Post: #1 Title: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-21-2007, 08:26 AM Parent: #0
أحبتى
هذا الموضوع مواصلة لموضوع sunrises123
لدعم ولدنا خالد حسن المشارك فى برنامج ألبوم على قناة MBC
و هذه مقتطفات من الحفلة التى أختير فيها خالد كمشترك أضعف.
Quote: رحّبت المذيعة النجمة رزان مغربي بمدير اعمال فريق شمال أفريقيا على المسرح ليختار المشترك الأضعف في فريقه، وقبل ذلك دعت رزان الجمهور ليهنّئ المشتركة المصريّة نورهان بعيد ميلادها الذي صادف البارحة، أمّا إختيارات تامر لثلاثة مشتركين كي يقفوا في منطقة الخطر فجاءت على الشكل التالي: منى من المغرب، وخالد من السودان، ونورهان من مصر، وفي إستئناف المشتركين لحكم مدير أعمالهم قالت نورهان: "اليوم عيد ميلادي، وأشكر الأستاذ تامر أنّه كافأني بوضعي في منطقة الخطر!"، وكانت سرعة بديهة لافتة من نورهان في هذا القول الطريف الذي أضحك كلّ من في الأستوديو، أمّا منى من المغرب فقالت:" أنا مغربية، وبصراحة كنت مرتاحة في الميدلي المغربي أمس، أمّا إذا إرتأى الأستاذ تامر بأنّي كنت ضعيفة في الأغنية الجديدة فله كامل الحريّة بإختياري"، وجاء دور خالد ليدافع عن نفسه، فقال:" أشكر القائمين على ألبوم لأنّهم أتاحوا أمامي الفرصة لأشارك في هذا البرنامج المهمّ، ومن تدعمه بلد كالسودان لا يخاف من القنبلة الذريّة، فما بالك من الخوف من التسميات"، قال خالد ذلك وكأنّه كان يستشعر بأنّ تامر سيختاره ليكون المشترك الأضعف في الفريق، وكان قلبه دليله لأنّ تامر قال له:" ماذا قلت لي البارحة يا خالد؟"، فردّ خالد:" قلت إذا إخترتني اليوم لأكون الأضعف فتأكّد أنّي سأعود إليك"، فقال له تامر:" إذا انت الأضعف".
خالد حسن
خالد حسن الشاب السوداني المتخصص في هندسة الكمبيوتر، يهوى الغناء ويعشق الموسيقى الرومانسية والطربيّة. يبلغ الـ 20 من عمره ويستمتع بسماع المطربين عبد الحليم حافظ ، وردة الجزائرية والفنان اللبنانيّ فضل شاكر.
يمتد التصويت للمتسابقين لمدة أسبوع كامل من مساء السبت وحتى مساء الجمعة.
للتصويت من السعودية، إرسال رسالة sms بالرقم 2 إلى الأرقام التالية
الجوال 88885 موبايلى 6091
من الإمارات ، إتصالات 2298
مصر GSM 93200
البحرين
بتلكو 95172
فودافون 77263
قطر Q-tel 2877
و للتصويت العالمى عبر التلفون للناس الما عندهم أرقام إشتراك في بلادهم
الإتصال بالرقم 009739000532
و الرقم دة فى البحرين
ربنا يقدركم على فعل الخير و يوفق خالد
Post: #2 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: celecon Date: 05-21-2007, 08:42 AM Parent: #1
متين ح تنتشر اغانينا السودانية فى العالم العربى ؟؟؟؟؟؟؟؟؟؟؟
السؤال موجه لأخونا الشاب خالد حسن على ؟؟؟؟؟؟؟؟؟؟؟؟؟؟؟؟؟
Post: #3 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-21-2007, 08:54 AM Parent: #1
Post: #5 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-21-2007, 08:57 AM Parent: #3
العزيز سيليكون
كدى لمن خالد يفوز ، بعدين نوجه ليهو السؤال دة
بالله الموضوع جد خطير و لازم نتحرك كلنا لدعمه ،، وزى ما "كورتنا" إنتعشت خلونا كمان
نساعد "غنيتنا" عشان تنتعش
لك الود و شااااااارك و صوت بالله
Post: #4 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: Dr. Ahmed Amin Date: 05-21-2007, 08:55 AM Parent: #1
...............
الحاصل شنو ؟؟؟ خالد ؟؟؟ mbc ؟؟؟
أخوكي مجلي شوية يا نوسة
Post: #6 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: celecon Date: 05-21-2007, 09:02 AM Parent: #1
تصدقى يانوسة لو المسألة
Quote: (نساعد "غنيتنا" عشان تنتعش)
والله ماخسارة فاتورة التلفون ....
لكن الله غالب ....
_________ مجرد رأى وبس !!!
____ تعديل اسم نوسة ....
Post: #7 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-21-2007, 09:27 AM Parent: #6
سيليكون
بالله ما دايرة معاك سلبية و غنية سودانية و حاجات زى دى
Quote: لكن الله غالب
يعنى شنو الله غالب ؟؟ إنت يا زول لجان ثورية ؟؟؟
ما هى المسيج ما كتيرة يعنى ما أظنها تفوت الأربعة ريال، يعنى أى زول يقنع ليهو من 10 درهم/ ريال و يرسل مرتين عشان يأخوانا عيب أنو بلد كبييييييييييييرة زى السودان دة و يفوز علينا واحد من تونس؟؟؟موش
الموضوع وطنى فى المقام الأول و بعد داك بنقعد نورى خالد يعمل شنو !! أوكى؟؟؟
Post: #8 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-21-2007, 09:30 AM Parent: #7
الغالى الحبيب أبوحميد
كيف أخباركم؟
Quote: الحاصل شنو ؟؟؟ خالد ؟؟؟ mbc ؟؟؟
أخوكي مجلي شوية يا نوسة
يعنى إنتى جيت لحدى MBC و جليت؟؟ ما زمان كنت مستلم لينا السوبر ستار لمن فاتورتك جاتك بالميات !!!
خالد دة مشارك فى برنامج غنائي إسمه ألبوم و أسسسسسسسسسسسى دى شغال على التلفزيون""هذه اللحظة"" أمشى شوفو
Post: #9 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-21-2007, 09:36 AM Parent: #8
للتصويت من السودان
مشتركى أريبا يمكنكم التصويت على الرقم 1433 ، فقط أرسلوا رقم 2
و المشتركين بموبيتيل 1424 مع إرسال رقم المشترك و هو 2
همتكم يا زوى الهمم
Post: #10 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-21-2007, 09:44 AM Parent: #9
"على الطلاق" البوست دة ما يقع تب !!!
Post: #11 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-21-2007, 09:47 AM Parent: #10
طوالى فوق
Post: #12 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: عصام دهب Date: 05-21-2007, 09:57 AM Parent: #11
مع إحترامي لك يا نوسة ولخالد و لمعجبيه إلا انني أرى أن المشاركة في مثل هذه البرامج السطحية لا تفيد إنتشارنا الفني في شيئ و ما من مستفيد منها غير القائمين عليها و شركات الإتصالات و الإنتهازيين .. ** على فكرة أنا اكتب هذا الكلام و معي الآن في المكتب الفنان السعودي / هشام عبد الرحمن الهويش ( الفائز في برنامج ستار أكاديمي للدورة قبل الماضية ) و الذي من خلاله تكشف لي الكثير عن هذه البرامج ..
Post: #13 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: Ahmed Yousif Abu Harira Date: 05-21-2007, 10:03 AM Parent: #11
Quote: "على الطلاق" البوست دة ما يقع تب !!!
أها... هووووووووووووووووب فوق
عشان حليفتك دي
Post: #14 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-21-2007, 10:09 AM Parent: #13
الأخ عصام دهب
أنا أدرى كل القلته يا أخى و لا أريد و لن أقع فريسة شركات الإتصالات ، و لكن يا أخى زى ما قال المثل " إن كان لك حاجة عند الكلب قوله يا "سيدى" " موش كدة؟؟
ما يهمنا فى الموضوع برمته هو "السودان" و هذه فرصتنا لنبين للعالم ديل ما هو السودان و من هم السودانيين،،
شارك و لو برسالة واحدة ،، و البيقع فى النار ما بنزيدو حطب يا أخى..
مشاركتك تعنى الكثير لهذا السودانى الطموح
مشكور و تحياتى لهشام الظريف
Post: #15 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-21-2007, 10:11 AM Parent: #14
المحترم أحمد يوسف
Quote:
أها... هووووووووووووووووب فوق
عشان حليفتك دي
يا هم ديل ناس بلدي و أولاد عمى
ربنا يخليكم و يلا أدعموا خالد ولدنا
Post: #16 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: بدر الدين الأمير Date: 05-21-2007, 10:11 AM Parent: #13
من أجل غد مشرق وغدا تشرق الشمس
Post: #18 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-21-2007, 10:14 AM Parent: #16
الأخ الأمير
و إن شاء الله شمس بلدى عمرها ما تغيب " ما قصدى الحر "
Post: #17 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: شادية الطيب Date: 05-21-2007, 10:13 AM Parent: #1
معاك يا نوسة ومع خالد ومع السودان في المقام الاول رسالتين تلاتة خمسة وعشرة كمان
Post: #19 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-21-2007, 10:18 AM Parent: #17
الأخت شدوية
ربنا يحفظك و يزيدك كمان و كمان
وكلنا معاك يا خالد و بنورى الناس إنو "ناس الحارة ديل أهلى"
Post: #20 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: othman mohmmadien Date: 05-21-2007, 10:55 AM Parent: #19
سوف ندعمه ولكن أريد أ ن أصوت من اليمن فهل أكتب2 فقط دون أن أكتب بجوارها كلمة خالد أخشى أن يكون الرقم 2 لمشترك من المشرق العربي أو الخليج أو أي مكان آخر فهمونا اكثر
Post: #21 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-21-2007, 11:28 AM Parent: #20
الأخ الراقي عثمان محمدين
ربنا يحفظك و يزيدك
أيوة بس أكتب رقم 2 لا غير عشان الرسالة تتحسب..
عندك تلفونات اليمن؟؟؟
sabafon 3009
spacetel 1012
Yemen Mobile 88067
ربنا يحفظكم
و مشكور لغيرتك على ود بلدك
Post: #22 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: رهف Date: 05-21-2007, 11:29 AM Parent: #1
انا بصوت ليه لو غنى لناس حقيبة الفن او للاستاذ محمد الامين
Post: #24 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: رشا سالم Date: 05-21-2007, 11:42 AM Parent: #22
كتبت 2..
وكتبت 88885
جاتني رسالة بتقول:
شكرا لدعمك وتصويتك لي.خالد حسن من فريق شمال افريقيا..
انقري جعولية ساي ما رسلت مسج تانية؟
Post: #25 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-21-2007, 11:59 AM Parent: #24
رشا سالم
تسلمى و ربنا يزيدك أضعاف مضاعفة عن كل ريال صوتي بيهو
كدى أديهو فرصة يفوز و بعد داك اليغنى ليكم الدايرنو
Post: #23 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: celecon Date: 05-21-2007, 11:34 AM Parent: #1
Quote: انا بصوت ليه لو غنى لناس حقيبة الفن او للاستاذ محمد الامين
ينصر دينك ودين أبوأهلك ظاااااااااااااااطو ...
Post: #26 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: على اسماعيل Date: 05-21-2007, 12:03 PM Parent: #23
Quote: كتبت 2..
وكتبت 88885
جاتني رسالة بتقول:
شكرا لدعمك وتصويتك لي.خالد حسن من فريق شمال افريقيا..
انقري جعولية ساي ما رسلت مسج تانية؟
ونحن ايضا صوتنا لخالد .. كتبنا 2 والمرسل اليه 2298 وجائتنا نفس الرسالة
شكرا لدعمك وتصويتك لي.خالد حسن من فريق شمال افريقيا..
ولكن نقرنا 30 نقرة مع الاسرة والان بنمسح ردود تاكيد وصول رسائلنا .. معا لدعم خالد طالما متوشح العلم السودانى ..مع تحفظنا حول الغناء عموما...
Post: #27 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-21-2007, 12:04 PM Parent: #23
سيليكون ؟؟؟؟
Quote: ينصر دينك ودين أبوأهلك ظاااااااااااااااطو
ياخى و ينصر دين خالد و هويتو زاتووووووو
المهم إنت صوت و صوت وصوت و صوت و صوت لحدى ما "حسك" ينقرش ،، المهم ولد السودان ما يتخذل
يلا رسل المسيجات و خلى البخل يا أولاد مهيرة
Post: #28 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-21-2007, 12:16 PM Parent: #27
أخى على إسماعيل
ناس الحارة ديل أهلى
فليرفع خالد رأسه عالياً بين أقرانه و هو منتصر بإذن الله
Quote: ولكن نقرنا 30 نقرة مع الاسرة والان بنمسح ردود تاكيد وصول رسائلنا .. معا لدعم خالد طالما متوشح العلم السودانى ..مع تحفظنا حول الغناء عموما
و شكراً لدعمك لولدكم برغم تحفظاتكم
Post: #29 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-21-2007, 12:27 PM Parent: #28
يمتد التصويت للمتسابقين لمدة أسبوع كامل من مساء السبت وحتى مساء الجمعة.
للتصويت من السعودية، إرسال رسالة sms بالرقم 2 إلى الأرقام التالية
الجوال 88885 موبايلى 6091
من الإمارات ، إتصالات 2298
مصر GSM 93200
البحرين
بتلكو 95172
فودافون 77263
قطر Q-tel 2877
و للتصويت العالمى عبر التلفون للناس الما عندهم أرقام إشتراك في بلادهم
الإتصال بالرقم 009739000532
و الرقم دة فى البحرين
Post: #31 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: Gafar Bashir Date: 05-21-2007, 12:32 PM Parent: #28
Quote: :" أشكر القائمين على ألبوم لأنّهم أتاحوا أمامي الفرصة لأشارك في هذا البرنامج المهمّ، ومن تدعمه بلد كالسودان لا يخاف من القنبلة الذريّة، فما بالك من الخوف من التسميات"، قال خالد ذلك وكأنّه كان يستشعر بأنّ تامر سيختاره ليكون المشترك الأضعف في الفريق، وكان قلبه دليله لأنّ تامر قال له:" ماذا قلت لي البارحة يا خالد؟"، فردّ خالد:" قلت إذا إخترتني اليوم لأكون الأضعف فتأكّد أنّي سأعود إليك"، فقال له تامر:" إذا انت الأضعف".
اتمني انو يجتهد في تحسين المستوي ... ودعمناه وسندعمه بكل تأكيد ...
وتحياتي يا نوسة ومزيد من المشاركات السودانية في الوطن العربي
العنتريات أظن لأنو إحساسنا بالمؤمرات ضدنا كسودانيين،، و العرب فاكرين نفسهم بيتكلموا عربى أحسن مننا
نتمنى له النجاح يا رب " كيتن" فى التوانسة و العرب
و يا ريت دايماً إسم بلدنا يكون فى أجمل و أنجح الأشياء
Post: #33 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-21-2007, 12:50 PM Parent: #32
رجوية العسل الزولة الراقية
Quote: ما فهمت المقصود بـ GSM.. أنا تلفوني كليك حاولت أرسل الرسالة معلًقة ما مشت..
