باركوا لتروتسكي ...للجميع فقط

Post: #1
Title: باركوا لتروتسكي ...للجميع فقط
Author: صباح احمد
Date: 06-20-2005, 09:28 AM
Parent: #0

ايوووووووي
يوووي
يوووووووووووووووووي
باركوا لتروتسكي الصورة الجديدة
خلاص نزل من الحمار
ويبدو انو ( حمار الشيخ وقف في العقبة)

Post: #2
Title: Re: باركوا لتروتسكي ...للجميع فقط
Author: خدر
Date: 06-20-2005, 10:54 AM
Parent: #1

Quote: خلاص نزل من الحمار

Post: #3
Title: Re: باركوا لتروتسكي ...للجميع فقط
Author: معتز تروتسكى
Date: 06-20-2005, 11:00 AM
Parent: #2

هاهااهاهاهاهاهاهاهاهاهاهاهاها
صبوحه شغل الجريده قام بيك. .

انا زلت عشان عرفت نفسى عب ولا ماعب..
والسبب خدر ده. .
هرشنى قال لى انت لافى كم يوم خلى الحمار ده يرتاح
وانت زاتك خش انجم

لكن لقيتك
ههههههههههههههههههههههههههههههههههههه
والله ياصباح

Post: #4
Title: Re: باركوا لتروتسكي ...للجميع فقط
Author: معتز تروتسكى
Date: 06-20-2005, 11:07 AM
Parent: #3

Quote: مفـــارقات و مفترقـــات...

بمناسبة الصوره تدشين لخطى الجديد

الصوره منك متغمصه منى ..
منى فيها كتير
مضحك ومُبكى..
دى لمن الزمن كان زين والشعر لى الاضنين..
قبل مايجور الزمن..
واتزعمط...

بدايته الصوره معاى من زمان ..
وكانو بيتنا الفه ماعاديه ..
اهاجر ليها عشان اشوفها وابقى اترصد فى اخبارها والناس نيام..
ماعارفين سر الوجود وسر الموهبه لكن الحصين الكويسه بتجى فى اللفه الاخيره..
مره اساهر ليها فى لقاء اذاعى وزكريات الاصدقاء من اذاعة الابيض وكلهم جو اتكبو فى اذاعة امدرمان ياربى موهبة منهم ولا افتقار مواهب فى العاصمه..
طبعا الكردافه كسرو ركبه ولقو المويه البارده تاني مابرجعو للعطش وموية البى القرش..
فى مقولة اخرى وتحت تحت (الله لايجيب باقيكم)..
ياناجى وسعد الدين ووليدات عبد الكريم وناس المريود وعييييييييييييك..
بقيتو قالين الخلق قلى وقديتو الناس عملتو ليهم وجع وش...
اها نرجع للصوره لانو كل البلاوى دى من صورتى المتغمصه دى والفنان محمد ميرغنى..
كالعاده دائما ما اتحرك بالموسيقى عندمااصحى وانومواقراء وكلو هى تعويض لى هنا بدل الاذاعه والراديو زمان يعنى بدل فاقد..
فى الليله ديك زى كل ليله قبل انوم اشغل شريط وابدا استرخى انوم لمن انوم الشريط ينهى المسجل يقفل براهو وهكذا لاجد حتى عندما تتطول النوم ماتجى مالراس مليان بلاوى وخزعبلات اجاركم ربكم بث..
جات الاغنيه دى..
واساسا كنت بفكر فى صورتى القديمه دى وشكل التحولات ومره اضحك ومره ابكى ومره تعلبنى القرايه..
قلت كدى النشوف بعد كلام فلانه ديك معاى بانو الهروب ماحل لابد ولابد من ايجاد حط حتى لو بقى خطى براى قلت ليهو طيب انا ماقاعد افكر كده اسى ..
وفجاء نطيت لى كلام علان داك واتذكرته لمن كنت بتناقش معاهو اظن قلت ليهو حاجه قايتو ماعارف نبذتو سبيت ليهو دين المهم ..
مازعل قلت ليهو ليه ديمقراطى يعنى (نظام داير اخليهو يرخى ومايشدها لى)..
قال لى طز
Yes
طز..
قلت طيب شنو قال لى
عاقل بس..
اها علان داك وانا بمسع فى الاغنيه وارجع كلامو وكلام فلانه والحاصل ..
كمان زمان بعد الصوره دى طلعت قمت حتى سرحته سرحته فى الاحلام مع بدايتى الموسيقى المفروض
نعم المفروض لو استمريت اتخصص كمان لكن تقول شنو عوارضى كتيره..
بديت شغل النوته وطفشتها فى الغربه دى..
اها الاغنيه سبب البلاوى بتقول ..طبع بعد سليت روحكم..
او سليت بالاحرى روح صورتى المتغمصها.
اغانى الصور والاشعار عنها كتيره ..زى
البعيو- صورتك الخايف عليها
وردى- توعدنا وتبخل بالصوره
انا عندى كلمات عن الصوره..
وهلمجرا...

Quote: مين فكرك ياحبيب من الهداك اليا
جرحى قرب يطيب جددتو تانى عليا
**
انا قلت حبنا راح
مرى الزمن وطواه
والباقى منو شجن
وعذابنا فى ذكراه
لقيتو اكبر حب
بين الضلوع ماؤاه
لاقدرت يوم انساه
ولا هان علي اسلاه
**
ومين فكرك ياحبيب من الهداك اليا
جرحى قرب يطيب جددتو تانى عليا
**
لكنى رغم البين
ورغم الفراق الطال
كانت مشاعرى تقول
ابدا فراقنا مُحال
ماليا غيرك انيس
ماليك غيرى مأل
جمعت قلوبنا محبه
ربطت حيانا امال
**
ومين فكرك ياحبيب من الهداك اليا
جرحى قرب يطيب جددتو تانى عليا
**
ياحبيب كفانا خصامنا
وكفانا هم وضنا
مابتقدر انت تلومنى
ولابعاتبك انا
ماكان بايدينا شقا
ولا كان بايدنا هنا
حسد القدر فرقنا
هو العلينا جنا
**
ومين فكرك ياحبيب من الهداك اليا
جرحى قرب يطيب جددتو تانى عليا
**

قايتو علاقة الصوره بالاغنيه دى شنو انا زاتى ماعارف الا نقول..
ربما تدخل فى اطار
(الباب البجيب الريح ... حبو واستريح
وبين قوسين نوع من انواع الغزل الصريح)
• ده كموضوع الصوره كدى النشوف علاقتها بالخط الجديد..
• ياربى حركه شعبيه-ليبرالين- امه (ياخ امه ديل اصحابى وبعدين انا التوب داير اطلع منو اهلنا ياهم كلهم اتحادين يعنى نفس الدقه)- نرجع الحزب الكبير –بقية التظيمات نقول شنو كل يوم حزب جديد
• كدى النصبر شويه زى ماقالو الزول مايشترى اول مايخش السوق يمشى يكشف بعدين يشترى ياهو نفس الطماطم والبطيخ يعنى الظاهر مافى فرق بين السياسه والطبيخ.. اها تحالف كيف مع تحالف دى عندى صاحبى طبعا بقول ليهو قايتو انتو بى حفركم دى اخير بيوت الاشباح لالا ياخوى كُُر حفركم دى زاتها البقولوا عليها (الليله يوم الرجال)..
• اها اصحاب الاذيه الكيزان الناس ديل بدفعو كويس ماعندهم شغله بس تكون معاهو ظاهريا (زى شريعه ربهم دى) وكمان ماتقول نحن طلبه وغربه يامان دى فى السلك .
• بس مشكلتنا ما مقادرين نكون اى شى خلاف خطنا الذى رسمنها واى الشى ممكن ان يتقف فيهو الواحد حتى لويبقى زول الله ساى بس ما قادر يتخيل انو يبقى كوز لكنها كما قال هانى انها الضحكات .
• ده زكرنى الشقيق هانى (هاهاهاهااهاهاها) مره طولته مارسلته ليهو ولا ظهرت على الماسنجر قام رسل لى الرساله دى ننشرها على الهؤاء خلى بكرى يرفدنا
Quote: • (وفاة هاني أبوالقاسم)
ويييييييييييييييييييييييين
يا مااااااااااااااااااااااااااان
خطفوك ولا بعت القضية
مشتاقيييين والله
(.حُذف مراعاة لكسير التلج وسلامة المشاهدين..)
وأنا نلت الشرف دا ... أها بعد دا ممكن ترضى علينا وتظهر بالله
على الأقل طمنا بأي ميل منك أنك حي ولا ميت
شايف العنوان .. دي حركات صحفيين ساي عشان تخش تقرا الايميل دا أول واحد
مشتاق
مع خالص حبي وإحترامي وأشواقي

