Post: #1
Title: عاشت فاطمة خليل عيسى
Author: fadlabi
Date: 02-25-2007, 03:47 AM
Parent: #0
أجمل ما في فاطمة يديها فهما باب روحها
أقول أجمل لأنه إسم تفضيل فهو لا ينزع عن عينيها السوداوان صفة الجمال و عينا فاطمة لمن لا يعلم سحريتان
أعمق من تنهيدة حسرة لأميرة نوبية جميلة بدورها أجمل من كل نساء الأرض عدا فاطمة خليل عيسى فلا شئ أجمل من فاطمة
أقول شئ لأن الناس و الأنهار و الأوطان و الحب و الأزهار و الأطيار و الموسيقى أشياء
لا يجمعها تصنيف غير أنها أشياء
و فاطمة أجمل الناس و الأنهار و الأوطان و الحب و الأزهار و الأطيار و الموسيقى
و الأحلام و النور
عندما أقول فاطمة أنتشي و أطرب و أنجذب
أقول أنتشي حتى أخاف أن يسمع إسمها شخص فيقاسمني النشوة
فاطمة ولدت في حلفا
ربما لم تولد فالفعل كان أشبه بالإزهار أو الشروق أو الوحي
وحي أغنية قصيرة و لكنها أطول من الزمن بأيامه القادمات كلها فالناس سيغنونها أبدا
بعدها غرقت حلفا و غطى الماء بيت فاطمة و شارع مدرستها و درجها في الصف فحزمت ذكرياتها و حزم أهلها متاعهم و سافروا إلى خشم القربة فسكنوا بيوتا إعدت من أجلهم تشبه الوحدات
لم تكن أبوابها مزينة برسم تمساح أو طائر أو طبق صيني
و لم يكن النيل قريبا من البيت
و لم يكن بالبيت نخيل
هناك عاشت فاطمة
فكانت لبيتهم نخلته
قلت أن أجمل ما فيها يداها فبهما تلمس فيصيب ما تلمس حب مزمن
و بهما تصنع الطعام
و بهما تهذب شتولها في زاوية البيت
و بهما تكتب
و بهما توحي الي الآن فاكتب عنهما
و أحبهما
و أحبها
فاطمة خليل عيسى
فاطمة خليل
فاطمة
أمي
يمة
حبيبتي
مشتاق ليك أنا يمة
مشتاق ليك
شديد
|
Post: #2
Title: Re: عاشت فاطمة خليل عيسى
Author: bayan
Date: 02-25-2007, 04:34 AM
Parent: #1
فاضلابي
اصدق الكتابات هي الكتابات عن الام
يكتبها الكاتب وهو متوهج الروح
تنتقل الكلمات المتوهجة
الى القارئ فتتوهج روحه
ولا ينطفئ وهج الكاتب
بل يزيد.
فاطمتك الجميلة مثل فاطمتي الجميلة
ولكن فاطمتي لا تقرأ ولا تكتب
ولكنها تعرف ان العلم للمرأة انعتاق
اتفقت عمرها في تشجيعنا على الدرس
تجدها في راس الشارع في حالة انتظار
وترقب تنتظر ان ترى الممتحنة عائدة ناجحة
لم نكن نخيب املها..
لفاطمة حسن موسى اهتمام بالسعاية
فلها
اغنام ودجاجات
وتحب شتول النخيل.
وتحب بيتها وجيرانها
اندلق حنانها وصب في كل
من يدخل بيتنا...
اللهم احفظ كل الامهات
اللهم اجمع فاضلابي بأمه
في ساعة خير..
|
Post: #3
Title: Re: عاشت فاطمة خليل عيسى
Author: fadlabi
Date: 02-25-2007, 06:10 AM
Parent: #1
بيان
شكرا لك و لفاطمتك زيارتكما
أو ربما شكرا لفاطمتنا المشتركة فقلقها في إنتظار أن تنجحين رأيته مرارا في عيني أمي
فاطمة التي أحكي عنها
تحب الملبس و تعرف كيف تشتريه و كيف ترتديه و كيف تخجل كالأطفال حين أخبرها : التوب ده جديد? لا حولاااا يا أمي جميل جمال من وين جبتيهو ده
و حين تكاد تبدأ الحكي لتخبرني تلمح إبتسامتي التي أحاول جاهدا إخفاءها لأن حيلتي في جعلها تحس بالسعادة نجحت تقول لي: أمشي يا مستهبل إنت التياب بتعرف ليها شنو
مفلهمة
تحشر جمل إنكليزية في حديثها معي 
و تجيد الإنكليزية و تصححني حين أخطئ قائلة: أجي? كيف يعني يا محمد?
