Post: #1
Title: شكرا يا فرد
Author: مجدى النور محمد
Date: 05-27-2006, 09:37 AM
Parent: #0
مرحب بالاصدقاء الذىن احتفوا بى و لم ارد لانى كنت فى رحلة عمل فى مناطق بعيده داخل السودان القاره حيث لا ماء ولا كهربا ء بس انا و انت و الليل و الخلا و الخلا ولا الرفيق الفسل و يا تماضر انا عملت فيلم اسمو النفاج عن محجوب شريف واتمنى تشوقيهو وتانى بواصلكم شكرا ليكم
|
Post: #2
Title: Re: شكرا يا فرد
Author: Hussein Mallasi
Date: 05-27-2006, 09:42 AM
Parent: #1
يا سلام ياخي
الفنان مجدي النور شخصياً؛
يا سلام ياخي مرة تانية.
|
Post: #3
Title: Re: شكرا يا فرد
Author: هشام كمال
Date: 05-28-2006, 04:20 AM
Parent: #2
عزيزى مجدى سعيد انو لاقيتك هنا
عندى بوست بعنوان ادونا رأيكم ادخل عليهو و ادينى رأيك
مع محبتى
هشام كمال
|
Post: #4
Title: Re: شكرا يا فرد
Author: Tumadir
Date: 05-28-2006, 09:54 AM
Parent: #3
welcome aboard
will check that out , soon.
|
Post: #5
Title: Re: شكرا يا فرد
Author: محمد سنى دفع الله
Date: 05-28-2006, 06:08 PM
أهلا باالطلة البهية والابداع المنداح
مجدي النور
التحية والاحترام
وينك وين أفلامك وكيف حال الفن الجمبل
ونتواصل ياجميل
|
Post: #6
Title: Re: شكرا يا فرد
Author: خدر
Date: 05-29-2006, 08:30 AM
Parent: #5
مجدي حمدلله علي السلامة
و بركه الشفناكـ هنا
طارق ابوعبيده
|
Post: #7
Title: Re: شكرا يا فرد
Author: فيصل نوبي
Date: 05-29-2006, 08:42 AM
Parent: #1
مرحب يا فردة
حمدلله علي السلامة يا استاذنا
ومرحب في البورد
|
Post: #8
Title: Re: شكرا يا فرد
Author: محمد بهنس
Date: 05-29-2006, 09:08 AM
Parent: #7
دينااااك..كجنكات يا صاحبي..
..
..
كوين هاوس الحاج يوسف..
وعمك القال لينا:" انا زااتي خلقتني الطبيعه".
...
...
والزول العجيب القرا لينا قصيده اعجب وعرف نفسو بانو" ممرض في مستوصف الحاج يوسف وشاعر مصري".
..
..
..
مبدئيا حبابك والله جابك
..
شاعر الحديقه
..
مخرج الحقيقه
..
ولينا عوده يا صاحبي
;.
تحيه قلبيه
|
Post: #9
Title: Re: شكرا يا فرد
Author: عادل ابراهيم عبدالله
Date: 05-29-2006, 09:22 AM
Parent: #1
مرحب مرحب
هو بلاهي انت (السويت) النفاج
طيب يامان الحلة القامت هسع دي كيف؟؟؟
هيع هيع غايتو ناس الدراما ديل بعد دا كان سووا (مجلس وطني) للبورد دا
ياهم الشالو نسبة الجماعة ديك
حبابك يازول ياحلو
|
Post: #10
Title: Re: شكرا يا فرد
Author: بكرى ابوبكر
Date: 12-05-2006, 05:21 PM
Parent: #9
يا شباب يا عصام و الجميع هل صحى رحل عنا دنيانا الصديق و الحبيب من الزمن الجميل مجدى النور محمد وعليكم الله قولوا ما هو و كان هو خلونى امشى ادق كم صيوان فى الموقع لانه فقد و فقد كبير للحركة الثقافية و المسرحية
|
Post: #11
Title: Re: شكرا يا فرد
Author: ناذر محمد الخليفة
Date: 12-05-2006, 05:47 PM
Parent: #1
لا حول ولا قوة إلا بالله ...!!!!!!!!
