Post: #1 Title: قال :(بت من دمِّي).. Author: تماضر الخنساء حمزه Date: 04-18-2008, 08:36 PM Parent: #0
الفصول.. كل الفصول..أدّت مجيك اسم الخريف توّجت جيتك..مطر.. من وين مرقتَ؟؟ من ياتو..حِتّة ..بتشبهك؟؟ جيّتك....نزول..من السما لون..الشدر.. وعد..السحاب..طعم الفتر.. جيتك مواقيت الهطول في ذات مواقيت..الخطر.
Post: #2 Title: Re: قال :(بت من دمِّي).. Author: محمد البشرى الخضر Date: 04-18-2008, 09:31 PM Parent: #1
Quote: الفصول.. كل الفصول..أدّت مجيك اسم الخريف توّجت جيتك..مطر.. من وين مرقتَ؟؟ من ياتو..حِتّة ..بتشبهك؟؟ جيّتك....نزول..من السما لون..الشدر.. وعد..السحاب..طعم الفتر.. جيتك مواقيت الهطول في ذات مواقيت..الخطر.
يا سلام ... لا تعليق.... مبالغة...
مش برضو الغاوون بعملوا كدة ؟
Post: #4 Title: Re: قال :(بت من دمِّي).. Author: تماضر الخنساء حمزه Date: 04-18-2008, 09:35 PM Parent: #2
البشرى ماشي كويس فاضل ليك بس تخت الوردة
Post: #3 Title: Re: قال :(بت من دمِّي).. Author: GamarBoBa Date: 04-18-2008, 09:33 PM Parent: #1
Quote: الفصول.. كل الفصول..أدّت مجيك اسم الخريف توّجت جيتك..مطر.. من وين مرقتَ؟؟ من ياتو..حِتّة ..بتشبهك؟؟ جيّتك....نزول..من السما لون..الشدر.. وعد..السحاب..طعم الفتر.. جيتك مواقيت الهطول في ذات مواقيت..الخطر.
مساكم نديان تماضر هل تصدقي انو ده كان تفاصيل الخرطوم اليوم بس ياها ذاتا
Post: #5 Title: Re: قال :(بت من دمِّي).. Author: تماضر الخنساء حمزه Date: 04-18-2008, 09:37 PM Parent: #3
قمر..قالوا كان في رعدفي الأوّل بس جيت متأخرة أنا لقيت المطرة شغالة
Post: #6 Title: Re: قال :(بت من دمِّي).. Author: GamarBoBa Date: 04-18-2008, 09:40 PM Parent: #3
Quote: مش برضو الغاوون بعملوا كدة ؟
تعرف يا ود البشري بفرق دقيقتين طلعنا غاوون لكن بالجد الخرطوم اليوم مناخها كان كدة
Quote: وعد..السحاب..طعم الفتر
وقطعة كهربا وسخانة
Post: #100 Title: Re: قال :(بت من دمِّي).. Author: تماضر الخنساء حمزه Date: 04-22-2008, 06:30 AM Parent: #6
قمر.. ياها دي مواعيد الخطر ذاتا
Post: #7 Title: Re: قال :(بت من دمِّي).. Author: emad altaib Date: 04-18-2008, 10:09 PM Parent: #1
ــــــ
Quote: الفصول.. كل الفصول..أدّت مجيك اسم الخريف توّجت جيتك..مطر.. من وين مرقتَ؟؟ من ياتو..حِتّة ..بتشبهك؟؟ جيّتك....نزول..من السما لون..الشدر.. وعد..السحاب..طعم الفتر.. جيتك مواقيت الهطول في ذات مواقيت..الخطر
Post: #17 Title: Re: قال :(بت من دمِّي).. Author: تماضر الخنساء حمزه Date: 04-19-2008, 10:32 PM Parent: #7
عماد..
حافية؟؟
أنا لابسة المطرة وماشية وتحتي..بيمشي..سحاب.. قدر الحزن الماطِر.. بشهق..وعدو..رهاب وكلما السكّة..تغيّم.. دربي..تعاكسو..صِعاب.. بفرِد شمس الأمل الفيني.. برجع لينا الفرح..الغاب.
Post: #8 Title: Re: قال :(بت من دمِّي).. Author: Rasha Hatim Date: 04-18-2008, 11:37 PM Parent: #1
Quote: الفصول.. كل الفصول..أدّت مجيك اسم الخريف توّجت جيتك..مطر.. من وين مرقتَ؟؟ من ياتو..حِتّة ..بتشبهك؟؟ جيّتك....نزول..من السما لون..الشدر.. وعد..السحاب..طعم الفتر.. جيتك مواقيت الهطول في ذات مواقيت..الخطر.
لو كنت ليك بس السحاب.. تقدر تعيش جواي مطر؟؟ ترويني في كل الفصول.. وتحمل معاي طول السفر؟؟ ما برضو في الاخر تصب.. ويكون هطولك هو المفر..
ما اظن في اخطر من كدا
Post: #18 Title: Re: قال :(بت من دمِّي).. Author: تماضر الخنساء حمزه Date: 04-19-2008, 10:38 PM Parent: #8
Quote: لو كنت ليك بس السحاب.. تقدر تعيش جواي مطر؟؟ ترويني في كل الفصول.. وتحمل معاي طول السفر؟؟ ما برضو في الاخر تصب.. ويكون هطولك هو المفر..
ما اظن في اخطر من كدا
يابت..من ..دمّو..
لو كنت ليو بس..السحاب.. أو حتّى أسباب..المطر.. يابت حليوة..و..سوسنة كان عذرو في باقي الفصول.. بيها بكتمل ..العمر.. أبقي أديهو المُحال.. وشيلي أطراف السنة.. مُرّي في كل الفصول.. بي وين حيلقاهو ..المفر؟؟
_ التعديل عشان الغمزة مهمة جدا
Post: #9 Title: Re: قال :(بت من دمِّي).. Author: انعام حيمورة Date: 04-19-2008, 00:39 AM Parent: #1
Quote: الفصول.. كل الفصول..أدّت مجيك اسم الخريف توّجت جيتك..مطر.. من وين مرقتَ؟؟ من ياتو..حِتّة ..بتشبهك؟؟ جيّتك....نزول..من السما لون..الشدر.. وعد..السحاب..طعم الفتر.. جيتك مواقيت الهطول في ذات مواقيت..الخطر.
دائما بقول لو في مصطفى سيد احمد كان غنى كل اغنياتك لانها بتشبهو ..
احساس بس !!
Post: #19 Title: Re: قال :(بت من دمِّي).. Author: تماضر الخنساء حمزه Date: 04-19-2008, 10:41 PM Parent: #9
نعومة.. أنا بريدك جد
_ أوعك تقولي ليّ خلّي البينا صداقة
Post: #10 Title: Re: قال :(بت من دمِّي).. Author: محمد أبوعاقلة الطريفي Date: 04-19-2008, 01:57 AM Parent: #1
في أخطر من كدا!!!
كيف الهطول ... لمن تطول سكة سفر... وين المساحات التّبَخر!!! دي السحابات البتشخر... صوت نشاف!!! وبروق بتشلع فوقي لو نتحت عروق ... ضو يصور في معاناتك عشيّة ... وما بحوق!!! سحابة ترحل ... وسحابة توحل ... وسحابة ماتت في نشوق ... الروح تعاين تاني فوق ... خدشت معاها طرف سحابة عقاب رذاذ ... الروح ملاذ ... جواها عرقين ينتحو !!! غابة حراز !!! حردانه جد !!! وزذاذا جاز !!!
وميتينا طالع !!!
Post: #11 Title: Re: قال :(بت من دمِّي).. Author: عبدالله وداعه الامين Date: 04-19-2008, 02:02 AM Parent: #10
اتلموا المساخ ييييييييييييييييت؟
وحتى انت ياود ابوعاقلة وماعاقل؟
قهرتكم
وبث
Post: #12 Title: Re: قال :(بت من دمِّي).. Author: محمد أبوعاقلة الطريفي Date: 04-19-2008, 02:12 AM Parent: #11
. . . قهرتك بالذي سواكَ عبداً مشتاق ليهو!!!
Post: #22 Title: Re: قال :(بت من دمِّي).. Author: تماضر الخنساء حمزه Date: 04-19-2008, 11:04 PM Parent: #11
Quote: اتلموا المساخ ييييييييييييييييت؟
وحتى انت ياود ابوعاقلة وماعاقل؟
قهرتكم
وبث
سكت الكلام لامطيرة ولاغمام وكت..كبير القوم ..وصل
Post: #15 Title: Re: قال :(بت من دمِّي).. Author: Rasha Hatim Date: 04-19-2008, 01:57 PM Parent: #10
واخطر من كدا....
جوف السحاب.. عطش المطر.. كيفن يبل ريقو النشف.. والسكة ما سكة سفر.. كتاحة فرقت الغيوم.. والضو هناك شيتن كُتُر.. حرفين شقا.. وشقة أرض.. ما ببلع النيل الحُفر.. غابة قمح.. والحبة زي شكل القمر.. مرات مزيف بالكضب.. مرات سمح.. والروح تعاين في السما.. وقليبا عاشق للبحر..
Post: #16 Title: Re: قال :(بت من دمِّي).. Author: محمد أبوعاقلة الطريفي Date: 04-19-2008, 09:57 PM Parent: #15
اخطر من كدا كيف؟
شوف يا بحر ... ما تضاري لي مطرك وراك ... ما تملا لي حُفـــــرك بـراك ... دي الغيمـــــة حِردت مرتين ... والموجـــــة ماشه بلا حِراك ... كتــــــاحه ساقتني ومشيت ... ومعاها كان الهـــــم طِراك ... وقعدت شــــــــــدّاني الوتر ... في حتة كان الشـــوق بحر ... خربشت ما خليت وتر ... والغيمة رقراقة وتفووووت !!! وين يا شدر؟ ... وين رامي ضُلّك !!! وهل دفنتو بلا اثر !!! وللا الغيوم السافرت علمت ضلي السفر ... زي الطيور الهاجرت مكتوب على جناحا السفر ... والهم ليئم ... ما بدد إحساسو القمر ...
.
Post: #24 Title: Re: قال :(بت من دمِّي).. Author: Rasha Hatim Date: 04-19-2008, 11:22 PM Parent: #16
أخطر من كدا دا..