بعد أن بدأ أصغرنا الدراسة جلست لإمتحان الشهادة السودانية فنجحت و دخلت الجامعة ( أمي حنكوشة قرت في الأهلية ) نذهب أنا و أخواتي في آخر اليوم الى جامعتها لنأخذها معنا الي البيت
و نجري في أزقة مباني الجامعة بالملازمين بملابسنا المدرسية
فنجد أولادا و بنات ينادونها: يا خالتي فاطمة لو بكرة جاية أديني أصور منك
حسن فاروق عانى من و جودها معه في نفس الكلية و هي صديقة أمه
كانت تضبطه خالطا فتضحك و يخجل
أكملت دراستها بإمتياز
فألتحقت ببرنامج الماجستير في اللغة الإنجليزية
كنت أرسم لها الأغلفة لتليق بيوم التسليم
عندما فرغت من كل هذا
علقت شهادتها على حائط منزلنا و عادت تصنع الطعام و تعزي من فقد عزيز و تشاطر الفرح من فرح و تتونس مع نساء الحي في النهارات
درست لا لشئ
فقط لتثبت لنا أنها جامعية مثل أبي
بل أنها تخرجت بدرجة فاقت ما حصل عليه حين فعل
حلوة حلاة المرة دي لا حولااااااا
|
Post: #4
Title: Re: عاشت فاطمة خليل عيسى
Author: bayan
Date: 02-25-2007, 06:25 AM
Parent: #3
الله يديها العافية
والقومة ليها.. صنعت نفسها وصنعتكم,,
فاطمة امي لم تر اسمها متكوبا الا عندما
ذهبت الى المحكمة في حصر ورثة والدها
قضبنا ايام نعلمها كيف ترسم اسمها
فكانت تكتب حسن من النون لسين للحاء
وليدها عدة محاولات للذهاب الى فصول محو الامية
الآن تقرأ بصعوبة
الغريبة انها تقرأ رسائلنا
ودائما احس ان الحب
هو الذي يمكنها من القراءة..
ويتغلب على الامية الابجدية..
يعزي كل الناس تفوقنا الى والدي المعلم
ولكن امي لها الفضل الاعظم
في تعليمنا..
ودائما احس انها لو تعلمت
لكان لها شأن عظيم في العمل العام..
عندما البنها نسوة الحي
على ان كيف حفيداتها غير مخفوضات
وانه لا احد سيتزوجهن
لم نتعب كثيرا في اقناعها بهذا الضرر الجسيم
بل بعد برهة قالت:
اي يجي على الطهورة دي يوم تبقى ذي الشلوخ
زمان الما مشلخة ما بعرسوها
اسع المشلخة ما بعرسوها
كمان يجي زمن البت المطهرة ما بعرسوها...
وأنتهى النقاش
وصارت تردد هذا القول في كل
معرض تعليق عن الخفاض..
شوفت كيف اي ام جميلة بطريقتها
ربنا يحفظن جميعا..
|
Post: #5
Title: Re: عاشت فاطمة خليل عيسى
Author: عبدالرحمن عزّاز
Date: 02-25-2007, 06:27 AM
Parent: #3
وأما قبل :
أمى الحبيبة ...
لك منى مئتا قبلة
أبعثها من بيتنا العالى
على التلّة..
من شجرة الفيجن
و الوردة
و الفلّة...
و البيدر الضاحك
من دغدغة الغلّة...
من نصبة الزيتون
و السدرة
و الملّة...
و الموقد الصائم
و العيدان
و الحلّة...
وتوتة شامية
بيضاء
معتلّّة...
و هاجس يسألنى
عن آخر الليلة...
أمااااه
يا أجمل مافى العالم الرحب...
ياحبة العين التى أعشق
ياقلبى
الشوق عندى وردة
تحيا على
حبى...
كيف الحال؟
إن القلب يستنى...!
و كيف حال الخيمة السوداء
و الصحب؟
بالله هل ذبتم كما ذبنا
إلى القرب؟
إليكم تحية خضراء
كالعشب
الطائر المشتاق
يهديها
إلى السرب...
و يسأل النجمات
عنكم
علّها تنبىء!
متى تكون الخطوة
الأولى على
الدرب؟؟
(.................)
خبئينى أماه من وهج السقوط
و مدّى يديك
سقفاً على قلبى
كبيت عنكبوت...
إن مابين عينيك
و المدى ...
تنام كل المدائن
تحلم بربيع
و قوت...
