التوابيت الواجب تشييعها في الحال- متوكل التوم- خدر- ناذر محمد الخليفة-والاخرون والاتون من رحم.

التوابيت الواجب تشييعها في الحال- متوكل التوم- خدر- ناذر محمد الخليفة-والاخرون والاتون من رحم الموت.

Quote: سأختصر سكة هذا البوست الي تابوته ببوست التوابيت الواجب تشييعها في الحال - متوكل التوم و هو القاص الذي فـتح عليّ باب شره عـندما قـدمتُ إلى هذا المنبر مجهولاً إلاّ من قـلّة أهـل ومعارف. أرشيف ذلك السجال الذي دار بيني و متوكل التوم حاضرٌ إليه تمتد جذور كل مايحدث و Emailsاعتذاره قبل عام في الحفـظ و الصون - خدر و ثـلة الفـَراش الدائر حول سراجه الكابي - ناذر محمد الخليفة - حسين ملاسي Shinteer Humida معتز تروتسكى اساسي WadAker abuarafa محمد الدقم - سجيمان -محمد حامد جمعه - مريم بنت الحسين - هاشم نوريت -صباح أحمد A.Razek Althalib - سامى عبد الوهاب مكى ShinningStar -الرفاعي عبدالعاطي حجر - عبد الحميد البرنس -الملك لم يتبقى لهذه الأقلام شيء سوى الهضربة النهارية بلغة خبيثة ورعديدة تتملـّص من قـبضة الكلبشات أستثني كل الذين تراجعوا عـن الغي إلى صراط مستقيم أراقـب للاضافة سلوك بعض الأقلام التي تـتقافـز بلا مبدئية من مربع إلى آخر النصر حليف الكلمة الطاهرة

1-
متوكل التوم
واحد مسطول قال ليك متابع الاخبار العالميه دى بى صوره عجيبه جدا جدا
يوم جا لقى الناس بتكلمو
فى شنو ياجماعه؟
قالوا ليهو الليله ما ماسمعته
مراسل الجزيره ماضربوه فى الفاو
قال ليهم
هو المرقو من مدنى شنو؟؟!!

2-
خدر و ثـلة الفـَراش الدائر حول سراجه الكابي
مسطول قال ليك مربى ليهو جداد من كتاكيت منتظرو لمن بقى جداد كبار
بقى بس شغال شنو بيض
الفطور بيض – الغداء بيض- العشاء بيض!!!
يومه ديك السطله رابطه معاهو ربطة عجيبه جدا جدا
دخل ليك نزل فى القفص ده كسر فى الجداد بصوره غريبه جدا جدا
شنو ياخ
كل يوم بيض
جبنه مافى جبنه
جبنه...

3-
ناذر محمد الخليفة
مسطول قال ليك جا خاشى البيت بالليل لقى الكهرباء قاطعه
وهو داخل على الاوضه كده دقش امو
قالت ليهو شنو ياخ
ماشفتنى؟
قال ليها والله ياحاجه شايفك
لكن وين ماعارف!

4-
حسين ملاسي
مسطول قال ليك ماشى بى شارع النيل وزانه معاهو وزنه جميل جدا جدا
ماشى فى شارع النيل كده لقى ناس التلفزيون ديل عاملين حورات
فبدو يسالو فيهو
سلام عليكم
قال ليهم اااااا
سلامى عليكم
وعليكم السلام ورحمة الله وبركاتو
قالوا ليهو رايك شنو لو سمحته فى الزواج المبكر؟
قال ليهم حوالى الساعه كم كده يعنى؟!..

5-
Shinteer
مسطول قال ليك عطشان عطشه غريبه جدا جدا..
مشى على التلاجه عشان يشرب
فى قالب بتاع جلى خاتينهو فوق
جرى باب التلاجه بى قوه كده
قالب الجلى قاعد يرجف
قال ليهو ماتخاف داير اشرب بس والله..

6-
Humida
مسطول قال ليك قاعد فى البيت كده الكهرباء قاطعه فاتح الشبابيك والابواب منبطح فى السرير مسترخى
جات طيره بى خشم الباب كده وطلعت بالشباك
عاين ليك فيها مسافه كده
وقال ليها شنو يعنى عملتى شنو يعنى؟؟!!..