كيف يا بحر.. الموجة تهدر فيك هدر.. ولسة راجيهو المطر؟ والمطرة صبت مرتين.. وانت غاتس في الحفر.. قطرة صفا.. تتماص وسط طمياً جفا.. وين يا شتا.. خاتي البكوس فيك الدفا.. كتاحة خاتية ومجحفة.. راجياها أرضاً عز هجير.. وغبارا مابي يلطفا.. ااااه يا هبوب.. حبة مطر.. شان نغسل الهم اللئيم.. ونختصرو مشوار السفر.. لو فد شبر.. بتكون طيورنا اتعلمت.. تحرس شليل تحت القمر..
Post: #27 Title: Re: قال :(بت من دمِّي).. Author: محمد أبوعاقلة الطريفي Date: 04-20-2008, 11:48 AM Parent: #24
يا حليلو راح ... قبل ما يطلع صباح ... وقبل صوت الديك يبادر بالصياح ... شليلا راح !!! وشليلي راح !!! الكلام ما كان مُتاح ... ولسه ما أصبح مُتاح ... إلا كود الرد مُتاح ... وبرضو كود الصورة واحة ... وابتساماتك مُتاحة ... والمغطغط عندي فاح ... شوق واجتياح ... بضع ارتياح !!!
لا تندمي ... يا (بت من دُمَى) ... (غمزة فترة طوييييييييلة)
دا أخطر من داك ...
Post: #30 Title: Re: قال :(بت من دمِّي).. Author: Rasha Hatim Date: 04-20-2008, 01:08 PM Parent: #27
سويت شخيت.. يوم جيت لقيتا.. كمبليتا.. شلت وش البسمة ديك.. صريتا في شُراب صبر.. وهناك رميتا.. وينو ميسك يا بحر؟ شن بخلي القيفة واحة.. ومين يكوس جواكَ بر؟؟ وبرضو كتاحة بتمر.. زي غيمة سايقا معاها حر.. ما بتنقدر.. نرجاكَ في ضل الشدر.. والشوق مطر.. والغمزة ما بتنهي السفر.. نُقاع وبرضو ملان عكر.. والدم ملاااااااان حكمة وعِبَر.. وانت حُر..
دا ضغط كهربائي عالي...
Post: #33 Title: Re: قال :(بت من دمِّي).. Author: تماضر الخنساء حمزه Date: 04-20-2008, 02:43 PM Parent: #30
Quote: دا أخطر من داك ...
Quote: دا ضغط كهربائي عالي...
ختي الشخيت فوق لي شخيتو أقيفوا على حدّ الصبر في مشاوير..التريدو.. جاني حفيااان..الفَتَر مَس من ..الزول ..البريدك بقّ..اشتياقك..وانفجر دنيا مامضمونة أصلو خطواتا وحلانة فــ خَدَر ماك عارف إت مطوِّل؟؟ لا مواعيد..السفر أوعى تضمن فيها عيشتك أوعى من ساعة القَدَر مرة تضحك ليك وترقص ومرّة تديك..الضهر خلِّي زادك فيها قلبك بيهو عمران..الذِكِر وشيلا مصلايتك ..وقنِّب السبحة بين ايديك..جُر ماترجى لي آخر زمانك مين بيضمنّا العمر؟
_ في ثياب الواعظين وكده
Post: #35 Title: Re: قال :(بت من دمِّي).. Author: Rasha Hatim Date: 04-20-2008, 04:20 PM Parent: #33
Quote: في ثياب الواعظين وكده
كِرِج يا فار بتريد ماما والا بابا؟؟؟
طمطم
انا بريدك ياااااااخ عدييييييل كدا
واوعى تقولي لي مرطبطة
Post: #43 Title: Re: قال :(بت من دمِّي).. Author: تماضر الخنساء حمزه Date: 04-20-2008, 06:24 PM Parent: #35
Quote: طمطم
انا بريدك ياااااااخ عدييييييل كدا
واوعى تقولي لي مرطبطة
جيبيو لا جيبيو عليك الله ماتجيبيو*
* الهوا
Post: #41 Title: Re: قال :(بت من دمِّي).. Author: محمد أبوعاقلة الطريفي Date: 04-20-2008, 06:21 PM Parent: #30
ودا ضغط جوى منتفض جدن ...
وهل شخيتك زي شخيتي ... ولونو أحمر؟ ... ولا لون الشوف رمادي ... ورق جرايدك لونو أصفر ... الهواجس فيني تكبر ... وكلو ما نلوك الصّبُر ... عندي زاد للغربة وأكتر ... وميسي مرهون للسفر ... في أي حته الميس مَقدّر ... مرة ميس حسب الظروف ... ومرة ميسي دوايرو تكبر ... والبخش ... هوّ البشوف ... القليب اللسه أخضر ... القليب في صيفو أمطر ... وغايتو ظالمنا الغياب ... الشوفه والليل والضباب ... والخيال باللهفة طفّر ... ساق معاهو الانفعال ... الهايجه حاجاتو وبدفّر ... ... معقـــول تكــــون الكلمة كتّـــاحه وهوا ... وللا الكـــــــلام جـــــاب لي هـــــــــوا !!! دي الكلمة وكت الليل يخش راحة ودوا ... وهــــروب مرتّب لو يداهـــــمني النوى !!!
خشيت علي !!!
Post: #59 Title: Re: قال :(بت من دمِّي).. Author: Rasha Hatim Date: 04-21-2008, 07:51 AM Parent: #41
الكلمة قمرة مدورة.. تمرق تحوم.. رغم الضلام هي منورة.. ما بنلوم ياخي الغيوم.. لمن شخيتا يسوِرا.. وشن بخلي شخيتي احمر؟؟ لما قلبك يبقى اخضر.. ببقى لون الشوف شفيف.. ويبقى ميسك هو الخريف.. شدّي حيلك يا مطيرة.. لسة قدامك سفر.. اوعي من درب السراب.. والضباب الفي السحاب.. والخيال الحلمو غاب.. سوي ليك في الصحرا واحة.. والشخيت اديو مساحة.. وبصراحة.. الهروب لو ببقى راحة.. شوفي ليك صفقة شجر.. ولما منك يصب مطر.. اتدسي فيها من الفتر.. يمكن نداك يديكي حل.. او تمر بهناك غيمة.. ترمي نسمة شوق حنينة.. وليك تصل..
دا شتات خالي محطات بعد كدا
Post: #73 Title: Re: قال :(بت من دمِّي).. Author: تماضر الخنساء حمزه Date: 04-21-2008, 03:32 PM Parent: #59
Quote: الهروب لو ببقى راحة.. شوفي ليك صفقة شجر..
شوف بالله كيف الدنيا ماشة علينا عكسي دندونة قالت ماف هروب وأسي فاتت ..وشايلة..شمسي.. بالله ماتسيبينا ..ليل.. وانت في يدّك ..صباحنا.. اوعي لاتفارقي الدروب الفيها ..بيك..ازداد..سماحنا.. يازولة من نور الأمل.. لابسنو احنا عديييل وشاحنا
Post: #74 Title: Re: قال :(بت من دمِّي).. Author: Rasha Hatim Date: 04-21-2008, 03:59 PM
Quote: شوف بالله كيف الدنيا ماشة علينا عكسي دندونة قالت ماف هروب وأسي فاتت ..وشايلة..شمسي.. بالله ماتسيبينا ..ليل.. وانت في يدّك ..صباحنا.. اوعي لاتفارقي الدروب الفيها ..بيك..ازداد..سماحنا.. يازولة من نور الأمل.. لابسنو احنا عديييل وشاحنا
الدنيا لو مربوطة قيد ليكي بتكسر قيودا وانتي حرفك بس يقودا يا بنية معجونة بلبن واحنا التمر نتبل فيك تهش مسام الروح معاك ونواتنا زااااااتا بتشتهيك كيفن افوتم بس عينيك وانتي الجمال خلقوهو ليك والدروب الليكي عاشقة بتبرى يا طمطم مشيك..
Post: #76 Title: Re: قال :(بت من دمِّي).. Author: تماضر الخنساء حمزه Date: 04-21-2008, 04:17 PM Parent: #74
Quote: الدنيا لو مربوطة قيد ليكي بتكسر قيودا وانتي حرفك بس يقودا يا بنية معجونة بلبن واحنا التمر نتبل فيك تهش مسام الروح معاك ونواتنا زااااااتا بتشتهيك كيفن افوتم بس عينيك وانتي الجمال خلقوهو ليك والدروب الليكي عاشقة بتبرى يا طمطم مشيك..
مجنونة يابنوتة انتي كيفن بتمسكي كل حنيني تختيهو في أطراف عيوني وتنزل الدمعات تسابق كل مافات من سنيني
أحيييي عليك.. بتقريني قصة.. وبعضي كاتباهو بايديك.. بحس معاك في الروح حنين.. وبشوف قليبي يشابي ليك.. لو من عيني بس نزلت دميعة.. تكون اكيد من شوقي ليك.. كيفن تكون البينا صحبة.. وروحنا واااااحدة وحات عينيك..
بريدك جد يا تماضر
Post: #90 Title: Re: قال :(بت من دمِّي).. Author: تماضر الخنساء حمزه Date: 04-21-2008, 07:54 PM Parent: #83
Quote: بريدك جد يا تماضر
غايتو الهوا..جايّ..جاي
يابت يارشا.. شوفي كم ريدك إليّ.. وأضيفي ليو زيو..وزيادة شويتين وجيبيهو في الميزان ..يمين.. قالوا اليمين..مرّات..بتقِّل شيلو ليك..منّو..وفيو..كمين..حنين. وفي الشمال هناك..بخت ..احساسي بيك.. معليش يارشا.. لو طار هواك برضك إليّ..عشان خفييييف لو قارنتو بي كفّة..هواي.. وريدي المعاي..طبعا ..إليك.. الساعة ديك حتمشي وييين؟
Post: #118 Title: Re: قال :(بت من دمِّي).. Author: Rasha Hatim Date: 04-23-2008, 09:11 AM Parent: #90
Quote: معليش يارشا.. لو طار هواك برضك إليّ..عشان خفييييف لو قارنتو بي كفّة..هواي.. وريدي المعاي..طبعا ..إليك.. الساعة ديك حتمشي وييين؟
الساعة ديك.. حامرق امِش.. وفي الحقيقة حاكون بفتش.. عن مديدة.. حلبة كانت او دخن.. تمر معجون بسمن.. او حتى مخبازة بلبن.. او فطير.. حاجة بس تعمل وزن.. تفتكري تاني هواي بطير؟؟
Post: #119 Title: Re: قال :(بت من دمِّي).. Author: تماضر الخنساء حمزه Date: 04-23-2008, 09:31 AM Parent: #118
القصّة ماقصة فطير لاحِلبة لاشوربة سمن القصة انو هواك..خميييييير طوّالي زايد ماشي فووووق عواستو سوّت ليّ..محن كلما أشوفك..برمي..طَرَقة.. أقول..نَقَص.. ألقاهو فاير في العجن باختصار يازولة هووي خربانة من كل الجهات لو زدتي كم كيلو..الوزِن برضك بطير..الريد خطيييير خميرة منقوعة فــ لبن
_ رووووووووب وفي بعض الأحايين:جبنة.
