تفتِّش..عن..وطن..حقكــ

تفتِّش..عن..وطن..حقكــ


10-21-2007, 08:56 PM


  » http://sudaneseonline.com/cgi-bin/sdb/2bb.cgi?seq=msg&board=268&msg=1200185080&rn=11


Post: #1
Title: تفتِّش..عن..وطن..حقكــ
Author: تماضر الخنساء حمزه
Date: 10-21-2007, 08:56 PM
Parent: #0

بشيلك هموم وأسافر بدونكـ
والاقي الطريق
البيرحل
بساسق
بيودي لعيونكـ


تفتِّش عن وطن حقَّك..
وماسويتو..إنت براكــ
بس مستني من بعضكــ
إلملم بعضو يبقى حِداكــ
ولاكــ شايل سلاح ترهب..
ولاكــ
بتهدِّد إبقوا معاكــ


بس شايل في إيدياتكــ
عِشقكــ لي سما الخرطوم
وصوت الساقية في بلدكــ
إدوزِّن في مسافاتكــ
البتفصل بين..
خُطاي..وخطاكــ

Post: #2
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-21-2007, 08:57 PM
Parent: #1

تفتِّش عن ..وطن مكتوب ..على الرملة..
ووصِّي الموج..




بشويش...

Post: #3
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-21-2007, 08:59 PM
Parent: #2

( عليك وليداتي)
( عليك إيدياتي)
(عليك الشفتو في ريدك)
(عليك دم الوليد السال..ونشَّط حلمي في وريدكــ)


لاتمحو حروفو بالله


ولو أمكن..

Post: #4
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-21-2007, 09:01 PM
Parent: #3

تخت في (واووا) مصلايتكــ
وتحمل..(طاءوا) مخلايتكــ
وتسكِّن (نونو) في سّعناً ..
توزِّع فيها رحماتكــ
وبعضاً من هديماتكــــ..

تشيلا ..وتجري بي فرحة..

Post: #5
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-21-2007, 09:03 PM
Parent: #4

تهدي نحيب جنياتكــ

وتكسيهم هديمة..
وتديهم لقيمة..
مامغموسة في ذِلة..
ولان مشترطة بي إلا..



بس..

Post: #6
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-21-2007, 09:04 PM
Parent: #5

ممدودة بي إلفة..


وياااه..

لمَّا الحنانــــــ
يصبح..
مهنة ..بالحرفة.

Post: #7
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-21-2007, 09:07 PM
Parent: #6

غيَّبوكــ الهُم..
ماعرفوا إنَّك في..
مشدود..ووترك هم..
مصلوب على التمتم..
دمكــ بينزف حقــــ
وروحكــ



وطن بتضم

Post: #8
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-21-2007, 09:09 PM
Parent: #7

ماشافوا..أخواتكـــ
بيضاروا في رفاتكــ
شان بالحنان..تتلم..
لاشافوا أمكــ جات..
وحليبا لون الدم..
تسقيك محل النزف..
يبرا الجرح ..

ينجم..

Post: #9
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-21-2007, 09:14 PM
Parent: #8

تفتِّش عن وطن..حقكــ
وحاشاهو مابنذم..
لافتو لا طاطيت
لالا ويمين حرّم..

Post: #10
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-21-2007, 09:15 PM
Parent: #9

راجين..والأماني ..وقوف..
تشق بطون الخوف..
وتروِّح الدجّال..



وآخر زمانو يتم.

Post: #11
Title: Re: تفتِّش..عن..وطن..حقكــ
Author: محمد على طه الملك
Date: 10-21-2007, 09:52 PM
Parent: #10

Quote: راجين..والأماني ..وقوف..
تشق بطون الخوف..
وتروِّح الدجّال..



وآخر زمانو يتم.

آآمييييين ..
نتلم فرحانين ..
في بلدنا متكاملين ..
وما يحس ولدنا يُتُم .

Post: #12
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-21-2007, 10:34 PM

أرجاني في موكب بهاك..
متساربة بيناتك حضور..

Post: #13
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-21-2007, 10:40 PM
Parent: #12

ساعة تمكُّن مشتهاك.


تعرف تعادل الشوق مع قدرة الجيّات إليك؟؟
ولاغاب عنّك ..إنو التلاقي البين غيومك..
بمنح الأرض الرذاذ!

