Post: #1
Title: صدّقني مشتاق ليك..
Author: تماضر الخنساء حمزه
Date: 10-08-2009, 07:53 PM
Parent: #0
وحياة غيابك ده
صدّقني مشتاق ليك..
شوق المراكب تاهت في ضفاف عينيك
ترسي بين رمشيك
تجري وتقالد النيل
من حلفا لي رمبيك
وصدقني مشتاق ليك
شوق الشليل فِليل
كان يرسى في ايديك
شوق البيوت تتمايل مع مشية البنوت
زغروت يشق النيل يجري ويضوي الليل
كاسر خجلها العين
شفتو ماشي عليك
لابس عديلة وزين
شوقاً هديتو إليك
بالله لو يوصل
سالم عيونك ديل
قول ليهو درب الريد
درباً بميل بختو
وعليك جايّ عديل
الكان بشيل همّو يجري ويوسّدو ليك
يتكل قفاهو الحيط
والنوم بيجدلو خيط
خرزاتو كانو عينيك
صدقني مشتاق ليك
كيفن هوى النيلين
تقايضو بي قرشين
تربط هلال الغربة
في سكة من غير زين
ماقادر عليك أجيك
لكن بجيك شوقي..
وصدقني مشتاق ليك.
|
Post: #2
Title: Re: صدّقني مشتاق ليك..
Author: احمد العربي
Date: 10-08-2009, 07:57 PM
Parent: #1
جميل
|
Post: #4
Title: Re: صدّقني مشتاق ليك..
Author: تماضر الخنساء حمزه
Date: 10-08-2009, 08:04 PM
Parent: #2
العربي
جميلة روحك
|
Post: #3
Title: Re: صدّقني مشتاق ليك..
Author: انعام عبد الحفيظ
Date: 10-08-2009, 08:02 PM
Parent: #1
Quote: لكن بجيك شوقي..
وصدقني مشتاق ليك |
يا بت وشوقنا نحنا ما جاك لسه؟ 
|
Post: #5
Title: Re: صدّقني مشتاق ليك..
Author: تماضر الخنساء حمزه
Date: 10-08-2009, 08:05 PM
Parent: #3
ناعومي
هو شوقك ده فاتني بتين؟
شوق ذاتو شويّة على العليّ
|
Post: #6
Title: Re: صدّقني مشتاق ليك..
Author: عبدالحافظ عثمان
Date: 10-08-2009, 08:08 PM
Parent: #3
العزيزه تماضر
لسع الشنطه التمره منها ماطلع.
ولحقتى تشتاقى للبلد.
|
Post: #7
Title: Re: صدّقني مشتاق ليك..
Author: تماضر الخنساء حمزه
Date: 10-09-2009, 07:40 AM
Parent: #6
حافظ،
دي بلد تانية ياخ
|
Post: #8
Title: Re: صدّقني مشتاق ليك..
Author: محمد عثمان
Date: 10-09-2009, 07:53 AM
Parent: #7
و انا كمان...
|
Post: #9
Title: Re: صدّقني مشتاق ليك..
Author: khaleel
Date: 10-09-2009, 07:55 AM
Parent: #8
والله مشتاقين
|
Post: #11
Title: Re: صدّقني مشتاق ليك..
Author: تماضر الخنساء حمزه
Date: 10-09-2009, 07:56 AM
Parent: #9
شديد والله
|
Post: #10
Title: Re: صدّقني مشتاق ليك..
Author: تماضر الخنساء حمزه
Date: 10-09-2009, 07:55 AM
Parent: #8
محمد عثمان،
أنا أكتر
وماتغالطني
|
Post: #12
Title: Re: صدّقني مشتاق ليك..
Author: محمد عثمان
Date: 10-09-2009, 08:01 AM
Parent: #10
Quote: محمد عثمان،
أنا أكتر
وماتغالطني |
|
Post: #13
Title: Re: صدّقني مشتاق ليك..