Post: #85 Title: Re: قال :(بت من دمِّي).. Author: محمد أبوعاقلة الطريفي Date: 04-21-2008, 06:39 PM Parent: #59
Quote: دا شتات خالي محطات بعد كدا
هل كلامك صار مخمّر ... أو حروفك فيها روب ... أو حاجة من تلك البقولو عليها اووووووووب !!! اوووب عليك ما اووب علي !!!! وما لم تقولي الروب واوووب لا شتات يمرقنا منك ... لا محطات تكشحك !!! لا كريعات تمرقك !!! وخلي بالك ... خالي ظنّك !!! لأني عارف الشيل تقيل ... واللي حاصل ... كلو منّك
Post: #91 Title: Re: قال :(بت من دمِّي).. Author: Rasha Hatim Date: 04-21-2008, 08:02 PM Parent: #85
Quote: هل كلامك صار مخمّر ... أو حروفك فيها روب ... أو حاجة من تلك البقولو عليها اووووووووب !!! اوووب عليك ما اووب علي !!!! وما لم تقولي الروب واوووب لا شتات يمرقنا منك ... لا محطات تكشحك !!! لا كريعات تمرقك !!! وخلي بالك ... خالي ظنّك !!! لأني عارف الشيل تقيل ... واللي حاصل ... كلو منّك
حي وووووب ما بحلو زول.. لما تبقى الخطوة تايهة.. والصعود الفيك نزول.. يبقى روووبك هو الحليب.. واللي حاصل داك بزول.. وكلو منك يا ضباب.. ما بتسمع لينا قول.. كان زمان فجينا غيمتك.. ودفقت امطارك سيول.. وخالي ظنك وخلي بالك.. في خريفك والهطول.. وابقى مارق من سراب الروح وخش.. زي شمس جوة الفصول..
Post: #92 Title: Re: قال :(بت من دمِّي).. Author: محمد أبوعاقلة الطريفي Date: 04-21-2008, 10:12 PM Parent: #91
Quote: حي وووووب ما بحلو زول.. لما تبقى الخطوة تايهة.. والصعود الفيك نزول.. يبقى روووبك هو الحليب.. واللي حاصل داك بزول.. وكلو منك يا ضباب.. ما بتسمع لينا قول.. كان زمان فجينا غيمتك.. ودفقت امطارك سيول.. وخالي ظنك وخلي بالك.. في خريفك والهطول.. وابقى مارق من سراب الروح وخش.. زي شمس جوة الفصول..
قبّال أخش ... لازم آخد من الكتاحه دُش !!! (وهل هناك مخرج طوارئ)... ومن وين أخش ...؟ أقدر أقول ... (من بابِ أولى) وللا عندك ألف باب ودرب دخول ... باب تخش منو المسافة ... وباب يقيف قدامو صَبرَك ... وباب تضيّع فيهو روحك وباقي عمرك ... وباب متاكى ... (خلي باب الريد متاكى) لو كِمِل من حلقي قول ... وهل الحكاية مقننة ... إخطار ... وموعد للوصول ... ما عندي حاجة مسمية ... لا مواعيد ابدا بيها ... لا شوارع تنتهيك ... ولا فصول ... وبس !!! خوفي لو فجيتي غيمتي !!! تبقي منكوبة سيول !!!
دا من العيار التقيل
Post: #102 Title: Re: قال :(بت من دمِّي).. Author: Rasha Hatim Date: 04-22-2008, 07:27 AM Parent: #92
Quote: قبّال أخش ... لازم آخد من الكتاحه دُش !!! (وهل هناك مخرج طوارئ)... ومن وين أخش ...؟ أقدر أقول ... (من بابِ أولى) وللا عندك ألف باب ودرب دخول ... باب تخش منو المسافة ... وباب يقيف قدامو صَبرَك ... وباب تضيّع فيهو روحك وباقي عمرك ... وباب متاكى ... (خلي باب الريد متاكى) لو كِمِل من حلقي قول ... وهل الحكاية مقننة ... إخطار ... وموعد للوصول ... ما عندي حاجة مسمية ... لا مواعيد ابدا بيها ... لا شوارع تنتهيك ... ولا فصول ... وبس !!! خوفي لو فجيتي غيمتي !!! تبقي منكوبة سيول !!!
خلي دشك جوة بحرك.. بكرة تغرق جوة زول.. وكل دروب الدش طواريء.. وكل مواعيدك فصول.. كان لقيت الباب متاكى.. ابقى باشر بالدخول.. وحتى جوة هناك مسافة.. وباقي روح وصبر ملول.. والشوارع دون بداية.. وفي النهاية عمر بزول.. كان غيومك بينا فجت.. تبقى منكوبة السيول..
دا جبخانة
Post: #108 Title: Re: قال :(بت من دمِّي).. Author: محمد أبوعاقلة الطريفي Date: 04-22-2008, 12:56 PM Parent: #102
Quote: خلي دشك جوة بحرك.. بكرة تغرق جوة زول.. وكل دروب الدش طواريء.. وكل مواعيدك فصول.. كان لقيت الباب متاكى.. ابقى باشر بالدخول.. وحتى جوة هناك مسافة.. وباقي روح وصبر ملول.. والشوارع دون بداية.. وفي النهاية عمر بزول.. كان غيومك بينا فجت.. تبقى منكوبة السيول..
بس !!! لا !!! شنو !!! آآآآآخ !!! لو غرقت ... جوه بحرك ... يعني يبقى كتلت دُشي ... ياخ مايموت ... وانشاءالله في ستين داهية يمشي يوم بالكتير ... ينسى فيها الحسرة وشي يا ريتني أغرق جوه زول ... وهو زاتو دواخلو نعشي ... وأحلى حاجة تلاقي زول ... يبقى فيك ممزوج ومحشي ...
دي جبخانة وكايسه خانة
Post: #109 Title: Re: قال :(بت من دمِّي).. Author: Rasha Hatim Date: 04-22-2008, 02:20 PM Parent: #108
Quote: بس !!! لا !!! شنو !!! آآآآآخ !!! لو غرقت ... جوه بحرك ... يعني يبقى كتلت دُشي ... ياخ مايموت ... وانشاءالله في ستين داهية يمشي يوم بالكتير ... ينسى فيها الحسرة وشي يا ريتني أغرق جوه زول ... وهو زاتو دواخلو نعشي ... وأحلى حاجة تلاقي زول ... يبقى فيك ممزوج ومحشي ...
وأشنى حاجة.. لما ليك الخطوة تمشي.. وتاني ترجع دون وصول.. وكل ما تقرب سحابة.. وننتظر منك هطول.. تاني يتجمع سرابك.. والقليب يغشاو ذبول.. واصلو بحرك ماهو امن.. وخوفنا بكرة يفيض سيول.. وياما منك قلنا نمرق.. بس لقينا السكة دربك.. والمروق الفيك دخول..
Post: #110 Title: Re: قال :(بت من دمِّي).. Author: محمد أبوعاقلة الطريفي Date: 04-22-2008, 06:05 PM Parent: #109
بى ياتو قانون انتي سايقه ؟ بالقليب الفي يسارك ... او دريكسونك يمين ... ..... الوصول ما بعني في الواقع دخول ... والدخول في حد زاتو عمُر يطول ... والهطول ببداها جيتو بعد فصول ... والفصول جواها نلقى العام يصول ... احداث بتفرض نفسها ... وانفاس بتكتم حسها ... يا ريت تقول ... ..... انتي ما عارفه التمني ؟ مشدودة اعصاب التمني !!! اللي شائل حزنو حائم !!! وصوتو وسط الناس يغني ... التشوفي البسمة فيهو ... جنن اصرارو التجني ... والتمني الفي قلوبنا ... يا ريت إجينا بعد تأني ... او قبلما تمغرب عشيّة ...
Post: #117 Title: Re: قال :(بت من دمِّي).. Author: Rasha Hatim Date: 04-23-2008, 09:02 AM Parent: #110
Quote: انتي ما عارفه التمني ؟ مشدودة اعصاب التمني !!! اللي شائل حزنو حائم !!! وصوتو وسط الناس يغني ...
وانت ما عارف الخيال؟ لما حلمك يبقى صحوك.. ويبقى واقعك هو المحال؟ لما تبدا من النهاية.. ولما تنساهو السؤال؟ وهو السؤال كان عن شنو؟؟ وهل الجواب ممكن يُقال؟ وهل القليب بفرق كتير.. لو كان يمين او كان شمال؟ وشنو اللي خلى فصولنا اربع.. ولفصل احلامنا شال؟؟ وليه نحرس الواقع الغلط.. واحنا في خيالنا الكمال؟ فارجع بصر.. واقلب شناة الكون جمال..
Post: #122 Title: Re: قال :(بت من دمِّي).. Author: محمد أبوعاقلة الطريفي Date: 04-25-2008, 00:57 AM Parent: #117
Quote: وهو السؤال كان عن شنو؟؟
السؤال كان عن سواقتك... عن مطباتك شوارعك ... المحطة الما بتنوم... المحطة الرافعه جيدا... ناس حوالينا بتحوم... مرة تبعد منو جدا... ومرة تبدو على التخوم... وبرضو تمشي بلا توقف... جد شتات السرعة لوم... ياما ضيع ناس كتيرة.... الدنيا مابتعرف تدوم... وحقو نرجع ليهو راسنا... ونستعين بالما بنوم...
وابقي جذوة شوق تولع... شمعة سهرابة بتدمع... يصحى صوت الذكريات... ينبت الحزن المروّع.... جدد خلايا الاه وفات... خلاني قاعد وكنت وين... عيني مسمرة في السقف... الحيطة ما قدرت تقيف... فتحت شبابيك النزيف... وخيالي شبه المنحرف... رافع ضجيج صوتو وبهز فيني الحرف... ميل على وجعي وفتح سيرة الجرح ... تاااااني...
