محمد حامد جمعه ...حانت لحظة رحيلك

اسمع كلامى ده انا جادى فيهو..
حلفتك بالخلقك تترك المنبر..
ياخ كان انت بتستحمل والله نحن مابنقدر..
نصحى كل يوم من الصباح (محمد حامد جمعه).. (محمد حامد جمعه).. (محمد حامد جمعه)..
العندو موضوع والماعندو والقافله معاهو و والعندو فوبيا وووووالخ (محمد حامد جمعه)..
فياخى انا مابعرفك الا من خلال المنبر ده كلو الدايرو منك وطلب خاص ان ترك المنبر ده..
الناس عشان تشوف شغله غيرك وواقلها يمكن ان نستفيد ونطلع بشى نحن بشى..
انا شخصيا بقت من اشوف اسمك بطنى بطم وبتذمر..عارف بحصل عك وعدم موضوعيه..
وانا اساسا انت ماراكب لى فى راسى ماراكب لى مافى شخصك فى فكرك خليهو لمن تبقى الحكاية بالصوره دي..
ماداير اسرف معاك واقعد اقول اسلوبك ده مقدور عليهو وو الخ ومكشوف ..
بس خلاصة الموضوع ..تتخارج....وبس..
بعدين المشكله قلت بتتوقف بى رحيلى انا لقيت انو الواحد برضو بطلع وبقرا فمن بعيد برضو حتقفلها معاهو..
ومادام الزول فى يدو (باص ويرد) احسن يقول ليك الكلام ده عديل..
التقول اقصائى التقول اى شى.ارحل ارحل..

بترجاك...ترحل..

ده كلام شنو يا معتز يا اخوي

بقيت تحنس في جمعه عشان يمشي و الناس تبطل تكتب عنو
انت ماعارف جمعه ده يعني شنو !!
جمعه في المنبر يا سيدي ليس الشاب السوداني محمد حامد جمعه
جمعه ده هنا نظام كامل
عارف يعني شنو نظام كامل .. نظام مطبق علي رقاب البلاد و العباد
فـ لمن نكون ضدو و تترصع البوستات بي اسمو ده موش لانو زول خطير
لا
لانو رمز لنظام كامل يا معتز
وما اظن الحاجة دي فايتة عليكـ

بعدين جمعه نفسو مستفيد من المسألة دي و بتدخل ليهو قروش في جيوبو
وشايف ناس جريده السوداني اشتروهو قبل يومين
والـ smc بيفاخرو بي نجاحو هنا و بالتالي نجاح خططهم
وناس الامن فرحانين بي نجاحو هنا
كيف يمشي !!
لالا نحن عاوزنو مايمشي
يقعد هنا زي ماجانا زمان و يدافع عن كوارث نظامو
لو بقدر
او
يواصل الحرفنه و محاورة الباكات

نحن محمد جمعه ده عاوزين من خلالو نشرح للقراء كل يوم فداحة الصمت علي مثل هذه الحكومة

خدر ازيك..

اولا انا ماحنستو براى انت برضو حنستو..عشان يجى يتناقش معاك..
بعيدين ياخدر صراحه محمد ده لاداير يناقش ولا داير يرسيها على بر..
اها بقينا كل يومين تلاته محمد جمعه ؛محمد جمعه...
ياسيدى دى اسمها لولوه انت الا كان عندك فراغ لى حراق الدم ده..
الناس كل يومين تتشاكل فى محمد جمعه...
ليه ياخ ...
اذا هو مابحل مشكله احسن يمشى
بعدين ياخوى خدر انت بتكضب على وعلى روحك..
محمد شنو البمثل نظام...
رمز للنظام هناك لكن شغال الا يورى الوجه بتاع الافلاس بتاعنا وخلينا اقول بتاعنا رغم انى ماعاجبانى..لمة بعض الناس واتفاقى معاهم فى بعض الاشياء الا لانو طرقهم ماقاعد احبها..
يلا بعد داك لمن هو يطير نقدر نحن نشوف الخلل وين ..
مش زى سوق ام دفسو كده..
عموما اناوجيت مارى سريع
بالااضافه الى انو دلوقت تلقيت خبر خلانى اكون متنشن ..( لدى صديق انتقلت والدته الى الرفيق الاعلى..)
بجيك والمتداخلين..
و لبقية كلامك..
بعدين خت فى بالك انا ماداير البوست ده لو مشى يكون فيهو بعض الجوانب الايجابية لمحمد حامد عن دماثة خلقو وو الاخر
عشان مانقعد نشكر فيهو بدون مانشعر ..
انا عندى مداخلة كتبته بخصوص الموضوع عن انو مانعمل مطيه من اخلاق محمد جمعه ده عشان نجد بيها مبرر...

