لكني طايع كلمتكـ

اخترتَ من غير قصد أعاني
وارتياحي في سكتكـ
فتشتا ريدك في زماني
ومالقيت البشبهكـ
ولمّا جددتَ الأماني
جاي تبدِّل قصتكـ
انتَ ياطعم الأغاني
مشتاق أصادف رجعتكـ
مشتاق أرجع أمنياتكـ
في العيون الحبتكـ
إلا ماعرفت حنانكـ
أول بدايتو ولاقتكـ
شايف قليبي الإنجرح
وإنتّ زايد قسوتكـ
ولسّه سايق فيني ظلمكـ
وينو حِنّك وروعتكـ
وين السماح الفي عيونكـ
خلاس حتقفل جنتكـ
عذبني في نيران غرامك
عذِّب عيوني الرادتكـ
لو خلاس فارقتا ريدكـ
الكان بسبّب محنتكـ
برضي عاشقك لو أكونكـ
مشتاق..أكونك،فكرتكـــ
مشتاق ابدّل كل ظنونكـ
مشتاق أقالد ضفتكــ
أصلو لو برجع زمانكــ
كنتا بختار حتّتكــ
راضي بالظلم المعاكـ
لكني طايع كلمتكـ

Quote: مشتاق أرجع أمنياتكـ في العيون الحبتكـ

يا ريت تعود الأمنيات
ده مناي لمحة مقلتك

Quote: اخترتَ من غير قصد أعاني وارتياحي في سكتكـ

فس سكتك طال المسير
وين يعني آخر سكتك

Quote: فتشتا ريدك في زماني ومالقيت البشبهكـ

حيران افتش ليك مثيل
ما لقيت أبد زي طلعتك

Quote: شايف قليبي الإنجرح وإنتّ زايد قسوتكـ

لو عارفة كيف حالي العلي
ما كان ظنونك ساقتك

Quote: مشتاق ابدّل كل ظنونكـ مشتاق أقالد ضفتكــ

مشتاق أشوف بعيونك الـ
أكوان و أسالم نجمتك

Quote: يا ريت تعود الأمنيات ده مناي لمحة مقلتك

ماقلتَ بتودع حناني..
غيّرتَ اتجاهي وسكتك.

Quote: في سكتك طال المسير وين يعني آخر سكتك

لو أتعبك شوقك شوية..
بسراع نجيكَ فــ حتتك.

Quote: حيران افتش ليك مثيل ما لقيت أبد زي طلعتك

أصلو ماظنيتو غيرك..
ممكن..أو يحاول يشبهك.

Quote: لو عارفة كيف حالي العلي ما كان ظنونك ساقتك

لو صحيح بالريد مُيقّن..
ماكان بعادك ..فكرتك.

Quote: مشتاق أشوف بعيونك الـ أكوان و أسالم نجمتك

عارفني شايف الريد عيونك
وعيوني عاشقة ورادتك.

في رائعته ( غلطة ) التي جودها لحناً وأبدع فيها أداء الفنان الكبير الأستاذ محمد وردي ، نحى الشاعر الكبير المرحوم الأستاذ إسماعيل حسن منحى جديد للقصيدة العاطفية فهو قد أعلن الندم وأعلن التمرد على لغة ( زيدني في هجراني وفي هواك يا جميل العذاب سراني ) . ذلك حيث قال

قاسى قلبك علي ليه
قسى قلبك علي ليه
لو بحب يبقى ذنبي ايه
قلبي توب ..
توب من عواطفك
ايه نهاية حبه ايه

غلطة كانت غرامي ليك
وا خسارة دموعي فيك
غلطة قلبي سلمتو ليك
ما كان مكانو وما كان يجيك
يوم لقيتك علي ما كان يوم يا مبدل شجوني
عني ايه قالو عني ايه

كنت تايه وكنت غريب
وانا افتكرتك اعز حبيب
ياما قلبي يخطا ويصيب
والعذاب لي كان نصيب
من عرفتك جفاني حتى النوم يا مبدل شجوني
انت حبك جنيت عليه
كن طلعت القمرة وجيت
ولو حلفت برب البيت
ما بريدك ..
ما بريدك مهما بقيت غلطة كانت وكان ابيت
يا الفراقك علي كان مكتوب يا مبدل شقاي
انت حبك جنيت عليه

الخنساء تماضر

دي ونسة ساكت لحدي ما يجوك الناس البيعرفو يردوا على زي كلامك السمح دا .

