تفتِّش..عن..وطن..حقكــ

بشيلك هموم وأسافر بدونكـ
والاقي الطريق
البيرحل
بساسق
بيودي لعيونكـ

تفتِّش عن وطن حقَّك..
وماسويتو..إنت براكــ
بس مستني من بعضكــ
إلملم بعضو يبقى حِداكــ
ولاكــ شايل سلاح ترهب..
ولاكــ
بتهدِّد إبقوا معاكــ


بس شايل في إيدياتكــ
عِشقكــ لي سما الخرطوم
وصوت الساقية في بلدكــ
إدوزِّن في مسافاتكــ
البتفصل بين..
خُطاي..وخطاكــ

تفتِّش عن ..وطن مكتوب ..على الرملة..
ووصِّي الموج..




بشويش...

( عليك وليداتي)
( عليك إيدياتي)
(عليك الشفتو في ريدك)
(عليك دم الوليد السال..ونشَّط حلمي في وريدكــ)


لاتمحو حروفو بالله


ولو أمكن..

تخت في (واووا) مصلايتكــ
وتحمل..(طاءوا) مخلايتكــ
وتسكِّن (نونو) في سّعناً ..
توزِّع فيها رحماتكــ
وبعضاً من هديماتكــــ..

تشيلا ..وتجري بي فرحة..

تهدي نحيب جنياتكــ

وتكسيهم هديمة..
وتديهم لقيمة..
مامغموسة في ذِلة..
ولان مشترطة بي إلا..



بس..

ممدودة بي إلفة..


وياااه..

لمَّا الحنانــــــ
يصبح..
مهنة ..بالحرفة.

غيَّبوكــ الهُم..
ماعرفوا إنَّك في..
مشدود..ووترك هم..
مصلوب على التمتم..
دمكــ بينزف حقــــ
وروحكــ



وطن بتضم

ماشافوا..أخواتكـــ
بيضاروا في رفاتكــ
شان بالحنان..تتلم..
لاشافوا أمكــ جات..
وحليبا لون الدم..
تسقيك محل النزف..
يبرا الجرح ..

ينجم..

تفتِّش عن وطن..حقكــ
وحاشاهو مابنذم..
لافتو لا طاطيت
لالا ويمين حرّم..

راجين..والأماني ..وقوف..
تشق بطون الخوف..
وتروِّح الدجّال..



وآخر زمانو يتم.

Quote: راجين..والأماني ..وقوف.. تشق بطون الخوف.. وتروِّح الدجّال.. وآخر زمانو يتم.

آآمييييين ..
نتلم فرحانين ..
في بلدنا متكاملين ..
وما يحس ولدنا يُتُم .

أرجاني في موكب بهاك..
متساربة بيناتك حضور..

ساعة تمكُّن مشتهاك.


تعرف تعادل الشوق مع قدرة الجيّات إليك؟؟
ولاغاب عنّك ..إنو التلاقي البين غيومك..
بمنح الأرض الرذاذ!

وبسمعك ..وكتين ..بدوبي..
سميت مساديرك ..غُناك

وكل حرف شوقك بعرفو
والنمّة ..تعشق منتهاك!

بتطلع في زفيري غياب
وتشهق بالمعاني ..حضور

بلا طلوعك..
مين بيعشق مين؟؟

Quote: بشيلك هموم وأسافر بدونكـ والاقي الطريق البيرحل بساسق بيودي لعيونكـ ****** تفتِّش عن وطن حقَّك.. وماسويتو..إنت براكــ بس مستني من بعضكــ إلملم بعضو يبقى حِداكــ ولاكــ شايل سلاح ترهب.. ولاكــ بتهدِّد إبقوا معاكــ

غربة وشوق
كلمات :إسحاق الحلنقي
غناء: الاسطورة الفنان الموسيقار ود الامين

جيناكم يا حبايبنا
بعد . . غربة و شوق
نغالب فيه ويغالبنا
ونكتم أهة تظهر أهة تتعبنا
حنين لشوفة الغالين مدوبنا
هناك ما هنتنا . . يا حلوين
الهم بدل واحد يبين همين
وفيها قلوبنا . . تتأوه
ونتاوه . . سنين وسنين
مصيره الحى يلاقى
حبايبه . . لو صادقين
سماع أهلا من
الاحباب شروق أمال
ووصف البهجة
بالكلمات محال يتقال
حلاوة العودة
غنيناها فى موال
تحكى عن الولف
واصلو الولف .كتال

Quote: سماع أهلا من الاحباب شروق أمال

Quote: وكل حرف شوقك بعرفو والنمّة ..تعشق منتهاك!