الأمنجى : محمد حامد ( قمعة) عليك الله أرحل .
يعنى بالعربى كدا.( قوم فوت)!.


بالحسنة كدى احسن تتخارج .

حالفك التوفيق هذه
المرّة يا عزيزنا معتز

محمد حامد جمعة مكانه بيننا

سأغادر المنبر إن أرغم الأخ محمد حامد جمة على الرحيل

معتز


ده شنو ده !!!!!!


ده مفهومك للأختلاف في الرائي !!!


يا معتز فوق و اصحا ... وين القيم و المباديء ... معتز !!!

ان لم نتفق في رائي فلنبحث عن طريقة حوار محترم و لكن ليس بالطرد !!!

معتز المنبر ده بيتك و لا يمكن ان تطرد منه محمد حامد ...
زي ما هو بيتو ما ممكن يطردك منو !!!

معتز لأول مره منذ عرفتك تخطيء يا صديقي

عد الي رشدك يا صديقي

أستغفر ربك و العن الشيطان يا حبيب

ألأخ معتز
المشكلة ليس محمد حامد جمعة...
فهو انسان اختار معركته و أدواتها اتفقنا أم اختلفنا معه.
ولكن ما هى معركتنا ؟
وكيف نديرها ؟
وما هى أدواتنا؟
عليناان نعمل تفكيك العقلية الشمولية لوقف اللاستقطاب
ودفع الشباب الى المحرقة بدعوى الحرب المقدسة .
عليه الحوار دون اسفاف او اقصاء..
فهل نحن لها؟

Quote: حلفتك بالخلقك تترك المنبر.. ياخ كان انت بتستحمل والله نحن مابنقدر..

نفس الملامح...والشبه...
والقِمع ذاتو...
وقدْلتو...!

محمد حامد جمعه باق على هذا المنبر ما دمنا نؤمن بالديمقراطية

انه الوجه الآخر للقضية ..

سيكون بدونه الحوار ابكما..

فلنفكر هكذا:

انا لا احب فكره ولكنى احترم انسانيته..


وحقه فى الوجود ..حتى يحترم هو الآخر..الذى يمثلنى..

والا لاختلط حابل الديكتاتورية بنابل الديمقراطية ولم نعد نميز مصائرنا

نطالب ببقاء جمعه لانه ممثل الدكتاتوريه واتمني ان تمثلوا الديمقراطيه وعدم اقصاء المختلف معكم

نعم لحق محمد حامد جمعة في البقاء
ومن يمنح حق الطرد أو البقاء ؟؟ وماهي المعايير التي تويد بقاء أو ذهاب أحد الأعضاء؟؟
وهل ذهاب محمد جمعة سيحل كل المشاكل ؟؟؟
لن يبقي في هذا المكان من يستحق البقاء أذا جانبنا الحق والقانون الذي ينظم بقاؤنا هنا
تضامني مع محمد حامد جمعة ومع أي عضو يهدده الطرد

فهمت رسالتك يا معتز انك ما قرفان من محمد حامد جمعه بل قرفان من الناس الذين يحملون عليه بصفته ممثلا للنظام ؟؟؟ اليس هذه هي الديمقراطيه التي تحاسب كل فرد ولا تترك شارده او وارده والاوضعت في كشف الحساب ولا انا غلطانه ؟؟؟ يبقي من الطبيعي ان ينافحه من يختلفون معه ومن الطبيعي جدا ان يتحمل هو تبعات ما يؤمن به ولا اعتقد ان محمد حامد جمعه تعوزه المقدره علي الرد فالكتابه هي صنعته بحكم المهنه والقضيه قضيته لانه مؤمن بها فكيف لك ان تطالبه بالانسحاب عن معركته ؟؟؟؟
ولا تحسب ان القوم في الجانب الاخر سيفرشون له المخمل او يقدمون له باقات الزهور . حدث هذا مع اعضاء يمثلون احزاب اخري ولعلنا نذكر ما مرت به رباح الصادق .وسيتعرض للهجوم والنقد اي فرد ينتمي الي اي حزب اخر لا يوافق هذا او ذاك والحريه متوفره للكل , الشرط هو عدم استعمال سلاح الترهيب مع ملاحظه ان محمد حامد جمعه يتمتع بما لايتمتع به الاخرون غير التعبير عن الاراء بحريه في هذا الفضاء .فليبق محمد حامد جمعه مدافعا عن النظام وعما يؤمن به ولينافحه المنافحون ما اؤتوا لذلك سبيلا .