أها

خبزتي ؟؟

ذي ونستك دي بتدي يومي احلى طعم

لسه ماخبزتا ياعاطف
بعرف اخبز كعك بس
لكن بحب البتيفور والغُريبة(ماعارفاها قاف ولا غين)
ماترسلوا ليّ شوية

Quote: بعرف اخبز كعك بس لكن بحب البتيفور والغُريبة(ماعارفاها قاف ولا غين) ماترسلوا ليّ شوية

عارفة يا تماضر
أنا بحبهم ( نظرياً ) كلهم
بتيفور ، غريبة ، لانكشير ، سابليه ، سويسرول والسيد الكعك بالطبع .
وحياتك من شوية كنت في ( مرسال ) إحضار المواد ،
وأساعد في الإعداد بما في ذلك ( التنجيض )
وعندما تأتي ساعة الأكل تقوم سعدية بـ ( الفرمان الطبي )
يا خينا هوى ما تنسى نفسك
إنت عندك السكري
وما فاضين لى حوادث أيام العيد

وجدت متعة جديدة
أن أصر على الضيوف ليتذوقوا كل المعروض
تنفيساً لرغباتي الحبيسة .

أها
إيمليك ( E-Mail ) شنو عشان نرسل ليك ؟؟

سلامتك عاطف

الواحد حقو يجيكم في العيد
عشان تصر عليو يضوق كل الاصناف وكده

لو الإيميل ده بشيل رسل ليّ سعدية تعلمني وترجع تاني

بالله

والله

كلام سمممح
مفروض الواحد يتسحر بيهو ذااتو يااخ

صباحك ورد منعم

مشغوله بيك كل الحــواس
ندايانه تلتزم البلل
يا موسّمه السكه الرجوع
يا أنياء الله
يا هود يا يسوع
يا بشرى الرسالة بن عبدالله
يا آخر الرُســل
يا لله مِد الف النداء
وأسمعنا فى لحظة ركوع
وأقبل دعاء المبتهل
مشغوله بتراضى الورود
عارفك حبيسة إحتمالك
لو زمانك عاكسك
بتمدى زهرك باليمين
وأتنسمك كل الرزاز
فوح الرياحين بادرك
غرقانه فى وهجك براك
ودران أفتش سِــكتك

خاشعة ليك كل الحواس..
ماعِرفت اللحظةارتياب
ولمّا أمثل بين إيديك
بعرف الموسم..غياب
ياواهب الناس السماح
إنتَ ياحِس الرباب
يادنيا ماليها انشراح
بي مواعيدك حباب

ماراودك شوقك إليَّ
وشوقي ساكن ارتعاش
ومااتنسمت عينيك غمامة
بعضي سميتو الدُّعاش
وسمّيت حكاياتك..غُناي..
أظنو ريدك فيني..ماش
في كل أوردة الحياة
فيني فرهد..وبرضو ..عاش.

العــيد دخل
إتخطى أرقام الحساب
وبدينا تهليل القدوم
من هسااا هاكِ الامنيات
عيديه تسبق شوقى
والفرح الردوم
لكنى ما نسيت السماح
المن كلامك
عسجد القول الوضاح
ضو منســـكب
انا شفت مرحلة
إكتمالك فى العصب
نديانه جداً
من غمامات الســحاب
وبشهد عليك
وبأمْنِك ...
لون لوحتى المكشوح
ومضطهد التعب
وعزمّت أرحل بإرتياح
والقى البريق
من نجمة الليل
فى الصباح

يبداك قبل ما ينتهى

ياعيدي يافرحة ضيوفي
ياصوت مؤذن في الصلاة
بهديك عيوني وإنتا شوفي
معاك بعيش طعم الحياة.

