عطّر الكعبة وغمرنا...

إحنا ردناك زي عيونا
وغلبك إنتا تشيلو ريدنا
برضو عشناك في غنانا
وكم شقينا وفيك وِدرنا
هل بتنسى اليوم غرامنا
العشنا الفيهو معاك عمرنا
أم بتعشق في سوانا
تسيبنا إحنا نعيش قدرنا
محبوبي ياعالي المكانة
إنتا غيمنا وسر مطرنا
برضو بشرق فيك صباحنا
وليلنا عاشقك ياقمرنا
كيف بدونك إكون هوانا
ومابنقول فتناو ..فترنا
تقدر إنتا تزيد عذابنا
ولو تريد بيزيد صبرنا
وتقدر إنتا تشيل هنانا
الفيهو شوقك هو الأمرنا
نبقى واهبين ليك حنانا
ولسه تايهين فيك وحِرنا
هل بتدري الريد حوانا
وهل بتدري الشوق نظرنا
لمّا عشنا اليوم لقانا
وكم مَلَك غنّى وحضرنا
رفّ فوقنا وإحتوانا
وكمّل التحنان سَمَرنا
وزي تقول تطواف شذانا
عطّر الكعبة وغمرنا

إحنا عاشقين نور عيونك
الفيها عايش ضي بصرنا
وفي عينينا بكون سُكونك
الفيهو طال مشوار سفرنا

ألأخت/تماضر


حجزت مكان


بأذن الله سوف أمر

وهاشم خلف الله بجى بمر وعد


إسماعيل محمد أحمد عباس.............

"وكم مَلَك غنّى وحضرنا
رفّ فوقنا وإحتوانا
وكمّل التحنان سَمَرنا
وزي تقول تطواف شذانا
عطّر الكعبة وغمرنا"

إحنا عاشقين نور عيونك
الفيها عايش ضي بصرنا
وفي عينينا بكون سُكونك
الفيهو طال مشوار سفرنا

إسماعيل..
شكراً على طلتك الحلوة..

أختى /تماضر

الشاعرة المرهفة الراقية.........


لو عذاب الريد غشاكى////////////إتجاهلى الناسيكى حبة

ولو الحزن عتم ديارك////////////شتتى ألأزهار محبة

لاتقولى الدنيا ظالمة//////////وترمى لومك فى ألأحبة..

إسماعيل محمد أحمد عباس................

لو عذاب الريد غشاني..
برضي زايد في المحبة..
كيفن أتجاهل حبيباً
أحلى من كل الأحبة

Quote: محبوبي ياعالي المكانة إنتا غيمنا وسر مطرنا برضو بشرق فيك صباحنا وليلنا عاشقك ياقمرنا

أبوبكر..صباحات شوقنا بي خيرين..

Quote: إحنا ردناك زي عيونا وغلبك إنتا تشيلو ريدنا برضو عشناك في غنانا وكم شقينا وفيك وِدرنا هل بتنسى اليوم غرامنا العشنا الفيهو معاك عمرنا أم بتعشق في سوانا

والله حٌبك باقي فيني مهما طال بعدي وسنيني
والغرام البينا عامر يا حياتي ونور عيوني
والغنواي صدح صداها عارفكِ إنتِ بتعشقيني
وكيفن أنسي غرامِك إنتِ يا ربيع عمري وحنيني
والعشق لِسواكِ إنتِ ماهو وارد في شجوني
ببقي ليك زي قيس وليلي عارفِك إنتِ بتفهميني

وحبك إنتا أقوى من كل الظنون
أحلى من كلمات محبّة عطّرت ليل الشجون
وأغلى من كل الغوالي
إنتا يازولي الحنون
نظرة من عينيك إليَّ
تمنح القلب الجنون
تسرع النبضات شوية
وفجأة ترحل لي سكون

بالحنان ساندك عليَّ
وإنتا ساكن في جفاك
فيك فرح مُرسَل إليَّ
شايفو في عينيك هناك

Quote: وزي تقول تطواف شذانا عطّر الكعبة وغمرنا إحنا عاشقين نور عيونك الفيها عايش ضي بصرنا وفي عينينا بكون سُكونك الفيهو طال مشوار سفرنا

أنت في خاطر و ملء عيوني
وعلي كل رفة من جفوني
كيف أسلوك والرؤي والأماني
عن شمالي طيوفها ويميـــني.

Quote: وحبك إنتا أقوى من كل الظنون أحلى من كلمات محبّة عطّرت ليل الشجون وأغلى من كل الغوالي إنتا يازولي الحنون نظرة من عينيك إليَّ تمنح القلب الجنون تسرع النبضات شوية وفجأة ترحل لي سكون بالحنان ساندك عليَّ وإنتا ساكن في جفاك فيك فرح مُرسَل إليَّ شايفو في عينيك هناك

انا بعشقك وكل مشاعري بِتعرفك
وكل حواسي ليك تقول ما أعظمك
وعيوني تبراك في ذهابك ورجعتك
وعليك تقول ما أجملك ما أعدليك
وتزيدي في نفسي الشعور البيشبهك
وتولعي النيران شجون بفتنتك ببسمتك

في خاطري مشتاقك أكيد
مشتاق أقابل طلعتك
تسرح معاي برضو الأماني..
تتشابى توصل قمتك..

Quote: في خاطري مشتاقك أكيد مشتاق أقابل طلعتك تسرح معاي برضو الأماني.. تتشابى توصل قمتك..

وفي خاطري إنتِ أمل جديد
مشتاق أطالع روعتك
تسرح معاي كل الحواس
تبقي في دواخلك تدغدغك

Quote: وفي خاطري إنتِ أمل جديد مشتاق أطالعك روعتك تسرح معاي كل الحواس تبقي في دواخلك تدغدغك

مشوار الخواطر أمل جديد
تشتاقه العواطف وتزيد
تمسح بيها الأحساس تحيد
ويبقي الفي الدواخل شهيد
ويطل في سمانا ريد وعيد

الشاعرة النبيلة تماضر


مودتي واحترامي ،،،

Quote: هل بتنسى اليوم غرامنا العشنا الفيهو معاك عمرنا أم بتعشق في سوانا تسيبنا إحنا نعيش قدرنا محبوبي ياعالي المكانة إنتا غيمنا وسر مطرنا برضو بشرق فيك صباحنا وليلنا عاشقك ياقمرنا

روعتك وجمالك شعر منثور وريدك في القلب محفور .....

شكراً لك على جمال المساحة وروعة الكلمة ....