كان دخولك باليمين... واللقمة دايما باليمين... وكتابتك الحلوة باليد اليمين... والسلام تستقبلو اليد اليمين... واي واحد سامعو يحلف باليمين... والكأس مجراااااااها اليمين... والكلك بالماوس الحاضناهو يدك برضو فيهو كلك يمين... (فيها حاجة لو عملت دبل كلك فـ قلبك) ينفتح فتحن مبين!!! في كل هذي الجوطة ... لا يمكن وجود القلب في الناحية اليمين...
(خوازيق) البلد زارت ضفاف النيل !! النيل الفِضَى وما فاض !! افتش تاني في الانقاض !! اتفقد الزول البزور بيتي !!
Post: #125 Title: Re: قال :(بت من دمِّي).. Author: Rasha Hatim Date: 04-25-2008, 10:04 PM Parent: #122
Quote: لا يمكن وجود القلب في الناحية اليمين...
في الحالة دي.. نرسم خطوطنا على المدار.. وقلبنا للأعلى الشمال.. وتحت جنوب.. يعني الودار.. والبوصلة دايما تأشر للشمال.. ويمينا يعني شروق جديد.. وهناك غروب يعني المحال.. ما القصة في الاخر خيال.. واحنا انكسارات للوجود.. ضل للشمس.. لمن تغازل هي الرمال.. ومرات زوال.. لمن تغتيها الجبال.. ويمكن تلال..
ما القصة ما قصة علو.. والعالي ممكن نوصلو.. والاعلى زااتو بنقدرو.. ما اصلو صاروخ في الخيال.. وخيالنا خالي الجاذبية.. نقرة كليك بتدورو..
كلمني ياخي عن الحزن.. وعن الضجيج.. وعن النزيف.. ساعة الوجع.. وعن الجروح الما بتروح.. والروح معاها بتتوجع.. وعن الفزع.. وكتين يهدك ياخي سيل.. هل كنت تتوقع غرق.. وانت بتغازل وش قمر.. ضاميهو نيل؟؟
وكلمني تاني عن الحنين.. وعن الامان.. واحنا الزمان.. قايلنو بس حسبة سنين.. ونسينا ازمان الشقا.. والانخداع.. وعمرنا في الاخر حسابو.. سنين ضياع..
Post: #126 Title: Re: قال :(بت من دمِّي).. Author: محمد أبوعاقلة الطريفي Date: 04-28-2008, 06:10 PM Parent: #125
Quote: في الحالة دي.. نرسم خطوطنا على المدار..
نرسم خطوطنا على المدارات التولول ... خارج الزمن المسوّر بالضياع ... خارج حدود وهماً يناقش ظننا ... والظن مباري الإثم للكوش المجدعةفي نهاية حظنا ... والحظ ينقّد فيــنا ساعة غفلــة ... زي حاجة ما بتخصنا ... ورجعت ليك ... معقول يساورني الفضول !!!لى حاجة ما بتخصنا ؟ انا مالي نُص الليل شقي ... المدارات وين تتلقي ؟ما لم نسابق ضُلنا ... وضلي نُص الليل وهم ... اقعد أفليها (الرويح) الطالعة فيك ... إمكن أباريها وأجيك ... حانف الحظ وش مساختو ... الخطاوي إتلككت في نص مسافتو ... وداهم السكة المغيب ... الساعة كانت تاني يوم ... ساعة اللهفة البتاخدك كل يوم ... خليت وراي الخطوة زي ريحتك تغيب ... لمتين أقُص دربك عدم... لمتين أحاحيك يا نحيب !!! وما تقولي لي إنك براك ... الواقفة مقطوعة نصيب !!! انا زاتي مقطوع يانصيب !!!
الخطوة هدّاها الفتر !!! ومن غيرا ما ببقى السفر ... مع إنو ظني الكان معشعش ... يعزف على نفس الوتر .. .مقطع الشك والفضول ... وما قطع شكي اليقين !!! اليقين ما زال سَنِين ...
العالي ممكن نوصلو وتُم تُم يتم الصولة غصباً عن ... تختخه ... غَنّاي يشد عصب الحواس الما اترخى ... لمن يبالغ صـوتو في الوتـــر السّـِخى ... تدخل على روحك تحوم ... تطلع كما طلعت نجوم الدوخة ... في الوش الوجوم ... لجمّت صهيلي بى صمتك ... وفي صمتك غناي مهزوم ... رجعت أفتش الفطيتو ما لقيتو ... ولا فعل الندم مجزوم ... ما أدراكي ما طعم الحزن ... مُر ... أما عن الجروح الما بتروح ... إلا نبض الروح يروح ... ولو صديدك كان صديقك ... خلي جرح الروح يفوح ... بتبقى ليك الريحة عادي .. .والجروح يدميها بوح ... هل تصدقي إنو جوه الكلمة بوخ ... وحزن شديد .. .ما تشطحي !!! لو ساور الشك قول وقول !!! لو هزّ كتف الغيم هطول ... وكل يــــوم غَرّقني عـــوم ... وما فرضت الشـوق بحر في الحالة دي ... ماسكة في يـــدي الهموم ... وانتــل تباغِتني الـــسّموم ... في وشي تلفح ... الجروح بالحيل بتنتح ... وكل خيول الشوق تبالغ في صهيلا ... لافه طول الليل وتردح ... أسكني ...يسكت الود المدردح .. .تسكت الحدوة البتدي حوافر السفر الصهيل الكواريك البتصرخ ... الذكرى البتسرق نفسهاتتشابى جوه الروح وتنطح ... وا قساوة الذكري البتشطح ...
كان الصهيل من خيل أصيله ... واقفة في اللفة الأخيرة ... والحكمة في اللفة الأخيرة ...
Post: #128 Title: Re: قال :(بت من دمِّي).. Author: Rasha Hatim Date: 04-30-2008, 02:36 PM Parent: #126
Quote: كان الصهيل من خيل أصيله ... واقفة في اللفة الأخيرة ... والحكمة في اللفة الأخيرة ...
وشنو اللي ما كان يوم خيال؟؟ وشنو اللي ما كان يوم وهم؟؟ والفات كتير من عمر حلقة مفرغة والباقي كم؟؟ وكل المدارات والخطوط مرسومة في زمن الضياع يتلاقى خط اللقيا طول مع العرض خط الوداع والاستوا هو الانحناء
ساعة تداهمنا الهموم ويتهد كتف القوة شيل وحليل شليل منو البيقدر يفتشو والدنيا ليل والضو حبيس جوة الضلام والقمرة طافياها النجوم ومنو البيقدر في بحور الشك يعوم؟
وهل تصدق.. انو نصك.. البخصك.. ممكن يطلع هو البقصك والبرصك.. وهو اللي من دمك بمصك.. واحنا مصانا الشقا وعدم اللقا وعدم الصبر وجروحنا دييييك شيتن كُتُر..
ولسة بتكوس اليقين؟ وشنو اللي كان في يوم يقين؟ والقلب سبناو شمال وبقينا بنسوق باليمين والمحطات هي المطبات والكمين وكمّلنا في الشارع سنين
من غير نصل ومرات يبنشر لينا لستك والا كهربا تنفصل غايتو حتة دين فصل!! بتمو لو ترجع هناك او تتصل أو.. في اللفة الاخيرة يبين أصل..
Post: #25 Title: Re: قال :(بت من دمِّي).. Author: تماضر الخنساء حمزه Date: 04-19-2008, 11:32 PM Parent: #16
Quote: اخطر من كدا كيف؟
شوف يا بحر ... ما تضاري لي مطرك وراك ... ما تملا لي حُفـــــرك بـراك ... دي الغيمـــــة حِردت مرتين ... والموجـــــة ماشه بلا حِراك ... كتــــــاحه ساقتني ومشيت ... ومعاها كان الهـــــم طِراك ... وقعدت شــــــــــدّاني الوتر ... في حتة كان الشـــوق بحر ... خربشت ما خليت وتر ... والغيمة رقراقة وتفووووت !!! وين يا شدر؟ ... وين رامي ضُلّك !!! وهل دفنتو بلا اثر !!! وللا الغيوم السافرت علمت ضلي السفر ... زي الطيور الهاجرت مكتوب على جناحا السفر ... والهم ليئم ... ما بدد إحساسو القمر ..
Post: #23 Title: Re: قال :(بت من دمِّي).. Author: تماضر الخنساء حمزه Date: 04-19-2008, 11:18 PM Parent: #15
Quote: جوف السحاب.. عطش المطر.. كيفن يبل ريقو النشف.. والسكة ما سكة سفر.. كتاحة فرقت الغيوم.. والضو هناك شيتن كُتُر.. حرفين شقا.. وشقة أرض.. ما ببلع النيل الحُفر.. غابة قمح.. والحبة زي شكل القمر.. مرات مزيف بالكضب.. مرات سمح.. والروح تعاين في السما.. وقليبا عاشق للبحر..
جوف السحاب مليااان حزن ماالموية ماقدر الفرح لا قُدرة الأرض..المطر من وين تشيل هم السما؟؟ وكيفن دموع الناس تسيل الواطة هدَّاها..الفَتَر وريني بس كيفن نكون.. مالينا حب الناس..كُتُر.. وبرضو بيصيبنا الظلم.. من وين نجيب زاد السفر ادينا ماخلينا..شئ.. من وين نجيب حق الصبر؟؟
Post: #21 Title: Re: قال :(بت من دمِّي).. Author: تماضر الخنساء حمزه Date: 04-19-2008, 10:59 PM Parent: #10
Quote: في أخطر من كدا!!!
كيف الهطول ... لمن تطول سكة سفر... وين المساحات التّبَخر!!! دي السحابات البتشخر... صوت نشاف!!! وبروق بتشلع فوقي لو نتحت عروق ... ضو يصور في معاناتك عشيّة ... وما بحوق!!! سحابة ترحل ... وسحابة توحل ... وسحابة ماتت في نشوق ... الروح تعاين تاني فوق ... خدشت معاها طرف سحابة عقاب رذاذ ... الروح ملاذ ... جواها عرقين ينتحو !!! غابة حراز !!! حردانه جد !!! وزذاذا جاز !!!
وميتينا طالع !!!
تعال.. بوريك الهطول بي وين بِكون.. لامن تطول كل السكك.. ولمّا بيغيبوا الصِحاب أفرد الروح المسافرة بين مساحات التبخّر..وبين حكايات النشاف أبقى مارق للمحبّة.. هيّ..حتشيل السحاب من حكاويك القديمة..واشتهاءك..للي غاب هيّ حتجيب المطر.. من عوينات...الصِعاب.
