عــاجـــل ..الناطق الرسمى لقوات الشعب المسلحة يقدم استقالته....

*قدم الناطق الرسمى لقوات الشعب المسلحه الفريق الركن محمد بشير سليمان استقالته ..بالاضافه الى تقديم عدد من الضباط الكبار الى استقالاتهم ونزول بعضهم..
تفاصيل اوفى لاحقا....

صديقي تورتسكي

نحن في إنتظار التفاصيل

يا اخوانا هذا القصه دى فضلو من الذين تأمروا وقاموا بيها كم؟؟
معقول زول واحد أحكم 30 مليون بى مزاجو؟؟
كل مؤهلاته أنه عندو عضلات كبار وبعرف يعرض كويس؟؟ بس؟؟؟

ألأخ معتز
تحية واحتراماً
ونحن في انتظارك
أحاول بصورة أو أخرى أن أربط بين زيارة بلير وهذه الاستقالة
هذه الصناديق المقفلة ربما يخترقها الحدس والاستقراء

في إنتظار التفاصيل

الزملاء الاعزاء لازال الامر يكتنفه الغموض فقد صدرت مذكره لم يتم تداولها بعض الافى حيز محدود بخصوص استقاله وانزال هؤلاء الضباط ..الامر لازال طى الكتمان..بالاضافه الى تقارير تقول ان بعض هؤلاء الضباط الكبار كانوا فى اجتماع مع الفريق عمر وقد وصل حد النقاش الى مشاجره..
وتم اليوم اخطارهم بهذه المذكره..
الضباط برتبة فرقاء(نواب هيئة الاركان) عدا المفتش العام برتبة لواء..
االنائب تدريب
النائب توجيه
النائب عمليات
النائب اداره
المفتش العام
وتم اثتثناء الفريق عباس عربى رئيس هيئه لاركان رغم ان فترته انتهت منذ سنين لكن لان له يد فى عمليات دارفور...
الفريق النائب امداد (له علاقة بالرئيس)

* الصديق عمر الاخضر هى بعض التفاصيل من فك الاسد وانتظر البقيه..

*العزيز تاج السر سؤالك مشروع جدا ولكن الاجابه كيف خلاص الشغلانه جاطت شديد دايرين البلز عصا سليمان دى عشان الناس ديل يقعوا مالقين زول ..شى يمغص..

*المحترم الطيب برير..انا ايضا مثلك ابحث عن قيود تلك اللعبه المسيخه وماذكرته لايبدو بيعيدا عن مايحصل فقط انتظر بيقة الرسائل والتقارير لكى تكتمل الصوره عندى ..فجدا يااااااااااااااااااااااااااه ياوطنى...

* الوجيه ياسر مكاوى..
انا ايضا انتظر مثلك وانت وانا نكمل بعض فى وجه هؤلاء الطاغين وكل مايصلنى رهن ايدكم ..

لكم الود
واه ياوطن

تروتسكي

فينك يا غائب

تعرف الزول دا ثقيل جدا والحمدلله الطار

الموضوع ليهو علاقة بي تعينو علي رأس
الأنقلاب المزعوم

ونحن في انتظار التفاصيل

Quote: االنائب تدريب النائب توجيه النائب عمليات النائب اداره

انتو فى الاستقالة ولا فى رتبات الجيش الغريبة دى

هههه

لو فى زول داير يشتغل شغلة زى ديل يقرا شنو؟؟


المهم متابعين يا معتز

والسؤال استقالتهم دة حاجة كويسة ولا كعبة؟؟

يعنى شان نفهم بس

Quote: دايرين البلز عصا سليمان دى عشان الناس ديل يقعوا مالقين زول ..شى يمغص..

ما اعتقد انه في زول بيقدر يلز العصاه

خالص التحايا
رفاق الوطن...