..
وفوق عشان طلاقك ما يقع ..
ودي
و الله أنا لقيتا كدة فى موقع ال mbc بس ح أتابع التلفزيون و لمن يكتبوا رقم تانى ح أجيبوا ليكم
طلاقى و لا "خلعى" دة يا ربى ؟؟؟
مشكورة و تقبلى تحيات وجدى
ولك من الود مثله
Post: #35 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: Raja Date: 05-21-2007, 01:01 PM Parent: #33
واااااو..
الإرسال نجح.. وقامو ردو لي بالعربي.. للأسف ما عندي عربي في الموبايل. لكن خمًنتا إنه كتبو نفس الكلام القالوهو الأعزاء فوق..
Good luck Ya Khalid
دمتي
Post: #34 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: امير مصطفى احمد Date: 05-21-2007, 12:58 PM Parent: #1
نوسة
رسلنا وحنرسل اكثر وحنكلم كل الشباب الحولنايرسلو برضو
عارفه : دا اختبار كويس لفرضية توحد السودانيين حول (شخص ، موضوع ) ما
Post: #36 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-21-2007, 01:44 PM Parent: #34
أخى أمير
و يا ها المحرية فيكم، و أنتم أهل لها
بس باقى لى كفة الترجيح" مايلة للتوحد
ربنا ينجح مقاصدكم
التعديل لزوم تصحيح غلطة "إملائية"
Post: #37 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-21-2007, 02:06 PM Parent: #36
طوالى يا سودانى ح تكون فوق
Post: #38 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nazar hussien Date: 05-21-2007, 02:21 PM Parent: #37
صوتنا...بعدد من ندفع عنهم زكاة الفطر...يا نوسة...وبفتش لي فتوة تانية عشان أصوت..
وحا أعتبرها دمغة وطن...ودمغتين حب...وتلاتة دمغات شلهتة...اريتو الوطن يكون مشلهت علينا قدر ما نحن...
Post: #39 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: محمد سنى دفع الله Date: 05-21-2007, 02:40 PM Parent: #38
زمان يانوسة قلنا بيجينا زمن فيهو سودانية لكنهم ما من السودان لكنهم فيهم الجينة العجيبة الود خالد اهو نموذج حقيقي بغني خماسي وسباعي والسودان فيهو صافي وجميل زيما في مطربين جوة السودان بقوا بغنو سباعي وخماسي وبضربوا مزيكا على المقامات الغربية وفي النهاية دمهم سوداني نصوت لي خالد كل يوم زي مابرفع اسم السودان كل يوم وبحبك ياخالد ياسوداني
Post: #40 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-21-2007, 02:40 PM Parent: #38
أخى نزار
تسلم يا ربى و ربنا يديك لى كل 400 فلس "حق المسيج" يديك قصادهم 400 دينار
أها لو عايز تزيد "دنانيرك" زيد مسيجاتك !!
Quote: وحا أعتبرها دمغة وطن...ودمغتين حب...وتلاتة دمغات شلهتة...اريتو الوطن يكون مشلهت علينا قدر ما نحن...
مشكور على "الدمغات" الغالية دى
و أنا "أفتيت" ليك خلاص إنك تصوت
يلا شوف معاك باقي ناس البحرين "المكنكشين" لى فى موبايلاتهم ديل صباح و مساء
Post: #41 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-21-2007, 02:50 PM Parent: #40
أخى المبدع الفنان الإنسان
السنى
خلاص خالد ضمن الفوز ما دام إنت وقفت معاهو و ساندتو ..
و فعلاً غرضنا كلنا هو غيرتنا على بلدنا و على إسمها ، و لو ما كان خالد دة فعلاً بيستاهل يمثلنا ما كنا تعبنا قلبنا و وجعنا "عيونا" من الصباح بمصاقرة "المونيتر" لمن عويناتى زغللن..
ربنا يحفظك و يحفظ ليك قلبك
و معاً لأجل السودان و السوداني الجميل "خالد"
Post: #42 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: محمد سنى دفع الله Date: 05-21-2007, 02:54 PM Parent: #41
ربنا إحفظك واعليك فوق المابيك زي ما بتعلي اسم السودان يلا ياسودانية صوتو لي خالد السوداني صوتو صوتو صوتو صوتو نوسة مودتي
Post: #43 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: Outcast Date: 05-21-2007, 03:19 PM Parent: #42
العزيزة نوسة ,,
بالصدفة فتحت التلفزيون من صباح الرحمن و لقيت البرنامج - رغم أني ما بحب البرامج بتاعت ناس "شو" و "مو هيك" دي ,, لكن قلت اشوف الولد خالد السوداني دة لي الزمان ..
الولد عجبني لله فى لله ,, و عجبتني لهجته السودانية الواضحة ,, لكن يا نوسة - بدون إحباط ليك- ما ممكن ح يفوز طبعا و لازم يكون الحلقة الاضعف طالما انه بيغني بلهجة غير لهجته - و اهم من كل هدا و ذاك البرنامج بيكون حاسم منو اللي ح يفوز مقدما ,, دي ما نظرية مؤامرة ,, لكن نظرية زولة عاشت و شافت و قنعت من خيرا فى البرامج التجارية دي و بعدين العرب ديل ما عايزين السوداني يزح من حتة "ازيكم ..كيفنكم" و لا "المامبو السوداني" و هم مرتاحين كدة .... و طالما انهم المتحكمين فى البرنامج و ال sponsorship ,, فما فى طريقة
.كدي غايتو ,, و رينا لو بنقدر نصوت من امريكا البعيدة دي
Post: #44 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-21-2007, 03:35 PM Parent: #43
غاليتى Outcast
تسلمى لى و تسلمى لى بلدك
عن إنو القصة تجارية أيوة أنا مقتنعة بى كدة ، و لكن كل البرامج الشوفناها في الدنيا دى بتعتمد على التصويت ، و هذا بدليل إنو الخليجيين غالباً يفوزون فى مثل هذه البرامج بالرغم من فقر إمكانتهم الصوتية مقارنة بالأخوة من دول المغرب العربى،، و لكنهم يفوزون بوقوف أهلهم معهم ،، و نحن يجب أن نفعل المثل ، لكي نثبت لهم أننا لا نرمى "أولادنا"و نتركهم تحت رحمة المصوتون غير المنصفين..
أما عن الرقم العالمي فهو هنا فى البحرين و هو :
و للتصويت العالمى عبر التلفون للناس الما عندهم أرقام إشتراك في بلادهم
الإتصال بالرقم 009739000532
تشكرى عزيزتى و ل"ندحض" مثل الكلام الذي يقال عن عدم جدوى الإتصالات
Post: #48 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: othman mohmmadien Date: 05-21-2007, 04:02 PM Parent: #43
نوسة الشجاعة "الشجعان هم من يتعلقون بحب أوطانهم" صوت وتلقيت رسالة كالتالي:
Quote: شكراً لدعمك ولتصويتك لي. خالد حسن من فريق شمال أفريقيا.
هيا فلنصوت لوطنناالسودان بإسم خالد يا أعز مكان وطني السودان. يا شباب تكفي أغنية من حور الجنان التي قدمت كرابط في الحلقات الأولى سمعته يشدو بها كأروع آداء وبصورة سودانية خالصة لم أسمعها من قبل من حور الجنان هل إنت إنسان الكمال أعتقد أن إنطباعية العرب عن الأغنية السودانية غير منصفة لذا الأمر يتطلب التدريج وولوج الساحة بأغانيهم،،، صوتوا لخالد صوتوا له
Post: #45 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-21-2007, 03:35 PM Parent: #1
Post: #49 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nazar hussien Date: 05-21-2007, 04:07 PM Parent: #47
Quote: يلا شوف معاك باقي ناس البحرين "المكنكشين" لى فى موبايلاتهم ديل صباح و مساء
كلمي ليهم فاطمة بيبسي يا نوسة
Post: #50 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: othman mohmmadien Date: 05-21-2007, 05:05 PM Parent: #49
طيب يا أخوانا ويا أخواتنا الأغنية التي سمعتها لخالد تعد من أروع أغاني سيد عبد العزيز وأعتقد أنها جواز سفر وجنسية لكل سوداني يطرب للفن السوداني وأصالته المتمثلة في الحقيبة وتراثه العميق بحق آداها بطريقة رائعة وبصوت يكتم الآهات التي تتململ للوجد والطرب والحنان والنواح ونسمات البلد وهاهي الأغنية أنزلها لكم أتمنى أن ينزلها بعض الأخوة بصورة صوتية غن وجدت ودمتم
سيد عبد العزيز - من حور الجنان
من حور الجنان أم أنت إنسان الكمال هل أنت الملاك جيت تورى الناس الجمال
سبحان من نشاك حسنه وفى غاية الكمال يهواك الجنوب وإليك ينقاد الشمال وما أظن يحصوا حسنك لو يحصوا عدد الرمال بى إيه يقدروك يا ملك ملوك عصر الجمال
سلطان بهجتك محروس بجيوش الجلال ويغار من صفا حسنك صفا ماء الزلال فى مراية خدودك أشوف تأكيد سحر الحلال وأشوف فى سما حسنك كل يوم يسطع هلال
صفا ماء الجمال فى مجال جمالك راق وجال زى ماء الحياء فى عيون ربات الحجال ما فعل السلاح تفعل عيناك النجال مكسور الطريف كسر قلوب الرجال
يا خلاصة المعانى الصار معناك موضع مثال فوق المحسنات حايز لطف وكرم خصال آلهة الجمال اعترفوا ليك ما ليك مثال وتتمنى البدور تقبيل يداك بى امتثال
يا طايل الوريد يا أهيف يا اللى خصمه زال فيك منظر يحنن وفيك منظر فارس النزال ليك من الغزالة جبين وقاد وعيون غزال الحور من مناصبها لى قدرك تكتب نزال
يا الغصن الرطيب عاجبنى فيك الإنهدال اللادن قوامك من ملبن وذو اعتدال جوهر حسنك الصافى وسيرك طاهرات عدال آيات بينات ما فيهن للكافر جدال
شاركت الغمام والموج مناظر وارتحال شاركت الظباء فى نفرتن والإكتحال شاركت القلوب فى موضعن وعلى كل حال نفداك بالنفوس وفداء النفوس كان المحال
Post: #51 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: othman mohmmadien Date: 05-21-2007, 05:20 PM Parent: #50
صوتوا لخالد الرقم 2 فقط
Post: #52 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: othman mohmmadien Date: 05-21-2007, 05:59 PM Parent: #51
نعم لخالد صوتوا له صوتوا للسودان الكثير من الأخوة المصريين كالو السباب العنصر لخالد بعد ترشيحة للمنافسة المصرية بأنها الأضعف في المنافسات فلننتصر له
Post: #53 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-21-2007, 09:06 PM Parent: #52
آآآي والله مسكين شتموهو هو وسارة عشان قالت ليهو واضحة يا خالد طلعوا سامي وأنا وانت دورك جاي...وشتمو السودانيين زاتم وقالوا يا خالد انت بتفكرنا بعمو عثمان السفرجي وعم عبده البواب...
Post: #54 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-21-2007, 09:06 PM Parent: #52
آآآي والله مسكين شتموهو هو وسارة عشان قالت ليهو واضحة يا خالد طلعوا سامي وأنا وانت دورك جاي...وشتمو السودانيين زاتم وقالوا يا خالد انت بتفكرنا بعمو عثمان السفرجي وعم عبده البواب...
Post: #55 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: HAMZA SULIMAN Date: 05-21-2007, 09:47 PM Parent: #54
معا لخالد
Post: #56 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: Rawia Date: 05-21-2007, 09:51 PM Parent: #55
Quote: 009739000532
نوسة الرقم دا ماشغال
وبيقول تأكدي من الرقم
وريني الويب بتاعهم وين عشان اشوف طريقة تصويت
ومن حسة اعتبريني داعمة رسمي وقانوني
ولو ما اشتغل حا اخلي رجوية ترسل لي
Post: #57 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-21-2007, 10:00 PM Parent: #56
عزيزتي راوية ممكن أرد عليك أنا بعد اذن نوسة طبعا...الرقم ده للأسف ما شغال...واحنا جبنا كروت وصوتنا عن طريق تلفون قطر الأرضي وهو +9749001320 ورقم خالد 2
Post: #58 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: othman mohmmadien Date: 05-22-2007, 01:11 PM Parent: #57
لخالد *****
Post: #59 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: Semsema Date: 05-22-2007, 02:02 PM Parent: #58
مسج..
اتنين..
ثلاثة...
الف....
الى ان ينتهى الزمن المعلن للتصويت .. حنرسل..
وبقانون المحبة والانتماء .. بسيطة...
مع محبتى...
Post: #60 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: شهاب الفاتح عثمان Date: 05-22-2007, 02:30 PM Parent: #59
Quote: [ّ، ومن تدعمه بلد كالسودان لا يخاف من القنبلة الذريّة، فما بالك من الخوف من التسميات"،]
هو الان نيلنا هو الان نحن..
وسودانا فوق اخوك انا ...
نوسه شكرا خالد بالتوفيق
Post: #61 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-22-2007, 04:21 PM Parent: #60
أخوانى الأحباء
دعمكم لخالد هو دعم لبلدنا الحبيب
شكراً لكم
نسمة
سمسمة
راوية الحبيبة و رجوية
عثمان محمدين
حمزة
شهاب
و كل من شارك و ساهم بالموبايل و بالتلفون و بالقلب
ربنا يوفقوا ياااااااااااااااااااااااااااااااا رب
Post: #62 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-22-2007, 04:25 PM Parent: #61
أخى الأستاذ الإنسان الفنان السنى
Quote: ربنا إحفظك واعليك فوق المابيك زي ما بتعلي اسم السودان يلا ياسودانية صوتو لي خالد السوداني صوتو صوتو صوتو صوتو نوسة مودتي
و لك من الود و المحبة و الإحترام ما يغني أهل بلدي
و الرفعة لك يا وطن الأجداد و يا أمة الأمجاد
Post: #63 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: Tragie Mustafa Date: 05-22-2007, 04:40 PM Parent: #62
ننوسه كيفك؟؟
وحمد الله على السلامه
ومعليش متأخرين اتصلنا بالرقم القلتي عليه وجاني مشغول
ساعاود الاتصال
وربنا يوفق خالد رغم المؤامرات.
Post: #64 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-22-2007, 04:46 PM Parent: #63
حبيبتى تراجى
مشتاقيييييييييييييين و الله و إنتى برضو حمد لله على سلامتك
إنتى عارفة أنا أسى جيت راجعة للبوست دة عشان أقول " يا ناس السياسة أدعموا الفن لأنكما صنوان"!!