Post: #14
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-21-2007, 10:45 PM
Parent: #13

وبسمعك ..وكتين ..بدوبي..
سميت مساديرك ..غُناك

وكل حرف شوقك بعرفو
والنمّة ..تعشق منتهاك!

Post: #16
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-21-2007, 10:47 PM
Parent: #14

بتطلع في زفيري غياب
وتشهق بالمعاني ..حضور

بلا طلوعك..
مين بيعشق مين؟؟

Post: #15
Title: Re: تفتِّش..عن..وطن..حقكــ
Author: Dr. Faisal Mohamed
Date: 10-21-2007, 10:46 PM
Parent: #1

Quote: بشيلك هموم وأسافر بدونكـ
والاقي الطريق
البيرحل
بساسق
بيودي لعيونكـ
******
تفتِّش عن وطن حقَّك..
وماسويتو..إنت براكــ
بس مستني من بعضكــ
إلملم بعضو يبقى حِداكــ
ولاكــ شايل سلاح ترهب..
ولاكــ
بتهدِّد إبقوا معاكــ


غربة وشوق
كلمات :إسحاق الحلنقي
غناء: الاسطورة الفنان الموسيقار ود الامين

جيناكم يا حبايبنا
بعد . . غربة و شوق
نغالب فيه ويغالبنا
ونكتم أهة تظهر أهة تتعبنا
حنين لشوفة الغالين مدوبنا
هناك ما هنتنا . . يا حلوين
الهم بدل واحد يبين همين
وفيها قلوبنا . . تتأوه
ونتاوه . . سنين وسنين
مصيره الحى يلاقى
حبايبه . . لو صادقين
سماع أهلا من
الاحباب شروق أمال
ووصف البهجة
بالكلمات محال يتقال
حلاوة العودة
غنيناها فى موال
تحكى عن الولف
واصلو الولف .كتال


Post: #17
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-21-2007, 10:54 PM
Parent: #15

Quote: سماع أهلا من
الاحباب شروق أمال


Post: #18
Title: Re: تفتِّش..عن..وطن..حقكــ
Author: Alsa7afa_30
Date: 10-21-2007, 11:10 PM
Parent: #1

Quote: وكل حرف شوقك بعرفو
والنمّة ..تعشق منتهاك!



و النيل دوام بسأل عليك
ليه حارمو من أنفاس شذاك ؟

Post: #19
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-21-2007, 11:14 PM
Parent: #18

هوَّ عارِف عشقي ليهو..
كم كتبتا علي رمالو

إني مكتول في هواكـ

Post: #20
Title: Re: تفتِّش..عن..وطن..حقكــ
Author: Alsa7afa_30
Date: 10-21-2007, 11:36 PM
Parent: #19

شوفتك أحلامو و مناهو
وحضنو مشرع لي لقاك

.
.
.

Post: #21
Title: Re: تفتِّش..عن..وطن..حقكــ
Author: salma subhi
Date: 10-22-2007, 05:08 AM
Parent: #20

كيييييييييف...
Quote: تفتِّش عن وطن حقَّك..
وماسويتو..إنت براكــ





تقديري لك دوماً تماضر

Post: #26
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-22-2007, 10:00 AM
Parent: #21

سلمى
صباحك ورد

Post: #25
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-22-2007, 09:37 AM
Parent: #20

ورنّة الطنبور بتعزف

ذكرى..أوكاتي المعاكــ

Post: #22
Title: Re: تفتِّش..عن..وطن..حقكــ
Author: abubakr
Date: 10-22-2007, 06:44 AM
Parent: #1

يابتي دة وجع شديد انو نفتش عن وطن حقنا ...؟؟ وجع بعمرنا .. اول الاوطان البيت الواحد بتولد فيه ثم الحلة والمدينة القريبة ثم المدن والحلال الاقرب ثم الابعد ثم كل البلد اميال اميال ..فقدت انا وجيلي من النوبيين الاولي البيت والحلة والحلال الاقرب والمدينة الاقرب وجرينا اميال اميال الي البلد الاكبر ولكن!!! بقت بعيدة ..واتشتتنا زمان وزمان وقلنا طالما هي في جوانا وقريبة في شراينا تجري مجري الدم حتبقي لينا قريبة لكن المسافة تكبر والعمر يقصر واها نفتش ...

