ياصاحبــــ ة

لها..
له..

غريب أن نخاف الإلفة..ولانستمتع إن بدأت تتزايد..
نخاف فقدان من نألفهم..

ماني متخوّف..سماحتو..
بس ماني مُتشهي..الجراح


أخبرتها..قبلاً ..أنها تستطيع أن تخفي كل المشاعر..إلا إحساسها به..

خلّي بالك..من مكانك..في حكايتو..
وخلّي بالك..من عيونك يفضحنِّك..
ومن ابتساماتك براك..وانتي ماشة بيحرجنّك
ولمّا في بالك يمر خاطر كلامو..
صوتك بيضحك..
ياخي.. كلِّك..
تفاصيلو البسيطة..إتملّكنّك..
إنتي من يومك قليبك قبال يجيو ساكناهو رعشة..روحو هشَّة
وماموزونة أصلك
وعارفة حِسّك..وكوم مشاعرك..علّلنِّك
مرَّات بقول معذورة برضك..
لمّا أشواقو بتجيكي
شايلة ريدك..في محلِّك
ولمّا يحلف بي صباحاتو بتريدك
إنو الاحاسيس الغِشنّو ياهِن أكيد نفس الغِشّنِّك
والجاهو منِّك...حاجات أكيد برضك بِجنِّك
ولمّا تعترفي وتقولي ..مابقدر أفارقك لو دقايق..
يقول..دقايقو..بيسبقنّك

بعد هذا...

معترفة ياصاحبة بتريدي..
ولا إحتمالات النهايات لخبطنّك؟

تماضر

كل سنة و إنت طيبة و الأسرة

Quote: ولمّا في بالك يمر خاطر كلامو.. صوتك بيضحك.. ياخي.. كلِّك.. تفاصيلو البسيطة..إتملّكنّك..

تمام جدا

Quote: معترفة ياصاحبة بتريدي.. ولا إحتمالات النهايات لخبطنّك؟

متْل اتَّكنو لخبطنها النهايات قطِع شك .. بس حسب حيثيات القصيد .. ما بنحتاج إعترافاتا .. لأنو الصوت لما يضحك .. معناتو دة دليل مادي للريدة

مش؟

دمت

Quote: كل سنة و إنت طيبة و الأسرة

وانت وأسرتك طيبين يارب

Quote: متْل اتَّكنو لخبطنها النهايات قطِع شك

التفكير فيها بلخبط
ممكن نعيش اللحظات دون التفكير فيما يليها؟؟

Quote: مش؟

مُش


كل الود

Quote: إنو الاحاسيس الغِشنّو ياهِن أكيد نفس الغِشّنِّك والجاهو منِّك...حاجات أكيد برضك بِجنِّك ولمّا تعترفي وتقولي ..مابقدر أفارقك لو دقايق.. يقول..دقايقو..بيسبقنّك

يمكن !!


__
لي عودة إن سمحت لي .. أن أطيل إقامتي هنا.

نوبي غايتو لو عليّ سامحة ونص
الكلام على عارضك
جيب ليك بخرة بخرتين كده

يا له من ترف يدعك غباش القلب في هذه الظهيرة الحارقة بعز شتاء مكفهر...


سلمتِ وصوتك الجميل المغرد هنا

بله

مرحبتين بله..
سلِمت وشكراً على الطلة الحلوة..

دربكنك
بس لانك..
زول محنك..
جهجهنك ..
كيف تقول ماهن طرنك..
مانسنك..
العوينات اشترنك..
قسمنك حتة حتة ووزعنك..
ياحليلك ..
عذبنك ..






طمطم..خطير موش؟
باين حتيتي فيني..

ديكو كل سنة وانت طيب

Quote: طمطم..خطير موش؟ باين حتيتي فيني..

عشان كده بقيت سمح

Quote: قسمنك حتة حتة ووزعنك..

وين؟

دكين الـ ........

قائلهم قال :
أخرجي يا عين يا عنية ..
يا كافرة يا نوبية ..
النبي قال ليك أخرجي ..
الرسول قال ليك أخرجي .

فاخرج ..
متل السبيبة من ود العين ..
أخرجوا إنت و نوبي و ..
.. إتوزعوا ياخ .

....

خنساء ..
البنية سمحة النضم ..
كمّلي الكلام .

