منظمة المرأة الأفريقية للتنمية " من أهدافنا إلقاءالضوء على أمهاتنا، ,اخواتنا وبناتنا، اللائى ساهمنا ويساهمنا فى رفعة مجتمعاتنا داخل وخارج وطننا الأم السودان"
سلمى الشيخ سلامة في قسم الدراما يا لتلك الخطوات التي مشيناها معا من المقرن- دار إتحاد الكتاب كدراوية حتى أمبدة شمال، يا لتلك الحكاوي والشجون تشرفت بك وكثيرا، تعلمت منك الكثير
عفوا يا سلمى: تقاطعت بنا الدروب، علمت بأنك "زعلانة مني" ورسلت ليك إعتذار مع أخونا معاوية الوكيل أوربا لم تكن رحيمة معي بما يكفي لألتقيك، وكنت بها- نوعا ما، غريب اليد واللسان، وقيل التلفون فعذرا حتى نلتقي وأتمنى لك ايام جميلة ومحاضرة شهية صحبة الاصدقاء آمنة ناجي ومنعم شوف وبقية العقد الفريد
صديقي نعوم أجيكم ما ألقاكم أمشي تجو راجعين زي ما الحاصل حاجة المهم: الجايات أكتر من الرايحات ومحاضرة ممتعة مع سلمى الشيخ
يا الراكبين عجلاتكم اول ما يلفت النظر فى هذه البلاد المنخفضة اعداد ضخمة من العجلات البحر من كل ناحية لكنها حفية به اهلها طيبة وسماحة تسالهم يجيبونك بلا جدل ولا نظرة تعال احببت هذه البلاد جدا وبحثت عن "وليم " الذى انقذها من الغرق ربما ان روحه لابسة فى اى مواطن من اهله لكم محبتى امنة ومنعم ساعود اليكم احبتى
ما احلى ان نغنى فى هذا الزمن الحزين يا صديقى معتصم لقد غنينا يومها لحواء الطقطاقة كانت معنا بصوتها ولحنها وغنائها وكنا حضورا فى حضرتها كنا اهزوجة من الوجد وقفنا حدادا على روح قرفة التى ظللت المكان بضحك خفيض وهمس رقيق يا لهذا العالم الجميل الذى بثه فينا حضور قرفة واغنيات حوا الطقطاقة امنا الرائعة
التحية والقومة لأستاذتنا العزيزة سلمى الشيخ سلامة ولجميع آل الشيخ سلامة، ودورهم الريادي في نشر نور المعرفة، فقد تعلمت ومازلت أتعلم من أسرة الشيخ سلامة الكثير.
ابراهيم الانسان الفنان الراقى تحياتى شاكرة تكبدك مشاق السفر واسفة على الغرامة لكن بالجد كان لحضورك معنى وقيمة شكرا لك على كل ما قدمت لنا اتمنى ان نلتقى ودائما تحياتى للبنيات وامهم
النذير حجازى الابن والاخ والصديق تحية طيبة شاكرة لك حلو كلماتك واتمنى ان نلتقى فى هذا الاسبوع حاكون مساء اليوم فى مطار ج اف كنيدى الساعة السابعةمساء حارسل ليك التلفون فى الخاص محبتى الابدية
انعام الانسانية التى تمشى بين الناس حفظك الله ورعاك بالجد كان لقاءا جميلا بين ناس منعم شوف من البيت الى حد الحدود بين الدول كان بيننا الصادق شيخ الدين وضياء الميرغنى ابراهيم عبد الحليم والفاتح عباس "ابو مهند" كان معنا الروائى السودانى المصرى الهولندى رؤوف مسعد وكانت ليلة من ليالى الالق السودانى التف جمعنا حول نقاش رائع عن الاغنية السودانية ببناتها وحقيتها وحديثها بنماذجها التى عطرونا بها ضياء الميرغنى وابراهيم عبد الحليم وصادق شيخ الدين فى تلقائية واريحية وروعة بلا حدود اتمنيت لو كنتى معانا
Quote: التحية والقومة لأستاذتنا العزيزة سلمى الشيخ سلامة ولجميع آل الشيخ سلامة، ودورهم الريادي في نشر نور المعرفة، فقد تعلمت ومازلت أتعلم من أسرة الشيخ سلامة الكثير.
ســــلامات يا النذير وكل سنة وإنت طيب يا شاب، تسلم على الكلام الأنيق فى حق هؤلاء الناس، وياريتكم لو كنتوا معانا اليوم بماركاتور بلين 17 .. يا زول الجايات أكتر .. ولا شنو ؟ ههههه
Quote: يا اخوى نحن بنجى لمن يكون فى عشاء فنانين مظبط
إنت فنان بطينى ولا شنو يا إبراهيم .. يا زول البرنامج بالنهار .. وقبل الغداء زاتو .. هههه تجى تتغدا معانا يا حبة .. مرحب بيك بماركاتور بلين 17 .. ترام 13 من السنترال ستيشن ( المحطة الوسطى أمستردام) وفى تمام الثانية سيبدأ برنامجنا وحتى الخامسة من ظهر اليوم السبت 18 سبتمبر 2010
ديل بخليك تسأل منهم الأستاذة آمــنة ناجى مديرة منظمة المرأة الأفريقية للتنمية وتوضح ليك علاقة الهدف المكتوب فى صدر البوست وعلاقته ببرنامج سلمى سلامة وتجربة السيدة الفضلى حواء الطقطاقة.