Quote: معتز تروتسكى : رمز للنظام هناك لكن شغال الا يورى الوجه بتاع الافلاس بتاعنا وخلينا اقول بتاعنا رغم انى ماعاجبانى..لمة بعض الناس واتفاقى معاهم فى بعض الاشياء الا لانو طرقهم ماقاعد احبها.. يلا بعد داك لمن هو يطير نقدر نحن نشوف الخلل وين

..
فلنصلح خللنا بوجود جمعة نا دام هو يكشففها
فنحن نحب الشافية ..أوليس هذا ما نؤمن به ..
هولاء البعض

Quote: ( طرقهم ماقاعد احبها )

يجب علينا اصلاحهم ..والصبر عليهم ..

Quote: تماضر انا لا احب فكره ولكنى احترم انسانيته.. وحقه فى الوجود ..حتى يحترم هو الآخر..الذى يمثلنى..

الجميلون يحلمون بالحق والجمال ..
الجميلون فقط ..

في الليلة ديك القصة ذاتها بقت عليك

يا جمعه وأدوك الشريط

يوم قولنا ليك خليك موادب

أبيت تسمع كلامنا وبقيت لميض

وقلته أحسن أكون تقيل أنا ما جميل

وبقيت تقيل لامن سقوك موية الغسيل

وجيت تنطط زي زمان وتباري بقعور الكيزان
كايس كراسي الخيزران ..

وقعدته يا زينة الرجال.. جبهجي قال
ولنا عوده

Quote: بعدين المشكله قلت بتتوقف بى رحيلى انا لقيت انو الواحد برضو بطلع وبقرا فمن بعيد برضو حتقفلها معاهو.. ومادام الزول فى يدو (باص ويرد) احسن يقول ليك الكلام ده عديل.. التقول اقصائى التقول اى شى.ارحل ارحل..

العزيز .. الصديق .. صاحب النواضر / معتز تروتسكى
لك التحية والود

رغم أنني لم أستطيع تحديد معالم الصزرة الممهورة
ورغم أنني من فرط إنفعالك لم أتبين ملامح الطريق
فقد وجدتني أوقف عربتي في قارعة الطريق لأتتبع
حرفك (( عربتك )) .

وكأنني قد وجدتك في مشادة كلامية .. لكن الناس
تستبين ملامحها أكثر عند العراك .. بل نستبين
سلاسة تعبيرها عند مثل هذه الشدائد والمعتركات
ولأن لحرفك ألق خاص ولون خاص ونكهة خاصة فإن حواس
الترصد عندنا (( قصت الأتر )) .

أتمنى دوما أن أقرأ لك إتكاءاتك الوثيرة ....
و (( تحياتك النواضر )) وكثير من الخواطر
الجميلة ..

وحتى أرى ملامح من أغضبك فأثار حفيظة اللحظة فيك
أدعوك لأن أتأمل المتداخلين فلعل تفاصيل أكثر ستنجلي
وتتداعى رويدا رويدا ..

لأن هناك بعدا يستحق أن يرى بوضوح

تحياتي النواضر




=

خالص التحايا
اذا قد اجمعتم على ان جمعه يظل موجودا..
والبعض ذهب الى ابعد من ذلك الى انى شموليا...
والله انتو شعب غريب خلاص..
ياخ الله يكفينا شركم..
يعنى اسى الواحد يقول شنو من الغيظ والقهر العليهو ده..
الواحد حيرد عليكم غايتو باخر نفس فضل ليهو ..
خلاصة الحديث ..
مابين البوست ده
أقترح أن يتجاهل الناس بوستات الأخ محمد حامد جمعة ويتر...ا تسقط فى قعر المنبر
والبوست ده..
نداء الي شرفاء البورد الوطنيين .. معا لمحاربة( كيزان) ا...م لسودانيزاونلاين ..

نداء الي شرفاء البورد الوطنيين .. معا لمحاربة( كيزان) ا...م لسودانيزاونلاين ..