*عزيزى وصديقى ابوحميد..
وحاتك مشتاق ليك بس خليها واتمنى نتلاقى تانى فى وطن حر ديمقراطى..
حكاية تقيل دى تقيل ..
ورواية الانقلاب سمعت بها لكن لااعرف هل هى حقيقه ام لا وهل هى السبب فى الاستقاله والاقاله ..
ثم لو كانت صاح الاستقاله والاقاله تمت من مجموعة الضباط الكبار وليس له وحده ..
جد يا حنين كمية من الاسئله لازالت حائره...
لكن الشى الذى اعرفه ايضا واسمع به انه كان يشكل ازعاج للانقاذين لان لديه رؤى مختلفه..
اما حكاية التفاصيل دى فانت ايضا يدك لاحقه ونحن نتعلم منكم.. ويدك معانا
فعل الكوادر...
لك الحب..

*الرائعه تماضر..
جد لااعرف اضحك لااعرف ابكى من ردك..
لكن بخصوص الرتب قبل الايستضاح..
انتى ياطمطم ماسمعتى مراءة برتبة لواء..
النواب المذكورون ديل نواب هيئه الاركان وتتكون من.
رئيس هية الاركان..وهؤلاء نوابه
واحد للاداره وواحد للتدريب وهلمجرا..
علم طمطم؟..
الشغله دى صراحه ماهينه ..
بعد درش الكليه الحربيه ..وداك براهو موت احمر..
تجى الكورسات..تسمتر الى ان تصل ماجستير فى العلوم العسكريه .
وبعدها دكتوراه بدرجة زمالة من كلية الدفاع الوطنى..
ووووو
اسمعى تعالى فى الايميل..
اطلعك دوره..
*والسؤال استقالتهم دة حاجة كويسة ولا كعبة؟؟
سؤالك ده الماقدرته عليهو...
ونهايتو شوفى الحال وصل لى وين ..
ده اذا ما كانو مجتمعين فى القياده العامه الان..
لك المعزه...

*عبدالله..
انت عارف ..
كلامك ده جد مبهم ..
*ما اعتقد انه في زول بيقدر يلز العصاه
من زاويه صاح ومن زاويه فيهو كلامو تانى ..
خلاصتو ارجو ان يكون بعين الزاويه الاخرى..
وينتهى الكابوس...
ولك الود

الحبيب معتز

سلامات

شكرا يا حبيب وربنا يقدرنا بس

دوما اسعد

واشغل أعدائ بأنفسهم وعجل بالنصر وبالفرج !

قول امين يامعتز

سلام

ولدنا معتز لك التحية

وصباحات الصين

اليك ما نشر في الشرق الأوسط اليوم

السودان: معلومات عن اعتزام البشير إقالة الهيئة القيادية للجيش
حزب مبارك المهدي منقسم حيال بقائه في الحكومة بعد إقالة الرئيس السوداني لزعيمه
لندن: «الشرق الاوسط»
أفادت مصادر سودانية مطلعة لـ«الشرق الاوسط» ان هناك معلومات تؤكد اعتزام الرئيس عمر البشير اقالة الهيئة القيادية للجيش السوداني بمن فيهم الفريق محمد بشير سليمان الناطق الرسمي باسم الجيش الذي ورد اسمه في المحاولة الانقلابية الفاشلة لحزب حسن الترابي المعارض. ولم يتسن التأكد من ذلك من مصادر حكومية.
وفي الوقت نفسه، احدث القرار المفاجئ الذي اصدره الرئيس عمر البشير بإقالة مساعده في القصر الرئاسي مبارك الفاضل المهدي انقسامات داخل حزب الامة «الاصلاح والتجديد» الذي يتزعمه المهدي حول الاستمرار في الحكومة او الخروج من الائتلاف القائم. وبرز في اجتماع مطول عقده الحزب واستمر الى وقت متأخر امس اتجاهان: الاول، ينادي بضرورة الاستمرار في الحكومة، والآخر يطالب بالخروج فورا.
الى ذلك، حصل رئيس الوزراء البريطاني توني بلير من الحكومة السودانية على تعهد بالاستجابة الى بعض مطالبه بشأن الوضع في دارفور.
وكان بلير قدم لائحة بخمسة مطالب حول دارفور اثناء لقائه البشير ونائبه علي عثمان طه. واشارت مصادر حكومية في لندن الى ان الزعيم البريطاني وعد بتقديم 100 مليون جنيه استرليني على شكل مساعدات تضاف الى ما تقدمه بلاده سلفاً لجهود معالجة التداعيات الانسانية لأزمة دارفور. كما عزا عدم ارسال قوات حفظ سلام اوروبية وبريطانية الى «عدم وجود رغبة» سودانية باستقدام جنود غربيين