عماد ياخي دكين ونوبي من دخلوا البوست النت بتاعي فصل تلاتة مرّات

انت كلك كده على بعضك سمح عماد

طُمطُم
سأكون هنا رُغما عن عارضي

لامن رفرف قليبكـ و نادي
و خلي الاحاسيس تتهادي
وصوتكـ من هناكـ اتمادي


عمدة ..
ما سمعت "ست اللهيج السُكري"



دكين
يا صاحب .. احساسكـ يقودكـ .. لكن حذار ان يخونكـ ،،،

نوبي..
أحلى تواجد

Quote: ما سمعت "ست اللهيج السُكري"

أكبر الظن أنه ذاق ..ولم يسمع

تعالي..
وبعزمك ياصاحبة تحكي
وأكلِّمك أنا بي صراح

فحكينا....
قلنا ليك الالفة..إنتي..أوعي تديها البراح..
وماتخلّي بالك من كلامو..عارفة ماليهو السماح

وعدنا إلى البدايات ..

ماني متخوّف..سماحتو..
بس ماني مُتشهي..الجراح

..

ثم إتفقنا..


وين حدِّك إنتي؟؟
ولمَّا أوَّل مرَّة..مِلتي..
ختينا المحاذير في الكلام..
ماسمعتي ياروحي الكلام
أبقي قدرو..إنتي ياصاحبة..الملام..



وكان لك منطق لايفهمه سواك

بس بالله يكفي
بحكي ليك عنُّو..وعني
وعن حكاياتي بتعرفي
بتعرفي ليه عِشت الجنون
بحكي ليك..
بالبي صوتو..بِشفي
وريني بس..
لو غلط في الريد بِكون
أو في شرعِك إنتي
في شرعي الهوى :
حرام عموم
إلا ليهو وبالخصوص..
ياصاحبة معفي

الصداقة تدوم..سمِّيه صاحب..

مابقدر أشوفو
زيُّو وزي بقية الناس
السميتهم من زمان أصحاب!
وكت ألقاهو أفرح بيهو
ووكت يروِّح هوّ منِّي بعيد..
مرَّة ...مرَّة.. أطراهو..كده زيو زي الناس؟
وكت ألقاهو ..بلقاني..
ووكت يمشي بضيع مني وبفتشني لامن تاني ألقاهو
أشوفني بطِل من جوّه عينيهو
بمشي معاهو..خطواتو..بعرف وين بكون دربي
لمَّا مشاعري تبراهو


وبعد صريح اعترافكــ؟

لو حاولتا أشرح ليك
مابتعرفي انتي الفيَّ
لمَّا الدنيا تغدر بيّ
بحِس عينيهو تنده ليَّ
تطيِّب خاطر الأيَّام
بشوف أيّامو جاية عليَّ
تمشي علي مهل نظراتو..مشاعري البيهو دايماً حيّة..

علِمتُ سرّك..فعرفتُ أين تكونين ..حين لا أجدك..
والآن عرفت لماذا تُورق أشجاركــ والمواسم حولك جفاف..
البعض ..كما الشمس ..شديد الوضوح لحد الإحراق ..
والبعض كثيف الغموض ..كما العتمة ..
ليس ممتعاً أن تحرق ..وإن كنت شمساً تهدي الضياء ..
ليس حميماً يا صاحبة..أن نقتربَ من الظلام ..والملامح أكثر جمالية إن أُضيئت .
أكان مامنك له..اشتهاء..


أخبرته..

أنا ماإشتهيتك شان تكون
المتعة غاياتي فى لقاك
ولا حلمت أكون معاك
ساعة.. وأتوسَّد ضياك
أو حتَّى شالتني الأماني
سحابة مسنودة بسماك
وماإرتجيتك
ولا إتوهمتَ وعدك
شان أسرج الحلم التوتر
وإنتظارى على القلق
تحقيقو بستعجل وفاك
أنا بس لقيتك إنت نبضات
الفؤاد
وزى تقول سمُّوك فى جوايَّ روح
والنطفة كانت هي الميعاد
صوت تراتيلك ..
شهيقي.. بعض تَنَفُّسي
وصوت سؤالك ..
البينا جد بتقدسي ؟؟
ماقلتا ليك ..
مخلوق معاي قبل الميلاد
أنا بس لقيت
إنِّي ..ماملكي ..وبراي
لقيت..
بعضي معطون بي هواك
وكلي..
مملوك ليك براك

وبس.

