Post: #1
Title: الهـلال يكسب توقيع نجم الموردة الفنان!
Author: Ahmed Alrayah
Date: 06-23-2007, 10:44 AM
Parent: #0
قام الهلال ظهر اليوم -السبت- بتسجيل لاعب المنتخب الوطني و صانع ألعاب الموردة الفنان صالح
عبد الله في خطوة تعتبر مفاجـِـئة للحد البعيد بحكم انّ الموردة ظلت تتسمك بلاعبيها ولا تطلق
سراحهم للهلال والمريخ مهما كانت المغريات، لكن يبدو أنّ الأمور ما عادت كما كانت بعد أن صار
"المال" هو المحرك الرئيس لنشاط كرة القدم، وهو ما حدا بمجلس إدارة الموردة لتقديم استقالته
بعد عجزه عن خلق موارد ثابتة من أجل تسيير دفة النادي.
انتقال صالح عبد الله للهلال تمّ بموجب هذه الفقرة من لائحة تسجيل وقيد اللاعبين المتعاقدين
الصادرة عن الاتحاد العام السوداني لكرة القدم:
ويعتبر صالح الذي برز كأحد أفضل اللاعبين الشباب هذا الموسم إضافة مهمة لفريق الهلال الذي
يمكنه إلحاق لاعبه الجديد بقائمته المشاركة في بطولة الأندية الإفريقية، لكن الزمن لن يسعفه
بطبيعة الحال للمشاركة في المباراة المهمة يوم غدٍ الأحد مع الأهلي المصري بالقاهرة.
جدير بالذكر أن صالح عبد الله أحرز مع الموردة 5 أهداف في الدورة الاولى لهذا الموسم في أول
ثلاث مباريات قم غاب بسبب إصابة تعرض لها في مباراة ودية للمنتخب الوطني مع أثيوبيا، وكان
صالح ذاته صاحب هدفي فوز المنتخب الأوليمبي على نظيره الغيني ضمن التصفيات المؤهلة لأولمبياد
بكين 2008.
انضمام صالح للهلال كان على حساب اللاعب النيجيري بيتر جيمس، والذي يبدو أن إصابته تحول دون
استفادة الهلال منه.
____________________________________
خبر اكتمال مراسم التسجيل ورد بمنتدى الهلال وأكده بذات الموقع الصحفي الرياضي الرشيد
علي عمر.
|
Post: #2
Title: Re: الهـلال يكسب توقيع نجم الموردة الفنان!
Author: Ahmed Alrayah
Date: 06-23-2007, 10:54 AM
Parent: #1
للتوثيق، ولمزيد من تسليط الضوء على النجم الهلالي الجديد، أنقل ما كتبه
عنه الصحفي المريخيّ المتعصب مزمل أبوالقاسم -قبل أن يصفه بالصفقة
الفاشلة-!
كان ما كتبه عن صالح عبد الله جزءاً من مقاله الذي نشر صبيحة مباراة المنتخب
الأولمبي مع نظيره الغيني ونال فيها صالح هدفي المنتخب واستحق نجومية المباراة:
Quote:
يا صالح يغطيك ربنا!
* منذ فترة طويلة لم أر فريقاً سودانياً يلعب كرة قدم منظمة وسلسلة وجميلة مثل التي شاهدته
مساء الأمس.
* ومن الواضح أن المدرب شاكر شمس الدين ومساعدوه أنجزوا عملاً كبيراً.. ونجحوا في اختيار وصياغة
وتوظيف مواهب نجوم المنتخب الأولمبي بطريقة متميزة قادة المنتخب الشاب لتحقيق فوز مطمئن على
حساب فريق كبير وقوي مثل منتخب غينيا الاستوائية.
* منتخبنا الأولمبي ظهر مترابط الخطوط ولعب كرة قدم جميلة وممتعة أهلته للفوز بفارق هدفين
نظيفين نالهما (مارادونا السودان) صالح عبد الله نجم فريق الموردة.
* وقد سجل صالح صاحب المهارات العالية (حفظه الله) هدفاً للذكرى (الأول) وهو يخترق صفوف الغينيين
من منتصف الملعب ويسدد قنبلة لا تصد ولا ترد مزقت الشباك ومنحت صقور الجديان مزيداً من الثقة قبل
أن يضيف اللاعب نفسه هدفاً ثانياً في غاية الروعة.