مابين عينيك و المدى
جزر...
معبأة بالضياع
و أفواه مكبلة
بالسكوت...
(أحمد قاسم)
لها الإنحناءة .... و كل الإحترام
و هذه الباقة :
|
Post: #7
Title: Re: عاشت فاطمة خليل عيسى
Author: fadlabi
Date: 02-25-2007, 03:04 PM
Parent: #5
عزاز
شكرا على الكلام و الورد و الإحساس الطيب
لك مني وردا أكثر
و حبا أكبر
تبلغه عني لأمك الطيبة
إحترامي
|
Post: #6
Title: Re: عاشت فاطمة خليل عيسى
Author: ولياب
Date: 02-25-2007, 06:34 AM
Parent: #3
عزيزي الفاضلابي
أو هكذا النوبيات
إن أنجبن ، أنجبن نوبياً ضارب الجذور
فما بالك وأنت تتحدث عن (بت العمد)
تعيش لك فاطمة ولبيان تعيش فاطمتها ولنا جميعاً فاطماتنا .
وتسلموا جميعاً
|
|
Post: #8
Title: Re: عاشت فاطمة خليل عيسى
Author: Hussein Mallasi
Date: 02-25-2007, 06:10 PM
Parent: #6
نعم .. عاشت فاطمة خليل عيسى؛
و عاش محمد الفاضلابي.
|
Post: #10
Title: Re: عاشت فاطمة خليل عيسى
Author: fadlabi
Date: 02-25-2007, 06:52 PM
Parent: #8
و عاش حسين ملاسي
و جمال قلبه
و عاش الناس الفي قلبو
|
Post: #9
Title: Re: عاشت فاطمة خليل عيسى
Author: fadlabi
Date: 02-25-2007, 06:14 PM
Parent: #6
ولياب
قريبي
شكرا جزيلا على مرورك الجميل و كلامك الطيب
و أنا بالفعل نوبي ود بت عمد
تسلم يا سيدي
|
Post: #11
Title: Re: عاشت فاطمة خليل عيسى
Author: Ibrahim Algrefwi
Date: 02-25-2007, 10:05 PM
Parent: #1
فاطمة خليل عيسى ...
من إندينا وهياة ديني الوليه ديت .
قلت ليك ، هي موش حبوبة مدينة ، ما بتشبهها حبة ، ماجبدتها ياولدنا ؟
|
Post: #14
Title: Re: عاشت فاطمة خليل عيسى
Author: fadlabi
Date: 02-25-2007, 11:53 PM
Parent: #11
قرمبوز
أصابعينا بتشبه حبوبتها شديد
و عندها حبة حركات زيها
مش جميل تشوف أمك لمن كانت صغيرة
|
Post: #12
Title: Re: عاشت فاطمة خليل عيسى
Author: Masoud
Date: 02-25-2007, 10:12 PM
Parent: #1
نعم فاطمة عظيمة..
تشرفت بمعرفتها وهي طالبة راشدة في الجامعة الأهلية حيث كنت أدرسها الأنجليزية و قد تفوقت فيها..هذا في الوقت الذي كانت فيه تمارس دورها كأم و زوجة علي أحسن الوجوه...زوجها أيضا كان قويا في وقوفه بجانبها و تشجيعها..
فاطمة خليل هي بلا منازع أحسن مثال للمرأة السودانية ألأصيلة التي تعرف كيف تطور نفسها دون التفريط في سعادة أسرتها أو التنازل عن قيمها السودانية المعتقة..
تعظيم سلام يا فاطمة !!
وتحياتي للأسرة الجميلة.
مسعود محمد علي
كاليفورنيا
|
Post: #15
Title: Re: عاشت فاطمة خليل عيسى
Author: fadlabi
Date: 02-26-2007, 00:00 AM
Parent: #12
مسعود أستاذ أمي
ياخي إزييك
عارف الزولة حتفرح قدر شنو لمن أكلمها عن شهادتك دي?
شكرا جزيلا ياخي
كلماتك مفرحة و جميلة سأبلغها سلامك عندما أهاتفها
إحترامي
تعظيم سلام
و تحياتي
|
Post: #13
Title: Re: عاشت فاطمة خليل عيسى
Author: Raja
Date: 02-25-2007, 10:53 PM
Parent: #1
عـاشـت فـاطـمـة خـلـيـل عـيـسـى
|
Post: #16
Title: Re: عاشت فاطمة خليل عيسى
Author: fadlabi
Date: 02-26-2007, 00:03 AM
Parent: #13
و عاشت رجاء
و قلمها
و علمها
و قلبها
|
Post: #17
Title: Re: عاشت فاطمة خليل عيسى
Author: Mannan
Date: 02-26-2007, 03:43 AM
Parent: #1
سلام يا فادلابى ( انا قايلك فاضلابى) .. تطلع قريبنا يا ولد وانا اقرا ليك كلامك السمح داك.. وهسع يادوبك عرفت انك من عندينا بس ما فهمت معنى الاسم إلا هسع.. فادلابى!! مش كدة؟؟
انحناءة كبيرة للوالدة العظيمة التى اثبتت انها كنداكة فى زمن الرجال البوص.. لها تحية خاصة من....
