ياخوانا زول يكلم المهدي المنتظر دة ياخ

Post: #1
Title: ياخوانا زول يكلم المهدي المنتظر دة ياخ
Author: خضر حسين خليل
Date: 12-11-2007, 06:03 PM
Parent: #0

جابت ليها مسانجرات كمان

والله دي قصة عجيبة

صبرك يارب

Post: #2
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-11-2007, 06:11 PM
Parent: #1

بعدين ياخ أنا دة ما بقدر أساعدك بأي حاجة والله
وحالتنا حالة
يعني قصص إتجهزو لليهود وماتعرف شنو
وحياتك يا المهدي المنتظر أنا بستعد هسي
عشان أعرس ... وبجهز للقصة دي وماقادر
عشان أوريك ... فروق المنقة معاي شوية
وإيميلي دة أختاهو شوية

عذبتو ياخ

Post: #3
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-11-2007, 07:03 PM
Parent: #2

دي الرسالة الأولي

ثم

وبعد داك صورة البرعي والمعاهو دة ماعرفتو

ياخ أنا والله بقيت زهجت من الإيميل بتاعي

شوفو لينا حل مع الراجل دة ياخ

Post: #5
Title: Re: ياخوانا زول يكلم المهدي المنتظر دة ياخ
Author: طلال عفيفي
Date: 12-11-2007, 07:12 PM
Parent: #3

والله يا خضر الراجل كلامو ما بطال ،
بس قول إنت الما عندك مزاج ..

أخلاقك بقت ضيقة !

Post: #4
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-11-2007, 07:10 PM
Parent: #1

مدد ياصبر مدد

Post: #6
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-11-2007, 07:26 PM
Parent: #4

هسي إنت شايف كدة ياطلال

والله محتمل أكون بقيت بتضايق سريع
لكن ياطلال هسي عليك دينك أنا أسوي
شنو لليهود والنصارة ديل ياخ
أخوك بقي في أكل عيشوا

والله جد جد كدة الزول دة أخير ليهو
يختاني ... ياخ عذبني عديل

كل يوم والتاني رسالة
كل يوم والتاني ماعارف شنو

ياخ كلمو طالما إنت متواجد بهناك
قول ليهو الحنك دة مامقسم معاي

طلال ياخ مشتاقين والله والواحد داير
يشوفك قبال يوم القيامة

Post: #7
Title: Re: ياخوانا زول يكلم المهدي المنتظر دة ياخ
Author: طلال عفيفي
Date: 12-11-2007, 07:34 PM
Parent: #6

يا خضر يا إبني ..
على رسلك وحنانيك ..
مش يمكن الراجل ده شايف فيك شوفه ،
ولو دخلت معاهو ربنا يجعل في الأمور
امور وتنفتح علينا كلنا ، إنت تعرس
وانا أعيش في قبرص ، والمسلمون ينتصروا
على الكافرون ، ونعيش في بحبوحة من العيش ؟

إنت ما تتشنج ، رسل ليهو إيميل وأعمل
معاهو مواعيد لمن تجي الإجازة ، الحاجات
الكونيه دي ما مستعجله وبتنتظر ..
وقول ليهو يا مولانا ، if you please ،
ما ترسل لي تاني لغاية ما نتلاقى ..

يا خضر الراجل ده ما بيرسل ليك ساي ،
ده قاعد فوق راي ..

Post: #11
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-11-2007, 07:43 PM

والله ياطلال ياخينا تبقي كارثة لو قاعدلو فوق رأي
وعليك الله شوفة شنو الشايفها فيني
ياخ أنا زاتي ماقادر أشوف روحي
تقول لي شايف فيك شوفة

بالنسبة لإقتراحك بتاع إنو أراسلو واللازي منو
كلامك معقول لكن يتخيل لي كدة لو مشيت ليه بإعتبارك
صاحبي وكدة وناضمتو ... ياخ قول ليهو الزول دة
علي الأيمان خسارة الزمن البتضيعو معاهو
قول ليهو الزول دة ما ناقص وخليهو يشوف زول غيري
ياخ الدنيا دي مليانة ناسات .
والعرقي زاتو ناسات ماكاسات ياخ (مثل من بيت الكلاوي)
بعدين عليك دينك حكاية كافرون ومسلمون دي وحياتك
بقت تتعبني وما كويسة عشان صحتي .
ثم ياطلال :

إنت يوم القيامة موش قرب

الزول دة مالو مباري العولمة ياخ ما يجي بالدرب عديل

Post: #8
Title: Re: ياخوانا زول يكلم المهدي المنتظر دة ياخ
Author: عبد المنعم سليمان
Date: 12-11-2007, 07:37 PM
Parent: #1

خضر
سلام

حظظظظظك
المهدي ظااااتو
بركاتك وبركاتو
يفزعنا وينجدنا

بخيت
و

سعيد

يا خضر

____

لكن صورتو مبااالغة
مفروض يمثل فيلم رعب

لك التحية
منعم

Post: #13
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-11-2007, 07:52 PM
Parent: #8

والله يامنعم
شكلك كدة علي النار عدل

شتات خالي محطات

ياخ إنت ماتعمل لينا حوار مع الزول دة
أنا بديك إيميلو حوار عادي
وتعزمو شاي (وشويات).
وينوبك عن الثواب ثواب ياخ

أزهري كيف ياخ
حدثو بالبيحصل لينا دة بالله

Post: #9
Title: Re: ياخوانا زول يكلم المهدي المنتظر دة ياخ
Author: الطيب برير يوسف
Date: 12-11-2007, 07:39 PM
Parent: #1

خضر يا خوي الله يصبّرك
النصيحة لي الله حالتك تحنن
الصبر (وضم الميم)

----------
طلال يا بهي
Quote: والله يا خضر الراجل كلامو ما بطال ،

الحمد لله باب النبوة (مختوم)،
(إلا من بعض المغامرات الطائشة)
التي عادة ما تحوّل إلى زرائب الجنون
أها الهوا الجاينا هسه دا كلو من شباك (المهدي المنتظر)
نختّو وين..؟ غلبنا والله!
نعمنو (وصف المهدي المنتظر) ذاتو محدد
ومواصفاتو ما أظن تتلقي في السودان
غايتو الواحد يحاول يتسلى
وكدا
Quote: بس قول إنت الما عندك مزاج ..

أمزج من كدا كيف يا عفيف
فتح لي صاحبنا بوست عديييييل
(يمزّجو) أكتر من كده كيف

Quote: أخلاقك بقت ضيقة !