و النيل دوام بسأل عليك
ليه حارمو من أنفاس شذاك ؟

هوَّ عارِف عشقي ليهو..
كم كتبتا علي رمالو

إني مكتول في هواكـ

شوفتك أحلامو و مناهو
وحضنو مشرع لي لقاك

.
.
.

كيييييييييف...

Quote: تفتِّش عن وطن حقَّك.. وماسويتو..إنت براكــ

تقديري لك دوماً تماضر

سلمى
صباحك ورد

ورنّة الطنبور بتعزف

ذكرى..أوكاتي المعاكــ

يابتي دة وجع شديد انو نفتش عن وطن حقنا ...؟؟ وجع بعمرنا .. اول الاوطان البيت الواحد بتولد فيه ثم الحلة والمدينة القريبة ثم المدن والحلال الاقرب ثم الابعد ثم كل البلد اميال اميال ..فقدت انا وجيلي من النوبيين الاولي البيت والحلة والحلال الاقرب والمدينة الاقرب وجرينا اميال اميال الي البلد الاكبر ولكن!!! بقت بعيدة ..واتشتتنا زمان وزمان وقلنا طالما هي في جوانا وقريبة في شراينا تجري مجري الدم حتبقي لينا قريبة لكن المسافة تكبر والعمر يقصر واها نفتش ...

تسألني عن حب الوطن ؟
وعن ملامحو كيف بقن ؟
عن حروب تطحن دواخلو
وكيفن اشقاهو الزمن
عن جراحاتو الأليمة
وعن طيروا الهاجرن
عندي الوطن ساحات نضال
مسرح وفن مسرح وفن

الشاعرة الأنيقة تماضر احيي فيك إحساسك بالوطن وربنا يفك قيدوا ونرجع نبقي في رحابو من جديد
والوطن في قلوبنا من جوه ومهما زعلنا ومهما بكينا غير وطنا مافي لينا .

Quote: عندي الوطن ساحات نضال

Quote: واها نفتش ...

كل سنة وانت اجمل وطن

Quote: اجمل وطن

ذنبي أيه..
لو شلتا شوقي ورحتا منك..
ولقيتني جايِّ عديل ..عليك !
ذنبي يمكن ..
دربي أدمن ..
وهوّ خاشع..
سكة الترحال ..إليك..

ذنبي ..يمكن..
موسم الفيضان ..لديّ
برضو بعشق ..ضفتيك

اللاااااااااااه .. صور وحروف تدمع العين وتدمى القلب




..أجمل وطن ..

Quote: تدمع العين وتدمى القلب

مليانة بيك..
حدّ الغرق
ياماشي في روح القصيد

بدوزّن الشوق بي مجيك
صدقني..بشتاقك..شديد.

السكة بيناتنا..

إحرام..وكعبة وبيت..

صدقني ماصديت
موقوف عليك ريدي
كان فتا قبلي سعيت

تامي إحرامي
بالنية أنا حجيت

حــجينى بالشوق التليد
بالمويه بى ريحة الطمى
بالمزنه فى رمش الغيوم
فرحانه فى لجج السحاب
مزدانه شارفت الهَمى
جدّلة ضفاير
من عيون النيل نشيد
غنينا للوطن المجيد
لحظة تأمّل ..
فينا غايات التحمَل ..
للصعاب فى شانك
العالى الجلى

حجيت..وما..حجيت..
صدقني ماهميت..
ماإنتا ريد جوّأي..
وأنا فيكا من شبيت..
دروبي في عينيك
وليها كم تاتيت
السكة بيناتنا
إحرام..وكعبة وبيت..
هرولتا..شوق جوّاك
والباقي ماتميت
إحساسي بيك..توّهني
جابني وعليكا مشيت
باعدتا أحلامك
برضي مازازيت
وجاتني من تاني
صدقني ماصديت
موقوف عليك ريدي
كان فتا قبلي سعيت
تامي إحرامي
بالنية أنا الحجيت

