنها سرعان ما تموت.
عندما صحوت من غفوتي. وجدت أن السمكة إستقام طفوها أفقيا, و عيناها كانت تنظر بإتجاهي و لكنها لا تنظرني بل تنظر أماكن لا أراها. رفعتها مرة أخرى قبل أن ألقيها في المرحاض ليغسلها بعيدا.
ثم فكرت أنه ليس بإمكاني إحتمال المزيد من السمك الميت و النساء الميتات و الأصدقاء الميتين.
ثم سمعت من الراديو أحدهم يعزف الجيتار بهدوء على إيقاع يشبه الوالتز.
قلت لنفسي هو أيضا.. أصابعه, صوته, أوتاره, موسيقاه كلها تتحرك و لكن في سكون.
و أنا متعب من كل هذا السكون.
محمد- أوسلو- 2006 أكتوبر
|
Post: #2
Title: Re: أغنيات سيئة المذاق
Author: الملك
Date: 10-12-2006, 05:35 PM
Parent: #1
فاضلابى
...
...
رمضان كريم يا صديقى ,,وكل عام والأغنيات طاعمة
بمناسبة الحديث عن الأغنيات هل تفضلت الدخول الى
غناء ...
|
Post: #8
Title: Re: أغنيات سيئة المذاق
Author: fadlabi
Date: 10-16-2006, 04:14 AM
Parent: #2
ناجي الزبير الملك
الله أكرم يا صديقي
الصور من النيل جميلة جدا
شكرا على ضمي للمجموعة
و سأدخل غنا أكيد.
|
Post: #3
Title: Re: أغنيات سيئة المذاق
Author: محمد المرتضى حامد
Date: 10-12-2006, 06:22 PM
Parent: #1
| Quote: و زهرة كانت تشبه الخيول, عندما أنظر عينيها لا تجرؤ على تقبيلي.. و كانت تتحدث بحذر و رقة ككركي يمتحن الأرض بساق واحدة. |
وبحر أبو جريشه؟
جميل يافاضلابي
|
Post: #4
Title: أغنيات اليفة المذاق !
Author: fohamer
Date: 10-13-2006, 01:16 PM
Parent: #3
فاضلابي ..
شكر اول:
تأتي بي الي هنا ملء خاطري
مُنمقة الحنين،
Quote: أحكي لهم
أعدل من جلستي
و أمتص نارجيلتي
و أكح.
ثم أنظر في الأفق
بعيدا
كأني أرى شجرا ماشيا
أو طائرا لابسا يومه كالعمامة
أو بلدا متنكرا في شكل جثة
و أهمس إسمك
مثل الأساطير تلبس النيل
و النيل يلبس الأشرعة
ثم أنام
|
لشد ما تسحرني التفاصيل
لشد ما يُبكيني الحنان
هذا الحكي الأليف
حنين ويسكنني،
انا الحافطة لقلب جدتي وجدي وما بينهما من حكايات
عن ظهر حُب !
كان الوقار بعين جدي وإحمرار طفيف بطرفها الداخلي
يحرسني بدفء أنيق بحضرته..
ويلفني بهالة ضوء مفعمة الخصوصية
تشبه حُبي له.
وكان إهتمام جدتي وتفانيها في الحب المُطلق ساحر
فهي تحب كل شي بحب عميق وكبير!
تسهر علي حبنا فننام بالحب والدعوات كل ليل
ونفيق بالشوق والدعوات كُل صباح،
شكر ليس أخير:
للغوص في ذاكرتي
بمجداف مُحبب !
سالي
|
Post: #5
Title: Re: أغنيات سئة المذاق !
Author: fohamer
Date: 10-13-2006, 01:31 PM
Parent: #4
نجي للأغنيات سيئة المذاق،
يا فاضلابي النص دا جميل وعميق .
.......
متعب هذا السكون
ان نكون ..
هو ان نملأ
الفراغات المحدبة والمُقعرة معاً
بمرايا الروح ،
سأعود..
سالي
|
Post: #6
Title: Re: أغنيات سئة المذاق !
Author: عصام عبد الحفيظ
Date: 10-13-2006, 03:48 PM
Parent: #5
|
Post: #7
Title: Re: أغنيات سئة المذاق !