مشكورة و عارفاك زولة حارات ، و إنتى عارفة جماعة البرنامج لمن يلقوا الإتصالات المهولة و الدعم دة كلو ح يعملوها حجة و كل مرة يقوموا يختوهو لينا "نومينى"
بس نحن قبلنا بالتحدى و إن شاء الله "القروش تطير"
بالنسبة للتلفون إتخيل لى فى واحد تانى و هو
009749001320 و دة رقم فى تلفون أرضى فى قطر.
حاوليهو و ربنا يمتعكم بالصحة و العافية
Post: #65 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: شهاب الفاتح عثمان Date: 05-22-2007, 04:57 PM Parent: #64
صوت على رقم التلفون بواسطه دوله قطر
هذا الشاب مبدع سوداني اصيل و مجيد لعده لهجات
و له اسلوب تطريب رزين
سودانا فوق شكرا نوسه
Post: #66 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-22-2007, 04:59 PM Parent: #64
+ +
Post: #67 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-22-2007, 05:04 PM Parent: #66
شكرأ يا شهاب
و غيرتنا على بلدنا البتخلينا نساهم و ندعم
Post: #68 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-22-2007, 06:22 PM Parent: #67
*
Post: #69 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: Tragie Mustafa Date: 05-23-2007, 03:28 AM Parent: #68
.
Post: #70 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: bayan Date: 05-23-2007, 03:57 AM Parent: #69
مع انه لا نشاهد التلفزيونات العربية هنا لكن ندعم الشاب السوداني حسن ربنا يوفقو
وتحياتي يا نوسة لك وللاسرة
Post: #71 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: doma Date: 05-23-2007, 05:05 AM Parent: #70
نوسه حاولت الرقمين ما في رد كرتي نصه خلص من غير اي فائده ربنا ينصره
Post: #72 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: Semsema Date: 05-23-2007, 06:47 AM Parent: #71
معا.......
السودان اولا واخيرا..
بعيدا عن الانتماءت الضيقة...
مع محبتى.
Post: #73 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: Ahmed Mohammed Osman Date: 05-23-2007, 07:23 AM Parent: #1
نصوت وندعم خالد حتي النهائي لو كل واحد رسل في اليوم مسجين بس واحدة صباح واحدة مساء اتخيلو ممكن يكتسح بي كم؟؟؟؟؟؟؟؟؟
احبك يا سودان
Post: #74 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-23-2007, 10:11 AM Parent: #73
الأعزاء الأحباء لكم دوماً محبتى
شكراً ليك يا بيان و دعمكم بالقلب مهم للغاية و لو فى تلفونات برضو أحسن حبتين
الحبيبة دومة
Quote: نوسه حاولت الرقمين ما في رد كرتي نصه خلص من غير اي فائده ربنا ينصره
ما مشكلة أنا بصوت ليهو بدلك و تصويتك وصلو يا أصيلة
الأخ أحمد
شكراً على همتك يا بطل
Quote: لو كل واحد رسل في اليوم مسجين بس واحدة صباح واحدة مساء اتخيلو ممكن يكتسح بي كم؟؟؟؟؟؟؟؟؟
ب 20 مليون إن شاء الله
Post: #75 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-23-2007, 10:18 AM Parent: #74
فوووووووووووووووووووووووووووووووووق
Post: #76 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: Nasruddin Al Basheer Date: 05-23-2007, 10:48 AM Parent: #75
والله يا نوسة ما قصرتِ تب مع خالد ربنا يديك العافية ويجبر بخاطرك هذا البوست فيه بعث للروح الوطنية.. بس نطلب من أصحاب المسكول يخلوا (المسكلة) اليومين ديل ويعملوا نقرة نقرتين عشان خالد السوداني.. لك الود والإعزاز يا صاحبة الحس الراقي..
Post: #77 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: حسن الجيلى سعيد Date: 05-23-2007, 11:23 AM Parent: #1
نوسة, سلامات ليك وللسودان ولخالد
عارفه يانوسة خالد كلمتو دى بالدنيا
Quote: وجاء دور خالد ليدافع عن نفسه، فقال:" أشكر القائمين على ألبوم لأنّهم أتاحوا أمامي الفرصة لأشارك في هذا البرنامج المهمّ، ومن تدعمه بلد كالسودان لا يخاف من القنبلة الذريّة، فما بالك من الخوف من التسميات"
كلامو دا كلام زول ضكران وود بلد بحق.... نحن مع خالد قلبا وقالبا ومع السودان اينما كان ويكون
كمية من الحب
Post: #78 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: امير مصطفى احمد Date: 05-23-2007, 01:01 PM Parent: #1
فوق فوق سودانا فوق
Post: #79 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: GamarBoBa Date: 05-23-2007, 01:25 PM Parent: #78
حنصوت ليه والله بس عشان حاجتين بس لانو سوداني وفي موقف وعشان طلاقكم ده
لكن تاني مافي زول يمشي لينا ام بي سي وله روتانا ويختنا في حناسات الغني السوداني جميل وبتكفينا حلاوته وطعامته هسة عليكم الله الغنية الجميلة بتاعة سيد عبدالعزيز القالوها دي باقي لكم في عربي بيفهمها وهل في داعي لجنس الكلام الجاي ده
Quote: آآآي والله مسكين شتموهو هو وسارة عشان قالت ليهو واضحة يا خالد طلعوا سامي وأنا وانت دورك جاي...وشتمو السودانيين زاتم وقالوا يا خالد انت بتفكرنا بعمو عثمان السفرجي وعم عبده البواب...
ما ترفعوا مرارتنا ساي
وده عشرين صوت لخالد وناس المكتب والاصحاب كلهم وناس الحلة ولو فاز بالاصوات ذاتو شن ضمنكم انو حيطلعوه الفائز.
Post: #80 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: Sawsan Ahmed Date: 05-23-2007, 01:46 PM Parent: #78
فوق فوق فوق فوق فوق فوق فوق فوق فوق فوق فوق فوق فوق فوق فوق فوق فوق فوق فوق فوق فوق فوق فوق فوق فوق فوق فوق فوق فوقفوق فوق فوق فوق فوق فوق فوق فوق فوق فوق فوق فوق فوق
Post: #81 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: عبد المنعم سليمان Date: 05-23-2007, 02:30 PM Parent: #1
Quote: نساعد اغنياتنا عشان تنتعش
دي اغنيات وللا سفن اب
حيرتينا يا نوسة
اها وهسع موقف خالد كيف ؟
الله يوفق خالد ويحرز لينا المرتبة الاولي باغنيان عبدالحليم وفضل شاكر
اااخ لو اعرف طريقة اقوي من كده ادعم بيها خلودي
Post: #82 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: doma Date: 05-23-2007, 02:40 PM Parent: #81
نووسه والله متالمه اني ما قدرت ارسل ليهو مع اني قلت اضرب من تلفونين والله ما في اي رد والغريبه الكرت بيحسب في العاده لو ما قدرت اتكلم مع النمره المطلوبه الكرت ما بحسب ما عرفت الحاصل شنو شنو
Post: #84 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-23-2007, 03:03 PM Parent: #82
عزيزتي دومة...لو انت في شمال أمريكا أو أوروبا جربي خط قطر الأرضي لأنه بيعلق طوالي ولو عمل مشغول أضربي تاني...النمرة 009749001320 ورقم خالد 2
Post: #83 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: عبد المنعم سليمان Date: 05-23-2007, 02:49 PM Parent: #1
الاتصالات العربية تتامر ضد الشاب خالد
مشتااقين يا دوما
Post: #85 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: النذير حجازي Date: 05-23-2007, 04:08 PM Parent: #83
الهميمتان نوسة ونسمة، التحية لكما ولخالد السوداني أها أنا صوتا بي عشرة أصوات وناوي أتمهم مائة إن شاء الله لقيتوني كيف ( نسمة: حمد لله على السلامة والبركة فى الشوفة وأبقي أظهري) وتمنى من الحبيب بكري أن يرى هذا البوست فالتصويت لخالد السوداني قضية وطنية وسودانا فووووووووووووووووووووق
Post: #87 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-23-2007, 04:49 PM Parent: #85
النذير تسلم على السؤال والدعم...انت في أمريكا لسة؟
Post: #86 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: Bashasha Date: 05-23-2007, 04:41 PM Parent: #1
Quote: ويستمتع بسماع المطربين عبد الحليم حافظ ، وردة الجزائرية والفنان اللبنانيّ فضل شاكر.
نموذج اخر، للترف الاستلابي!
الناس في بلدم بتموت بالملايين، او مستلبة الاعراب الجلابة والجلابيات، لازالو في الOblivious عامهين!
صراحة احس بالعار، ان انتمي لبشر مثل هؤلاء المستعبدة عقولهم، ومضطهدة نفوسهم!
الداير يعرف ليه، السودان في عالم اليوم، يمثلون مادة استعباد، مبصوق في وجوههم كsub-human دون، اين ما حلو في الكون الفسيح، هذا، فليتامل امثال هؤلاء!
عووووووووووع!
عزيزي القارئ: ده ما احتجاج ولا اعتراض وانما فقط استشهاد، علي صحة طرحنا المجرب في هذا الفضاء، ولاغير.
Post: #88 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: النذير حجازي Date: 05-23-2007, 04:54 PM Parent: #86
الحبيب بشاشا، جيت داخل وراك، قلتا الأمير الكوشي بكون حُرورية قلب ساي بكون صوت بي مائة صوت، بعدما قرأ شتيمة المصريين للكوشي خالد عندما قالوا عنه إبن السفرجية والبوابين؟
Quote: آآآي والله مسكين شتموهو هو وسارة عشان قالت ليهو واضحة يا خالد طلعوا سامي وأنا وانت دورك جاي...وشتمو السودانيين زاتم وقالوا يا خالد انت بتفكرنا بعمو عثمان السفرجي وعم عبده البواب...
Post: #89 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: شهاب الفاتح عثمان Date: 05-23-2007, 05:28 PM Parent: #86
عزيزي بشاشا انت لم تشاهد البرنامج اواجزاء منه ارجع للرابط اعلى البوست هذا الشاب سوداني اصيل جميل الصوت يقدم اغنيات بلهجات مختلفه وليس وحده يفعل ذلك بل كلهم بفعلون ذلك .. يقدم السودان بطله شبابيه رائعه و له معجبين داخل البرنامج وحتى من العرب يالجمهور
ان نعرف ونتواجد شى مهم هذا الخالد يقدم اغنيات و دندنات سودانيه تتزايد كلما دعمناه ليبقى ...
خالد السودان يقول انا هنا
Post: #128 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: doma Date: 05-24-2007, 03:14 PM Parent: #86
صوتنا لاجل خالد السوداني وكيه علي بشاشا
Post: #90 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-23-2007, 05:59 PM Parent: #1
تم الاتصال بوالدة خالد وبتشكركم واحد واحد وحتكلم خالد عشان يشوف تشجيعكم ويتطمن...
Post: #91 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: شهاب الفاتح عثمان Date: 05-23-2007, 06:16 PM Parent: #90
nasmah1981 شكرا على الاتصال وجميل ان يعرف خالد ان بدوله سودانيزاون لاين قلوب تدعمه و عقول تعرف اي دور اعلامي كبير يقدم.
شكرا لاسره خالد, والعلاقه بينه ووالدته رائعه , وهولا يكف عن ذكرها و الثناء عليها , التحيه لكل ام , و التحيه لكل مساهم يدعم اسم السودان الخالد !.
د شهاب الفاتح -كوالالمبور
Post: #92 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: النذير حجازي Date: 05-23-2007, 06:22 PM Parent: #90
Quote: النذير تسلم على السؤال والدعم...انت في أمريكا لسة؟
الغالية نسمة، والله أمريكا طلعتا منها فى أول فبراير من هذا العام(عز الجليد) وسأعود إليها إن شاء الله لاحقاً، وتحياتي لجميع أهلك الغُر الأماجد، ولكل السودانيين بكندا، وسلمي لي سلام خاص جداً للوالدة، وبلغيها أحر سلامي وزائد أشواقي.
الواد مراميرو (متذكراها دي أم غاصت فى الرمال، وجرفتها رياح النسيان؟!)
Post: #93 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-23-2007, 06:24 PM Parent: #92
الوالدة لسة متذكرة الواد مراميرو وبتسلم عليك وبتقول ليك بقيت لا في عيد بتضرب تعيد عليها ولا في غيره...حصل شنو؟؟ انت قبلت شغل السعودية؟؟
Post: #94 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: عواطف الطيب حسن Date: 05-23-2007, 06:38 PM Parent: #1
العزيزة نوسة
شكرا وانت تدعمين السودان في شخص خالد
وكلنا معه....حاولت ورسلت من قطر 2877
لكن ما جاتني اي رساله هل الرقم صحيح
لاني ووالله ما حضرت البرناج قبل كده
شايفه كل الرسلوا جاتهم رسائل فشكيت يكون الرقم ما صاح
ارجوا التأكد وإعلامي ولك الشكر
Post: #95 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: ودالعباسية Date: 05-23-2007, 07:18 PM Parent: #94
الرقم صحيح من قطر ،،
انتظري بس لفترة بتجيك الرسالة ،،،
انا رسلته وحاتنى الرسالة (شكرا لدعمك ولتصويتك لى خالد حسن منفريق شمال افريقيا )
بتجيك بعد ربع ساعة كدا ،،
Post: #96 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-23-2007, 10:51 PM Parent: #1
هاهاها منى المغربية والله لزيزة جدا غنت سوداني وقالت صوتوا لخالد يا أهل المغرب
Post: #97 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: Nadir Dirar Date: 05-23-2007, 11:09 PM Parent: #96
شكراً ليك يانوسة ... وانشاء الله ربنا عزيزنا خالد ويوفق كل من يحمل اسم السودان عالياً...
Post: #98 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-24-2007, 06:56 AM Parent: #97
سلامات عليكم يا أهل السودان
الأخ نصر الدين
Quote: والله يا نوسة ما قصرتِ تب مع خالد ربنا يديك العافية ويجبر بخاطرك هذا البوست فيه بعث للروح الوطنية.. بس نطلب من أصحاب المسكول يخلوا (المسكلة) اليومين ديل ويعملوا نقرة نقرتين عشان خالد السوداني.. لك الود والإعزاز يا صاحبة الحس الراقي..
دة من طيب اصلك و كلنا وكت الحارة اهل، و بقول لى وطنا الحبيب:
" إنت ما مشحود علينا ****** نحن مشحودين عليك"
ودى و تقديري
Post: #99 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-24-2007, 06:59 AM Parent: #98
أخى حسن الجيلى
Quote: نوسة, سلامات ليك وللسودان ولخالد
عارفه يانوسة خالد كلمتو دى بالدنيا
Quote: وجاء دور خالد ليدافع عن نفسه، فقال:" أشكر القائمين على ألبوم لأنّهم أتاحوا أمامي الفرصة لأشارك في هذا البرنامج المهمّ، ومن تدعمه بلد كالسودان لا يخاف من القنبلة الذريّة، فما بالك من الخوف من التسميات"
كلامو دا كلام زول ضكران وود بلد بحق.... نحن مع خالد قلبا وقالبا ومع السودان اينما كان ويكون
كمية من الحب
ربنا يعزك و يحفظك و يا رب بلدنا دايماً فوق ، و الله الضكرنة ما غريبة عليكم يا رجال بلدى..