• طبعا هانى زول فرده وقلب رغم انو سغيل انا طبع بقول ليهو انت عندك (...)
• هانى ده زول زميل بسى جلى بى هناك(هو وزاتو بقول لى كده ومره يقول لى انت برضو شقيق لكن الوداك ......) بعدين بنتفق فى كتير اولا ليبرالين –وعميانين- وجيل- ومفلسين طينه مفكرين نفضى شويه ونعمل لينا بوست مشترك بخصوص بعض التفاضيل دى (الحب والفلس) طبعا هو ادانى عناوين بتدوى الاخره وبترفد من المنبر وده الاهم داير يعلمنى الاسفاف وقلت الادب والفاظ البذيئه لانى مؤدب ومحترم خالص -وكتيرررر-ده غير تخصصنا واحد بس هو سنيرى رغم انو اصغر منى..
• بمناسبه التخصص دى طبعا عايز اكلو حنك باعتبار هو ود الخليج وكده قلت ليهو اسمع انت كلم ابوك يرسل راس المال وانا ببقى ليك الايدى العامله ونفتح لينا جزارة اقصد عياده..
• هو طبعا ود (حلال ) ماا اظن الحنك يشيل فيهو لكن الاستمر يثقب الصلد..
• طبعا انتهزية يسار وكده ..
• قام هو جانى بى مدخل تانى قال لى شوف لينا اى حزب يدينا قروش ونسجل فيهو قامت قلت ليهو ماتكلم لينا مولانا ده يجدعنا بى ربطه ربطتين انشاء يسجنا براعم راضين مافى عوجه نتم قراينا والباقى هين لانو المصروف لمن يمشى على نهايتو الواحد بخش فى جهه تمنعو القرايه زاتها وهكذا..
• قال لى ياخى عمك ده من بتين راجينو المهم زى ماوريتك لو لقيت اى رابطه بتبيع وتشرى كوادر قول لي عووووك .
• ده ذكرنا ايام الجامعه بقعد مع الاشقاء كتير لانهم اغلبهم اهل ومعرفه يلا لمن الفلس يحصل طبعا مرات هم بعملو ليهم برامج لطيفه كده بقول بجى اشاغلهم اقول ليهم اسمعو مولانا رسل حاجه؟ ولا باع ليك من محاصيل الجناين الهنا فياخ ارقعونا نحن البروتاريا والطبقه العامله
• لكن لاحياة لمن تنادى ..متجنصيص فى الفاضى ساى ..عاملين لى نفسيات...
• اها الشباب الايام دى كلهم واقعين بيع ودى مناشده بخصوص الصوره عشان فى ناس خجلانه وماقادره تخش الدلاله دى فبالله اى تنظيم داير كودار لبيع والشراء خليهم يتصلو بى انا سمسار الجماعه ديل التلفون فى البرافيل...
• يلا ندى المناضلين ديل اغنيه فى الصميم بعد ونستنا مع صاحبى هانى الراسمالى المتعفن ده..
• لمن اقول ليهو اليوم شربت سبرايت ينبح فينى لاحولالالالالالالالالالالا تبيع القضيه بيقت راسمالى ووو هاهاهااهاهااها
• اها لمن ربكم يلطف علينا ونلقى قريشات الواحد يمشى يغر مجرى معدتو من الرز والجداد والخضار (طبعا الواحد فى البلد دى اكل خضار لمن شعر بانو حيبقى خروف ده لو مابقى) نفس الدقه هانى برضو.. ماجيران وكده..
• مره الانتهازى ده قال لى الليله مشيت كنتاكى قمت اندهشته قلت ليهو كتلته من وين مادام الحاج رمى طوبتك ..قال لى الليله حنكته لى برولوم وكده..اتخيلو؟؟!!!!..
• تانى طولنا ليكم موضوع القصيده..

Quote: • الشاهد قمر
فى العواصم فى كل العواصم
دؤائر تدور
تعانق مواسم
ودايما تدور
شارات مرور
اماكن عبور
غابات قصور
شرفات زهور
انوار ونور
ضحكات حبور
الا القمر..مسكين القمر
حيران وساهر
**
جمال العواصم يسحر كل ناظر
فيهو دليل حضاره فن بالروعه زاخر
بس زيد فى التأمل واكشف كل ساتر
تلقى وراهو قصه تلهب للمشاعر
تشهد مسرحيه تحكى فصولها قصه
بين مظلو م وظالم
والشاهد قمر
مسكين القمر
حيران وساهر
**
وتشاهد مواسم يتوه فيها الخيال
تُعجر الف راسم للحب قلبو مال
وماتغرك مناظر انطقت المزامر
ومايهزك منمق من محتال لتاجر..
يتوه للحقيقه يرقص للمنابر
يسحر بى بيانو كل من كان مكابر
تلقى الناس وراهو مسحروين واهم ثم واهم
والشاهد قمر
مسكين القمر
حيران وساهر
**
وتلوح ليك صوره بالالوان جميله
تحتار وين مثيلها.
لو حاولت تعرف اسراها وفصولها
ودربوها وصولها
ياما تشوف عجايب
مابين السرادق سُمار(رواد) الفنادق
الباعو الخنادق من قبل البنادق
تبقى قمر وساهر فى قبل العواصم
مسكين ياقمر
مسكين القمر
حيران وساهر
**

(انا القمر حيران وساهر ومسكين)

*لحظة كتابة هذه اللاحداث الغريبه مضحكه تداخلات مشاهد حزينه لدرجة اذرفت فيها الدمع عندما تم عرض تقرير عن بطولات القارات لااخر بطوله قبل التى تجرى الان فى المانيا
حادث وفاة الاعب الكاميرون fuo حين توفى فى الملعب فى مبارة الكاميرون وكولمبيا..
تداخل مشاعر فظيع هو كحال البورد..
ادخل من بوست ونسه الى بوست عزاء فاحياينا احس كاننى اتناقض فى مشاعرى لذا اؤجل تعليقى على العزاء اوالفرح قليلا ان كنت خرجت لتوى من اى بوست مضاد لاحداهما..
ويكون الوسط بينهما بوستنا النقاش او فلنقل الجدل السودانى ..
يعنى البوست ده فيهو تشكيرت كما هى حالنا واقع بواقع ممزوج بالحكى..
وهانا ذا ..طار قلبى منى..
بمناسبة الصوره ادشن لخطى الجديد. .

Post: #60
Title: Re: باركوا لتروتسكي ...للجميع فقط
Author: adil amin
Date: 06-26-2005, 07:54 AM
Parent: #3

الاخ العزيز معتز
تحية طيبة
ان المريد اذا تزيا زينا***اضحى الخفاء المحض بعض صفاته

Post: #68
Title: Re: باركوا لتروتسكي ...للجميع فقط
Author: معتز تروتسكى
Date: 06-27-2005, 05:58 AM
Parent: #60

استاذنا
وتاج راسنا
العزيز
adil amin
هدوم يافردة جناحى التاني وقت الناس تشتاق لعالمها الاول

حارنك...
وحضورك مطر الخريف وكت تشتاق ليهو حرازيه..

المهم انت والاسره بخير وخلى بالك من نفسك

Post: #5
Title: Re: باركوا لتروتسكي ...للجميع فقط
Author: Ehab Eltayeb
Date: 06-20-2005, 11:12 AM
Parent: #1

سلامات يا شباب ..وكيف الحال..

وبخيت وسعيد عليك الصورة يا معتزان شاء الله

تزيد ليك الاسهم في سوق ال........,وتتربي في عزكم

صباح :
سبقتيني بشويه.. جاتني نفس الفكرة.. انه انزل بوست بمناسبة الرفق بالحمار

ومباركة الصورة...

تحياتي للجميع,,,,

Post: #6
Title: Re: باركوا لتروتسكي ...للجميع فقط
Author: محمد عكاشة
Date: 06-20-2005, 11:19 AM
Parent: #5

صباح ومعتز
تحياتى للجميع
وبخصوص الصورة...رجاء ساعدونى فى لصق صورتى..
المرة الفاتت ما واجهتنى صعوبة لكن المرة لقيت اعلان..
اتصلت بالاخ بكرى واحتمال علاقتى بالتقانة دى ضعيفة
على العموم تحياتى

Post: #8
Title: Re: باركوا لتروتسكي ...للجميع فقط
Author: معتز تروتسكى
Date: 06-20-2005, 11:25 AM
Parent: #6

عكاشة
هاهاههاهااهاهاهاهااهاهاهااهاهاها
داير تخت صوره فى حمار اوعك من اسى بحذرك
شفت براك الحصل لى..

دقيقة اكتب ليك الخطوات لكن ناس خدر وايهاب دير جهابزه اكتر منى..
ياريت يجو هنا..
غايتو اليوم الله يعديهو بخير ما انشرط بالضحك

Post: #7
Title: Re: باركوا لتروتسكي ...للجميع فقط
Author: معتز تروتسكى
Date: 06-20-2005, 11:22 AM
Parent: #5

صديقى ايهاب
كفينك ياخ مشتاق عديل
لدرجه داير اعضيك
بعدين نعال انسعلك ماظاهر مالك ولا رساله
ومواضيعى حصل فيها شنو طبعا ما هنا بى هناك. .
انا الموضوع نسيتو ماعارف الذكرنى ليهو شنو اسى
لكن بالجد موضوع الصوره ده الليله ضحكنى كيف
يعنى عليكم الله الحمار ده كنت حانين عليهو كده اكتر منى..
ماكانت المحريه فيكم
يابتاعين حقون الانسان وجمعية الرفق بالحيوان..

اسمع ملحوظه ورايك بصراحه
ما اوجه من خدر. .