* مبروك لمنتخبنا الأولمبي ونتمنى من اللاعبين وجهازهم الفني أن لا ينوموا على العسل وأن يسعوا
لتكرار التفوق في لقاء الإياب ليتمكنوا من الصعود إلى سور الصين العظيم عبر أولمبياد بكين 2008!
* ويا صالح يغطيك ربنا! |
|
Post: #3
Title: Re: الهـلال يكسب توقيع نجم الموردة الفنان!
Author: الصادق صديق سلمان
Date: 06-23-2007, 11:45 AM
Parent: #1
الأخ أحمد الريح
نتمنى له التوفيق في الهلال وأن يمتعنا بفنه ويطربنا
أما (مزمل أبوالقاسم) فلن بنال من عزم الهلالاب شيء
ولو قطرة منه بل كلامه سيزيدنا عزماً لتحقيق العلا.
ما ذا عن مباراة الأهلي يا أحمد الريح؟؟
وين ودالفاروق
أبوفتحية
|
Post: #4
Title: Re: الهـلال يكسب توقيع نجم الموردة الفنان!
Author: gamal
Date: 06-23-2007, 11:51 AM
Parent: #1
تحياتي أحمد
خبر سار حقآ. اللاعب هداف وسيفيد الهلال.
هو لاعب وسط مهاجم. نحتاج لمهاجم صريح ايضا في هذه التسجيلات.
|
Post: #5
Title: Re: الهـلال يكسب توقيع نجم الموردة الفنان!
Author: تاج السر حسن
Date: 06-23-2007, 12:11 PM
Parent: #4
العزيز ود الريح
كنت اعلم بأن صالح قادم للهلال منذ أكثر من 4 اشهر لكن ضرورة الكتمان والسريه وحبنا للزعيم جعلنا نمسك عن "تفشى" الخبر، فقد أكد لى أحد أقطاب الهلال، ان أهل الزعيم بدلا من السعى فى التعاقد مع لاعب أجنبى سوف يبذلون كامل جهدهم للحصول على توقيع "صالح" كموهبة سودانيه متميزه يجب الأهتمام بها وصقلها ولا مكان لها غير الهلال.
وناس الموردة يقدرون الهلال كثيرا لأنه ظل يقف الى جانبهم حتى بدون تسجيل لاعب، وقصة المرحوم عبدالله رابح مع لاعب المورده "المحينة" لازالت حية وباقية ذكرنى بها قطب موردابى قبل أيام قلائل، حيث قال أن "المحينه" اختلف مع المرحوم " ترنه" وجاء الى الهلال بنفسه ليوقع فى كشوفات الهلال، فاخذه المرحوم عبدالله رابح بسيارته وعاد به الى نادى المورده وحل مشكلته مع "ترنه" وابقاه فى فريقه.
الهلال .. قيم واخلاق لا يقدرها الا اصحاب الأخلاق.
|
Post: #8
Title: Re: الهـلال يكسب توقيع نجم الموردة الفنان!
Author: ابو خالد
Date: 06-23-2007, 01:01 PM
Parent: #5
| Quote: وناس الموردة يقدرون الهلال كثيرا لأنه ظل يقف الى جانبهم حتى بدون تسجيل لاعب، وقصة المرحوم عبدالله رابح مع لاعب المورده "المحينة" لازالت حية وباقية ذكرنى بها قطب موردابى قبل أيام قلائل، حيث قال أن "المحينه" اختلف مع المرحوم " ترنه" وجاء الى الهلال بنفسه ليوقع فى كشوفات الهلال، فاخذه المرحوم عبدالله رابح بسيارته وعاد به الى نادى المورده وحل مشكلته مع "ترنه" وابقاه فى فريقه.] |
الهلالاب:
تقتلوا الكتيل وتمشو في جنازتو...
للذكرى والتاريخ:
زمان لمن الموردة لأول مرة تأخد كأس السودان بقيادة الفنان أحمد سالم
وإسماعيل دوكة وعبدالسلام...لعاب الهلالاب سال عليهم وبنفس المنطق بتاع
"المفلسين بتاعين الموردة " ..أدو أحمد سالم 200 جنيه , إسماعيل دوكة 150 جنيه
وعبدالسلام 100 جنيه...كنا ممكن نقول الموضوع فك تسجيلات والهلال كان محتاج ليهم
تتصور هجوم الهلال كان فيهو منو...؟؟ جكسا,الدحيش, وكسلا ,و.......طبعا كان واضح
إنو الغرض هو تحطيم الموردة ...لأنو فعلا التلاته ما لعبو ولا ماتش واحد مع الهلال
ومن يومها تاني ما دقوا كورة وكانت خسارة كبيرة مش للموردة بس لكن للسودان عموما
زول بمهارة أحمد سالم يعتزل.