وبس؟

أحياناً تلتقى أحدهم ذات شوقٍ ..
فتبحث عمَّا يُعبِّر عن لحظتك هذه فلا تجد الكلمات ..
وتقصر الأحرف عن سماءِ فرحتك ..
وإن كان الصمت ..أحياناً..أبلغ !

بين عينيه يضيع الكلام..


ووقفت بين عينيك مسافة
مرَّات إتعبني الهيام
ومرَّات إودرني المشي
لانى قادر أوصلك
لانى بقدر أبتعد
مكتول قليبي ومنتشي
إلا بس غالبنى ريدك
شاعلنى حد الإبتسام
سالب فؤادى وكل شئ

أهذا فعل العيون؟

أخبرته قبلاً ..عادةً أخبر إحساسي..لصاحبه..
إنتا لو عارف عيونك... لمّا تنظرني و..
تقابل لحظة بس أطراف عيوني..
روحي ترحل ليك تهاجر وأبقى من غير روح ..بسافر
أبقى مستغرب مشيها..منِّي ماعارف أجيها ..
وتشعل النيران عَضَايا إنتا ياأسباب أذايا ...
إنتا لو عارف عيونك
ديمة تقدل في رحابي...
فيها منبع إشتياقي..
وفيها آهاتي وعذابي ..
مرّة بفرح بي حضوري
وفيها محتاج ..لي غيابي ..
وفيها بتكل كل همومي ..
إنتو ياإتنين صحابي
وياها أكبر إهتمامي..
وبين رموشا بقول حبابي..
ولمّا تَفْرِق.. خط رموشك ..
كل وريد جوّاي بدوبي..
ترقص النبضات تغنّي ..
..
من حنينا بشيل غُنايا ..
ومن غُنايا نسجتو توبي ..
ولّما تغمض هيَّ برضو
تاني ترحل منّي روحي
ماشة في سكة مسامي..
وتبدا تنتر لي جروحي..
ولمّا ترجع تاني تَنْظُر
هل تصدق؟؟..
ليّ..ترجع ..تاني روحي.



ياصاحبة..
أحياناً ..الوجع نفسه يخدِّر ..
لعمق مانحس به ..نفقد الإحساس !

لذا أخبرته..
تقرا فى خاطري السؤال
جوابو حيفاجئك جرح
تقدر تبدِّل لوعتو
ونهاية العشق السرح
لو بس لقيتك أوَّلو
كنا صادفنا الفرح
إنتَ الجمال بتكمِّلو
يابلبل الدوح الصدح

أحياناً يُغيِّب أحدهم ..أحدنا ..
فلا يعد يدرك بأي وجود هوَّ ..
ولا على أي أرضٍ يسير إحساسه ..
وإن أدرك أنَّ الآخر صار له السماء ..

أهوّ السماء؟
أذكر أخبرتني مرّة ..أنّه الشمس..لكِ..
فأعلمي ياصاحبة..
الشمس ..كم هى مبهرة ولكنها..حارقة ..
تعطي الضوء إن حافظنا على المساحات الطبيعية التى تفصلنا عنها..
حارقة إن حاولنا إمساكها وإمتلاكها ..
فهى كما الوطن ..للجميع ..
كما الحقيقة ساطعة ..
وإن غطتها الغيوم لحين ..
دائماً ماتُثبت لنا أنَّها تتوسَّدُ الوضوح ..
وتلدُ الفجر !
فقط فلنحافظ على المساحات التي تحدِّدها لنا..هل نستطيع؟

عنِّي فقط أُجيب..
لا.

Quote: خلّي بالك..من مكانك..في حكايتو.. وخلّي بالك..من عيونك يفضحنِّك.. ومن ابتساماتك براك..وانتي ماشة بيحرجنّك ولمّا في بالك يمر خاطر كلامو..

محمّد عثمان ليك وحشة شديدة خالس
كل سنة وانت طيِّب

تمااضر...

سلااااام
و كل سنة وانت و جميع افراد الاسرة طيبين و لامين

يديك العاافية...

ماتخلِّي الحزن ياخد..من لياليك الكتير..

لا تخلى الوجعة تكبر
تحرق الغصن النضير...

وابتساماتك تسافر..تفقد احساسنا الكبير..

كونى زى ما كنت غنية
و ضحكة رياانة و عبير

عِزّة مابتركع أبية ومابتخاف طول المشاوير..

كونى زى ما كنت صابرة
و زادك العاامر هواانا...