كانت الرؤيه واضحه فى انو شخصى ليس مع الفصل او الطرد لكن اقلاها المداخله..
فبقيت ماعارف اقل التزام فى كونو نقاطع انتو ما ماتفــقين عليهو..
طيب الدخول معاهو بتم على اى اساس؟؟!!
يعنى انتو دايرين تظهرو فى الصوره عشان محمد اكتسب شعبيه بى اسلوبو المهدتو ليهو..
محمد ده صنعتو انتو عشان فى فرق بين المداخلة البتستاهل وما بتستاهل يردو عليها..
يعنى ممكن يغيب اسبوع يجيى ينزل ليهم 15 بوست كلم تجرو وراء البوستات عشان كل واحد داير يرمى ليهو كلمه...
هل عشان يقولو معارض وهو ضد محمد ونظامو؟؟؟
ولا عشان شنو عليكم دينكم تعالو فهمونا معاكم...
قلنا ماقاطعتو ؛ وزيد عليها كل ساعتين زول فارقه معاهو ظروفه بجيب ليهو بوست فيهو محمد كشكل تخته؟؟
والله انتو تحيرو...
ياناس اعرفو كان ماعارفين مشكلتنا ماحممممممممممممممممممممممممممممممممممممممممممد
وانا لمن عملته كده داير انقذكم من التردى الحاصل ده..
بعض الاصوات هنا بتقول انو نعالج اخطائنا وهو موجود..
والله انتو بتحبو تغشو على انفسكم كيف..
واذا بعضهم فهم بانو هو ليس تحامل على محمد بقدر التحامل على الناس الذين يحملون عليه بصفته ممثلا للنظام..
عشان الناس ماتمشى بفكرها بعيد عشان فى ناس فهما ضيق خلاص وانا شخصيا ماقاعد احب ابرر شى عملتو مقتنع بيهو..
الدرب الفيو غشغيش ده خلاص انا اتقهرت منو على العلى ..
ياخ حسو بانو فى مواطن منتظركم
خلى عاملينها لى كل زول وجه نظرو وكلام مابودى ولا بجيب..
وكمان لانو بالجد الحال الفيهو ده مابرضى عدو ولا بسر حبيب..
اعتبرو خط رجعه عشان نعرف كيف نتعامل مع الاشياء..
والله شكلكم كده ماجربتو شى اسمو القهر والغثاء...
واذا بتتكلمو عن الديمقراطيه..؛ ده ذكرنى بانو احيانا الديمقراطيه بتكون وبلا على نفسها..
(بالرغم انى ما مقتنع بالمقوله دى )..
لكن ده موقف على سيرة الديمقراطيه الانا ذاتى بقت مافاهم هى شى معاكم..
ياربى زى ماقريت ومارستها وشاهدتها من خلال المثال عندى؟؟!!؟
ولا هى شيتا تانى؟؟!!!
انتو قاعدين تتكلمو عن الديمقراطيه الاجتماعية ولا السياسيه؟؟
فى كون ترضو للمحمد جمعه يقعد هنا دى ديمقراطيه اجتماعية..
وفى كونى رافضو هنا لاسباب المصلحه العامه دى ديمقراطيه سياسيه؛ ..
لانو لو بقى قاعد غير تظهر سؤاتنا ما اكثر وكاية شفافية دى تبقى كضب لو دى الطريقه..
لانو بصيص امل لى بكره مافى ناهيك عن الالف الاميال الضوئيه بالصوره دى..
فيبقى ياناس ارجوكم مانكضب على روحنا..اكتر من كده....
دايرنو يقعد نبدا فى النضافه ونسمك الدرب العديل ..
ياناس انا لم اعادي المبادئ المتعارف عليها بخصوص العمل السياسى ؛ عليه انا اقف مع المواقف لا مع الاشخاص..
لكن مايفعله هؤلاء لايمت للعمل السياسى المعارض بمفهومه المتعارف عليه بصلة بتة..
فى رائى لم تكن الالفاظ هى مصدر الهام لقضية نضاليه
المشكلة في الكتيرين الذين لايعرفون إنو النضال شرف،،،
وشرف هذه قالوها مش للنضال في نفسو ،،، للسلوك النضالي
وتعلمها الناس من كلمة ناضل وليس قاتل
النضال يضم داخله القتال
ولكن القتال ينقسم إلى شريف ووضيع
والنضال لا يقبل الوضيع
ولذا تمت تجزئة القتال المرتبط بالنضال وتفريقه من القتال الآخر
والتأريخ يعلم
فالنضال لا يحتاج حماسا بقدر ما يحتاج فكر
وإن عدتو إلى أزمتنا السياسية ستجدنا باننا اُناس لا تقرأ التأريخ..
البحصل هنا دا ماديمقراطيه دى فوضويه..