Post: #23
Title: Re: تفتِّش..عن..وطن..حقكــ
Author: هاشم أحمد خلف الله
Date: 10-22-2007, 07:13 AM
Parent: #22

تسألني عن حب الوطن ؟
وعن ملامحو كيف بقن ؟
عن حروب تطحن دواخلو
وكيفن اشقاهو الزمن
عن جراحاتو الأليمة
وعن طيروا الهاجرن
عندي الوطن ساحات نضال
مسرح وفن مسرح وفن

الشاعرة الأنيقة تماضر احيي فيك إحساسك بالوطن وربنا يفك قيدوا ونرجع نبقي في رحابو من جديد
والوطن في قلوبنا من جوه ومهما زعلنا ومهما بكينا غير وطنا مافي لينا .

Post: #28
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-22-2007, 10:17 AM
Parent: #23

Quote: عندي الوطن ساحات نضال


Post: #27
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-22-2007, 10:10 AM
Parent: #22

Quote: واها نفتش ...


Post: #24
Title: Re: تفتِّش..عن..وطن..حقكــ
Author: د.محمد حسن
Date: 10-22-2007, 07:30 AM
Parent: #1

كل سنة وانت اجمل وطن

Post: #29
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-22-2007, 10:21 AM
Parent: #24

Quote: اجمل وطن

Post: #30
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-22-2007, 07:14 PM
Parent: #29

ذنبي أيه..
لو شلتا شوقي ورحتا منك..
ولقيتني جايِّ عديل ..عليك !
ذنبي يمكن ..
دربي أدمن ..
وهوّ خاشع..
سكة الترحال ..إليك..

ذنبي ..يمكن..
موسم الفيضان ..لديّ
برضو بعشق ..ضفتيك

Post: #31
Title: Re: تفتِّش..عن..وطن..حقكــ
Author: الطاهر ساتي
Date: 10-22-2007, 07:27 PM
Parent: #1

اللاااااااااااه .. صور وحروف تدمع العين وتدمى القلب




..أجمل وطن ..









Post: #32
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-22-2007, 07:32 PM
Parent: #31

Quote: تدمع العين وتدمى القلب


Post: #33
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-22-2007, 08:09 PM
Parent: #1

مليانة بيك..
حدّ الغرق
ياماشي في روح القصيد

بدوزّن الشوق بي مجيك
صدقني..بشتاقك..شديد.

Post: #34
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-22-2007, 08:48 PM
Parent: #1

السكة بيناتنا..

إحرام..وكعبة وبيت..

Post: #35
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-22-2007, 08:51 PM
Parent: #34

صدقني ماصديت
موقوف عليك ريدي
كان فتا قبلي سعيت

تامي إحرامي
بالنية أنا حجيت

Post: #36
Title: Re: تفتِّش..عن..وطن..حقكــ
Author: عبدالله داش
Date: 10-22-2007, 11:42 PM
Parent: #1

حــجينى بالشوق التليد
بالمويه بى ريحة الطمى
بالمزنه فى رمش الغيوم
فرحانه فى لجج السحاب
مزدانه شارفت الهَمى
جدّلة ضفاير
من عيون النيل نشيد
غنينا للوطن المجيد
لحظة تأمّل ..
فينا غايات التحمَل ..
للصعاب فى شانك
العالى الجلى

Post: #38
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-23-2007, 09:33 AM
Parent: #36

حجيت..وما..حجيت..
صدقني ماهميت..
ماإنتا ريد جوّأي..
وأنا فيكا من شبيت..
دروبي في عينيك
وليها كم تاتيت
السكة بيناتنا
إحرام..وكعبة وبيت..
هرولتا..شوق جوّاك
والباقي ماتميت
إحساسي بيك..توّهني
جابني وعليكا مشيت
باعدتا أحلامك
برضي مازازيت
وجاتني من تاني
صدقني ماصديت
موقوف عليك ريدي
كان فتا قبلي سعيت
تامي إحرامي
بالنية أنا الحجيت

Post: #43
Title: Re: تفتِّش..عن..وطن..حقكــ
Author: عبدالله داش
Date: 10-23-2007, 11:13 PM
Parent: #38

تاتيــت
زحفت على الدروب
ناويك جدهميت
لبيك معاك ..
جاهرت بيك
وســرجْـت
فى الريح الهبوب
طاقة مراكب وأختفيت
بين الخطوط الفاصله
لون الإستواء
وشفق الغروب
متوسمك ..
انا ما نسيت السكه
يا دوب إبتديت