أما رواية المحينة فأشك فيها كتير وأنا ما داير أعلق عليها بس أخونا تمبس حكى لي
قبل فترة قصيرة قصة تجمع الثلاثة (المحينة , الهلال , تمبس) والأخ تمبس عندو مطلق
الحرية يحكيهاأو يبقيها سر في مخزون ذكرياتو...
عموما يا هلالاب نحنا قدماء "القراقير" لا زالت قصة أحمد سالم حاضرة في أذهانا..
مبروك عليكم ...الجماعة يكاكو في الموردة ويبيضوا في الهلال
اللهم لا شماته.
|
Post: #6
Title: Re: الهـلال يكسب توقيع نجم الموردة الفنان!
Author: ALGARADABI
Date: 06-23-2007, 12:14 PM
Parent: #1
الأخ أحمد الريح
نشكرك للأخبار السعيدة ومفرحة
ليس لأن صالح عبدالله لاعب خارق أو أكثر تميزا من أي لاعب في كشف الهلال, ولكن لزوم سهر الجداد وغيظ
الأعادي الذين جندو آلتهم الاعلامية( سبب بلاويهم)جندوها لتحريش جماهير الموردة ضد مجلس الادارة الذي عزم علي بيع صالح للهلال....
حتي مأمون اب شيبة الذي يطرح نفسه ككاتب وطني غير منحاز و كرجل يعمل بما يرضي الله أشترك في الحملة المنظمة ضد تسجيل صالح.... وجاء كيدهم في نحرهم
أما صالح الذي قالو عنه ماردونا سيصبح حمار كارو بكره
وسيبعد عن المنتخب كما أبعد سيف مساوي بعد انضمامه للهلال
بس الله يخلي لينا ارشيفك ده يا ود الريح
|
Post: #7
Title: Re: الهـلال يكسب توقيع نجم الموردة الفنان!
Author: السمؤال بدرالدين
Date: 06-23-2007, 12:19 PM
Parent: #1
هكذا ديدنكم يا معشر الاهلة تحتفلون بالفضائح
هذا الامر يعتبر فضيحة بكل المقاييس لنادي الموردة الذي هو اعرق
من الهلال 1927 الهلال1930 وهذا يدل علي ان مجلس الموردة هلالاب
يلبسون ثياب مورداب
|
Post: #9
Title: Re: الهـلال يكسب توقيع نجم الموردة الفنان!
Author: الصادق صديق سلمان
Date: 06-23-2007, 01:10 PM
Parent: #1
الأخ السمؤال
تحياتي
الهلال هو فريق الفطرة السودانية
كل سوداني هلالابي وأهله يمرخانه أو يموردانه
وإذا كان مجلس إدارة الموردة هلالاب فلا ضير ولا غبار عليهم
لأن الهلال فعلاً فريق يستحق أن يشجع لأنه يمتع بمن فيه.
أبوفتحية
|
Post: #10
Title: Re: الهـلال يكسب توقيع نجم الموردة الفنان!
Author: Nasruddin Al Basheer
Date: 06-23-2007, 01:51 PM
Parent: #9
قال مارتن لوثر كنغ
أنتم معشر البيض
وجوهكم بيضاء
وعيونكم خضراء
وشفاهكم وردية
وشعوركم شقراء
وتقولون عنا بأننا ملونون..
والمريخاب يعدل لهم القانون ليسجلوا لاعباً بديلاً لكوني،
لكن عندما يسجل الهلال اللاعب صالح عبد الله برضاء اللاعب
وناديه ووفقاً للقانون وبإشراف الأتحاد العام وفي فترة التسجيلات،
يقولون بأن تسجيله فضيحة..
عجيب أمركم أنتم معشر المريخاب..
|
Post: #11
Title: Re: الهـلال يكسب توقيع نجم الموردة الفنان!
Author: معتصم دفع الله
Date: 06-23-2007, 03:55 PM
Parent: #1
هسي بكره يجي ناطي ليك (المشجع) مزمل أبوالقاسم ينكر الكلام الكاتبه دا ..
ولو اني مقتنع انو زمن فلتات الكرة السودانية انتهى إلا أنني اتمنى التوفيق للاعب صالح عبدالله كل التوفيق مع نادي الهلال ..
تحياتي أحمد الريح ..
|
Post: #12
Title: Re: الهـلال يكسب توقيع نجم الموردة الفنان!