7-
معتز تروتسكى
واحد قال ليك شارب وواقف فل..
ده يازول قال ليك نظامو شنو بسوق الحمار معاهو عشان يمرقو بعدين يوديهو البيت
مابمشى خطوتنين لى قدام بس بالعرض..
اليوم ديك راكب الحمار لمو فيهو ناس النظام العام
وين القسم
حكمو عليهو بى 40 سوط ادوهين ليهو رفعوا فى الحمار وداهو البيت..
يومى بقى بس ده البرنامج
يرجو ليك بره يسقوا الحمار يدخلو القسم يدوه 40 سوط
يركبوه يودهو البيت
اليوم ديك القاضى قال ليهو شوف والله ماتوب على الطلاق 40 سوطك دى يومى مرتب
ياتتوب يتتجلد ال 40 سوط
وقف يازول الجلد كتر عليهو
شهر كده اليوم ديك صبت مطره جابت ليها هبوب بارده
ربط حمارو من حبلو
وقال ليهو يا اخوى كان 80 بنقدر عليهن اليوم ده مابتفوت..
مشى هناك وقف فل مرق بى حمارو لافى بوليس لانظام عام لاشرطه شعبيه زول يسالو مافى
الحمار لكن متعود انو يمشى القسم اول شى حتى يمشى البيت
بالله قاليك الحمار جابو براهو(جك جك جك)
دخلو البلاغات
الجماعه كان عاينو ليهو كده
شنو يا اخينا جايباك كشه ؟
لا والله (هيق)
جابنى المعفن ده
قال ليهو اديهو 40 سوط
ادوهو 40 سوط وركبوه فى حمارو
طلع زعلان زعله من الحمار
عاين ليهو كده
انشاء الله يكون ادوك وكيل عريف..

8-
اساسي
واحد قال ليك شارب جا فى نص الحليه كده واقف فل سمع الكواريك فى الحله
فى شنو ياجماعه فى شنو(هيق)
الحله دى بس من نمرق تقينب تكورك
مافى راجل غيرنا فى الحله دى..
قالو ليهو ياخ
ود جيرنا ده اسمو هيثم راح
هيثم؟؟!! وراح؟؟!!
والله ده فقد للوطن
لازم نمشى نفتش الراجل ده
يعنى الاسمو هيثم ده ناس الاحصاء بفقدوه
نمشى نفتشو
مشى فتش 8 ساعات مالقى لمن قربت تفك من راسو
يلا قال بلا هيثم بلا بلوبه
احسن نتم نومتنا
جا رقد كده 5 دقائق ماتماهين
الزغاريد ضربت
رفع راسو فى شنو؟؟
قال ليهو هيثم لقوه
لالا واجب نتحمدل السلامه
مش عليهم حمدالله على السلامه ياجماعه -بركه الجمعتو- والله سعدنا بالنباء- والله شرفنا
وينو هيثم ؟
قال ليهو هندا
اتلفت على هيثم كده
دا؟؟!!!
قال ليهو اى
لا الله الا الله محمدا رسول الله
(هيثم ده قال ليك الخشم سقالة بنطون-النخرين ديل تحلف تقول خشوم بندقة صيد –العيون ديل زى زراير البدله-الشعرده كل عشره عاملات اجتماع)..
ده هيثم ؟؟!!
قال ليهو اااى
لا الله الا الله محمد رسو الله
مالك؟
ياخ ده بفتش لقيتو 8 مرات..

9-
WadAker
مسطول قال ليك قاعد كده بخاف من المراه خوف ماعادى وصاحبو القاعد معاهو قال ليك بخاف اكتر منو لكن شنو الراس موزون
المسطول قال لى صاحبى اسمع ياحبيب
التلفون ده لو رنه لقيت النمره دى البيت معناته المراه وزعها انا ما معاك
داك قال ليهو جدا
التلفون رنه كلامهم ماتموه لقوها مكتوبه البيت
داك بدل يقول ليهو منو
قال ليها ايوه يامدام
قالت ليهو هي بلا مدام بلا كلام فاضى
راجلى وينو
اااااااا
راجلى وينو..
قال ليهو والله راجل ده شال الصينه دخل الحمام اصحيهو اقول ليهو منو؟

10-
Abuarafa
مسطول جاء لى صاحبو
ياخينا مالك الايامت دى متاخر كده...
قال ليهو والله العظيم اقوليك كلام انا ظابط
وطبعا الزمن زادو ساعه
طيب انت ساعتك دى مأخره ساعة ولا شنو؟
قال ليهو لالا
انا بعرف الزمن بشنو بالحيطه دى
الضل لمن يصل الحته دى معناها 12
ولمن يوصل الحته دى معناها الساعه 1
واسى الزمن زادو انا اتجهجهته
قال ليهو دى بسيطه ياخ
زيد الحيطه مدماك..

11-
محمد الدقم
مسطول قال ليك داير ليهو من زول 100 الف قال ليهو اجيك بتين ؟
قال ليهو الساعه 8 ارجانى جنب العمود
الساعه 8 راجيهو جنب العمود
داك ماجاهو الا الساعه 10الا ربع
قال ليهو اصلو مابخليك
مافى مواعيد ياخ
ياخ انا ما واقف هنا ياخ
انا مابنى ادم ياخ
انا حامشى اشتكيك
مشى فتح بلاغ وين مكتب الحركه
الجماعه قالو ليهو الزول ده دقشك؟
قال ليهم لا
ماعندو عربيه
طيب انت دقشتو؟
قال ليهم انا زانى ماعندى عربيه
طيب ياخ مشكلتك شنو؟
قال ليهم الزول ده وعدنى الساعه 8 جانى 10الا ربع
قال ليهو دى مامشكلة عادية جدا
دى تمش تفتح بلاغ جنائى فى قسم الشرطه
قال ليهم لالالا
انا جبتو ليكم هنا لانو حركتو دى ماجميله..