Post: #58
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-24-2007, 09:00 PM
Parent: #43

أناقلتا ليك صوتك ..تسابيح الغرام
وبين عينيك ..نامت مصابيح الهيام
أنا ذنبي أيه ؟؟
لو روحي يا..روحي..حجّت يوم مجيك..
مش صوتك أعلن..موسم..الإحرام ..إليك ؟؟
ذنبي أيه ..لو شلتا ليلي وجيت عليك
علي مصابيحك قبيل أنا إتّكيت
ذنبي أيه..
لو شلتا شوقي ورحتا منك..
ولقيتني جايِّ عديل ..عليك !
ذنبي يمكن ..
دربي أدمن ..
وهوّ خاشع..
سكة الترحال ..إليك..
ذنبي ..يمكن..
موسم الفيضان ..لديّ
برضو بعشق ..ضفتيك
ذنبي ..يمكن..
إنو المسافات..إقترابها..وإبتعادها..
بقيسها بي نظرة ..عينيك..
ذنبي برضو..
أنا بعترف ..
إني مليان بالخطايا..وجاي أحج..
جاي ..أطوف..
ذنبي لو تغفر..لديك .

Post: #37
Title: Re: تفتِّش..عن..وطن..حقكــ
Author: هند محمد
Date: 10-23-2007, 06:21 AM
Parent: #1

يحيا الوطن فى دواخلك ودواخلنا ..
إنحناءة ..

Post: #41
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-23-2007, 03:10 PM
Parent: #37

هندوية
يسعد ايامك

Post: #39
Title: Re: تفتِّش..عن..وطن..حقكــ
Author: ماجدة عوض خوجلى
Date: 10-23-2007, 09:44 AM
Parent: #1

Quote: بشيلك هموم وأسافر بدونكـ
والاقي الطريق
البيرحل
بساسق
بيودي لعيونكـ

تفتِّش عن وطن حقَّك..
وماسويتو..إنت براكــ
بس مستني من بعضكــ
إلملم بعضو يبقى حِداكــ
ولاكــ شايل سلاح ترهب..

يكفى كلامك هنا علشان يعبرعنك عنى عن كتيرين موجعين وكل يوم يمر وجعم يزيد
وربنا يزيل عن حبيب الكل الغمه !!!
تسلمى توما حبيبه كتير

Post: #40
Title: Re: تفتِّش..عن..وطن..حقكــ
Author: ابوبكر يوسف إبراهيم
Date: 10-23-2007, 10:53 AM
Parent: #39

الأخت العزيزة تماضر

سلام على روحك الطيبة...

إنك كبيرة بقدر كبر حبك للوطن الإنتماء ، لرائحة الجروف ، لهبوب الشمال ، لدعاش المطر ، لرائحة المواشي عند مشرع الري .. لنسائم النيل البليلة .. للوهاد والشهول والهضاب والجبال .. للصحري والسافنا .. للرياح الإستوائية.. لأشجار النخيل والمانقو والباباي والدليب .. للأسمر وألسود والأبيض والأخضر ..لألوان الطيف التي تجعل الوطن ثري بالتباين العرقي والثقافي والديني .. لهجات ولغات .. حداء ودوبيت ونغمات .. أنت جميلة بكل هذا الذي إحتواه حدائك للوطن أيتها الشفيفة.



Post: #42
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-23-2007, 05:54 PM
Parent: #40

Quote: لهجات ولغات



Post: #44
Title: Re: تفتِّش..عن..وطن..حقكــ
Author: Emad Abdulla
Date: 10-24-2007, 02:20 AM
Parent: #42



هذا الفيض من الحب ..
الله عليك يا خنساء , و لك الله من بلدِ صرتي أنت له الوطن ..
سأحكيك هذا :
بعد أيامٍ ثلاث من الكر و الفر في شوارع و أزقة الخرطوم ..
و الجند بالملابس المدينة ..
و دروع الشرطة , و الغاز و الناس التي عضت على العمر و يممت العزة ..
صباحٌ جديد .. حسبتنا فيه داخلين دائرة الكر و الفر ..
و كان القصر الأبيض على النيل قد وهن ..
و البيانات الإذاعية صارت ترفيهنا اليومي ..
ثم ..
جاء في المذياع من ينعي مايو و نظامها ..
و يختم بـ :
عاش الشعب السوداني البطل .. و المجد للسودان ..
ثم إذا بوردي ..
يخرج من المذياع مربتا على الدمع و الضحكات :