Post: #9
Title: Re: باركوا لتروتسكي ...للجميع فقط
Author: خدر
Date: 06-20-2005, 12:35 PM
Parent: #7

Quote: اسمع ملحوظه ورايك بصراحه
ما اوجه من خدر

ايش جاب لجاب يا تروتسكي

Post: #10
Title: Re: باركوا لتروتسكي ...للجميع فقط
Author: jini
Date: 06-20-2005, 01:11 PM

باركوا لتروتسكي ...للجميع فقط
والصحيح
باركوا للحمار ...للجميع فقط
والله الحمار دا كان رابطين ليهو عداد زول بشتريهو مافى غير جنيس
جنى

Post: #12
Title: Re: باركوا لتروتسكي ...للجميع فقط
Author: omer almahi
Date: 06-20-2005, 01:26 PM
Parent: #10

تصدقوا أنا نزلت صورة تورتسكي دا قبل ما يقارب السنة

وقدمت جائزة للذي سوف يتعرف عليها ولكن الكل أصابهم الفشل وقد وصلتني بعض المحاولات عبر البريد

لكن برضو مبروك ...ليك يا وجيه

Post: #18
Title: Re: باركوا لتروتسكي ...للجميع فقط
Author: معتز تروتسكى
Date: 06-21-2005, 01:26 AM
Parent: #12

الاخضر ديك خليها براها..
اها الناس الرسلو ليك فى الايميل ما فيهم زول جاوب صاح؟؟

قلت لى وجيه. . نظام انتفتخت اوداجى
انت الاوجه
لكن ماكنت قايل بغبى عليك. .
لكن ود العطا بياكلنا حنك ساى ..

Post: #17
Title: Re: باركوا لتروتسكي ...للجميع فقط
Author: معتز تروتسكى
Date: 06-21-2005, 01:21 AM
Parent: #10

jini
سلامات وعوافى يامان
Quote: والله الحمار دا كان رابطين ليهو عداد زول بشتريهو مافى غير جنيس

الا قولك الحمار بى علقيتو كيف ما بجيب شيتا؟

Post: #11
Title: Re: باركوا لتروتسكي ...للجميع فقط
Author: معتز تروتسكى
Date: 06-20-2005, 01:22 PM

خدر
تقول شنو
لكن نحن الاتنين مفروض نقول الكلام ده للناس دى والناس تحكم(ياجميل يامدلل)
مش انت السبب
والنزلتنى من الحمار

طيب ما اوجه من ملاسى

Post: #13
Title: Re: باركوا لتروتسكي ...للجميع فقط
Author: humida
Date: 06-20-2005, 06:02 PM
Parent: #11

!!
غريبة ..
وين الصلعة يا عزو ..
اوعه تكون زرعتها ..!!

Post: #14
Title: Re: باركوا لتروتسكي ...للجميع فقط
Author: banadieha
Date: 06-20-2005, 10:54 PM
Parent: #13

عاد حنكك ما أطول من قلم عنكوليبة وعشان كدا لسانك سنين وعيني عليك باردة يا د معتز.

Post: #15
Title: Re: باركوا لتروتسكي ...للجميع فقط
Author: المسافر
Date: 06-20-2005, 11:09 PM
Parent: #14

أنا راسم
في قلبي
صورة الباسم
مبروزة

Post: #23
Title: Re: باركوا لتروتسكي ...للجميع فقط
Author: معتز تروتسكى
Date: 06-21-2005, 01:47 AM
Parent: #15

يامسافر ادرق زمن الخريف قرب...

صورتك محفوره في جواي حفر
انها حمى الشوق
انه التوق بعينه ثم ترحيل الغمام

Post: #21
Title: Re: باركوا لتروتسكي ...للجميع فقط
Author: معتز تروتسكى
Date: 06-21-2005, 01:36 AM
Parent: #14

العزيز جدا
banadieha
لقيتنى كيف. .
صلاة النبى فوقى. .

بعدين عزيزى اعفينا من حتة الالقاب دى بتضرسنى اوكى يافرده وابقى اظهر..
مشتاقون برغم المسافات..
وعدم الشوفه
وانت زاتك عينى بارده عليك..

Post: #20
Title: Re: باركوا لتروتسكي ...للجميع فقط
Author: معتز تروتسكى
Date: 06-21-2005, 01:32 AM
Parent: #13

حماده
اها نزلنا ليكم صورة الصلعه..
انتو اصلو ماتريحو
بعدين شنو شابكننا صلعه صلعه..
انت عندك حول
ففى فرق بين الصلعه والجلحات..
ماتدفنو شبابنا ساى..
بعدين لو زاددت فى فكرة زراعه..

اسمع اساسى مارسلو ليهو القروش عشان ارسل ليهو عنوان الويستر يونيون

Post: #16
Title: Re: باركوا لتروتسكي ...للجميع فقط
Author: معتز تروتسكى
Date: 06-21-2005, 00:23 AM
Parent: #1

الى ان اتيكم برواقه استمتعوا وبالهنا والشفا
اخر الدزاين قبل شهرين
الصوره مطششه شويه عشان مضغوطه خبرات تك ومجليه..
اها ياصباح عب ولا ماعب

Post: #19
Title: Re: باركوا لتروتسكي ...للجميع فقط
Author: هشام مدنى
Date: 06-21-2005, 01:30 AM
Parent: #16

العزيز ابننا د. معتز عـاطـر الـتحايا

بالمناسبة انت على اليمين ولا على اليسارى

Post: #24
Title: Re: باركوا لتروتسكي ...للجميع فقط
Author: معتز تروتسكى
Date: 06-21-2005, 01:51 AM
Parent: #19

استاذنا
هشام
ازيك يالزين
اكيد بكون يسارى
وفى رؤيه اخرى يمينى. .

معقوله بس العب المالى الصوره دى كلها ماشايفو؟؟

Post: #22
Title: Re: باركوا لتروتسكي ...للجميع فقط
Author: عبداللطيف خليل محمد على
Date: 06-21-2005, 01:36 AM
Parent: #16

Quote: انت لافى كم يوم خلى الحمار ده يرتاح

و الله دا اظرف تعليق في المنبر .. لكن الحمد لله انت اللي طلعت راكب في الحمار يا تروتسك .
و من زمان ليه ما قلت لينا انك دكتور عشان نشبكك مع الجماعة يا د. يا د.
بنقول معتز حافية كدا ..
يا زول من الليلة : يا دكتور ..

و بعدين ؛ الود كوستاوي مالو ؟
انت عارف يا دكتور معتز الود نذير شؤم .. مرة كتب بوست ( يا ود عدلان اوعى تموت ..)
يومين بس و رحل الخاتم .. رحمه الله.

Post: #25
Title: Re: باركوا لتروتسكي ...للجميع فقط
Author: A.Razek Althalib
Date: 06-21-2005, 01:57 AM
Parent: #22

صباح..
هشام.
كل الشلة..

Quote: بالمناسبة انت على اليمين ولا على اليسارى

هلا والله..
روعة..

وطلة..

وينك يا باشا..
صديقي الذي لم ألتقيه..
أنزل...
البردعة...

قال ....

مكرهاً أخاك لا بطل...

Post: #28
Title: Re: باركوا لتروتسكي ...للجميع فقط
Author: معتز تروتسكى
Date: 06-21-2005, 02:18 AM
Parent: #25

A.Razek Althalib
ازيك ياملك
كفينك والحاله عموم
كيفن حالك والغربه
كيف المصنع والعمال
حالم لسع نفس الحال ؟
وما رقوك سووك باشكاتب ؟
يورينا الله زيادة الراتب. .
كيف الناس والحالة عموم ؟
والعزابة الكحيانين
سيد البيت عل ما زكاكم
لسع تقعو تقومو براكم ؟
قلبي معاكم
ربي يخدر عود ضرعاتكم

. .

Post: #26
Title: Re: باركوا لتروتسكي ...للجميع فقط
Author: معتز تروتسكى
Date: 06-21-2005, 02:02 AM
Parent: #22

عبدو ازيك ياراجل
وين الحى بيك؟
من ديك وعيك

ياخ عشان كده تانى بجيب صورة الحمار ..
الصوره عزيزه على ياشباب

Quote: و بعدين ؛ الود كوستاوي مالو ؟

نحن مابنخاصمك كيفن نخاصمك
بس نجارى طبعك ياجميل. .

Quote: يا زول من الليلة : يا دكتور ..

عبدو عليك دينك ماتخلينى استا ساى ياخ دكتور شنو ووكلام فارغ انا دابى طالب بعدين حتى لو اتخرجت مابحب الالقاب دى نهائيا فارجوك يافرده خلي البساط احمدى..

Quote: نذير شؤم .. مرة كتب بوست ( يا ود عدلان اوعى تموت ..)
يومين بس و رحل الخاتم .. رحمه الله.

تعرف انا نفس الشعور قلبى ابى البوست داك حتى علقته مع زول فى الموضوع ده وماتمه يومين الحصل حصل..
له الرحمه الاستاذ العظيم الخاتم عدلان..

Post: #27
Title: Re: باركوا لتروتسكي ...للجميع فقط
Author: abuguta
Date: 06-21-2005, 02:03 AM
Parent: #22

صحى والله ياعبد اللطيف
مضيعين حق الولد
وتعب الولد
وسهر الولد...
كلامه شهد
وعلى الاعداء رعد..
صحى يافرد..
مين القعد
ومين الشرد..
عبد اللطيف معتز دا ابن عم طارق النور_ بونا
كان ساكن فى كندوا جوار ناس جكسا..فردة اولاد الاحمر
شفت كيف وكمان من غرب الجزيرة شفت كيف
ناس بحر ابيض شفت كيف
اها يادكتوووووور معز...سورررررررى ( م ع ت ز)
اقدل وسكت الخشامة
صورتك حلوة ..بقيت اغير عليك..عشان جابت الجكس
ولقدام

Post: #32
Title: Re: باركوا لتروتسكي ...للجميع فقط
Author: معتز تروتسكى
Date: 06-21-2005, 06:18 AM
Parent: #27

abuguta
ياجميل ياراقى انت البقدر يوصفك يبقى كضاب
قول كسير تلج قول وقول لكن يا ابن الخاله
ليك معزه خليها ساى فياته الحدود ومدفقه..
ولمن نضرب ليك بى موبيايل طارق. .
ربك يصبرنا بس

Quote: صورتك حلوة ..بقيت اغير عليك..عشان جابت الجكس

تعال نسعلك وين الجكس
ياهم كلهم ضوكره..