دمت لبلدنا
Post: #101 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-24-2007, 07:05 AM Parent: #99
أخى قمر بوبا
Quote: حنصوت ليه والله بس عشان حاجتين بس لانو سوداني وفي موقف وعشان طلاقكم ده
لكن تاني مافي زول يمشي لينا ام بي سي وله روتانا ويختنا في حناسات الغني السوداني جميل وبتكفينا حلاوته وطعامته هسة عليكم الله الغنية الجميلة بتاعة سيد عبدالعزيز القالوها دي باقي لكم في عربي بيفهمها وهل في داعي لجنس الكلام الجاي ده
Quote: آآآي والله مسكين شتموهو هو وسارة عشان قالت ليهو واضحة يا خالد طلعوا سامي وأنا وانت دورك جاي...وشتمو السودانيين زاتم وقالوا يا خالد انت بتفكرنا بعمو عثمان السفرجي وعم عبده البواب...
ما تفقعوا مرارتنا ساي
وده عشرين صوت لخالد وناس المكتب والاصحاب كلهم وناس الحلة ولو فاز بالاصوات ذاتو شن ضمنكم انو حيطلعوه الفائز.
مرارتك تبرى من الفقع يا أخوى !
ما هو الكلام الداير فى الإعلام دة هو الخلانى أحلف الطلاق
و ال mbc إن شاء الله قروشنا عليها بالساحق و الماحق ،، و ربنا يفوزه و يكضب الشينة..
Post: #100 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: Semsema Date: 05-24-2007, 07:04 AM Parent: #98
الليلة فى جريدة قوون وصفحة كاااااااااااااااااملة بالالوان .. ناس اريبا
منزلين صورة كبيرة لخالد وعاملين تخفيض للمسج...
والله فرحت فرح...
فوووووووق
Post: #102 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-24-2007, 07:11 AM Parent: #100
سلام يا ود سليمان
إنت يعنى سكت دهراً و نطق كفراً !!!!
Quote: دي اغنيات وللا سفن اب
حيرتينا يا نوسة
اها وهسع موقف خالد كيف ؟
الله يوفق خالد ويحرز لينا المرتبة الاولي باغنيان عبدالحليم وفضل شاكر
اااخ لو اعرف طريقة اقوي من كده ادعم بيها خلودي
هو بالله السفن أب بينعش؟؟ أنا كنت قايلاهو بس بيوقف طمام البطن !!
أسى إنت بس عليك بالموبايل و المسيجات إلى أن "يدركك الصباح" أوكى؟؟؟؟
Post: #103 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-24-2007, 07:15 AM Parent: #102
الأخ النذير
Quote: الهميمتان نوسة ونسمة، التحية لكما ولخالد السوداني أها أنا صوتا بي عشرة أصوات وناوي أتمهم مائة إن شاء الله لقيتوني كيف ( نسمة: حمد لله على السلامة والبركة فى الشوفة وأبقي أظهري) وتمنى من الحبيب بكري أن يرى هذا البوست فالتصويت لخالد السوداني قضية وطنية
شكراً يا الهميم ، و ربنا يزيدك و يديك على رفع معنويات خالد و معجبيه
كلنا فداء لرفعة وطنا بالفن و الأخلاق
Post: #104 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-24-2007, 07:26 AM Parent: #103
الأخ بشاشا
Quote: عووووووووووع!
::
بالله شوف ليك حتة تانية "إتوع" فيها ،، هنا ما حوشكم؟؟؟
ما عاجبك ما تدخل من أساسو و تشارك.. في زول عزمك؟؟ أنا قلت "عاشقين" السودان ، موش ناس "نظرية الإستلاب" و اللازمنو
Post: #105 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-24-2007, 07:30 AM Parent: #104
الحبيبة نسمة " الأحن من النسمة"
شكراً لك على همتك و إهتمامك
Quote: تم الاتصال بوالدة خالد وبتشكركم واحد واحد وحتكلم خالد عشان يشوف تشجيعكم ويتطمن...
تحياتى لخالد و لولدته و أهله و كل من في السودان
Post: #107 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-24-2007, 07:36 AM Parent: #105
الغالية عواطف الطيب
Quote: العزيزة نوسة
شكرا وانت تدعمين السودان في شخص خالد
لا شكر على واجب عزيزتى ،، و بتواصلنا معاً إن شاء الله سيكتب له البقاء فى البرنامج و
مواصلة مشواره الفني ،، و يستاهل بى جد خالد لأنه شكله خلوق و طيب...
نتمنى له التوفيق دوماً
Post: #106 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نادر محمد الراضي Date: 05-24-2007, 07:33 AM Parent: #103
مع إني متحفظ على إشتراك السودانييين في هذا النوع من البرامج
لكن حرورية قلب مني صوتا ليهو عشان نوري العرب ديييل إنو نحنا ما أقل منهم ...
Post: #108 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-24-2007, 07:40 AM Parent: #106
أخى نادر ضرار
تسلم و يسلم قلبك من كل مكروه
Quote: شكراً ليك يانوسة ... وانشاء الله ربنا يوفق عزيزنا خالد ويوفق كل من يحمل اسم السودان عالياً...
آمييييييييييييييييييين يا رب العالمين
بالمناسبة إنت عندك أخو إسمو ناصر ، من بورتسودان؟؟؟ لأنو فى الصورة شكلك كدة بتشبهو!!
و بالمناسبة أنا سجلت في الموقع بتاعكم دة بنفس إسمى الهنا
تحياتى و ودي
"التعديل لزوم إضافة إسم "ضرار" للتفريق بين نادر و نادر"
Post: #109 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-24-2007, 07:45 AM Parent: #108
الغالى/ة سمسمة
Quote: الليلة فى جريدة قوون وصفحة كاااااااااااااااااملة بالالوان .. ناس اريبا
منزلين صورة كبيرة لخالد وعاملين تخفيض للمسج...
والله فرحت فرح...
فوووووووق
أخبار مفرحة و الله و تشرح القلب ، و دة دليل صحوة قومية
بالتوفيق و السداد للجميع
Post: #110 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-24-2007, 07:49 AM Parent: #109
أخى نادر الراضى
Quote: مع إني متحفظ على إشتراك السودانييين في هذا النوع من البرامج
لكن حرورية قلب مني صوتا ليهو عشان نوري العرب ديييل إنو نحنا ما أقل منهم ...
و الله البرنامج لو كان فيه ما يخدش الحياء ما كنا وقفنا معاهو كلو كلو ، لكنو برنامج ملئ بالمبدعين و الأصوات الواعدة و فكرته حلوة.
حرورية قلبك إن شاء الله بتخلي خالد و السودان طوالي فوق..
يسلمو الإثنين و قلبك أولهم
Post: #111 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-24-2007, 08:19 AM Parent: #110
" هل كلت متونكم" ؟؟؟
Post: #112 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-24-2007, 08:24 AM Parent: #111
"أصواتكم أمانة فى أعناقكم"
Post: #113 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: بدر الدين الأمير Date: 05-24-2007, 08:36 AM Parent: #112
نوسة الوناسة مواصلين صبح ومساء وكمان حتى اصحابنا من القطريين والقطريات
Post: #114 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-24-2007, 08:39 AM Parent: #112
*
Post: #115 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-24-2007, 08:44 AM Parent: #114
العزيز الأمير
Quote: نوسة الوناسة مواصلين صبح ومساء وكمان حتى اصحابنا من القطريين والقطريات
مواصلين كلنا إلى "آخر رمق" من الرصيد ،، غايتو راجلى الشهر دة جاهو بلى
يديك العافية
Post: #116 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-24-2007, 08:52 AM Parent: #115
++
Post: #117 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نعيم على حماد Date: 05-24-2007, 10:00 AM Parent: #116
الرقم دا : 009749001320 من ليبيا ساهل جدا
خشوا عليه ...
Post: #118 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: doma Date: 05-24-2007, 11:17 AM Parent: #117
يا حباني اي زول جرب من الصين يقول لي الرقم انا عايزه اصوت ووليداتي كمان فوق لاجل خالد وكيتا لي بشاشا
Post: #119 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: اساسي Date: 05-24-2007, 11:20 AM Parent: #118
نصوت لخالد السوداني
ونجمع تبرعات لي mbc
Post: #120 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: Raja Date: 05-24-2007, 11:30 AM Parent: #1
Quote: " هل كلت متونكم" ؟؟؟
معقولة بس..؟
غايتو إلا الـ 77 مليون مصري يصوتوا للتانين.. بالشايفاه هنا الزول ده حيصل..
بالمناسبة دي أول تجربة لي في حياتي للتفاعل مع برامج المسابقات. وهي تجربة لقيتها ممتعة للغاية..
Post: #122 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نجوان Date: 05-24-2007, 01:18 PM Parent: #120
لأجل أخ لنا سوداني.. لأجل الفن.. ولأجل السودان.. الوطن الواحد..
شكرا يا نوسة على المعلومات.. ولتذكير الكل بحقهم في شئ إسمه التصويت (الماإتلقى في بلدنا)..
متى البرنامج بالمناسبة؟ (ما إنتي براك الخارج الشبكة يا رجاء )
Post: #121 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-24-2007, 01:11 PM Parent: #1
Post: #123 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: Semsema Date: 05-24-2007, 02:52 PM Parent: #121
الان خالد يمثل الفريق القومى السودانى للموسيقى.....
بداء العد التنازلى....
اى زول موفر ليهو حبة قريشات ....يحولا رصيد...
بقيت زى الشحادين اى زول اسألو... صوت لخالد...؟؟
واقعد اشرح واشرح واشرح ...منو خالد وبعمل فى شنو..
غايتو فى النهاية.... بالميت بطلع من الزول بمسج مسجين...
ولسة شغالة... فضل لى اقيف فى الشارع واكورك..
صوتو لخااااااااااااااااااااااالد...
مع محبتى.
Post: #124 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-24-2007, 02:54 PM Parent: #121
مساء الفل على "أسياد الكل"
كيفكم كلكم؟؟
شكراً يا أخ حماد على المعلومة
Quote: الرقم دا : 009749001320 من ليبيا ساهل جدا
خشوا عليه ...
شايفة يا دومة يا عسل إنتى؟؟ الناس كلها ساعية ليكى إنك تقدري تتصلى و تصوتى لى ولدنا خالد" لزوم كميل قروش و كدة"
حاولى الرقم الفوق دة و إن شاء الله تظبط معاكى (( 009749001320))
ورينا كان إشتغل معاك
Post: #125 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-24-2007, 02:59 PM Parent: #124
سلام يا أساسى
و الله لكن ضحكتنى الله يجازى محنك
Quote: نصوت لخالد السوداني
ونجمع تبرعات لي mbc
قصة التبرعات دى حارقاك كدة ليه؟؟ ياخى مالو ما نتبرع لى ناس mbc ،،هم "يهود" أصلو ؟؟ههههههههههههههههههه
يلا شد الهمة و شد همم المعاك
Post: #126 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-24-2007, 03:03 PM Parent: #125
رجوية العسل إزيك؟
Quote: معقولة بس..؟
غايتو إلا الـ 77 مليون مصري يصوتوا للتانين.. بالشايفاه هنا الزول ده حيصل..
بالله قولى للمصريين المعاك قدموا السبت،، و يوم ليك و التانى عليك
خليهم يشاركوا معانا ضد التوانسة
حبي لكى
Post: #127 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-24-2007, 03:10 PM Parent: #126
الغالية نجوان
Quote: شكرا يا نوسة على المعلومات.. ولتذكير الكل بحقهم في شئ إسمه التصويت (الماإتلقى في بلدنا)..
متى البرنامج بالمناسبة؟ (ما إنتي براك الخارج الشبكة يا رجاء )
لا شكر على واجب أبداً
البرنامج ،، الحفلة يوم الجمعة الساعة 9 و نص بمواعيد السودان ، 6 و نص بمواعيد غرينيتش ،، يوم السبت الساعة 7 و نص "السودان" بيختاروا المشترك الأضعف ،، و من يوم الأحد لى يوم الخميس الساعة 8 في يوميات عن المشتركين.... وقع ليكى؟؟؟
أسى خالد دة ح يتحدد مصيرو يوم الجمعة ،، و الحل بيدنا كلنا
شكراً على مشاركتك له و لنا
Post: #129 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-24-2007, 03:20 PM Parent: #127
الهميمة و البطلة و الوطنية سمسمة
مجهود تحسدى عليه و الله ، ربنا يوفقك
Quote: بقيت زى الشحادين اى زول اسألو... صوت لخالد...؟؟
واقعد اشرح واشرح واشرح ...منو خالد وبعمل فى شنو..
غايتو فى النهاية.... بالميت بطلع من الزول بمسج مسجين...
ولسة شغالة... فضل لى اقيف فى الشارع واكورك..
صوتو لخااااااااااااااااااااااالد...
أنا زاتى هنا في البحرين أرسل في المسجات و أضرب فى التلفونات و أشرح و أحفز ،، هناك من يستجيب و هناك من يتخازل ،، بقينا زى ناس "مناديب المبيعات"
ربنا إن شاء الله يفوزوا و به نكسر حاجز "الأغنية السودانية" لتوصل لى " العرب"
معاً لأجل خالد ولدنا و أخونا
Post: #130 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-24-2007, 03:31 PM Parent: #129
يا شباب همتك معانا
خلودى فضل ليهو بس 28 ساعة
Post: #131 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-24-2007, 03:49 PM Parent: #130
+
Post: #140 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: doma Date: 05-25-2007, 02:27 AM Parent: #130
صوتوا يا سودانيين لخالد وسيبكم من بشاشا دوره ميت
Post: #225 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: ahmed babikir Date: 06-02-2007, 08:33 PM Parent: #130
فوق فوق سودانا فوق
Post: #231 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: jini Date: 06-04-2007, 04:40 AM Parent: #130
Quote: عووووووووووع!
الله يقرف! بطنك طامة بلعت لسانك ذنبنا شنو! حاسد حاقد عشان ما بتد زيو! جنى
Post: #233 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 06-04-2007, 07:11 AM Parent: #231
إزيك يا جني
Quote: الله يقرفك! بطنك طامة بلعت لسانك ذنبنا شنو! حاسد حاقد عشان ما بتد زيو! جنى
أسي بقت علينا "قام تاني جاب سيرة البحر" و لا شنو ؟؟؟
البت العسل دي منو بالله " صورة البروفايل"؟؟ ما تقول لي بتك؟؟؟ الله يحفظها ياخي
لك ودى
Post: #132 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-24-2007, 06:13 PM Parent: #1
لايمكن من كانت مقبولة اختو، ولا الملايين المشردين في خيام الذل، اهلو، يكون ده حالو علي الاطلاق!
