Post: #1
Title: المتواجدون الان ,,,,,
Author: خضر حسين خليل
Date: 10-27-2005, 04:45 AM
Parent: #0
Quote: المتواجدون الان بالمنبر العام 168 شخص » (1 )عضو و (167) زائرا
»خضر حسين خليل
هذه الصفحة يعاد تحديثها كل 120 ثانية. |
نصحى ونصابحك بالتعب
شمشك ضراعنا يسلَّها
تفقه شعاعات الغضب
فِقر المساخيت قولَّها
شيتاً نسوِّي آب ننكرو
ونحنا العوارض شلَّها
النيل قدرنا ونقدرو
ضبلين أرضنا نخدِّرو
وماب نرجى غيمة تبلَّها
الموية يومنا النفتحا
تروي الجنائن كلَّها
تنفض شقوقه من الدعت
يختا الجداول سلَّها
وطير البقر يملأ الكرو
وشدراتنا يرجع ضلّها ..
( صور/ محمد الحسن سالم حميد)
الاهداء لكل
الصامدين هنا
محبتي
خضر
|
Post: #2
Title: Re: المتواجدون الان ,,,,,
Author: سفيان بشير نابرى
Date: 10-27-2005, 07:23 AM
Parent: #1
خضر ...
ياخوى انت عفريت والا شنو؟؟؟
لا حـــــــــــــولا يازول
البوست ده انا حقى عديل بس انت خلاص سبقتنى
معليش اعيش واخد غيره
|
Post: #3
Title: Re: المتواجدون الان ,,,,,
Author: ABDELAZIZ MAHADY
Date: 10-27-2005, 07:31 AM
Parent: #2
إنت يا سفيان خضر دا يظهر كان مسهراهو حاجة
إنت مالك ؟؟؟؟
|
Post: #8
Title: Re: المتواجدون الان ,,,,,
Author: خضر حسين خليل
Date: 10-27-2005, 06:05 PM
Parent: #3
ABDELAZIZ MAHADY
سنة ياعبد العزيز ( سنة بتاعت التعجب اعني )
تصدق لو قلتليك انا في الاربع وعشرين ساعة بنوم زي ثلاث ساعات او اربعة لو بالغت ( والمسهراني دي علي العلي بتجي تكمل باقي الساعات)
رمضانك كريم يازول وعيد مبارك والسنة الجاية دي حالتنا كلنا تتحسن
خضر
|
Post: #7
Title: Re: المتواجدون الان ,,,,,
Author: خضر حسين خليل
Date: 10-27-2005, 06:02 PM
Parent: #2
سفيان
تعرف ياصاحبي جيت قبيل لقيت روحي زي الشيطان
وبما انو الحركة دي مابتحصل كتير انتهزت الفرصة
الليئمة دي وعملت عملتي دي .
والبوست بوستك ياصاحبي رغم انك مابتحتاج للاعلان ده
لانك ببساطة وحدك دائما ( لي هسي مالميت في بنية الحلال
ياخوي التبقيك أتنين) مشتاق جداً اندهلك سفيان بشير وحرمه
كدي تعال تاني
سلملم لجبرة وفاروق جبرة
خضر
|
Post: #4
Title: Re: المتواجدون الان ,,,,,
Author: محمد الامين محمد
Date: 10-27-2005, 07:33 AM
Parent: #1
| Quote: نصحى ونصابحك بالتعب |
اسمع نصحتي انا اخير ليك
سللللللللللللللللللام ابو السيوف
|
Post: #5
Title: Re: المتواجدون الان ,,,,,
Author: سفيان بشير نابرى
Date: 10-27-2005, 07:45 AM
Parent: #4
خضر...
الى ان تعود، دعنى مع الاصدقاء...
عبدالعزيز...
يا خوى المابسهرنى شنو؟؟؟
اها انت خلاص كملت معرض جماعة القصر ناس( هيثم وياسر عبدربو)
وفضيت لى انا !!؟؟؟
مع دوام محبتى وخالص سلامى للشباب ياعزيز.
محمد الامين محمد...
كيفك يا ملك؟؟؟
مشتاقين...
نصيحتك دى طيب الحق بيها اخوك لانو خلاص....
مع حبى لكم
|
Post: #6
Title: Re: المتواجدون الان ,,,,,
Author: showgi idriss
Date: 10-27-2005, 11:01 AM
Parent: #5
خضر
مالك يا أخوي..
المخشخشك شنو؟؟؟
ما قالو ..
ايماناً واحتساباً!!!
أبوالشوش
|
Post: #9
Title: Re: المتواجدون الان ,,,,,
Author: خضر حسين خليل
Date: 10-27-2005, 06:10 PM
Parent: #6
أبو الشوش
أسمك الصعب ده
وينك ياخينا ( حضرت مساء الاربعاء ولم اجدكم)
شكراً للحضور وابقي اظهر ياخينا
خضر
|
|