بتحسسك بين المسام
وبتونّسك بين الدواخل ذي صحاب
مرّات أحس إنك بعيد
واشوف طيوفك ذي رهاب
ومرّات أحس إنك معاي..
واتلفّحك قولة حباب
بتنفسك شهقة ..حضور
ياخوفي..لو شلتك غياب
ياخوفي لو عدّت مراكبك
فيني ماشافت ضفاف
ياخوفي لو ريدك سراب.

وأنا شفتا في عينيك عتب
هم السبب
ختّوا في عينيّ تعب
ياواهب اللاءات خدر
ياسارق الحِس..والعصب.

شـــركّت ليك بين شـــهقة الشوق
بالســـلام
وندّهتلك متشّرفِك
خلينى ألقاك إحتدام
يعِّــرك رهاب السكه
فى شرف المهام
ما تخافى من غيبة الحضور
ما تجيبى سيره
تهجسْ الروح العتاب
أنا كنت بين أسبار غناك
عابد دروبك
وممهتن سفر الإياب
ما فيــنى قصدك ( ولا عتاب )
جانى الحبور
كان لحنك العصفور
وبالشوق ملتهب

ما شاء الله طمطم داش حسام .. واصلو ابداعات نعيد بيها

أحلى عيد أبوي أبوبكر..
كل سنة وانت أجمل

Quote: اخترتَ من غير قصد أعاني وارتياحي في سكتكـ فتشتا ريدك في زماني ومالقيت البشبهكـ ولمّا جددتَ الأماني جاي تبدِّل قصتكـ انتَ ياطعم الأغاني مشتاق أصادف رجعتكـ مشتاق أرجع أمنياتكـ في العيون الحبتكـ إلا ماعرفت حنانكـ أول بدايتو ولاقتكـ شايف قليبي الإنجرح وإنتّ زايد قسوتكـ ولسّه سايق فيني ظلمكـ وينو حِنّك وروعتكـ وين السماح الفي عيونكـ خلاس حتقفل جنتكـ عذبني في نيران غرامك عذِّب عيوني الرادتكـ لو خلاس فارقتا ريدكـ الكان بسبّب محنتكـ برضي عاشقك لو أكونكـ مشتاق..أكونك،فكرتكـــ مشتاق ابدّل كل ظنونكـ مشتاق أقالد ضفتكــ أصلو لو برجع زمانكــ كنتا بختار حتّتكــ راضي بالظلم المعاكـ لكني طايع كلمتكـ

إليك رسالة حبي أرسلتها
يا من اكثر من نفسي أحببتها
وقلبي وروحي وعمري وهبتها
وبين أضلعي في الأعماق أسكنتها
-- --- -- --- --- ---
إليك آلهة الحب والجمال
يا من جمالك فاق الوصف والخيال
وأخلاقك وأوصافك عنوان الكمال

أنت الحلم الجميل وحبيبة العمر
أنت حبي البكر
شعرك سواد الليل ... وجهك القمر
عيناك مرآة سحرية تعكس الطهر
وتسحر حتى السحر
ومن بين شفتيك تبزغ أضواء الفجر
حبيبتي :
لوحة رائعة من خيالي رسمتها
بدماء القلب وماء العين لونتها
ورداء من خيوط الشمس ألبستها
وعقداً مرصعاً بالأقمار أهديتها
--- ---- --- ---- ---- ----
لا تلوموني إن عشقتها .. وبحبي صارحتها
وبإجمال الأوصاف وصفتها
وعن غرامي وهيامي حدثتها
--- ----- ---- ---- ------
لا تسألوني لماذا أحبها ؟؟
ففي كل ذرة من كياني حبها
ولا تبكوني إن مت هياما بها
فالموت حياه والجحيم جنه في قربها

لا تدفنوني سوف أحيا قربها
أو من بعيد لأمس كفي كفها
هي لي ....... وأنا لها
عمران في جسدي انا

Quote: إليك رسالة حبي أرسلتها يا من اكثر من نفسي أحببتها وقلبي وروحي وعمري وهبتها وبين أضلعي في الأعماق أسكنتها

إليك بعض الشوق مني..
فيه ..بعضي..وكل التمني..
ان كنت معك يسكنني الصمت..
فالصمت يابعضي يغني.