2,000,000 في الجنوب ماتو كنتيجة لمثل هذه اللامبالاة من المنبتين الجلابة، متبلدي الاحساس، بينما امريكي في النصف الاخر من الكرة الارضية، تهزو محنة اهلنا في دارفور، ليضرب عن الطعام، احتجاجا وانفعالا!
صحبي المكسيكي في كالفورنيا، كل مالاقاني يسال بلهفة عن المصير، او هو مابعرف السودان زاتو اصلا في الخرطة كبلد موقعو وين!
الشاهد، زي الانصراف الترفي الفي البوست ده، اصلا ماصدفة ولاشئ عابر ولا استثناء، وانما دي القاعدة في تعامل الشماليين مع ماسي ضحاياهم!
ولهذا تدخل العالم كان ولايزال ضرورة، والا لما فضل في السودان نفاخ النار!
اما كونو العرب شتمو المستلب المحتفي بي استلابو هنا، من رفاقو او رفيقاتو في الاستلاب، فحقيقة بتعجب بل احتار، باي حق نحتج علي احتقار السيد العربي، ل"عبده الحبشي"؟
معاهو حق والف حق السيد العربي يدوس بالنعال علي ادمية المحتفين باستعبادم!
عمركم شفتو ليكم لبناني بيعوج في خشمو، يقلد في الفلاتية؟
"تامل محمول الاسم"
ولا مصري فرحان بالاشتراك في مسابقة تجريها محطة الKBC او "Kush Brodcast Corpration" في الانقسنا، عامل بقلد في صديق احمد، يعني بالطنبور؟
قطعا هذا مستحيل!
لولا الاحتلال الاستعمار وبالتالي امبريالية الثقافة العربية، لما كان السودان الحالي، الموت، ثم هذا الخيط، اوقبلها مثل هذا الاحتفاء باحتقار العرب ليكم!
بالعكس بتكيف جدا من احتقار العرب، للاخوال!
نستاهل او نص!
المصريين ماعملو حاجة غلط علي الاطلاق!
لااحد يكره السودان ككراهية السودان، للسودان!
كون السودان في عيون السيد العربي لايتخطي مقامو افق الخادم عمو عبدو، فهذه حقيقة!
السوداني فعلا لاقولا، لايزال "عبدن حبشي"!
دي نظرتنا احنا زاتنا لي روحنا!
امال ناس بريمة كبر اب رزقة، عاملين عرب ليه، لو فخورين بي اصلهم ك"زناجرة" اي سودان؟
كاره ذاتو، مين حيحب تلك الذات الملفوظة؟
المصريين؟
ليه؟
Post: #135 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: النذير حجازي Date: 05-24-2007, 10:53 PM Parent: #134
الحبيب الغالي كمال، تحية الود والإحترام
إتفق معك لحدٍ ما فيما جاد به يراعك، ولكني أختلف معك فى بعض المنطلقات الطفيفة: أولاً: لا للنجم خالد ذنب فى إشتراكه فى المسابقة مع العرب، فصغر سنه وجهله بنظرة العرب الدونية للسودانيين ، وغسيل الدماغ لتعريب السودان والأساليب التى تلعبها الحكومات العروبية التى تتقلد مناصب الحكم على مر العصور، كلها شفيعةً له، ومن العار أن نتركه وحده، وهو فى أشد الحوجة لنا ، ويحمل إسم وطننا السودان. ثانياً: جميعنا فى هذا البوست وقوفاً مع السودان ضد العرب، إلا أنت – وإن كنت فى موقف الحياد يا كمال – فإنك تقف مع العرب ضد السوادن بطريقة غير مباشرة. (عوووووووووووووووع ) ثالثاً: لا أحد ينكر المآسي بوطننا الجريح السودان، ولكن الحياة لا تتوقف وإن كثرت الأحزان، ولو كانت، لما تخاطبنا الآن أنا وأنت عن طريق النت وهو أبلغ آيات الكماليات والترف عند الملايين من الأسر السودانية بوطننا الجريح التى تجاهد من أجل لقمة العيش، وتعيش بدون توصيل مياه أو كهرباء فى منازلها وهي أبجديات مقومات الحياة. رابعاً: حديثك عن الإنصرافية، حتى أنت يا كمال قد أفردت بوستاً عند نهاية العام المنصرم للإحتفال برأس السنة بالفنانة رشا شيخ الدين بمدينة "أل آيه" فلما لا تراه إنصرافياً؟! مالكم كيف تحكمون! ختاماً: دعمنا للسوداني خالد فى مجال الفن هو أحد حروباتنا الباردة ضد العرب، فقد تفوقنا عليهم ثقافياً و أكاديمياً وعملياً، والآن فى طريقنا للتفوق عليهم فى مجال الفن والموسيقي، وغداً سنتفوق عليهم رياضياً وفى كل المجالات بإذن الله.
أها كفاك وللا أزيدك يا كيمو؟! قول واااي
يلا أرقد عافية يا ملك ولي قدام ولك من ودي ألطفه
Post: #136 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-25-2007, 00:05 AM Parent: #1
ده شنو ده!!!!!!استلاب ومستلب واسلابية ولا استلابية ما بعرف وامبريالية ...في شنو؟؟؟يا سيدبشاشة قول لينا نعمل شنو في المأسي الانت ذكرتها دي والله لو لقيت حل وفي يدنا نعمله ما حنقصر .. بس أنت فصل ونحنا حنلبس انت قاعد حسه تسوي للناس دي شنو قول ونحنا راح نسير على دربك..لو فيها حل وفي يدنا زي ما قلت ليك ما حنقصر..بعدين قول لي أنت تضامنا مع الناس البتموت دي وقفت أي شئ في حياتك من أفراح وترفيه وترف زي ما بتقولواعتكفت وتصوفت لحين تنفك هذه المحنة!!!!..زي ما أنا شايفة وأظن أنت قاعد في الخارج بحثا عن حياة أفضل ..بتفتش عن الترف..في حين انه الزول ده قاعد ومواصل في السودان في الظروف الصعبة دي وما داير يسيبه وهو شاف انه ممكن يعمل للسودان شئ في المجال الهو بعرفه ...وكل زول يخدم اسم السودان في مجاله سواء كان فن أو غيره المهم انه اسم السودان يكون مذكور في كل مجال...سؤال أخير استلابية يعني شنو؟؟الكلام كبار كبار ده ما قاعدين نفهمه...معليش أنا غبية
Post: #137 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: tmbis Date: 05-25-2007, 00:47 AM Parent: #136
فوووووووووووق لي خــالد .. .. اقترح انــو الاسمـو بشاشا ده مافي حد يشتغل بيهو كتير .. كل الناس الهنــا دي غلط .. وهــو الصاح .. علشان كدا كل الناس الغلط دي .. تستمر في الغلط بتاعه ويبقى هــو الصاح ..
يااااااااااااااارب يفوز خالد .. علشان نشوف حافظة ده ح يعمل شنــو .. ؟
Post: #138 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: Bashasha Date: 05-25-2007, 01:21 AM Parent: #1
Quote: جميعنا فى هذا البوست وقوفاً مع السودان ضد العرب، إلا أنت – وإن كنت فى موقف الحياد يا كمال – فإنك تقف مع العرب ضد السوادن بطريقة غير مباشرة. (عوووووووووووووووع )
النذير اخوي،
العكس تماما!
كل الهنا، كل الهناك، وعلي مدي نصف القرن الماضي، ضد "السودان" ومع الغازي العربي!
يكفي كدليل السودان معلن رسميا كدولة عربية، بل فرض العروبة هوية غزاتنا بحد السيف هو سبب محارق التطهير لغير العرب حسب حمار النوم الشايلنا كشماليين!
بل هذا المدعو خالد، خاشي يتسابق مع اسيادو باعتبارو عربي مش "سوداني"!
خت في بالك، "سوداني" المتداولة تم افراغها من محتواها الاصلي، ليتم حشوها بما يعني عربي!
علي كده، سودان الجلابة، "العربي" بشارك في مسابقات العرب، كدولة وشعب عربي، زي مصر او اليمن او غيرو!
عشان كده انا مبسوط جدا من تذكير المصريين لينا، بحقيقتنا، عسانا حمار النوم الشايلنا ده، يفكنا، او نوعا للفضايح البنسوي فيها دي، نعوج في الخشم، او كمان نغني لي ع.الحليم حافظ ام كلثوم، او مين عارف مين!
ياخر منظر "العبد الحبشي" هنا، يحاكي في اسيادو، مضحك بشكل!
تماما زي منظر اخواتنا، من سود امريكا، البلونو شعرم BLONDE، مع عدسات لاصقة زرقاء، او كانهن انجلو ساكسون!
وين اشتراكنا في مسابقات اثيوبيا ولا مالي مثلا؟
ليه لبنان؟
في لبنان حتي الاطفال، الذي خالد ده، بيشوو شية عديل كده، حي، من الكراهية للزنوج امثالو!
ولكن "الكلب الحبشي" بريد خناقو، قالوا!
قاتل الله الاستلاب!
اها، البكره السودان منو فينا؟
العاملين عرب، ولا الزينا المصرين علي زاتيتم او هويتم، كذنوج اي سودان؟
Post: #139 Title: المهمة الاولى هى دعم الشاب السودانى خالد حسن على ودعكم من الفقعات التى يتفوه بها البعض Author: altahir_2 Date: 05-25-2007, 01:21 AM Parent: #1
الاخوة المشاركين جميعا عميق التحايا والاحترام الفنان خالد حسن هو شاب سودانى وتجرى فى عروقه بعض الدماء المصرية وليس فى هذا الامر عيب كما قالت السيدة والدته من خلال الحديث المذاع وربما لذلك تاتى مسالة تسميته بخالد (المصرى ) وزاد فى ذلك ايضا انتشاره فى السودان عبر اجادة الغناء العربى بالسلم السباعى . وقد شاهدت له العديد من الحفلات فى السودان عبر الفيديو وشاهدت التفاف الشباب والشابات حوله مثله مثل اى نجم من شبابنا الحاليين . وكان هذا رصيد يُضاف اليه ولا يخصم منه شيئا . وكما يجيد خالد حسن الغناء فى السلم السباعى يجيد الغناء ايضا فى السلم الخماسى وهذا طبيعى . الشئ الثانى ان مسالة هويته السودانية محسومة ولا تحتاج لتزكية من اى احد وليس من حق اى احد الطعن فيها وهذا ما حدث واكدته احاديث والدته معه عبر البرنامج حين اوصته بالاتزان لان المزاح الكثير لا يناسب الشخصية السودانية وعبر ما اكده هو اننى آت من بيئة لا تهتم بالمظاهر بقدر ما تهتم بالجوهر وعبر عدم مجارته الجميع فى تمسكه الشديد جدا باللهجة السودانية رغم معرفته واتقانه للعديد من اللهجات العربية الاخرى . وفى تلفحه دوما بالعلم السودانى . فنيا :-خالد حسن فنان شاب سودانى يغنى كل الوان الغناء . خلوق طيب متزن وواثق من نفسه بغض النظر عن بعض الاحاديث المنفلته هنا وهناك(اقصد من السودانيين ومن المصريين) يستحق منا كل الدعم . وما حدث من اختياره كمشترك اضعف بعكس الحقيقة التى يعرفها كل من تابع البرنامج ( وانا متابع جيد له منذ ان كان فكره على شاشة الmbc ) تاتى لظروف محدده وموازنات تحددها ظروف البرنامج. فمثلا يعنى على حسب رأئى المتواضع ان الاضعف فى فريق شمال افريقيا على الدوام هى سارة من المغرب ( اتحدث عن الخامة الصوتية) وقد اختيرت فى الاسبوع قبل الماضى ورجعت للفريق عبر التصويت وكانت حلقة الاسبوع الماضى لفريق شمال افريقيا كلها مخصصة لمختارات من الغناء فى المغرب العربى ولذلك من الطبيعى مهما كانت خامة صوتها ضعيفة فهى تبدو احسن من غيرها فى اداء هذه الاغنيات . ورغم هذا اختيرت الاسبوع الماضى من ضمن ثلاث مشتركين كثانى مشترك اضعف فى الفريق. اما المشتركة الثالثة التى اختيرت كثالث مشترك اضعف كانت نورهان من مصر ، ورغم ان نورهان هى اميز الاصوات النسائية بامانة فى شمال افريقيا الا ان اختيارها كمشترك اضعف له ما يبرره ولم تنقذها الا الدواعى الانسانية وروح الفريق من اختيارها كمشترك اضعف وهو ان الحلقة تمت فى يوم عيد ميلادها . وقد قالتها بخفة دم هدية عيد ميلادى اننى اختارونى كمشترك اضعف مما اضحك كل الحضور. اما خالد حسن فبداء مدير اعمال الفريق محتارا فى تسميته لانه يعلم ان الحقيقة تقول ان خالد حسن السودانى هو العمود الفقرى للفريق ولذلك بادره بالسؤال قبل الاخرين بعد ان قدم الاعتذار بانه يحبهم كلهم ولا يتمنى ان يخرج اى واحد منهم ومن المؤكد ان اللماحون يعرفون انه يوجه حديثه لخالد وسأله ما قلت لى اذا اخترتك كمشترك اضعف فقال خالد فى ثقه قلت ليك حارجع ليك تانى فطلب من الجميع التصفيق له . ومن ثقته فى حديث خالد اختار هو بثقة رجوع خالد لانه يعلم ان هذا ما سيحدث. وبالتالى لم تكن ثقة خالد حسن فى نفسه فقط هى ما ادى لاختياره بل ثقة الناس فى ثقته بنفسه واقصد مدير اعمال فريق شمال افريقيا السيد تامر.وهذا لا يصب فى خانة العنتريات وانما فى حالة الثقة اما ما يسمونه عنتريات بغض النظر عن اختلافنا او اتفاقنا معها فهى بحق الدليل الاعمق على سودانية خالد ما ياها دى موروثاتنا والفينا مشهودة والخ..... وهنا اتفق تماما مع التحليل الذى يُرجع هذه المسالة لدقة الصدر والشهامة السودانية اماالحديث الذى جاء مدفوعا بحمية وحميمية سودانية متدفقة. وقد يكون مدفوعا ببعض المرارات التى عانينا منها على طول العلاقة بيننا كسودانيين ومصريين . غير ان الحقيقة قد تبدو شوية مختلفة، مثلما اوردت سابقا من خلال متابعتى للبرنامج. طبعا حاول البعض حرف البوست الى غير مساره يرجع هذا (لانهم حصدواالريح من خلال ما زوعوا ) قال استلاب قال
إن موضوعة الإستلاب هنا ليس فى محلها وظروف البرنامج هى التى تحكم ظهوره على هذا النحو. رغم انى اتوقع منه عندما يبزغ نجم خالد ان شاء الله وقد خطى الخطوة الاولى سيكون عنده تركيز على ابراز الغناء السودانى باسلوب جديد بعد ان فشلنا طويلا فى ايصاله للجمهور العربى دون تحديد اسباب محددة ومقنعة. اما الاخت العزيزة نسمة تحياتى لك يبدو ان الخط العالمى لا يعمل وذلك من خلال محاولاتناوحاولت الاتصال عبر ارقام الخليج البحرين او قطر لدعم الفنان السودانى خالد حسن على وايضا لم يفتح معى والمهم ادونا اى رقم اخر لندعمه فى باقى هذا الليل او صباح الغد وشكرا جزيلا ضياء الدين ميرغنى / ملحن ومغنى سودانى /هولندا
Post: #141 Title: Re: المهمة الاولى هى دعم الشاب السودانى خالد حسن على ودعكم من الفقعات التى يتفوه بها البعض Author: ahmed khidir Date: 05-25-2007, 03:39 AM Parent: #139
الاخ/ ضياء اصبت القول, حقيقة انا معجب بى موقفك هذا, ووقفتك مع الفنان خالد حاول رقم تلفون قطر 009749001320 لم يفتح معى خلال اليوم فحاولته بالليل وصوته للفنان خالد اكتر من مرة. وانشاء الله خالد باقى .