خليهو هو
إت دا بعد القريتو فوق دا أخلاقك بقت كيف؟!
أوع تقول لي (ضاقت)!
عشان حأقول ليك: امّهل ياخ
امّهل.. المهلة سمحه

Post: #15
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-11-2007, 07:54 PM
Parent: #9

الطيب برير
إزيك ياخ وبركة المهدي المنتظر المرق حرفك
شوق ثم شوق .... عليك الله الزول دة مابزهج
الزول يفتح الإيميل متخيلو من الحبيبة وكدة
يجيك زول زي دة يعكر مقاس يومك المعكر أصلاً

والله أنا جد جد الراجل دة قفلها معاي
دنيا وآخره

Post: #10
Title: Re: ياخوانا زول يكلم المهدي المنتظر دة ياخ
Author: Ahmed Alim
Date: 12-11-2007, 07:42 PM
Parent: #1

Quote: طلال ياخ مشتاقين والله والواحد داير
يشوفك قبال يوم القيامة

والله انت زول زهجان بس.
الزول دا ما تديهوا فرصة وتعرف القصة.
هسي اكان كلاموا دا طلع جد انت حتكون زي كفار قريش عشان كدة قلته اجي اديك نصيحتي واتخارج...

Post: #12
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-11-2007, 07:50 PM
Parent: #10

Quote: والله انت زول زهجان بس.
الزول دا ما تديهوا فرصة وتعرف القصة.
هسي اكان كلاموا دا طلع جد انت حتكون زي كفار قريش عشان كدة قلته اجي اديك نصيحتي واتخارج

والله يا أحمد عليم الشهادة لله (مابتاعت الهندي)
الزهج حالص والدليل سجلنا في نادي الزهاجة
ومنتظرين يقبلو طلبنا .
لكن جد حكاية كفار قريش دي بتمحن يعني هسي
الراجل دة كدة وصل رسالتو ولا الحاصل شنو ؟
غايتو ينظر ويفاد في نصيحتك

Post: #14
Title: Re: ياخوانا زول يكلم المهدي المنتظر دة ياخ
Author: Ishraga Mustafa
Date: 12-11-2007, 07:52 PM
Parent: #10

اكان بقى فى قريشات عليك الله ياخدر ماتنسى اخت دمك كان ماتبقى خوة دم ساكت!!

اها ادينا بالله خبر اظنو فعلا فى راى الزول ده على قول طلال غايتو الراى بيكون فيها قريشات {حلم الجعان ياود امى عيش نسوى شنو عاد}

كيفنك ياخدر

Post: #16
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-11-2007, 08:01 PM
Parent: #14

إشراقة
إزيك
علي الأيمان كان فيها (شرتيت) تأكدي إنو النص بالنص
لكن أنا عارف جنس النوع دة والفلم دة أنا خاشيهو كتير
لكن الراجل دة كتره والله ...
ياخ معقولة أنا طوالي مواجهني كدة يومي علي الله
كرهنا الانترنت زاتو الزول العجيب دة .

قلنا ليهو فوق ما أنا الا بزول داير يعرس حبيتو ليس الا

Post: #17
Title: Re: ياخوانا زول يكلم المهدي المنتظر دة ياخ
Author: سلمى الشيخ سلامة
Date: 12-11-2007, 08:03 PM
Parent: #10

بختك يا خضر بجيك المنتظر زاتو ؟
والله فى ناس احسن منهم المنتظر بتاعك دا
نحنا برسلو ليناناس غسيل الاموال
دايرين يطيروا ابراج راسنا كل يوم يافردة يجيك واحد او واحدة
وعندهم ملايين اوديهاوين ؟
تغسل بدلى ؟
حضر طشتيك
نحنا ماعندنا طشاته
الغسيل هنا ممنوع
لانه كان (شريتو) فى البلكونة بجيك (البوليص)
وانت احسن حالا مننا امكن دا نبى الله الخضر
مين عارف ؟
وامكن عنده غسيل نوع تانى
كان قال ليك داير رقم حسابك ما تتلفت اديهو طوالى
لانه دا غسيل محترم
امكن يفتحا عليك وتعرس وترسل لينا الباقى
قلت كيف مش صفقة كويسة؟
يلا صفقوا كلكم

Post: #21
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-11-2007, 08:11 PM
Parent: #17

سلمي إزيك ياخ

عارفة ياسلمي والله الرسائل البتجيكي دي معقولة
وعندها علاقة بالواقع (وفي فرقة إنك تحلمي حلم
حلمين ) لكن جنس دة ولغة قاتلوهم دي ما بتمحن
ياسلمي . هسي الزول دة كان خت الرحمن في قلبو
ومشي جمب الجامع الكبير وخطب في الناس ما أخير
ليهو بدل يقضيها لينا حوامة في النت ويخلعنا
بالطريقة العجيبة دي . ياخ مرة رسلو لي قالو لي
يوم القيامة قرب . وماتعرف شنو ووزع الرسالة دي
وحتجيك ماتعرف كمين قروش .
أها شوفي الرسائل العجيبة البتصلني عليك دينك
ما أخير بتاعت الغسيل أهو الواحد يشرها حلم ويرقد
لكن جنس دة يشروا وين ؟

سلمت يا سلمي

Post: #18
Title: Re: ياخوانا زول يكلم المهدي المنتظر دة ياخ
Author: عبد المنعم سليمان
Date: 12-11-2007, 08:06 PM
Parent: #1

خضر اخوي

الزول ده عندو ختم
معناها كلاموا صح ومختوم خالــــي مــن النزفيـــة

الله يختم ايامك مع مهديك ده

_____

رسل لسهو ايميل واسالوا لي يا خدر
عندو عرق محبة ؟

اكان قال ما عندو .. قول ليهو
عرق النساء برضوا ما بطال

Post: #19
Title: Re: ياخوانا زول يكلم المهدي المنتظر دة ياخ
Author: سلمى الشيخ سلامة
Date: 12-11-2007, 08:09 PM
Parent: #18

انت يا منعم عرق المحبة تسوى بيهو شنو ؟
انت بدون عرق مكسرنا
اين انت يا رجل ؟

Post: #23
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-11-2007, 08:16 PM
Parent: #18

ختم المود يدوم
نتلاقي في الإحساس

منعم ياخ خليك جادي
عرق محبة شنو ياخ أقول ليك القيامة
يمكن الأسبوع الجاي تقول لي عرق نسا
بعدين ياخ

إنت أنا فيني مثلاً مواصفات زول يرجو منو ؟

ياخ ما يرسلا للناس ديلك

أنا مابتاع قصص زي دي

Post: #30
Title: Re: ياخوانا زول يكلم المهدي المنتظر دة ياخ
Author: عبد المنعم سليمان
Date: 12-11-2007, 08:26 PM
Parent: #23

