Post: #1
Title: وبرضو بتشيل الظنون؟؟
Author: تماضر الخنساء حمزه
Date: 07-15-2007, 11:01 PM
Parent: #0
بخاف
وحشة السكة المشيتا
معايا آمالي الرهاف
بخاف يرحل حنينك وينتهي
القلتا في آخر المطاف
بترجَّى خطواتي القبيل
الراسمة في موجك ضفاف
ليه إنتا ناديت الشجون
وقلبي فيكا كتير سرح
وكيف تكون سيد العيون
الفيها لحظك هو الجرح
وبرضو بتشيل الظنون
وإحنا عايشنك فرح
انا قلتا ليك ..
انتاالبراك
شلتا اشواقي الكتيرة
وقلتا ليك الريد ملكتو
معاهو آمالي الكبيرة
أخدتا كل الذكريات
وال...هسَّة..
والجايينا..لسَّه..
والمابنعرفو وسر مُغّيَّب
إلا ليك عارفنو نحنا
اصلو ريدك هو الشغلنا
إنتا يازولي الحِبَيِّب
قلبي إتعلَّل شوية
وقلبك إنتا إن شاءالله طيِّب
وشوقي ذي بحر الدميرة
وانتا اشواقك جزيرة
وشطَّك إنتا الما قِرَيِّب
00:00 16-7
بداية يوم جديد.
|
Post: #2
Title: Re: وبرضو بتشيل الظنون؟؟
Author: عصمت العالم
Date: 07-15-2007, 11:14 PM
Parent: #1
لو كان سالتى..
ملامح غبش الفجر..
لما مد الاسى..
كسى..
التقاطيع..بى برقع حزن..
وبعثر وجه الصباح..
قطرات دموع..
فى رعشة وداع..
وقف الزمن.محتار..يقول..
مسكون .شجن..
طاير جريح..
مكسور جناح..
شوقه ارتهن..
بكلمة.وداع..
لما بقى الوداع..
افدح ثمن...
دايره تقولى ايه..
يا عشق الفؤاد..
بعد الحصل...!!
وامر القدر..حكم الزمن
|
Post: #3
Title: Re: وبرضو بتشيل الظنون؟؟
Author: تماضر الخنساء حمزه
Date: 07-16-2007, 05:45 AM
Parent: #2
جاوبتا بالشوق البعرفك
لي سؤالك إنتا ليَّ..
شلتا من عينيك جوابي
لمَّا بتصادف عينيَّ
وشلتا المحبّة وماكتيرة..
وروحي ذاتا عليك شوية
|
Post: #4
Title: Re: وبرضو بتشيل الظنون؟؟
Author: مهند الجيلي بادي
Date: 07-16-2007, 08:40 AM
Parent: #1
Quote: بخاف
وحشة السكة المشيتا
معايا آمالي الرهاف
بخاف يرحل حنينك وينتهي
القلتا في آخر المطاف
بترجَّى خطواتي القبيل
الراسمة في موجك ضفاف
|
السكة
الخطوة .. وضجيجك
بي خواطر الشوق
وريدك ...
الإلفة
الغنية .. وقصيدك
لم حلق اللحظة
بي الكلمات يضيق
تفتح وريدك
ومن دماك
بتشيل حروفك
وتشَهِّدا ...
شوقي وسماوات الطرب
صفحة النيل الهرب
من ضحكتك
ما تصحي فيهو الذكريات ..
الخوف
سهرك .. وترتيل المسا
ساقوك من جواك
غصبا عن الذاكرة التَسَرِّب
ذكرياتي
جابوك قصاد هذا القلب
ختوك نصب الشوف
وكت كل الحواس اتجمدن
ذكرناك ..
أنا وأوراقي
ونسمة هفهف شوقا
ونَّست المسا
همست في اضنين الفجر
أخَّر مواعيد طلتك
خلينا نملا عيونّا منها
والشوف
عويناتي
البتاوقن ليك
قبل ما تكوني
في حد الحنين
كان شوفن
بحسك ...