احمـــد خضــر
Post: #142 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-25-2007, 12:51 PM Parent: #1
فاضل 6 ساعات يلا صوتوا آخر صوتين 3 وبعد ده نتوكل على الله
Post: #143 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-25-2007, 05:29 PM Parent: #1
ويييين نوسة الليلة؟؟؟
Post: #144 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: شهاب الفاتح عثمان Date: 05-25-2007, 06:45 PM Parent: #143
Quote: ..معليش أنا غبية
حاشاك يا غاليه انت تؤدين دور وطني نبيل . وفي ذات الوقت تستمتعين بهوايتك و دعم نجم شاب , لك الشكر و التحيه .
انت تؤدين دوروطني نبيل .
د شهاب الفاتح _ كوالالمبور
Post: #145 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-25-2007, 06:56 PM Parent: #144
دكتور شهاب يا رب يخليك ويجبر بخاطرك بس الكلام كان كبار كبار كده لووووول
Post: #146 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-25-2007, 07:30 PM Parent: #1
النتيجة حسة يا أخوانا...ربنا يستر
Post: #147 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-25-2007, 07:46 PM Parent: #1
اكتساااااااااح ب 82 % زي ما قال الوراهو السودان ما يخااااف
Post: #148 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: ABDELMAGID ABDELMAGID Date: 05-25-2007, 07:50 PM Parent: #147
مبرووووووك .. خالد فاز بنسبة ٨٢٪
Post: #149 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: النذير حجازي Date: 05-25-2007, 07:58 PM Parent: #147
Quote: اكتساااااااااح ب 82 % زي ما قال الوراهو السودان ما يخااااف
woooooooooooooooooooooooooooooooooooooooooooow والله ألف ألف مبروك لخالد وللسودان ولكِ يا نسمة ولنوسة ولنادر ولشهاب ولكل المشاركين الهميمين والهميمات ولحبيبنا بشاشا برضو (بالمناسبة بشاشا بدور فيكم ساي وقلبو أبيض ما تزعلوا منو)
Post: #151 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: النذير حجازي Date: 05-25-2007, 08:05 PM Parent: #149
Quote: مبرووووووك .. خالد فاز بنسبة ٨٢٪
أقبضضضضضضضضضضضضضضضضضضضضضضضض يا بشاشا دكتور عبد الماجد برضو طلع إستلابي والعجب لو جو ناس دينق وهشام هباني وكوستاوي وسيد الحوش بكري من الفرحة واقعين لينا هنا رببببببببببببب ح تقول شنو؟!
Post: #150 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-25-2007, 08:01 PM Parent: #1
الوراهو شعب السودان الجميل هذا الشعب المعطاء ما بيخااااااف...وياااا رب دايما سوووودانا فوووق....خالد اتحدى العرب بشعبه ولم يخذله...
Post: #152 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: محمد ابوبكر عثمان Date: 05-25-2007, 08:12 PM Parent: #150
Quote: ....خالد اتحدى العرب بشعبه ولم يخذله...
مبروك
Post: #153 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: النذير حجازي Date: 05-25-2007, 08:17 PM Parent: #150
Quote: ويييين نوسة الليلة؟؟؟
غاليتنا نوسة تعالي شاركينا الفرحة والله إنتي الخير والبركة، وآسف والله لو كنت ضلع فى تسبيب أي ضيق ليك بغير قصد، وفرحتنا ناقصة بدونك
Post: #154 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-25-2007, 09:04 PM Parent: #1
الحصانة كيف يا شباب؟
Post: #155 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: شهاب الفاتح عثمان Date: 05-25-2007, 09:11 PM Parent: #154
Quote: سودانا فوق بلادنا تمربمرحله خطره وامامنا اشياء كثيره محبطه..., لكن نظل شعب متميز و ناس حاره ..
مبروك الانتصار للجميع , و ما اجمل روح الاتحاد و النخو.ة
سودانا فوق د شهاب الفاتح -- كوالالمبو ر
الحصانه تكتيك ذكي ومريح للاعصاب ا
Post: #156 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: شهاب الفاتح عثمان Date: 05-25-2007, 10:26 PM Parent: #155
النذير حجازي altahir_2 tmbis
كتابتكم رصينه , ومبروك بقاء طله السودان مشرقه بفضل تحركنا الجماعي . مرحبا بالصوت الاخربشاشا, الا تفرح بهذا الاكتساح اليد الواحده و التعاون.
التهنئه لست الدار نوسة , وبمن اكرمت ضيافتنا في غياب ست الدار nasmah1981 .
التحيه و التهنئه لاسره خالد الصغيره ولاسرته الكبيره كل السودان
سودانا فوق
Post: #157 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-25-2007, 10:32 PM Parent: #155
سلامات كتييييييييييييييييرة
ألف مبروك لخالد الفوز و "الإكتساح" يا إلإستلابى يا كوشة
نحن إنصرافيييييييييييييين ،، إنتى مالك و مالنا؟؟ عزمناك؟؟ نادينا إسمك؟؟ ناطى لينا مالك زى قرد الطلح و محاضراتك البايخة و الما عندها طعم دى؟؟؟؟
تانى لمن تلقى ليك بوست كاتباهو "نوسة" أعرفوا "كوشة" و ودك،، وما تتحشر
أها جيتكم يا ناسى
الليلة أنا من قبيل كانوا معاى ضيوف عشان كدة ما لقيت لى فرقة أشوف الحاصل شنو بى جاى،،،،
لكن و الله نتيجة و لا فى الإحلام،، و بعد دقيقة بس من إعلان النتيجة ضربت لى صاحبتى "تهنينى" بالفوز ، و تقول لى "الحملة" الأنا عملتها هنا فى البحرين جات بى فايدة،، إن شاء الله طوالى فوق يا خالد "كيتن فى المستلبة عقولهم"
شكراً يا نسومة على الماسنجر و عملت اللازم
شكراً يا النذير على سؤالك عنى و إسم السودان طوالى فوق..
شكراً د/ شهاب
شكراً جميعاً لمشاركتكم فى "النفير إلإسفيرى" ،، و إن شاء الله تانى خالد ما يضوق الزرة دى !!!
كلنا يد واحدة لتنمية السودان "القديم" ،، و الفات قديمو تاااااااااااااه
Post: #158 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: اساسي Date: 05-25-2007, 10:34 PM Parent: #157
مبروك لي خالد الفوز ومبروك لي mbc التبرعات
Post: #159 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-25-2007, 10:45 PM Parent: #158
لوووووووول يا أساسي
Post: #161 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-25-2007, 10:53 PM Parent: #159
أساسي
Quote: مبروك لي خالد الفوز ومبروك لي mbc التبرعات
تلقاها إن شاء الله فى دارن مى هنا !!
شكراً ليك يا راقى الإحساس
Post: #164 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: اساسي Date: 05-25-2007, 10:59 PM Parent: #161
Quote: تلقاها إن شاء الله فى دارن مى هنا !
يعني لما ربنا يسالني عن ماله فيما افناه اقول ليهو تبرعات لي mbc لكن كدا واطـاتي اصبحت
Post: #160 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-25-2007, 10:49 PM Parent: #157
عجبتني النفير الاسفيري دي لووووول دي من عائلة الاستلابي؟؟؟ قدر ما فتشت استلابي دي في القاموس ما لقيتا...جدجد معناتا شنو؟؟ نووووووسة والله مااااا قصرتي مع خالد ونردها ليك في الأفرااااح
Post: #162 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: اساسي Date: 05-25-2007, 10:55 PM Parent: #160
اضحك الله سنك يا اخت نسما
بالنسبة للاستلابي او المستلب .. هو الشخص الربنا خلقو من اي جنسية في الدنيا قد يكون عربي او تركي او هنود حمر او غيره وعندما يسأل عن اصله لا يقول افريقي .اذن فهو بذلك مستلب ثقافيا
Post: #165 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-25-2007, 10:59 PM Parent: #162
نسومة و أساسى إزيكم
إنتو مالكم "مصاقرين" الكمبيوتر بليل زيى كدة؟؟ لوووووووووووول
إستلابى دى يعنى "همباتي" عديل كدة ،، ما شايفة ليها أي معنى تانى
موش كدة يا "أمير الكوش" ؟؟؟
Post: #167 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: محمد سنى دفع الله Date: 05-25-2007, 11:14 PM Parent: #162
نوسة الف مبروك نجاح الحملة ويكفي لفت النظر لي كيف بتوحدنا اللمة وانو المد الشعبي دايما ناجح ونحن يانا نحن النفير بلمنا في الخير والملمات والكوارث في الفرح والترح خالد رمز للشباب الطموح والشباب الملودبره السودان الشباب العقلو وقلبو مفتوح على الدنيا سباب بحب بلدو وماعاش فيهو شباب بحمل عزة السودان من التزام اهلو تخيل خالد كيف كان واثق من كل فرد سوداني وكانوا عند الوعد اصلولمن نقول سوداني بنتهي الكلام وببدا الفعل زوجتي احلام بدت حملة بكل من تعرف هنا في الدوحة وفي الخرطوم وحلفا وابوظبي وكل كلامه صوتو لي خالد وحلفت لو خالد سقط لاحتشوف البوم ولا تصوت مع سوداني لانو خالد قال واقف وراه السودان نوسة لك المودة والف مبروك لينا كلنا وتقبلي سلام احلام
Post: #163 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: Raja Date: 05-25-2007, 10:58 PM Parent: #160
ألف ألف مبروك لخالد..
كنت برة مع ندى أمين وما حضرتا الحلقة يا نوسة..
بشاشة صديقي جاياك بكرة برواقة.. واليومين دي عندي موضوع شغل أول ما قبلتو بس فكرتا فيك وفي لسانك..
ربك يستر ..
ودي للجميع..
تخريمة: يا جماعة أنا الـ 2% دي حقتي براي .
Post: #166 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-25-2007, 11:05 PM Parent: #163
رجوية
صباحات "مبكرة"
يباركوا ليك جديدك إن شاء الله
Quote: تخريمة: يا جماعة أنا الـ 2% دي حقتي براي .
ما فى عوجة تب ،، و تلقيها أضعاف مضاعفة في ميزان حسناتك إن شاء الله
تحياتى لمن معك
كل الود
Post: #168 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: غادة عبدالعزيز خالد Date: 05-25-2007, 11:20 PM Parent: #166
حاضر يا نوسة علم و ينفد إن شاء الله
و إن شاء الله خالد فائز
غادة
Post: #169 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-25-2007, 11:21 PM Parent: #166
أستاذي النبيل الراقى الإنسان
السنى
يسلم قلمك ،، و مبروك تانى و ثالث لينا كلنا،، و فعلاً الناس بتظهر معادنها عند الشدائد ،، و أهو بان معدن الجميع بالإكتساح الرهيب دة ،، 82% ؟؟ دى نتيجة ما شاء الله تبارك الله و لا فى الإحلام،، يكون المشترك المنافس لى خالد " لافي صينية" لى أسى !!
تحياتى للمدام الجميلة أحلام،، و الفى قلبو حب لى بلدو أصلو ما بينهزم و لا يخسر
لكم كميات ود و محبة و أبقوا زورونا في البحرين بالله
Post: #170 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-25-2007, 11:29 PM Parent: #169
الجميلة غادة
يحضر ليك الخير إن شاء الله
كلنا قلب و يد واحدة مع شباب السودان الواعد،، و البنعملوا مع خالد دة أضعف الإيمان فى نظري،، لأننا لا مقدرة لنا أكثر من "المسجات" نحاول أن نغير بها صورة قاتمة غير حقيقية عننا..
لكى حبى و إحترامى
Post: #171 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: محمد سنى دفع الله Date: 05-25-2007, 11:39 PM Parent: #170
شكرا على الدعوة وبندعوك على الدوحة سودانا فوق وبنغني عربي وسواحيلي وغنانا بتعزف في افريقيا وراجع اتغنى من اسيادو والغنى القادم سوداني اسمعوا كلامي سوداني اكفي الكلام القالتو رزان عن السودان ده بس بكفي والجايات روابح
Post: #174 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-25-2007, 11:45 PM Parent: #171
أستاذى الفنان
تسلم حرارة قلبك،، بس أسى بجيك بشاشا " امير الكوشة" و يمسخ ليك أحاسيسك دى
دعوتك مقبولة ، و نحن ناوين نشوف قطر إن شاء الله فى أقرب فرصة
و بديك خبر لو بقينا على الجية
تحياتى تاني لي أحلام
Post: #172 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-25-2007, 11:43 PM Parent: #1
والله يا نوسة أنا صاقرت الكمبيوتر ده من ما خالد دخل البرنامج وفتحت بوستات وحملات وكنت خايفة بصراحة من اني أفتح بوست هنا نظرا للمشاكل وغير اني جربت في المنتديات وما لقيت أي ترحيب بل كان كلامهم كله تشكيك في سودانية خالد...بس سبحان الله انتو أكتر منتدى وقف مع خالد...
Post: #173 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-25-2007, 11:44 PM Parent: #1
كلمة رزان عن الشعب السوداني
Post: #175 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-25-2007, 11:58 PM Parent: #173
سلامات يا نسوم
كويس إنك إلتجأتى لى سودانيزأونلاين ،، حوشنا الكبير
و نحن معاكم طوالى ،، و قلت ليكى أنا بحس إنو خالد دة أخوى ،، "ما دايرة أقول ولدي عشان ما تقولو كبيرة""، و الأخو ما بيتخلى فى المحن
إن شاء الله نكون طوالي معاكم و خالد فايز فايز إن شاء الله
كل الحب و الود
Post: #176 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-25-2007, 11:59 PM Parent: #175
يا رب يخليك يا نوسة...