بس أوعى لا تباري الهموم.. بديك عناوين السعادة.. أبقى أقرا..السكة..شوق أبقى واصل بس..قُصادا وأبقى تابع فيها..شارع.. أوعى تمرق..بالتقاطع.. أبقى..واصل..وانت واصل.. حتلقى..قِدامك إرادة سوقا من ايدينا برضك من حنينك..باقي..زادا هناااك..حتلقى المطرة نااازلة خلاس..وصلت ولا أوصفلك..زيادة؟؟
Post: #29 Title: Re: قال :(بت من دمِّي).. Author: محمد أبوعاقلة الطريفي Date: 04-20-2008, 12:19 PM Parent: #21
Quote: بس أوعى لا تباري الهموم.. بديك عناوين السعادة.. أبقى أقرا..السكة..شوق أبقى واصل بس..قُصادا وأبقى تابع فيها..شارع.. أوعى تمرق..بالتقاطع.. أبقى..واصل..وانت واصل.. حتلقى..قِدامك إرادة سوقا من ايدينا برضك من حنينك..باقي..زادا هناااك..حتلقى المطرة نااازلة خلاس..وصلت ولا أوصفلك..زيادة؟؟
البحر ما بيـابا الزّيادة ... لو فرضــنا الشوق بحر ... ضاربه موجاتو الخسائر ... وكلو يـــوم يزداد خــطر ... ما همّــك القلب الِحرق ؟!! أو ساقو عِِرق الشوق غِرِق !!! ما تظلمي الزول الفتر ... في قلبو فاتحة اللهفة شارع ... وكم ممر ... كان قليبي عليها جاري ... وكان قليبـــا علي حجـــر ... ما تظلمي الـــــزول الفتر ... لو سـرّع الزمــــن الرّتم ... وخطواتو محتارة مفر ... واقف على جرفي !!! خائف يكون حرفي !!! دقّ في الحاسة الوتر ودقــاتو ناقوس الخطر ... واليم غرييييييق !!! مشرور وزي قاطع الطريق ... الموج مخيف ... والموجة ضاربة الحافّة سيف ... هاوية وضياع ... الحل شنو؟ ...
Post: #36 Title: Re: قال :(بت من دمِّي).. Author: تماضر الخنساء حمزه Date: 04-20-2008, 04:27 PM Parent: #29
Quote: البحر ما بيـابا الزّيادة ... لو فرضــنا الشوق بحر ... ضاربه موجاتو الخسائر ... وكلو يـــوم يزداد خــطر ... ما همّــك القلب الِحرق ؟!! أو ساقو عِِرق الشوق غِرِق !!! ما تظلمي الزول الفتر ... في قلبو فاتحة اللهفة شارع ... وكم ممر ... كان قليبي عليها جاري ... وكان قليبـــا علي حجـــر ... ما تظلمي الـــــزول الفتر ... لو سـرّع الزمــــن الرّتم ... وخطواتو محتارة مفر ... واقف على جرفي !!! خائف يكون حرفي !!! دقّ في الحاسة الوتر ودقــاتو ناقوس الخطر ... واليم غرييييييق !!! مشرور وزي قاطع الطريق ... الموج مخيف ... والموجة ضاربة الحافّة سيف ... هاوية وضياع ... الحل شنو؟ ...
الحل..تجي.. وخلِّي افتراضاتك..وراك عن ..وجعة..الإسمو..(البحر) ماشكيتك للمطر يوم جاني..شايل..من غيابك..ليّ..خبر.. إنو صادف في ..مشيو.. نسمة من جيتك..دعاش جاني شايل سيرة من دربك رذاذ وأنا لسّه..قاصدني..الحراز.. موعودة..بي جيتك...خريف.. ثقتي..ضد..الاهتزاز.. رغم..إنّو..صوّر ..ليّ..حضورك.. إطارو..زاهي..ومنتعش انت..مشغول..بالفَراش.. شفت قلبو..بيرتعش.. لو كنت..بتخون..الخدار.. أمشي..لي..لونك..أمِش أصلو..ضُل..الإندهاش.. قالوا..رامياهو..الشمش.
مابظلم الزول الفتر.. أبقى..قارن..بين ..وقوفك..وبين..جريك.. بين ..انتظارك...هي..التجي.. وبين..خطاويك..ومشيك.. بين مخافتك..من حروفك.. وبين سماحك..في مشاعرك..للبجيك..
أبقى قارن..وانت جاي.. وأديني..من جيتك..حلول.
Post: #65 Title: Re: قال :(بت من دمِّي).. Author: محمد أبوعاقلة الطريفي Date: 04-21-2008, 12:08 PM Parent: #36
مالك عليها؟؟ مستورة من عين السماء إلا الشمس...معكوسة في صفحة وشيها.. مرّة يفرح بي مجيها..ومرّات أشوفو كمان..حزين.. عادي..جداً.. بعض الحجر..في قلبو موية.. وقلبك انت خريفو..وين كان مطيرتك برضو ..نزلت.. كان أنبتت كل الحجار هل كان بعريها الخدار؟؟
Quote: مالو لو صِحِتْ الشمس ... مُتحجّبة !!!
لو كل أمانيك في الدنيا جاتنا محقّقة.. كنت حأسأل عن مكان رضوان..هِنا!
Quote: دا حلم حقيقي ؟ وللا الحواس أتلبّكت ...
ده عالم..من حقيقة..ومن..خيال.. أحلامي..عقلك..جننا.
Quote: أمشي بي وشك تقع ...
أمشي بي قلبك..أمِش حدّ السموات العُلا أقبض الكون..بين ايديك.. دوس على الأحزان..تلقاها..نايمة..مَمَحّنة.
Quote: وبرضو آمِل ... بكره يتشرْ في خريفي ... ضل حراز ... والكلام القلتو ليكم عن رذاذ ... يبقي الرذاد آخر طِراز ... لا إتمسح ... ولا ريحتو جاز ...
إنو..تختم..بالأمل.. أداني احساس بي رويحتك.. حلووووة زي شوق الأهل.. ممتدّة..مابتعرف..أجل.. سعيدة بي هذي المطيرة.. الرذاذها..من روحك..نَهَل.
Post: #84 Title: Re: قال :(بت من دمِّي).. Author: محمد أبوعاقلة الطريفي Date: 04-21-2008, 06:15 PM Parent: #68
Quote: خلِّي احساسك..مُباشِر
ومن متين إحساسي كان ضغطة وريكورد ... أسألي الناس المشتتة في الكراسي وأي بورد ... لو قالو ليكي كتابتي شف ...و جوايا ما شبه الكيبورد ... أبقى ظالم ... ويبقى حس الناس سلالم ... حس يشيلك فوق غماماتو وبيرحل ... وزول يشيل حسك .... وظالم ... كلو ناقص ومرة مرة نحسو سالم ... وديمة مظلومة المعاني ... الطالعة من الروح تعاني ... والله في ...
Quote: أبدا من لحظة بتقصد.. ريدة وااضحة..وشوق..صرييح
الله يعلم ريدتي واضحة ... بس طبعي ... ما اعتمد المديح ... ولا الدلاليك البتضرب فوق رؤوس الناس وحيح ... ولو فرضنا أكون صريح ... ما جيت هنا ... وقعدت طول اليوم كسيح .... مافي احلى من المغطغط ... حتى لو قبة وضريح !!!
Post: #86 Title: Re: قال :(بت من دمِّي).. Author: تماضر الخنساء حمزه Date: 04-21-2008, 07:28 PM Parent: #84
أبوعاقلة.. في المبتدأ: الله في.
أمّا..بعد, مابسأل الناس ..لا بفتِّش بي وراك أصلو حِسّي بعرفو صادق..وقرايتي مابتغبى الهناك والقريتو عليك..سمممح..لابجامل لابحب شيل السلالم لي زول بيطلع بالمعاني.. ومابهم احساسو كيف. أصلو في الأوّل شدييييد بهمنّي الحِس الشفيف تهمني الروح التشكِّل ملمح القلب النضيف شفت كيف؟؟ مابقول أكيد تصادفني الحقيقة ولما ألاقي زول..حألقاهو بشبه حِسّي..بيو لكن..كمان..قلبي صااادق في المحبّة.. وماظنيتو طبعا..يهوى..ناساً مابتشالو..فيو.
في المُنتهى.. يسعدني جداً ألقاك متحكّر..هنا وهذا...مديح. عندي المديح جائز أكيد.. لمّا يطلع من فراغو..ويمشي للزول الصحيح.
_ الشوق وضوحو..أهم شئ.. المغتغت لو..سمح..ماببقى في الريد العفيف.
Post: #87 Title: Re: قال :(بت من دمِّي).. Author: هند محمد Date: 04-21-2008, 07:35 PM Parent: #86
مابسأل الناس ..لا بفتِّش بي وراك أصلو حِسّي بعرفو صادق..وقرايتي مابتغبى الهناك والقريتو عليك..سمممح..لابجامل لابحب شيل السلالم لي زول بيطلع بالمعاني.. ومابهم احساسو كيف. أصلو في الأوّل شدييييد بهمنّي الحِس الشفيف تهمني الروح التشكِّل ملمح القلب النضيف
------------------------------------------
كلمتك كتير استعدادك بدهشنى
مزيد من الابداع ياتماضر ويسلم احساسك الجميل
Post: #88 Title: Re: قال :(بت من دمِّي).. Author: تماضر الخنساء حمزه Date: 04-21-2008, 07:43 PM Parent: #87
هندوية آآي دقّ الباب بشدّة جريت ليهو مستعدّة وكده
تسلم ياجميل
Post: #13 Title: Re: قال :(بت من دمِّي).. Author: تماضر الخنساء حمزه Date: 04-19-2008, 11:05 AM Parent: #1
لمّا الدنيا تَقْصَر..من مساحات الفرح كل احتمالات الحزن.. في ...قطرة..ممكن تجتمع..
الما..مُحتمل..من وين بتمرق ؟؟ من ياتو مافي.. ومستحيل.. أبعد كتير من الخيال..
في متناول..الواطة.. وفجأة انت بترتفع.
