Post: #1
Title: الفيش....والخلايا النائمة في البورد
Author: adil amin
Date: 05-26-2007, 11:28 AM
Parent: #0
اسئلة الفيش
1- لماذا تكتب باسم حركي(للرجال فقط)
2- هل حدث ان تم ايقافك في البورد؟ كم عدد المرات؟ ولماذا؟
3- هل سبق ان شيع لك بوست الي مثواه الاخير/الخور؟..كم النسبة المئوية لمجمل بوستاتك التي مشت الخور بالنسبة للبوستاتك الاخرى؟
4- هل حدث ان كتبت هنا عن الديموقراطية او ثقافة المجتمع المدني ومستقبل السودان؟هل تحمل اهداف او رؤية محددة؟ وهل انت قادر على الدفاع عن الجهات التي تتعاطف معها؟ احزاب او زعامات او اشخاص هنا في البورد؟
5- هل لك بوست معنون باسم شخص محدد للردح؟.كم عدد زوار بوستاتك من هذا النوع؟
6- هل استعملت المسنجر لاعمال مخالفة للطبيعة ..اساءة تشهير او نقل بيانات كاذبة عن الاعضاء او زويهم..او تهديد مبطن..؟
7- هل انت راض عن نفسك بما تقدمه هنا(OPTIONAL)؟
............
الخلايا النائمة: مشتركين لا هم لهم سوى ان يستيقظو صباحا لرفع اكبر كمية من بوستات فلان او علان بصرف النظر عن محتواها الفكري او الثقافي او الانساني او الاجتماعي اوالتنويري بكلمة(فوق). وهذه ظاهرة كلاب بابلوف والارتباط الشرطي بالشللة الكئيبة
.............
يا بكري لو استمرت هذه العروض الباهتة التي تتخطى اللاوائح والقوانين...سوف الوح لك بعلامة النصر كما فعل الصحاف....
قيل ان الصحاف بعد سقوط بغداد جاء الي المرحوم صدام ملوحا بالعلامة النصر فقال له صدام:هل انتصارنا؟؟ رد الصحاف :بقينا انا وانت بس
.............
وكان جينا للبوبار
نلقى ناسو كتار
والحمام كان طار
سوو ليه شمار
فشخرة واوهام
كلام يا عوض دكام
ملحوظة: هل ذكرت اسم شخص هنا؟؟
الديموقراطية وعي وسلوك
|
Post: #2
Title: Re: الفيش....والخلايا النائمة في البورد
Author: خالد الطيب أحمد
Date: 05-26-2007, 08:40 PM
Parent: #1
| Quote: قيل ان الصحاف بعد سقوط بغداد جاء الي المرحوم صدام ملوحا بالعلامة النصر فقال له صدام:هل انتصارنا؟؟ رد الصحاف :بقينا انا وانت بس |
سلامات يا عادل..
|
Post: #3
Title: Re: الفيش....والخلايا النائمة في البورد
Author: adil amin
Date: 05-27-2007, 10:42 AM
الاخ العزيز خالد
تحية طيبة
لو طبق الفيش في البورد
البلد كلها حتبات في الشارع
هي مش كانت رآآآصة بس كانت بترؤص
وشكرا للزيارة وحاسجلك واحد من الخلايا النائمة بتاعتي في البورد
|
Post: #4
Title: Re: الفيش....والخلايا النائمة في البورد
Author: adil amin
Date: 05-27-2007, 10:46 AM
Parent: #3
Quote: سيرة مدينة(7)ا:كلب وحمار وقرد
عادل الامين
[email protected]
الحوار المتمدن - العدد: 1837 - 2007 / 2 / 25
كمبرور..احد مخابيل مدينة الدامر..رجل حكيم...يرى كل العالم مجنون وهو العاقل الوحيد..التقيته مرة فى ماتم فى ضاحية العشير فى اواسط الثمانينات..وهو يحب دئما اصطياد الطلبة الجامعيين المزهويين بانفسهم ويستدرجهم فى حوار سقراطى الطابع
- كم عدد سكان السودان؟!!!!