وانتي أبعد من مطر
راجينو والناس في الشتا
شوفن مسيرة إلفتك فيهن
مسيرة خطوتك في الروح محبة
مسيرة
ومظاهرات
الروح بتتطلب إلتجاءا
إليك ؟؟
بتندد بهذي اللهفة
وبتقولك كفا
ومظاهرات
ومظاهرات
لامن تجينا بطلتك
تماضر ،،
هذا التظاهر
رغم أنف الروح
وما هو خروج
عن طاعة هواك
بس ..
رغبة في قربك
وخافقك
مرفق :
ما بشده الشوق
إلا شوقك
أعمل حساب القلب منك ؟؟
ولا أرجاك في ظنوني ؟؟
ما عارف
لكن ..
بدندن ليك
رغم أنف الإنكسار
بــــــــادي
|
Post: #6
Title: Re: وبرضو بتشيل الظنون؟؟
Author: بابكر عثمان مكي
Date: 07-16-2007, 09:03 AM
Parent: #4
قدر ماتلاقينانلاقى حبور
بشيلنا ظن مسرور
وغصن وراق
وضل من تواليف سور
نضحك
تغمض عيونا من وهجه
تنور كل دواخلنا بدور
تكون اللحظة جوة الذات
غنية من طمبور
ويكون الجدول الرقراق
سقاية شتلة برية
فى هضاب النور
بابكر زيكو
زماااااان
وهسسسة
|
Post: #8
Title: Re: وبرضو بتشيل الظنون؟؟
Author: مهند الجيلي بادي
Date: 07-16-2007, 09:27 AM
Parent: #6
Quote: نضحك
تغمض عيونا من وهجه
تنور كل دواخلنا بدور
تكون اللحظة جوة الذات
غنية من طمبور
ويكون الجدول الرقراق
سقاية شتلة برية
فى هضاب النور |
ونضحك
وقهقهاتك دوزنة
نسَق الحروف
بفرد مداخل للسؤال
النيل نديدك ولا أخوك ؟
زول من سماحة أرضي
وخريفا البشارة
Quote: بابكر زيكو
زماااااان
وهسسسة
|
لازم تكون ياك
أو
ياني
إختار
مش نحن رافدين
لي وطن ؟؟
مرفق :
حبي الكبير
بــــادي
|
Post: #9
Title: Re: وبرضو بتشيل الظنون؟؟
Author: بابكر عثمان مكي
Date: 07-16-2007, 10:00 AM
Parent: #8
الخربف طولت منو
نشف وريدى
واتستف رمل اصفر مشتت بالبعاد
كلما اشوف زول من بلادى
اخضر عودى
ويفرهد بالمطر
واتحت الرماد
غسيل العيون بالدموع
والفراق بالتناد .
|
Post: #11
Title: Re: وبرضو بتشيل الظنون؟؟
Author: تماضر الخنساء حمزه
Date: 07-16-2007, 07:00 PM
Parent: #6
زيكو
انا في هواك معذور..
مالك الفؤاد والروح
تشرق معاكَ زهور
يالريد الملك دنياي
تسعد معايَّ دهور
|
Post: #24
Title: Re: وبرضو بتشيل الظنون؟؟
Author: بابكر عثمان مكي
Date: 07-17-2007, 07:07 AM
Parent: #11
تماضر
لانك
اول من ادخل
فى عالمى الكئيب
توليفة الفرح المعافى
ثم البسنى
ثوب الدهشة الاولى
وعشق الوطن الخرافة
ودس شرايينه فى دمى
لتموت انسجة المخافة
كان حتما" ..
ان تزول بيننا
كل اقبية الانتظار
وكل ابعاد المسافة
|
Post: #7
Title: Re: وبرضو بتشيل الظنون؟؟
Author: تماضر الخنساء حمزه
Date: 07-16-2007, 09:06 AM
Parent: #4
أنا إحترتا..
بينك..وبينك..
هنا..وهناك..
ردي عليك..ماعارف أجيبو
ذي بيسابق..
فيني لقاك!