نورى جليلة
|
Post: #29
Title: Re: عاشت فاطمة خليل عيسى
Author: fadlabi
Date: 02-26-2007, 04:33 PM
Parent: #17
منان قريبي
ما عارف أقول ليك شنو
أنا فعلا فاضلابي فأبي من قرية الفاضلاب غرب عطبرة و أمي من حلفا
و لكني نوبي فأهلي الجعليين ليسوا فرحين جدا بطريقة تفكيري
و يا سيدي اعتبرني فادلابي كلو واحد
|
Post: #18
Title: Re: عاشت فاطمة خليل عيسى
Author: abubakr
Date: 02-26-2007, 04:03 AM
Parent: #1
Quote: و فاطمة أجمل الناس و الأنهار و الأوطان و الحب و الأزهار و الأطيار و الموسيقى
و الأحلام و النور
عندما أقول فاطمة أنتشي و أطرب و أنجذب
أقول أنتشي حتى أخاف أن يسمع إسمها شخص فيقاسمني النشوة |
وبعد دة في كلام يتقال .البتستاهل الكلام دة اكيد اجمل النساء والناس ..ربنا يخليكي يا فاطمة...
|
Post: #30
Title: Re: عاشت فاطمة خليل عيسى
Author: fadlabi
Date: 02-26-2007, 04:36 PM
Parent: #18
صديقي الباشمهندس بكري
تسلم و تسلم ليك والدتك
شكرا كتير
|
Post: #19
Title: Re: عاشت فاطمة خليل عيسى
Author: omar ali
Date: 02-26-2007, 04:17 AM
Parent: #1
عاشـت فاطمـة خليل عيسي
الام الفاضلة
التي انجبت الرجل الفاضل
والفنان الفاضلابي
شكرآ لاتاحة هذه الفرصة
لتحية والدتك الكريمة
بقيت ذخرآ لكم ولمجتمعها
الكبير
|
Post: #20
Title: Re: عاشت فاطمة خليل عيسى
Author: وليد محمد المبارك
Date: 02-26-2007, 05:54 AM
Parent: #19
ربنا يحفظها
|
Post: #22
Title: Re: عاشت فاطمة خليل عيسى
Author: Randa Hatim
Date: 02-26-2007, 06:44 AM
Parent: #20
يا الله يا فاضلابى ...
قولة "يمه" دى حنينه كيف ... تقطع القلب يا ودفاطمه...
الله يخليها ليك ويخليكم ليها ....
بفرح شديد لما القى لى واحد زيك متعلق بى امو .... يمكن لاننا اتعودنا التقسيم حتى فى العواطف والاحاسيس وربطنا الام بالبنت والاب بالولد .....
تسلم فاطمه ويسلمن كل "الفاطمات" وتسلم ويسلمو الزيك .....