Post: #177 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: Sayed Bekab Date: 05-26-2007, 00:00 AM Parent: #1
سلام يا شباب جد رفعتو قامه السودان مشتركنا العزيز خالد رجع للبرنامج و بنسبه لم يحصل عليها احد من قبل ولا من بعد تجاوزت ٨٢٪
لكن اظن الزول ده عمره ما بين ٢٦ و ٢٧ ما ظنيته اصغر من كده و بالتوفيق إن شاء الله
Well done supporters . Good luck Khalid in the next turns
Post: #178 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-26-2007, 00:16 AM Parent: #1
بيكاب هم كتبوها غلط هو قال 28 سنة
Post: #179 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-26-2007, 01:41 AM Parent: #1
يلا يا أخوانا معليش كل زول صوتين للحصانة عشان بكرة عشان نضمن خالد يقعد
أرسل الرقم 10 على نفس الأرقام...التصويت بيقيف السبت بكرة الساعة سبعة ونص بليل بتوقيت الخرطوم...
الألبوم لفريق شمال أفريقيا ان شاء الله لأنهم يستاهلوا
Post: #180 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: شهاب الفاتح عثمان Date: 05-26-2007, 03:06 AM Parent: #179
كلمات الانيقه رزان في شعب بلادي هي بالتاكيد نقله واضحه المعالم , و هي بدايه لعهد جديد من تعامل الفضائيات مع المبدعين السودانيين
لا للتقوقع نعم للانتشار
Post: #181 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: شهاب الفاتح عثمان Date: 05-26-2007, 03:14 AM Parent: #180
شكرا كبير لابناء و بنات بلادي الذين ثبتو اقدامنا بالدعم من داخل الاستديو وكان تواجدهم لطيف و راقي .
Post: #182 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-26-2007, 03:17 AM Parent: #1
مع خالد للآخر يا شهاب لأجل سوداننا الحبيب...وأشدد على كلامك لا للتقوقع ونعم للانتشار
Post: #183 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: othman mohmmadien Date: 05-26-2007, 10:18 AM Parent: #182
والوفاء معروف فينا من بدري بإسم السودان يا نوسة كنت مفتكر المسألة كلام فارق وثقافة قشرية ولكن طالما التحدي السودان سوف نعيد الكرة ونصوت له وإن شاء الله مع كل حلقة يكون هنالك سوداني ما تشجعوا لينا عافية حسن تشارك المرة القادمة والا بناتنا ما بقدرن على التكشف والرقص الما ياهو داك
Post: #184 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: بدر الدين الأمير Date: 05-26-2007, 10:49 AM Parent: #183
نوسة والأصفياء لقد سرنى مارسكم وتذكرت قول معروف الرصافى: (طفح السرور عليا حتى انه من من عظم ما قد سرنى أبكانى) شكرا نوسة وشكر لكل المبادرين نحو الجمال
Post: #185 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: Gafar Bashir Date: 05-26-2007, 10:58 AM Parent: #184
شكرا نوسة علي المجهود
شاهدت امس فوز خالد وعودته وكلمات رزان وشكرها للسودانيين لمجهودهم مع فريق شمال افريقيا ... بس عليهم مجهود كبير لازم يبذلوهو ... ويطوروا مستواهم وما يخذلوا الناس الوقفت معاهم
تحياتي
Post: #186 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-26-2007, 01:29 PM Parent: #185
أخى بدر الدين يا أمير
تحياتى لك
Quote: نوسة والأصفياء لقد سرنى مارسكم وتذكرت قول معروف الرصافى: (طفح السرور عليا حتى انه من عظم ما قد سرنى أبكانى) شكرا نوسة وشكر لكل المبادرين نحو الجمال
لكم الشكر جميعاً لمبادرتكم بالوقوف مع خالد السودان،، و يا ريت دايماً نفضل يد واحدة ضد الغير " أنا و إبن عمى على الغريب"
شكراً لكل من صوت و دعم و وثق، و أنتم أهل الجمال و الفن
ودي
Post: #187 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-26-2007, 01:34 PM Parent: #186
الأخ عثمان محمدين
Quote: والوفاء معروف فينا من بدري بإسم السودان يا نوسة كنت مفتكر المسألة كلام فارق وثقافة قشرية ولكن طالما التحدي السودان سوف نعيد الكرة ونصوت له وإن شاء الله مع كل حلقة يكون هنالك سوداني ما تشجعوا لينا عافية حسن تشارك المرة القادمة والا بناتنا ما بقدرن على التكشف والرقص الما ياهو داك
سلمت يمناك أخى
و يا ريت عافية كانت شاركت برضو ، كانت أكيد ح تكون إضافة حقيقية للفريق ،، و خالد كمان لا يقل جمالاً من الناحية الفنية،، تمنياتى له بالتوفيق
"بناتنا من ناحية بيقدرن ، بيقدرن" بس المجتمع له قول آخر
Post: #188 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-26-2007, 02:02 PM Parent: #187
أخى جعفر بشير
Quote: شكرا نوسة علي المجهود
شاهدت امس فوز خالد وعودته وكلمات رزان وشكرها للسودانيين لمجهودهم مع فريق شمال افريقيا ... بس عليهم مجهود كبير لازم يبذلوهو ... ويطوروا مستواهم وما يخذلوا الناس الوقفت معاهم
تحياتي
و أنت تسلم على الكلمات الطيبة و على مساندتك و دعمك و بكم بنرفع راس السودان و لو بالغناء
يا ريت و ياريت خالد يفوز على طول و يستمر فى البرنامج و به يصبح الحلم حقيقة لكل شبابنا الطامحين فى المشاركات فى مثل هذه البرامج
لك الود
Post: #189 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: حسن الجيلى سعيد Date: 05-26-2007, 04:16 PM Parent: #1
بت السودان نوسة ومحبى السودان
نحن فخورين بكل مايكسب بلادى كل ماهو جميل فرحنا للمريخ تأهله لدورى المجموعات وفرحنا للهلال تأهلة لدور الثمانية وفرحنا لخالد حسن بقاءه فى المنافسة بمساعدة شعبة النبيل فرحنا بأتفاقيات السلام ولو أنها خذلتنا سنفرح لهذا الوطن لهذا العشق لهذا الشعب سنفرح ونطرب ونتمايل لفرحة ,هذا حقنا وهذا واجبنا
والسودان اولا واخيرا
مودتى
Post: #190 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-26-2007, 07:03 PM Parent: #189
سلامات
أخى حسن أشكر لك كلماتك الطيبات
Quote: فرحنا للمريخ تأهله لدورى المجموعات وفرحنا للهلال تأهلة لدور الثمانية وفرحنا لخالد حسن بقاءه فى المنافسة بمساعدة شعبة النبيل
جداً ،، أنا و زوجى نشجع الفريقين "ضد" أي فريق خارجى ،، لأنهما يحملان إسم السودان ،، قرة عيوننا و ملتجأنا عند الحوجة ...
مفخرتك ببلدك هى مفخرتنا جميعاً،،
لك الود و الإحترام
"بلدى و إن جارت على عزيزة **** و أهلي و إن ضنوا علي كرام"
سلمتم للوطن
Post: #191 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-26-2007, 11:00 PM Parent: #190
**
Post: #192 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: شهاب الفاتح عثمان Date: 05-26-2007, 11:27 PM Parent: #191
Quote: سنفرح لهذا الوطن لهذا العشق لهذا الشعب سنفرح ونطرب ونتمايل لفرحة ,هذا حقنا وهذا واجبنا
والسودان اولا واخيرا
اصيل
Post: #193 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: عواطف ادريس اسماعيل Date: 05-27-2007, 06:46 AM Parent: #192
نوسة الننوسة !!!
معزتي ,,,
نؤيد وندعم الشاب خالد ,,,
Post: #194 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: Semsema Date: 05-27-2007, 06:59 AM Parent: #193
اخيرا قدرت ادخل..
82% مباااااااااااااااالغة...
شفتو لو اتفقنا بنعمل شنو؟؟
على قناة ال بى سى هناك برنامج.. استار اكاديمى وبرنامج سوبر ستار..لم يتحصل منافس
على هذه النسبة من كل الاقطار المشاركة.. وعمر البرنامجين اكثر من ثلاث سنوات.
مع ملاحظة انو اول مرة السودان يشارك..
مع محبتى..
Post: #195 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-27-2007, 09:25 AM Parent: #194
عطوفة ست الناس
إزيك يا حبيبة
Quote: نوسة الننوسة !!!
معزتي ,,,
نؤيد وندعم الشاب خالد ,,,
و لكى كل الود و ليبقى السودان في قلوبنا دوماً
حب كيمان
Post: #196 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-27-2007, 09:29 AM Parent: #195
سمسمة إزيك
وين ما باينة؟؟
Quote: شفتو لو اتفقنا بنعمل شنو؟؟
صحى و الله ،، دة حالتو بس فى برنامج و يمكن نص السودان ما بيشوفوهو ،، طيب زى الجماعة ديل لو إتفقوا "يخلعوا" الحكومة دي ، باقي ليك بيغلبهم؟؟؟؟؟
لكب ودي و التوفيق دوماً لولد السودان خالد
Post: #197 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: Semsema Date: 05-27-2007, 10:37 AM Parent: #196
Quote: دة حالتو بس فى برنامج و يمكن نص السودان ما بيشوفوهو
نص شنو يا نوسة دا احتمال 95% من السودان ما قاعد يشوفو..( انت متفائلة)
اكيد ناس استار اكاديمى وسوبر ستار حيفكرو بجدية فى الدورات القادمة فى مشاركين من السودان
لانو دى نتيجة ما كانت متوقعة؟؟
ودا درس يجب نتعلم منو الكثير..
مع محبتى.
Post: #198 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-27-2007, 01:40 PM Parent: #197
غاليتى سمسمة
Quote: نص شنو يا نوسة دا احتمال 95% من السودان ما قاعد يشوفو..( انت متفائلة)
أنا صحي و الله متفائلة ، و دة الخلا خالد يفوز بالنسبة دى ،، موش؟؟؟؟
لكن مرات كدى صحي عندي "شطحات" الله يمرقكم منها !!!
ربنا يزيدنا تفاؤل و ترابط و أمل بغدٍ مشرق
لك ودى
Post: #199 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-27-2007, 04:36 PM Parent: #1
نص الموضوع: يا جماعة السودانيين في منتدى نجوم العرب
بيدخلوا على اسم مصريين
و بيشتموا في نورهان
و يمدحوا خاالد
انا هدخل باسم عثماان و هقوللل:-
انا عثمانة منَ السودانَ انا هبوو نورهان و كرييم ما هبوا خالد أشان المصريين متمكنيييين
Post: #200 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-27-2007, 05:18 PM Parent: #1
السلام عليكم...أنا حجيب ليكم كلامكم يا مصريين من أول ما دخلنا المنتدى لحد حسة عشان نشوف المستوى... أنا ما حبيت أتكلم من الأول وأغلط معاكم بس بصراحة القصة زادت شديد وأصبحت لا تطاق...
في بوست الى خالد حبيب قلبي وكاتبه prof3rab مكتوب بالنص : حبيب قلبى خالد والله نحن فى مصر بنموت فيك وبنعشقك
اولا لأنك تفكرنا بصناع السينما المصرية القديمة مثال عمو عثمان السفرجى
ثانيا بتفكرنا بالداتور او راعى البقر
ثالثا بتفكرنا بكونداليزا رايس
خالد كلاتنا بنحبك واتمنى انى اشوفك بعد البرنامج ياحبيب انص مساء الفل ياقرمط ****************************** وفي بوست خالد يقول لسارة على جثتي وكاتبه نجم النجوم مكتوب بالنص: عرفنى ازاى وها تعمل ايه طب ازاى يابطل بص احسن حاجه هات شومه واضرب كل المشاهدين اللى مش بيحبوا العرى وقول لهم دى حلوه وجسمها جميل وملناش دعوه بصوتها ايه الكلام الفاضى ده البرنامج ده برنامج اصوات مش برنامج عرى واحنا كلنا بنحبه بدون عرى واعتقد ان اللى بيقول قدام الكاميرا على جثتى انك تخرجى يورينا بقى ازاى وها يعمل ايه يلا يابطل عجباك اتجوزها يا بطل انا فى انتظارك ...... على راى كوكب الشرق ام كلثوم *************************** والآنسة بوسي ردت في نفس البوست بالنص: اصل هو عايز يخرج قبلها عشان ميحسش بفراغ بعد خروجها ربنا يوفقهم هم الاتنين و بنطالب اداره البرنامج تعمل استثناء و تخرجهم الاتنين سوا في نفس اليوم طالما هو متاثر عشانها اوي كده ********************** وبوست أحلى عصفورين خالد وسارة وكاتبه emohok بالنص: على فكرة يا جماعه بجد عايزين كلنا نبارك لخالد و سارة بصراحه هما لايقين على بعض
و الخبر الحصرى
انا سمعت انهم و لأول مرة فى برنامج البوم ان مشتركين هيطلعوا مرة واحدة البرايم الجاى
خالد و الامورة سارة
الف الف مبروك يا جماعه و بالتوفيق ********************** والأخ نجم النجوم رد في نفس البوست بالنص: دول خسارة فيهم حتى ذكر اسماؤهم مبروك عليكى خالد بالرفاء والبنين باى باى يا حلوة خلى البرنامج ينضف شوية ************************ والآنسة بوسي كان ردها في نفس البوست كالتالي: ايوة انا سمعت برده انهم هيعملو استثناء الاسبوع ده ويمشوهم هم الاتنين مع بعض اصل عرفو ان خالد هيتاثر اوي لو ساره خرجت ياحرام و هيحس بفراغ ربنا يوفقهم و يهنيم *********************** أما الآنسة بوسي فكتر خيرها نزلت بوست بدورها نصه كالتالي: يا خالد متبصش تحت رجلكياريت تعمل علي انك تتحسن و متشغلش نفسك بامور غيرك وحربك علي نورهان انت الخاسر فيها ووضحت للجميع ضعف شخصيتك لان البنت اثبتت انها احسن منك بجميع المقاييس اولا بصوتها اللي هو الافضل في الفريق ككل ثانيا بشخصيتها لانها بنت مؤدبه و محترمه وعمرها ماغلطت فيك ولا قالت في حقك كلمه وحشه ودايما بتقول عنك كلام كويس حتي في اليوميات ونورهان صادقه و موضوعيه من اول ماشفناها في البرنامج ولو في مشاعر خاصه بينك وبين ساره ده موضوعكو مبروك عليك بعد ماتطلعو من البرنامج وياريت تعرف ان اللي انت بتعمله ده كله في مصلحه نورهان لانه بيوضح للناس انها نجمه و اخلاقها فوق الممتازة و انها اكبر من التفاهات اللي انت بتعملها انت و ساره ضدها ******************** والسيد emopop قال في نفس البوست: صحيح ياخالد متشمش تحت رجليك قصدى متبصش تحت رجليك &&&&&&&&&&&&&&&&&& أما نجم النجوم فأحييه على انه بين أصله في بوسته سارة برامج العري كتيرة ونصه: نجاحك اكيد فى برامج خاصة بالعرى فانت اكفا واحده لهذه البرامج وكلما تعريت اكثر تكسبى اكثر والاخ اللى بيقول لساره على جثتى انك تخرجى يورينا بقى ها يعمل ايه ولا هوه عايز يتفرج على العرى وعا جباه المساله دى طب ممكن تخرج معاها وتشوفها كل يوم وتتمتع بيعا لوحدك اما نحن فلا نقبل العرى ولا نقبل الا الصوت الجميل ولا نرضى ان تقشعر ابداننا من عريها باى باى يا حلوه ********************* والأخ emopop رده كان عاجز ونصه: ازيك يا حمادة ( محمد حسام) ازيك يا حبيبى
فاكرنى انا ايموو والنبى هوة السودانى الاصيل دة بيتباع فين انا سألت عليه قالولى مفيش غير لب خشب ****************** والأخ prof3rab في بوست هيما الى emohok ونجم النجوم قال: كل من يغلط فى مصر يكون تعدى منطقى الخطر انتم كلكم رعاع وتنكرو الجميل المصرى عليكم بدوننا ستكونون ارانب ضعيفة فى المنطقة لماذا تنحازون وراء خالد الطبال وسارة الرقاصة
************ والآنسة أغادير في بوست خالد اذا بدك سارة اخرج معها نصه: خالد ان كان بدك سارة فيك تخرج معها وهيك بتكون فقدت مشجعيك وكرهك لنورهان واضح بس عنجد ما بعرف ليش البنت بها كل مقومات النجوم الحضور الصوت المنظر كل اشي بس ما بعرف ليش الكره هيك يا خالد او لمجرد انها مصرية او شو يا ريت توضح وجهة نظرك خالد شو اللي عجبك بسارة الغرور الكبر اسلوبا طريقتها كلو غلط بغلط هاي بتدلع امام الكاميرا بصورة اكتير فظة حاول تعمل مقارنة بين سارة ونورهان راح تعرف فعلا الفرق وتعرف انك اكتير ظالم يا خالد حاول تقعد مع حالك لحتي تعرف غلطك خالد نحنا كلنا بنحبك ما تخلينا نكرهك سارة هي غرور وكبر ******************* والأخ prof3rab رد في نفس البوست: خالد اطلع بره سارة خدها واطلع معاها ******************
وشوفوا أسلوب prof3rab كيف في كلامه ده: انت اذعر وتتجرأ ان تتطاول على اسيادك من المصريين نحن صناع النجومية والقاهرة هى عاصمة الفن ولستم انتم ايها الرعاع المنتظرين المعونات بدلا من ان تنحازو لسارة حبيبة خالد الأذعر انحازو نحو الأفضل نحن لا نكره خالد ونحبه ولكن نكره الإنحياز ونكره الحقد والغل الذى تحملوه فى قلوبكم لنا بعد ان اوصلناكم الى مانتم فيه
Post: #201 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: على محمد على بشير Date: 05-27-2007, 05:57 PM Parent: #200
يعنى يا اخوانا الود خالد دا مجكس ساره وعامل زغبير لى نورهان والله يا خالد طلعت ما هين بس بينى وبينك ساره تستاهل
والمصريين ديل زعلانين من خالد عشان ما جكس ليهم بتهم نورهان دى معليش ماهو فى سودانيين كتير جكسوا مصريات واتزوجوهم وعاشوا فى تبات ونبات يعنى مافى داعى للحركات دى .. نحنا السودانيين برضو بنعرف ندهن الهواء دوكو
Post: #202 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-27-2007, 08:33 PM Parent: #201
لقاء قناة العربية مع زملاء، أساتذة وأسرة خالد في السودان
Post: #203 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: Tragie Mustafa Date: 05-28-2007, 00:00 AM Parent: #202
اها يا نوسه مبروك لخالد
دخلنا البوست ده عشانك حسه جبتي لينا اللوم مع بشاشا.