Author: عصام عبد الحفيظ
Date: 10-13-2006, 04:08 PM
Parent: #6
لا ادرى كيفن ذهب السكون منى
وانا ملك السكون
يا فاضلابى
كتبت الكثير
ولكن راح فى لحظة
قفز من ( الكى بورد )
منداعيا
وهرب
بلحظات
صعب على محاكاتها
وهرب
يبدو ان ربنا ما قاسم
ليك الحروف ... ذات الحروق دى معاى
وليتنى ... بس معاكم
والسلام
|
Post: #14
Title: Re: أغنيات سئة المذاق !
Author: fadlabi
Date: 10-16-2006, 07:44 AM
Parent: #7
يا عصام يا حفيظ
ياخي إنت تكتب ذاتو لي شنو
كفاية الصور البتتكلم دي
كفاية جيتك بس
بعدين القال الكلام راح منو
أنا سامعك و الله
كويس جدا
كيف أحوالك يا صاحب
|
Post: #11
Title: Re: أغنيات سئة المذاق !
Author: fadlabi
Date: 10-16-2006, 04:26 AM
Parent: #5
بعدين يا سالي
عليك الله كان ماعدت.
الله يقطع يوم السكون
و يخليك يا رب.
|
Post: #10
Title: Re: أغنيات اليفة المذاق !
Author: fadlabi
Date: 10-16-2006, 04:24 AM
Parent: #4
سالي فوحمر
أول حاجة
دمي النوبي تصيبه نشوة كلما رأيت إسمك
فجمال محمد أحمد قريبي بطريقة ما
و أنا أحبه.
ثم عن جدك..
طوبى لي
إن كان بين أحفادي من تحبني كحبك له.
|
Post: #9
Title: Re: أغنيات سيئة المذاق
Author: fadlabi
Date: 10-16-2006, 04:18 AM
Parent: #3
مرتضى
لم أكن أعرف بحر أبوجريشة قبل أن تعرفني عليه بنت جميلة
عندها أخ جميل
لدرجة أنه يوجعه بحر أبوجريشة.
شكرا لدخولك
و من الليلة أنا مصاحبك غايتو كان داير ولا لأ.
|
Post: #12
Title: Re: أغنيات سيئة المذاق
Author: Bakhaf
Date: 10-16-2006, 04:42 AM
Parent: #9
في البوست ده حتى الان
في ناس هينه خلاص
ربنا يحفظهم
تحياتنا لي مدينه وامها
|
Post: #15
Title: Re: أغنيات سيئة المذاق
Author: fadlabi
Date: 10-16-2006, 07:57 AM
Parent: #12
bakhaf
الله يحفظك و يخيليك
مدينة بقت بت كبيرة
لكن أمها كبرت دايرين الدبل بعد دا 
|
Post: #27
Title: Re: أغنيات سيئة المذاق
Author: محمد المرتضى حامد
Date: 10-18-2006, 07:37 AM
Parent: #9
وبعيدا عن النص المنتقى يافاضلابي
بحر أبوجريشه صوت لن يتكرر شمال الوادي
المارد الأسمر ذاك يشبه الى حد كبير السدالعالي
كم سعدت وطربت لصوته (الغريب الجمال) أيام الطلب في الأسكندرية ثم باعدت بيننا الجغرافيا الجافيه.
Quote: و من (الليلة) أنا مصاحبك غايتو كان داير ولا لأ.
|
الأيام دي أي زول يذكر كلمة (الليله) تنصرف الى أنسجتي تلك التي (خير من ألف شهر). ياخ أنا لاقيك؟
شكرا ياأديب
|
Post: #13
Title: Re: أغنيات سيئة المذاق
Author: Adil Osman
Date: 10-16-2006, 06:06 AM
Parent: #1
Quote: ثم أنظر في الأفق
بعيدا
كأني أرى شجرا ماشيا
أو طائرا لابسا يومه كالعمامة
أو بلدا متنكرا في شكل جثة
و أهمس إسمك
مثل الأساطير تلبس النيل
و النيل يلبس الأشرعة
ثم أنام |
(ثم) يا فاضلابى اداة عطف، والشعر الذى يليها معطوف على بلد معطوب. وزرقاء اليمامة كانت اسطورة مثلها مثل عطيل الطيب صالح. والدراويش بالجلابيب الخضر، ركبوا الدبابات. فصاروا دبابين. ام درمان، فى الذاكرة، وفى اشراقات الحنين اكذوبة كبرى. ام درمان رمت طرحتها فى النيل ودخلت بيت الحبس، والرمادة اعوام فى خشمها. وتفل الكلام، وطفابيع المدينة طفوا فوق النيل وتكاثروا وتكاثروا فلم يزوروا المقابر فى حمد النيل، حيث الحياة امتداد طبيعى للموت، يتحايل عليها السودانيون المسلمون بالاذكار، والاوراد، وضربات النوبة والطبول، والانذهال عن المحسوس بالمطلق. وننذهل معهم وعنهم فى غيبوبة البلد (النصيح ومصيّد)!