|
Post: #33
Title: Re: عاشت فاطمة خليل عيسى
Author: fadlabi
Date: 02-26-2007, 05:06 PM
Parent: #22
رندة تسلمي
عارفة أنا ود أمه عدييييل
عارفة كمان أحن منها يويو بالرطانة
شكرا كتير يخليك إنت و البحبوك
|
Post: #32
Title: Re: عاشت فاطمة خليل عيسى
Author: fadlabi
Date: 02-26-2007, 04:48 PM
Parent: #20
وليد صاحبي أبو راس ناشف
ويحفظك إنت وليداتك تكبرهم وتعلمهم و يبقوا أحسن منك
قول يامين
|
Post: #31
Title: Re: عاشت فاطمة خليل عيسى
Author: fadlabi
Date: 02-26-2007, 04:40 PM
Parent: #19
و عاش عمر الشجاع
العقل الثاقب
و عاش الكرام الذين أنجبوه
|
Post: #21
Title: Re: عاشت فاطمة خليل عيسى
Author: محمد عثمان محمد طه
Date: 02-26-2007, 06:43 AM
Parent: #1
تسلم بنت العمدة
Quote: فاطمة ولدت في حلفا
ربما لم تولد فالفعل كان أشبه بالإزهار أو الشروق أو الوحي
وحي أغنية قصيرة و لكنها أطول من الزمن بأيامه القادمات كلها فالناس سيغنونها أبدا
بعدها غرقت حلفا و غطى الماء بيت فاطمة و شارع مدرستها و درجها في الصف فحزمت ذكرياتها و حزم أهلها متاعهم
و سافروا إلى خشم القربة فسكنوا بيوتا إعدت من أجلهم تشبه الوحدات
لم تكن أبوابها مزينة برسم تمساح أو طائر أو طبق صيني
و لم يكن النيل قريبا من البيت
و لم يكن بالبيت نخيل
هناك عاشت فاطمة
فكانت لبيتهم نخلت |
وكل حبوباتنا وأجدادنا بالقرية 18 أمد الله في أيامهم الأستاذ عبدالحميد شلبي وفاطمة داؤد
ولك التحية أيها الجعلي النوبي وللدكتورات عالية وعبير
|
Post: #23
Title: Re: عاشت فاطمة خليل عيسى
Author: عواطف ادريس اسماعيل
Date: 02-26-2007, 06:57 AM
Parent: #21
الأم مدرسة إذا أعددتها **** أعددت شعبا طيب الأعراق ...
التحية للزهراء فاطمة ولكل الأمهات ممثلات في شخصها ...
والتحية لك باسم كل الأمهات أيها الإبن البار ...
|
Post: #24
Title: Re: عاشت فاطمة خليل عيسى
Author: عزان سعيد
Date: 02-26-2007, 07:36 AM
Parent: #23
للأسف لم أتشرف بمعرفة فاطمة خليل عيسى . .
ولكنى تشرفت بمعرفة ثلاثة من غرسها الطيب . .
فاضلابى , الزول السمح ,الفنان ,اللذيذ ده - أكعب زول فيهم . .
تخيلوا كيف سيكون الباقين !
إمرأة عظيمة بلاشك التى حبتنا بفاضلابى وأخوته. .
تستحق الدعاء والزيارة. .
ربنا يحفظها. .
محمد, فاطمنتود:
أول مشية لى السودان أنا زول شمبات. .
ولا رحلتو؟
|
Post: #25
Title: Re: عاشت فاطمة خليل عيسى
Author: محمد زمراوي عبدالعزيز
Date: 02-26-2007, 08:40 AM
Parent: #24
فاطمة خليل عيسى
مشروع كتاب يلامس الحقيقة
الاسم ينطق بالنوبية كالتالي:
(فاتنة هليل إيسى)
تعيش ويعيش الفادلابي.
|
Post: #26
Title: Re: عاشت فاطمة خليل عيسى
Author: فيصل محمد خليل
Date: 02-26-2007, 09:58 AM
Parent: #25
فاطمة ولدت في حلفا
ربما لم تولد فالفعل كان أشبه بالإزهار أو الشروق أو الوحي
وحي أغنية قصيرة و لكنها أطول من الزمن بأيامه القادمات كلها فالناس سيغنونها أبدا
بعدها غرقت حلفا و غطى الماء بيت فاطمة و شارع مدرستها و درجها في الصف فحزمت ذكرياتها و حزم أهلها متاعهم و سافروا إلى خشم القربة فسكنوا بيوتا إعدت من أجلهم تشبه الوحدات
لم تكن أبوابها مزينة برسم تمساح أو طائر أو طبق صيني
و لم يكن النيل قريبا من البيت
و لم يكن بالبيت نخيل
هناك عاشت فاطمة
فكانت لبيتهم نخلته
|
Post: #27
Title: Re: عاشت فاطمة خليل عيسى
Author: رأفت ميلاد
Date: 02-26-2007, 10:20 AM
Parent: #26
Quote: عاشـت فاطمـة خليل عيسي
الام الفاضلة
التي انجبت الرجل الفاضل
والفنان الفاضلابي |
تحياتى لك وللوالدة العظيمة
|
Post: #28
Title: Re: عاشت فاطمة خليل عيسى
Author: welyab
Date: 02-26-2007, 11:42 AM
Parent: #27
Quote:
فاطمة ولدت في حلفا |
بل في قلب قلبها النابض (دبيره)
ورضعت العــزة ... والعفاف .. وترعرعت في كنف رجل جسد للشهامة والأبوة معاني الشموخ...