تاتيــت
زحفت على الدروب
ناويك جدهميت
لبيك معاك ..
جاهرت بيك
وســرجْـت
فى الريح الهبوب
طاقة مراكب وأختفيت
بين الخطوط الفاصله
لون الإستواء
وشفق الغروب
متوسمك ..
انا ما نسيت السكه
يا دوب إبتديت

أناقلتا ليك صوتك ..تسابيح الغرام
وبين عينيك ..نامت مصابيح الهيام
أنا ذنبي أيه ؟؟
لو روحي يا..روحي..حجّت يوم مجيك..
مش صوتك أعلن..موسم..الإحرام ..إليك ؟؟
ذنبي أيه ..لو شلتا ليلي وجيت عليك
علي مصابيحك قبيل أنا إتّكيت
ذنبي أيه..
لو شلتا شوقي ورحتا منك..
ولقيتني جايِّ عديل ..عليك !
ذنبي يمكن ..
دربي أدمن ..
وهوّ خاشع..
سكة الترحال ..إليك..
ذنبي ..يمكن..
موسم الفيضان ..لديّ
برضو بعشق ..ضفتيك
ذنبي ..يمكن..
إنو المسافات..إقترابها..وإبتعادها..
بقيسها بي نظرة ..عينيك..
ذنبي برضو..
أنا بعترف ..
إني مليان بالخطايا..وجاي أحج..
جاي ..أطوف..
ذنبي لو تغفر..لديك .

يحيا الوطن فى دواخلك ودواخلنا ..
إنحناءة ..

هندوية
يسعد ايامك

Quote: بشيلك هموم وأسافر بدونكـ والاقي الطريق البيرحل بساسق بيودي لعيونكـ تفتِّش عن وطن حقَّك.. وماسويتو..إنت براكــ بس مستني من بعضكــ إلملم بعضو يبقى حِداكــ ولاكــ شايل سلاح ترهب..

يكفى كلامك هنا علشان يعبرعنك عنى عن كتيرين موجعين وكل يوم يمر وجعم يزيد
وربنا يزيل عن حبيب الكل الغمه !!!
تسلمى توما حبيبه كتير

الأخت العزيزة تماضر

سلام على روحك الطيبة...

إنك كبيرة بقدر كبر حبك للوطن الإنتماء ، لرائحة الجروف ، لهبوب الشمال ، لدعاش المطر ، لرائحة المواشي عند مشرع الري .. لنسائم النيل البليلة .. للوهاد والشهول والهضاب والجبال .. للصحري والسافنا .. للرياح الإستوائية.. لأشجار النخيل والمانقو والباباي والدليب .. للأسمر وألسود والأبيض والأخضر ..لألوان الطيف التي تجعل الوطن ثري بالتباين العرقي والثقافي والديني .. لهجات ولغات .. حداء ودوبيت ونغمات .. أنت جميلة بكل هذا الذي إحتواه حدائك للوطن أيتها الشفيفة.

Quote: لهجات ولغات

هذا الفيض من الحب ..
الله عليك يا خنساء , و لك الله من بلدِ صرتي أنت له الوطن ..
سأحكيك هذا :
بعد أيامٍ ثلاث من الكر و الفر في شوارع و أزقة الخرطوم ..
و الجند بالملابس المدينة ..
و دروع الشرطة , و الغاز و الناس التي عضت على العمر و يممت العزة ..
صباحٌ جديد .. حسبتنا فيه داخلين دائرة الكر و الفر ..
و كان القصر الأبيض على النيل قد وهن ..
و البيانات الإذاعية صارت ترفيهنا اليومي ..
ثم ..
جاء في المذياع من ينعي مايو و نظامها ..
و يختم بـ :
عاش الشعب السوداني البطل .. و المجد للسودان ..
ثم إذا بوردي ..
يخرج من المذياع مربتا على الدمع و الضحكات :

هام ذاك النهر يستلهم حسنا
فإذا عبر بلادي ما تمنى
طرب النيل لديها فتثنى
فارو يا تاريخ للأجيال أنا