Post: #14 Title: Re: قال :(بت من دمِّي).. Author: مهند الجيلي بادي Date: 04-19-2008, 11:30 AM Parent: #1
الخنساء تماضر أقول ليك شنو غير :
بت من دمِّي
الخريف البيتربص جفافك ما بيخدِّر ضل رويحتك لا بيواسي وقوفك إنتي قصاد نهارات السموم لا بيوقف عصف ظافرات الهموم بس مطيراتك بكفَّن ولسة بطفن إحتراقي وللغنيوات هن بوفَّن واشتياقي ودندناتن جد بصفَّن عاكرات الذكريات وكم جرينا علي رزازك أنا وشفع الحلم البتاوقك كل ما صبغ السماوات ضو هلالك ويا ظلالك لم ترمي تطفي رمض الإلفة فينا وتفتحك طاقة للدعوات وبعض الإبتهال هدهدة والدين بحاحو النوم يزور جفن الوليدات البشيلو الليل أنين النوم تعال سكِّت الجهال النوم تعال النوم تعال ياخ ما تجي يبَّس عويناتهم جفاك شتت رحيق الأمنيات فرض التنبؤ بالحلم وكيف الحلم يقدر يتاوق في الصُحا ؟؟ وإنتي ما مليتي فكرة تندهي تكري غمضة وتدي ومضة من ضياك ويا حبيبة سيف هواك في الرويحات البتتشعبط مسامك لسة أمضى ...
خليني داير أسألك ح أسألك ياتو برّاق بكشف الموية الملبدة في سحابك ؟؟ وياتو نقرة بتفصلك عن فتح بابك ؟؟ وكيف شبابك مدَّ يدو علي بعادك وإغترابك ؟؟ وإيش أصابك لم غنوا علي ترابك حفنة صعاليك النغم ؟؟ هزة أوتارهم تغنيلك حبابك هوي حبابك قنِّبي وإنتي بالك في جروفهم كيف تخدر لم شمسك تستريح ... !!
يا ساساقك ما بين مشرق حاسة شوفك وغروب الحق كيف بنجابد في واسوق الروح نطر كيمان الحرقة السادة مسام الضحكة عشان نفرح نطرح نطرح ونغنيلك راح نفتح روحنا على شرفات نيلك راح نزرع شجرة علشان ترتاحي من الساساق ويحلى مقيلك راح ندرع في رقاب أطفالنا جميلك وح أغنيلك يا بت من دمِّي مفتقدك تتقطري جوة فراغ أوردة الشوق وتفرِّجي همِّي ياخي مسامحك إنوطي الروح وهديك عَضَايّ أقدلي فوكَّا ومن جوايّ أطردي غمِّي ويا بت من دمِّي مفتقدك تتمرجي ما بين أضلاعي تنحبسي حنيني وتسقيني من ضرع الغيمة حليب العشق وتواسيني لامن يقسو علي الصيف وتراضيني بالخضرة وإنباتك فيني ويا بت من دمِّي فاردلك شرياني طريق يحضن خطوك ويراضي الضيق وراسملك أعضايَّ فريق تتلملم لي زغرودة فالك وتسندك كريات الدم في حزنك وتاخدك رئتيّ شهيق ...
مرفق : حبي الكبير بــــــــادي
Post: #26 Title: Re: قال :(بت من دمِّي).. Author: تماضر الخنساء حمزه Date: 04-20-2008, 00:33 AM Parent: #14
مطيراتي التشوفِن في الأصِل من شواطيك..كان..مجيهن مابراي.. سمّوهو كل الناس..عيونك كان بطفّن..احتراقك.. مابجيبن تاني ..حدّك. وكان بوفّن..اشتياقك.. لا بجيبن..لابكونك.. نادي حدّ أشواقي..صدّك.
خلِّي أشواقك..تفيض.. كلما هطلت مواعيدنا التجيك خلِّيها ماتشاور رِمالك.. حتّى..قيفك..لو بيغرق.. ماكفاهو..الشالو من أحلامي بيك؟
Quote: ويا ظلالك
ماحكيتلك؟..من دواخلي.. رامي ضلِّي علي دواخلك.
Quote: وشفع الحلم البتاوقك
لامن بكوا..دعيت المولى ليك يصحّي.. ولمّا..صحيت..لقيتني بفتش فيهم لمّا بكيت.
Quote: وإنتي ما مليتي فكرة تندهي
لالا بي بساطة: لأني..مامليت مجيك..
Quote: سيف هواك
صدقني نصلك..ريدو..أسرع. وباقي..أوجع.
Quote: خليني داير أسألك ح أسألك
هَي كم سؤال؟ مع اني ماداير أعاتب وهِن كم إجابة؟؟ أقوللك قول؟؟ أسي لو شاورت قلبك مابجاوب؟
Quote: النوم تعال ياخ ما تجي
شان تحلم؟؟ انت واقعك لو حزين.. ساكنّي في قلبك..يقين.. انو بِبراك..الفرح.. بس انت أفرد ليو جناحك.. والخاطر الشايفو..انجرح.. بيك بسعد بي جديدو. بس انت أعلن فيو سماحك.
Quote: وياتو نقرة بتفصلك عن فتح بابك ؟؟ وكيف شبابك مدَّ يدو علي بعادك وإغترابك ؟؟ وإيش أصابك لم غنوا علي ترابك
مابفصلني عنّك..أيّ شئ.. يوم قلت لحظة أفارقو..دربك.. لقيتو خاصمني ..المشي.
Quote: هوي حبابك قنِّبي وإنتي بالك في جروفهم كيف تخدر لم شمسك تستريح ... !!
أنا لسّه..ح...أقنِّب؟؟ أنا اتوهطت قبييييل فردت مساحة قربك..ليل..وفيها رسمت وجودي..شليل.
Quote: وح أغنيلك يا بت من دمِّي مفتقدك تتقطري جوة فراغ أوردة الشوق وتفرِّجي همِّي
ماكان بيغلبني الغُنا.. لو كان هواك..هوّ الوتر.. لاكان بيبعدني الزمن.. لو في عينيك ..طال..السفر.. لاكان بيغلبني..المشي.. لو في دميك..موعود..فَتَر.
أما كونو..الوضع ..عادي.. والقريتو..عن..قليبك..وجرّو..واطي.. سابقنّك..احنا.. زيّك..تمام..شفناهو..عااادي كونو (مودرن) والطريقة.. ماعجبنا الحال حقيقة.. القليب..دايماً مُكرّم.. والأحاسيس التجيهو..نحني ليها..قلوب..صديقة.
Post: #31 Title: Re: قال :(بت من دمِّي).. Author: تماضر الخنساء حمزه Date: 04-20-2008, 02:14 PM Parent: #20
لؤي..ابتساماتك..حبابا
Post: #32 Title: Re: قال :(بت من دمِّي).. Author: محمد عثمان Date: 04-20-2008, 02:18 PM Parent: #1
Post: #38 Title: Re: قال :(بت من دمِّي).. Author: تماضر الخنساء حمزه Date: 04-20-2008, 05:13 PM Parent: #32
محمد يسعد مساك النور
Post: #37 Title: Re: قال :(بت من دمِّي).. Author: محمد البشرى الخضر Date: 04-20-2008, 04:58 PM Parent: #1
Quote: نعومة.. أنا بريدك جد
_ أوعك تقولي ليّ خلّي البينا صداقة
Quote: طمطم
انا بريدك ياااااااخ عدييييييل كدا
واوعى تقولي لي مرطبطة
الله يسألني جنن
وردة الغاوون يا تماضر, كدا صاح
Post: #39 Title: Re: قال :(بت من دمِّي).. Author: تماضر الخنساء حمزه Date: 04-20-2008, 05:18 PM Parent: #37
ده وين ده؟؟ غايتو جنس بهتان يالبشرى!
الوردة استعملتها في المكان الخطأ المفروض تختارها مع عنوان الرد
غايتو بننجحك..مابنحبو نكسفو حد وكده
Post: #40 Title: Re: قال :(بت من دمِّي).. Author: محمد البشرى الخضر Date: 04-20-2008, 05:31 PM Parent: #39
Quote: المفروض تختارها مع عنوان الرد
كرهتي في الدنيا يا تماضر الكمونية و الوردة الفي العنوان وقت نجحتيني كتر خيرك هاك تاني واحدة مني
Post: #45 Title: Re: قال :(بت من دمِّي).. Author: تماضر الخنساء حمزه Date: 04-20-2008, 06:28 PM Parent: #40
البشرى..نصين عمرك ضايع..
كمونية..ووردة العنوان.. معقولة بس..
Post: #46 Title: Re: قال :(بت من دمِّي).. Author: عبدالله وداعه الامين Date: 04-20-2008, 06:39 PM Parent: #40
Quote: معقـــول تكــــون الكلمة كتّـــاحه وهوا ... وللا الكـــــــلام جـــــاب لي هـــــــــوا !!! دي الكلمة وكت الليل يخش راحة ودوا ... وهــــروب مرتّب لو يداهـــــمني النوى !!!
ود ابوعاقلة يا جنو
الكلمة كتاحة وشرا حيطة وضرا مرات تكون في شكل عط وامكن تكون مرات مرة وقالوا (المرة) هي خشم بيوت فيها البكتح قام جرا والساترة ما كاست عرى والواعية والداعية ومسيخة وبرضو ديك الزي غرى والعوقة والمطلوقة والذوقة بيخجّل لي ناظرة وعشان تسد باب الهواء اشخت شخيتك انت هووووووووووووووي والكلمة اعرف قدرة قبال تقول سترك علي يا الله يا شيخي اب شرا
Post: #48 Title: Re: قال :(بت من دمِّي).. Author: تماضر الخنساء حمزه Date: 04-20-2008, 07:23 PM Parent: #46
Quote: الكلمة كتاحة وشرا حيطة وضرا
الكلمة كان صِبحت ..ضرا.. تبقى راجل بس الوصيّة أوعي من راجل المرة
Quote: وقالوا
وكتين بتعرف شِن بقولوا وكيف بوصّوا مالك مباريهو الهوا؟؟
Post: #54 Title: Re: قال :(بت من دمِّي).. Author: محمد أبوعاقلة الطريفي Date: 04-20-2008, 10:04 PM Parent: #46
Quote: اشخت شخيتك انت هووووووووووووووي والكلمة اعرف قدرة قبال تقول سترك علي يا الله يا شيخي اب شرا
يبدو الشخيت ... بقلم بليد ... والكلمة ربك بسترا ... الشطحة ما شطحة نُصاح ... ومعايا قول ... قول يا ابشرا ... يكضب الشينة وتفوت ... لو كلمة مني مِبنشِرة ... قلناها في لحظة هياج ... علمني فن الكشكرة ...
Post: #60 Title: Re: قال :(بت من دمِّي).. Author: تماضر الخنساء حمزه Date: 04-21-2008, 09:22 AM Parent: #54
Quote: والكلمة ربك بسترا ..