* فانا لازلت على فهمى الخاص اذا كان محمد هو لايمثل شى ودى اساليبو ونحن كاعجاز النخل الخاويه افضل يمشى ..
وبى فهمنا البسيط النقعد نحن نشتاكل برانا ونقفل بابنا (الستره وافضحيه متباريات) مانخلى الغريب يشمت فينا
عشان الواحد زاتو مايقوم يختلف ليهو مع زول هو بفتكر نفسو معارض ......
ياناس انا ما افضل منكم ولا اكتر منكم وطنيه لكن والله داير اقول الكلام ده عشان الواحد مايموت بالقهر..
فى شى اسمو وطـــــــــــــــــــــــــــــن..
انتو قادرين تعرفو دى خلوهو كلامى انشاء الله يطير واطير وراهو ومايتفهم..
بس اعرفو الكلام الجد جد بدون غباش (وطـــــــــــــــــــــــــــــــــــن)..
الرد ده للجميع وماقادر ارد على كل زول براهو وياريت تخلو البوست ده خلوه يطير تحت...عندى كلام كتير لكن للحدى هنا كفاية..

الأخ تروتسكي ...تحياتي
.... فليبقي أنصار الأنقاذ وأذنابهم علي الرغم من حالة الفصام الفكري
التي يعيشها بعضهم حيث يساند الشمولية والأقصاء وتكميم الأفواه بالوطن
ثم يطالبون بكفالة الحرية والرأي الأخر في مثل منبرنا هذا...
.... لسنا مسؤوليين عن تناقضهم هذا عليهم هم حله....
......أن تساند القتل والتشريد وأشعال الفتن العرقية وتمزيق
النسيج الأجتماعي للبلاد والتفريط في السيادة الوطنية للبلاد ليسا فكرا
أنه جرما....فتحت مواضيع حوار فكري مع بعض الكوادرالكيزانية فكان
الهروب نتاجها...بعضهم لايعرف غير الوجبات السياسية السريعة takeaway
والاثارة ..ينأي عن أي حوار فكري معمق....
....نقول فليبقي هولاء متحمليين نتاج أنتمائهم لمثل تنظيم الانقاذ....
الأنتماء لأي حزب سياسي ليس وجاهة أو منصب أو أنما هو مسؤلية
وعناء للتصدي لمثل سجل الانقاذ المخذي .....وهو سجل يخصم من
رصيد ومصداقية كل من يساند أو يبرر لممارسات الانقاذ.....
...نعم فليبقي هولاء ولكن ليس لتبادل القفشات وتمييع الصراع وأنما
لأدارة صراع بين العقلية الشمولية والتعددية.....أنه صراع لايعرف
المهادنة...
.....مع أني لست من أنصار أبعاد هذا أو ذاك ألا أني أسأل لماذا لاتطارد
مثل هذه المطا لبات لؤي أو وليد 500 ????
....علي الرغم من أن لؤي مثلا أعمق في مستوي الطرح والسجال من
بعض من تلاحقهم لعنات الطرد??
كمال

Quote: ....نقول فليبقي هولاء متحمليين نتاج أنتمائهم لمثل تنظيم الانقاذ الأنتماء لأي حزب سياسي ليس وجاهة أو منصب أو أنما هو مسؤلية وعناء للتصدي لمثل سجل الانقاذ المخذي .....وهو سجل يخصم من رصيد ومصداقية كل من يساند أو يبرر لممارسات الانقاذ..... ...نعم فليبقي هولاء ولكن ليس لتبادل القفشات وتمييع الصراع وأنما لأدارة صراع بين العقلية الشمولية والتعددية.....أنه صراع لايعرف المهادنة...

لاجل ذلك يجب ان يبقى
ربما تعلمهم التجارب انه لاخيار أفضل سوى الديمقراطية
الديمقراطية وليس سواها

شكرا ياكمال

Quote: Quote: Quote: ....نقول فليبقي هولاء متحمليين نتاج أنتمائهم لمثل تنظيم الانقاذ الأنتماء لأي حزب سياسي ليس وجاهة أو منصب أو أنما هو مسؤلية وعناء للتصدي لمثل سجل الانقاذ المخذي .....وهو سجل يخصم من رصيد ومصداقية كل من يساند أو يبرر لممارسات الانقاذ..... ...نعم فليبقي هولاء ولكن ليس لتبادل القفشات وتمييع الصراع وأنما لأدارة صراع بين العقلية الشمولية والتعددية.....أنه صراع لايعرف المهادنة... لاجل ذلك يجب ان يبقى ربما تعلمهم التجارب انه لاخيار أفضل سوى الديمقراطية الديمقراطية وليس سواها