12-
سجيمان
واحد قال ليك جبار جُبر مبالغ فيهو
ده قال ليك لمن نفسو تخش ليهو فى حاجه بجى ياكلها برهو اولاده ماباكلهم
عندو ولد واحد شليق شلاقه مبالغ فوقها..
اليوم ديك عمك ده مشتهى ليهو سمك 7 يوم يلم فى قروش السمك ده
جاب السمك وجا خاشى
بالله الوالد التقول فك منو بنج فت قام
ابوى جيت
قالو جيت ارقد رقادك مالك داير شنو؟
وده شنو الفى الجريده ده
قتا ليهو باسطه دايربها شنو
ابو دى ريحة سمك
قال ليهو اى سمك
اها مالك ابوى اجى اكل معاك
ماتعشيت تاكل الحمد ربت ماتعشيت مش عشوك
ماتجى تاكل
ابوى والله داير اكل السمك ده
قال ليهو ياولد كلو شوك
قال ليهو بلبس سفنجتى

13-
محمد حامد جمعه
واحد قال ليك غبى غباء مابعدو
ياخ ديل ناس الحله عقدو
ياخ انت عغى انت غبى
قال ماشى ينتحر
طلع فى البحر كده شافو واحد
شنو يا اخينا
قال ليهو داير انتحر
قال ليهو هو الانتحار ساى كده
بس تقيف كده جمبلق تقع معناها انتحرته
تعال ياخ فى شنو؟
قال ليهو ناس الحله ديل عقدونى
مالهم ؟
قالوا لى غبى
قال ليهو خلاص بديك 4 اسئله عرفته اى واحد فيهم انت ماغبى
ماعرفتهم الاربعه معناها اتصرف
قال ليهو جدا
قال ليهو طيب السؤال الاول
حاجه من بره خضرا
بشقوها من النص حمرا
فيها حب اسود صغار دى شنو؟
قال دى ماعرفتها
قال ليهو دى بطيخه
السؤال الاول مشى
السؤال التانى
حاجتين خُضُر
بشقوهم من النص حُمر
فيه حب اسود ديل شنو؟
قال ليهو ماعرفتهين
قال ليهو ديل بطيختنين
السؤال التالت
3 حاجات خُضُر
بشقوهم من النص حُمر
فيه حب اسود ديل شنو؟
قال ليهو ماعرفتهين
قال ليهو ديل 3 بطيخات
باقى ليك واحد عرفتو عرفتو ماعرفتو اتصرف
حاجه فيها اربع كرعين وضنب وبتقول مياو..
داك قال ليهو 4 بطيخات..

14-
مريم بنت الحسين
مسطول قال ليك وانه معاهو وزنه تمام
طلع بره سايق التكسى بتاعو
لقى في المطره صابه والهبوب ضاربه
ربطت زياده
فى بنات واقفات
تكس ..تكس
وقف ليهم بالفرمله بالاحساس القديم بتاع السمع كلمة تكسى بس
السلام عليكم ياعمو
اااااااااااااااااااا
قالت ليهو السلام عليكم ياعمو
وعليكم السلام ورحمة الله تعالى وبركاتو
قالت ليهو ماشين اركويت
قال ليهم امشو لكن ماتتاخرو

15-
هاشم نوريت
واحد قال ليك جبار جُبر
سواق بص
مشى فى حلة كده
النسوان عندهن واحد اسمو (الخزين) عيان مرقد فى المستشفى دافعن 1000 جنيه الف جنيه
قالن يمشن يكفرن( للخزين) ده فى المستشفى
اجرن البص بتاع الجبار ده
المقاعد الفيهو 45 النسوان ديل ملن 42 مقعد عندو 3 فاضيات
ماشى وينقنق داير ال 3 انفار ديل
ماشى فى الشارع كده
لمن مشى بعيد من الحله يعاين بالمرايه يشوف ليبك مرا رهاب رهاب ترفع فى يدينها وتنزلين
قال ليهم بس ياجماعه المرا دي نقيف ليها
النسوان جاطن
هى كان مارقه ماتمرق بدرى
نحن مادورنا لينا ربع ساعه
هى كان دايره تركب كان جات
قال ليهم هوى ياجماعه مابفوتها
ياخ امشى خليها بندفع ليك
قال ليهم لا لالا
الا ارجى المرا
جنب البص وقعد ليهو فى كرسى خلف كراعو
المرا لمن وصلت
قالن ليها مالك؟؟
قالت ليهو قال ليكم الخزين خرجوا تعالوا تعالوا..