|
Post: #16
Title: Re: أغنيات سيئة المذاق
Author: fadlabi
Date: 10-16-2006, 08:06 AM
Parent: #13
عادل
لم أعد أدري أينصلح البلد بالسفر عنه ولا بالبقاء فيه..
سأكتفي بحبه فقط
أحمله معي في أشرطة عقد الجلاد و صور أصدقائي
ثم يا عادل
ثم....
|
Post: #18
Title: Re: أغنيات سيئة المذاق
Author: Ibrahim Algrefwi
Date: 10-16-2006, 08:55 AM
Parent: #17
يا سلام ياعادل : يافنان الفنانين :
شجر اللمون دبلان علي أرضه
كم عام ومواسم عدو ، شجر اللمون دبلان علي ارضه ،
فينك بيني وبينك أحزان ويعدو بيني وبينك أيام وينقضو
فينك انا من غيرك انا موش عاقل ولا مجنون
أنا مطحون والدنيا دي رحاية وقلبي حب الخلط وحباب عيون ،
...
...
عليكم الله اتأملو الصوت "المُنيب " ده،
أحمد مُنيب الراجل ده صوته عجيب وطائر ، سابح ،باحي ، جميل ومؤلم ...
...
العطبراوي بس ...
...
وكل شئ بينسرق مني ، العمر م الايام والضئ من نني !
وكُل شئ حوالي يندهلي ، جواي بندهلك ، ياترئ بتسمعني !
بينك بيني وبينك احزان بيعدو بيني وبينك ايام وينقضو ،
شجر اللمون دبلان علي ارضو ...
اويوه يوه يوه ويوه ويوه...
...
بعدين "المِسَيكة" خفيفة والطار نوبي ، نوباتيا، الطار سيد العارفين والدنيا دي رحاية
...
يا سلام يا عادل يا فنان الفنانين .
...
...
فاضلابي كتابتك دي نستني زعلتي منك !
|
Post: #23
Title: Re: أغنيات سيئة المذاق
Author: fadlabi
Date: 10-17-2006, 07:28 AM
Parent: #18
إبراهيم
الزعلان ليها شنو كمان
شوف بالله????
|
Post: #19
Title: Re: أغنيات سيئة المذاق
Author: طلال عفيفي
Date: 10-16-2006, 08:57 AM
Parent: #17
وتشغلنا الحكايا يا فاضلابي ..
وكأننا فعلاً " نعيش لنحكي " !
ونظل للأبد ممسوسين ذلك المس الما طبيعي والمجنون
بحذافير عمرنا ؛ يأكلنا الشوق والحنين للتفاصيل .
حين تدخل لتنام ( لو بتعرف تنوم ) تأتيك الذكريات
مثل نقر عل دُف ( زي دف عمنا احمد منيب ) أو ينهمر
عليك العمر بكل الهيصه .. فلا تنام !
ويسألك الناس : شكلك تعبان وعيونك حمره ليه ؟
فتصمت ، مع إنو كان نفسك تقول :
أبدأ ، بس إتذكرت حاجه !
محمد ..
من يحمل عن عمرنا هذا العمر ؟؟
...
طلال
___________
الرسم لبيكاسو ،
من أعمال المرحلة الزرقاء
(1906 - 1901)
|
Post: #20
Title: Re: أغنيات سيئة المذاق
Author: Bakhaf
Date: 10-16-2006, 09:12 AM
Parent: #19
حتى الان
جميع من مر على هذا البوست
ناس هينه
يا فاضلابي دبل
خلينا نشوف الدب في الفنانين كيف..