- 14 مليون(فى زمن نميرى)
ثم اخذ يقسمهم الى نساء ورجال واطفال وموظفين وجنود.الخ وبقى مليون فالتفت الى باسما
- هؤلاء ذى وزيك كده يزحو من ماتم الى ماتم ومن عرس الى عرس
ثم اردف
- فى بلدنا هذه تمر الانظمة السياسية المزمنة بثلاث مراحل..مرحلة الكلب وهى مرحلة النباح وسنفعل وسنفعل..ثم مرحلة الحمار او التحميل الذى يجسده الثراء الحرام..وآخيرا مرحلة القرد الاخيرة والاتيان بالافعال والاقوال والتصريحات المضرة التى تنال استهجان الشعب الذكى وتضحك الاسرة الدولية وتاتي بالتتار..
وهذه الدارونية السياسية على ما يبدو اتتجلى فى ابشع صورها فى انظمة الطاووس العربية فى المنطقة وتنبطق على اشخاص ايضا ومن نعمره ننكسه في الخلق
|
وهنا ايضا في هذا الوطن الافتراضي من نعمره ننكسه في البورد ;D
|
Post: #5
Title: Re: الفيش....والخلايا النائمة في البورد
Author: adil amin
Date: 05-27-2007, 11:10 AM
Parent: #4
مثلا ومن 2002 لحدت هسه2007
المناظر هي ذاتا والصور نفس المشاهد
في ناس ما عارفين الفرق بين المعارضة والولولة
طبعا الولولة من ولية..واطلق عليها لانها تولول على زوجها عندما يموت رغم معرفتها التامة بانه لا جدوي منه...اما المعارضة...فهى مشروع سوداني اخلاقي فكري سياسي اقتصادي ثقافي .. يعمل كوعي مضاد تماما لما هو كائن الان في السودان بمعنى ادق استبدال وعي بوعي افضل .اين هو؟
في شيوعيين عندهم مشكلة نفسية مع الكيزان وفي كيزان عندهم مشكلة نفسية مع الشيوعيين
وذى ما افسدو السودان القديم يفسدون هذا البورد ودي دايرة ليها فاصل في علم النفس السياسي..كلاهما يعاني من النرجسية وانفصال الوعي عن الواقع..يعني الكوز مرتبط شريطا بكيزان العالم في كشمير وكسوفو واق الواق والشيوعي نفس الشيء حايم بهناك في امريكا الجنوبية ومعجب بخردتها كاسترو والغلام المعجزة شافيز...والشعب السوداني المغييب ما عارف مين يودي على فين يا حراااام في زمن ثورة المعلومات عندهم فضائية واحدة بس
ودي نظرية توم اند جيري
الكديسة شايفة الدنيا كلها فيران
والفيران شابفين الدنيا كلها كدايس
بس مش كدايس كدارة
شلل االيسار واليمين المازوم في هذا البورد...تسقط وعي مرحلة على مرحلة وتقود حروب دون كيشوت الكيبوردية واضنت مجهودات سيزيف السودان صديقي عادل عبدالعاطي وحديثه لطيب عن الزمن الليبرالي..الذى يحترم الامتيازات الفردية والخيال الخلاق والتفكير الذاتي الحر و نقد الابعاد الانسانية الغائبة في السياسة السودانية منذ الاستقلال وهم على تماثيلهم عاكفون
هل تسطيع هذه الكائنات العيش او التعايش فى مناخات حرة ذى المنبر حر ده مثلا
بدون ما يعملو ليها فيش..