Author: soma
Date: 10-09-2009, 08:06 AM
Parent: #12
يا بت يا حنينة
نحلف نقول ليك شوقنا بتحداك
تسلمى يا حنينة على هذا الدفق الجياش
جمعتك مباركة
|
Post: #17
Title: Re: صدّقني مشتاق ليك..
Author: تماضر الخنساء حمزه
Date: 10-10-2009, 08:58 AM
Parent: #13
سومتنا
ونور عينينا
تشكرات على الطلة الحلوة
محبتي
|
Post: #14
Title: Re: صدّقني مشتاق ليك..
Author: Adil Osman
Date: 10-09-2009, 11:05 AM
Parent: #1
Quote: كيفن هوى النيلين
تقايضو بي قرشين |
|
Post: #18
Title: Re: صدّقني مشتاق ليك..
Author: تماضر الخنساء حمزه
Date: 10-10-2009, 03:46 PM
Parent: #14
عادل،
يسعد مساك النيل
|
Post: #15
Title: Re: صدّقني مشتاق ليك..
Author: عاطف عمر
Date: 10-09-2009, 12:08 PM
Parent: #1
خنساء
سلام وشوق
وبعض من حروف وجدتها تتمخطر في تيه بين ثنايا كلماتك
فخفت أن أبعثر زينتها
فحملت أشواقي وعدت بها
متلفعاً الليل و( اللاصمت )
|
Post: #19
Title: Re: صدّقني مشتاق ليك..
Author: bushra suleiman
Date: 10-10-2009, 04:10 PM
Parent: #15
قدر ما ننسى العلينا ..
برضو مشتاقييييييييييين
|
Post: #22
Title: Re: صدّقني مشتاق ليك..
Author: تماضر الخنساء حمزه
Date: 10-21-2009, 00:47 AM
Parent: #19
مشتاقين حقيقة بشرى
|
Post: #20
Title: Re: صدّقني مشتاق ليك..
Author: تماضر الخنساء حمزه
Date: 10-11-2009, 05:25 PM
Parent: #15
عاطف
كل لحظة وانت طيب
وكل شوق وانت زايد شوق كمان وكمان
كيتن في قلبك الريّاد
المحبّة شديدة
|
Post: #21
Title: Re: صدّقني مشتاق ليك..
Author: مدثر محمد ادم
Date: 10-11-2009, 07:18 PM
Parent: #20
وشوقنا وطن يارائعة
|
Post: #23
Title: Re: صدّقني مشتاق ليك..
Author: انعام حيمورة
Date: 10-21-2009, 05:19 AM
Parent: #21
Quote: شوقاً هديتو إليك ..
بالله لو يوصل .. سالم عيونك ديل |
|
Post: #24
Title: Re: صدّقني مشتاق ليك..
Author: ابوبكر يوسف إبراهيم
Date: 10-21-2009, 10:32 AM
Parent: #23
[
تكرر
|
Post: #25
Title: Re: صدّقني مشتاق ليك..
Author: ابوبكر يوسف إبراهيم
Date: 10-21-2009, 10:39 AM
Parent: #23
Quote: زغروت يشق النيل يجري ويضوي الليل
كاسر خجلها العين
شفتو ماشي عليك
لابس عديلة وزين
شوقاً هديتو إليك
بالله لو يوصل
سالم عيونك ديل
قول ليهو درب الريد
درباً بميل بختو
وعليك جايّ عديل
الكان بشيل همّو يجري ويوسّدو ليك |
[red]الاخت الخنساء
وجع......
تعليق:( كان الشرامة محبي شعر الدوبيت وغنا الجراري والمردوم - حين يعجبهم ما ألقي يختمون بعبارة( وجع) تعبيراً عن الدهشة والإعتراف بجمال الوصف!!
... .... ..