الاحباء الذين عبروا من هنا جميعكم فى الروح تسرون الان حان ميقات ان نمشى الى مكان الحفل سنوافيكم بكل ما يحدث منعم يا شوف لكم انى سعيدة ان اكون بينكم لك واسرتك الصغيرةالرائعة محبة مداها بلا حدود فلقد جعلتمنى احد افرادها احمد وماجدة الماجدة ابنة استاذى وحبيبى احمد زين صغيرون ياخ احبكم وحب خاص ارسل وفادته لامنة ناجى تلك العصفورة التى جعلت تغريد العصافير يستحى فهى عصفورة الوجدان هى رمز من رموز الالفة فى هذا المكان هل نسيت احدا؟ احمد عبد الوهاب الذى جعل " طواف القدوم مريحا" فهى اى امستردام "حج " لمن استطاع اليه سبيلا حج ترى فيه الماء فوقك وتحتك لكنه يستطيع الى تدفئتك وابعاد زخاته عنك سنلتقى مرة قادمة لاكتب عن هذه البلاد التى ما توانت فى اخراج مياهها من العدم الى الوجود فى مطر لا ينتهى حتى لتحس انك فى مدينة جوبا الاستوائية سوى ان هنا لا رعد يقطع عليك "قلبك " وقلبى سيظل حديقة بهذه الازهار الابدية الغرس
Quote: معاكم معاكم ونحن لاقين بت الشيخ وين عشان نغيب
والله يا ديدى البسمع الكيو يقول ضياء دا واقف من الدغش قدام الصالة تعرف يا حبة أنا ح أفضى وأعمل ليك برنامج إنبورخرنق صارم جداً .. وعلى طريقة منعمشوف الخاصة .. يبدو أنو الخواجات ديل دلعووكم
أووو جدو صديق الموج .. سلامات يا حبيب وعلّك والوليدات والأحفاد بألف خير والله من القشورية المرقة بقت سهله ومافيها تعقيدات زى زمان .. كدى إنت حاول الجلسة كانت جيدة ووردت فيها معلومات كتيرة جديدة عن غناء البنات وتجربة الطقطاقة نحاول ننزل الفديو أو الورقة طبعاً بعد التشاور مع سلوم .. تسلم ياجدو وخلينا نشوفك
ضياء ميرغنى، سلمى سلامة، آمنة ناجى وحواء بشير محمد عبدالحميد ورؤوف مسعد أحمد عبدالوهاب، إبراهيم عبدالحليم، الفاتح عباس وخالد الطاهر بلقيس إدريس، الصادق شيخ الدين، محمد عبدالحميد، رؤوف مسعد وأمال مصطفى
أأسف للكوالتى غير الجيدة .. الموقع المضيف يضغط بصورة شحيحة ومافيها حرفنة .. تانى مابمشى أنزّل عندهم حاجة ههههه
ابو مهند يا سلام عليك يا اجمل صديق عرفته ما بقدر اوصف سعادتى انى عرفتك وقابلتك مشكزر يا صديقى على حفاوتك وحضورك الدائم فى بيت منعم مشكور على كل ما قدمته لى تعجز الكلمات عن توصيل مكنونى خلينا على تواصل محبة واخاء ابدى
آمنة ناجى وسلمى الشيخ سلامة (الصورة للدكتور الفنان أبى خليفة) من هنا وإنت ماشى/ة الصور الحلوة الــ ح تنزل هنا كلها من صنع هذا الفنان .. الزول دا داير لى بوست براهــــو
حمدلله على ســلامة الوصول يا ســلوم خليتى البيت خفيف كما تقول ماجّود
اوتوماتيكلى حبيتها جدا لانها صورة رؤوف مسعد هذا الرجل المعطون بحب السودان حيث كانت ولادته هناك ابنا للقمص فى كنيسة فى مدينة ودمدنى عشق رؤوف السودان وكتب روايته الاشهر "بيضة النعام " من وحى طفولته وصباه فى السودان احببت تلك الرواية ليس لانه كاتبها رؤوف لكن لبساطتها وكنت حين قراتها لم التقى رؤوف بعد لكنى بعد ان التقينا العام 1994 بتنا كالاخوان لا نتفارق الا لحظة ان يود الذهاب الى حيث يسكن وكذا كنت افعل رؤوف مسعد حبيبى متعك الله بالصحة والعافية
شكرا لك يا منعم ان جعلت لقائى برؤوف ممكنا حيث كنت اخاف غيم المنى الشايق يشيلو الريح ويتفرق
يا إبراهيم دى فضلة خيرك وكرمك يا زول يا زين شكراً لتكبد مشاق الرحلة الطويلة يا شاب وشكراً للمسامرة والتغنى بروائع العندليب زيدان إبراهيم جددت شبابنا وفرحّت قلوبنا شكراً مجدداً يا شاب
يا سلاااااااااااااام يا منعم عليك وعلى سلومة وضيوفك كل سنة وانتو طيبين يا رب وفي الافراح متجمعين تحياتي يا منعم لك ولاسرتك الكريمه ,,,,, والله يا سلومة لو ما قابلتك في جيتك دي كان مت عديييييييييييل الحمد لله في الشوفة ولو كانت لساعات قليلة الطريف في الموضوع مؤيد تاني يا يوم قال لي يا ماما يلاكي نمشي لي ناس خالتو تاني حكيت لي اسوية قعدت تضحك وتقول لي يا حليلو قايلنا معاه قريبين الف حمد الله على سلامة وصولك والله والتحية والتقدير لكم اخي منعم ولكل الاحبة الشاركوا في هذا اللقاء الجميل