16-
صباح أحمد
حله قالو طاقه بوره صعبه..
العمرها 80 والعمرها16 ماشات سوا
الحنه الفى مدتها انتهت -المحلبيه حست- السنون وقعن ركبن طقم- راجل جاهين مافى..
اليوم داك جاهم مسؤل كبير بخاطب فيهم مشاكل اساسيه
ناس صحه وتعليم وماشبه ذلك..
دايرات يحسسنو بالبوره
جابن دلوكتين وووين
وراء الصيوان
بس شغالات (يابهيه ووشباب الزمن حنيه وعرس مافى)
(يابهيه ووشباب الزمن حنيه وعرس مافى)
وقعت ليهو فى اضانو دى
قال ليهم اما بالنسبه للزواج باذن الله تعالى الاسبوع القادم تُحل هذه المشكله حلا جذريا
اتكيفن ضحكن لى ضرسهن الاخير
راكب الاند كروزر ماشى هن نحن الصيوان صبرن
الريس بتطول -الرسول بتاخد مده
مشى جابين ليهم بصين قندلا
قال ليهم خدمة الزاميه تقضوها لى عرس هنا..
عرس خدمه الزاميه..
سمعن بالرجال جاين
البهجه دورت
وضعاااااااااااااااااااف
وشينات الواحد من حالة ماضعيفه تعاين بى خرم الباب بى عيونها الاتنين
ان صبت مطره من الكتف ده يغرفوها غرف. تمسك المويه.
سمعن بالرجال جاين
البهجه دورت
الكحل ده حدو الاضان
الروج ده قلم تحت وقلم فوق..
الحنه دى للركبه..
العجايز من 80 سنه ولى فوق نفضن الغبار ودورن بهجه
الرجال ماجين (بابكر الفى الخلا العمه محكره-كيح كح كح)
الشباب الصغار ناس الديانا والفير اند لفليى ديل ربتن براهين
(وليد ده نادوه لى وليد ده –كان نايم صحو لى وليد ده)
واحدات شينات
والوشوش زى الركبه
مرا عندها شنب وجلحات..
ديل قالن كان فوتنا السواقين والمساعديه ديل مابنعرس
بس شغالات (سايقه صلاح – سايقه صلاح)
البصات دى ماوصلت الحله اتقلبت مامرق منها راجل
جابو ليهن الخبر السكاليت ضربت
النسوان ديل جن فى نص الناس ديل رجال ميتين
وتعال شوف الوصف
الليله وووووووووووووب
وب علي يا يمه البويض البى الديانا مالقينها شوفى الحلبى ده
ووووووووووووووووب
البياض ده ما بلبشنى
ووووووب على يايمه
ووووب الخضرا الدقاقه الدايره كسره مره
تموتو كيفين راجينكم انحنا
واحده تعاين وب على يا اب شنب مابقدر اعاين ليك مرتين..(وهى تاوق بى تحت)
وب على مابقدر اعاين ليك مرتين
واحده جنه بره
تضوق المرحوم الله يسالنى عندو سكرى
عسل ..عسل ..عسل..
الضابط جا يابت عندك اخو هنا
ياريت
عندك عريس
من خشمك ولى رب العالمين
طيب بتبكى مالك
جنس البذار ده مابكى..

17-
A.Razek Althalib
واحد قال ليك شارب ركب فى البص شماعه قدامو مرة كبير جدا جدا
هو طبعا مع الحركه بتاعت الشراب دقش المره دى
قالت ليهو مابتشوف..
اعمى انت
مايتشوف مطشش -مامحترم
قا ليها ياحاجه انا؟
قالت ليهو اى انت اعمى ومابتشوف
وانتى
انابت العز بت الشرف والاصول لى حدو
وانا
انت اعمى مابتشوف
وانتى
انابت العز بت الشرف والاصول لى حدو
وانا
انت اعمى مابتشوف بس
(هيق) وانتى
انابت العز بت الشرف والاصول لى حدهم
وانا
انت اعمى مابتشوف
الكمسارى قال ليها ياخاله اسمعى والله دايره تتحلى من الراجل ده
انتى الا تركبى تكسى
ده قال ليهو وانا...

18-
سامى عبد الوهاب مكى
واحد قال ليك بتلبط فى حاجات اصلو ماحقتو
شليق شلاقه
قدر مايشوف حاجه عند زول يقول دى حقتى
اليوم ديك لما فى عمدة البلد زاتو
قاللهم بدور منو 100الف
يازول عمدة منو البشيل منك 100الف
قال ليهم على الطلاق شالهم منى..
انا داير منو 100 الف
العمده قال ليهو شلتهين منك بتين؟
ماعارف بس تدينى 100 الفى
يازول الاجاويد خشو كبارات البلد جو
واحد من ناس كبارات البد بحترم العمده احترام ماعادى
خش فى النص عشان يحل المشكله دى بس
قال ليهو يازول ال100الف دى مالخبته مادايره من العمده
دايره منى انا دا
قال ليهو لا انا ميتك ضامنه اليدنى هو ميتى..