الأخ معتز تروتسكي نهارك مساحة خاااااالية من العجلات تشم فيها نفسك

يا زول قول آمين إنشاء الله العقبة لي المشير شخشياًوبقية أصنام السياسة السودانية

بحيراوي

القوات المسلحة تنفي اتهام بعض من وردت اسماءهم في المحاولة الإنقلابية
إحالة ثلاثة من هيئة قيادة الجيش إلى التقاعد وترقية آخرين
الخرطوم - الصحافة:

أعلن مصدر مأذون في القيادة العامة للقوات المسلحة ، أنه في إطار الترتيبات الروتينية في هيئة القيادة فقد تمت إحالة ثلاثة من كبار الضباط إلى التقاعد، وهم الفريق الركن جعفر حسن ، والفريق الركن محمد بشير سليمان ، والفريق الركن بشرى يوسف عثمان ، وذلك بعد ترقيتهم إلى رتبة الفريق أول ، عرفاناً وتقديراً لدورهم في خدمة الوطن والقوات المسلحة.
وقال المصدر انه تمت ترقية بعض الضباط في هيئة القيادة استكمالاً لها.
إلى ذلك اوضح مكتب الناطق الرسمي باسم القوات المسلحة، ان ورود اسماء بعض العسكريين في الخدمة ضمن اقوال المتهمين في المحاولة الانقلابية الاخيرة لايعني ضلوعهم فيها .
وقال في بيان امس ، ان ذكر تلك الاسماء لايعدو ان يكون مجرد امنيات ورغبات المتهمين ، ظنا منهم ان ايراد بعض الشخصيات العسكرية المحترمة لدي الوسط العسكري يقوي مخططهم .
واضاف ( ان المرحلة التي تمر بها بلادنا وقواتنا المسلحة تقتضي ان يظل صفها متماسكا وافرادها متحدين وهذا مايحسه كل فرد منها ) .

العزيز جدا الى

اسعد..
لا ازيد الا ان اردد كلماتك..
*وربنا يقدرنا بس

الانسانه الى الروح
نور..
الموقف بى عصيب..
واصبحت الكلمات سلعه نادره فقط لللاقتباس حيز كبير..
*واشغل أعدائ بأنفسهم وعجل بالنصر وبالفرج !
قول امين يانور..
لك الموده..


استاذى العزيز..
بحيراوي
ياخى كلهم فى جهنم..
ساسه انتهازين ..وحكام اغبياء..

حبيبنا ابو حميد الحنين..
مساءات السعوديه..
شفته الحاصل ده كيف؟
لكن كنت اريد ان اسمع الاراء فى الحاصل
وربط الحاصل ببعض الاحداث ..
كما قال العزيز برير وبعض الاحداث ..
ناخذ منك القليل ياحنين.
نستفيد كثيرا من تحليلاتك ياصديق..
ولك الود...

وللوطن الف ورده ومنديل..

الصديق تروتسكى...
سلامات وعوافى...

ان الاستقالة لهذا الارهابى ومعه اثنين اخرين لم تاتى من فراغ بل بعد كثير من الاشتباهات فى تبعيتهم لحزب المؤتمر الشعبى ،ذاك الامر الذى لم يتم التحقق فيه بامر نهائى من قبل النظام الشمولى، الشى الذى دفع اهل سلطة الخرطوم بان تتم ترقية هولاء الارهابيين ودفعهم للاستقالة!!!!!!!!!!! حتى يبدواء ان الامر طبيعى!!!!
شى اخر يدور كثير من القط داخل اسوار الخرطوم المنشرة ان هولاء الثلاثة لهم ايادى واضحة فى مسالة السلاح الذى دخل لهذه المدينة!!!
رغم ان كل ماقيل فى مسالة ذاك الانقلاب بها كثير من الاشياء غير المنطقية الا ان الامر برمته يؤاشر ان الصراع الان داخل اجهزة هذه السلطة الغاشمة!!!! وان الضربة التى تواجههم ليس الصراع مع الحزب الشعبى الذى انفصل عنهم واصبح خارج السلطة لكنه صراع مع الشعبيين الذين الى الان داخل المؤتمر الوطنى!!!!.