هام ذاك النهر يستلهم حسنا
فإذا عبر بلادي ما تمنى
طرب النيل لديها فتثنى
فارو يا تاريخ للأجيال أنا

ثائر إذ هب من غفوته
ينشد العلياء في ثورته
مااندفاع السيل في قوته
عجبا من له جند على النصر يعين
كلنا نفسا ومالا وبنين

نحن في الشدة بأس يتجلى
وعلى الود نضم الشمل أهلا
ليس في شرعتنا عبد ومولى
قسما سنرد اليوم كيد الكائدين
وحدة تبقى على مر السنين

قلب إفريقيا بوعي نابض
حل منا بالجنوب الناهض
منعة الغاب بليث رابض
قدما هي كانت جنة المستعمرين
ما لهم منها تباروا خائفين

نحن أبناء ملوك في الزمان
توجوا الفونج وزانوا كردفان
أفسح المجد ليهم خير مكان
نسبا نعم أجداد بهم يزهو جبين
خلق يسمو وعزم لا يلين

دربنا يوم اللقاء كيف دعا
حين داعي البذل بالروح دعا
كيف بالسيف تحدى المدفعا
ودِما بذلوها ذرة لا تستكين
للقَنا للقيد للعيش المهين

حين خط المجد في الأرض دروبه
عزم ترهاقا وايمان العروبة
عربا نحن حملناها ونوبه
بدمانا من خلود الغابرين
هو يحدونا إلى عز مبين

همنا في العيش إقدام وجود
وعن الأوطان بالموت نذود
لنرى السودان خفاق البنود
وغدا سوف يعلو ذكرنا في العالمين
فعلوا كان شأن العاملين

يا بت الناس ..
هذا الحب قاتلك يوما ..
فهنيئا لك .


Post: #52
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-24-2007, 08:37 PM
Parent: #44

Quote: هذا الحب قاتلك يوما ..

Post: #45
Title: Re: تفتِّش..عن..وطن..حقكــ
Author: Muna Khugali
Date: 10-24-2007, 02:34 AM
Parent: #42

ولازم أرجع ليه..



الزومه..الطريق للمعديه..

Post: #46
Title: Re: تفتِّش..عن..وطن..حقكــ
Author: ابو جهينة
Date: 10-24-2007, 06:37 AM
Parent: #45

تماضر

Quote: تخت في (واووا) مصلايتكــ
وتحمل..(طاءوا) مخلايتكــ
وتسكِّن (نونو) في سّعناً ..
توزِّع فيها رحماتكــ
وبعضاً من هديماتكــــ..

تشيلا ..وتجري بي فرحة..


لوحة ترفرف كما علم خفاق

Post: #55
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-24-2007, 08:50 PM
Parent: #46

أبوجهينة..

شكرا على الطلة الحلوة..
كل الود..

Post: #53
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-24-2007, 08:40 PM
Parent: #45

Quote: ولازم أرجع ليه..



Post: #50
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-24-2007, 08:00 PM
Parent: #39

مجودة..
يسعد مساك النور..

Post: #47
Title: Re: تفتِّش..عن..وطن..حقكــ
Author: ناجي عز الدين الصديق
Date: 10-24-2007, 02:14 PM
Parent: #1

الأخت الفاضلة / تماضر
عيد سعيد وكل عام وانتم بالف خير وعافية
أعادة الله علينا وعليكم بالخير واليمن والبركات

Quote: بس شايل في إيدياتكــ
عِشقكــ لي سما الخرطوم
وصوت الساقية في بلدكــ
إدوزِّن في مسافاتكــ
البتفصل بين..
خُطاي..وخطاكــ[]


ما أروع هذه الكلمات
واصلي وسوف نتابع بكل شقف
وإلى الملتقى

Post: #54
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-24-2007, 08:43 PM
Parent: #47

Quote: الملتقى


Post: #48
Title: Re: تفتِّش..عن..وطن..حقكــ
Author: Rabab Elkarib
Date: 10-24-2007, 03:16 PM
Parent: #1

تماضر

تسجيل حضور واعجاب

شعرك فيه ريحة صلحة وكلامها ولا انا ال ح يقتلنى الشوق ليها ما عارفة..