Quote: إنت أنا فيني مثلاً مواصفات زول يرجو منو ؟

اي ي ي فيك مواصفات
انت قايل المنظرنو ده شغال بمواصفات
بالله ..
ده اي ايميل يبدا بالkh بخش فيهو تووووش وينتظرك
عشان كده يا خضر اخدع المنتظر وغير الايميل ل hk
خليهو يتلح اي زول بالkh ما بعدم ليهو زول اسمو خليفة
في ارض الله الواسعة دي ..
اقول ليك حاجة رسل ليهو ايميل وقول ليهو مؤاااامن لامن بهناك
بس رسل لي 1000 ليرة من الذهب واكون من اتباعك يا مولاي
والله تاني ما يرسل ليك رسالة
اسالني انا من ال احنا منتظرينهم كلهم
__
رسل لي ايميلوا خليني اتونس معاهو بالماسنجر
حاخليهوا ليك ينتظر شوية

Post: #34
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-11-2007, 08:34 PM
Parent: #30

والله فكرة يامنعم

من ناحية مؤااامن دي يازول مؤاااامن ونص وخمسة
كدي نجرب حكاية (الضحاكات) يمكن يتخارج

............

أين الضحاكات يامنعم

Post: #20
Title: Re: ياخوانا زول يكلم المهدي المنتظر دة ياخ
Author: abubakr
Date: 12-11-2007, 08:10 PM
Parent: #1

ياقرايبي .. الرسالة التي وصلتني قبل يومين معنونة الي افراد ومنظمات محلية واقليمية وعالمية ومنظمات نفع عام وحقوق انسان واحزاب وتجمعات اقليمية ومطلبية .ولكنها كذلك "رسالة إلي كافة المسلمين من الإمام المهدي المنتظر بالسودان" ..مش عارف يعني بيقصد شنو ؟؟ طالما قال كل المسلمين وخاطب كل المنظمات دي ليه يعني اختار افراد -عدد محدود مقارنة بالمنظمات ..الخ- وعايز مننا شنو ؟وكمان اختار واحد بن عمي معاي ؟؟ الحاصل شنو .. بالله كلموه ..انا ما سويت حاجة

Post: #25
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-11-2007, 08:18 PM
Parent: #20

Quote: الرسالة التي وصلتني قبل يومين معنونةافراد ومنظمات محلية واقليمية وعالمية

والليلة والليلة

والله يا أبوبكر معناتها الزول دة متعشم
فيك شديد طالما لماك مع المنظمات الإقليمية
والعالمية الزول دة قاصد ياخينا بي صراحة كدة
وماتزعل مني إنك تكون حلقة وصل

(صلة) يعني

شيل شيلتك بقيت للنص

Post: #22
Title: Re: ياخوانا زول يكلم المهدي المنتظر دة ياخ
Author: عبد المنعم سليمان
Date: 12-11-2007, 08:12 PM
Parent: #1

Quote: والله فى ناس احسن منهم المنتظر بتاعك دا

المنتظر داخل عطبرة
بلالي وين بلالينا

___
والله يا سلمي طال انتظارنا للمنتظر

ينتظرنا وينجدنا يا رب

Post: #24
Title: Re: ياخوانا زول يكلم المهدي المنتظر دة ياخ
Author: عبد المنعم سليمان
Date: 12-11-2007, 08:16 PM
Parent: #1

Quote: انت بدون عرق مكسرنا
اين انت يا رجل ؟

عارف لكن عاوز اكسركم اكتر عشان تااامنو بالمنتظر ظاااتو
اين المنتظر يا سلمي ؟
بل اين المحطة ؟

____
هذا المنتظر لا يمكن الوصول الية
الرجاء الاتصال لاحقا

Post: #27
Title: Re: ياخوانا زول يكلم المهدي المنتظر دة ياخ
Author: سلمى الشيخ سلامة
Date: 12-11-2007, 08:21 PM
Parent: #24

يكونش المنتظر شيخ الدين يا ربى ؟
وين المنتظر زاتو ؟
يا زول امكن الزول دا يكون (واصل )يقوم يسختنا
اين السخته ؟

Post: #31
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-11-2007, 08:27 PM
Parent: #27

Quote: اين السخته ؟

السختة في الإيميل ياسلمي

لاتقولي أين المنتظر

بل قولي أين الإيميل

سختة علي وزن شختة

Post: #26
Title: Re: ياخوانا زول يكلم المهدي المنتظر دة ياخ
Author: Ahmed Alim
Date: 12-11-2007, 08:18 PM
Parent: #1

Quote: خضر اخوي

الزول ده عندو ختم
معناها كلاموا صح ومختوم خالــــي مــن النزفيـــة

مـا دا كـلامنا زاااتـوا.
والقصة ما قصة قروش وبس كمان ممكن تكون خليفة وكدة، فلا تجاهر بالمكابرة فيصيبك الندم.
بالله بدل ما تحمد ربك تقعد تسوي جنس الكلام دا؟ اها الزول دا ما عندوا website وكدة عشان نعرف الحاصل شنوا؟؟

أحـمد عـالم

Post: #28
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-11-2007, 08:23 PM
Parent: #26

والله يا أحمد عالم بالغت معاي

بعدين إنت القال ليك أنا داير أبقي خليفة منو
(خليفة بالنص) دي محطة في أمدرمان بالمناسبة
جمب ناس قرمبوز .
ياخ أنا ماداير أبقي لاخليفة لاوالي لا أي قصة
زي دي أنا المحيرني هو ماداير يختاني ليه؟

وربنا دة والله حامدنو وشاكرنو علي النفس
النازل وطالع شووووو.

ياخ أسمع أديهو إيميلك وكتين عاجبك كدة .