فما أكرمك ؛ أنا لم أفق بعد من دنان الأمس حتى أتحفتنا كرةً أخرى بما يسكر عواطفنا حد الثمالة .. أسكرتني كؤوس لونها خمري ، أودت بعقلي ولكلما لقيتها دار رأسي فإن غاب عنا نميقك جُنِنَا غراماًً بها ، وما آسَى على صحوي ، ورشف حسوةً من مثل هذا المعتق تبهج قلبي ، وحبذا أن نأتي هذا الحان دوماً ونحتسي ما تعودناه من عذب ، وحين أجد أعذبه فأنا من سكري لا أفيق وأظل أنهل من هذا الرحيق ؛ فمذ ذقته ما عدت أطيق أن أعود لخواء رشادي .. أمتعتني أيتها الخنساء المبدعة .. فسلام على روحك الطيبة فسلام... [/red]
|
Post: #26
Title: Re: صدّقني مشتاق ليك..
Author: Fadl Karrar
Date: 10-21-2009, 01:17 PM
Parent: #25
لزومو شنو كلمة ( صدقني دي؟؟؟؟؟)
كفاية بس تقولي (مشتاق ليك )
وكان ما صدق
تبقي المشكلة فيهو
3 حاجات ما بتدسه
الشوق
القحة
و ،،، صدقيني الحاجة التالتة نسيتها
سلمت يداك يا تماضر
وصدقيني
أنا بقرأ في قصيدتك رن بسمعي
أصوات
إسماعيل حسن ،،،،صلاح أحمد إبراهيم ،،،، محجوب شريف
|
Post: #27
Title: Re: صدّقني مشتاق ليك..
Author: وصال عالم
Date: 10-22-2009, 08:19 AM
Parent: #26
صدقني مشتاق ليك !!
محبتي .... وصال عالم
|
Post: #28
Title: Re: صدّقني مشتاق ليك..
Author: abdelgadir mustafa
Date: 10-22-2009, 08:59 AM
Parent: #27
تماضر
ماهو ببعد عشان دايما يجيك
بمشى المكان العالى تدفق مياه واديك
تسقى وترش النيم عارف اثر دعاشو عليك
يبكى وينوح الطين بنحت جمال عينيك
تشتاقى او نشتاق لا بنبعد ولا بنساك
تقدر قمارى فى يوم تترك شوف محياك
اصلو البريد تعبان لو اديتو كلو هواك
|
Post: #33
Title: Re: صدّقني مشتاق ليك..
Author: مهند الجيلي بادي
Date: 10-24-2009, 10:24 AM
Parent: #28
وكتبت ليك مرة :
الشوق بصحي الروح أنينو
وفي الوكت
أصلو ما راعى الفروق
يشلع بروق
جواي تهضرب فرحتك
يا إنتي فيني ولف وضل
وهسة بقول ليك:
يا إنتي فيني ولف وضل
شوق الرويحات القراب
يتفقدك
راسمك حنين الإلفة قيف
والريد بحر
غطاسو ما بيحددك
وانا
بتشرب الريدة اللي فيك
وتتفس الاحرف
وتشهق أكسجين الفرحة
من رئتيك محبة
وتفرح تطير
يوم طلتك
شايلة المواسم الخضرة
والنيل مبتهج
فرحان قدوم اليابسة ليو
باردات سيولا تكوس دفا
وحضنو أوسع من يضيق
مرفق :
حبي الكبير
بــادي
|
Post: #40
Title: Re: صدّقني مشتاق ليك..
Author: تماضر الخنساء حمزه
Date: 10-25-2009, 10:43 AM
Parent: #33
Quote: وكتبت ليك مرة :
الشوق بصحي الروح أنينو
وفي الوكت
أصلو ما راعى الفروق
يشلع بروق
جواي تهضرب فرحتك
يا إنتي فيني ولف وضل
وهسة بقول ليك:
يا إنتي فيني ولف وضل
شوق الرويحات القراب
يتفقدك
راسمك حنين الإلفة قيف
والريد بحر
غطاسو ما بيحددك
|
وشوق الرويحات القراب بتملكنك
دون الخلوق
عزلن هواك
بارن خطيواتك براك
زمن الرواح والاغتراب
واتجملنبك
ساون رميشاتن صبرا جميل متحمدك
للليلي سبحان شوقي ليك بحمدك
حددن أعين تكوسك وتحرسك
رتبن حرف الكلام وصوتك غناك سوّنو توب واتلفحنو
مرقن غنا
صدحن ليالي
وماأصبح صباحن لا اعلن الليل الفوات
إلا وكت زارك يانديد الروح سكات
|
Post: #37
Title: Re: صدّقني مشتاق ليك..