Author: nazar hussien
Date: 06-23-2007, 04:08 PM
Parent: #11
هسي المذيع بعدين حا يقول: ماشي صالح عبدالله ماشي صالح عبدالله...وماشي صالح عبدالله
غايتو ابت تركب لي في اضان تشجيعي ابدا يا احمد...(صالح سنار كانت اظرف )
هسي صالح دا الا يسموه صالح الملحق.
|
Post: #13
Title: Re: الهـلال يكسب توقيع نجم الموردة الفنان!
Author: Ahmed Alrayah
Date: 06-24-2007, 04:33 AM
Parent: #1
سلامات يا الصادق صديق سلمان
| Quote: ما ذا عن مباراة الأهلي يا أحمد الريح؟؟ |
هي مباراة ضد المنطق الكروي، المنطق الكروي الذي يقول إن الأهلي
أفضل فرق القارة السمراء والحائز على اللقبين الأخيرين، المنطق
الكروي الذي يقول إن الكرة مع صاحب الأرض والجمهور.
عشان كده بنتمنى الهلال يهزم لينا المنطق الكروي والأهلي والأرض
والجمهور، وبالتوفيق إن شاء الله لأخوان البرنس.
عمر الفاروق احترف الفن بعد ظهور نتيجة قرعة دوري أبطال إفريقيا
ووقوع الهلال في مجموعة الموت! أخشى عليه من منافسة فنان الشباب
معتز صباحي ونجوم نجوم الغد لانه سيضطر -وقتذاك- لاحتراف السياسة!
|
Post: #14
Title: Re: الهـلال يكسب توقيع نجم الموردة الفنان!
Author: Ahmed Alrayah
Date: 06-24-2007, 04:37 AM
Parent: #1
سلامات يا gamal
Quote: خبر سار حقآ. اللاعب هداف وسيفيد الهلال.
هو لاعب وسط مهاجم. نحتاج لمهاجم صريح ايضا في هذه التسجيلات. |
يا ريت يا جمال! بس من وين؟ مافي مهاجم محلي مميز، والضوابط
تمنع تسجيل اللاعبين الأجانب في فترة التسجيلات التكميلية، إلا
إذا تم تجنيسهم... وده موضوع طويل زي ما إنتَ عارف.
|
Post: #15
Title: Re: الهـلال يكسب توقيع نجم الموردة الفنان!
Author: Ahmed Alrayah
Date: 06-24-2007, 04:42 AM
Parent: #1
سلامات يا تاج السر
Quote: كنت اعلم بأن صالح قادم للهلال منذ أكثر من 4 اشهر لكن ضرورة الكتمان
والسريه وحبنا للزعيم جعلنا نمسك عن "تفشى" الخبر |
ده كلام صاح! السرية من أهم عوامل نجاح صفقات التسجيلات، فهي
تسهم في إنهاءها بلا مزايدات، موش زي ناس كده، يكتبوا من
بداية الموسم "ولدنا... ولدنا" وحصل شنو؟ ولدنا سجلناهو بدري!
منصورين بكرة إن شاء الله، وتطلعوا من الإستاد إلى الفندق "عِـدِل"
عشان تباركوا لأخوان هيثم.
بس خلوا بالكم من أبوتريكة يا التاج!
|
Post: #16
Title: Re: الهـلال يكسب توقيع نجم الموردة الفنان!
Author: Ahmed Alrayah
Date: 06-24-2007, 04:50 AM
Parent: #1
سلامات يا ALGARADABI
Quote: نشكرك للأخبار السعيدة ومفرحة
ليس لأن صالح عبدالله لاعب خارق أو أكثر تميزا من أي لاعب في كشف الهلال
ولكن لزوم سهر الجداد وغيظ الأعادي الذين جندو آلتهم الاعلامية( سبب
بلاويهم)جندوها لتحريش جماهير الموردة ضد مجلس الادارة الذي عزم علي
بيع صالح للهلال |
غايتو يا ALGARADABI الأرشيف ده قاعد للناس ديل، حا يمشوا منو وين؟
محاولات "تحريش" الموردان التي تولى "كبرها" مزمل أبوالقاسم ومأمون
أبوشيبة "تخجـِّـل" عديل كده! هم يعني لو حريصين على الموردة ليه
بيسجلوا لاعبيها بعد انتهاء فتراتهم؟ هم سجلوا قبل كده عبد المجيد
جعفر، معاوية كاوندا، خالد برشم، هيثم شوشة وعنتر! والهلال ذاتو
سجل حضرة، هيثم السعودي، أنور الشعلة والمعز محجوب.