أما عن النبوغ فالحديث عنه لا يروق للمتربصين الجاهزين بتهم الجهوية والاستعلاء والاستكبار . ولكن الحقيقة متجسدة في روح وفكر ( فاطِماتُنـا وهُن كُـثر ).. وخير مثال لهن فاطمة خليل عيسى..
لك خالص مودتي وعظيم إمتناني يا من كُنتَ خير بارٍ ومحبٍ وعاشقٍ لنوبيةٍ أبية ..
|
Post: #40
Title: Re: عاشت فاطمة خليل عيسى
Author: fadlabi
Date: 02-26-2007, 06:29 PM
Parent: #28
ولياب عمدتنا
أن نفخر بأصلنا لا علاقة له بالجهوية ولا الإستعلاء لو كانوا يعلمون
تعلمناه عن من أنجبونا و سنعلمه لأولادنا
فهو علاج للعنصرية حتى في رأيي
و حأشرح ليك كيف
الآن يا قريبي أعيش في بلد معظم سكانه من الجنس الآري و يتعرض الأطفال الأجانب خاصة السمر منهم أحيانا لتعليقات عنصرية
كيف يمكنني أن أجعل طفلتي تتجاوز الأزمة النفسية التي قد يسببها له تعليق أحد العنصريين على لونها إن لم أعلمها أن لونها أسمر لأنها
أميرة نوبية حفيدة أميرة نوبية و هكذا لون الأميرات ?
يا قريبي نحن نفخر بأصلنا ولا نتعالي على غيرنا
|
Post: #43
Title: Re: عاشت فاطمة خليل عيسى
Author: fadlabi
Date: 02-26-2007, 06:58 PM
Parent: #27
الرجل اللطيف صاحب الإبتسامة الجميلة
رأفت ميلاد
شكرا جزيلا
|
Post: #39
Title: Re: عاشت فاطمة خليل عيسى
Author: fadlabi
Date: 02-26-2007, 06:11 PM
Parent: #26
قريبي فيصل محمد خليل
قصة التهجير قصة أليمة بحق
مساكين أهلنا نزعو عنهم أرضهم بتاريخها كله
هل تذكر كيف أهتز العالم لغرق نيوأورليانز مدينة الجاز في أمريكا?
لو كانوا يعلمون عن حلفا ويعرفون شوارعها كانوا سيبكون صهير قلوبهم
شكرا على مرورك الجميل
|
Post: #38
Title: Re: عاشت فاطمة خليل عيسى
Author: fadlabi
Date: 02-26-2007, 06:00 PM
Parent: #25
زمراوي
أو كمان (آبة هليل) و أنا (مهمد آبة)
تسلم يا جميل
|
Post: #37
Title: Re: عاشت فاطمة خليل عيسى
Author: fadlabi
Date: 02-26-2007, 05:53 PM
Parent: #24
عزان
بس وقعت بي لسانك
إنت قايلني ما بعرفك مشيت السودان ولا لأ
و ما تمشي ليها إيدك فاضية باقي إنت مغترب في أمريكا ذاتها
شكرا على شهادتك الجميلة في حق الدكتورات
____________________________
ملحوظة: أكعب واحدفي عينك
|
Post: #36
Title: Re: عاشت فاطمة خليل عيسى
Author: fadlabi
Date: 02-26-2007, 05:45 PM
Parent: #23
عواطف
غايتو بار دي ما متأكد منها لأنه تعبتها تعب شديد خلاص أمي دي
ليوم الليلة كل يوم عامل كفوة جديدة
عموما تشكري يا ستي
و التحية ليك و لي كل أم في الدنيا
|
Post: #34
Title: Re: عاشت فاطمة خليل عيسى
Author: fadlabi
Date: 02-26-2007, 05:24 PM
Parent: #21
محمد عثمان محمد طه
وكل أمهات العالم
الدكتورات ديل مخلين منظري بايخ
هسي كده الناس عرفوني زكاة أخوانو
شكرا ليك
|
Post: #35
Title: Re: عاشت فاطمة خليل عيسى
Author: abubakr
Date: 02-26-2007, 05:35 PM
Parent: #1
يا بختي .. قريبتي ... ولياب ( المصر علي الانفراد باسم كل اسرتنا الممتدة مع النيل من الدر الي دنقلا) قال كدة ؟ وانا فخور بفاطمة خليل عيسي بت العمدة وام الفنان التشكيلي الفنان وجدة البت الزغنونه الخلت اميتاب بتشان محتار ( اها ما شايفنو محتار كيف )...