Author: تماضر الخنساء حمزه
Date: 10-24-2009, 10:48 AM
Parent: #28
| Quote: اصلو البريد تعبان لو اديتو كلو هواك |
ولو تاهت معاني الريد
نلقاها مالية غناك
سلامات ود مصطفى
|
Post: #36
Title: Re: صدّقني مشتاق ليك..
Author: تماضر الخنساء حمزه
Date: 10-24-2009, 10:39 AM
Parent: #27
شديد ياوصال
|
Post: #35
Title: Re: صدّقني مشتاق ليك..
Author: تماضر الخنساء حمزه
Date: 10-24-2009, 10:37 AM
Parent: #26
فضل تشكرات ياجميل
ختيت كلماتي في حتة عالية
ومابية تنزل تاني
|
Post: #31
Title: Re: صدّقني مشتاق ليك..
Author: تماضر الخنساء حمزه
Date: 10-24-2009, 10:09 AM
Parent: #25
يسعد صباحاتك ابو بكر
شكرا على طيّب الكلمات
|
Post: #30
Title: Re: صدّقني مشتاق ليك..
Author: تماضر الخنساء حمزه
Date: 10-24-2009, 10:02 AM
Parent: #23
ناعومي
انا بريدك
|
Post: #34
Title: Re: صدّقني مشتاق ليك..
Author: انعام حيمورة
Date: 10-24-2009, 10:36 AM
Parent: #30
أمي ذاتا بتريدك ..
|
Post: #41
Title: Re: صدّقني مشتاق ليك..
Author: تماضر الخنساء حمزه
Date: 10-25-2009, 10:51 AM
Parent: #34
| Quote: أمي ذاتا بتريدك .. |
أمك دي ريدتا براها
وونستا براها
ياربي أشوفها قريب
|
Post: #29
Title: Re: صدّقني مشتاق ليك..
Author: تماضر الخنساء حمزه
Date: 10-24-2009, 10:02 AM
Parent: #21
مايوحشك غالي مدثر
|
Post: #32
Title: Re: صدّقني مشتاق ليك..
Author: وليد الطيب قسم السيد
Date: 10-24-2009, 10:15 AM
Parent: #29
حتى انا
|
Post: #38
Title: Re: صدّقني مشتاق ليك..
Author: محمد سنى دفع الله
Date: 10-24-2009, 10:51 AM
Parent: #32
قسما
مشتاق ليك
صدقيني
مشتاق ليك
|
Post: #39
Title: Re: صدّقني مشتاق ليك..
Author: نجاة محمد بابكر
Date: 10-24-2009, 11:06 AM
Parent: #38
|
Post: #44
Title: Re: صدّقني مشتاق ليك..
Author: تماضر الخنساء حمزه
Date: 10-25-2009, 06:42 PM
Parent: #39
موسم الشوق الحلو
نجاة محبتي
|
Post: #43
Title: Re: صدّقني مشتاق ليك..
Author: تماضر الخنساء حمزه
Date: 10-25-2009, 06:41 PM
Parent: #38
Quote: قسما
مشتاق ليك
صدقيني
مشتاق ليك |
أنا أكتر،أنا أكتر
|
Post: #42
Title: Re: صدّقني مشتاق ليك..
Author: تماضر الخنساء حمزه
Date: 10-25-2009, 06:29 PM
Parent: #32
وأنا
|
Post: #45
Title: Re: صدّقني مشتاق ليك..