Quote: ولقدام

ياهو غيرناها تعال اتصلبط..

Post: #29
Title: Re: باركوا لتروتسكي ...للجميع فقط
Author: waleedi399
Date: 06-21-2005, 02:27 AM
Parent: #1

صـباح .. تروتسكي

أما آن لهذا الفارس ان يترجـ...ـل؟؟
اخيراً ترجل معتز تروتسكي عن صهوة حـماره..
تعرف واحد اخونا بعلق على الصورة قال لي معتز دا..
اتصور هو بكون شايلـو حمـار النوم ..
متخيل نفسو يمتطي الفرس الابيض .. قال لي تفتكر يكون ماشي ..
قلت ليهو ما عارف لكن بحصانو دا .. يكون ماشي يفتح "بارا"
قيل ثم ماذا؟ قال لأن فتاة احلامه تنتظره هناك

جينا نبارك لمعتز تروتسكــي الصورة الجديدة ..
تتقطع ببوستات العافية .. وحمد لله على سلامة نزولك ..
والله تلقاك فتران فتر من اللف والدوران ..

شكراً للأخت صـباح احمد لهـذه الزغـرودة الرائعة للاخ معتز يستاهل والله،،

ولـيـد

Post: #33
Title: Re: باركوا لتروتسكي ...للجميع فقط
Author: معتز تروتسكى
Date: 06-21-2005, 06:24 AM
Parent: #29

ولي
العسل
ياشباب انتو هاميك الحصان اكتر منى
والله دى حاله تمحن. .

هاهاهااهاهاهاهاهاهااهاهاهها
اقرا تعليقك واضحك ماقادر اقول ليك اى شى
قايتو ربك يدك العافيه..
هو لف ساى
لف بكرتو ياعمك..
تجى تلف معاى
ولا انت لافى جاهز
ياسايق 00 ياماشى (يالافى)
والنظره ماشه معك
وقف وقف وسوقنى معاك

Quote: شكراً للأخت صـباح احمد لهـذه الزغـرودة الرائعة للاخ معتز يستاهل والله،،

هو غير الزغروده الخلانى اطير وسط الداره صقريه شنو
واجدع فى الصور شمال ويمين
هيع

Post: #30
Title: Re: باركوا لتروتسكي ...للجميع فقط
Author: الرفاعي عبدالعاطي حجر
Date: 06-21-2005, 02:31 AM
Parent: #1

صديقي تروتسكي
لك التحايا مشرعات
يا ود انت ما خلاص كدا وتنتخب نائب دائرة المنبر , المرة الجاية ما تنسى الصورة تكون بالجلابة سوري بالجلابية ... لك تحياتي

Post: #34
Title: Re: باركوا لتروتسكي ...للجميع فقط
Author: معتز تروتسكى
Date: 06-21-2005, 06:32 AM
Parent: #30

الرفاعي
صاحبى شديد..

دى على على وزن الجلابيه بيضاء مكويه. .
تعرف اديك سر الاغنيه دى ما اغنيه هابطه لكن حُرفت
اساسا هى اغنية بتغنيها امراءه لى ولدها بتشكر فيهو او شى من هذا القبيل..
يازول خلينا فى الصور والحمير
اسى يجونا ناس جلابه جلابيه يطلعونا عنصريون. .

ياخي مضطر أحبك في نزيفك
عشان يطلع خريفك
انت فرح أفتراضي فظيع
خليك جواتك عشم ممدود قدح كسرة
حلم بنوتة بالسترة
كلام ناساً حنان بالحيل
ولي قدام أشوفك حلم
يا صاحب

Post: #31
Title: Re: باركوا لتروتسكي ...للجميع فقط
Author: صباح احمد
Date: 06-21-2005, 05:32 AM
Parent: #1

شنو يا شباب
سبتوا الموضوع الاساسي و(انبثقتوا) لي موضوع تاني؟
*تخريمة:
حلوة انبثقتوا دي مش؟

Post: #35
Title: Re: باركوا لتروتسكي ...للجميع فقط
Author: ناذر محمد الخليفة
Date: 06-21-2005, 06:34 AM
Parent: #31

تروتسكي

طبعا الصورة دي ما غريبة علي زي الباقين ..

لكن ما حا أبارك ليك لي سبب

مذكر صاحب الصورة دي :

الزول دا من زمان بكتب بدون صورة ...
الساعة النزل صورتو دي في البروفايل ...
لحق أمات طه

أها والله خايف عليك من نفس المصير لأنو في ناس بسحروك وكدة

Post: #39
Title: Re: باركوا لتروتسكي ...للجميع فقط
Author: معتز تروتسكى
Date: 06-22-2005, 11:27 AM
Parent: #35

نذروى
كيف عاد ده ابو عمير بتاع الشكله وقدر ما حنستو عامل فيها نظام تقيل
كان منظم الحفلات هنا فى البورد
عاد بغبابهو
اسى هاجر رحل لى بلد تانيه
بلدا كلها ضلام وكهرباء مافيها
ربك يديهو العافيه وفتح بصيرتو فى جبل المطاريد. .

بعدين اسمع ناذر
انت مالك على داير تلحقنى امات طه سويت ليك شنو كان مابينى كلمنى انسحب بى كرامتى بدل الطرده الشينه . .

عمر ده بتكون انت السحرتو. .
عشان ضرب ليك مسكول ثانتين
بس ربك يستر علينا الواحد من شاف كلامك ده بقى كل يوم اول شى بقوم يتاكد من لون اسمو ويجرب الباص ويرد كم مره حتى يقول
احححححححححححححححححححححححححح

بعدين تعال انسعلك انت حكاية امات طه دى شنو داير اعرفها كدى امشى شوف الحبوبات وجيب لى خبرها

Post: #36
Title: Re: باركوا لتروتسكي ...للجميع فقط
Author: عادل ابراهيم عبدالله
Date: 06-22-2005, 04:45 AM
Parent: #1

للحلوين سلام
وياتروتسكي كنا راسمين تفاصيلك صباح
نقراك نوتة ونعزفك .لكن يا شفت بالطريقة دي الا نعزفك ريقي..
وقلبي على الحمار
(لماذا تركوا الحمار وحيدا)لوووووووووووول زي مل بتقول
ومابال مسنجركم!!

Post: #37
Title: Re: باركوا لتروتسكي ...للجميع فقط
Author: عوض الله الفولانى
Date: 06-22-2005, 05:15 AM
Parent: #36

الصبـــوحة صبـــاح

لك التحية

بصراحة كدا لما قرأت عنوان البوست لأول وهلة
قلت الزول عرس ولاّ شنو لكن بعد ما دخلتا
نقشتا الموضوع .... ام بخصوص الصورة أنا
حاسس كدا انو تحت الطاقية دى فى صلعــــة
كبييييييرة بس زولك عامل ( خوجلى عثمان )
يعنى خجلان منها ... اخير انا صلعتى دى مبسوط
منها و ضاربنى الهواء ... ولا يوم دسيتها

لك التحية ايها الرائع معتز !!!

الفولانى

Post: #38
Title: Re: باركوا لتروتسكي ...للجميع فقط
Author: waleedi399
Date: 06-22-2005, 10:28 AM
Parent: #37

والله يا عوض الصفرين ديل كان لحقوا زحـو كدا ولا كدا
زولك دا طيارتو حرقت .. والالفية كلها ضاعت ..
نبدأ تاني من سنة (25) خمسة وعشرين ..

Post: #56
Title: Re: باركوا لتروتسكي ...للجميع فقط
Author: معتز تروتسكى
Date: 06-26-2005, 04:13 AM
Parent: #38

waleedi399
العسل

بحسك في مسارب الروح ومحل ما اروح انت معاي شوق وحنين وتوام روح
اسمح لي اتسرب
افوتو وين امش ؟؟!!
لك كل الوقت وبعض من الرحيق

يعنى انتو عوض دايرن تدفنو شبابى عشان قطركم صفر
ياحاقدين انتما كذاببين اشرين. .
ماتخلونى على ال25 سنه
وقرضو على كده. .

Post: #64
Title: Re: باركوا لتروتسكي ...للجميع فقط
Author: waleedi399
Date: 06-26-2005, 12:34 PM
Parent: #56

Quote: بحسك في مسارب الروح ومحل ما اروح انت معاي شوق وحنين وتوام روح
معتز تورتسكي ..

معليش انا ما شفت الكلام دا .. دا منو دا .. كدي قولوا تاني كدا
خليني استوعب .. والله المشكلة مافي وجوه محمرة هنا في الابتسامات دي عشان كدا خليها بي نظارة وكدا عشان ما في زول يشوف كمية الحاجات الجوه العيون ..

Post: #70
Title: Re: باركوا لتروتسكي ...للجميع فقط
Author: معتز تروتسكى
Date: 06-27-2005, 06:19 AM
Parent: #64

Quote: خليني استوعب .. والله المشكلة مافي وجوه محمرة هنا في الابتسامات دي عشان كدا خليها بي نظارة وكدا عشان ما في زول يشوف كمية الحاجات الجوه العيون ..

نظام بتخجل يعنى ؟؟!!. .
انت ..
انت منك جفله. .

بعدين انا ماقلت ليك
انت ماجبور علينا
نحن المجبورين عليك...

