اجمل عيدية فى هولندا والدول المجاورة محجوب شريف شخصيا وردَ الجميل

الطيب الانسان الشاعر الفنان ونبض الشعب
كم نسعد به ونتوق لرؤياه
مرحبا محجوب شريف ومى واميرة ومجدى واسرته
ومثل ما نهض اهل الفن فى المرة السابقة ها هم يتسابقون لرَد الجميل لشاعر الشعب
وها هو بقلبه الكبير يبادلهم ردَ الجميل
نحن واياكم مع شاعر الشعب محجوب شريف وقراءاته الشعرية
الفنانون :-
الصادق شيخ الدين & رشا شيخ الدين&
الوافر شيخ الدين & ضياء الدين ميرغنى
طارق ابو عبيدة & نانسى عجاج&
ياسر وردى & حسن صالح (ابو على)&
وليد يوسف & مى محجوب شريف&
عبد العزيز خطاب & نقور اكوك&
محمود الزين محمود
والموسيقيون بقيادة:-
اسامة مليجى & شهاب شرحبيل&
هيثم موسى & محمد صديق &
بشير محمد احمد(ساكس) & سراج الثعلب&
عبد الرحمن حمد النيل & عادل السيد&
معتز ابراهيم & ابراهيم ديسكو&
فردريكو & ياسر شوقى
والمسرحيون:
عماد بركة & تروس
وفى التقديم :-
آمنة ناجى & تماضر الخنساء
ولا زال احتمال المشاركة من آخرين وارد
والباب مفتوح للجميع
المدينة:-
اوترخت / هولندا
الزمان :-
السبت 13 اكتوبر2007
تمن التذكرة 10 يورو
للحجز والاستعلام:-
0627558534 احمد
0614949981 معتز
0615334811 ضياء

Quote: محجوب من الأذى ياشريف

تااااااااااااااااااانى يا ضياء حفله بقروش ؟؟
ما بتوبو انتو
انا شخصيا ما بقدر على الحفله الورطه دى

لكن برضو
بتمنى ليكم النجاح فى utrecht
وكل سنه وانتو بخير
حليمه

Quote: تااااااااااااااااااانى يا ضياء حفله بقروش ؟؟ ما بتوبو انتو انا شخصيا ما بقدر على الحفله الورطه دى لكن برضو بتمنى ليكم النجاح فى utrecht وكل سنه وانتو بخير حليمه

تعرفى يا حليمة الحفلات دى كل واحدة بظروفها
زى مباريات الكورة ههههه
بعدين دا حفل كبير وحبيب الشعب ورمزه
شفت فى المرة الاولى كيف كان الناس ابدت حبها لمحجوب
اهو شوفى كم الناس المشاركين
لازم انت والفاتح تسجلو حضور من بدرى
وتشاركوا فى العمل والدعاية منذ الآن برسل ليك فى الايميل
ضياء

شكرا تماضر الخنساء وعلى موعد باللقاء لتحضيات ذلك اليوم البهى

انت فنان ايضا يالطاهر ان تحتفى بهذا الشاعر

شكرا ليك كثير

شكرا حيدر على المرور الجميل
محجوب شريف قامة يعتز بها كل الشعب السودانى
ضياء

سلامات ضياء

لاشك سوف تكون أمسية جميلة وهى تجمع كل أهل الفن والكلمة.
نتمنى لكم أمسية جميلة ورائعة .

تحياتى ورمضان كريم

تسلم يا ابو حميد
الله يعيك العافية
ضياء

زمن الراحة راح..
ياحليل البراح..
قهقهة الاماسي..
والغنى..
والمزاح..