Post: #29
Title: Re: ياخوانا زول يكلم المهدي المنتظر دة ياخ
Author: abubakr
Date: 12-11-2007, 08:24 PM
Parent: #1

Quote: (صلة) يعني

يا خضر .. هو عايزني خليفة يعني ؟ اها خليفة بربري ودوغري وما بعرف وساطات ولا "بس سيبني المرة دي " ؟؟

Post: #32
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-11-2007, 08:29 PM
Parent: #29

Quote: اها خليفة بربري ودوغري

أبوبكر شكلك كدة حتكون الصلة
بقطاع (النوبة)

هنيئاً لك

طوبي لك

أي حاجة لك

بس الزول دة خليهو يختانا وكتين براسلك

Post: #33
Title: Re: ياخوانا زول يكلم المهدي المنتظر دة ياخ
Author: عبد المنعم سليمان
Date: 12-11-2007, 08:33 PM
Parent: #1

Quote: يا زول امكن الزول دا يكون (واصل )يقوم يسختنا
اين السخته ؟

احسب يا خضر .. قول 1 سلمي آآآمنت

__

اتخارجتي من السختة غاايتو
خليهو يسختني انا يا سلمي بس انتي تسلمي
___
والله المهدي دقس
ما لقا غير خضر ده عشان يدعوه للرسالة
والله الواطا تتضلم المنتظر يعرف حاجة
خضر ده بالليل اكبر منتظر في شرق ووسط افريقيا

كلمناك يا منتظر
ما تجي بعدين تقول عندي محاية لل( هانق اوفر)
بطريقتك يا منتظر .. رسل في ايميلاتك دي لامن تعرف حاجة
لخضر رب يحمية يا منتظر

Post: #36
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-11-2007, 08:39 PM
Parent: #33

والله يامنعم ياخي مشكور
بلغت الأمانة وقدمت للزول دة نصيحة
أريتو كان يمشي بيها

قلت لي شرق ووسط أفريقيا

أين شرق ووسط أفريقا يامنعم ؟

وأين أزهري هاشم

وصدقني إنت مسخوت مسخوت

صدر تحت توقيعي وختمي ....

واحد متعشمين فيهو

Post: #37
Title: Re: ياخوانا زول يكلم المهدي المنتظر دة ياخ
Author: رأفت ميلاد
Date: 12-11-2007, 08:42 PM
Parent: #33

خضر حسين خليل
سلام

ياخوى إنت يادوووب وصلتك .. ما تفرح إنت فى مرحلة الحاشية
أنا وصلتنى زماان .. وبقيت فى مجلس الفتوى للكفار

هل وصلتكم هذه الرسـالة ?]

Post: #42
Title: Re: ياخوانا زول يكلم المهدي المنتظر دة ياخ
Author: Zakaria Joseph
Date: 12-11-2007, 08:51 PM
Parent: #37

Ustaz Milad
Rest assured it is not from Zakaria Joseph Kual Chol. And the thing has a Dinkawi background, too. Ohooo!!!!

Post: #44
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-11-2007, 08:53 PM
Parent: #37

رأفت ميلاد
إزيك ياخ

والله أنا في الحقيقة الزول
دة براسلني من بدري
قلت الراجل بكون قاصد خير
لكن واصل في الموضوع
بقي طوالي في حالة
يرسل لي ويرسل لي

ياخ شهي إيميلي العافية عديل

Post: #35
Title: Re: ياخوانا زول يكلم المهدي المنتظر دة ياخ
Author: Ahmed Alim
Date: 12-11-2007, 08:37 PM
Parent: #1

زي ما قال استاذ ابوبكر
Quote: اها خليفة بربري ودوغري
يعني لمن الخليفة يكون من عندينا احنا يادوب بنرطب . طـوّل بالك بس.
واذكر قصة الراجل الادعى النبوة في السودان في منتصف التسعينات تم تداولها بين رجال كبار في السن من عندينا في دبي وسأل واحد منهم، أها عملوا ليهوا شنوا؟؟ فردوا عليهوا بان البوليس قبضوا.. فعمك احتار شوية كدة وقال الراجل دا ما كان يدوهو فرصة هو زمن النبي الجد جد كان في بوليس

Post: #39
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-11-2007, 08:45 PM
Parent: #35

Quote: فردوا عليهوا بان البوليس قبضوا

طيب يا أحمد

الزول العامل زي ود الموية دة البقبضو لينا منو

ياخ دة ساكن سكنة في إيميلي

Post: #38
Title: Re: ياخوانا زول يكلم المهدي المنتظر دة ياخ
Author: abubakr
Date: 12-11-2007, 08:44 PM
Parent: #1

Quote: بقطاع (النوبة)

هي النوبة ذاتا قطعوها قطع قطع وغرقوها ؟ الباقي شنو للمنتظر ؟؟
عموما انت واحمد شدو حيلكم يمكن نشوف ليكم امارة نوبية في اي قطعة باقية ما غرقت والا تمشو تنافسو السمك؟؟

Post: #40
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-11-2007, 08:50 PM
Parent: #38

ياابوبكر ياخ

والله أنا ماداير لا إمارة لا أي حاجة

المشكلة أصحابي بقو يصدقوا الحنك دة

هسي في واحدة صاحبتي قالت لي
والله ياخدر كان بقيت شيخ تفك لينا
الساجورة بتاعتنا دي .

..........

الساجورة يعني البورة

Post: #41
Title: Re: ياخوانا زول يكلم المهدي المنتظر دة ياخ
Author: عبد المنعم سليمان
Date: 12-11-2007, 08:51 PM
Parent: #1

Quote: ياخ دة ساكن سكنة في إيميلي

دي البداية
بعد شوية يسكن قلبك ذاااتو
انت ما شفت سلمي يا خضر

Post: #45
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-11-2007, 08:55 PM
Parent: #41

Quote: بعد شوية يسكن قلبك ذاااتو

إيجار ولا تمليك

أين سلمي ؟

Post: #43
Title: Re: ياخوانا زول يكلم المهدي المنتظر دة ياخ
Author: Ahmed Alim
Date: 12-11-2007, 08:52 PM
Parent: #1

Quote: يمكن نشوف ليكم امارة نوبية في اي قطعة باقية ما غرقت والا تمشو تنافسو السمك؟؟

انا غايتوا داير اكون عامل باحد الامصار النوبية

Post: #47
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-11-2007, 09:00 PM
Parent: #43

Quote: انا غايتوا داير اكون عامل باحد الامصار النوبية

أمصار شنو يا أحمد ياخ
هو فضلت فيها أمصار

أبو بكر قال ليك تقاسمو السمك
تقول لي أمصار

..........

ماعارفك مصر علي الحكاية دي لي شنو ؟

أين منعم ؟

Post: #48
Title: Re: ياخوانا زول يكلم المهدي المنتظر دة ياخ
Author: محمد حسن العمدة
Date: 12-11-2007, 09:06 PM
Parent: #43

Quote: أها الهوا الجاينا هسه دا كلو من شباك (المهدي المنتظر)

أجي يا ود البرير ؟؟

انت حسع مالك زعلان يا خضر

ما هو الراجل ضد الزحف الامبريالي يعني عدو عدوي صديقي

سلمى وعبد المنعم ديل زيل توم وجيري وتراجي وامنة مختار

اي حته منقطعين سوا

دي ما حالة تجيب المهدي حسع ؟؟

انت يا خضر ماركس موش كان برضو مهدي ؟؟

Post: #52
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-11-2007, 09:14 PM
Parent: #48

ود العمدة

ياخ هسي الجاب ماركس شنو ؟
إنت الزول دة الا تبل بيهو ريقك كلما جيت تكتب

ياخ كدي قول كفارة ولا سلامتك
ولا أي حاجة في الأول

.........

