من وحيــــك!

أوعى ..
لاتخاف إبتعادي ..قرَّبني البعاد منك إليك
وأوعى لاتقول إفترقنا..لو تفارق الروح تجيك
..إنتا لو عارف عيونك... لمّا تنظرني و..
تقابل لحظة بس أطراف عيوني..
روحي ترحل ليك تهاجر وأبقى من غير روح ..بسافر
أبقى مستغرب مشيها..منِّي ماعارف أجيها ..
وتشعل النيران عَضَايا إنتا ياأسباب أذايا ...
إنتا لو عارف عيونك
ديمة تقدل في رحابي...
فيها منبع إشتياقي..
وفيها آهاتي وعذابي ..
مرّة بفرح بي حضوري
وفيها محتاج ..لي غيابي ..
وفيها بتكل كل همومي ..
إنتو ياإتنين صحابي
وياها أكبر إهتمامي..
وبين رموشا بقول حبابي..
ولمّا تَفْرِق.. خط رموشك ..
كل وريد جوّاي بدوبي..
ترقص النبضات تغنّي ..
ومرّة بسمع طبل نوبي ..
من حنينا بشيل غُنايا ..
ومن غُنايا نسجتو توبي ..
ولّما تغمض هيَّ برضو
تاني ترحل منّي روحي
ماشة في سكة مسامي..
وتبدا تنتر لي جروحي..
ولمّا ترجع تاني تَنْظُر
هل تصدق؟؟..
ليّ..ترجع ..تاني روحي.

بتذكرك..أحلم أتوه في طيفك..أتنـفس هــــواك
و ارسم ملامح و جهك الضواي أهـيم في سمــاك
في غيابك صبحت حزين مشتاق كتـــير للقــاك
و في حضورك أطير بهجة و أحلق فـوق مع الأفلاك

*-*-*-*-*-*-*-*-*-*

بحلم بهمسة ود و لمسة شـوق تداوي جـراح
و اسرح بعيد في دنـيا مليانة هنا و سمــاح
أرقص طرب..أعزف نشيد حبك مساي و صباح
حتى الزهور اتبسمت و غنى البلبل الصــداح

مـع التحيـة

الصحافة ..شكراً على رقيق إضافاتك..

كل الود..

كيف أخاف وأنتي جواي وأقرب لي من روحي يا روحي العزيزة
وياأصل الحكاية وكل حكاية وكنهها ويااصوالي البعيدة وانتي سرحياتي
وكم لعبنا لعبتتا البديعة ياقمر ضواي يملاء دنيانا نور
وبهجة و وأجمل أشياءئ الجميلة
أظل اعشقك واعبودك مهم يكون تظلي كل دنياي اللي بحلم بيها وح تحقق
يا اجمل جميلة
زهير عثمان حمد

سلامات زهير..
شكراً على المرور ورقيق الكلمات
كُن بخير..

Quote: أوعى .. لاتخاف إبتعادي ..قرَّبني البعاد منك إليك وأوعى لاتقول إفترقنا..لو تفارق الروح تجيك ..إنتا لو عارف عيونك... لمّا تنظرني و.. تقابل لحظة بس أطراف عيوني.. روحي ترحل ليك تهاجر وأبقى من غير روح ..بسافر أبقى مستغرب مشيها..منِّي ماعارف أجيها .. وتشعل النيران عَضَايا إنتا ياأسباب أذايا ... إنتا لو عارف عيونك ديمة تقدل في رحابي... فيها منبع إشتياقي.. وفيها آهاتي وعذابي .. مرّة بفرح بي حضوري وفيها محتاج ..لي غيابي .. وفيها بتكل كل همومي .. إنتو ياإتنين صحابي وياها أكبر إهتمامي.. وبين رموشا بقول حبابي.. ولمّا تَفْرِق.. خط رموشك .. كل وريد جوّاي بدوبي.. ترقص النبضات تغنّي .. ومرّة بسمع طبل نوبي .. من حنينا بشيل غُنايا .. ومن غُنايا نسجتو توبي .. ولّما تغمض هيَّ برضو تاني ترحل منّي روحي ماشة في سكة مسامي.. وتبدا تنتر لي جروحي.. ولمّا ترجع تاني تَنْظُر هل تصدق؟؟.. ليّ..ترجع ..تاني روحي.