Author: حبيب نورة
Date: 10-25-2009, 06:47 PM
Parent: #42
يااااااااااه يا خناس
أيام وليالي
وحاجات كتيرة عبرت علي
و أنا بتصفحك
ونفسي في قلمك
والزمن يكون أواخر ليل
أكتشفت فجأة إني فاقد زول عزيز علي جداً
بحاول أرجع ليكي بي مزااااااااااج
أخطر من ليمونة علي أنف مناضل قرفان
وصدقيني مشتاق ليك !
دي حقيقة
ووصيّة !!!
شكرن كتيرن!
|
Post: #46
Title: Re: صدّقني مشتاق ليك..
Author: تماضر الخنساء حمزه
Date: 10-25-2009, 06:52 PM
Parent: #45
حبيبها
انت زول اواخر ليل
قرايتك كلها في التلت الاخير
وكتها نحنا نكون في سابع حلمة
تقرانا واحنا نايمين
مش فيهو تجني برضك؟
اقرانا واحنا صاحيين
عشان نعرف نرد على قرايتك ياخ
|
Post: #47
Title: Re: صدّقني مشتاق ليك..
Author: الرشيد ابراهيم احمد
Date: 10-25-2009, 08:49 PM
Parent: #46
تماضر سلامات
كلام زي الدهب زالدهب بتقطع صغار
احترامي
|
Post: #48
Title: Re: صدّقني مشتاق ليك..
Author: تماضر الخنساء حمزه
Date: 10-27-2009, 11:06 AM
Parent: #47
الرشيد صباحاتك ورد
مودتي،
|
Post: #49
Title: Re: صدّقني مشتاق ليك..
Author: مطر قادم
Date: 10-27-2009, 12:12 PM
Parent: #1
Quote: من حلفا لي رمبيك
وصدقني مشتاق ليك |
وهو كذلك
|
Post: #50
Title: Re: صدّقني مشتاق ليك..
Author: تماضر الخنساء حمزه
Date: 10-28-2009, 06:56 PM
Parent: #49
مش كده برضك يامطر؟
مودتي،
|
Post: #51
Title: Re: صدّقني مشتاق ليك..
Author: حبيب نورة
Date: 10-28-2009, 07:37 PM
Parent: #50
نفاج .....
|
Post: #52
Title: Re: صدّقني مشتاق ليك..
Author: تماضر الخنساء حمزه
Date: 10-28-2009, 07:39 PM
Parent: #51
مابين روح...و
روح
|
Post: #53
Title: Re: صدّقني مشتاق ليك..
Author: حبيب نورة
Date: 10-28-2009, 07:44 PM
Parent: #52
ما بين خاطر وخاطر
فيه ملامح الزمن الباكر ...
|
Post: #54
Title: Re: صدّقني مشتاق ليك..
Author: تماضر الخنساء حمزه
Date: 10-28-2009, 07:48 PM
Parent: #53
وفيهو نورا
تشوف لوين الروح تهاجر
|
Post: #55
Title: Re: صدّقني مشتاق ليك..
Author: حبيب نورة
Date: 10-28-2009, 07:51 PM
Parent: #54
ما فيه خُناس تمشيه معاي
مشوار الشوق للآخر ؟
|
Post: #56
Title: Re: صدّقني مشتاق ليك..
Author: تماضر الخنساء حمزه
Date: 10-28-2009, 08:00 PM
Parent: #55
تمشيهو معاك كيفن؟؟
كان شوقا مباري الآخر!
بمشيها معاك السكة الإلفة
وريدة تعبي الروح اتنين
تبقى الكلمة بساط القلب
فوقا حنعبر بي شوقين..
|
Post: #57
Title: Re: صدّقني مشتاق ليك..
Author: حبيب نورة
Date: 10-28-2009, 08:08 PM
Parent: #56
تمشيه معاي شوق ليك
بفرهد فرحوا للآخر....
معاك في لهفة الميعاد
شوارع تبكي ليل ونهار
تفرتق لمة الساعات
و تقعد في لهيب النار
تقول يا إنتي في السكة
تجينا ال من ندي الأزهار
|
Post: #59
Title: Re: صدّقني مشتاق ليك..