Post: #41
Title: Re: باركوا لتروتسكي ...للجميع فقط
Author: معتز تروتسكى
Date: 06-22-2005, 12:04 PM
Parent: #37

الله الفيروزى عوض
الوسيم القلبى رادو

صديق الوجعه
من تقاسم معي دفء الجمره
غارسك جوا الطين.. رسول ..
غير الله ما تقدر تقول ...
سيلك فترني من الهطول ...
انا بشتلك بين الظنون ..
بسقيك بي روح الفتن ....
متخازل جواك يا حريق ..
شايفة المطيرات فرقن ...
رحل السحاب...
لما الخريف قرب يحن...
والمطرة كاتلاها الهموم ..
دماع عيونا ابن يجن....
أملي قلبك بالوطن ... بالصُّغارْ ** قومة العمال دَغَش ... بالنّضارْ ** المزارعية الغُبُش ** بالجنود الوين تخش ؟؟

وينك عوض
وصلتنى رسايلك وسارد عليك ترقبنى عزيزى
بخصوص الصوره دى ياعم ؛ايام البوب والجلحات ما الصلعه جات بعد الحلاقه (قريب ده)
انتو الواحد بقى مهوى من فوق خلاص داير يلصق فوق الناس كمان
ديل شنو ديل الحاسدين ديل خلونا ننعم بالشعيرات الفضلن ديل

بعدين عرس ياكبير
قالو الفى بطنو حرق براهو برقص
قالو بتنوم وتصحى بتبكى
والجرسه حاصله ياقلب
بكا شديد فى بيروت

وب على امك وبين علي

Post: #40
Title: Re: باركوا لتروتسكي ...للجميع فقط
Author: معتز تروتسكى
Date: 06-22-2005, 11:34 AM
Parent: #36

عادل ابراهيم عبدالله
اه ياحلو
اولا الفيكم اتعرفت
تانى انتو مابتريحو نجيب الحمار تقولى عايزين سيدو
نجيب سيدو تقول عايز الحمار
نجيك الاتنين
تقولوا عايز واحد..
ارسلو ليكم على بر
ورسونا معاكم..

ايضا شكر كيتر لكلامك الحلو الزيك
وعلي ان ابادلك بمثله اقل ما استطيع ان استطعت ان اوفيك حقك

مديت ليك حبل شوقى بعيد ... فات حدودك ليحتويك .. وتأكد من ان العشق ليس وصفا كما افتعل الكاتب ذاك المقال ... العشق حس .. تفسيره يترجم مغناطيسيا ... كالاحلام ... ذات مرة حاولت تفكيك مستوطناته .. وفرتقنى الى غير رجعة ... لملمت اجزاء الشتات وتملكنى الخوف ... لذلك سأجعلك فى التجارب لتفسير معنى الشوق والوحشة ... بعيد منى قريب انت ...بس الضباب .. الضباب يا ماسى .. غير شكل الملامح .. والجليد جعلنى اتوكأ على مدفأة التوبة والشوق اليك فى الخيال ... واحد قال .. ما اسمو شوق ... يقال له ( انا خرمان ليك ) والتأويل يفسد للود فضيحة ... الجرسة حاصلة يا قلب ... اجعلنى احبذ ملاقاتك فى القريب كالشوف او كاى شئ اخر يجعل من المدينة المغمورة فى سحب الارتهان شفافة وترن ... اجعلنى اندندن على وتر الليل الشتوى بالاهات .. واكبح جماح الفوضى التى تعترينى ... خذلتنى التسمية ..

Post: #42
Title: Re: باركوا لتروتسكي ...للجميع فقط
Author: صباح احمد
Date: 06-23-2005, 08:49 AM
Parent: #1

خلاص
حردنا ليكم البوست دة
بس ابقوا عليهو عشرة

Post: #44
Title: Re: باركوا لتروتسكي ...للجميع فقط
Author: معتز تروتسكى
Date: 06-23-2005, 08:55 AM
Parent: #42

ماشه وين تان سيك سيك معلق فيك
نحن بنجهز ليك فى حلو الكلام
داير الكديسه تجينى وانداح

عليك النبى عز البنى تجامل تجى

Post: #43
Title: Re: باركوا لتروتسكي ...للجميع فقط
Author: صباح احمد
Date: 06-23-2005, 08:52 AM
Parent: #1

تروتسكي
طالما نزلت من الحمار
سلفني ليهو شوية
والحساب يجمع

Post: #45
Title: Re: باركوا لتروتسكي ...للجميع فقط
Author: Osman M Salih
Date: 06-23-2005, 08:55 AM
Parent: #43

جئت أصلـّي على جثمان قلمك
وقد بلغ الدرك الأسفـل من
الإسفاف

Post: #46
Title: Re: باركوا لتروتسكي ...للجميع فقط
Author: Osman M Salih
Date: 06-23-2005, 08:56 AM
Parent: #45

فأسٌ ونار
ـــــــــــــــ
يسّر لها موقعها المتاخم لشباك من شبابيك العرش كان مشرعاً حينها
أن تكون ظلالها الفـضوليّة شهيدةً صامتةً على ذاك الحوار القـرآني
بين الرب وملائكته المعترضين على تنصيب آدم خليفةً على الأرض

أفـتتنت بوليدها كما كل أم وإعـتنت بهما وعندما طوّحت بالفخار
الناطق يدٌ لاراد لأمرها إختارت هي الأخرى النزول إلى الحضيض

لكن طباع الخليفة الوديع سيّد الأسماء تبدلت و إستغلظت بعد
هـبوطه إلى الأرض بزمن ٍ وجيز
سئم الظلال وعاف المعاش على الثمار و أخضع رفـيقة شقائه
وذريّـته لجبروت ثم تخطي حدود المكان الأليف مرتدياً ملابس
بربريـّة تحقـقـت بها نبوءة الملائكة هاشاً بعصاة الإكتئاب
الناجم عن خسرانه للفـردوس وتدليل الإله وتمشيط الملائكة
لخصلات شعر حواء مُراح اللعنة من مرج إلى آخر

صامت عن الطعام والشراب وكادت تشرف على الجنون وهي
تـنوح لولا إشفاق نسائم هـدهـّدت لوعـتها فإستحالت دموعها
صمغاً ـ غـفـرانك يا إلهي فـنحن بنوك قـساة جناة نـلـوك
دموع الأمومة ـ وضمّد ملح البحر جراح الفـؤاد الشجري
ـ طابت الجراح بعد عـناء مخلّـفـةً على السوق والأغصان
نتؤات وشقـوق، وطمأنتها الحيوانات بأن وليديها سيذكرانها
يوماً بعد تيه

أشرقـت وأثمر فـؤادها بلقاح أمل بعيد وكست الأرض بمخمل
الإنتظار الأخضر حتى يطيب للغائبين المقام فلا يهجرانها مجدّداً

لم يطل إنتظارها إذ لمحتهما يقـتربان بعشيةٍ تسوقها مظلة من
غـبار مواشي وصيحات فخار وليد
عادا و لكن بلا أشواق
بفأس ٍ و نار
عثمان محمد صالح

Post: #47
Title: Re: باركوا لتروتسكي ...للجميع فقط
Author: معتز تروتسكى
Date: 06-23-2005, 09:00 AM
Parent: #45

صباح
كُر عليكى
ناس الكشه جوووكى

Post: #48
Title: Re: باركوا لتروتسكي ...للجميع فقط
Author: Osman M Salih
Date: 06-23-2005, 09:04 AM
Parent: #1