ويملو لينا الصفحة الاولي اعتذارات
ياخ
it is beter tobe safe than to be sorry
لا زلت ابحث عن المزيد من الخلايا النائمة في البورد 
من الافضل ان تكون خلية نائمة بدلا من مجرم بورددولي INT.BORD.CRIMENAL
|
Post: #6
Title: Re: الفيش....والخلايا النائمة في البورد
Author: Elkhawad
Date: 05-27-2007, 11:43 AM
Parent: #5
الفيش = fish
والخلايا النائمة في البورد =ابو الدفان
بث الات طيفور
|
Post: #8
Title: Re: الفيش....والخلايا النائمة في البورد
Author: bayan
Date: 05-27-2007, 03:33 PM
Parent: #6
تعرف يا عادل
في عملية الفيش في المنبر دا
مثلا هناك من يفصل لمؤامرات كاذبة
مثلما حدث لي ولعدد هنا من الظلاميين
فعشان كدا ... الفيش ما المفروض يكةت بعدد الفصل
وحتى بوستات الخور بتمشى على حسب
سمتك البوردي ظلامي ولا مستنير..
لازم تعمل ليك حاجة تناسب البورد
لانه عالم مختلف تختل فيه الامور العادية..
العدل والحق والامانة والكذب
لها تعريفات مختلفة...
ففكرة آل البيت هنا تجعل هذا المكان عجائبيا خاليا من المالوف...
ذي خالد دا مثلا
خالد طرد من البورد قام بسرقة باسورد
لشخص برئ ومهذب ليعمل دعاية لبوردهم
بحجة انه مع حرية التعبير...
ونسى ان حرية التعبير لا تأتي على حساب شخص آخر...
ومن يومها فقد البورد الشاعر الاديب ياسر زمراوي
..
ومخالفات كثيرة في حق الاخرين وكذب وتدليس يمارسه
مثل سرقته لصورتي ووضعها في وجه دجاجة
واخذه اقتباسات خارجة عن السياق لتبرير
فعائله...
ولذلك لا يمكن ان يكون خلية نائمة.. لان شره على الاخر
وكذبه وتعديه بائن وجرائمه ثابتة..
شوف ليك تعريفات جديدة..
والتحية من الناس هنا وكل شئ هادئ في الميدان الشرقي
والغربي..
|
Post: #10
Title: Re: الفيش....والخلايا النائمة في البورد
Author: adil amin
Date: 05-29-2007, 08:46 AM
Parent: #8
Quote: ذي خالد دا مثلا
خالد طرد من البورد قام بسرقة باسورد
لشخص برئ ومهذب ليعمل دعاية لبوردهم
بحجة انه مع حرية التعبير...
ونسى ان حرية التعبير لا تأتي على حساب شخص آخر...
ومن يومها فقد البورد الشاعر الاديب ياسر زمراوي
|
هذه من مسؤلية ادارة البورد...والاخ بكري ابو بكر شخصيا
والذي يترك سودانيز اون لاين او يبقى
عليه ان يحدد تماما لماذا جاء لسودانيز اون لاين
ولماذا مضى
والتاريخ/الارشيف/المقبرة الجماعية بيحسب كل خطواته المشاها
ويفرق تماما بين ما هو وطني وما هو شخصي
بعدين في دراسة جدوى لابد ان يقيم بها الانسان نفسه بنفسه دون الاستماع للهتيفة...هل ما يقدمه هنا من نقد او ثقافة او حملات تضامن....تصب في الصالح العام وترفع لمعاناة التي تكتنف وعي الناس اجدى....ام الانزلاق في مهاترات مع ناس مازومين اجدى؟
الكل يهرب من البوستات الجادة ويهرب الى حيث المهاترات غير المجدية ويضيع زمنو ساكت
ويعتقد البعض ان كثرة الزوار(الخلايا النائمة) دلالة على جدوى البوست
والحديث ذو شجون
|
Post: #9
Title: Re: الفيش....والخلايا النائمة في البورد
Author: adil amin
Date: 05-29-2007, 08:31 AM
Parent: #6
Quote: الفيش = fish
والخلايا النائمة في البورد =ابو الدفان
بث الات طيفور
|
العزيز الخواض
تحية طيبة
واليوم اكتشفت مقبرة جماعية في البورد
تصدق
المقبرة الجماعية:mass graves
|
Post: #7
Title: Re: الفيش....والخلايا النائمة في البورد
Author: Raja
Date: 05-27-2007, 01:41 PM
Parent: #1
عادل يا عزيز..