الكلمة..بي حدينا..سيف أبقى خلِّي..الحلوة..حرفك.. انت لي سمحك..تضيف.. وأبقى..عدّيهو..الشخيت.. من غير تألّم..أو تعيش..ياانت ..زِيف لو كان بيتعبنا..المشي.. حدّ المساحات..السماح.. يبقى ليه..تلبس خُطانا..سكة الأذى..والنزيف.
Quote: علمني فن الكشكرة ...
ماحلوة ياخ تقيييلة على الرويحة ومتعبة بالمشاعر..تترشي حلوة لو تمشي الخطاوي.. بدون توريها..المشي بدون أوامر..مزعجة عفوية..دايما..منبعا ماشاورت يومداك الحنين براو عزل العيون..و ..مدامعا.
Post: #47 Title: Re: قال :(بت من دمِّي).. Author: محمد حيدر المشرف Date: 04-20-2008, 07:16 PM Parent: #1
يا خنساء ..
ويا مطيره.. صبي لينا .. فى عينينا
.............
اول الخريف , حريف اول النضم .. نزيف آخر الحبيبه ترك .. فوق غصن الذي اولى بى تلك التى فى الروح تنزاح بها الاحزان تدنو ثم تدلى فوق الغباش ترتاح كالشعره تنسلى من طينه الاتراح لى ذاك الذي سواك عشقا وما اسراك شوقا وما اهداك الا للتى احلى
Post: #49 Title: Re: قال :(بت من دمِّي).. Author: تماضر الخنساء حمزه Date: 04-20-2008, 07:30 PM Parent: #47
ياود المشرّف..
لو كان للخريف أوّل.. ماكان بفاجئنا ..المطر.. لكنّو..وصفك..ليو..حريف.. ووصفي..بيصادفو...الخطر..
لو قلت ليك..ركّت.. على غصن الهوى المابي.. وشالت من المافي.. وجات..بي باقي..أسبابي.. قول ليّ..كيف..الحل.. لسّه..بنادي..أحبابي.
Post: #50 Title: Re: قال :(بت من دمِّي).. Author: مهند الجيلي بادي Date: 04-20-2008, 07:35 PM Parent: #1
بت يا تماضر يا حنينك زاهي ناضر لسة حرفك فيني بتمدد وجاهر بالمحبة وبستفز فيني حرفاً قالوا ماهر وما أظنو بس بتاوقك وبي جمالك جد بظاهر
هسة شايف لي حبايب تاوقوني من شبابيكك وفي ضلك تتحالى لينا القهوة والحرف البيشبه طلتك
سلام ود أبو عاقلة يا زاهي الحواس
عبد الله يا نور القلب ويا رفيق في كل مشاوير العشق كيفك
كككيفك
مرفق : حبي الكبير بـــــادي
Post: #51 Title: Re: قال :(بت من دمِّي).. Author: تماضر الخنساء حمزه Date: 04-20-2008, 08:06 PM Parent: #50
مهنّد وديمة حرفك شوقو فاضح مابعرف الزول البيقرأ.. لو كان..بيديهو..الغُنا.. ولا بيرتّل..حضورك.. هل كان بغنيهو الوتر.. أم هوّ..ترتيل..صوتو..مادِح.
(بت من دمِّي) وكت قريت من ساعتي..نصّك.. قلت أفرِدلك مساحة.. بعد الغياب..وحروف..مُباحة.. أبقى..رتّل ..إنت حرفك.. أبقى أقدل..فيها..ساحة..
القهوة كانت حفل استقبال..مهيب رافقنّك..خطوتين.. واتأخرن تانيات.. وفردنّك..قصيد! ما أصلو ضُل الإلفة رامي.. وإشتياقي..بيلمسك.. مافي أحرف..ترسمك.. ولا مقاييس.. في الرويحة..بتوزنك.. وأنا لسّه..ماكفيت..كلام! الحرف لمّا يضيق شهيق..بتنفسك! والروح وكت تصبح صحاري..بتغرسك.. يااخ أنا جد فترت من الوصف!)
Post: #52 Title: Re: قال :(بت من دمِّي).. Author: مهند الجيلي بادي Date: 04-20-2008, 08:28 PM Parent: #51
تماضر ،،
يا بت ميقَّن بيك أنا تفتكري ممكن تنتسي أشواقنا أنا وإنتي لي كل المسافرين المطافيش المهابيش الملابيش ما ميزوك من رشمتك ومسايرك الفيهن خرز والودعتين سيقان مكتِّحن الزحيح وعيون بتضحك رغم أنف الإنكسار
إنتي وين منِّي مرتبة ولا جايطة وجايطة جواي المابي يترتب زمن أقولك : جوطي بفضل براقب قفز أشواقك هنا وهناك وفي نص القلب بفضل براقب وببتسم
يا سلامك فيني يا سلام
مرفق : حبي الكبير بــــادي
Post: #61 Title: Re: قال :(بت من دمِّي).. Author: تماضر الخنساء حمزه Date: 04-21-2008, 09:46 AM Parent: #52
Quote: تفتكري ممكن
بفتكر داك الغُنا عن البشهّد شوقو لي زولو المسافر وبقولّو (ماممكن تسافر) وابتسامك .. وكت بيحلف (بالمشاعر) وصحيح الجلسة كانت بُن مركّز والمساير.. رغم عنِّي..لقيتا ضاجّة.. والنسيم بي جيتو فاجأ..وليها..عزّز شكل الخرز..بصمة أصابع.. ولونو كان في بختو..ضايع.. وسرّو في ودعاتو...سامع؟؟
Quote: مرتبة ولا جايطة
مااترتبت وجيتك ..زيّك قاصد.. (قصدنا نحجّي اللحظة..بشوقاً طفّح من أرواحنا)
Quote: بفضل براقب وببتسم
يا سلامك فيني يا سلام
يكفي احساسي انتصارو.. انو.. خلاك..تبتسم.
يكفي برضو الروح سلامها.. بيك جروحها..بتلتئم.
Post: #55 Title: Re: قال :(بت من دمِّي).. Author: محمد أبوعاقلة الطريفي Date: 04-20-2008, 10:23 PM Parent: #50
Quote: سلام ود أبو عاقلة يا زاهي الحواس
سلام ... يا إنت يا الواقف تمــــــاس ... سلام ... مكهرب يا الكلامك نور وماس وبالمرة كسّار للتلج ... وحتى تلجك ... كلو ماس ... انا زااااتي كهربني ... و
Post: #56 Title: Re: قال :(بت من دمِّي).. Author: emad altaib Date: 04-21-2008, 06:33 AM Parent: #1
Post: #58 Title: Re: قال :(بت من دمِّي).. Author: محمد سنى دفع الله Date: 04-21-2008, 06:57 AM Parent: #56
المطر والنيل وعزف العود والنغم الجميل وحروفك الأنيقة متعتنا المسائية شكرا جزيلا طلعتينا من الجو العام المدبرس المليان نكد
Post: #63 Title: Re: قال :(بت من دمِّي).. Author: تماضر الخنساء حمزه Date: 04-21-2008, 10:12 AM Parent: #58
السني..
صباحاتك ورد...ومطر..ونيل
شكرا كتير
Post: #62 Title: Re: قال :(بت من دمِّي).. Author: تماضر الخنساء حمزه Date: 04-21-2008, 10:10 AM Parent: #56
Quote: ماهماني..
همّاني جدّا شوقو..جد؟؟ ولا بس كان لاشتياقي..طبيعي..رد.
Post: #64 Title: Re: قال :(بت من دمِّي).. Author: محمد عثمان Date: 04-21-2008, 11:21 AM Parent: #1
ضليت .. هرب منى الأمل .. جنيت جافانى الشروق .. حنيت كنتى معايا .. فى لمـّة دليب .. شاشاى فى إيقاع حشا المردوم فى جيد الزمن .. سوميت
مرقت .. على محطات السفر .. غربة وما لقيتك .. أمل شارد مع إنك معاى فى زحمة المشوار وحتى يقينى عاد من تانى صحـّاك من حنين ذاتى .. نجم الفرحة يا عايد
تعالى معاى.... من زفة نفس مسدار وما جرتق فرح .. كانت ولا طعم الشقا الروّح خطاى هانت وإنتى معانى شايلاها القوافى معزة فى عمق الفرح .. دوبيت وكت ضليت ... قعدتّ براى .. وحسيتك بتطلعى من نفس طورية ضامـّة الطين ومن دمعة وجع طوّل ندا العرق البنادى .. حنين
واناديك وانت في ذاتي .. مخاوف سكة آهاتي مداين قرية لابسة القمرة شامة ضو يحن يغشاها مرة شروق يخدر من عرق تربال .. يرتاح في ضليل واسوق .. ينادي تراب يغازل خدرة السيال تطلُ شروق .. تكون قمر السعد ضويت ...
Post: #67 Title: Re: قال :(بت من دمِّي).. Author: عبدالله وداعه الامين Date: 04-21-2008, 01:40 PM Parent: #64
Quote: عبد الله يا نور القلب ويا رفيق في كل مشاوير العشق كيفك
كككيفك
ودبادي يا مهند
اريت الحال يكون بطال يهل سعد الفرح ,,, جيتك وتعدل لينا انت الحال وطن مفتوح علي قلبك وحوش مدادي لي اطفال سعن عطشان وايد فرحان كهارب الحلة تدي الحب وشمس الغابة يدي حنان عشق مليان وسر اوطان تدس العافية ايدينا وتطبطب هجعة الحزنان ويا مجبول علي طبعك نحبك ياخي برضو كمان ونسال برضو عن حالك وحال الحالو من حالك اريتك تبقى طيب بس وتشرح لينا احوالك
Post: #69 Title: Re: قال :(بت من دمِّي).. Author: محمد أبوعاقلة الطريفي Date: 04-21-2008, 02:48 PM Parent: #67
افففففففففففففففففففف كلام غريب ... غريب ... غريب يا تماضر
فوق لغاية فوق
Post: #70 Title: Re: قال :(بت من دمِّي).. Author: Tareq Siddiq Date: 04-21-2008, 03:18 PM Parent: #69
افففففففففففففففففففف كلام غريب ... غريب ... غريب يا تماضر
فوق لغاية فوق
تماضر الخنساء ..
محمد أبو عاقلة ..
رشا حاتم ..