19-
ShinningStar
اتنين قال ليك بتاعين شربه بيوتهم ملصقه زى بيوت الاشلاق بابين جنب بعض..
ديل يازول طشموا طشمه شاربن من الصباح لمن مغربت الواطه
ماشين على البيت
وقفوا فى البت قال ليهو تصبح على خير
وانت من اهلو لكن ماشى وين..
قال ليهو ده مابتينا(هيق)
والله ده بيتنا نحن
لا والله ده بيتنا نحن
ده بيتنا مابيتنا جارهم سمع الكورايك مرق عليهم
فى شنو يا اخوانا؟
ياخ الراجل ده قال ده بيتنا
وانا قلت ليهو ده بيتنا
قال ليهم المسئله دى بسيطه
انت مرتك اسمها منو؟
قال ليهو اسمها سكينه
كورك قول ياسكينه البيت البتطلع منو سكينه ده معناه ده بيتك انت
جدا يا ابو الشباب
ياسكينه- ياكرور-هوى يابجم
قال ليك المره جات شايله توبها فى صفحتها..
مالك ياراجل فضحتنى- ساهرته بى- فرجته فينى الجيران- مالك؟
قال ليها ياوليه بطلى النقه شوفى راجل ياتو فى ديل...

20-
الرفاعي عبدالعاطي حجر
سواق قال ليك سايق بص بى سرعة خياليه
اخر سرعه الامبير ده يدق فى الكراع
ماشى فل
شاف ليهو حاجه قاطعه قدامو قرص فرمله
الفرمله دى شالت راس البص كلو بره
خلت المقاعد ديل فى الشاسى فى الظلط
الناس دى كلها فوتت
اى زول فط سطر
البقول ليك ياخ زح لى كده انا داير انزل قريب..
وهو البص واقف مامتحرك من فجتو..
البقول ليك انا نازل قدام شويه ارجعو لينا لى وراا
البقول ليك ياخ قومو للمرا دى خلوها تقعود
ده كلو هين
المساعدى بتاع البص شايل الباب وجارى بيهو
فى واحده من حبوباتنا ديل
وراهو
ياكل الملف تاكلو وراهو
اقيف والله مابخليك
والله كان تقيف
وجاريه وراهو
ياكل الملف تاكل وراهو
واحد من ناس الحركه ديل سبتها
فى شنو ياحاجه
فى شنو؟
قالت ليهو دايرهو يقيف
قال ليها انت مالك مالو؟
ده ما شايل الباب وجارى بيهو
قالت ليهو بدورو يفتحو دايره انزل

21-
عبد الحميد البرنس
واحد قال ليك بتاع تكسى واقف لى نسوان ماشات ليهن مشوار
ااشر ليهو وقف ليهين
بى كم يا حاج؟
قال ليهين بى 5 الف
كلامو ماتماهو معاهين جاء بتاع ركشه وقف جنبو
يلا ياخالات حبتيت بس
جن ركبن مع بتاع الركشه
دور فات بيهن بتاع التكسى طبعا زعل
قاليهن انشاء الله يعضيكن كلب (طبعا الرقشه مافيها ابواب)
مشى عدى مشوارو جو خاشيين مطعم
بتاع الركشه جا اول
يباع المطعم فى شنو..؟
قال ليهو اجيب ليك شنو يابتاع الركشه؟
قال ليهو (كباب-كبده -شيه –لحمه- سجوك جقاجق بسض بالطوه-فول بالجبنهوجيب لى شوربه)
ياخينا معاك زول
قال ليهو لا ياخ نظام فطور وكده
ما خت فطورو قدامى يتاع التكسى جاء خاشى
بتاع المطعم بسال فيهو داير شنو
قال ليهو بس فول ساده كده عليك الله ااا
ماتعمل فيهو اى زيت
بعدين العيشه دى لو فى طريقه تقسمها نصين ادينى نص..
بغمسو كده وبتخارج
خت ليهو الفول وجاب ليهو الرغيفه بياكل عاين كده لبتاع الرقشه لقاهو شغال فى العضام جرر ويخت فى الواطه-كرجكويخت فى الواطه)
بتاع التكسى زعل زعل مبالغ
قال ليهو يبتاع الرقشه بقيتو تاكلونا ليهو فول ساده
قال ليهو خليهو الفول الساده
على الطلاق يفتحوا الكبارى دى موية فول ماتلمو فيها..

22-
الملك
عزابه قال ليك قاعدين مع بعض فى بيت موزعين المهام على اى واحد فيهم
واحد من العزابه ديل ممسكنو الحله
ده البسوى ليهم الملاح
ياخ ده قال ليك من سكنوا فى البيت ده الرجله دى ماغيرها
ينزلن شحنتين
الفطور رجله –الغداء رجله-العشاء رجله
الفطور رجله –الغداء رجله-العشاء رجله
واحد من ناس البيت ديل كره الحياة ذاتو
قال ليهو شنو يا اخينا ياخ
الرجله دى ماتغيره لينا ماااااااااااهلكتنا
قال ليهو اسمع ياخ انت زول ماقارى ولا شنو؟
دى مامواد حديديه
قال ليهو على الطلاق كان كلامك ده صُح كان بقينا كمر...