بيالا سمرت
ـــــــــــــــــــ

بيالا سمرت ـ كما تدلّـله لغة البلغار ـ موتٌ مرعـبٌ ومُـشتهى
في الوقـت ذاته و إنْ بدرجةٍ أقـل من الحظوة والإيثار اللذين
يتنعّم بهما الموت الإستشهادي وموت القـدّيسين ـ وبخاصةٍ
ما يقع منه عـلى قـمم الجبال قـريباً من مسكن الخالق حتى
لاتتعب روح الإنسان في رحلة الصعود ـ يكـفـيها ماعانته
عـلى الأرض و هي تهجس بالناس و بالخالق في صلاةٍ
وشعائر حج ونـُسُـك وأسى يلازم طقـوس فـراق بعد سمر
لطيف، وسيلُ متدفق بنداءات وخطابات محروقة الأجواف
في تيه دروب نمل وزنبور و ودّان وأيل مهاجر في عـطش
قـوافـل تتبادلها عـشائر الأرواح منذ هـبوطها الملعون
من جنات عـدن
خطوتان من محطة ترام يقـلّ طلاب أجانب وغجر ِعـشش ِ
آخر حي الدرفـنيتسا، خطوتان ويدخل الترام منعرج السكة
المتخلّـلة لغابة صنوبر ـ يتوسطها مقهى يحتكره شبان
حليقي الرؤوس ـ قبل بلوغه سنتر صوفـيا، خطوتان إثنتان
لاغـير يتسلّـق بعدهما رطوبة الطوب الفاقع الحمرة لسور
بيونيرسكي دفـوريست الموسوم بختم الحقـبة الملكيّة التي
وضع نهاية حكم قـيصرها الأخير بوريس الثاني إندلاعُ
الحرب العالميّة الثانية وإندحارُ النازيّة ودخولُ فـيالق الجيش
الأحمر للبلقان وعـودة فـدائيي الجبهة المعادية للفاشيّة من
مسغبة الجبال إلى رغـد السلطة، فـناءٌ واسع تحكمه أشجار
تحرسها سكـينة ـ لا أنام ولا كلاب ـ يجتازه رماد الروح
في تمهّـل ليجد نفـسه تحت شبابيك مضيئة بأفلاك دوّارة
في الطابق العلـوي لمسكن . شبابيك الحجرة التي على
اليسار موصدة ، أما التي على اليمين فـتـشرعها ريح
ملـّوثة بمخلّـفـات مجمع كريمكوفـسكي لصهر المعادن
لتوصدها ريح ثانية متطهّرة من عـوالق سفـر طويل
تحت قـنطرة خشبيّة يستجم على ركائزها جدول يشقّ ـ
هـدتني إليه جامعاً من بَـلل الرمل أخشاب شتاء94 وهـو
فاتحة شتاءات عديدة قـضيتها بعد التخرج بعيداً عن سور
المدينة الجامعيّة ميلينا ـ رنينَ الجرس العملاق المتدلـّي
من قـمة النصب التذكاري في مدخل غـويبة ملاديشكي
أسامبيلي ـ شُـيّدته رعاية عـقـيلة الدكتاتور الأخير جيكوفا
، كانت طيّبة القـلب، محبوبة من أهـلها لإشفاقها على
الشبيبة، عـذ ّبها داء السرطان مـيّـتمةً، في الثمانينات،
بنيّة مَـلكـتْ بضياع سلطة جدها بعد التحوّل الديمقراطي
واحداً من أشهر بيوت الموضة في صوفـيا، الشبابيك
مدلاّة الستائر إلى الخارج ـ طويلة طول فـساتين الحقـبة
الفـيكتوريّة تلامس حوافها الأرض، تتساقـط منها دون
أن تحدث ضجة على بلاط تيراس متنعّم برفـقة شجرة
كريز دفاتر قـديمة و دُمى قـماشيّة ضاحكة وملابس
طفـولة صديقـتي ميلينا و شقـيقـتها الكبرى تانيا وبقايا
شمع مناحل وقـشور لوز هـندي جمعتها لمئونة الشتاء
جرزان صقـيعة كلاب ضالة بين حي ملادوست تجيتري
و فـيلنا زونا مالينوفادولينا. آجر السقـف متعمّم ببخار
مدخنة هـدّارة حتى في عـز الصيف. أثاث الحجرة
فـقـير لامدفأة، سجّاد بلون التراب، سرير حديدي بأرجل
خشبيّة، مكتبة مصمّمة في جوف الحائط ، تـلفـاز من
السبعينات ، رَف عليه أشرطة وتمثال من النحاس
ل تود أنق أمن، تربيزة مذدحمة بقـناني فارغة وفـواكه
معلـّبة وكـنبة زرقاء يتحكـّر عليها مخفـوراً بمَـلَـكين في
عالم الرماد الخالد موات باي إيفان راعي الأغـنام و بائع
الخمور البلديّة أمام مدخل سوبر ماركت المدينة الجامعيّة
عـندما أخلّ التحول السياسي في أوائل التسعينات وإعادة
الهيكلة والخصخصة ومالازمها من فـساد، وإرجاع
الملكيات التي صادرتها الدولة الإشتراكية لأصحابها
السابقـين بإيقاع الحياة الإقـتصادية فـتوقـفـت العديد
من المصانع عن العمل وهُجرتْ تعاونيات و إنهار
الإنتاج وجفـّت الأسواق من السلع التموينية وإذدهـر
إقـتصاد الظل فـصار ملاذ الطلاب الأجانب قـلنسوة
الراعي العجوز و حي سيغانسكا ماخالا وفـييتنامسكوتو
أوبشتجيتيي في حي لوزينيتس
موتٌ مهيبْ ـ جبليّه و سهليّه ـ ترعاه و تحرس مرقـده
الأخير لتغمض جفـنيه إلى الأبد خائطةً لخطاه نحو ذاك
المسكن الموصوف الكفـنَ الوسيمَ البياض ثـلـوجْ . قـبرٌ
باردٌ لاحر فـيه ولاعـطش. ولاتحلّـلْ
منحدرٌ جبليٌ زلـق ومكشوف لناظري كرة بيضاء
عـملاقة تدفعها نوايا أعالي و تدحرجها عجلات إعصار
العاقـبة الطبيعية لرعـدة عارمة تجتاج خلايا الضحيّة
تجمّد الدم في العروق و تشلّ القـلب. يروي البلغار نقلاً
عـن ناجين أفـلتوا من قـبضة جبال أن سريان الموت
الأبيض في الأوصال تلازمه سعادة فـوق العاديّة تنجم
عـن رؤى وأحلام وذكريات سعيدة هي التي تخيط
للروح الكفـن وترافـقـها في رحلة الصعود الأخير
بيالا سمرت

رأيته من خَـلل صقـيع لاصق بزجاج نافـذة بص أقـلني
من الدرفـنيتسا إلى بازار كـيركوف في ساعة مبكـّرة
من صباح سبت. عـدتُ من السوق محمّلاً بسلة بطاطس
وفـواكه و سمك بحري وإبتهاج باعة غجر بسُمرة لوني
واصفـينني ب براتكو ومشهد النائم في المحطة بملابس
صيفـيّة تغطّي شحوب وجهه إبتسامة غامضة لاتنتمي
لعالم الأحياء وعلى مقـربة منه عـربة إسعاف وشرطة
وفـضول عابرين
إنشبكـتْ مخالبُ شمس ِ مغيب ِ عام93 بمصائد ِ أوكار ِ
مستوطنةِ طيور ِ أشجار ِ وحل ِ جدول ٍ أسفـل المدينة
الجامعيّة وصالةِ خريستو بوتيف فإنتظرتُ إرتـفاع َ
يد القـمر ملـوّحةً بكأس نبيذ في صالة ديسكو سان
ستيفانوف
داخت دورة أفلاك الحلقة المكـتظة بالرواد حمراء
وصفـراء وزرقاء وشهباء البنفـسج ــ ذات الأفلاك
التي تضيء شبابيك ذلك المسكن الموصوف والمحروس
برطوبة سور من الطوب الأحمر متدرّج في الإرتـفاع
كلما تقـدّم بإتجاه تلك الغابة
في بخار أنفاس عـرق تـفاح وكمثرى وكريز حامض
ودخان سجائر محتـفـي بأغـنية بلغاريّة ذائعة الصيت
تمجّد السحر المشعّ من دمية شاحبة الملامح و باردة
النظرات لازمني طوال السهرة وحال بيني والإندماج
مع حركة الأفلاك الدائرة في ترسْ مشهدُ الميّت ِ في
ثـلج صباح باكر
غاض ينبوع الحبور في صدر النبيذ ودخان سجائر
سريديتس. خنقـني الضجيج و البخار وفـتور هـمّة
الأفلاك وغـزت المكان رطوبة السور فـقـرّرتُ
الخروج إلى الهواء الطلق
في سكة العودة إكتشفـتُ أن بجيب السترة بقايا فـستق
خطر ببالي أنها ربما لاتكون مِـلكي، بل مـِلك آخر
الرؤى والأحلام والذكريات السعيدة في إبتسامة
ذلك المخمور الميّت في ثـلج المحطة فـنـثـرتها
على الجليد
عثمان محمد صالح
هامش
ــــــ
ـ بيالا سمرت تعني الموت الأبيض
سيغانسكاماخالا حِـلة الغجر
فييتنامسكوتو أوبوشتجييتيي عمارة
العمال الفيتناميين
ـ براتكو الأخ الشقيق

Post: #49
Title: Re: باركوا لتروتسكي ...للجميع فقط
Author: صباح احمد
Date: 06-23-2005, 09:08 AM
Parent: #1

كان كدي ودعتك الله
النشيل عدتي ما (يصادروها )مني

Post: #50
Title: Re: باركوا لتروتسكي ...للجميع فقط
Author: Osman M Salih
Date: 06-23-2005, 09:10 AM
Parent: #49

بلغت الاحقاد بقلوبهم الحناجر

Post: #57
Title: Re: باركوا لتروتسكي ...للجميع فقط
Author: معتز تروتسكى
Date: 06-26-2005, 04:21 AM
Parent: #49

Quote: كان كدي ودعتك الله
النشيل عدتي ما (يصادروها )مني

Quote: صانعة عبث

الشال منام عينى وفؤادى جارحو
انشاء الله يلاقنى وبهواى اصارحو

Post: #51
Title: Re: باركوا لتروتسكي ...للجميع فقط
Author: Osman M Salih
Date: 06-23-2005, 09:11 AM
Parent: #1