بزيد ..
ولا بنقص ..
|
Post: #24
Title: Re: أغنيات سيئة المذاق
Author: fadlabi
Date: 10-17-2006, 07:33 AM
Parent: #19
طلال
و من يحمل عن ذاكرتنا ذاكرتها
و عن الصدر أحجاره
و عن النفس أوزارها
يا عفيفي يا طلال
أولا
شوفتك كالمعتاد تفرح .. و مشتاقين طبعا بعد قفلة الموبايل بقيت على رأي الشاعر:
الغالي بي غلاتو
يضوقك حلاتو
طب رسل email ياخ
|
Post: #22
Title: Re: أغنيات سيئة المذاق
Author: fadlabi
Date: 10-17-2006, 07:27 AM
Parent: #17
يا عادييييييل ياخ
إبراهيم ما خلى لي حاجة أقولا
|
Post: #25
Title: Re: أغنيات سيئة المذاق
Author: fadlabi
Date: 10-17-2006, 07:38 AM
Parent: #21
إبراهيم
طيب متأسف ياخ
متأسف إنو ما ضربت ليك
متأسف إنو ما سألتك الناس أخبارها شنو
متأسف إنو ما سمعتك بتقول لي الشمارات
و القطيعة
و أسامي الكتب الجديدة
متأسف جدا يا صاحبي
|
Post: #26
Title: Re: أغنيات سيئة المذاق
Author: Ibrahim Algrefwi
Date: 10-17-2006, 10:01 AM
Parent: #25
محمد علي ، كدي خليك من التأسف والحاجات سيئة المذاق دي ،
انا امس التي بمعني أُمبارح مساءً كنت بقلب في كتاب طبقات ودضيف الله ففي تحقيق يوسف فضل كتب :
في بداية بحثي عن نُسخ الطبقات الخطية ، التقيت ببعض الضفيلاب -احفاد ودضيف الله- بمسجدهم
العتيق بحلفاية الملوك ، وعلمت من الفكي: محمد نور بن محمد نور ود ضيف الله ان النسخة الاصلية قد ضاعت في المهدية ، والنسخة الاصلية الاخري اخذها احد الفاضلاب لعل إسمه محمدعلي محمد علي ، الي الفاششوية . إنتهي
شوف يا فاضلابي ،
بلاي لو النسخة دي عندك ولا شلتها مشيت بيها
النرويج احسن ترجعها لينا لانو ممكن عادي نعتبرها سرقة اثار من الدرجة الاولي ...
كفاية باقي حياتنا الشلتها في ذكرياتك دي ...
|
Post: #29
Title: Re: أغنيات سيئة المذاق
Author: fadlabi
Date: 10-19-2006, 06:11 AM
Parent: #26
قرمبوز
بس عشان تاني زول يغالطني في سودانيتي مافي
بلاي جدنا سرق الطبقات
والله عافي منو
المشية الجاية للفاضلاب أنا حأتحرى ليك يا زول تحري جد
|
Post: #28
Title: Re: أغنيات سيئة المذاق
Author: Adil Osman
Date: 10-18-2006, 07:55 AM
Parent: #1
| Quote: و زهرة كانت تشبه الخيول, عندما أنظر عينيها لا تجرؤ على تقبيلي.. و كانت تتحدث بحذر و رقة ككركي يمتحن الأرض بساق واحدة. |
الكركى يا محمد. اية ذاكرة تلك التى تقبع تحت جمجمتك يا محمد؟
|
Post: #30
Title: Re: أغنيات سيئة المذاق
Author: fadlabi
Date: 10-19-2006, 06:14 AM
Parent: #28
عادل
والله الواحد قريعتو دي خامة جنس عولاق
ياخ ما عرفناهو ده راس ولا جنينة حيوانات
طبعا قرمبوز في الراس برضو
|
Post: #31
Title: Re: أغنيات سيئة المذاق
Author: Ibrahim Algrefwi
Date: 10-19-2006, 08:29 AM
Parent: #1
محمد وعادل وما بينهما
شكلكم ما شفتو الروضة دي ،
هذا حال أحباب الله ...
في العشق والجنون والتصوف ...
ومن ذاق عرف علي قولة الامام الأكبر
|
|