23-
. .
واحد قال ليك من وجاهات البلد
من سؤ حظو ادين ليهو من واحد سغيل سغاله مبالغ فيها
ياخ ده قال ليك فضحو فضيحه
شايل ليك منو 100 الف بس
قدر مايلاقيهو فى بيت مناسبه
انا جاء نازل لى فاتحه ساى من عربيتو
يقعد للجمبو اها شفت الزول اب عمه ده
عاينلو اب عربيه على الطلاق داير منو 100 الف
ها يازول ده يدينك انت؟!!
على الطلاق مدين منى 100 الف
اها اناديهو ليك اوريك
ها يافلان كيف حال ا زول؟
انا مش داير منك 100 الف ؟
يقول ليهو اى جدا..
خلاص ادنى منها 20 الف
يشيل العشرين يديها ليهو...
كان لقاهو فى بيت عرس يجر الجنمبو..
اها شفت الزول الشايل العريس ده
مش لابسلو بدله؟
على الطلاق داير منو 100 الف
يا زول ده يدين منك انت؟
على الطلاق - اها اناديهو ليك اوريك
ها يافلان كيف حال يازول؟
يقول ليهو جدا
خلاص طلع لي منها 25
قدر مايلاقيهو فى بيت مناسبه بس الزول الجنبو يقولو انا ده داير منو 100الف..
ياخ بى 25 بى 20 مطلع منو قريب 300الف..
اليوم داك لاقاهو فى بيت بكا والزول جاي حزنين
وشيال الفاتحه مع الجماعه
بس هبش الجنبو قالو شفت اب عمه ده اب ساعة دهب ده
على الطلاق داير منو 100 الف
ها يزول ها ده ساعتو براها بى 300
يدين منك انت 100 الف
قال ليهو اسى انادي ليك
فلان
اااىىىىى ياخ فى شنو ؟ فى شنو؟
قال ليهو مش انا داير منك 100 الف؟
ااااىىىىى
قال ليهو ادينى منها 20
يا اخوى دى ال20 ودى ميتك اختانى....

24
للتوابيت القادمه ..والاتون من رحم الموت.. تفضلوا تفضلو....

واحد قال ليك زول مناسبات يربط عمتو قدر مايسمع ليهو بى مناسبه
كان بكاء كان عرس يجرى عليها
ياجماعه قعدو الناس ديل
ياجماعه جيبو الصينيه للناس ديل
ياجماعه زيدو الرغيف للناس ديل
قدر مايشوف ليهو ضيوف اتفضلو
ياجماعه والله اكان تقعدوا
ياجماعه على الطلاق كان تقعودو..
زول كريم كرم -وزول مناسبات بس
اليوم داك راكب ليهو فى بص
رابطت عمتو لافيها
ماشي البص تمام البص اتقلب بيهم
وقع كده من قدام الناس
الركاب ديل قدامو مزقلين
يربط فى عمتو
اي يا جماعة ججيتو بتين اتفضلوا..
اتفضلوا اتفضلو....

معتز تروتسكي الشين.. البعاتي.. تحياتي:
محمود.. مش محمد الدقم.. وبعدين الله بيسالك ما لقيت لي غير نكتة المسطول دي؟؟ زول حاشرنو في تابوت ويقولو لي نكت مساطيل؟؟ اقرا لينا سورة يس.. سورة الصمد.. انشاءالله الفاتحة ساكت كدا.. ولا ما حافظن؟؟؟ عافي منك الكردفاني.. المرفعين...الشافو ابو..

تعرف يا معتز .. بي باقي نعاس فتحت المنبر لقيت البوست فوق
قلت خلااااص يا زول انا وحلت في الزول ده ...
اها امرق كيف انا من الطينه اللكه (بضم اللام) ...
افتكرت الكتبوا مراسل امستردام ..
غايتو . طالما منك .. جات سليمة .

العزيز دكتور
mutwakil toum

لالا ياخويا دى من ارهاصات المراسل محمد موسى..

غايتو اتوكل نوم وماتنسى تشيل معاك تابوتك..
ختو جنبك ما معروف تحصل سرقات ولا حاحجه فى ازمة توابيت عديل
قال ليك اسى الا بحشرو اتتنين اتنين
وبعد ده فى ناس طرزان ساى

قاعد فى تابوتى مستنى نكتتى بفارق الصبر ياتولرتسكى

سامى
كدى اول شى
انت فى التابوت ده براك ولا معاك زول
لو براك دى تبقى مخالفه عديل
ياحبه الشغله فيها ضيق شديد..

معتز خش تابوتك ولا اكلم ليك عثمان محمد صالح الحانوتى

تروتسكي حيث ان تصـنيفك لا يعطيك الحق في تابوت منفصل عليه قررنا وضعك في تابوت واحد مع الاخ محمود الدقم ...