في غيابك ببقي هائم وشوقي ظاهر !!

في غيابك..ببقى حاضر فيكا برضك!

مودتي هاشم..

لو تضيع الكلمة مني برضي حاضر
لو عيونك فارقني برضي حاضر

ومابدس الشوق..وأنا ريدي ظاهر
ذي عيون النور في سماهو باهر..

احبك

أحَبَّك الذي أحببتني فيه د. محمّد..
كُن بخير..

الشاعرة النسمة/ تماضر الخنساء حمزة

تطور جملتك الشعرية يمضي بصورة تجعل المرء يطمئن على مستقبل قصيدة العامية في السودان.ألحظ في معظم النصوص التي نشرتها مؤخرا شيئا جديدا في جملتك الشعرية يدهشني كقارئ .. وهذا ما قصدت به أن تخرجي من عباءات شعراء عمالقة عندنا في العامية السودانية من أمثال الدوش ومحجوب شريف وهاشم صديق والحلنقي ..وأن يكون لك صوتك ولونك المميز. في المقطع التالي كثير من التحديث وجمال الصورة:

Quote: ولمّا تَفْرِق.. خط رموشك .. كل وريد جوّاي بدوبي.. ترقص النبضات تغنّي .. ومرّة بسمع طبل نوبي .. من حنينا بشيل غُنايا .. ومن غُنايا نسجتو توبي .. ولّما تغمض هيَّ برضو تاني ترحل منّي روحي ماشة في سكة مسامي.. وتبدا تنتر لي جروحي

..


كوني بخير أيتها الشاعرة.

شكراً كتير على كلماتك أدتني دفعة معنوية كبيرة شديد كده..
كل الود..

ويختبي....
حرفي
خلف أكمة الدهشة
فياليت شعري



خناس
سلام
ولك بعضي رسمي
نورالهادي

استاذة تماضر
تحية طيبة

Quote: روحي ترحل ليك تهاجر وأبقى من غير روح ..بسافر أبقى مستغرب مشيها..منِّي ماعارف أجيها .. وتشعل النيران عَضَايا إنتا ياأسباب أذايا ...

تسلمي يا رائعة

تحايا أطيب مردودة ليك عبده
تسلم كتير
مودتي..

رسمك حلو ذيّك نور
الله إسلّم إيدينك
وتسلم إنتا كلك كده..

Quote: قرَّبني البعاد منك إليك

يابتي
بعد كلامك دة الكلام خلص

مودتي

أبو بكر الحبيب
مالمان الحروف تبقى جبانة
في حضرة الزول السمح
لعل في الصورة إختباء



وتحية أخرى من خلف عباءة
هذا الرجل القامة
ودي
نورالهادي

نور يافنان..

أبوبكر..أبوي أنا
ربي إخليك..

يانور

يعجبني مزجك رسم الكلمات بالصور..
اما قامتي فقصيرة طالما بلدنا موجوع
اهل ذلك القناع او التاج طالت قامتهم كثيرا فبقيو في وجدان شعوب لالاف السننين حين عملو لان تكون بلادهم مزدهرة وصحتها عال العال...
شكري ومودتي
ابوبكر

قامتك عالية أبوبكر
بقدر إنسانيتك وحبك للناس
ياجميل الروح
خليك دايماً ذي ماإنتا
لاأروع
كل الود

Quote: إنتو ياإتنين صحابي وياها أكبر إهتمامي.. وبين رموشا بقول حبابي..

Quote: كل وريد جوّاي بدوبي.. ترقص النبضات تغنّي .. ومرّة بسمع طبل نوبي .. من حنينا بشيل غُنايا .. ومن غُنايا نسجتو توبي

دوبى دوبايكــ حكايه
رعشة الفرح التمنّى
تعالى آوبى ...
على رياحينكــ براك
أبقى زى ماتبقى منى
سكه تعرف منتهاك
يا نقاقير الخلاخيل
البتطرب من صداك
عرفت تباشير تهنى
تعالى عـودى
وياكم الاتنين صحابى

ببقى فيك معنى التمنِّي..
معنى..عارف ..مُشتهاك..
ببقى منّك..برضو..كلّك..
أصلي قاصدك..بس..براك
وبسمعك ..وكتين ..بدوبي..
سميت مساديرك ..غُناك
وكل حرف شوقك بعرفو
والنمّة ..تعشق منتهاك!

