عنوان للمحبة.

أنا بلتقيك في كل حتة
فيها لمحات السماح
بلتقيك في الشمسة ضاحكة
وقرقراب شاي الصباح
بلتقيك في الكلمة مارقة
تشفي بالطيبة الجراح
انت موسوم فينا ريد
انت عنوان للمحبة
وللعصيفير الجناح
يلفا جسمي معاك روحي
ويلتحم ريدنا المباح
انت سكّات للهموم
لولاي جرح غلبو الصياح
بهواك عدد هذي النجوم
ماطلَّ نورا ضحاي
وكت ألقاك ماف
بهواك عدد أحرف غناي
ماابحرت من دون عينيك لابتلقى من غيرن ضفاف
بهواك قدر ماغطت السترة الكفاف
بهواك عدد مااروت المطرة الجفاف
بهواك عدد ماخطّ حرفك في احساسينا الرهاف
أيا يوسف هواي
بهواك عدد ليلات هواي ماشالتن جوعة هواك صبحن عجاف
بهواك عدد مياه الابحر الهبشن شغاف
قلبك ملن أيامي بالناس النضاف
في السيرة واللونهم عفاف
بهواك قدر ماطلّ نورك في سماي
وشال غناك طرحة زفاف
انت ذيّك فيني ماف
اتفرعنن فوقي الهموم
أياموساي عصاك فجّت بحور الغمة والهم النساك
عدّن علي ريدك كتار
واخترت انت هواي براي.

الخنساء تماضر....



عنوان بناديك

تسعد وترحل

- الغنوة مُرِيحَه ومرجيحه

ودمت

ومن غيرك ياتماضر يطرز الكلمات دررا وبهاءا



سلمتى ,,,

يسعد نهاراتك مانولا

يسعد مساك جورج

بالجد فيها قيمة ومعني ..
ما عارف ليه إتذكرتا حاجات زمان وناس حلتنا ؟؟..

طلة بهية يا خنساء














------

الطماطم لسة في غلاها؟
ول نقول مشتاقين على النستالوجيا ساي

نحتاج هكذا غناء


تماضر ياريت ماتطولي الغيبة

غابت وجابت...التحية لك

اسماعيل، جيّااابة انا ياخ:):)

كل الود،

أهو ياابوعبيدة لسة بنغني احنا

تحياتي،

لع جد والله بي حليفتنا موشتاغون ياقيقا
أتاريك بتتوحش زيك زي الناس السمحة:):)

محمد قسم الله،مع انو انا مامن ناس زمان شديد:):)

تسلم وتشكرات على الطلّة الحلوة

Quote: أيا يوسف هواي

يا يوسفها
يا برتقاله
ا يا ليمونه
ا يا عطر هواها الفاضح
يا جلباب الظلم النائح في الجب
يا قلب الأب
وشوف العين العميانة سواك
يا حسد السكة هلاك
يا صحراء المصر ضراك
كان الصح ما نجاك
الكضب مقعد وثير
فيهو الرئيس فيهو الوزير
فيهو يومآ عبوسآ قمطرير
لا نجاة إلا بالحب
والصدق الآسر
عزيزتي تماضر

Quote: بلتقيك في الكلمة مارقة تشفي بالطيبة الجراح انت موسوم فينا ريد انت عنوان للمحبة

كالعادة روعة ..

بعثت إلى العنوان أعلاه؟
....

ود الصايم حركتك ما########ة وزريفة جدن:):)

بلة وصلت اكيد طالما جاية منك:)

حلوة جيّاتك يابهاء

عادل عثمان،
الحمدلله الذي شيّد المحبة بلادا تسع الجميع،،

((بهواك عدد ليلات هواي ماشالتن جوعة هواك صبحن عجاف
بهواك عدد مياه الابحر الهبشن شغاف
قلبك ملن أيامي بالناس النضاف))

تماضر الخنساء.
صباحك خير.

الإقتباس أعلاه جميل و شفيف.

الله الله ياخي

توما مشتااااقين شديد والله ... يارب الاسرة كلها بخير ...
تسلمى يارب ...

فيصل وطارق ومجودة شكرا على طلتكم والقراية والتواجد هنا
محبتي،،

ماجدة تلفونك في الخاص بللاي أنا بقيت قريبة منك شديد:)

باني ليك في البال منارة
والمريكب كان حنين
مجداف هواي ماطالو شك
شقاق ظروفك كل حين
ودرب لقاك مهما يطول
مابسألك عن آخرو وين
وماطالما النبضات توالي
بيني بينك مافي بين
واسمح معانيك الشواطئ
وعدمانة مرساك البشين
وأهي البلد مافاتا خيرا
دام عامرة بالواعي ورزين
والمحنة الفي دروبنا
بالعديل حيسوقا زين
ومهما ضاقت لينا فكرة
ربّك العطّاي بيعين
ماطالما الايدين تسالم
والالفة مالية وعابّة عين
بس كيف نسوق احنا اختلافنا
لي فكرة مافيها البهين
وشان أيّ زول في بحرو صيد
لا تبقى نصّاب للكمين
وشان أيّ زول ليو راي براو
فِكرك محال يبقالي دين
عارف مساحات اختياري
وعارف مساحات غيري وين.

