Post: #1
Title: هشـــام يازول بالعكس أهو دى تماضر شيخ الدين زاتها...
Author: معتز تروتسكى
Date: 04-03-2006, 10:35 AM
|
Post: #2
Title: Re: هشـــام يازول بالعكس أهو دى تماضر شيخ الدين زاتها...
Author: معتز تروتسكى
Date: 04-03-2006, 10:37 AM
Parent: #1
تعرف قدر ما اسمع الاغنية دى بتذكر تماضر او بتجى على خاطرى ..
بحس كانو الاغنية دى هى او مكتوبه ليها..
مش كلامى صاح..؟؟!!
تحياتى النواضر
أهو دى تماضر شيخ الدين زاتها
|
Post: #3
Title: Re: هشـــام يازول بالعكس أهو دى تماضر شيخ الدين زاتها...
Author: يازولyazoalيازول
Date: 04-04-2006, 03:33 AM
Parent: #2
معتز تروتسكى:
الله يديك العافية ، كل يصور تماضر على أسلوبه وطريقته
وفى النهاية هى فى القلوب وفى حدقات المقل تلكم البت الحديقة
الله يحفظها ، قول آمين 
|
Post: #4
Title: Re: هشـــام يازول بالعكس أهو دى تماضر شيخ الدين زاتها...
Author: يازولyazoalيازول
Date: 04-04-2006, 03:56 AM
Parent: #3
ويا معتز أهو ده هشام شيخ الدين فى أحدث صورة أخذت 4/4/2006
|
Post: #5
Title: Re: هشـــام يازول بالعكس أهو دى تماضر شيخ الدين زاتها...
Author: معتز تروتسكى
Date: 04-04-2006, 06:30 AM
Parent: #4
هشـــام يازول
ازيك يا انيق انت وعين الحسود فيها عود ...
دى من اخر مره اتكلمنا فيها لكن اتغيرت شديد يا ابو الشوش..
تعرف على حبة حلاقة كده حتلطلع حاجه فانتاستك..
اما بخصوص الاغنية والاهداء...
قلت اشاغلك وبعدين اصلى داير القى لى فرقه انزل ليها الاغنية دى مع زحمة الناس الكتيره دي وانا مابحب الزحمه ..
اها لمن سمعتك منزل حنان النيل طوالى جات فى راسى الاغنية دى ؛لانو زى ماقلت ليك بتذكرنى تماضر ولان الاغنية اتغنت فى مسرحية بالاضافه الى مضمونه بخصوص تحرير المراءة يعنى على بعضها كده تدعوه الى المراءة المثابره وجات الاغنية متلبسه روح تماضر ونيابة عن كل النساء ..
فزي ماقلتهت نردد وراك..
Quote: الله يديك العافية ، كل يصور تماضر على أسلوبه وطريقته
وفى النهاية هى فى القلوب وفى حدقات المقل تلكم البت الحديقة
الله يحفظها ، قول آمين |
اميييييييييييييييييييييييييييييييييين
|
Post: #6
Title: Re: هشـــام يازول بالعكس أهو دى تماضر شيخ الدين زاتها...
Author: يازولyazoalيازول
Date: 04-04-2006, 06:37 AM
Parent: #5
الله يديك العافية يا معتز
تسلم تسلم تسلم إن شاء الله لى تسلم
|
Post: #7
Title: Re: هشـــام يازول بالعكس أهو دى تماضر شيخ الدين زاتها...
Author: عوض الله الفولانى
Date: 04-04-2006, 06:38 AM
Parent: #5
معتز الزول الشفيف
سلامات
عارف تروتسكى تماضر دى زولة اكتر من رائعة
و بتلقاها اينما مشيت و كمان تغنى لها الوطن
كلو فهى ثروة وطنية يجب ان نحافظ عليها
و لك التحية اخى الطيب معتز
الفولانى
|
Post: #8
Title: Re: هشـــام يازول بالعكس أهو دى تماضر شيخ الدين زاتها...
Author: معتز تروتسكى
Date: 04-04-2006, 10:17 AM
Parent: #7
يازولyazoalيازول.
ابو الشوش ياخ تسلم انت ويسلمو كل البريدوك وبتريدهم...
-------------------------
عوض الله الفولانى
الفيروزي عوض ..
كفينك ود ابوي صحتك وعافيتك ..
وحاتك زى ماقلت عن تماضر
وكمان زى ماقاعد اقول عن بعضهن..
وان تكون المراءه فى وطنى هى عطر المتاح وصندل الدهشه ؛ يصبح علينا ان نتحتفظ بها كضؤ القمر فى منتصف الليل وفى منتصف العمر ...
نساء بلادى سحب عليهن غطاء الطين والطفوله واللوحه ؛ صهرهن فى بوتقة العشق الابدى والانتماء النفيس للتراب النفيس ....
وهى واحده منهمن..فالتحية لها وكل نساء بلادى التى على شاكلتها..والائى يسعن ان يكن فى الاعالى من اى مكان..
تشكر كتير عوض على الزياره ويديك العافية والجميع..