سلامات ومحبات..
| Quote: 4- هل حدث ان كتبت هنا عن الديموقراطية او ثقافة المجتمع المدني ومستقبل السودان؟ |
هل بتعني الكتابة عن الفوضى وثقافة الشتائم وبهدلة اللغة..؟
سؤالك الإجابة بنعم حتكون لعدد قليل.. وسؤالي الإجابة بنعم حتكون مكتسحة..
تحياتي ليك ولبوستاتك (خضراء الدمن )..
ودي
|
Post: #11
Title: Re: الفيش....والخلايا النائمة في البورد
Author: adil amin
Date: 05-29-2007, 09:07 AM
Parent: #7
Quote: تحياتي ليك ولبوستاتك (خضراء الدمن )..
|
العزيزة رجاء
تحية طيبة
خضراء الدمن دي حلوة جدا
Quote: هل بتعني الكتابة عن الفوضى وثقافة الشتائم وبهدلة اللغة..؟
|
انى اعرف ان معظم الاخوات العزيزات يتازين من ناس هنا عاطلين عن قيم المجتمع السوداني..
في السودان البيت عندو بابين باب الرجال وباب النساء واهلنا الكبار يحذرونا من كنا صغار على الدخول من باب النساء
بالتاكيد الفيش اعلاه
ليس مطلق
لان اكثر الناس ابداعا وتالقا في هذا البورد طبقت فيهم قوانين امن الدولة وهم في حالة دفاع عن النفس باستخدامهم اسلحة الشمار الشامل
وهناك شللية وازدواجية في المعايير وياهو حالنا في السودان وبره السودان...ثقافة الاشاعات والاراجيف هي السائدة والعلم والمعلومات مغيبة
..........
وطبعا يا اختى رجاء ما تعلمته من اليمن خلال عملي في صحيفة الحرية لمدة عامين هو نقد الاوضاع ليس الاشخاص....وتعرية الوعي دون اساءة الشخص
التثبت من المعلومات قبل اعادة انتاجها...ثم ثبات بطلانها ثم الاعتذار وهكذا دواليك..
لذلك لن تجدي في كل بوستاتى تعريض بشخص واحد او بوردابي او بوردابية فيما يتعلق بحياته الخاصة الا من باب المزاح الثقيل(اسلحة الشمار الشامل ) لانى اومن باليبرالية بتاعة فرقة الهيلا هوب(الحرية المسؤلة)
كل زول حر في حياتو
حر كمان في تصرفاتو
طالما ما فيش اذية
للمشاعر الانسانية
...........
تحياتي لك ولراوية
|
Post: #12
Title: Re: الفيش....والخلايا النائمة في البورد
Author: Abdelmuhsin Said
Date: 05-29-2007, 09:23 AM
Parent: #1
المنتديات مجتمع صغير
يختصر الكثير من المسافات والزمن
لنتعرف على بعضنا البعض ..
نتدارس بعض .. نتعلم من بعض
نتعلم قيم وثوابت ومباديء وآراء وأفكار .. وتصرفات
نحمل فيها على عاتقنا مسؤولية كبيرة
بأن نعكس صورة مشرفة لديننا ، لبلادنا لشخصياتنا
للقلم الذي نحمله بين أيدينا ..
فيحمل عنا أفكارنا الى الملأ
|
Post: #13
Title: Re: الفيش....والخلايا النائمة في البورد
Author: Abdelmuhsin Said
Date: 05-29-2007, 09:28 AM
Parent: #1
Quote: مثلا ومن 2002 لحدت هسه2007
المناظر هي ذاتا والصور نفس المشاهد
في ناس ما عارفين الفرق بين المعارضة والولولة
|
مشكووووووووووووووووووووووووووووووووووووووووووووور على الموضوع الممتاز
|
Post: #14
Title: Re: الفيش....والخلايا النائمة في البورد
Author: adil amin
Date: 06-03-2007, 08:39 AM
Parent: #13
| Quote: مشكووووووووووووووووووووووووووووووووووووووووووووور على الموضوع الممتاز |
تشكر عزيزي
ونواصل الاستبرتز
وكمان الواحد منهم لمن تدير معاه حوار يحترم العقل ومزود بالوثائق ويكون ناقص عقل ومعلومات يفلس ويفجر..