مودتى / رباب

Post: #49
Title: Re: تفتِّش..عن..وطن..حقكــ
Author: Muna Khugali
Date: 10-24-2007, 03:38 PM
Parent: #48

Quote: تماضر

تسجيل حضور واعجاب

شعرك فيه ريحة صلحة وكلامها ولا انا ال ح يقتلنى الشوق ليها ما عارفة..

مودتى / رباب


ستحسيها رباب في كل ما هو جميل..رحمها الله!

Post: #57
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-24-2007, 08:53 PM
Parent: #49

لها الرحمة..منى..

Post: #56
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-24-2007, 08:51 PM
Parent: #48

رباب كلامك أفرحني شديد

ربي يرحمها ويسكنها فسيح جناته..

Post: #51
Title: Re: تفتِّش..عن..وطن..حقكــ
Author: محمد عثمان
Date: 10-24-2007, 08:21 PM
Parent: #1

يانى يا نيل ليك راجع
عاوز اشرب و اطفى ناارى...


Post: #59
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-24-2007, 09:01 PM
Parent: #51

جيت..أواعدكـــ

Post: #60
Title: Re: تفتِّش..عن..وطن..حقكــ
Author: محمد عثمان
Date: 10-24-2007, 09:06 PM
Parent: #1

جيت اواادعك ياا قمااارى
ماا خلااص شديت رحااالى
و جيت اوصيك لما ارحل
تبقى عشرة على دياارى....

Post: #61
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-24-2007, 09:15 PM
Parent: #60

كنا(كل)؟ يوم..
أديها طلّة..
وتقوقي..لي أمي وصغاري..

Post: #62
Title: Re: تفتِّش..عن..وطن..حقكــ
Author: محمد عثمان
Date: 10-24-2007, 09:19 PM
Parent: #1

و الجميلة الفى عيونا
بهجة و اشراقات حوارى
و لعزيز العاش مكافح
جرحن ايديه الطواارى
كلمى الغيم و السحاايب
فى الهجير تبرا و تضااارى...

Post: #63
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-24-2007, 09:27 PM
Parent: #62

طيري للنيل..
كلميهو..
يسقي بستاني..وخداري..
كلمِّي الجرف المخدّر..

Post: #64
Title: Re: تفتِّش..عن..وطن..حقكــ
Author: bushra suleiman
Date: 10-24-2007, 09:32 PM
Parent: #1


color:White;font:25pt">تماضر ..
حين علمت بموعد حضورك ..
رتبت أروقة صفحاتي ،
وزيّنت واجهة أحرفي ،
وعطرت قلمي ..
إحتفاء بحضورك الأنيق .
اغبطك على عشقك المتفرّد هذا.

Post: #69
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-24-2007, 09:45 PM
Parent: #64

Quote: حين علمت بموعد حضورك ..


فرِحت بانتصار..انتظاري..

Post: #65
Title: Re: تفتِّش..عن..وطن..حقكــ
Author: محمد عثمان
Date: 10-24-2007, 09:34 PM
Parent: #1

كلمى الجرف المخدر
كلمى الطير الخدارى
قول للبيشتاق وراى
الرحيل ما بيختيارى
دا الوطن العشت فيهو
ليهو حققت انتصاارى
دايرو يقوى و عاوزو يبقى
زى نجم ضواى و سارى

Post: #67
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-24-2007, 09:41 PM
Parent: #65

التراب في أمي ليهو بشتاق..


ياني يانيل ليكا راجع..

أنا..

عاوز..أشرب..وأطفي ناري.

Post: #66
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-24-2007, 09:37 PM
Parent: #1

كتير ..بفخربو..سوداني
شايل أشواقي عيديّة..
وكل حتاتو ..عنواني
بين نخلاتو...بتشابى
وفي واطاتو إيواني
بغنيلك..
محل ماالظلم لاقاني
أزح لون الضلام بالنم
صابر فيكا ..إنساني
وبحكيلك..
عن الداسيهو ..وجداني
عن الشايلاهو كمين ..هم
وإنتا الريدو ..جوَّاني

وأدوبيلك..
هناك يانيلي ترجاني
تشيل حلم المراكبية
وأنا الشايلاكا..شرياني
وتدي الشوق ..مزارعية
خُدرةً ..فيها أشجاني
أريدك..وإنتا بتقاوي
وبعضك..هوَّ أحزاني
أريدك..وإنتا بتقالد..
جناك الفكرو أدماني
أريتو..وهوَّ في حضنك..
بجرَّح فيكا إيماني..
إسمع بعض أناتك
وإفهم..معنى ألحاني .