انتاعارف الروح تريدك
انتا ياكل الغناوي
واللحن أصبح فيك..شهيدك
ماني بفرح بي رؤاك
ذي فرح كل الأحبة
أو أزيد في..الفيهو..حبَّة
هل قلبي لساتو المعاك؟؟
لكني كان طليت عليَّ
والشوق بسابق في وريدك..
بلبس الخدر البعيش
في كل خلايا الحِس ..بريدك
وكان حاولتا ..اعبِّر ..
أو حتَّى أسأل ..عن..جديدك..
وأستدعي ياإنتا الحروف
وينِك؟؟
تعالي..
ياخي..الليلة عيدك
ألقاها منسية وكأنو
برضو تاهت في طريقك
انتا ياحلو الكلام
وكلامي ماعارف إجيبك
وانتا ياكل الحروف
ادينا بعضاً من نصيبك
خليني نستوفي الشروق
عارف الصباح أصبح عشيقك
وقبلو تاه كم ليل وراهو
سامرنا فيو نجماً حبيبك
هل كِمِل ..بادي ..الكلام..
أم انتا بتحير نديدك؟؟
|
Post: #5
Title: Re: وبرضو بتشيل الظنون؟؟
Author: د.محمد حسن
Date: 07-16-2007, 08:47 AM
Parent: #1
16/7 بداية شوق عنيد
|
Post: #10
Title: Re: وبرضو بتشيل الظنون؟؟
Author: عبده عبدا لحميد جاد الله
Date: 07-16-2007, 10:26 AM
Parent: #5
Quote: بخاف
وحشة السكة المشيتا
معايا آمالي الرهاف
بخاف يرحل حنينك وينتهي
القلتا في آخر المطاف
بترجَّى خطواتي القبيل
الراسمة في موجك ضفاف |
تسلمي يا رائعة
|
Post: #13
Title: Re: وبرضو بتشيل الظنون؟؟
Author: تماضر الخنساء حمزه
Date: 07-16-2007, 07:44 PM
Parent: #10
الروعة طلتك..
|
Post: #12
Title: Re: وبرضو بتشيل الظنون؟؟
Author: تماضر الخنساء حمزه
Date: 07-16-2007, 07:44 PM
Parent: #5
د. محمّد..
إنتا صاح..
|
Post: #14
Title: Re: وبرضو بتشيل الظنون؟؟
Author: خدر
Date: 07-16-2007, 07:48 PM
Parent: #12
طول عمري بتمني اقدر اكتب بيت شعر واحد و ماقدرت
يبدو ان بعض اسلافي كانو قطاع طرق
انا لسه مبسوط منكـ يا تمادر
اشوفكـ في امسيه فضيلي جماع
|
Post: #16
Title: Re: وبرضو بتشيل الظنون؟؟
Author: عصمت العالم
Date: 07-16-2007, 08:17 PM
Parent: #14
انتى..بتعرفى..انك.
صباحات .الامل...
رغم الحصل..انا مزروب..
بى شملة..هواك..
واربطة..الغزل..
لما رشاش همس القدر..
فسر ..فصل...شكل القوام..
خلت الكلام..مشوار ..هزل..
لكن قرات فى لمحة بصر..
شكل العتاب...البان قدل
فى ارسال بصر..
نفذ السهم..
غضبان..سكن..
خلف جراح..نزفا..هطل..
كم اتعبنى.انك..قدلت فى خفة
غزال...
فى فدعه من تيه فعل..
اتجمد بيانى...واصابنى الثقل..
وتكسرت خطوات غناى...
ومزمار هواى..
واصبحت مكسور.جناح...
ودمعاتى فى حضن المقل..
بتقولى ...لى شكاك .انا..
انا شكاك..
يا عجوه معطونه فى عسل...!!
|
Post: #19
Title: Re: وبرضو بتشيل الظنون؟؟
Author: تماضر الخنساء حمزه
Date: 07-17-2007, 03:59 AM
Parent: #16
إنتا عارف إنو ريدك ..
فيني برسم أمنيات..
وإنو ليلك سر حنيني..