أما الكلام عن حضارة الموردة وريادتها فعلى العين والراس، بس يكون من
المورداب... ولا ما كده؟!
|
Post: #17
Title: Re: الهـلال يكسب توقيع نجم الموردة الفنان!
Author: Ahmed Alrayah
Date: 06-24-2007, 04:58 AM
Parent: #1
سلامات يا السموأل بدر الدين
Quote: هكذا ديدنكم يا معشر الاهلة تحتفلون بالفضائح
هذا الامر يعتبر فضيحة بكل المقاييس لنادي الموردة الذي هو اعرق
من الهلال 1927 الهلال1930 وهذا يدل علي ان مجلس الموردة هلالاب
يلبسون ثياب مورداب |
الموردة -يا السموأل نادٍ منافس للهلال، وليس هناك ما يلزم الهلال
بالحرص على الموردة أكثر من أهلها. مجلس الموردة عجز عن إدارة
النادي بسبب انعدام موارد الدخل كما صرح بذلك سكرتير النادي عز
الدين الصبابي مرارا وتكرارا.
اللوائح لا تمنع انتقال صالح للهلال، وده المهم. أما الحديث عن
"عبق التأريخ" و"الماضي الجميل" فهو حديث عاطفي لا يقدم ولا
يؤخر.
كل من ادعى الحرص على الموردة عليه بدعمها مادياً وليس
بالاعتراض على استفادة الآخرين من القوانين المنظمة للعبة.
يعني يا سموأل لا دايرين ترحموا، لا دايرين رحمة الله تنزل؟
|
Post: #20
Title: Re: الهـلال يكسب توقيع نجم الموردة الفنان!
Author: ABDELMAGID ABDELMAGID
Date: 06-24-2007, 05:10 AM
Parent: #17
| Quote: الهـلال يكسب توقيع نجم الموردة الفنان! |
مبروك  !!!!!!!!!!!!
و انشاء الله ...
تقدروا تجيبو ييو المحمول جوا ( الأول ) . ..
و تحصلوا القطر الفاتكم عشان تبقوا ( تلت ) المريخ العظيم ...
قال شنو ؟
فنان قال ...
عبدالماجد
|
Post: #18
Title: Re: الهـلال يكسب توقيع نجم الموردة الفنان!
Author: Ahmed Alrayah
Date: 06-24-2007, 05:04 AM
Parent: #1
سلامات يا نصر الدين البشير
Quote: والمريخاب يعدل لهم القانون ليسجلوا لاعباً بديلاً لكوني،
لكن عندما يسجل الهلال اللاعب صالح عبد الله برضاء اللاعب
وناديه ووفقاً للقانون وبإشراف الأتحاد العام وفي فترة التسجيلات،
يقولون بأن تسجيله فضيحة..
عجيب أمركم أنتم معشر المريخاب |
أخوانـّـا المريخاب ديل كلمناهم كتير قبل كده، وقلنا ليهم "ألعبو
كورتكم" وخلونا نلعب كورتنا! ما سمعو الكلام وبقت شغلتهم الأساسية
"جهجهة الهلال" و"رفع أسعار اللاعبين الذين يرغب في إعادة قيدهم"
و"دفع بعض لاعبيه لفسخ عقوداتهم" و"إنهاك خزينة الهلال"!
بس طبعاً يا نصر الدين دي حاجة طبيعية من أنصار الفريق الوصيف
للمواسم الأربعة الاخيرة! آخر كلام إنهم عاوزين عمر بخيت -الواحد
ده-! ده غايتو لو سجلوهو سيموتوا جميعاً من الفرحة ولن يهنأوا به!
|
Post: #19
Title: Re: الهـلال يكسب توقيع نجم الموردة الفنان!
Author: Ahmed Alrayah
Date: 06-24-2007, 05:10 AM
Parent: #1
سلامات يا معتصم دفع الله
| Quote: هسي بكره يجي ناطي ليك (المشجع) مزمل أبوالقاسم ينكر الكلام الكاتبه دا |
ينكر بي وين يا معتصم؟ والله مع الارشيف ده "إلا يطير"!
بيني وبينك الزول ده بسويها! زمان كان بيسمى طمبل "طمبــج"
وأول ما جا المريخ بقى بيقول عليهو "الطوربيد"! نعمل شنو
مع المشجعين الشايلين أقلام ديل؟!