Post: #68
Title: Re: تفتِّش..عن..وطن..حقكــ
Author: محمد عثمان
Date: 10-24-2007, 09:42 PM
Parent: #1

التراب فيهو امى
ليهو بشتاق يا قماارى
يانى يا نيل ليك راجع
عاوز اشرب و اطفى ناارى...

Post: #70
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-24-2007, 09:47 PM
Parent: #68

ترم ترم.

Post: #71
Title: Re: تفتِّش..عن..وطن..حقكــ
Author: محمد عثمان
Date: 10-24-2007, 09:53 PM
Parent: #1

جيت اواادعك ياا قمااارى
ماا خلااص شديت رحااالى
و جيت اوصيك لما ارحل
تبقى عشرة على دياارى
كل يوم اديها طلة
و قوقى لى امى و ديارى...
و الجميلة الفى عيونا
بهجة و اشراقات حوارى
و لعزيز العاش مكافح
جرحنا ايديه الطواارى
كلمى الغيم و السحاايب
فى الهجير تبرا و تضااارى
طيرى للنيل كلميهو
يسقى بستانى و خدارى
كلمى الجرف المخدر
كلمى الطير الخدارى
قول للبيشتاق وراى
الرحيل ما بيختيارى
دا الوطن العشت فيهو
ليهو حققت انتصاارى
دايرو يقوى و عاوزو يبقى
زى نجم ضواى و سارى
التراب فيهو امى
ليهو بشتاق يا قماارى
يانى يا نيل ليك راجع
عاوز اشرب و اطفى ناارى

Post: #72
Title: Re: تفتِّش..عن..وطن..حقكــ
Author: محمد عثمان
Date: 10-25-2007, 04:33 AM
Parent: #1

حماام الوادي يا راحل
مع النسمة الفرايحية
مع الياسمينة عز الليل
توااصل قافية منسية
صغارك مشتهين ترجع....
تضم العش بحنية
مش حرام تسيبم للريح
و عارف القاسو ما شوية..


Post: #73
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-25-2007, 02:29 PM
Parent: #72

تقولي ليّ ماشي من بكرة مهاجر لي وطن تاني!!

Post: #74
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-25-2007, 02:35 PM
Parent: #1

*الصور منقولة من عدة مواقع تظهر الأسماء على الصور أو في روابطها.

Post: #75
Title: Re: تفتِّش..عن..وطن..حقكــ
Author: محمد عثمان
Date: 10-25-2007, 08:36 PM
Parent: #1

مفارق خضرة النيلين
وعشك فايتو وحداني
ده انت القلت ما بتفوت
وطن بالعزة رباني....

Post: #76
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-25-2007, 08:52 PM
Parent: #75

وطن بالعزَّة ربَّاني..
أهداك جو تعيش تعيش فيهو
أهداك غيم تطير ليهو

Post: #77
Title: Re: تفتِّش..عن..وطن..حقكــ
Author: محمد عثمان
Date: 10-25-2007, 09:01 PM
Parent: #1

وجوة عيونو ختاني.....

Post: #78
Title: Re: تفتِّش..عن..وطن..حقكــ
Author: تماضر الخنساء حمزه
Date: 10-28-2007, 10:52 AM
Parent: #77

بلادك..حلوة أرجع ليها..
دار الغربة..مابترحم..
وطوف بجناحك الوادي..
تلقى الخضرة..تنسى الهم..

Post: #79
Title: Re: تفتِّش..عن..وطن..حقكــ
Author: عبدالله داش
Date: 10-28-2007, 12:56 PM
Parent: #1

إتْســـربت فجأه
وبنار اشــواقى
فى الجو البخار إتْبخـــرت
جاييك من جواى هنا
ياضفه بتلحن غنا
وإتمــردت ...
رفضت قوانين الخضوع
لا المرســى يوصل الحادى الرهيف
لا الوداى ردد دربك المشحون شدا
وكانت مسافه شوق بديع

Post: #80
Title: Re: تفتِّش..عن..وطن..حقكــ
Author: تماضر الخنساء حمزه
Date: 12-14-2007, 07:18 PM
Parent: #79

وكانت مسافاتكــ وطن..
شوقو مغروز في ترابو..
وريدو...تيرابو..
البنزرع بيهو أحلامنا الكبيرة..
بيها نتحدَّى..المحن.