ضيّعت دربك في الصبر
روّحت كيف ضيّ الشمش
وكيفن حيطراك المروق
وكل السكك سادّيها غش
باكر أكيد لون الوطن
في غبرة الناس الغبش
يرسم تفاصيل الصباح
وتشق دريباتك تمش

توما ........اجمل تحية لك اختي الكريمة .. تسجيل متابعة واعجاب

الإبنة الغالية والحبيبة تماضر ..

ما أجمل كلماتك عن الحب والحبيب ..

Quote: عنوان للمحبة. أنا بلتقيك في كل حتة فيها لمحات السماح بلتقيك في الشمسة ضاحكة وقرقراب شاي الصباح بلتقيك في الكلمة مارقة تشفي بالطيبة الجراح انت موسوم فينا ريد انت عنوان للمحبة وللعصيفير الجناح يلفا جسمي معاك روحي ويلتحم ريدنا المباح انت سكّات للهموم لولاي جرح غلبو الصياح بهواك عدد هذي النجوم ماطلَّ نورا ضحاي وكت ألقاك ماف بهواك عدد أحرف غناي ماابحرت من دون عينيك لابتلقى من غيرن ضفاف بهواك قدر ماغطت السترة الكفاف بهواك عدد مااروت المطرة الجفاف بهواك عدد ماخطّ حرفك في احساسينا الرهاف أيا يوسف هواي بهواك عدد ليلات هواي ماشالتن جوعة هواك صبحن عجاف بهواك عدد مياه الابحر الهبشن شغاف قلبك ملن أيامي بالناس النضاف في السيرة واللونهم عفاف بهواك قدر ماطلّ نورك في سماي وشال غناك طرحة زفاف انت ذيّك فيني ماف اتفرعنن فوقي الهموم أياموساي عصاك فجّت بحور الغمة والهم النساك عدّن علي ريدك كتار واخترت انت هواي براي

وأقوليك شنو عن الحب ..
أنا زيك .. كوّاس .. كوّاس عن الحب زيك ..
مشيت أكوسه .. تحت الشدر الكبار .. ما لقيته ..
بين رقراق شمش الشدر الصغار .. ما لقيته ..
قلت .. إمكن .. سافر خلانى .. جريت وراهو ..
أفتش فيهو .. ما خليت فجة .. فى تكسى .. فى لورى .. فى قطر ..
.. تحت رزاز مطر .. برضو ما لقيته ..
يا اخوانا .. وين ألافيهو ..
أتاريهو .. قاعد هناك .. متحكر .. فوق مظلة ..
مكتوى بشمش الحراية ..
ونحنا .. بيجاى .. نكوس فيهو فى الضل ..
بين البشر .. تحت رزاز مطر ..
تحت شدرة كتر .. ولا التانية اللى بتنكبر ..
اى .. ما نحنا قايلين .. فاتنا العمر ..
والنظر .. بقى طشاش .. من الكبر ..
لكن القليب .. لساتو شباب ..
ما بهمو العمر .. لساتو .. كوّاس ..
أكان مع تبلدى تحت تبلدية .. ولا إن شاالله .. مع كعكول تحت شدرة هشاب ..
ولا تحت هجليجة أم لالوب .. ناس نحنا .. ما بنقول الروب ..
لاكين بس بنشربو .. أى بنقرطعو .. أكان براهو .. أكان مع فرصتو ..
أها .. أكان مع عصيدة بملاحو ..
الظاهر .. أنى جيعان ..
خلينا كواسة الحب .. وبقينا ناس عواسة ..
ومشينا للجيران .. ولخبتنا الكيمان ..
اب قرش .. مع أب قرشين ..
لاكين .. برضنا مفلسين ..
.. الحمد لله .. الحب ما بنشتريهو ..
يا هو .. بنكوسو .. وبنلاقيهو ..
إن شاالله طول العمر .. برضو بنلاقيهو ..
مع ناس جُمال زيكن.. أكان فوق مظلة ..
ولا تحت مظلة .. أو فى أى مكان ..

وأخيراً .. نقول ليكم ..
.. نقول الحمد لله .. كتر الله من أمثالكم ..
لأنو .. الأيام دى ..
الحب فيها .. قلّ .. وفلّ ..

وألف سلام ومحبة ..
من عمك العجوز .. يا تماضر .. يا خنساء ..
ومرة تانية .. وتالتة ..
ألف سلام ..
من عمك العجوز
ارنست أرجانوس جبران

من أجل المحبة وعنوانها .. نرفع ..
من أجل أسمى المعانى .. نرفع ..

والى الأمام .. ابنتنا تماضر ..
عمك العجوز ..
ارنست

مين غيرك بمنحنا التفأؤل
بمنحنا المحبة
تسلمي ياروح الجمال
اغنية تسعد صباحاتنا
مودتي