في عويناتك هنانا..

و دافئ همساتنا و غنانا..

في شفايفك..

بشافيفك ديمة قولنا
و عهدنا الباقى و غنانا..

بُكرة......القوافي؟

بكرة بتهون القواسى
و يرحل الحزن الطوانا..

بكرة بتهون القواسي*


ترم ترم.

Quote: ماني متخوّف..سماحتو.. بس ماني مُتشهي..الجراح

صباحاتك ورد الصحافة

Quote: روحي ترحل ليك تهاجر وأبقى من غير روح ..بسافر أبقى مستغرب مشيها..منِّي ماعارف أجيها .. وتشعل النيران عَضَايا إنتا ياأسباب أذايا ...

مرحبتين هاشم

Quote: خلّي بالك..

و

Quote: ولا إحتمالات النهايات لخبطنّك؟>

جاوبي

بسم الله الرحمن الرحيم

تماضر

إزيك وكل سنة وكل أمنياتك في خانة الممكن محققة يارب !

وكانت نهاية .. لأجمل حكاية !
لأجمل رواية .. رواها السحر!
جلسنا وحكينا .. في ظل القمر!
وكانت حكاية في كف القدر!
كتبنا ورسمنا .. تفاؤل وأمل !


تسلمي تماضر

وصال عالم

ياسلام يا الخنساء
الواحد بيفتخر بالكلام الجميل ده ولو في فكرة انتاج كتاب انا ممكن اساعد
ساهمت في طباعة الرواية(عطر نسائي(عماد براكه وكنت في القاهرة وقتها لكن مازلت احفظ صاحب المطبعه بالدقي يمكن ان نعمل شيئ يفيد نشر هذا الجمال(انت بس قول لي بسم الله وانا جاهز
مع مودتي بدون زهج
عليش

Apologize

Quote: ماقلتا ليك .. مخلوق معاي قبل الميلاد

ودى الحقيقه ياتماضر .. زمن تانى وعالم جميل وحقيققى و فو ق للخيال !

أبشرى يا تماضر بالكلام السمح الجاييك مع المخيله السمحه دى , وبساتين الغنا الجواك !

وبشرانا بيك .

الحقيقة الحلوة انك مريت بي جاي مأمون
كل الود..

Quote: بس لكن مرِس مرِس كِر قي ويكا إننين دوقور بو إنجيتّل اني .. عشان القوكانجي فِري مي نين كرم .. وكِدة

مش بالله؟؟


شكرا على الطلة الحلوة
كل سنة وانت طيب ود الجيران

سلامات محمد
الفكرة حلوة
بس زي تقول كده الحاجات دي حاساها مدفوقة مامرتبة ومامنقحة
شكرا على اهتمامك
كل الود

وصال كل سنة وانتي أحلى الحكايات من غير نهايات

د. محمّد ..
أنا برضك قلت ليها جاوبي..

يا بنية انتي مخزن ابداع واحاسيس .. دامت ايامك وبنتك وزوجك اعيادا ...

يسعد مساك النور

لا أعلم..لا أستطيع أن أقول غير أني تَلُفّني الدهشة ..
كلّما حاورتك..وكلّما لمست حكاياكِ..

ولكني أعلم صراعات الواقع..والمُحْتّمَل..
المنطق وماسمّاه البعض..جنوناً..


المنطق؟؟
ماذا إن أخبرتك أنّه يستطيع إلباس أي فكرة مجنونة قد تأتيك يوماً ثوب المنطق..
ويجعلك بسحرِ مالِك متملّك صاحبتها بعد أن صارت هي المنطق بعينه..وتُقيمي لها مراسيم التمكُّن فيك!
لايدهشني غير احتمالاته التي تهزم المنطق
فأجده_المنطق_ يلبس كل مايحتمله هوّ معزّزاً صدق احتمالاته دون حوجة للتجربة!


أوقفتني عبارة مالك متملّك
طبيعي إذاً إن أنشأ هوّ مامَلَك كما إشتهى..وليس بغريب إن سنَّ هوّ المنطق
ومكّن فيك ماشاء..لاتزيدين أنتِ عن صلصالٍ رقص على أصابعه ودعاه لتشكيله ..فإمتثل.
عذراً ياصاحبة إن أنا قسوتُ عليك..


جميلٌ أن أرقصتني بين أصابعِه..فليتك صادقة..وليتني صلصاله الذي ذكرتِ..

