يا اخوانا هوى فتكم بعافية...

اولا لازعلان ولا حاجه لكن ده قرار اتخذتو بكامل اراتى اليقول انكسرت يقول واليقولوا..
المهم الى ان يقضى الله امرا كان مفعولا.. وشكلو مايقضيهو قريب ولا بعيد..
الفاتح معاهو موضوع ؛ بقول ليهو معليش ..
والمتداخلين فى مواضيعى سلام..

جميعا لاحمل اليكم اى شى...
فقط 4 اشخاص قد يظلون بالذاكره..
لاسباب خاصة جدا..
كالناقة انا لااحقد على احد مالم يكن هناك سبب..
انا اى شى فى شخصى بتحملو الا زول يصل اسرتى..
عمر على كان ممكن اقول الكتير عنك لكن لمن القاك وجه لوجه ببقى احسن..
كودى كذلك – بقال انت بى كفين بتستعدل وبديك ليهم ..
البحيرى اخيرا ..مناضل الورق صدقنى الله اعلم لو لقيتك اضع يدى فوق يدك يبقى ده ضرب من ضروب المستحيل..
والله يهدينا ويهدكم وتعملوا ليكم وطن زى الناس..

جميعا..
التحايا النواضر...
وطلب خاص ارجو عدم فتح بوستات باسم للمنادة والرجاء والمناشده بالعوده...
حتى لااكسر خاطر عزيز فيكم ..
الدايرنى ده ايمليى freedom860@ maktoob.com

الاهم من ده كلو يابكرى ابوبكر..مشكور على الفترة ورغم انى اساسا كنت حانسحب اخر الشهر ده بهدوء او عندما تقفل مداخلاتى 8000
لكن القدر اسرع...
سلفا وارسلت ليك بان تقوم بمسح اسمى من السيرفس نهائيا...
لم تستجب..
هذه المرة انا جاى جدا يازول ...
يابكرى دى طلب ومن حقى ....
والله يهديك وتعمل ليك ضمير زى الناس والبنى ادمين...

يلا ونشوفكم فى ساعة خير..

التحايا النواضر....

..

ليه كدا يا معتز ياخ!!!

الحبيب معتز
ياحبيب لية كدا خليك جنبنا ماتهتما بمايقال
انى اعلم بسعادة الفريق محمد بشير سليمان جيدا وهو من انظف العسكريين يامعتز وسعادة الفريق اخلص للقوات المسلحة جدا وحشاك من الاساءة ليك وللاسرة لانكم من الانقياء
يامعتز لاتصغى بمايقال هنا ياحبيب
قال تعالى (وعباد الرحمن الذين يمشون فى الارض هونا واذا خاطبهم الجاهلون قالو سلاما)
ياحبيب انا مغرم بماتكبة هنا
ياحبيب نعم ان اختلاف الراى لايفسد للود قضية سيبك منهم يامعتز
ومنتظرنك هنا نحنا

Dear Mo3taz
I don’t think that I can influence your decision on leaving the forum and I don’t know what had happened or why you are leaving? However I had to say it anyway!
I really wished to exchange ideas and discussions through the forum but I guess that won’t happen any more.
Anyhow it was nice reading for you and it could bee nicer if we managed to talked over.
Thank you
Stay safe

الحاصل شنو يا معتز

كدي اقعد تم التمانية الف وبعد داك نتفاهم

العزيز معتز


فى انتظارك ارجو ان لا تخذلنا

لك التقدير

يا معتز اخوي

و الله احبك لله ما تخلينا الدنيا براه خربانة
الله معنا و ارجوك ان تغفر لنا زلات لساننا و الله و راء القصد

هلْ
أنا
فِي
حِلمْ ، أم
فِي
عِلمْ..


يادِكتور مُعتز:
بعدَكْ الفريّق ، سَيّصْبِحِْْ خَلا..