Author: تماضر الخنساء حمزه
Date: 11-13-2009, 09:58 AM
Parent: #57
Quote: معاك في لهفة الميعاد
شوارع تبكي ليل ونهار
تفرتق لمة الساعات
و تقعد في لهيب النار
تقول يا إنتي في السكة
تجينا ال من ندي الأزهار |
تشيل الضحكة عيدية
وتفرح بيها ناس أحباب..
تجيك منشرحة بي شوفتك
وكل أحلامنا تبقى قراب
نمد ايدينا نوفيها..
يعود لينا الحنين..الغاب..
|
Post: #58
Title: Re: صدّقني مشتاق ليك..
Author: مهند الجيلي بادي
Date: 10-28-2009, 08:26 PM
Parent: #54
Quote: وشوق الرويحات القراب بتملكنك
دون الخلوق
عزلن هواك
بارن خطيواتك براك
زمن الرواح والاغتراب
واتجملنبك
ساون رميشاتن صبرا جميل متحمدك
للليلي سبحان شوقي ليك بحمدك
حددن أعين تكوسك وتحرسك
رتبن حرف الكلام وصوتك غناك سوّنو توب واتلفحنو
مرقن غنا
صدحن ليالي
وماأصبح صباحن لا اعلن الليل الفوات
إلا وكت زارك يانديد الروح سكات |
وبفرحبهن
وكتين خطيواتن
يطرقن قلب الطريق
ويَقَرِّبَن طولو
ورفاقتن
غنواتي بي إيقاع وقوعن
في الأرض
أطرب
وينفرن عرض ..
وين السكات في هادا
يا بت يا كلام
ما بتدخلي..
آآآآآآي انتي بتدخلي
وتجتاحنا فكرة صرختك
نسرح
ونرجع تاني
نصرخ
نفرح
واتلم في حلقي الغنا
اقعد ادندن اشتهاي
وتتراءى شرفاتك
وأقيف
انشر قصاد القمرة
شان ما تطلي من جواتا ضي
أعملك إيه
أنا ما زمان
زمن الحرازة وإلفتك
أقصد :
زمن الحرازة وقهوتك
ساندين ضهورنا علي بعض
مش قلت ليك
إنك كما الروح تدخلي
ياخ أدخلي
لو راضية
لو ما راضية
خسمتك تجي
باراكي شوقي لحد هناك
يا زولة حلفتك
تدخلي الإلفة
بعدك لا تقفلي الباب
وتاكيهو الحنين
بنسرب تالك صفاي
وتشيلي من شوفي الرهاب
بتوضحيني قدر بصيرتك
تفتحك
وأنا بشرحك
غيمات حنان
وألتفحك
وأمرق علي الجيران
بنفحك
وأفرحك
أفخر بطاقات إلفتك
والخامة إنتي
وناعمة حجرات عرفتك
لو شفتي كيف
انبهروا بيك الناس هنا
وانتي وبعادك
واشتهاي
لافحاني نيران غربتك
وبتلفحك
واتوشحك
وتتسربيني
وأفرحك
أشرحك
ما بشرحك
ما فيني روح
شان ما أصنقر
وأحكي عنك
لي متين يكمل حجاي
مرفق :
إلفة ونيل
وشوية من كتاحة
(سودان ظريف)
بــــادي
|
Post: #60
Title: Re: صدّقني مشتاق ليك..
Author: تماضر الخنساء حمزه
Date: 11-13-2009, 10:12 AM
Parent: #58
وتشيلني فكرة رجعتك
وأقدل علي مهل الخطاوي
الكان ترافق خطوتك..
علي مهل الحكاوي
الكان بتكتب سكتك..
مرّات بتسرع شان يفوت بيها الدرب
وتستحيل مسافة رجعتي..
ماكان الفراق في بالي خالق فكرتي
لا كان البعاد ليك بيمنع أوبتي
وزمن المسافة وقهوتي
تاكلين همومنا علي بعض
أنا كُت بمانع فرقتي
وانت شايلاك الأماني..
تجمعنا في الآخر..سوا
|
|