ماكنت أحسب نفسي يوماً من الفاغرين فاههم عند الحرف وبين السطور ... لكني الآن .. أعلن دهشتي بمنتهى الهدؤ .. مصحوباً برياحٍ ورعود وذات اليوم الموعود الذي أستمطر فيه بعضكم علناً ..!!
غايتو محنتونا عدييييل ...!!
ابو عاقلة .. سبحان الذي خلاك كائناً أشتاق ليهو أنا برضو ...!!
كل الوداد ...!!
Post: #77 Title: Re: قال :(بت من دمِّي).. Author: Rasha Hatim Date: 04-21-2008, 04:18 PM Parent: #70
Quote: ماكنت أحسب نفسي يوماً من الفاغرين فاههم عند الحرف وبين السطور ... لكني الآن .. أعلن دهشتي بمنتهى الهدؤ .. مصحوباً برياحٍ ورعود وذات اليوم الموعود الذي أستمطر فيه بعضكم علناً ..!!
غايتو محنتونا عدييييل ...!!
انت الخطاوي المحنتنا وعترة الروح في دروبك من زمان راجين تصلنا ومشتهين يا زول حروفك الخريف لو كان بعضنا ما بنفوتا في يوم جروفك يا شدر راوياهو طيبة مد علينا حنان عروقك دي المطيرة الفينا منك وفي سمانا تشع بروقك
Post: #81 Title: Re: قال :(بت من دمِّي).. Author: تماضر الخنساء حمزه Date: 04-21-2008, 04:43 PM Parent: #77
Quote: غايتو محنتونا عدييييل ...!!
Quote: انت الخطاوي المحنتنا وعترة الروح في دروبك من زمان راجين تصلنا ومشتهين يا زول حروفك الخريف لو كان بعضنا ما بنفوتا في يوم جروفك يا شدر راوياهو طيبة مد علينا حنان عروقك دي المطيرة الفينا منك وفي سمانا تشع بروقك
أنا الشالتني..المِحن.. ماعرفت أسرار الدروب.. مالقيت في الصدفة..لُّقيا.. ومنّو..ماااقادر أتوب ورورني كيف الحل وبلزم هوى المحبوب
طارق مرحبتين بيك
Post: #93 Title: Re: قال :(بت من دمِّي).. Author: محمد أبوعاقلة الطريفي Date: 04-21-2008, 10:41 PM Parent: #70
Quote: ابو عاقلة .. سبحان الذي خلاك كائناً أشتاق ليهو أنا برضو ...!!
طارق !!! صديق !!! منتصف أماسينا !!! بتوقيتنا !!! سبحان الذي ... خلاك تجي ... وانا كنت قايلك ما بتجي ...
وشوقي أس مليون(ونُص)
Post: #78 Title: Re: قال :(بت من دمِّي).. Author: Rasha Hatim Date: 04-21-2008, 04:30 PM Parent: #69
Quote: افففففففففففففففففففف
بِس يا زهج يا رويحة مشتتة ويا زمان مالينا كُج لما نفرح بالغيوم ببساطة تقوم تفج ولما نشتاق الشمس الضباب بالعِند يعج وتاااااني اففففففف يمكن احنا الفينا كُج؟؟؟؟
مالك علينا يا ابوعاقلة يااااااخ
Post: #80 Title: Re: قال :(بت من دمِّي).. Author: تماضر الخنساء حمزه Date: 04-21-2008, 04:37 PM Parent: #69
Post: #72 Title: Re: قال :(بت من دمِّي).. Author: عبدالله وداعه الامين Date: 04-21-2008, 03:22 PM Parent: #67
Quote: يبدو الشخيت ... بقلم بليد ... والكلمة ربك بسترا ... الشطحة ما شطحة نُصاح ... ومعايا قول ... قول يا ابشرا ... يكضب الشينة وتفوت ... لو كلمة مني مِبنشِرة ... قلناها في لحظة هياج ... علمني فن الكشكرة ...
يا ود ابوعااااااااااااااااااااقلة
يا عوقة في ريدك و هم بالجد صحيح انك وهم وكمان بليد زي كل ايد مطلوقة ما عرفت عدم يا واطي ما رافع سماك وسماكا شايل الليل نجم لو كان لحاف الشوق قصر وانصرّا في الحلق النضم ما مدّ قدم الخير رضاك واديتنا من طيبتك هدم يا اعمى بتفتق عماك ونشوف معاك الكان حلم لو فينا صبر الحال وقف ما كان تلف لينا العلم يا حالي غالي وفي علاك وشليق وفايت الناس قسم امشي وقهرتك بي المعاك لو يوم ندهتك لي اسم
Post: #79 Title: Re: قال :(بت من دمِّي).. Author: تماضر الخنساء حمزه Date: 04-21-2008, 04:32 PM Parent: #67
Quote: ويا مجبول علي طبعك نحبك ياخي برضو كمان ونسال برضو عن حالك وحال الحالو من حالك اريتك تبقى طيب بس وتشرح لينا احوالك
ود وداعة.. نحبك انت برضو كمان نحب كل البحب قلبك نحب الناس تحب الناس نرش الريدة في دربك زيح الشك..مع الوسواس حب الناس ..يكون ..شعبك وأيه يعني..لو توطّي الراس.. شان تحصل...كل من..حبّك كونك في السماء العالي ماأظنّو عُلاك..من ذنبك.
Post: #71 Title: Re: قال :(بت من دمِّي).. Author: تماضر الخنساء حمزه Date: 04-21-2008, 03:19 PM Parent: #64
محمد عثمان..
Quote: من زفة نفس مسدار وما جرتق فرح .. كانت ولا طعم الشقا الروّح خطاى هانت وإنتى معانى شايلاها القوافى معزة فى عمق الفرح .. دوبيت
غنّى ماخلالنا..شئ.
Post: #82 Title: Re: قال :(بت من دمِّي).. Author: Alsa7afa_30 Date: 04-21-2008, 05:24 PM Parent: #1
Post: #89 Title: Re: قال :(بت من دمِّي).. Author: تماضر الخنساء حمزه Date: 04-21-2008, 07:45 PM Parent: #82
Quote:
نفس الشعور ياصحافة
Post: #94 Title: Re: قال :(بت من دمِّي).. Author: بشير جبريل علي Date: 04-21-2008, 11:48 PM Parent: #89
Quote: طمطم
انا بريدك ياااااااخ عدييييييل كدا
واوعى تقولي لي مرطبطة
Quote: جيبيو لا جيبيو عليك الله ماتجيبيو*
* الهوا
Quote: نعومة.. أنا بريدك جد
Quote:
_ أوعك تقولي ليّ خلّي البينا صداقة
Quote: كيفن تكون البينا صحبة.. وروحنا واااااحدة وحات عينيك..
بريدك جد يا تماضر
Quote: غايتو الهوا..جايّ..جاي
دا شنو دا ..كسير تقيل وبكا شديد .. يارشا حاتم ..أحسن أرجعي لدينا فيصل .. أخشى بعد شوي تطلعي لينا ببوست ..وداعاً رشا حاتم هوي أنا ولد ..وإسمي راشد منو كدة ماعارف ..مابعيد جنس الكسير الشايفنو دا..
لكن متعة..بوستيكم دمو خفيف شديد..
وشكرا
بشير
Post: #97 Title: Re: قال :(بت من دمِّي).. Author: تماضر الخنساء حمزه Date: 04-22-2008, 06:22 AM Parent: #94
بشير.. خلاس جبتو* وجيت؟؟
*الهوا
شكرا كتير على وجودك والقراءة..
Post: #95 Title: Re: قال :(بت من دمِّي).. Author: emad altaib Date: 04-22-2008, 00:45 AM Parent: #1
روحي فاقداك في الحقيقة ... قايمة كتاحــــــــة وحريقة ... وحتى نيــــــــرانك صديقة ... لم تـــدي الكلمـــــــة تشه ... ولم ندخل في قليبك ما بتعتر لينا قشه ... يا المسمِّر وجلدك أغبش ... انت وكت الضيق مساحة ... وأحلى ممشى ... .......... لو قلنا طارق ... انت عارف بابي فاتح للي بسأل وأي طارق ... (مش أي طارق أي طارق) يا المدفق روح وكلمة ... من مغاربك للمشارق ... أسمع نصيحة زول بريدك ... أرمي منديلك بعيد ... يا الشايلو طول اليوم وتبكي ... قشقش الدمعات جسارة ... إتجه لي الله اشكي ... لسه باب التوبة فاتح ... والناس تسد أبوابنا بدري ... يا المرتب وبرضو أغبش ... ................ خليتوني في لجة مكاني ... وحدة بتجابد زماني ... والصباح زي وشي أغبش ... جد بحبكم ومشتهيك ... كلو يوم في الغربة فيهو بشوف وشيك ... والحزن ما خل عادتو ... وكت يخشك أعمي وأطرش ... وكت يغشك وأنت سارح وبرضو أروش ... تلقي نفسك شايلو همك ... وقبل همك يسيح فـ دمك ... يبدا صوت الذكري يدوش ... والعذاب البصحى نص الليل يخربش ... تلجا للاحلام تشيلك ... وديمة في الاحلام مكنكش ... طايرة بي وما نسيتكم ...
Post: #114 Title: Re: قال :(بت من دمِّي).. Author: تماضر الخنساء حمزه Date: 04-23-2008, 06:04 AM Parent: #111
Quote: خليتوني في لجة مكاني ... وحدة بتجابد زماني ... والصباح زي وشي أغبش ...
مابتبقى قدر الوحدة..انت.. يالبراك سافرت..ليها.. ننده الأشواق برااانا ونبكي من تعذيبنا..فيها إحنا يووووومي..نسوق..خُطانا.. وبرضو نرمي اللوم عليها!
كلما تبعد مسافة سايق الأشواق وفاكِر.. زمنك انت براهو..أغبش؟؟ أيّ راحل عن حبايبو بي وراهو الناس تفتّش عن تواريخو الحنينة..وعن وجودو الكان بيدهِش. أي راحل..عن ديارو.. كل فجّة..عليو..بتسأل.. كل غيمة..عليو..بتبكي.. مابراك...الوشّك..أغبش.
Quote: والحزن ما خل عادتو ... وكت يخشك أعمي وأطرش ... وكت يغشك وأنت سارح وبرضو أروش ... تلقي نفسك شايلو همك ... وقبل همك يسيح فـ دمك ... يبدا صوت الذكري يدوش ... والعذاب البصحى نص الليل يخربش ... تلجا للاحلام تشيلك ... وديمة في الاحلام مكنكش ... طايرة بي وما نسيتكم ...