|
Post: #41
Title: Re: عاشت فاطمة خليل عيسى
Author: fadlabi
Date: 02-26-2007, 06:41 PM
Parent: #35
أبوبكر
بختنا نحن و الله
نحن لاقيين نبقى قرايبك يا باشمهندس
عارف بيتنا في حلفا الجديدة جمب السينما و كل ما الدنيا تليل بنمشي السينما
الجميل في أهلي الحلفاويين أنهم معافون من عقدة الجندر فنحن نذهب الى السينما أولاد و بنات و النساء في الحي كلمتهم مسموعة تماما
كالرجال
هناك يا بكري تعرفت على أميتاب باتشان و كان عندنا أسماء أظنها نفسها في عموم السودان كان لكل ممثل هندي إسمه الخاص السوداني جدا
أبو طويلة
أب شلخة أو كومار أب شلخة
أب جلة و هكذا...
يا سلاااام أيام
|
Post: #42
Title: Re: عاشت فاطمة خليل عيسى
Author: Ibrahim Algrefwi
Date: 02-26-2007, 06:57 PM
Parent: #41
فاضلابي .
بقيت تتصور مع الخيانة عديل كده !
يازول عوجات كَهي ...
|
Post: #50
Title: Re: عاشت فاطمة خليل عيسى
Author: fadlabi
Date: 02-26-2007, 09:23 PM
Parent: #42
قرمبوز
أتصور شنو?
أنا مقدم طلب عديييل
إحتمال أبقى من الخيانة قريب
|
Post: #44
Title: Re: عاشت فاطمة خليل عيسى
Author: bushra suleiman
Date: 02-26-2007, 07:27 PM
Parent: #1
تعرف يا محمد يادوب أنا آمنت انو الدنيا دى مدورة ، لمان لقيت اسم فاطمة خليل عيسى.
انا واحد من الناس الاتربيت فى مربع ستة وكنا جيران لناس العمدة ..وخيلانك كانو زملاء الطفولة والصبا..بذكر فاطمة وشخصيتها القوية وكيف كانت بتنهزرنا فى الشارع لو واحد فينا عمل غلط ، ووقفتها الشجاعة لمان اتزوجت ابوك (طبعاً اهلنا الحلفاويين) قعدو ينقنقو (نايقول تونا)..(سيدوتونا)..!!
ياخى انت رجعتنى عشرمية سنة لى وراء وشريط كامل من الذكريات كان مدفون فى نخاشيش العقل الباطن..
بالله انقل ليها تحياتى وصادق مودتى واعزازى وقول ليها واحد اسمو بشرى شفوقة..
وتعيش فاطمة خليل عيسى.. ربنا يديها الصحة والعافية وطولة العمر..آآآآآآمين
|
Post: #47
Title: Re: عاشت فاطمة خليل عيسى
Author: fadlabi
Date: 02-26-2007, 09:06 PM
Parent: #44
آآآآآآمين
يا قريبي والله دي حكاية
بس كده الحمدلله مافي زول يجي يطلعني ما سوداني زي ما عملو لي بشاشا
بالله إنت يا بشرى من مربع ستة?
زي ما قلت الدنيا دوارة بس أسألك سؤال ياخي الراجل ده عرستوا ليه كيف?
هو أصلا لو ما بتاع حركات زول جاي يشتغل البوديهو يعاين للحلفاويات شنو
يا سيدي سلامك وصل وأهو الواحد طلع عنده ضهر أصلو المنبر اليومين دي بدون ضهر ما بيبقى
|
Post: #45
Title: Re: عاشت فاطمة خليل عيسى
Author: abubakr
Date: 02-26-2007, 07:53 PM
Parent: #1
تعرف يا ود خالتي بشري لما الفاضلابي جاب سيرة مربع سته تخيلت شفوقة ونورة واسمة وانت ,, قت اكيد بيعرفكم وقت اكيد انت حتظهر وصدقت توقعاتي ... دنيا مدورة ...
لكم مودتي
|
Post: #49
Title: Re: عاشت فاطمة خليل عيسى
Author: fadlabi
Date: 02-26-2007, 09:18 PM
Parent: #45
أهو طلعنا قرايب عديل يا بكري
|
Post: #46
Title: Re: عاشت فاطمة خليل عيسى
Author: مازن عادل عبدالغني
Date: 02-26-2007, 07:59 PM
Parent: #1
فاضلابي ...