وتحياتى النواضر..
|
Post: #9
Title: Re: هشـــام يازول بالعكس أهو دى تماضر شيخ الدين زاتها...
Author: Tumadir
Date: 04-05-2006, 02:59 AM
Parent: #8
معتز تروتسكى
والمتداخلين
اها لما تخجلونى كده تستفيدوا شنو؟؟
تعرف يا معتز محبة الناس لى دى هى دافعى الاكبر لان امدد طاقاتى واقوم بخدمة الانسان السودانى ما سمحت لى طاقاتى الابداعية المتواضعه لخدمته وارضائه
ماشفت ناس الخليج وناس مسقط ديل عملوا لى شنو...
خلونى رجعت وافكر انى ابذل باقى عمرى للوطن وبس
ما حأتخلى عن قضيته مهما داهمتنى الاحزان والاحباطات
ساقف على صلابة محبتكم يا معتز واملأ صدرى بهواء معزتكم النقى واطلق لقلبى العنان
لامجدكم وافسح لاسمكم سطرا فى كتاب الاجيال
لك وللكل محبتى واخائى وما تبقى لى من السنين..
وهذا عهد صادق
|
Post: #10
Title: Re: هشـــام يازول بالعكس أهو دى تماضر شيخ الدين زاتها...
Author: محمد سنى دفع الله
Date: 04-05-2006, 04:31 AM
Parent: #9
تماضر نحن وراك
زمان قلت ليك ياتماضر الكوميديا النسـائية مافي
الســـــاحة راجياك ونحن وراك جاهزين للرجعة
بتذكري عملتي ايه في كوميديا(( زوجة واحدة لاتكفي )))
الفن كلو انتي ياتماضر
مودتي
|
Post: #11
Title: Re: هشـــام يازول بالعكس أهو دى تماضر شيخ الدين زاتها...
Author: معتز تروتسكى
Date: 04-05-2006, 10:44 AM
Parent: #10
Tumadir
العزيزه
مالاقى اضافى الى كلامك اعلاة الا اقول ليك (الى الاعــــــــــــالى)..
ويدك العافية كمان وكمان...
انت من الناس العندهم ملكه انو ممكن يقدمو ويبتكرو كمان بس معليش (زى مابقولو البلد ضيقه )..
بلد جدا ماتعرفى تقولى فيها شنو ..وقبل الكلام عن البلد المفترى عليها ..
يبقى الكلام عن انسانها المابقدر مبدعيها..
وتانى الى الاعالى....
تحياتى النواضر (بت الحارة)
----------------------------------------------
محمد سنى دفع الله
ود السنى يافنان ازيك ياخ شنو لااحم ولا دستور تماضر دى جبتها انا ماتقول صاحبتك خلاص هى اسع فى بيتنا اسه بقوم اطردك. .
كفينك واحوالك ..
وانت كمان ماك هين يازول يديك الصحه والعافية وكل الاسره ..
وكل المبدعين والطيور المهاجره..
-----------------------------------------------------------
يلا (تماضر وابوحميد)..
اضغطوا واسمعو الشغل ده ...
بتاع زول صاحبنا سرقتو منو ..
زول اقل مايُحكى عنو انو انسان رائع ده احد انتاجو
اسمو (محمد عبدالملك)..
ساحدثكم عنه لاحقا ...
داير اسمع رايكم فى الشغل ده اعتقد ياتماضر عندك شغل زى ده او قريب ليهو..
يلا منتظركم..
وكل سنه وانتو المسرح بخير..
|
Post: #12
Title: Re: هشـــام يازول بالعكس أهو دى تماضر شيخ الدين زاتها...
Author: nour tawir
Date: 04-05-2006, 10:49 AM
Parent: #11
(ما حأتخلى عن قضيته مهما داهمتنى الاحزان والاحباطات )....
تماضر أزيك..
وحمد الله على السلامة..
بسجل حضور..
وبشكر عزيزنا معتز..
|
Post: #13
Title: Re: هشـــام يازول بالعكس أهو دى تماضر شيخ الدين زاتها...
Author: معتز تروتسكى
Date: 04-06-2006, 04:57 AM
Parent: #12
خالص التحايا
العزيزه..
nour tawir
انتى كذلك من النماذج التى تطلع الى الاعالى...
لن يسكت فيك حس اعلم هذه مادام النبض فيك يتحرك ...
يديك العافية اكثر فاكثر...
وتصورى اليوم انا حزين بقدر خرافى هذا العمل الاذاعى اهديهو لك ..
من ابداعات صديقنا (محمد عبدالملك)..
فهو اليوم حزين بحزنى وحزن الاصدقاء فى رحيل والدته الى الرفيق الاعلى..فقد بلغنى للتو. هذا الخبر المؤلم..
يااااااااااااااااااااه. .
عموما ساكفك حزنى لاصبره على الثبات ..
*وكذلك اترقبك مع تماضر ومحد السنى لابداء رايكم فى العمل الذى وضعته الى ان استفيق واجيكم صادي..
|
|