أسمعني ياخ رسل لي راتب الإمام
يمكن ينجدنا

Post: #46
Title: Re: ياخوانا زول يكلم المهدي المنتظر دة ياخ
Author: عبد المنعم سليمان
Date: 12-11-2007, 08:57 PM
Parent: #1

الي مهدي خضر حسين خليل
حضرت ولم اجدكم
[email protected]

شكرا
منعم المنتظر لردكم الغالي

ما تتعاور وترسل لي فايروس
عاارفكم يا منتظرين انتو

Post: #50
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-11-2007, 09:09 PM
Parent: #46

هوي يامنعم ماتلصق البني آدم دة فيني

شنو المهدي المنتظر بتاع خضر
ياخ إنت ماقريت جغرافيا
خليك من حصة دين

المنتظر دة بتاع الناس كلهم

وثق بعد كلامك المعفن دة الزول دة
حيقلبك خروف ....

.............

منعم ياخ أنا مارق بالله كان رسل ليك
أو حصل أي (إتصال) بيناتكم

خليهو يزح مني

Post: #51
Title: Re: ياخوانا زول يكلم المهدي المنتظر دة ياخ
Author: عبد المنعم سليمان
Date: 12-11-2007, 09:11 PM
Parent: #50

Quote: حيقلبك خروف ....

بس بدون نزفية قول ليهو

Post: #49
Title: Re: ياخوانا زول يكلم المهدي المنتظر دة ياخ
Author: عبد المنعم سليمان
Date: 12-11-2007, 09:08 PM
Parent: #1

خضر
قول لمهديك ده add me in your list

اشوفوا في الماسنجر انشاء الله

اممممين

Post: #57
Title: Re: ياخوانا زول يكلم المهدي المنتظر دة ياخ
Author: Marouf Sanad
Date: 12-11-2007, 09:25 PM
Parent: #49

خدر ازيك
كيفك يا رجل

انت ما عارف انو في ارتباط قوي بين فكرة المهدية ونبي الله الخضر
الزول بكون قايلك سيدنا الخضر.

Post: #59
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-11-2007, 09:29 PM
Parent: #57

Quote: انت ما عارف انو في ارتباط قوي بين فكرة المهدية ونبي الله الخضر
الزول بكون قايلك سيدنا الخضر.

والله يامعروف كان كدة يكون بالغ عديييييل

ياخوانا نوروا المخلوق دة

Post: #60
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-11-2007, 09:31 PM
Parent: #57

منعم

فتك بعافية

أين الأين

Post: #53
Title: Re: ياخوانا زول يكلم المهدي المنتظر دة ياخ
Author: د.نبراس
Date: 12-11-2007, 09:15 PM
Parent: #1

يا ايها الخضر ,,

انا شايفه انك ماتخلي الفرصه دي تفوتك , والفرصه تنفع المؤمنين
يمكن يديك ألف ليره من الذهب ويأمر ليك بجاريه
وربما كانت احدى بنات الحور
نظام (عرس الشهيد) وكده ,,

والله يالمنتظر تلحقنا ما تسختنا ,,

Post: #54
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-11-2007, 09:19 PM
Parent: #53

نبراس
إزيك ياخ

والله لكن عندك قوة قلب مبالغة

والله يا نبراس الزول
دة يخلع بعدين ختمو داك زاتو
عجيب .......
نفسي أعرف طبع البيان دة وين

هسي هو بكون نايم إتكلمي زي مادايرة

غايتو كان صحي خلي هشام يعرفك

Post: #55
Title: Re: ياخوانا زول يكلم المهدي المنتظر دة ياخ
Author: طلال عفيفي
Date: 12-11-2007, 09:22 PM
Parent: #54

شايفكم قلبتوا الموضوع هزار .

Post: #56
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-11-2007, 09:24 PM
Parent: #55

Quote: شايفكم قلبتوا الموضوع هزار .

والله يطلال الواحد كان داير يتناول
الموضوع (كظاهرة) لكن منعم دة مصر
علي إنو يخارج الموضوع من سياقوا
التاريخي ...

.............

لاحولا نفسي قام والله ياطلال

Post: #62
Title: Re: ياخوانا زول يكلم المهدي المنتظر دة ياخ
Author: د.نبراس
Date: 12-11-2007, 09:33 PM
Parent: #54

غايتو هشام ده الا تكلمو لي انت ,,

وانت الزول بقى يخاف منك ,, بنزل عليك الوحي !!
ياخ الحقنا ماتسختنا , ولا تفتنا !!

الرحمه ياامير المؤمنين !!

Post: #58
Title: Re: ياخوانا زول يكلم المهدي المنتظر دة ياخ
Author: عبد المنعم سليمان
Date: 12-11-2007, 09:27 PM
Parent: #1

Quote: نفسي أعرف طبع البيان دة وين

طبعت بمعامل انيس عبيد - القاهرة

the End

Post: #61
Title: Re: ياخوانا زول يكلم المهدي المنتظر دة ياخ
Author: عبد المنعم سليمان
Date: 12-11-2007, 09:31 PM
Parent: #1

Quote: والله يطلال الواحد كان داير يتناول
الموضوع (كظاهرة) لكن منعم دة مصر
علي إنو يخارج الموضوع من سياقوا

خلاص يا خدر رجعوا لسياقوا التاريخي انت وطلال
عشاان عفاريت الدنيا كلها تطلع ليكم ..

___

اكان فيها ضحاكات دخلوا في سياقوا ولو ما فيها
ببقي مهدي هاكر
او اسال محمد حسن العمدة قول ليه الاصلي بيكون كيف
يمكن يكون زي حطب ال شاف ما بتعرف الا يتبل لالموية
عشان ندي ليك مهديك ده غسلة سريعة

Post: #63
Title: Re: ياخوانا زول يكلم المهدي المنتظر دة ياخ
Author: معاوية كرفس
Date: 12-11-2007, 11:45 PM
Parent: #1

.

خدر

... يا ..

صديق

و صاحب و زميل و رفيق ،

و قبلهم

حبيب .

( الباقي بنتمو في المسنجر ) .

قلت لي زارك المهدي المنتظر ؟

يا أخينا إنت ما عايز ترجع السودان تاني و لا شنو ؟

إنت ما عارف الزول البينحا مناحي زي دي رأينا بيكون عامل فيه كيف ؟

يا زول شيل شيلتك معانا ..