مجدي النور !!!!!!!!!
|
Post: #12
Title: Re: شكرا يا فرد
Author: Yassir Tayfour
Date: 12-05-2006, 05:52 PM
Parent: #11
لا حولة ولا قوة الإ بالله العلي العظيم
تقبله الله خير قبول
وألهم أهله الصبر وحسن العزاء
|
Post: #13
Title: Re: شكرا يا فرد
Author: Wathig Makki
Date: 12-06-2006, 01:00 PM
Parent: #1
الله يرحمه ويجعل مثواه الجنة .
|
Post: #14
Title: Re: شكرا يا فرد
Author: عصام دهب
Date: 12-06-2006, 01:28 PM
Parent: #13
Quote: في الزمن المكندك والحزن الإضافي
جينا نقول نفرق نجي نلقاه مافي |
رحم الله مجدي النور الذي أحببته لحب كل من عرفه و للحزن النبيل الذي ساد يوم رحيله ..
|
Post: #15
Title: Re: شكرا يا فرد
Author: Sabah Hussein
Date: 12-06-2006, 03:54 PM
Parent: #1
سمعت بهذا الخبر. كان تعليقى خـبر شـؤم.
لم استوعب الخبر ياصـديقى اعزرنـى.
ظننت أنه نص جـديد لك بعنوان الرحيل او وداعا مجـدى النور. اعتقدت نشره
بالبورد ربما دعايه اعلاميه لهذا النص.
قـررت الاتصال بك لتوبيخك على النوع من الدعايه المجنونه.
اتصلت عزيزى على الموبايل حقك.
اتانى الرد.
هذا الشخص لايمكن الاتصال به حـاليا عاود الاتصال مرة لاحقه.
كان الوقـت متاخـرا عـزيزى.
ولكن القلق اخـذ منى مأخـذا.
حاولت الانتظار.حـتى تستيقظ من النوم. وترد عليا
كان هناك سيناريو واحـد يدور بمخيلتى هـو أن تطمئننى بأنه حادث بسيط
وهأنت تتحـدث معى وبكل الخير والصحه. ولكن الشهره هى السـبب مع الخطأ
غير المتعمد فى وسـط الاصـدقاء ووسـائل الاعلام.
او أن هـذا اسلوب مبتكر ومستحدث وجـديد لنج من اسـاليب الاعلام.
عاودت الاتصال مـرة اخـرى.
ردت على المحادثه اخـتك نوال النور. تضايقت قليلا لانى كنت اتوقع سماع
صـوتك.
بادرتها بانـى صـباح. عـسى أن ترد السلام وتخبرنى بأنك مازلت نأئما , او
مسافر. او خـرجت الى العمل مبكرا ونسيت الموبابل بالبيت. او حاجه من
هذا القبيل.
ولكن للاسف بمجرد سماع نوال لاسمى. انفجرت بالبكاء وقالت
ياصباح مـجدى اخـوكم وصـديقكم مات.
حـتى هذه اللحظه لااصـدق.
اعزرنى يامـجدى لم اتجاوب مع نوال كما ينبغى ولكنك تعلم أن العقل البشرى
له سعه مـحـدوده للاستيعاب. نوال متجرسه جـدا وتتمنى لو كان بامكانها أن
تفـديك لكى تكون عايشا وتربى اولادك مـصـطفى ومازن كما كنت تـحلم وتتمنى
بالمناسبه يامجدى اتـجدثت مع مصـطفى وسـألنى انتى منو?
قولت ليهو انا خالتو صـباح صـديقة بابا.
مازن ابنك مشى المدرسه.
الوالده بخير ويبدو انها مخلوعه او ما مستوعبه الحاصل.
انتهت المحادثه على كـده يامجـدى بوعـد منى سـوف اتصل على نفس الرقم
مـرات ومرات.
وجـدت دموعى تنهمر ادرى لماذا لانك لم تـرد عـلى المحادثه كما كنت تفعل
دوما ونحكى ونهترش مع بعض.
فـى اخر مـره تحدثنا وعـدتـنى لما ارجع السـودان حتعمل رحله تلم فيها
كل الناس الرايعين احتفالا بقدوم الشحـروه .
بنطلون الجينز تموت تخليه بسمع فى صـوتى حـسع.
الى اللقاء يامـجدى.
|
|