ويتم الفرق قلة ادب ساكت....ولا يهتم بما يكتب بل من يكتب؟ وهذا خلل معرفي عجز الطب المعاصر على علاجه
نصف مثقف نصف اكاديمي لايصلح في هذا الزمن الليبرالي وزمن ثورة المعلومات
ومن تواضع لله رفعه
دون عمدا ترونها
|
Post: #15
Title: Re: الفيش....والخلايا النائمة في البورد
Author: adil amin
Date: 06-19-2007, 09:09 AM
Parent: #14
اني افكر بصورة جادة في استخدام غاز السارين في هذا البورد للتخلص من الشيوعيين والكيزان في هذا البورد واذنابهم ايضا
ماليين لينا الصفحة الاولى بنقارم الغير مجدي حتى ما يشوشو لينا في المرحلة 2007 من سباق المسافات الطويلة
الكيزان والشيوعيين وجهين لعملة واحدة لا قيمة لها في النظام العالمي/الاقليمي/السوداني الجديد
واقعدو بس للبوبار الفاضى
يا بكري ده عضاني
ويا بكري
دي
قرصتني
المواضيع الشخصية الانصرافية الما بتفيد نازح في دارفور او حنكوش في بحري
|
Post: #16
Title: Re: الفيش....والخلايا النائمة في البورد
Author: adil amin
Date: 06-19-2007, 09:25 AM
Parent: #15
ادت سياسة المولولين الى قتل مواطنين في مظاهرة ضد سد كجبار
والحكومة قاعدة وما سقطت ولا خاصيها
يكتلو الكتيل ويمشو في جنازتو وقاعدين لي في العالم الحر...فقط من اجل الولولة
لو ماتو ستة في مظاهرة كجبار ديل حينضافو للملايين الماتو واتشردو من يوم 30 يونيو1989..وهذا ديدن الكيزان حتى في مرحلة ما بعد نيفاشا احتقار المواطنين ويموت الزمار واصابعو تلعب)
...........
انتو حتى وجودكم في العالم الحر ما طوركم لا وعيا ولا سلوكا لا زلتو تقدمو لهيم خدمات جليلة دون وعي بولولتكم وليس بمشروع مضاد..
طيب المؤتمر البشع ده مرتبط باتفاقية نيفاشا ونيفاشا اتفاقية دولية ممتدة من(2005-2011) بها انتخابات في المرحلة القادمة(2008) ايهما اجدى
الولولة اليومية عن مثالب المؤتمر الوطني
ام الاستعداد لاسقاطهم بواسطة الشعب السوداني؟؟
لنزع ورقة توت الحصانة عنهم ليسهل محاكمتهم
ودعونا من الجعجعة الجوفاء والقعقعة الشديدة
.........
ما تحيات الجرعة الخامسة من الحملة الوطنية لاستئصال شلل الافكار
|
Post: #17
Title: Re: الفيش....والخلايا النائمة في البورد
Author: Ahmed Yousif Abu Harira
Date: 06-19-2007, 09:27 AM
Parent: #15
Quote: يا بكري ده عضاني
ويا بكري
دي
قرصتني |
نرفع البوست وقول: واحد خلية نايمة
|
Post: #18
Title: Re: الفيش....والخلايا النائمة في البورد
Author: adil amin
Date: 06-19-2007, 10:18 AM
Parent: #17
Quote: نرفع البوست وقول: واحد خلية نايمة
· · · أبحث · ملفك ·
|
يجلي النظر يا صاحي
منظر الانسان طرفونايم
وصاحي
صاحي كالنعسان
.........
تشكر اخي احمد
ونرحب بكل الاخوان الجدد في البورد
........
شفت كيف يا اخوي احمد
ولا واحد من الجماعة اياهم اللذين ضل سعيهم في البورد ما بهبب علي بوستاتي بسس يجو الناس النظيفين زيك كده
|
|