الفيهو سر الأغنيات..
|
Post: #18
Title: Re: وبرضو بتشيل الظنون؟؟
Author: تماضر الخنساء حمزه
Date: 07-17-2007, 03:54 AM
Parent: #14
خدر
أسلافك برضو؟؟ماتبهتم
__________
أمسية هارلم لازالت في الذاكرة..
_________
أمسية فضيلي لاتُفوَّت..
بنتلاقى اكيد..
|
Post: #15
Title: Re: وبرضو بتشيل الظنون؟؟
Author: عبدالله داش
Date: 07-16-2007, 08:08 PM
Parent: #1
|
Post: #20
Title: Re: وبرضو بتشيل الظنون؟؟
Author: تماضر الخنساء حمزه
Date: 07-17-2007, 04:00 AM
Parent: #15
أنا ..بريـــد.
|
Post: #17
Title: Re: وبرضو بتشيل الظنون؟؟
Author: Alsa7afa_30
Date: 07-16-2007, 09:53 PM
Parent: #1
برضـو؟؟؟
|
Post: #21
Title: Re: وبرضو بتشيل الظنون؟؟
Author: تماضر الخنساء حمزه
Date: 07-17-2007, 04:01 AM
Parent: #17
صباحك طلة الياسمين..
|
Post: #22
Title: Re: وبرضو بتشيل الظنون؟؟
Author: عبدالله وداعه الامين
Date: 07-17-2007, 04:03 AM
Parent: #17
Quote: طول عمري بتمني اقدر اكتب بيت شعر واحد و ماقدرت
يبدو ان بعض اسلافي كانو قطاع طرق |
طارق ابوعبيدة يا لذيذ
والله ردك مبالغة وضحكتني
ياخ اسلافك ديل ادوك كل الجمال والرقة والصوت الانيق
يديك العافية وليهم المحبة
والشكر لي ست الدار البت النيل تماطم
|
Post: #23
Title: Re: وبرضو بتشيل الظنون؟؟
Author: تماضر الخنساء حمزه
Date: 07-17-2007, 04:15 AM
Parent: #22
شوئي
بتضحك إنتا كان حي
الشكر ليك انتا ده..
|
Post: #25
Title: Re: وبرضو بتشيل الظنون؟؟
Author: مدثر محمد ادم
Date: 07-17-2007, 01:54 PM
Parent: #23
Quote: جاوبتا بالشوق البعرفك
لي سؤالك إنتا ليَّ..
شلتا من عينيك جوابي
لمَّا بتصادف عينيَّ
وشلتا المحبّة وماكتيرة..
وروحي ذاتا عليك شوية |
يسلم فيض ابداعك
ونهارك حب
|
Post: #26
Title: Re: وبرضو بتشيل الظنون؟؟
Author: ابوبكر يوسف إبراهيم
Date: 07-17-2007, 02:24 PM
Parent: #25
يا سيدة الكلمة
يا أميرة القوافي
أيتها الخنساء تماضر
نهاية المطاف أن من تخضب القصيد بهكذا خضاب يجمله فوالله هي لأميرة القوافي .. نهاية المطاف أن شعرك كالدر ل يمكن أن يكون هيل تراب إلا لفقاقد حس ومشاعر .. ختام القول وليس نهاية المطاف أنت رائعة روعة نيل بلادي ونخيلها وعظمة التاكا وجمال المراتع في ديار الكبابيش.. أنت قيثارة ملائكية الألحان.. القصيدة روعة ورائعة.
|
Post: #27
Title: Re: وبرضو بتشيل الظنون؟؟
Author: هاشم أحمد خلف الله
Date: 07-18-2007, 01:41 PM
Parent: #26
Quote: بخاف
وحشة السكة المشيتا |
|
Post: #28
Title: Re: وبرضو بتشيل الظنون؟؟
Author: عصمت العالم
Date: 07-18-2007, 02:26 PM
Parent: #27
يا رونق الصبح..البدأ..
الوان...
تداخل..
من اذابه .ومن سناء..
وحلم..منى...
وحبب....ندى..
ولهفة..مشاعر...
ودفق الدواخل..
يا دوب..ابتدأ..
يا ايقونه..
من سحر الجمال..
انتى الخبر..والمبتدأ
|
|