والكسرة الرهيفة
والشاي الصباح
ونعناع الحليفة
في وجدانا فاح


بالنفاج حبابك
وبالباب العديل

شكرا الشفيفة تماضر الخنساء حمزة
ست الحروف اليانعة
همتك معانا
ضياء

ياااه,هنيئا لكم بالكنز الاسطرة ياضياء
لولا الظروف الملحة لطرنا اليكم بصحبة
غيثارتنا لنهديه ونهديكم اعذب الالحان
تمتعوا فى حضرة من نهوى
مدد

تسلم يابكرى ولا عدمناك
ما بتقصر تب
لن شاء الله فى الجايات
ضياء

يابا مع السلامة

محجوب شريف

يابا مع السلامة يا سكة سلامة

في الحزن المطير

يا كالنخلة هامة

قامة واستقامة

هيبة مع البساطة

اصدق ما يكون



راحة ايديك تماماً متل الضفتين

ضلك كم ترامى حضناً لليتامى

خبزاً للذين هم لا يملكون

بنفس البساطة والهمس الحنون

ترحل يا حبيبي من باب الحياة لباب المنون



روحك كالحمامة بترفرف هناك

كم سيرة وسريرا من حولك ضراك

والناس الذين خليتم وراك

وعيونم حزينة بتبلل ثراك

ابواب المدينة بتسلم عليك

والشارع يتاوق يتنفس هواك



يا حليلك حليلك يا حليل الحكاوي

تتونس كانك يوم ما كنت ناوي

تجمع لم تفرق بين الناس تساوي

نارك ما بتحرق ما بتشد تلاوي

ما بتحب تفرق من جيبك تداوي

الحلم الجماعي والعدل اجتماعي والروح السماوي

والحب الكبير



في الزمن المكندك والحزن الاضافي

جينا نقول نفرق نجي نلقاه مافي

لا سافر مشرق لافتران وغافي

وين عمي البطرق جواي القوافي

يا كرسيه وسريرو هل ما زلت دافي

يا مرتبتو امكن في مكتبتو قاعد يقرا وزهنو صافي



يا تلك الترامس وينو الصوتو هامس

كالمترار يساسق يمشي كما الحفيف

كم في الذهن عالق ثرثرة المعالق والشاي اللطيف

تصطف الكبابي اجمل من صبايا

بينات الروابي والضل الوريف

احمر زاهي باهي يلفت انتباهي

هل سكر زيادة ام سكر خفيف

ينده للبنية يديها الحلاوة

والخاطر يطيب

يدخل جنو منو محبوب الشقاوة

يستنى النصيب



الدفو والنداوة السنا والعبير

كالغزلان هناك في الوادي الخصيب

حيث الموية عذبة والغصن الرطيب

كم تحت المخدة اكتر من مودة

للجنا والغريب

عش وعشب اخضر جدول من حليب

يابا ابوي يا يابا

الشمس البتطلع بلت منو ريقا

والنجمة البتسطع فيه تشوف بريقا

الندى في حركتو يطفيها الحريقة

ننهل من بركتو زي شيخ الطريقة

شاييهو وطرقتو والايدي الصديقة

يلا نسد فرقتو حب الناس درقتو

يا موت لو تركتو مننا قد سرقتو

كنا نقول ده وقتو لكنك حقيقة



النفاجو فاتح ما بين دين ودين

نفحة محمدية دفئاً كالضريح

ميضنة كم تلالي جيداً في اليالي

مجداً في الاعالي

مريم والمسيح



قلباً نبضو واصل ما بين جيل جيل

ما بين كان وحاصل او ما قد يكون

ما بتشوف فواصل الا الذكريات

وآلام المفاصل بعضاً من شجون

يابا مع السلامة يا سكة سلامة
في الحزن المطير



شكرا لكم ضياء

شكرا لك عاطف وشكرا على الدفقات العدبة
من شعر محجوب شريف
تسلم كتير
ضياء

الحمد لله تم انجاز احد الاحان لمحجوب شريف من اعماله الجديدة
والعمل الثانى على اعتاب النهايات
ترقبوا مفاجأت الحفل المتعددة
ضياء

Quote: يا كالنخلة هامة قامة واستقامة هيبة مع البساطة اصدق ما يكون

والله بختكم يا ناس هولندا ... ما حاسدكم لكن بغراااااااااااااااااااااان .

وتحية خاصة للعملاق الإنسان محجوب شريف الزول الشريف .