ثائر إذ هب من غفوته
ينشد العلياء في ثورته
مااندفاع السيل في قوته
عجبا من له جند على النصر يعين
كلنا نفسا ومالا وبنين

نحن في الشدة بأس يتجلى
وعلى الود نضم الشمل أهلا
ليس في شرعتنا عبد ومولى
قسما سنرد اليوم كيد الكائدين
وحدة تبقى على مر السنين

قلب إفريقيا بوعي نابض
حل منا بالجنوب الناهض
منعة الغاب بليث رابض
قدما هي كانت جنة المستعمرين
ما لهم منها تباروا خائفين

نحن أبناء ملوك في الزمان
توجوا الفونج وزانوا كردفان
أفسح المجد ليهم خير مكان
نسبا نعم أجداد بهم يزهو جبين
خلق يسمو وعزم لا يلين

دربنا يوم اللقاء كيف دعا
حين داعي البذل بالروح دعا
كيف بالسيف تحدى المدفعا
ودِما بذلوها ذرة لا تستكين
للقَنا للقيد للعيش المهين

حين خط المجد في الأرض دروبه
عزم ترهاقا وايمان العروبة
عربا نحن حملناها ونوبه
بدمانا من خلود الغابرين
هو يحدونا إلى عز مبين

همنا في العيش إقدام وجود
وعن الأوطان بالموت نذود
لنرى السودان خفاق البنود
وغدا سوف يعلو ذكرنا في العالمين
فعلوا كان شأن العاملين

يا بت الناس ..
هذا الحب قاتلك يوما ..
فهنيئا لك .

Quote: هذا الحب قاتلك يوما ..

ولازم أرجع ليه..



الزومه..الطريق للمعديه..

تماضر

Quote: تخت في (واووا) مصلايتكــ وتحمل..(طاءوا) مخلايتكــ وتسكِّن (نونو) في سّعناً .. توزِّع فيها رحماتكــ وبعضاً من هديماتكــــ.. تشيلا ..وتجري بي فرحة..

لوحة ترفرف كما علم خفاق

أبوجهينة..

شكرا على الطلة الحلوة..
كل الود..

Quote: ولازم أرجع ليه..

مجودة..
يسعد مساك النور..

الأخت الفاضلة / تماضر
عيد سعيد وكل عام وانتم بالف خير وعافية
أعادة الله علينا وعليكم بالخير واليمن والبركات

Quote: بس شايل في إيدياتكــ عِشقكــ لي سما الخرطوم وصوت الساقية في بلدكــ إدوزِّن في مسافاتكــ البتفصل بين.. خُطاي..وخطاكــ[]

ما أروع هذه الكلمات
واصلي وسوف نتابع بكل شقف
وإلى الملتقى

Quote: الملتقى

تماضر

تسجيل حضور واعجاب

شعرك فيه ريحة صلحة وكلامها ولا انا ال ح يقتلنى الشوق ليها ما عارفة..

مودتى / رباب

Quote: تماضر تسجيل حضور واعجاب شعرك فيه ريحة صلحة وكلامها ولا انا ال ح يقتلنى الشوق ليها ما عارفة.. مودتى / رباب

ستحسيها رباب في كل ما هو جميل..رحمها الله!

لها الرحمة..منى..

رباب كلامك أفرحني شديد

ربي يرحمها ويسكنها فسيح جناته..

يانى يا نيل ليك راجع
عاوز اشرب و اطفى ناارى...

جيت..أواعدكـــ

جيت اواادعك ياا قمااارى
ماا خلااص شديت رحااالى
و جيت اوصيك لما ارحل
تبقى عشرة على دياارى....

كنا(كل)؟ يوم..
أديها طلّة..
وتقوقي..لي أمي وصغاري..

و الجميلة الفى عيونا
بهجة و اشراقات حوارى
و لعزيز العاش مكافح
جرحن ايديه الطواارى
كلمى الغيم و السحاايب
فى الهجير تبرا و تضااارى...

طيري للنيل..
كلميهو..
يسقي بستاني..وخداري..
كلمِّي الجرف المخدّر..

color:White;font:25pt">تماضر ..
حين علمت بموعد حضورك ..
رتبت أروقة صفحاتي ،
وزيّنت واجهة أحرفي ،
وعطرت قلمي ..
إحتفاء بحضورك الأنيق .
اغبطك على عشقك المتفرّد هذا.