معتز لك كل الحب والتقدير....
ولكل المتداخلين الاحترام.....

سفيان

الصديق العزيز..
نابرى..
ازيك..

هنا بعض الاشياء استوقفتنى ..فتعليقك اقرب الى اغتيال الشخصيهالتى تنتهجها الانقاذ مع معارضيها فالذى اعلمه انه كان له وجهات نظر لاتوافق الانقاذيون هؤلاء..نعم فحقيقه الشعبى او غيره هذه بعضها لكى يتثنى للراى العام ان يتقبل الحاصل بكل سلاسه ودون عناء لكى تنطلى الخدعه كبقية الخدع..
وصلنى ايميل من شخص يؤكد انه لاعلاقتة له بهؤلاء او غيرهم.كان مستقل يقول يرايه بكل وضوح ويجد الاحترام من كل العاملين بالقوات المسلحه.. وكثير الكلام اختصرته
عموما نقلت لك ما اتانى ..واوضحت لك ان لاتقع فى فخ هؤلاء..
وشكرا مرة تانيه على التعليق..
شكرا ياسفيان....

مذيدا من اوراق الخريف

صديقى الزميل خضر..
مزيد من تعليقك..
شكرا للمرور..
ياصديق..

و
مزيدا من اوراق الخريف ..
ياخضر..
شكرا لكل خاطر...

صديقى الزميل خضر..
مزيد من تعليقك..
شكرا للمرور..
ياصديق..

و
مزيدا من اوراق الخريف ..
ياخضر..
شكرا لكل خاطر...

هل من مزيد؟؟؟؟
ام انتهى الامر عندكم الى هذه الدرجه فقط؟؟؟

لا تتعجل يا معتز فلا يزال ليلهم في اوله
وزراء مبارك الفاضل لحقووه
و على قول عوض الجاز قروش البترول دي بشترو بيها الزيهم
من المتساقطين طبعا

في إطار التجديدات الدورية لهيئة قيادة القوات المسلحة أصدر المشير الركن عمر حسن أحمد البشير رئيس الجمهورية القائد العام لقوات الشعب المسلحة جملة قرارات قضت بإحالة (3) من قيادات القوات المسلحة للتقاعد بعد ترقيتهم إلى رتبة الفريق أول تقديراً لخدمتهم بالقوات المسلحة وتفانيهم في العمل وتقديراً لجهودهم ، وهم :

1. الفريق جعفر حسين .

2. الفريق محمد بشير سليمان .

3. الفريق بشرى يوسف عثمان .

فيما تم الإبقاء على الفريق أول عباس عربي رئيساً لهيئة الأركان والفريق حاج أحمد ألجيلي نائباً لرئيس هيئة الأركان .

وشمل القرار الذي أصدره المشير البشير تعيين كل من :

1. الفريق محمد إسماعيل .

2. الفريق محمد عبدالقادر .

3. الفريق عمر الحليفة طه .

5. الفريق العباس عبدالرحمن الخليفة .

نواباً لرئيس هيئة الأركان والتي تشمل النائب إدارة ، النائب عمليات ، النائب إمداد ، النائب تدريب ، النائب توجيه ، ويرجح أن يتم تعيين الفريق الركن العباس عبدا لرحمن الخليفة نائباً لرئيس هيئة الأركان توجيه وناطقاً رسمياً باسم القوات المسلحة
SMC

الصديق الزميل
امجد..
كما قلت لاازيد..
لكن هل كل هؤلاء يتم شراءهم بقروش محمد احمد الغلبان؟
شكرا امجد..

العزيز المقاتل..
حنين..
فعلا اصبح زمن شر البليه مايضحك ..
ياحنين..
وشكرا لخط الاستواء..

*وهل من مزيد؟