صالح ده حكايتو حكاية؛ سجلناهو من الموردة بعد انضمامو للفريق
القومي، ولقبو -مارادونا- جبناهو من المريخاب!
ما قلتَ ليك لاعب "جاهز"؟
|
Post: #21
Title: Re: الهـلال يكسب توقيع نجم الموردة الفنان!
Author: Ahmed Alrayah
Date: 06-24-2007, 05:18 AM
Parent: #1
سلامات يا نزار حسين
Quote: هسي المذيع بعدين حا يقول: ماشي صالح عبدالله ماشي صالح عبدالله...وماشي صالح عبدالله
غايتو ابت تركب لي في اضان تشجيعي ابدا يا احمد...(صالح سنار كانت اظرف )
هسي صالح دا الا يسموه صالح الملحق |
الألقاب دي أسهل حاجة عند ناس الكورة زي ما إنت عارف! والميزة
في حكاية الألقاب دي إنو ناس الجرايد الرياضية بيطلقوها دون
أي معوقات من أي نوع،
عشان كده ممكن -وعادي جدا-ً ناس قوون يسموهو "صالح إيتو"، أو ناس
الكابتن يسموهو "صالح ما رادونا"... غايتو ناس "الصدي هم
الوحيدين الحا يكتبوا "صالح عبد الله"... لشيء في نفس مزمل!
لكن بيني وبينك المذيعين القالو "مهند الطاهر" و"علاء الدين جبريل"
ديل ممكن يقولوا أي حاجة بعد ده!
|
Post: #22
Title: Re: الهـلال يكسب توقيع نجم الموردة الفنان!
Author: yasir Abdelgadir
Date: 06-24-2007, 05:49 AM
mabrook Ahmed, you are doing well man, just continue
so as not to forget
Quote: Quote:
يا صالح يغطيك ربنا!
* منذ فترة طويلة لم أر فريقاً سودانياً يلعب كرة قدم منظمة وسلسلة وجميلة مثل التي شاهدته
مساء الأمس.
* ومن الواضح أن المدرب شاكر شمس الدين ومساعدوه أنجزوا عملاً كبيراً.. ونجحوا في اختيار وصياغة
وتوظيف مواهب نجوم المنتخب الأولمبي بطريقة متميزة قادة المنتخب الشاب لتحقيق فوز مطمئن على
حساب فريق كبير وقوي مثل منتخب غينيا الاستوائية.
* منتخبنا الأولمبي ظهر مترابط الخطوط ولعب كرة قدم جميلة وممتعة أهلته للفوز بفارق هدفين
نظيفين نالهما (مارادونا السودان) صالح عبد الله نجم فريق الموردة.
* وقد سجل صالح صاحب المهارات العالية (حفظه الله) هدفاً للذكرى (الأول) وهو يخترق صفوف الغينيين
من منتصف الملعب ويسدد قنبلة لا تصد ولا ترد مزقت الشباك ومنحت صقور الجديان مزيداً من الثقة قبل
أن يضيف اللاعب نفسه هدفاً ثانياً في غاية الروعة.
* مبروك لمنتخبنا الأولمبي ونتمنى من اللاعبين وجهازهم الفني أن لا ينوموا على العسل وأن يسعوا
لتكرار التفوق في لقاء الإياب ليتمكنوا من الصعود إلى سور الصين العظيم عبر أولمبياد بكين 2008!
* ويا صالح يغطيك ربنا! |
|
Post: #23
Title: Re: الهـلال يكسب توقيع نجم الموردة الفنان!
Author: عمر الفاروق
Date: 06-24-2007, 07:56 AM
Parent: #1
ود الريّح :
Quote: عمر الفاروق احترف الفن بعد ظهور نتيجة قرعة دوري أبطال إفريقيا
ووقوع الهلال في مجموعة الموت! |
والله يا احمد الريح مجموعة الهلال دي لو كان أدوها لي مريخابي يختها ما كان ختاها كده !!!
أحد ظرفاء المدينة قال لي يا عمر الهلال حا يصعد من المجموعة دي في حالة وااااااحدة بس
يكونوا هايزين خمسة فرق من المجموعة
تخريمة :
يا احمد خليك من الأهلي يا اخوي اسيك ده شي صعب خلاص ..امبارح ناس الترجي مرقو منو بي كرامة البليلة في تونس ..
يا زول انا لحقت شعبان عبد الرحيم وحا أبطل التشجيع في الأول من ربيع
وهييييييييييييييييييييييييييييييييييييييه
|
|