أعرفك أنا وأعرف إنبهارك بكل من حمل دواخلاً جميلة ونقية..
أعرف أوجه في أوّله..وتناقصه..بمقارنته مع غيره..وأخيراً يصبح ضمن -العادي- في أحداثك.


ياصاحبة..
أخشى أنّك أقرب إليّ منِّي..ولم تعلمي أنه يسبقك إليّ.
أخشى أنّني ماعدتُ أعلم الفرق بين العادي..وغيره إلا عند مقارنتهما بهِ..
أخشى أنّ كلّ ماحولي..ومابي صار تفاصيلاً _سهل_ وضعها جانباً إلى حين ..مع إكتمال حضوره.
أخشى أنّي ماعدت أدري غير أني له أشتاق في الغياب والحضور..
لاأخفيك..
أكبر خشيتي..
خوفي منِّي علينا.

ياصاحبــــ ة

عيونها

نعومة ليكي وحشة أكبر من الدنيا دي باللي فيها

Quote: نعومة ليكي وحشة أكبر من الدنيا دي باللي فيها

اتحداك شوقا !!

وهياما!!

كل سنة وانتي طيبة

كل سنة وانتي صحبتي وحبيبة قلبي

Quote: اتحداك شوقا !! وهياما!!

اوعكـ تقولي ليها أديني إيميلكـ

__
كل سنة و انت طيبة يا انعام ..
وصلتكـ الرسالة ؟

نوبي آآي سوي لينا سُمعة

أسويها ولا تسويها سُواتكم دي

آآي أبهتنا

انعام زاغت شكلها

تماضر ونوبي ..

كل سنة وانتو طيبين ...

يعني يا نوبي متابع .. الله يجازيك .. ولا تكون .....؟؟؟؟؟!!!!!!!!



اهة الوصية كيف ؟؟!!

بالمناسبة .. اكلمها ؟؟؟...

كلّميني كلِّميني

Quote: كلّميني كلِّميني

ما تكلّميها ما تكلِّميها













__
النص اعلاه لا يعني النفي .. كما انه لا يعني الموافقة ..
إنعام .. وجدتكـ عابدة ذات يوم .. كوني كما وجدتكـ

Quote: النص اعلاه لا يعني النفي .. كما انه لا يعني الموافقة .. إنعام .. وجدتكـ عابدة ذات يوم .. كوني كما وجدتكـ

يعني كلِّميها

نوبي زعلانة منك .. جيت السودان ؟؟

بعدين لابوست دا اسمه صاحبة .. ما صاحب .. لما تعمل ليك واحد تعال

لوووووووول .. البوست حقي !!!

المشكلة نوبي ده مابنزعل منو

نعومة ياصاحبة آآي ده بوستينك

كوِّن نفسك ياولد

الرائعة تماضر الخنساء
سلامات زمن مضى وزمن آت
ولك الأمنيات كلها

يا قليبك لو يعاين
جذوة الريد القديمة
كان يفارق دربً اليجيب الريح
**
ولو يا صاحبة شوقك
كتف الوجع المعاند
كان إعتراف النهايات أنفضح

احتراماتي

لاأدعي شمولية معرفية ..
ولكن بقدر ما أتيح لي من فرص إطلاع علي أعمال شعرية..
لم أقف علي شاعر او شاعرة ..
فصلا بين الجسد الطبيعي والروح ..
ليدير الجسد المادي حوارا رائعا وشائقا وشفيفا مثل هذا
مع صاحبه الهلامي..
ذلك المفتون بفضاء حريته وقدراته الا محدوده
في الإنطلاق نحو براحات الوجود ..
فيعلق السؤال يابسا بين الشفتين ..

Quote: أبقى مستغرب مشيها .. مني ما عارف أجيبها ..

محمّد مداخلتك نافذة ومباشرة جداً
ولمست حتات ممنوعة
ومقفول عليها
لدى هذه ( الصاحبة )

أحببت هذا الحضور..

Quote: يا قليبك لو يعاين جذوة الريد القديمة كان يفارق دربً اليجيب الريح ** ولو يا صاحبة شوقك كتف الوجع المعاند كان إعتراف النهايات انفضح

عبدالله ..وصل مكتوبك ليها

صباحاتك خير

الجميلة خنساء

ما اعذب حوارك وما اصدق صديقتك

دمتي للهذا الالق...