Quote: حين علمت بموعد حضورك ..

فرِحت بانتصار..انتظاري..

كلمى الجرف المخدر
كلمى الطير الخدارى
قول للبيشتاق وراى
الرحيل ما بيختيارى
دا الوطن العشت فيهو
ليهو حققت انتصاارى
دايرو يقوى و عاوزو يبقى
زى نجم ضواى و سارى

التراب في أمي ليهو بشتاق..


ياني يانيل ليكا راجع..

أنا..

عاوز..أشرب..وأطفي ناري.

كتير ..بفخربو..سوداني
شايل أشواقي عيديّة..
وكل حتاتو ..عنواني
بين نخلاتو...بتشابى
وفي واطاتو إيواني
بغنيلك..
محل ماالظلم لاقاني
أزح لون الضلام بالنم
صابر فيكا ..إنساني
وبحكيلك..
عن الداسيهو ..وجداني
عن الشايلاهو كمين ..هم
وإنتا الريدو ..جوَّاني

وأدوبيلك..
هناك يانيلي ترجاني
تشيل حلم المراكبية
وأنا الشايلاكا..شرياني
وتدي الشوق ..مزارعية
خُدرةً ..فيها أشجاني
أريدك..وإنتا بتقاوي
وبعضك..هوَّ أحزاني
أريدك..وإنتا بتقالد..
جناك الفكرو أدماني
أريتو..وهوَّ في حضنك..
بجرَّح فيكا إيماني..
إسمع بعض أناتك
وإفهم..معنى ألحاني .

التراب فيهو امى
ليهو بشتاق يا قماارى
يانى يا نيل ليك راجع
عاوز اشرب و اطفى ناارى...

ترم ترم.

جيت اواادعك ياا قمااارى
ماا خلااص شديت رحااالى
و جيت اوصيك لما ارحل
تبقى عشرة على دياارى
كل يوم اديها طلة
و قوقى لى امى و ديارى...
و الجميلة الفى عيونا
بهجة و اشراقات حوارى
و لعزيز العاش مكافح
جرحنا ايديه الطواارى
كلمى الغيم و السحاايب
فى الهجير تبرا و تضااارى
طيرى للنيل كلميهو
يسقى بستانى و خدارى
كلمى الجرف المخدر
كلمى الطير الخدارى
قول للبيشتاق وراى
الرحيل ما بيختيارى
دا الوطن العشت فيهو
ليهو حققت انتصاارى
دايرو يقوى و عاوزو يبقى
زى نجم ضواى و سارى
التراب فيهو امى
ليهو بشتاق يا قماارى
يانى يا نيل ليك راجع
عاوز اشرب و اطفى ناارى

حماام الوادي يا راحل
مع النسمة الفرايحية
مع الياسمينة عز الليل
توااصل قافية منسية
صغارك مشتهين ترجع....
تضم العش بحنية
مش حرام تسيبم للريح
و عارف القاسو ما شوية..

تقولي ليّ ماشي من بكرة مهاجر لي وطن تاني!!

*الصور منقولة من عدة مواقع تظهر الأسماء على الصور أو في روابطها.

مفارق خضرة النيلين
وعشك فايتو وحداني
ده انت القلت ما بتفوت
وطن بالعزة رباني....

وطن بالعزَّة ربَّاني..
أهداك جو تعيش تعيش فيهو
أهداك غيم تطير ليهو

وجوة عيونو ختاني.....

بلادك..حلوة أرجع ليها..
دار الغربة..مابترحم..
وطوف بجناحك الوادي..
تلقى الخضرة..تنسى الهم..

إتْســـربت فجأه
وبنار اشــواقى
فى الجو البخار إتْبخـــرت
جاييك من جواى هنا
ياضفه بتلحن غنا
وإتمــردت ...
رفضت قوانين الخضوع
لا المرســى يوصل الحادى الرهيف
لا الوداى ردد دربك المشحون شدا
وكانت مسافه شوق بديع

وكانت مسافاتكــ وطن..
شوقو مغروز في ترابو..
وريدو...تيرابو..
البنزرع بيهو أحلامنا الكبيرة..
بيها نتحدَّى..المحن.