قضي الامر.....



ود الباوقة

تعرف يا ود الباوقة . انت الذ زول في الزحمة دي ..
بتاخد حقك وانت مشكور .
لا يصيبك مكروه ولا هم يفقهون ..

ود الباوقة

Quote: قررنا وضعك في تابوت واحد مع الاخ محمود الدقم ...

ليه عقدر ده اولا
انا زول صغير ومحمود زول كبير
لايجوز
2
براهو التابوت مظلم . .

حلى للمشكله دى
نحن اساسا 23 بى تمبس اوكى
انا حاتنازل لى اساسى يدفن معزز مكرم وانا بندفن طرزان ساى..

ولا ادونى خيارات
ولا شوف لى زول تانى..

سامى
انت تابوت بالجد رعديد وخبيث
اسى الجاب سيرة زول منو
عثمان داير يجى معانا خليهو يمشى يسجل
ماداير خلينا على كده
بعدين انت معاك منو ماوريتنى؟؟

انا تعرف يامعتز زول انانى زمااان فى المدرسه لمن اكون مشترك مع زول فى كتاب اديه فرصه يومين وبراهو يمشى يشترى واحد من المحطه الاوسطى.

ونفسى فى تابوتى يكون معاى عثمان محمد صالح ليك على لو ماطلع من التابوت وحام وناس الحله قالو البعاتى..ماتوبتنى تانى.

Quote: ولا ادونى خيارات ولا شوف لى زول تانى..

تروتسكي ...


لا تعد ..


قضي الامر ..


التابوت جاهز ادخل سريع قبل ما نخت مكانك واحد ... الدقم ينتظر الاغلاق ..



ود الباوقة

انت ياسمسار التوابيت المُشيعه..
صبرا بجيب الخير...
ليه قُضى الامر
هى اساسا ميته واحده ماتكون زى الناس
تبقى علينا دينا واخره..
بعدين انت ليه مصر تدخلى مع ود الدقم
هو قال ليك عايزينى. .

يازول ياتشكوها من جديد ولا شيعونى طرزان ساى...

الاخ عمر محمد عبدالقادر المبرمجاتي:
انت ومعتز تبيعوا وتشترو فوقي ساكت.. عاد يا يابا انا ما همله!!! غنماية في سوق كرين حلة كوكو!!!.. صعيدي في الجامعة الامريكية!!!.. معتز براسطتوا خايف مني.. والله مصائب اخر زمان.. وانت تشيل وتغصب في عشان يجي يضايقني..

اولا: يا معتز اغسل كرعيك قبال ما تنقطع في تابوتنا..ثانيا/ ان بقيت بتصلي الله وسهلا وان بقيت بتجليها اختاني ساكت.. واتا يا عبدالقادر ود الباوقة وكت ما قادر تنظم الشغلة دي اختانا جاي.. ولا جاي..
------------------------------------------------------------------------------------------------

معتز اديني اضانك جاي ..بيني وبينك كدي كلمة (بفخخني) دي ما قدرت ابلعة تب اسحبا..

خالص التحايا
الاستاذ محمود شرفت كتير تجينا
ياهو بقينا نتقاطع كتير
اولا فى لسته واحده وربما فى تابوت واحد..

بعدين كنت داير اجيك فى بوست العلمانين نحتو قرض لكن الايام دى مالى نفس فى النقاشات

*
اولا عزيزى انا قايتو لابعته لااشتريت
ده صاحبنا الحانتوتى. .
والمبرمجاتي السمسار. .
انا زاتى دايرو يجى يورينى اللسته وزعها كيف منو مع منو..


بخصوص شروطك دى يا اللخو..
رجلينى بغسلين مافى مشكله..
لكن ديك
مره معاك ومره مع الخيانه الدوام لله. .
ولا يهمك سيدى نمسحها تب
ونديك بدلها الابيات دى..

فهمت اسلوبك
اسلوبك انت خطر
تهدى للحنان
تسفك دمها هدر. .
وشى غريب ياملك
انك تميل للشر
تعذب عباد الله
وتسيبها عايشه ضجر

معتز ايها التابوت الرعديدى
ما بك يا خرنفع
اخبرك بهجوما وشيك يقوده الفرس على بلادنا ياخرنفع
وانت لا تبالى!
يبدوع ان موقعة الروم مازالت عالقة بذاكرتك.
هلا امرت قادة الوحدات وخاصة الرماة بالاستعداد لملاقاة الفرس؟
اخشى يافرنغع ان نهاجم فى عقر دارنا ونتجرا هزمتة اخرى.
وانا بدورى سارحل الى مدينة زحلاقان بمعية قائد المشاه لاعداد الجند
وتهيئتهم لمقابلة القزاة واحداث اكبر خسائر فى صفوفهم حتى ان انتصروا
علينا فلن يستطيعون تحقيق نصر عليكم.
ايها القائد الرعديد اتركك فى امان الله.
استمع الى صوت مشى فرسى ...تك تك تك تك تك تك تك تك تك تك تك تك تك
وهنا يسرع اكثر تكتكتكتكتكتكتكتكتكتكتكتتكتكتكتكتكتكتكتكتكتك
وهنا يسرع اكثر تكككككككككككككككككككككككككككككتككككككككككككككككك

نوريت
هى خرنفعت نصاح
مادايرين يحشرونى مع ود الدقم

ماقلت لى انت واقع مع منو ولا برضو طرزان ساى...
بى قصتك دى مع حمارى وطشمتى دى باللحقنى ليك شنو(جك جك جك)..
انا يادوب خطوتين لى قدام والباقى بالعرض..