Quote: ببقى فيك معنى التمنِّي.. معنى..عارف ..مُشتهاك.. ببقى منّك..برضو..كلّك.. أصلي قاصدك..بس..براك وبسمعك ..وكتين ..بدوبي.. سميت مساديرك ..غُناك وكل حرف شوقك بعرفو والنمّة ..تعشق منتهاك!

نمه من خاطر طيوفك
مُنيه القلب إنتظار
سكه من وين مبتداها
وسيل وطاة الله الغفار
جايك بــراك
بتودرى الطيف الرحيل
لاكنى بعرف محتواك

مابِسمع الطيف الكلام..
قُولُّو ..لايشيل إشتياقي
لايقلّل فيو شوية..
خليني زايد في الهيام
أصلي عاشق إحتراقي
وخلِّي ريدك يأتي ليَّ

Quote: مابِسمع الطيف الكلام.. قُولُّو ..لايشيل إشتياقي لايقلّل فيو شوية.. خليني زايد في الهيام أصلي عاشق إحتراقي وخلِّي ريدك يأتي ليَّ

معليش ورود الإتهام للطيف
كحـال أبريل
وقمرياتى بتقاقى
وحلمى مع الصدق فرحان
دغاث أحلام
وفى وضح النهار شادى
ومن شبق الحنين للهيف
رجيت أنســام
من سكسك على جيدك
وفى ايدك
أكاليل باقيه خناقى


وتعالى أجيك

كلّمتا الجيّة بالريد البعيشو وماشويّ..
لوكان بتعرف..
ماكان بخلت مواعيدك عليّ
لاكان زمن شال المواقيت التجيبك برضو ليّ
لكني بستمهل طيوفك
لو في المنام ..تجدع..حلم..ضاميو ..حضورك..
فيني تهطل يامطر..
وأنا ذي نسيم هابشاو غيومك
جوّاك بجوط..طاردة السكون..
وجوّاي بِكون ..ياروح سكونك!

Quote: كلّمتا الجيّة بالريد البعيشو وماشويّ.. لوكان بتعرف.. ماكان بخلت مواعيدك عليّ لاكان زمن شال المواقيت التجيبك برضو ليّ لكني بستمهل طيوفك لو في المنام ..تجدع..حلم..ضاميو ..حضورك.. فيني تهطل يامطر.. وأنا ذي نسيم هابشاو غيومك جوّاك بجوط..طاردة السكون.. وجوّاي بِكون ..ياروح سكونك!

بعيد عنِكــ
بيصرعــنى الحضور مكتول
وما بين المواعيد والزمن
إخـــفاق
وحالى معاكــ بقيت مستور
مع هجعة تلوت الليل
ملتنى من الحبور أشواق
دفقت عليك باقى السيل
بقيت من مافى ..
من وين لىّ ..؟
أجيب القدره والمعقول
على الشبه البقيف دونكــ
يأشر فيكــ
ما معــ..قول

وبعيد عنّك..
بعيش مشدوه..
إطارد في غُنايَّ ..ذبول..
وذي تقول ..ببقى شئ..وناقصني زول..
بعيد عنّك..بسافر في عيون الناس..
أفتِّش فيها عن معناك..
ياحزني..
البعيشك....في الفرح إحساس..

Quote: وبعيد عنّك.. بعيش مشدوه.. إطارد في غُنايَّ ..ذبول.. وذي تقول ..ببقى شئ..وناقصني زول.. بعيد عنّك..بسافر في عيون الناس.. أفتِّش فيها عن معناك.. ياحزني.. البعيشك....في الفرح إحساس..

كِمل حد إنشــداهى بــراى
غناك بيشـــبه الترنيم
محــل ودّرت كل القول
لفحنــــى هواى
سوارى على إتجاه الريح
مرقّت على الفيافى أهيم
بنادى شِــرِق مذاق طعمك
ملانى وحيــح
أفتش إتجاهك وين ..؟
وفى صحن القلب ألقـاك
أنادى صداك بيرجع صوت
وأستناك فى جواى

وبطلع برضو من جوّاك..
أشيل الخطوة حنية..
وأعدِّي معاك
مراسي الشوق
وتقدل خطوتي التانية
ترسم في الدرب ..ممشاك
أنا الببراك..
مشاويرك مشاويري
وخطاويك هي التوديني
محل ماالريد إصل معناك.