ويا بشاشا
الي ان نقنع بقية اخوتنا بكوشيتهم المنكوره.
لم ارى مناع من مساندة بعضهم في عروبتهم الزائفه.
ولك الود,ومشورانا لسه طويل بس عايز طولة نفس.
Post: #204 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-28-2007, 07:51 AM Parent: #203
الحبيبة تراجى
صباح الخيرات،، و مبروك لينا كلنا فوز خالد فى المرحلة دى
Quote: دخلنا البوست ده عشانك حسه جبتي لينا اللوم مع بشاشا.
بشاشا هو المفروض يكون جاب اللوم ليك عشان "بيشتم" في المشاركين في البوست "بالبارد" و بيقول علينا "مستلبين" ،، نحن ياخى مستلبين و راضين ،، شكينا ليهو عشان "يحررنا" من عبوديتنا لل"عرب" ؟؟؟؟
Quote: ويا بشاشا
الي ان نقنع بقية اخوتنابكوشيتهم المنكوره.
لم ارى مانع من مساندة بعضهم في عروبتهم الزائفه.
يا أخوانا ما قلنا ليكم "لكم دينكم و لنا دين"
لك أنتى بس ودي و مشتاقين و الصيف على الأبواب ،، عملتي شنو؟؟؟؟؟ما ح تجونا؟؟؟؟
Post: #205 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: altahir_2 Date: 05-29-2007, 02:50 AM Parent: #1
الف مبروك لينا ولى خالد وشكرا نوسة ونسمة على المجهود الجبار شكرا لكل من صّوت للاخ خالد المشوار لسه ما انتهى يا شباب ما تشتغلوا بالفارغة الموضوع اكبر من خالد دا موضوع النافذة الكبيرة للفن السودانى الفتحها خالد . وكان قدر المسئولية لكم المودة ضياء ميرغنى / مغنى وملحن /هولندا
Post: #206 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-29-2007, 02:56 AM Parent: #1
الطاهر على فكرة قالوا الليلة في اليوميات خالد قال الجمعة الجاية في ميدلي سوداني وبيدرب أصحابه في الفريق على السوداني أنا ما شفت اليوميات في زول شافها؟؟
Post: #207 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: othman mohmmadien Date: 05-29-2007, 08:31 AM Parent: #206
أخوتي الأفاضل كلنا يعلم أن الهدف من هذه البرامج جني ارباح طائلة للقنوات ومعدي هذه البرامج والمستفيد الآخر هي شركات الاتصال.... ولاخسران الوحيد الجمهور أما هدفنا نحن غير ذلك التحدي الذي أبرزه خالد السودان الذي نحن إليه جميعا الذي لا نأنس شيئاً سواه ولا في غيره نرجو مماتنا وأصبحنا جمهور له رقم وأسهمنا في إرتفاع مؤشرات الدخل العالي لهذه البرامج أليس من حقنا كجمهور ان نخاطب القناة بإستضافة فنان سوداني من الأوائل عندنا كما يستضاف راغب علامة !!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ونوال الزغبي وفناني الخليج وغيرهم وبالطبع على حساب البرنامج ما رأيكم نقل عنوان هذا البوست إليهم والاحتجاج عليهم ومناشدتهم بإستضافة فنان سوداني حيث أن جمهورنا صار كبيرا لديكم وبهذه الطريقة نفرض ما لدينا من فن راقي لا يستوعبه هؤلاء العرب بل يترفعون عليه وهو أسمى من عطائهم،،، وتكون تأطيرا لما بدأ خالد بالولوج بإسم السودان وولوج الأغنية العربية السودانية نوسة لا شك انها تمتلك كل حلقات التواصل فأعملي ما بدأ لك لنقل وجهة نظرنا هذه لهم للام بي سي وللمذيعة رزان: وأقترح الفنان القدير عبد الكريم الكابلي عبد القادر سالم - لديه إيقاعات كردفانية رائعة تميل للسلم السباعي محمد الأمين آطال الله أعمارهم أو من الشباب: عافيه - اسرار - نبوية - وليد - وغيرهم
Post: #208 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 05-29-2007, 11:30 AM Parent: #207
شكراً لكم
الطاهر أخى تسلم و فعلاً المشوار لسة طويل ،ن و من أولو بنلقى إنتقادات ،، يلا أيدينا على كتفك ،، و غيد على أيد ....
نسمة أنا شفت اليوميات و فعلاً في ميدلي سودانية المرة دى ،، عشان المحتجين و كدة !!!
أخى عثمان
أيوة إقتراحك في محلو ،، و كونو معاهم سوداني ،، لازم يكون في مغني من السودان ،، و لا نحن ما قاعدين "نتكلم" عربي؟؟؟؟
Post: #209 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: ملكة سبأ Date: 05-29-2007, 12:28 PM Parent: #1
Post: #210 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: ملكة سبأ Date: 05-29-2007, 12:34 PM Parent: #1
Post: #211 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: ملكة سبأ Date: 05-29-2007, 12:37 PM Parent: #210
Post: #212 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: ملكة سبأ Date: 05-29-2007, 12:43 PM Parent: #211
Post: #213 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: مكاوى محجوب الشريف Date: 05-29-2007, 01:09 PM Parent: #210
الأخت نوسة معليش الطلة متأخرة بسبب غيابى لفترة عن البورد... مبروك لخالد وللسودان وجهدك مقدر.. وحمدلله على السلامة ، خالص التحايا للأخ وجدى والبنات.
Post: #214 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: ملكة سبأ Date: 05-29-2007, 01:24 PM Parent: #1
Post: #215 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 05-29-2007, 02:45 PM Parent: #1
معليش تصحيح معلومة يا جماعة...منى وخالد حيغنوا لسيد خليفة...والباقيين خالد حاول يدربهم ما قدروا فحيغنوا لمحمد منير
Post: #216 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: شهاب الفاتح عثمان Date: 05-29-2007, 05:01 PM Parent: #215
حرص الفضائيات على تحليل ظاهره النفير و التكاتف السودان يستحق الاهتمام , ومانفعله كشعب عفويا , يراه غيرنا فضائل تثير الاندهاش
Post: #217 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: شهاب الفاتح عثمان Date: 05-29-2007, 11:14 PM Parent: #216
معا لترسيخ روح التكاتف .. و التكاتف بابنا نحو حلو النتائج والانتصار
كم هي رائعه ثقتك في نفسك و اهلك يا خالد .
هو رائع تكاتفكم يا احباب
Post: #218 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: Dr. Ahmed Amin Date: 05-30-2007, 03:39 AM Parent: #1
نوســــة الرهيبة
كان لبوستك القدر المعلى للفت الإنتباه لهذا الشاب السوداني وياها المحرية في السودانيين ... رفعتو راسنا... وياجمـــال دنيانا...
Post: #219 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: شهاب الفاتح عثمان Date: 06-01-2007, 03:14 PM Parent: #218
Quote: هو رائع تكاتفكم يا احباب >
Quote: وياها المحرية في السودانيين ... رفعتو راسنا... >
Post: #220 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 06-01-2007, 03:22 PM Parent: #219
صديقي و إبن خالتي مكاوي
شكراً على "طلتك المتأخرة"
Quote: الأخت نوسة معليش الطلة متأخرة بسبب غيابى لفترة عن البورد... مبروك لخالد وللسودان وجهدك مقدر.. وحمدلله على السلامة ، خالص التحايا للأخ وجدى والبنات.
كيفك و كيف أخبارك؟؟؟
قاطع ليك مددددددددددددة ،، إن شاء الله خير؟؟
تحياتي للخالة الغالية و بطة و العيل ،، و الخال محجوب ..
شكراً ليكم إنتو العملتو لي "أملى و رجائي" قيمة ....
لك الود
Post: #221 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 06-01-2007, 03:26 PM Parent: #220
أبو حميد يا دكترة
Quote: نوســــة الرهيبة
كان لبوستك القدر المعلى للفت الإنتباه لهذا الشاب السوداني وياها المحرية في السودانيين ... رفعتو راسنا...
إنت الرهيب و عارفاك ما بتكون قصرت ،، يا عشا البايتات و يا مقنع الكاشفات
لك الود و الحب
تحياتي لناس بيتك
Post: #222 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: ahmed babikir Date: 06-01-2007, 06:40 PM Parent: #221
الف مبروك لخالد وانشاء الله يفوز
Post: #223 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 06-01-2007, 08:30 PM Parent: #1
الميدلي السوداني بعد قليل
Post: #224 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: ahmed babikir Date: 06-02-2007, 12:06 PM Parent: #223
فوق حتي نسمع الالبوم باضاني... وباذن الله نسمعو قريب..
Post: #226 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 06-02-2007, 08:35 PM Parent: #1
المصريين قصتهم شنو؟؟ جايبين مشترك مصري دايرين يخلوا الفرقة كلها مصريين لتاني مرة يجيبوا مصري أستغفرك يا الخالقني
Post: #227 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: Semsema Date: 06-03-2007, 09:13 AM Parent: #226
بصراحة رايكم شنو فى الميدلى السودانى؟؟
مع محبتى..
Post: #228 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 06-03-2007, 10:33 AM Parent: #227
سلامات
شكراً لكل من ساهم برفع هذا البوست
يا سمسمة ، الميدلى السوداني كانت موش بطالة،، مشكلتها الوحيدة إنهم "سبعنو" لينا الأغاني حبتين،، و إختاروا لينا الأغاني الساهلة و التانيات البي صوت محمد منير ،،
بس عموماً جهد يشكر عليه خالد و قال ليهم "نحن هنا" و إن شاء الله يقدم في واحدة من الحلقات أغنية سودانية كاملة إكراماً لل 82% صوت الوقفوا معاهو ...
Post: #229 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: كمال الدين بخيت اسماعيل Date: 06-03-2007, 11:17 AM Parent: #228
شكرآ نوسه علي هذا المجهود الرائع....معليش ماكنا ناقشين الشغله ....هسه ورينا يا نوسه نسوي شنو بعد دا....يعني خلينا في الصوره عشان نكون جاهزين لاي طوارئ....
Post: #230 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: nasmah1981 Date: 06-04-2007, 03:16 AM Parent: #1
Post: #232 Title: Re: يا عاشقين السودان هل من بعد هذا الكلام لا ندعم الشاب خالد حسن على MBC؟؟ Author: نوسة Date: 06-04-2007, 06:52 AM Parent: #230
أخي كمال الدين بخيت إسماعيل
شكرأ لك ،،
Quote: شكرآ نوسه علي هذا المجهود الرائع....معليش ماكنا ناقشين الشغله ....هسه ورينا يا نوسه نسوي شنو بعد دا....يعني خلينا في الصوره عشان نكون جاهزين لاي طوارئ....
لحدي أسي ما في شي و الحمد لله ،، ممكن نبدأ بالتصويت لفريق "شمال أفريقيا" كل يوم جمعة بعد البرنامج لحدي يوم السبت عشان نضمن ليهم "الحصانة" و ما "يجهجوا لينا خالد تاني،، و لأنو بعد إسبوعين ح يتم تثبيت أعضاء الفرقة البيفضلوا ،، عشان التصويت تاني يكون للفريق البيستحق الفوز بالألبوم،، و طبعاً دي النحنا دايرنها ، عشان يكون ولدنا من الفايزين ببرنامج عربى كبير زى دة و يقدر يحقق لينا حاجة على الصعيد الغنائي..
إنتو بس خليكم معاي و ما بتخسرو إن شاء الله ...
شكراً كتييييييييييييييييييييير و الله على وقفتكم دي يا رجال بلدي و نسائه...