قضى الامر

سافر براك. .

سامى عبد الوهاب مكى
السجين او التابوت رقم 18

معدلك ضعيف وجاى ال 18 وماداير زول يشترك معاك..
فعلا رعديد
تعرف انا عندى نفس العاده مابحب الزحمه كلو كلو
لكن هنا وضعك يختلف لانك اقلاها بره ال10 الاؤئل
حاول ذاكر عشان تخش قائمة المميزين

بالنسبه ليك
قُضى الامر..
فعلا وحقيقة ومجاز. .

شنو يا تروتسكي !!!!!!!!!!!
معلق إسمي فوق كدا مالك
خلاص قررت تنجهني ولا شنو
بس الحمد لله ما طلبت رايي في موضوإعتقال ولا حاجة
نصيحة ليك بل ما بتاع النظام العام يجي يفرتق ليك الحفلة دي حاول إنتهي من توزيع النكات والتوابيت المالقت اسيادا .. لإنو الشاويش فرقع دا لو جا تاني ما اظن التوزيع بتتم

Quote: بتاخد حقك وانت مشكور . لا يصيبك مكروه ولا هم يفقهون ..

متوكل يا اخوي ارسل لنا مقاسك سريع عشان تلحق الجماعة .. بعدين وصيتي لك بان ترقد في التابوت علي ( قفاك ) لعدم وجود مخدة في تابوتك .. بس اطمنك ما معاك زول .. فرادي يعني .. حظك ..



ود الباوقة

ود الباوقة
سمسار التوابيت..
كدى افضى لي شويه ورينى شطارتك
فى رفيق فى اللسته دى دايرك تعمل ليهو توصيه تجيبو معانا..
فى مشروع التوابيت الفسيح ده..
فى اللسته الفاتت كان معانا...
ورينى اولا شطارتك وورينى عرفتو ولا لا..
كان عرفتو ماتتوصى
بس ماتفشل زى فشلك فى ضم تمبس ومجموعة الرياض. .

Quote: المتواجدون الان بالمنبر العام 320 شخص » (30 )عضو و (290) زائرا »Abdulgadir Dongos »Al Sunda »Amira Ahmed »Anwar Ahmed »Asskouri »Bashasha »Hatim Elhassan »Haydar Badawi Sadig »kamalabas »Kostawi »luai »Mohamed Suleiman »Murtada Gafar »Osman M Salih »Sabri Elshareef »SAdo7 »Samau'al Abusin »seham_musa »Yasir Elsharif »الرفاعي عبدالعاطي حجر »انتصار محمد صالخ بشير »برهان تاج الدين »خضر عطا المنان »رقية وراق »عبدالعزيز حسن على »عصمت العالم »معتز تروتسكى »منصور شاشاتي »نصار »هشام مدنى هذه الصفحة يعاد تحديثها كل 120 ثانية.

Quote: ود الباوقة سمسار التوابيت.. كدى افضى لي شويه ورينى شطارتك فى رفيق فى اللسته دى دايرك تعمل ليهو توصيه تجيبو معانا.. فى مشروع التوابيت الفسيح ده.. فى اللسته الفاتت كان معانا...

تروتسكي .. بطل اللف والدوران نحن عندنا لستة معتمدة ماشين بيها واكرر احسن ليك تدخل سريع مع الدقم الوقت ينفذ ...


قضي الامر ...

واخشوشنت الكعابيل ...


ود الباوقة

نذورى
ايها التابوت الرعديد
تقول شنو مشيت قريت كلامك بتاع افو
وقلت هى موته واحد فلتك للتابوب فلتكن للتابوت لامفر يارفيق التوابيت ..لانو مواجهة حقيقة المرض اقصد الموت ربما تفضى لحل ناجع وموته مريحه البال..

اسمع انت واقع مع منو..
بس بعدين ماتدقش ليك زول فى الضلمه . .
كُر علينا نحن من ناس النظام العام مباريننا محل ما نمشى
بعدين
ماتسلفنى الحمار الفى الصوره الخاتيها دى..
حمارى بقى خسيس. .

يا ود الباوقة الفلم ده قديم . شفتو
الخاين يخليك تشيع التوابيت كلها
ويفضى ليك..
بطل واحد يشيعك ما تلقاهو ,,
تعال معاي من اسي