أبو قصي

انتهيت للتو من محادثتى مع الشاعر الانسان محجوب شريف
وتناول الحوار كالعادة هموما كثيرة الوطن الفن الشتات ودارفور الجرح النازف
محجوب ومنذ الوهلة الاولى اراد لرد الجميل ان يكون مشروعا عاما لكل فقراء السودان
ويعتبر ان نقطة البداية من مدينة الثورة وتوسعت الفكرة ليلتقطها بعض الشباب فى
شمبات رد الجميل الحاجة آمنة التى حفظت لها الاجيال حسن صنيعها معهم فباتت خالدة فى
ذاكرتهم بالاضافة الى مشروع وليد دارفور وغيره من المشاريع عذرا اذا نسيت بعضها.
هذا الانسان المدهش يريد ان يتواصل الداخل والخارج فى مشاعرهم الانسانية تجاه المواطن السودانى البسيط الذى لم يفارغ قلبه ابدا منذ وقت طويل .
حدثنى محجوب عن المشاعر النبيلة التى لا تصلنا (ولا نرى الا السوء المنقول لنا من جراء سياسة هؤلاء
القتلة والسفاحين الذين لن تمتد اليهم يده لتصافحهم مطلقا مهما كان ولن يلتقى معهم ابــــــــــدا)
حدثنى كيف اصبح رد الجميل تيارا عاما وسط الشباب وكيف اصبح رموز النظام المجرم معزولون حتى فى المناسبات الاجتماعية كبيوت الافراح والمآتم . حديث اثلج قلبى وروحى وشحذها بالأمل القادم بقوة
(رغم السونكى ورغم السور)
تعرَفت عبر مى محجوب شريف على وجه آخر. محجوب شريف الملحن وسمعت منها اطفى النور الاغنية التى عالجتها برؤية لحنية اخرى .
اما دارفور وجرحها النازف فقد كانت محورا مهما من الحوار وها هو محجوب شريف يحدثنى عن
حرصه فى كل دعوه ومناسبة يقيمها من اجل الالتقاء بهم وهم دوما نصب عينيه .
حدثنى عن ان الصمت ازاء ما يحدث فى دارفور صنو لجرائم النظام الغاشم فى حقهم. وان الايدى لا بد ان تلتقى من اجل دارفور.
وحدثنى عن شعوره بان يرد الجميل لمن وقفوا معه ولكنه فى المقام الاول يحرص على رد الجميل لكل الشعب السودانى وحتى يصبح رد الجميل واقعا متحققا فى كل السودان
حدثنى وحدثنى وحدثنى فاقترحت عليه ان يخاطبكم مباشرة عبر هذا البوست والبوست الآخر
فمرحبا به مشاركا معنا فى هذا البوست.
محبتى لكم
ضياء ميرغنى


اطفى النور شعر محجوب شريف
الحان ضياء ميرغنى
غناء ضياء ميرغنى & مصطفى السنى

فوق دائما

Quote: الإنسان

تسلمى تماضر على المرور
فوق دائما.

كم هو جميل و مفرح تواجدهذه الكوكبة في ايام العيد
ارجو ابلاغ الخبر لجميع الجاليات بغرب اوروبا للمشاركة و ناس بلجيكا جاهزين للحضور
ساقوم بتعميم ذلك للجالية السودانية ببلجيكا
ولكم الف شكر
كبار

شكرا عزيزنا الاستاذ محمد كبار
وتحياتنا لكل الجالية السودانية ببلجيكا يا استاذ
ضياء

فى انتظاركم
للاتصال
ضياء 0107861588
او 0615334811
احمد 0627558534
معتز 0614949981

رد الجميل اجمل جميل
فى الدنيا دى
طربا ترى الاحساس يميل
زاهى وندى
ارويهو بالشكر الجزيل
اسقيهو ما ترددى
يا إيدى لو قَصرتى يوم
فى حقو ماكى اذن يدى
++++
عرفت فضل الغيم عليك
من قبل ما تستسقى او تستنجدى
يا قلبى قف ... لو خنتُ
او قَبلت منو كدى وكدى
يا خطوى خف بالنجدة أمسك
بزمامها وابتدى
يا للملاذ الآمن الحر النبيل المرتجى
ضد الزمان الاسود
+++++
كم بالتضامن والنفير
الحاجة ابعد ما تكون
تلقاها قدامك هدى
يا روحى فى ركن الضمير
رد الجميل اتوسدى

محجوب شريف