Quote: ولسّه سايق فيني ظلمكـ وينو حِنّك وروعتكـ وين السماح الفي عيونكـ خلاس حتقفل جنتكـ عذبني في نيران غرامك عذِّب عيوني الرادتكـ لو خلاس فارقتا ريدكـ الكان بسبّب محنتكـ برضي عاشقك لو أكونكـ مشتاق..أكونك،فكرتكـــ

صباحك روعه يا تماضر ..

كل سنه وانتى طيبة ..

تماضر الخنساء

أجمل مسير في الدرب سكتكـ

و

،،،،أبوقصي،،،،

الأخت العزيزة تماضر

كل عيد وأنت متوهجة الإبداع .. كل عيد وأنت في دوام التوهج والألق .. كل عيد والقصيد يطيع كلمتك

كل عيد وأنت سعيدة وهانئة وخيالك يجمح فيتحفنا بما يأتيه من وادي الجن .. من عبقر .. هذا بيان

بديع مليء بالشجن ورقة الحاشية ورهافة الحس والمشاعر.. نحاول أن نقتفي ( مسالك الدوروب) طمعاً في

الوصول إلى مضارب خيام العاشقين .. هذه القصيدة جميلة بحق .. رقيقة بلطف .. مضمخة العبارات

بأريج العشق ومن خمرها سكرت ولعبت بنت العناقيد بكل حسان عبقر طرباً من جزالتها .. روعة

أبوبكر..
كل عيد وأنت أكثر عطاءً
أسعدك الله بمن حولك..وأسعدهم بك..

كل الود.

وكل السكك
تودي لسكتك

هند..يسعد مساك النور..

كل سنه وانتى طيبه حبيبة ويحقق ليكى الامانى

Quote: أصلو لو برجع زمانكــ كنتا بختار حتّتكــ راضي بالظلم المعاكـ لكني طايع كلمتكـ

..
والله يا تماضر ياريتني لو بعرف اكتب شعــر . كان خليت كل الكلام السمح الكتبتيهو دا .. ومسكت ليك في الاربعة مقاطع دي ورديت ليك .. لانو فيها صدق .. لدرجة الاستفزاز ...
إنت مستفزة خالص يا تماضر .. والمشكلة الشعر ما بيتعلموهو .. ولا الاحساس بيشتروهو من السوق .. كان ما كدا والله كان ارد ليك جنس رد

كل سنة وانت طيبة ..

تمبسكو
شكلها لمست فيك شاكوشاً ما

كل سنة وانتا اجمل
مودتي

كل سنة وإنتي أجمل مجودة

كل الأماني الحلوة يا خنساء ..
وكل سنة وأنتِ بألف خير ..

عيد سعيد معتصم
وربي يحقق امنياتك

تماضر مباركة عليك يا عيد

يخبل لى كده أصح

ولا شنو؟

بختو العيد
ابو ذر بارَك ليو

Quote: شـــركّت ليك بين شـــهقة الشوق بالســـلام وندّهتلك متشّرفِك خلينى ألقاك إحتدام يعِّــرك رهاب السكه فى شرف المهام ما تخافى من غيبة الحضور ما تجيبى سيره تهجسْ الروح العتاب أنا كنت بين أسبار غناك عابد دروبك وممهتن سفر الإياب ما فيــنى قصدك ( ولا عتاب ) جانى الحبور كان لحنك العصفور وبالشوق ملتهب

عارف؟؟
إني بستقصد اقع
واتلفَّ بي شوقك شرك
ولمَا بيراودك حنينك
المن عيونك مارجع
في كل حقيقة أتأمّلك
عينيّ حقيقة..تفتشك..
وهي البتنده سكتك
والسكة ذاتا بتعشقك

بريدكـــ
ومابكابر
والفيني مكتوب حتّتك
بريدكــ
وبعترف..
ذنبي عارفو محبتك.