______________________________________________

خدر

شوقي إنت عارفو

كرفس
.

Post: #73
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-12-2007, 04:33 PM
Parent: #63

كرفس

إزيك ياخ

والله مشتاقين ورأي الشباب عارفو بالحيل
والمدينة دي ياخينا (سلم عليها)

ياخ والله أنا زهجان شديد

Post: #64
Title: Re: ياخوانا زول يكلم المهدي المنتظر دة ياخ
Author: محمد مكى محمد
Date: 12-12-2007, 00:15 AM
Parent: #1

Quote: (صلة) يعني

على الاقل شغلو (مكرب)...

سلامات ياخضر
الزول ده يمكن عاوز يتم بيك ناقصه آخر الزمان.

المهدى المنتظر +الخضر

ناقصكم المسيح الدجال
تحياتى

Post: #65
Title: Re: ياخوانا زول يكلم المهدي المنتظر دة ياخ
Author: EL fahal Abdelatif
Date: 12-12-2007, 00:38 AM
Parent: #64

دى مؤامرة واضحة ضد حزب الامة وكيان الانصار ...
يعنى المهدى وخليفتو عبدالله التعايشى والالاف الماتو ..دا كلو اوانطة ساى..
كمان الملايكة الحاربت معاهم..لا لا دى مؤامرة ..من منو ما .ما مهم....
بعدين المهدى دا ما سمع ولا قرا يا كافى البلا انو المهدى المنتظر ماركة مسجلة باسم الشيعة..
خلى صاحبك العب بعيد بعيد..ممكن اعمل فيها نبى الله الخضر ..دى مهمة مفتوحة ما محتكرة..نبى الله لقمان ..دى مناسبة لانو لقمان قالوا كان اسود..
المهم ننتظر بيان من حزب الامة او كيان الانصار ..ايهم اصح مهدى دنقلا ولا مهدى هسع ..وبعدين الشيعة اصحاب الماركة الدينية المسجلة للمهدى المنتظر ...حقهم راح ..

Post: #79
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-15-2007, 07:37 PM
Parent: #64

إزيك يامحمد مكي يازول يافنان

هسي أنا قلت إنت حتجيب الناقصة
شافك داير تمشي لي في نفس (خط)
بيجو (منعم حالياً)
الزول دة الحمد لله ختاني وبقي شايف
دريبات تانية .

والله الواحد سعيد كون إنو الإيميل إرتاح حبة

Post: #66
Title: Re: ياخوانا زول يكلم المهدي المنتظر دة ياخ
Author: معاوية كرفس
Date: 12-12-2007, 01:40 AM
Parent: #1

.

خدوري يا حبيب

تعال في البلدالتي تعرفها أنت

و لسوف تري المهدي رأي العين ..

كرفس

Post: #78
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-15-2007, 07:10 PM
Parent: #66

لقيتو واقف منتظر

الأستاذ الطيب عبد الله

Post: #67
Title: Re: ياخوانا زول يكلم المهدي المنتظر دة ياخ
Author: نصار
Date: 12-12-2007, 02:12 AM
Parent: #1

Quote: إنت يوم القيامة موش قرب

لا حولا اول شي القيامة قامت قوما منعم قبل كم يوم
بس انت يا خضر تكون كنت نايم و اسع انا بكتب ليك
من الجنة,, و ما دام انت ما عرست و المكان القاعد
فيهو مسخن,, المهدي فرصتك الاخير فأغتنموهاهاهاها
و نحن في انتظار.. اسع شايف طلال بصور في بنات الحور
ساكت لو ما خايفة تتحرق كنت خليتو يرسلا ليك..
انا يبقالي النفعني ياهو المهدي دا زاتو كان رسل لي
فصبرت و احتسبت و اسع كما رسل لي و جاقلبت زي كدي..

و الله بوستين دا عدل المزاج ميه ميه

Post: #68
Title: Re: ياخوانا زول يكلم المهدي المنتظر دة ياخ
Author: Abdalla aidros
Date: 12-12-2007, 03:24 AM
Parent: #67

خضر يا صاحب

يا زول معاك حق والله هسة ده زمن فيهو فرقة لي منتظر?

بعدين الراجل ده اصلا المنتظرو منو كان ؟
غايتو الجات علي ايميلك سامحتك

والينجو من كيد البحر
ما ينجو من كيد المطر

وكان ينجو ما يسلم خضر!!!
راجيهو قاصدو المنتظر

Post: #89
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-16-2007, 10:56 PM
Parent: #68

عيدروس

لاحولالا وينك ياخ وينك
بلغني أن عبدوش تزوج
وبقي عندوا أسرة
زيو وزي الوالد

(ويابركة الكادحين
محمد يأتي
فهل أنت منا
أم أن العشيرة قد ضيعتك)
(حميد)

بلغه بأننا في حال عجيب
وفي إنتظار قيامة تريحنا من
حاصل الحاصل

ياخ أنا مشتاق ليكم

Post: #69
Title: Re: ياخوانا زول يكلم المهدي المنتظر دة ياخ
Author: abubakr
Date: 12-12-2007, 03:25 AM
Parent: #1

المنتظر شافكم مضايقيين خلاص وانتظاركم طول وخصوصا موقف البصات شالو اها قال يجي

Post: #70
Title: Re: ياخوانا زول يكلم المهدي المنتظر دة ياخ
Author: نصار
Date: 12-12-2007, 03:31 AM
Parent: #1

الله يكضب الشين
غايتو انا قلبي ماكلني
و ما قادر اطرد هاجس بقولي
فتش عن منعم سليمان
من صورتو المع الترابي ديك
و حكاية باب التوبة و انسدا
و صراعو مع ناس الهندي الحاوي
و انا منتظر ان يعمل تيك اوف
منعم اعترف

Post: #71
Title: Re: ياخوانا زول يكلم المهدي المنتظر دة ياخ
Author: عمار يس النور
Date: 12-12-2007, 07:03 AM
Parent: #70

الاخ خضر
تحية طيبة و سلام،

عارف زمان في آواخر الثمانينيات في جامعة الخرطوم كان في أستاذ إسمه ابو ضفيرة متخصص في اللغة الفرنسية.
و كان عندو موضع عن الإعجاز الرقمي في القرآن الكريم بالرقم 19.
و كان يعمل ندوات و أركان نقاش في هذا الموضوع.
المهم تتطور امره بعد داك و عمل ليهو جماعة إسمها جماعة المؤمنين. و صار يروج لنفسه بأنه أمام المؤمنين.