عطبرة
ـــــــــــ

إنبجستْ دومة الذهـد اليساري من بئر حصى
للقاطفـين الدوم والسعف ـ حُجّاجاً وعابرين ـ
بشارة غـبار. غـبارٌ أليفٌ يتنزّل في الليل كما
لو كان حلماً تبدّد شمس الصباح جميع فـصوله
فـيما عـدا الفـصل الأخير ــ تصاوير أحلام
النائمين مطبوعةً عـلى شراشف
خريفُ الدومة ـ أمطارٌ طاشة
صريرُ شتائها في خشب البيبان والشبابيك
جلاّبٌ لذرات حصى معبّدٍ لسكك تراب
الصيفُ ـ جالوصٌ فـوّار
يـنـفـيني في أماسي الصيف جالوصٌ فـوّار
كرسيّ خيزران ومنضدة ورواسب عـصير ليمون
وآبري أبيض و مذياع بآخر حي الحَصاية في
الثمانينات
السفـّاية سيّدةُ الصقـيعةِ قـدّام البيت
على اليسار القـريب ـ بقعة تشرّبت ـ حتى الشَـرَق ـ
بماء بلاّعة. تـتمرّغ عـلى البقعة أصواف خـلـّـفها
لسفـّاية الحيّ بعد أعـوام من ملاقاته لحتـفه مخنوقاً
بشوكة سمكة كلبُ جيران. إلى البعيد جنينة مسوّرة
بطوب أخَضَر يرتـفع عـن الأرض بمقـدار متر،
أنفاسُ حصان و بقايا برسيم على عـربة كارو
لاشيء في يمين المذياع يستوقـف البصرـ فـيضٌ
من الرمل وتلٌ من الأوساخ وحصى زاحف في
كل الإتجاهات
من السماء ـ رمادُ دفـتر ِ سكة حديد رافـقـني من
القاش أضرمتُ فـي أشعاره نارُ اليأس عـندما
هاجر إلى قـرية في أقاصي الشمال خمار،
وبرهانيّة لم أتبحّر فـيها و أفـياءُ ماركـسيّةٍ
هـداني إليها شاعرٌ وشقـيق خرج من بيت
أهـله في حي الإمتداد الشرقي ولم يعد بعدها
للحياة وحاضرون
يختـلـط رماد الدفـتر بالحصى الهائم عـلى
وجهه محاصراً ملعب كرة قـدم وصفـوفاً
من الطندب والحسكـنيت تلازم سكة حديد
عـطبرة ـ هـيا. فـيما وراء السكة مطموساً في
ظلمةٍ سخرية الأحياء القـريبة منه ـ خليوة،
الحصاية والإمتداد الشرقي ـ هـيكلُ حيّ المطار
تتداخل برامج ال BBC بثرثرة عابرين
وصرخات مبهمة نسبتها في حيرتي لأنسام
نيلية منعتها من الوصول لجامع الحصاية
ـ لتتوزّع من هـناك بالتساوي على البيوت
القـريبة من المئذنة فـمحطة رمزي وبيرم
حتى بدايات السوق الكبير ـ حيشان حي
الموردة

بتأخر الوقـت ينقـطع نباح الطوب الأخضر
في سور جنينة الجيران و أنفاس الحصان
وعلكة البرسيم، وثورة الدخان في تـل أوساخ
و زخّات رماد متساقط من دفـتر سكة حديد
و كانون سماء فـيتوقـف المذياع عن البث
ينام الحصى فـتنام الحصاية لينفـتح أمام
الغائب باب العودة للفـراش المهيأ
يا دومةً في جفان ِ رمل ٍ و حصى
عثمان محمد صالح

Post: #52
Title: Re: باركوا لتروتسكي ...للجميع فقط
Author: Osman M Salih
Date: 06-23-2005, 09:13 AM
Parent: #1

صانعة عبث

Post: #53
Title: Re: باركوا لتروتسكي ...للجميع فقط
Author: almohndis
Date: 06-23-2005, 09:15 AM
Parent: #1

تروتسكي
العب غيرا

قديما كان لنا زميل في الجامعة اسمه الحاج
من شباب مدنى ينتعل مركوب نمر
النمر الله يرحمو لم يسير عدد الكيلومترات التى سار بها جلدو
التبريكات لحمارك بنزوكم الميمون
عثمان احمد

Post: #69
Title: Re: باركوا لتروتسكي ...للجميع فقط
Author: معتز تروتسكى
Date: 06-27-2005, 06:07 AM
Parent: #53

almohndis
وبدينا من جديد
اناستنيتك خلف خطاك
وعشان عارفني بستناك ابيت ميعادنا توفيه
انامتكتف بيك ومشربك
كنته متاكد .... حتمطر
املاني غيم واتربع
يمكن يتغفر الجواى
حمى الكلام منك 00

وحاتك عثمان محنتونى معاكم
انا زاتى لمن حنيت على الحمار ونزلت
اها نزلت انتو اشتقوتو للحمار
دى كيف
يعنى نظام الخل وخليلو. .
حتى بقى مضرب مثل بى نمور وشى ماتعرف افيال
ربكم يكفينا شر الافيال . .
التحيه ليك وللزميل الحاج..
وعلى المشاوير الكدارى
ومدنى اه
و شباب مدنى الله فوقهم
اموت ركن فى مدنى..

Post: #54
Title: Re: باركوا لتروتسكي ...للجميع فقط
Author: صباح احمد
Date: 06-25-2005, 02:55 AM
Parent: #1

**

Post: #59
Title: Re: باركوا لتروتسكي ...للجميع فقط
Author: معتز تروتسكى
Date: 06-26-2005, 05:14 AM
Parent: #54

اندياحه اولى وخرمجه
على وزن منبثقه وانبثاق وانبثاقه
. .

فوق الصورة
المنسوخه00
ياعين الزاوية الأخرى
تشابي درجه السلم
نبتت سكه عنيدة
ومشلوخه00
أتبعثر ضو الليل
ومن الشلخه وطول
التوب
والتوب غطى ظلام الفرقة
خلاهو رهيف00
زي جمالك
زي جمال ميعادك
والانتظار الغيمه
خريف00
ويبقى مكانك
مازى أول
زي الخيط أتسلسل
من دمك
من القاعد واقف
جواك
جواك على نبضك
مالا نهاية
والريد 00جريد
أول صفحه وفاضيه00
التالته
عليها الحزن القمحة00
قمحه راحت في زفاف
صوتك
وإحساسك فاس
طلع الرحلة
وخش زقاقنا
شداه كلامك والضجة00
طبول00
مجنونة القمحة
سمعت صوت الفأس
وجرى الخيول00
وانتهت الصفحة00
في أخر قصه
بدت الحصة00
النيل نادى عليكى
سلم وشال البوسه00
شاف شكلك غيمه
ودار في حوشه00
لقي جواك أتني الكنتى
أيام ومخافة00
شجن ومهابة00
ونحتك
بره الجلد الزمن00
وأداك كل لون جميل
عشان تمتدي في جوفه
وتزيلي منو المحن0
........................

Post: #55
Title: Re: باركوا لتروتسكي ...للجميع فقط
Author: صباح احمد
Date: 06-25-2005, 04:15 AM
Parent: #1

***

Post: #58
Title: Re: باركوا لتروتسكي ...للجميع فقط
Author: معتصم دفع الله
Date: 06-26-2005, 04:57 AM
Parent: #55

يا واقد في جوفي النار ..
ما ترسل صورتك تذكار ..

Post: #71
Title: Re: باركوا لتروتسكي ...للجميع فقط
Author: معتز تروتسكى
Date: 06-27-2005, 06:40 AM
Parent: #58

Quote: يا واقد في جوفي النار ..
ما ترسل صورتك تذكار ..

ياللخو حدد انا ولا الحمار..

.

Post: #61
Title: Re: باركوا لتروتسكي ...للجميع فقط
Author: صباح احمد
Date: 06-26-2005, 08:18 AM
Parent: #1

يا جماعة ما تباركوها
يا تباركوا لي تروتسكي
يا.. ما تباركوا

Post: #78
Title: Re: باركوا لتروتسكي ...للجميع فقط
Author: معتز تروتسكى
Date: 06-29-2005, 09:24 AM
Parent: #61

Quote: يا جماعة ما تباركوها
يا تباركوا لي تروتسكي
يا.. ما تباركوا

هى انتى
اتخيلتينى الحمار ولا شنو؟؟!!

Post: #62
Title: Re: باركوا لتروتسكي ...للجميع فقط
Author: صباح احمد
Date: 06-26-2005, 08:39 AM
Parent: #1

تروتسكي
مسعول من الخير الحمار وديتوا وين؟

Post: #63
Title: Re: باركوا لتروتسكي ...للجميع فقط
Author: معتصم دفع الله
Date: 06-26-2005, 11:45 AM
Parent: #62

وداهو السوق باعه يا صباح ..

بس دا بيني وبينك ما تكلمي زول ..

Post: #65
Title: Re: باركوا لتروتسكي ...للجميع فقط
Author: صباح احمد
Date: 06-27-2005, 03:13 AM
Parent: #1

باعو عديل كدة؟
المشكلة انو السوق ملان ب(الحمير)
هسة اقدر افرز (حمار) تروتسكي من بقية (الحمير) كيف؟

Post: #66
Title: Re: باركوا لتروتسكي ...للجميع فقط
Author: معتصم دفع الله
Date: 06-27-2005, 04:09 AM
Parent: #65

Quote: المشكلة انو السوق ملان ب(الحمير)
هسة اقدر افرز (حمار) تروتسكي من بقية (الحمير) كيف؟

عليهو لوحة مكتوب فيها ..

( خ ط 00 000 0 0 )

تقريها كده ..
صفرين تلاتة أصفار صفر صفر ..

Post: #67
Title: Re: باركوا لتروتسكي ...للجميع فقط
Author: tmbis
Date: 06-27-2005, 04:22 AM
Parent: #66

نبارك للتروتسكي
نزوله الميمون
وفي انتظار ركوبه مرة اخرى ..

على احر من الجمر.
قف

نزولكم ( اثلج ) صدورنا بشكل وريحنا في حنانا
قف تاني
دايرين بيبسي كولا .. دايرين بيبسي كولا .. دايرين بيب بيب ..

اتحاد الميكانيكية بالبورد عنهم
انا ده

Post: #72
Title: Re: باركوا لتروتسكي ...للجميع فقط
Author: معتصم دفع الله
Date: 06-27-2005, 08:17 AM
Parent: #67

عاش إتحاد الميكانيكية ..

عاش ..
عاش ..