راجِع قرارَكْ...
مَالُو ، قَرارْ
زّي تِكْـنلوجيّا الجاسُوبْ

الحاصل أيه يا معتز?
كمال

بغيابك الاختياري يا معتز نحن نقصنا واحد.
________________________
نحن منو؟
نحن الشباب الثائر على من أفرغوا مفردة النضال من معناها ، وعلى الذين يحتكرون الوطنية وحب الوطن، الشباب الذي لا يخشى في الحق لومة لائم ويرفض الخنوع لإرادة ممارسي الإرهاب الفكري. نحن الشباب الذي يقرأ بعينين مفتوحتين تجعلانه يرى الحقائق كما تبدو بدون رتوش.
لك العهد يا معتز -إنْ صممت على المغادرة- باستمرار جهودنا لإعلاء شأن حرية التعبير وخلع الأثواب الزائفة عن مناضلي الوهم ومحتكري الوطنية والمعرفة ومتواضعي الأسلوب.

أيــوه يا تروتسكي خليك بعيد ..
تنحى جانبا.. وأترك لهم هذه المساحة .. واكتفي بعلب ( الدامــه ) من البرامج المرفقــة وأتركهـــم يهاجمون ويتسللون حتى إلى داخــل غرف نــــومنا بإسم نضالهم المزعوم
أمثالك يا تروتسكي .. لا يخبر هذه النوعية .. ( عضمك طري ) ..
ابعد بعيد ونخلص ليك حقــك ونجيبو ليك في صندوق هدايــا ملفوف بي سلفان ومربوط بي ( فيونكــه ) .. أمثال البحيري وكل محتالي النضال سيجدون هنــا ما يستحقــون .. وعلى نار هادية.. وعينك بتشوف.

معتـز اليومين ديل بفتش لشـريحـة Yiwu

الاخ معتذ
من حقك ان تتخذ القرارات التي تناسبك
فقط تذكر ان الساكت عن الحق شيطان اخرس
وانا لا اقصدك فانت من المقدامين ولا يناسبك هذا القرار
فعود والعود احمد

معنز

تبراك السلامة لحدي ما تجينا تاني

معه السلامه ياعزو
وركز فى المهم!!

والله انا فرحان ليك كيف
قرار شجاع ..

رافقتك السلامه محل ما تحل
بركة الله والرسول

معتز

انا عندى اقتراح
لا تجعله خروج نهائى بل اجعله خروج ومعوده ( بلغة التاشيرات فى السعوديه )
ارتاح ليك كم يوم .. قيم فترة عضويتك بالبورد .. تفرغ قليلا للدراسه
وبعد ما ترتاح شويه وتهدأ ارجع شويه شويه وما تتعمق ... كويس

المنبر من غير تروتسكى

دربك اخدر .يا معتز شوف قرايتك احسن ليك. والله انا لو كنت طالبه كان بتكون عندي اولويات تانيه فخيرا ما قررت يا بني .

النبيل مـعتز

سـنفتقدك كثيرا لأنك من حـافظي توازن هـذا المـنبر

سـنفتقدك لأنك جـميل

تبراك السـلامة في القبل الاربعة


وحبي

ولدنا العزيز معتز


سنفتقدك وانت من ضمن الشباب هنا..
ان جيلكم المسكين المهرجل الذي سمح لبعض السايكوبات الانحشار بينهم
و استخدام العنف بشقيه الجسدي واللفظي جيل يجب مراقبتة وتقويمهز
اعطى فسحة ايضا
للتعدي على الاخر المختلف بنسج القصص التافهة..
زالوصول الى الامور الشخصية..

طيلة فترة شبابنا نعرف ان هناك خطوط حمراء لا يمكن تعديها في النقاشات..
وهي العرض والامور الشخصية.
ولكن هنا صار النضال الكيبوردي يركز على الضرب تحت الحزام,,
انسحابك يعني انسحاب صوت سوداني شاب سوي ومهذب.
خسارة..
لك التحية

خســـارة

شقيقي الأصغر معتز ..
أجد لك العذر ولا ألومك إن غادرت هذا المكان ..
فنحن فعلاً نحتاج أن نتعلم كيف نحترم الآخرين ..
وكيف نتحاور معهم من أجل الحوار والفائده ..
وفي نفس الوقت ألومك لأنك ستترك هذا المكان ..
فبه أناس نحبهم ونقدرهم ونكن لهم كل إحترام ..

خد راحتك يا شقيقي وفي الآخر لن يصح إلا الصحيح ..
وكن بألف خير ..