سلاماااااااات
ربنا يحفظها ...ويحفظها هذا البيت منتج المتميزين(الباشمهندس جدو -والباشمهندسة سارة -ومحمد الفاضلابي الفنان المبدع...والباقين)
لك التحية ...ولهذه الرائعة فاطمة خليل عيسى الانحناءة والتجلة
مع ودي
|
Post: #48
Title: Re: عاشت فاطمة خليل عيسى
Author: fadlabi
Date: 02-26-2007, 09:14 PM
Parent: #46
مازن
ملاحظ حاجة
ناس بيتنا ديل كلهم عندهم حاجة قبال إسمهم (باشمهندس و دكتور)
أنا الوحيد الصايع
آييييه نعمل شنو عاد
قسمة
|
Post: #51
Title: Re: عاشت فاطمة خليل عيسى
Author: welyab
Date: 02-27-2007, 10:00 AM
Parent: #48
| Quote: وخيلانك كانو زملاء الطفولة والصبا..بذكر فاطمة وشخصيتها القوية وكيف كانت بتنهزرنا فى الشارع لو واحد فينا عمل غلط |
بشرى شفوقة سلام من محمد اواده ..
بس انت عاوز تصغر روحك على حساب ( آبة سينب ) ..
وينك مختفى من بوست التهاني ما في حد شافك.. اخبارك .. اشعارك..
الفاضلابي مع خالص تحياتي
الزول دا ما تشوفو قصرو .. ويمكن الشعراء فيهم روح الشباب .. بس هو اكبر من ناس " فتاح " بكتير ..
|
Post: #52
Title: Re: عاشت فاطمة خليل عيسى
Author: abubakr
Date: 02-27-2007, 10:20 AM
Parent: #1
| Quote: الزول دا ما تشوفو قصرو .. ويمكن الشعراء فيهم روح الشباب .. بس هو اكبر من ناس " فتاح " بكتير .. |
الغريبة امي قالت انو وعمرو (عمر فانة)اصغر مني بس انا طلعت لقيتهم الاتنين معاي سوا سوا ..
|
Post: #57
Title: Re: عاشت فاطمة خليل عيسى
Author: fadlabi
Date: 03-08-2007, 01:36 AM
Parent: #52
ولياب و بكري
شكرا لكشف مؤامرة بشرى و محاولاته الفاشلة في الصغر
|
Post: #53
Title: Re: عاشت فاطمة خليل عيسى
Author: Ibrahim Algrefwi
Date: 03-07-2007, 07:45 PM
Parent: #1
عاشت فاطمة خليل عيسي .
وعاش محمد الفاضلابي اطول فترة ممكنة ليتصل باصحابو
المفلسين ويتونس معاهم ويسأل عن أحوالهم ويحكي ليهم قصص مدينة.
|
Post: #54
Title: Re: عاشت فاطمة خليل عيسى
Author: محمد سنى دفع الله
Date: 03-07-2007, 09:00 PM
Parent: #53
فاضلابي
عزيزي
دخلتني في جو ملائكي
زي زهرتك السماوية فاطمة
انا الان اكتب عن امي وكلما ينقطع حبل الفكر
افتح النت
ولقيتك وفاطمة السمحة
بكرة يوم المرأة
وأمي عاملة من قمنا وفتحنا لقيناها شغالة
فرحتناوكبرتنا على الفن والحب والجمال
شكرا يارائع
وتحياتي لي فاطمة السمحة
الزهرة الملائكية
|
Post: #56
Title: Re: عاشت فاطمة خليل عيسى
Author: fadlabi
Date: 03-08-2007, 01:33 AM
Parent: #53
بكرة مافي ليك نوم يا قرمبوز
تلفون طويل
و ونسة جد
|
Post: #55
Title: Re: عاشت فاطمة خليل عيسى
Author: fadlabi
Date: 03-08-2007, 01:30 AM
Parent: #1
أستاذ محمد السني
تحية لأمك في يوم عيد المرأة
و تحية لها لأنها أمك
و لأنها أهدتنا واحد من رموز الثقافة في البلد
أنت
|
Post: #58
Title: Re: عاشت فاطمة خليل عيسى
Author: محمد سنى دفع الله
Date: 03-09-2007, 11:02 AM
Parent: #55
يازول يارايع
أحكي لينا قصص مدينة
مدينة منو؟
انا عارف الجيرافوي قال كده
زأحكي لينا حكاية اصحابك المفلسين
وقصص فاطمة بت خليل
ونسة محنه ومحبه
مودتي
|
Post: #59
Title: Re: عاشت فاطمة خليل عيسى
Author: Ibrahim Algrefwi
Date: 03-21-2007, 04:30 PM
Parent: #58
كل سنة و فاطمة خليل عيسي كما نحب .
تسلية يا أُمي ...
أسمع ، أجي احكي للناس ديل قصة الحشوة ، ولا مافي داعي .
|
|