Post: #73
Title: Re: باركوا لتروتسكي ...للجميع فقط
Author: waleedi399
Date: 06-27-2005, 10:43 AM
Parent: #72

Quote: نزولكم ( اثلج ) صدورنا بشكل وريحنا في حنانا
تامبا انت مالك اليومين دي مع الثلج دا ..
مأخد اسـنا .. ولا بتطفي في اثار (خمسين) الحريق

Post: #81
Title: Re: باركوا لتروتسكي ...للجميع فقط
Author: معتز تروتسكى
Date: 06-29-2005, 09:38 AM
Parent: #73

ولي
انت ماعراف وهمة التلج دى شنو؟
نص عمرك ضايع
التلج ده مع السخانه دى ما كويس مع الكوكولا
وخصوصا لمن يكون مكعبات ولا مدروش درش..
وما تقول الصيف جا..
تانى الا بالتلج..

Post: #80
Title: Re: باركوا لتروتسكي ...للجميع فقط
Author: معتز تروتسكى
Date: 06-29-2005, 09:33 AM
Parent: #72

Quote: عاش إتحاد الميكانيكية ..
عاش ..
عاش ..

معتصم
انتو ده عاملينو براكم. .

طيب ماتعملوا لى عمره للحمار بتاعى ده..

Post: #79
Title: Re: باركوا لتروتسكي ...للجميع فقط
Author: معتز تروتسكى
Date: 06-29-2005, 09:30 AM
Parent: #67

تمبوسه
انا زاتى بقيت حانى على الحمار
Quote: قف تاني
دايرين بيبسي كولا .. دايرين بيبسي كولا .. دايرين بيب بيب ..

دى تبع ياتو شركه ياللخو
نحن ناس مصانع بحرى القديمه
بزيانوس وفرات. .
ده جابو من ورانا ونحن ماعارفين

Quote: اتحاد الميكانيكية بالبورد عنهم
انا ده

اتحاد الزايب
نيابة عن الحمير. .

Post: #75
Title: Re: باركوا لتروتسكي ...للجميع فقط
Author: معتز تروتسكى
Date: 06-28-2005, 02:35 PM
Parent: #66

صباح
Quote: تروتسكي
مسعول من الخير الحمار وديتوا وين؟

معتصم
Quote: وداهو السوق باعه يا صباح ..
بس دا بيني وبينك ما تكلمي زول ..

صباح
Quote: باعو عديل كدة؟
المشكلة انو السوق ملان ب(الحمير)
هسة اقدر افرز (حمار) تروتسكي من بقية (الحمير) كيف؟

معتصم
Quote: عليهو لوحة مكتوب فيها ..

( خ ط 00 000 0 0 )

تقريها كده ..
صفرين تلاتة أصفار صفر صفر ..

بابور خلى اليشتغل
الشغل بالجاز..
ده الفى تسنى
حاول يلعب بى
اريتو طار بى
خلى يشتغل
وبابور خلى اليشتغل
الشغل بالجاز..
**
الفى بى دبى
ماحاسى بى
الماحاسى بى
الريتو كان قال لى
خلى يشتغل
وبابور خلى اليشتغل
الشغل بالجاز..
**
ده الفى سنار
انكسر سنار
عطل العمال
خلى يشتغل
وبابور خلى اليشتغل
الشغل بالجاز..
**
هى يالدكتور
تم لى حول
تم حول
علاجك البندول
خلى يشتغل
وبابور خلى اليشتغل
الشغل بالجاز..
**
ده الفى سودان
مليان حنان
سكونو امدرمان
خلى يشتغل
بابور خلى اليشتغل الجاز..
**
تمام
. .

Post: #76
Title: Re: باركوا لتروتسكي ...للجميع فقط
Author: nashaat elemam
Date: 06-29-2005, 01:17 AM
Parent: #75

الغالي معتز
لم نلتقي حتى الان في بوست.. لحداثة عهدي بالبورد.. لكني اتابع كتاباتك بشغف.. وكانت تعجبني صورة الحمار الذي تمتطي صهوته كفارس في فرسان القرون الوسطى.. واكثر من ذلك كان يعجبني عدم تنكرك للبيئة التي جئت منها.. وهذا ما يفعله الكثير من مستجدي النعم.. فشكراً لطلتك هذي ومن قبلها ودنا لصورة الحمار

Post: #83
Title: Re: باركوا لتروتسكي ...للجميع فقط
Author: معتز تروتسكى
Date: 06-29-2005, 10:44 AM
Parent: #76

nashaat elemam
كلامك ده مابقدر عليهو عزيزى
لكن ماذا اقول
نشأت الجميل
لك التفاح واللارنج ولي وحدي معاناتي
و أن أستعصت زكرياتي علي عبث أقداري...وما عادت قادرة علي
الصمود في مد الشوق.....أتداري خلف المأساة المطلّة من وراءي
و أشتهيك....و أحاول ان أبثك بوح كمنجاتي الضائعة.

فلن تغيرنا الغربه
لاننا عزيزى
نشتاق الاوطان .. ونخاف الجوع ... وتلا لسانه شهادة الزمن الحلم ...
كنا نمارس الغربة بعيدا عن الوطن ... نعشق الغيوم ..
لو كانت احبالا نتسلقها للعودة وراء التخوم البعيدة ..
لكن الغيم ههنا عقيم والمدينة تبكى عقدها ...

قلبى مفتوح لك
.. وسألزم حواسى بالتحرك نحوك وللمدى الشايلو جواك ... تحضرنى بعضا من خيول الرقص الكردفانى الحميم وتتطاير امام عينى حبات من ودع شبال يلامس خد الانيقة وبهرجة ... واقف مشدوها كالغريب !! ..
قف !! ..
nashaat elemam
..

Post: #74
Title: Re: باركوا لتروتسكي ...للجميع فقط
Author: صباح احمد
Date: 06-28-2005, 00:20 AM
Parent: #1

نزل.. نزل وانا مالي؟
الف مبروك تروتسكي عقبال الحمار الجديد
بس اعمل حسابك ما تتغش لانو السوق ملان حمير
ههههههههههههههها ههههههههههههها هههههههههههاي

Post: #77
Title: Re: باركوا لتروتسكي ...للجميع فقط
Author: صباح احمد
Date: 06-29-2005, 04:23 AM
Parent: #1

تروتسكي:
جيت راجعة بعد الكشة ما لقيتك
مشيت وييييييييييييين؟

Post: #82
Title: Re: باركوا لتروتسكي ...للجميع فقط
Author: معتز تروتسكى
Date: 06-29-2005, 10:32 AM
Parent: #77

Quote: تروتسكي:
جيت راجعة بعد الكشة ما لقيتك
مشيت وييييييييييييين؟

جيت
وجيتك ملفح بلا اماني الخايبه والوعد القنوط..

وفى لحظه يازينه الشباب
طليتى زى اجمل صباح
زى قمرة هلت فى الربوع
ضوت طريق الدرب لاح
زى نسمه فى عز الهجير
زى ورده نادية عبيرها فاح
رديتى غربة قلبى لي
وشفيتى اغوار الجراح..
..

Post: #84
Title: Re: باركوا لتروتسكي ...للجميع فقط
Author: nashaat elemam
Date: 06-29-2005, 04:11 PM
Parent: #82

العزيز معتز
هاهي كلماتك تحفر اخدودا من المحبة داخل روحي
دوما انت صاحب مفردة انيقة ومتفردة.. وفيك شيء
مما نشتهي.. اشتهاؤنا لمساءات رقيقة الحواشي
نحاذي فيها من جملوا دنيانا في زمن ما..
لك المودة

Post: #86
Title: Re: باركوا لتروتسكي ...للجميع فقط
Author: معتز تروتسكى
Date: 07-01-2005, 11:50 AM
Parent: #84

nashaat elemam
غلبنى شن اسو
بى رحابة صدرك ورحك الجميله التى اتحسها بجابنى
لااسرف فى الحديث لكنه محفور جوه جوه فى صدرى
ولك كامل امتنانى وتقبل منى..
هذا

المقطع العاشر:-
عطب قلبي
عطب الدم في الشريان
لايد تمتد
لا إنسان غيرك
ينتشلني من الاعماق00
بدت بلا ارض اقف عليها
قبلك
ما معنى الساق00
فأنا ادخل في نفق
واخرج من انفاق0

Post: #85
Title: Re: باركوا لتروتسكي ...للجميع فقط
Author: صباح احمد
Date: 07-01-2005, 08:26 AM
Parent: #1

شنو يا شباب
دة يفلق والتاني يداوي
نطلع منها نحن ولاشنو؟
ولا شنو..مش كدة
ودعناكم الله

Post: #87
Title: Re: باركوا لتروتسكي ...للجميع فقط
Author: معتز تروتسكى
Date: 07-01-2005, 11:55 AM
Parent: #85

Quote: ودعناكم الله

ويين
يا انت لسه بدرى من عمرك. .

رجع تعال عود لى
رجع حنانك لي
انسانى فى جواك
شدد حراسه عليا
دى عندى اجمل سُكنه
عينيك قصاد عيني

Post: #88
Title: Re: باركوا لتروتسكي ...للجميع فقط
Author: امير عبد الماجد
Date: 07-13-2005, 05:21 AM
Parent: #1

****

Post: #89
Title: Re: باركوا لتروتسكي ...للجميع فقط
Author: صباح احمد
Date: 07-13-2005, 05:25 AM
Parent: #1

تروتسكي
مسعول من الخير
انت الصور دي بتلقاها وين
دايرة لي واحة (سلفة)وارجعا ليك
في وقت لاحق

Post: #90
Title: Re: باركوا لتروتسكي ...للجميع فقط
Author: waleedi399
Date: 07-13-2005, 12:11 PM
Parent: #1

تروتسكي .. دحين دا مو الفاتح
عرفتو من عروقو الناطه ديييك