طالت غيبتك يا ام واصل
افتقدناك كثيرا في هذا البورد

اولا مقالك عن كوستي رائع من انسانة رائعة .... اغرورقت عيناي وانا اطالع نجاحك وتواضعك
واشادتك بدور الاخرين من حولك .... شمعة تضيء للآخرين الدروب. ان شاء الله في ميزان حسناتك

اما بخصوص الانقاذيين ان يتعلموا من تجارب الآخرين فهذه اقرب منها نجوم السما
هم لا يعترفون بأن للآخرين عقول او حق في الحياة

يستخفون بالآخرين ويحرمونهم حق ممارسة دورهم في بلادهم..

لا يؤمنون بالديمقراطية ويطالبوننا بان نتركهم يمارسونها في بوستاتنا
ويحرموننا منها في وطننا وصحفهم ومواقعهم

يعتبر البعض ان محمد يمثل نظاما
رأي ان محمد حامد يمثل جهازا امنيا ومركزا للمعلومات مشكوك في نزاهته. انه يؤدي مهمة رسمية. بغض النظر عن موضوع كاشا.

ادانة النظام يجب ان لا تمر عبر محمد وحده.


كثير من البوستات الجادة التي تتناول فساد وافساد الانقاذ او جرائمها لا يمر قلمه عبرها.


لقد جادلت محمد مرارا وطالبته بمغادرة المنبر وهو يعرف رأيي فيما يكتبه هنا


يقول المثل ( من اجل عين تكرم الف عين) انني تحت ظل روعتك اتنازل عن مطالبتي السابقة له.

زول واحد سلامى
نعم للديمقراطية لكن ايها ....لانهااصبحت خشم بيوت هذه الايام خاصة عندما تكسد فيها البضاعة اياها....وتضيق بمن جعل للمنابر معنى بطرحه كما يفعل ود حامد .... محمد يؤدى مهمة رسمية وانت بتعمل مهمة غير رسمية ...ما تقوم به انت من واجبات وخدمات نيابة عن آحرين وتدثر خلف الاسماء المستعارة وتدعى ان الاخرين يفعلوا مثل ما تفعل .... عجيب امرك
قلت لى اتنازلت عن مطالبتك السابقة !!!؟؟؟ .... مسخرة .... والاختشوا ماتو
نعم التنازل وبئس المطالبة( حق من لا يملك لمن يستحق ) .....قال الحرية لنا ولسوانا ... وانا ما متحزب ولا انتمى الى حركة ....الاختشوا ماتو ....آدم

الحرية لنا ولغيرنا

تحياتي الصديق العزيز معتز

Quote: الحرية لنا ولغيرنا

أغلب الأصوات تنادي بعدم رحيل النجم الإسفيري محمد حامد جمعة ويستندون إلى الديموقراطية التي نؤمن بها جميعاً ولكن هل هذا المحمد حامد جمعة بطرح في أي نقاش فكري أو حتى شبه فكري لنحاوره عليه ؟؟؟
متى نعي أن هناك من أرسل لهذا المنبر من أجل مهمة محددة ومرسومة بدقة توطئة لهدم منارة من منارات الفكر الحر والرأي السياسي الذي لم تستطيع مؤسسات أن تطرحه رغم ثقلها وجماهيرها وأن هذه المنارة مغروسة كالشوكة في حلق هذا النظام الذي في تداعيه الأخير يريد أن يسكت الشرفاء..


وبعدين يا معتز ما تجي تنظر لي أنا بعرفك كويس وإنت بتعرفني ما بعرف للكلام الكتير وبشوت ضفاري طوالي وتجي تقول إنو محمد حامد ده ما بمثل نظام الجبهة والكلام الكتير داك يكفي أن وظيفته معلومة للجميع على الأقل الوظيفة المعلنة التي يعرفها الجميع في المركز الأمني الإعلامي للنظام وصحيفته الجديدة..

لذا فرحيله محتوم لا لأنه مزعج وطمم بطنا فقط بل لأن الملوثين الذين يريدون غلق هذه الإضاءة يجب أن يلجموا ونقتلهم غيظا بمواصلة فضحهم....
وهؤلاء لا نرجوهم بل يجب أن نركلهم خارجاً ..

بسم الله الرحمن الرحيمالسلام
عليكم ورحمة الله وبركاته
كدي خلبني من جمعة داء كيف حالك في البلد ديك
مشتاقين ليك با معتز