في مرة من المرات كنا في بريك و قاعدين نحضر ليهو في ركن نقاش.
صاحبنا مولانا ابوضفيرة كان بيخطب و يقول إنو مافي اي مخرج للأمة الإسلامية من هذا الهوان سوى ان يبايعهو إمام للمؤمنين.
كان معي صديقي العزيز خطاب عبدالله و الذي قال له بصوت عالي جدا وجهور لدرجة انهو سمعه جيدا:
طيب يا مولانا نبايعك هنا و إلا تحت الشجرة !!

زولك ابو ضفيرة جره عكازو و حمر عيونوا لخطاب لدرجة إحنا زانتنا خفنا و زقنا طوالي من مكان ركن النقاش و إختفينا خلف الناس.
المهم ابو ضفيرة ده رجل ذكي جدا جدا و لميح، تتصور اصبح كل ما يقابل خطاب مارا بجنبه "يحدر" ليه و يحمر ليهو في عيونو.

بروضو كان ساكن معي أحد الاصدقاء في السنة النهاية في الغرفة.
ذهب صديقي هذا إلى أبوضفيرة و ابدى له إعجابه بمنهجه و كان الأمر دعابة و تضيع وقت.
المهم ابو ضفيرة كان ماخذ الموضوع جد و صار يمد صديقي هذا بالكتب و يأتي لنقاشه و في يوم من الايام اتى اليه حتى يذهب معه إلى مظاهرة ضد حكومة الصادق المهدي حينها.
عندما تزرع صديقي هذا بانه لا يستطيع نسبة لمحاضراته ثار الأستاذ ابوضفيرة وقال له : ادعوك للخروج في سبيل الله ثم تتكاسل بإمور الدنيا. و الله العظيم و الله العظيم من وعدني بان يكون معي ثم يتخلف اضربه بعصأتي هذه حتى الموت.
و سل ليك عصايتو و الشرر يتطاير من عيونو لدرجة انو صديقي هذا خاف على نفسه ووعده بالخروج معه. ثم صار يتهرب منه و يحرص على إغلاق باب الحجرة جيدا و بالكراسي ايضا عند الخروج.

عشان كده اعمل حسابك من المهدي المنتظر ده و انسى الموضوع تماما.

تحياتي لك و لجميع زوار بوستك.

عمار يس النور
عاشق بخت الرضا

Post: #91
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-16-2007, 10:59 PM
Parent: #71

عمار إزيك ياخ

هسي بعد قصتك دي
عايزني أنساه كيف يعني

Quote: عشان كده اعمل حسابك من المهدي المنتظر ده و انسى الموضوع تماما

ثم تحياتي يا رجل

Post: #101
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-16-2007, 11:38 PM
Parent: #70

Quote: و انا منتظر ان يعمل تيك اوف

نصار إزيك ياخ

منعم دة طيارتو قامت بدري
عيييييك

أنسي بس

Post: #72
Title: Re: ياخوانا زول يكلم المهدي المنتظر دة ياخ
Author: دينا خالد
Date: 12-12-2007, 07:52 AM
Parent: #1

يا خضر !!!!!!!
وما قال ليك هو منتظر شنو ؟؟؟؟؟؟؟

ـــــــــــــــــ
مايجى يا ياخ يفكنا

Post: #74
Title: Re: ياخوانا زول يكلم المهدي المنتظر دة ياخ
Author: نهال الطيب
Date: 12-12-2007, 10:32 PM
Parent: #72

Quote: هسي في واحدة صاحبتي قالت لي
والله ياخدر كان بقيت شيخ تفك لينا
الساجورة بتاعتنا دي .

..........

الساجورة يعني البورة

ههههههاااايييييييي

وااااييييي

الشرط ضحكني

Post: #75
Title: Re: ياخوانا زول يكلم المهدي المنتظر دة ياخ
Author: Mustafa Mahmoud
Date: 12-12-2007, 11:07 PM
Parent: #74

Post: #96
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-16-2007, 11:28 PM
Parent: #75

د/ مصطفي

إزيك يا محترم

ياخ سمعنا صوتك (العيد علي الأبواب)
شكراً للورد ياورد

Post: #76
Title: Re: ياخوانا زول يكلم المهدي المنتظر دة ياخ
Author: محمد على طه الملك
Date: 12-12-2007, 11:19 PM
Parent: #74

اها ياخضر ..
الكلام الفوق ده كل الوصلك من سيدنا المنتظر ؟
مافي بنود سرية دسيتها مننا؟
يعني ما وعدك بترشيح إسمك لعرس ..
مثلا هيلاري واللا كندليزا وكده ؟

Post: #92
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-16-2007, 11:17 PM
Parent: #76

Quote: الكلام الفوق ده كل الوصلك من سيدنا المنتظر

يامحمد علي

أشهد أنو دة كل الكلام القالو لي
عليك الله هو القالو دة شوية لامين أدسدس
بعدين ياخ هو لو جاني بي سكة العرس
وما أدراك ما العرس
ياخينا حبابو

Post: #99
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-16-2007, 11:37 PM
Parent: #74

Quote: ههههههاااايييييييي

وااااييييي

الشرط ضحكني

أقعدي أضحكي كدة يانهال
لامين يرسل ليك

بالمناسبة الزول دة شكلو
كدة ساكن في الفتيحاب

Post: #97
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-16-2007, 11:32 PM
Parent: #72

Quote: وما قال ليك هو منتظر شنو ؟؟؟؟؟؟؟

دينا

يادينا ياخ ستين مرة
ماهو المنتظر

أنحنا المنتظرين

.........

منتظرين شنو؟

كدي أسأليني دبل

Post: #77
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-14-2007, 02:45 PM
Parent: #1

الشباب والشابات الفوق

أعتذر للتأخير ( حأجيكم بالدور)

Post: #80
Title: Re: ياخوانا زول يكلم المهدي المنتظر دة ياخ
Author: abubakr
Date: 12-15-2007, 07:39 PM
Parent: #1

Quote: الشباب والشابات الفوق

أعتذر للتأخير ( حأجيكم بالدور)

انت كمان داير تبقي "منتظر" وتجي متاخر ؟

Post: #81
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-15-2007, 08:10 PM
Parent: #80

Quote: انت كمان داير تبقي "منتظر" وتجي متاخر

ياخ يجازي محنك ضحكتني علي الأيمان لامين الناس دي
إتلمت فوق راسي

ياخ كتيرة علينا ياابوبكر إنو نركب مكنة الانتظار

Post: #86
Title: Re: ياخوانا زول يكلم المهدي المنتظر دة ياخ
Author: abubakr
Date: 12-16-2007, 05:09 AM
Parent: #81

Quote: ياخ كتيرة علينا ياابوبكر إنو نركب مكنة الانتظار

اكان جيتنا في قيامتنا بين 59 و63 قبل التهجيير يمكن كنت لقيت ليك ناس راجينك ؟

Post: #82
Title: Re: ياخوانا زول يكلم المهدي المنتظر دة ياخ
Author: محمد عبدالرحمن
Date: 12-15-2007, 08:34 PM
Parent: #80

.