Quote: وبطلع برضو من جوّاك.. أشيل الخطوة حنية.. وأعدِّي معاك مراسي الشوق وتقدل خطوتي التانية ترسم في الدرب ..ممشاك أنا الببراك.. مشاويرك مشاويري وخطاويك هي التوديني محل ماالريد إصل معناك.

بتطلعى من خيوط الضو
شــروق أعلن صباحاتكــ
ومن وحى الصدف غاشـيك
عشنان أعرف مســاحاتك
دا حالكــ والزمن يحّــلو
رزاز قيف البحر منك
غســق شفق المغيب والتو
بيشــبه لونو غنواتك
بتطلعى من حنايا الغيم
مطر رطْــب نشاف الجو
بلا لونك
بتشبهى مين..؟

بتطلع منِّي يالوناً
صبغ كل الدواخل نور
بتطلع من وعود الغيم
وتشرق فيني برضو زهور
بتطلع في زفيري غياب
وتشهق بالمعاني ..حضور
بلا طلوعك..
مين بيعشق مين؟؟



داش ماناوي تقول الروب؟؟

Quote: بتطلع منِّي يالوناً صبغ كل الدواخل نور بتطلع من وعود الغيم وتشرق فيني برضو زهور بتطلع في زفيري غياب وتشهق بالمعاني ..حضور بلا طلوعك.. مين بيعشق مين؟؟

دهاليز الكلام والبوح
مستفــه بالحروف حد وين ..؟
تلــوحى على المسافه جســور
أكون مجبــور
إذا وحّـــيت
مداك يلوح
مع آخــر حنين وحنين
وهادنتكــ قبلت أتوب
رفعت الرايه إستسلام
وقلت الروب



خنسـاء
قهقـه تلزمنى
كفكفت دموع الفرح

وبرفع رايتي قبالك
عشان خاطر الكلام مجبور
إذا ..وحّيت ..
بجيكا حِداك..
وبعيش تعبك ..بكون مسرور
ولو سكت الكلام مني..
أكيد معذور.

تماضر ست الروعه .. ماشاء الله عليكى .. ودائما موفقة يارب ..

شاعرنا داش ابدعتم .. مودة واعجاب ..

هندوية تسلمي كتير
كل الود..

هند
العزيزه



موده وإحترام

تماضر وداش والله انا في غاية الأسف لعدم حضوري هذا الإبداع الجميل , لكن شكراً

هاشم..
إنتا دايماً حاضر
تسلم كتير..

صباح الورد منى..

Quote: ..إنتا لو عارف عيونك... لمّا تنظرني و.. تقابل لحظة بس أطراف عيوني..

لو عارف عيونك
توهت المشاااعر
و غنى ورااها كون...

شكرا تماااضر
على الكلماات التى تتخلل
الدوااخل من غير اسئتذااان...

تماضر يا غيما ماطر
سقيتى ارواحنا العطر يا بنيه من بطن الاهل
حنينه وموسومه بالمحبة ديمه
لك يا غالية كل الود
شكرا لنبعك الصافى
شكرا أردب محنة

سوما ياأحلى زول
نوَّرتي الحتة
شكراً محنّة..

محمّد ..شكراً على طلتك الحلوة
مودتي..

تعرفي
الواحد لمن يكتب ليك رد هنا بيحس انه بيطمبج ساااااااي

Quote: كل وريد جوّاي بدوبي.. ترقص النبضات تغنّي .. ومرّة بسمع طبل نوبي .. من حنينا بشيل غُنايا .. ومن غُنايا نسجتو توبي ..

يا زوله نوبي ما قاعد يطبل











_____
علي سبيل التحية يا فردة.
في زول ضرب لي قال لي الفلجة دي يعني شنو

بطبِّل أنا يانوبي إرتاح


_____

أحلى تحية نوبي..
تيِّب ماكان تستعين بي سديق ياخ