واصلي النضم ...

ووصي صديقتك ...قوليها خلي بالك من قليبك..

اصلو آدم منو خوف !!!

Quote: قولي ليها : خلي بالك من قليبك.. اصلو آدم منو خوف !!!

قلت ليها..
وقلت ليها..خلِّي بالك من مشاعرو بيسرقنّك




قلت ليكم بالي في حِسّو بيضيع..
الجايّ من أضلاع حنان بالريدة قبلاً شكلنّي
ومامُلام لو قلت بشتاق ليهو وإنّي
المشاعر الفيهو طبعاً ودَّرنّي
أدوني خاطر ريدي بس
ولو زدتو في شكواي..تجنِّي..
مني ..برحل ..ليو..لأنّي..
فيو بلاقي هواها نفسي
ولو تمانع..مني برحل..برضو..عنِّي..
آدم ..حالي مشتاق ليك كأنّي
فُت منّك وإنت منّك..فيني..في جوايّ..سجنّي..
وبعضي نافر من شعوري..وبعضي بزعل برضو منّي
مرَّة بتحاشاهو عِنية..
عارفو شوقك هوَّ الغلبني

Quote: نعومة ياصاحبة آآي ده بوستينك كوِّن نفسك ياولد

هاهاااااااااااي
تاني تعال اتفاصح




سلامات طمطم و نعومة
علكم بخير

إنعام
تفترض إني جيت ... هل تحولتِ الي عابدة يا أختاه و ماني عارف
البوست اسمه يا صاحبــــــ و التاء المربوطة دي جات غلط في العنوان و في رواية اخري دفاعا عنها

طُمطُم
دافننو سوا نحن و لسه كراعو بره


ود البشري
ما تفرح شديد عشان تغش الجماعة و يفتو ورقهم هنا يا حريف
قال اسبوع البورد قال






__
نحن قوم لا نقول الرووووووووب

الأخت النضرة / تماضر

سلام غلى روحك الطيبة

غنى المرحوم طلال مداح قائلاً : يا صاحبي مافي الهوى راخة!! أحسب إنه صادق في هذا التعبير

شكراً تساب أبوبكر على الطلّة السمحة زيّك

Quote: ود البشري ما تفرح شديد عشان تغش الجماعة و يفتو ورقهم هنا يا حريف

يا بوي لينا بالظاهر
البوســ(ط) ستو قالت ما حقك
تاني شنو
والله افرح فرح

البوســ(ط) يدعو للإشتراكية

نوبي هووي الدفنّاو كان بلا كرعين



_______
نحن قوم نسوّي الرووووب.

سلامات البشرى

* نوبي البشرى ده قصدو يوقّع بيناتنا مُش؟

Quote: نوبي البشرى ده قصدو يوقّع بيناتنا مُش؟

العفو يا طمطم
نوبي مفروض فاهمني
وكدا

البشرى لاياخ مامحتاجة عفو
ممازحة مش أكتر



أتاريك حسّاس

تماضر ... انا من الناس المرابطين خارج البوست لحفظ الامن والنظام خوفا على زوارك من اى هجمات ارهابيه من ارهابى المنبر وهم كثر فى هذا المنبر... جانى زميل غيرنى وقلت اجى اقول ليكم مع السلامة قبل ما امشى... قولى ( نورا سبدو)

يسعد مساك النور خالد

نوَّرت البوست ..

نورا سبدو

Quote: أتاريك حسّاس

حسي لو المسنجر في
كان فيها سماحة " يوجد لديك عدد 1 رسالة جديدة"
بكري ياخ ما كفى

شفت بكري ده مروَّح علينا شنو؟

الله يسامحو

ام حتوت وين يا طُمطُم

من يوم (كردلب) في صورة ندوية عرفتها مافي

لا حولا
جابت ليها شيل حال
النقوم على أسابيعنا قبل ما تجيب ليها ابتزاز كمان

صباحك ورد البشرى

كسير التلج ده ما بحِلِكـ من سُواتِكّـ











__
قولي الروووووووووووب ..
الارسال مالو قاطع !!

ياولد نحن قوم إن هبشنا التلج ذاااااااب



__________
يعني الواحد عاوز يعمل فيها رزين مادايرين تدوهو فرصة

سلامات يارائعة في الزمن الصعب

مدثر صباحاتك خير

Quote: Apologize

على شنو؟؟

على أيّ حال...صباحك ورد