مهدى غبيان ساكت البرسل ليك
انت دا ..مهدى شنو يازول ..
احتمال يكون قاسم مهداوى ..
الخرف والكبر مشكلة ..

ازيك ياخينا ...

Post: #83
Title: Re: ياخوانا زول يكلم المهدي المنتظر دة ياخ
Author: Mohamed Idris
Date: 12-15-2007, 09:03 PM
Parent: #82

في انتظارك
.
.
.
.
.
اية الله منتظري

Post: #84
Title: Re: ياخوانا زول يكلم المهدي المنتظر دة ياخ
Author: amin siddig
Date: 12-15-2007, 09:31 PM
Parent: #83

السلام على من إتبع الهدى

يا جماعة الحاجة دي ما بتتكرر في السودان إلا مرة كل 126 سنة

الداير يرطب في أمدرمان يباري الزول ده من هسي بعدين الحكاية بتقفل
و الداير يقول ليهو كلام قاطعوا من راسو و بعد ده الناس تسمعوا برضو يباري الزول ده
و الناس الما دايرين الكيزان برضو يبارو الزول ده ، لكن يعملوا حسابهم بعدين بيقلب عليهم هم زاااااتهم
أو على الأقل أيدوهو ، أحسن من يجيبكم بالغصب من محل إنتو قاعدين بعدين و يرسل ليكم الجردة

عموماً الزول ده ما كعب شديد ، ممكن يخلصكم من حكم الكيزان ، لكن بعد داك هو عندو بديل للحكم
أها البديل بيتحدد إستفادتك منو حسب موقعك في النظام الجديد

آآآآآآآآخ نسيت
الداير يعرس الملكة إليزابيث الثانية برضو يباري الزول ده

Post: #85
Title: Re: ياخوانا زول يكلم المهدي المنتظر دة ياخ
Author: سلمى الشيخ سلامة
Date: 12-16-2007, 00:59 AM
Parent: #84

الداير يعرس الملكة إليزابيث الثانية برضو يباري الزول ده

والامير تشارلس كيف؟

يا زول انحنا ( مرضة المهدى الزمان لسه معلقة معانا ، وقارفانا فى عيشتنا ، تانى مهدى ؟)
ولا مهدى ولا حسب الله كفاية
بعد دا نشوف ناس هيثم ومعز واسماء ما بعد الحداثة امكن تعمل حاجة
بالجد مفروض نديهم فرصة
وحكاية مهدى وبطيخ دى لا لا لا لا لا لا لا الى اخر كمة لا
بالجد يا امين ياخى

اين هيثم ؟
اين معز؟
البلد راجياكم
تعالوا هنا

Post: #87
Title: Re: ياخوانا زول يكلم المهدي المنتظر دة ياخ
Author: amin siddig
Date: 12-16-2007, 02:48 PM
Parent: #85

سلام يا سلمى

إنتى مشككة في الزول ده ولا شنو ؟ منكرة ؟ .....

إستعدي لجيش هولاكو .. عفواً الخليفة

Post: #88
Title: Re: ياخوانا زول يكلم المهدي المنتظر دة ياخ
Author: ibrahim kojan
Date: 12-16-2007, 10:21 PM
Parent: #87

رسل لي المهدي بتاعك ده والله أعمل ليك فيهو عمايل ينسي إنو مهدي أو جن ذاتو....!!!
مع الدبرسه بتاعتي دي الله اعلم يمرق مني سليم...
لو مكذبني أسل المهديين القبالو .. انا عملت فيهم شنو..

.............
...........
......
...
؟؟

Post: #94
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-16-2007, 11:21 PM
Parent: #88

كوجان

حمدالله علي السلامة
وبركة الشفنا حرفك

خلاس أديني عنوانك
وبرسل ليك واحد منتظر كارب
يمكن يلفق معاك

...........

أسمعني إنت لسة زهجان

Post: #95
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-16-2007, 11:27 PM
Parent: #85

Quote: اين هيثم ؟
اين معز؟
البلد راجياكم
تعالوا هنا

سلمي

أين البلد ؟

Post: #98
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-16-2007, 11:33 PM
Parent: #84

Quote: الداير يعرس الملكة إليزابيث الثانية برضو يباري الزول ده

طيب يا أمين

الداير يعرس حبيبتو

يسوي شنو ؟

Post: #93
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-16-2007, 11:18 PM
Parent: #83

محمد إدريس

إنت مشيت أمريكا
وعملت حساب تاني ولا الحاصل شنو

قلت لي اية الله منتظري

هاك إنتظر طيب

Post: #90
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-16-2007, 10:58 PM
Parent: #82

Quote: احتمال يكون قاسم مهداوى ..

ياخ أخوك في وكسة
تقول لي إحتمال يكون
قاسم مهداوي

والله من الضحك
نسيتني هم الزول العجيب دة

ثم ياخ

والله مشتاق ليك

Post: #100
Title: Re: ياخوانا زول يكلم المهدي المنتظر دة ياخ
Author: Ishraga Mustafa
Date: 12-16-2007, 11:38 PM
Parent: #90

ياخدر بالغت لكن!!

ياخى فكيت فيتا مهديك ده
اها رسائلة للنساء فيها جهنم عديييييييل ياخى كلموا قول ليهو انا مافاضية ولو قمت مجنوووووووووونة عديل كدى

Post: #102
Title: Re: ياخوانا زول يكلم المهدي المنتظر دة ياخ
Author: خضر حسين خليل
Date: 12-16-2007, 11:55 PM
Parent: #100

إشراقة
إزيك ياخ

والله أنا فرحان إنو المهدي دة إنتشر كدة
قلتي لي وصل النمسا

مهدي كدة ولا بلاش

Post: #103
Title: Re: ياخوانا زول يكلم المهدي المنتظر دة ياخ
Author: amin siddig
Date: 12-17-2007, 01:52 AM
Parent: #102

Quote: : الداير يعرس الملكة إليزابيث الثانية برضو يباري الزول ده

طيب يا أمين

الداير يعرس حبيبتو

يسوي شنو ؟

برضو يباريهو و يتقي شرو .. شوف لو إنتو ساكنين أمدرمان و ما دايرين تبايعوا الزول ده شوفوا ليكم بلد و أشردوا .. ده بيخلي عاليها سافلها و بيجعل أعزة قوم أذلة