معـتـز,

هي الخيارات الصعبـة علينا أن نأخـذهـا,

علينا أن نعـرف من نناقش ومن نجادل ومن نواجـه , وعلينا من أجـل قضـايانا العادلـة ووجـودنا, أن نبقى جاهزين للمواجهـة وللرد اللازم,

هـكذا هي الحياة, فالبقاء فـن وعقيـدة وضـرورة,

المحرمات كثـر وانتهاكهـا أصبح أكثـر في هـذا الفضـاء الذي لا يليق بـه ســوى أنـه أصبح (مطلوقاً),

نحن أبناء الرعاة والمزارعـين نعـرف مقاسـاة مواســم (الطليق)
هي مواســم تتكســر فيها النصـال وترهـق فيها القوى لدرجـات الاستنزاف,

هذا ما نواجهه طبيعة, والأكثـر منـه,

من هـنا تأتيك إدانتي لكل من تعرض لخصوصية أســرتك , وتعرف كم تعرضنا لأنتهاكات الخصـوصــية هـنا , الكتير الكثير,

تعـرف كم طلبنا كلمة الحق ولم نجـدهـا ممن يعيشـون على المجاملـة وممن يدقون طبول التذويق والتحذلـق, وتعرف كم وجدناها من أخـوات وإخـوة ســدوا عين الشمـس ورفعـوا سـمـت الحق وأخزوا للشيطان عيـوناً,
ويأتيك سـيفـي , فارم به من تشـاء وقـت شـئـت, وتعـرف أنـه لا يعرف في حـق يعتقده لـومـة لائـم,

لك الله يا معـتز, فانت الذي عرف الحق فلزمـه , وأعرف أنك اليوم تؤتى من الظهـر ,

نحـن نشـانا حيث لا معين فعرفنا منذ الحداثـة ضـرورة سـد الظهـر قبل هــز العـود وعجــم السـهم,
في مواســم وفضاءات (الطليق) هـذه , عليك بظهرك إلى كبرة الهجليج, إن لم تجد فإلى جذع التبلدي فإن لم تجد, فإلى بئر (هـويـرة), لا تؤتى من ظهرك, وقد أتيت الان...

هي هكذا موت وموت .. وشتان ما بين موت ومـوت..
احترامي لخياراتك بغير حدود والتزامي ببقائك كإلتزامك ببقائي,

دم بخيـر يا معــتز أينما تكون دم بخيـر ولكن تذكـر أن انسحابك محســوب في عرف البعـض نصـراً,
لك التحيـة ما حييت,

أحمـد الشايقي

الولد معتز
تحية طيبة
والله تمشي وتنفصل عن العالم السوداني اللانهائي ده وتقعد وسط الصينيين ديل بلا تجي تكلم كلام كلام كتر سااكت
شنش شنشنش شنش

ده حرد الفار الختفتو الحدية

غياب نوعك ده رصيد للغوغاء والفقاقيع في البورد...وهزيمة للقوى الديموقراطية في البورد....انت اخد ليك جكة كده وتعال...وطبعا بريدك وتلفونك عندي
ونحن دايرنهم ما ينومو
وما تنسي الشعار بتاع العزيزة تماضر
انا قااااااااااااااااااعد

وبعدييييييييييييييييييين يا الجرارى نهايتوووووووووووو
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سلامات
يازول هوي فتتة منو

انت يا معتز جيان والا شنو

بطل هبل


وقرارات غريبه

الصديق الجميل / معتز تروتسكي
نهارك سعيد ,,,

=================================

بتمني تراجع قرارك ده

واكيد حنكون في تواصل معاك
وفي المكان العزيز الجمعنا

المنبر العام لسودانيز أون لاين


وليك أجمل تحية

معتز لا تترك هذا المنبر لشذاذ الافاق

معتز /
رافقتك السلامة يا صديق
لكن ما اظن تفرتق نهائي ح تجي ح تجي

صديقى الغالى / معتز

سلامات

Quote: انسحابك يعني انسحاب صوت سوداني شاب سوي ومهذب. خسارة..

نعم ... ستفتقدك ... لأنك صاحب قلم يتقطر عسلا
و سنفتقدك لآنك زول نصيحة ...
و سنفتقدك لأنك كنت من أهم اركان هذا المنبر
حتى وصل هذه المرحلة من الشهرة العالمية ...
سأفتقدك لأنك صديقى ...
أعلم انك صبرت كثيرا على تفاهات أحدهم من اختلف
معك فى الرأى و القضية ... و لكن كلنا أمل بأن
تعود ,,, حاملا معك البشريات .

الفيروزى