Post: #1
Title: خميسك ... ويك إند سودانيي الداخل
Author: خضر حسين خليل
Date: 03-08-2007, 11:36 AM
Parent: #0
|
Post: #2
Title: Re: خميسك ... ويك إند سودانيي الداخل
Author: عوض الله الفولانى
Date: 03-08-2007, 12:01 PM
Parent: #1
خميسك ولو تبيع قميصك
|
Post: #3
Title: Re: خميسك ... ويك إند سودانيي الداخل
Author: دفع الله خطاب
Date: 03-11-2007, 06:04 PM
Parent: #2
التحية لك اخ خضر وللخمايس
الخميس ذلكم اليوم الانيق .. كنا نوفر له المصروف ..وكان الاخ صلاح كاكوم- اطراه الله بالخير وكما علمت انه اضحى متصوفا- يضع له الخطط فى ان نتحرك فى اطار عدد من الزجاجات .. نجمع النقود من الجكس بتاعين العمارات والرياض وهولاء الناس يوفر لهم ذويهم رواتب منتظمة تفيض عن احتياجاتهم فيدفعوا بها فى اتجاه متعنا الشخصية ..
والخميس فرح المطاميس ...
وللخميس ايضا ..كنا ندخر له فى سنى الصبا الاولى الشكلات اذ نرجى شكلاتنا طول الاسبوع الى هذا اليوم اذ لا يستطيع المشاكل ان يشتكيك .
ورغم انى اعمل بنظام عمل لا يمنحنى فعليا الاحساس بالخميس .. ولكنى حينما اصحوا فى صباح هذا اليوم اشعر انه يوم مجنح واود ان ابيع قميصى ولا اضيع خميسى .. افعل ذلك بطيب خاطر ..
|
Post: #4
Title: Re: خميسك ... ويك إند سودانيي الداخل
Author: دفع الله خطاب
Date: 03-12-2007, 08:30 PM
Parent: #3
خميسك ...
كنا فى تسعينيات القرن الماضى نعمل فى اقاصى شمال السودان.. فى ايام الخميس نفرغ من العمل مبكرا
او هكذا نكلفت العمل نبدا بالحريق مع صديقى المدير او كما يحلو لنا ان نسميه مدره وهو انذاك كان
مديرا للتعليم الفنى ويساكننى فى منزلى ولهذا الرجل شخصية فريدة - كان يكبرنى بقرابة الثلاثين عاما - ولكن لم يشعرنى طيلة تواجدنا معا بالسلطة الابوية .. وقل ان يتدخل فى حياة اى شخص.كان يسمينى الصعلوق المهذب وعلى تناقض العبارة الا انها كان لها معنى انذاك ..
يبداء الخميس لدى مدراء بشراء فخدة خروف وكيلو كبدة بقر وهو فى طريقه الى العمل وثم ايداعهما فى ثلاجة البقالة بغية اخذهما وهو قادم من العمل ..
ما ان يفرغ الناس من صلاة المغرب الا وهم المدره بالمنقد والفحم وطفق يشوى فى الكبده ..
هكذا اذن ..
نواصل يا خضر
|
Post: #6
Title: Re: خميسك ... ويك إند سودانيي الداخل
Author: خضر حسين خليل
Date: 03-12-2007, 08:39 PM
Parent: #4
العزيز دفع الله
تحياتي الحارة
سعدت بمشاركتك في هذه النافذة وتوثيقك الحي للخميس .. قبل أيام قرأت هنا في هذا المنبر شيئاً عن الخميس يقول كاتبه أنهم في الجامعه ومن شدة تمسكهم ببرنامج الخميس عينو سكرتيراً للخميس وهو معني بترتيب تفاصيل تلك الليلة وإنتاج أدواتها من بهارات الحلة والرأس معاً . يبدوا أن الزمن الزم الجميع أن يقابلوا الخميس هكذا _( إسكتو) دون فخدة أو تفاصيلك الجميلة التي ذكرتها هنا .
واصل ياجميل
|
Post: #5
Title: Re: خميسك ... ويك إند سودانيي الداخل
Author: خضر حسين خليل
Date: 03-12-2007, 08:36 PM
Parent: #2
يافولاني تم الناقصة عشان المثل يكون مكتمل
خميسك ولو تبيع قميصك
وجمعتك ولو تبوظ سمعتك
..............
مرحباً بك في هذا الشجن
خضر
|
Post: #7
Title: Re: خميسك ... ويك إند سودانيي الداخل
Author: عبد المنعم سليمان
Date: 03-12-2007, 08:43 PM
Parent: #1
ويــــك اندي اندكــــم يا خضر خليل
____
والله يا خضر الخميس الفات جاتني حاجة كده قالت لي احفر حفرة دخان
وانا ما معرس زي ما انت عارف يا خضر ..
تكون دي شنو ؟!! ..
افكار شيطانية !!
افكار نسوانية!!
بت ابليس ؟ الله يعلم ..
خميسي اندكم يا خضر ...
محبتي
منعم
|
Post: #8
Title: Re: خميسك ... ويك إند سودانيي الداخل
Author: كمال علي الزين
Date: 03-12-2007, 08:49 PM
Parent: #7
بجيكم أسي (ناذر) طاير
ليدحرجم نحو الخور
|
Post: #11
Title: Re: خميسك ... ويك إند سودانيي الداخل
Author: خضر حسين خليل
Date: 03-12-2007, 08:57 PM
Parent: #8
| Quote: بجيكم أسي (ناذر) طاير |
ياكيمو :
اذيك
للخور مواطنيه ياكمال ومافي قوة في الارض ممكن تدحرجنا بي أخوي وأخوك
كدي تعال أحكي عن الخمايس ياشاب .
خضر
|
Post: #17
Title: Re: خميسك ... ويك إند سودانيي الداخل
Author: A.Razek Althalib
Date: 03-12-2007, 09:48 PM
Parent: #8
جيت ماري اليوم الإثنين بهنا..
لألقى تحية الخميس..
كيفنكـ يا خضر..
|
Post: #20
Title: Re: خميسك ... ويك إند سودانيي الداخل
Author: خضر حسين خليل
Date: 03-12-2007, 09:56 PM
Parent: #17
مرحب بيك والله ياعبد الرازق في بيت النمل دة وعشان جيتك دي
نديك بقة من الابيض ضميرك دة ..... وعشان ماتمش بعيد الفي الكباية ياصاحبي عصير شعير
أدخل لا جوة
خضر
|
Post: #9
Title: Re: خميسك ... ويك إند سودانيي الداخل
Author: خضر حسين خليل
Date: 03-12-2007, 08:50 PM
Parent: #7
دي يامنعم علي وزن آيات شيطانية ولا شنو ؟
Quote: بت ابليس ؟ الله يعلم ..
|
ده أبليس يامنعم خليك من وليداتو .
Quote: خميسي اندكم يا خضر ...
|
قرب تقرب جاي
تلقانا كالهبباي
يازول كان عندك قدرة تعال عمر ليالينا
خضر
|
Post: #10
Title: Re: خميسك ... ويك إند سودانيي الداخل
Author: دفع الله خطاب
Date: 03-12-2007, 08:53 PM
Parent: #7
يا خضر
تحياتى ،،
من الاشياء الغريبة ونحن فى الجامعة ذهبنا الى ناس فى اطراف امبدة - اظنها انجولا- الزول عمل لينا
حلة برقاب (جمع رقبة ) دجاج .. مازلت مندهشا حتى الان فى قدرة الانسان السودانى على تدبير قوته ؟؟؟؟
لكم ودى
|
Post: #12
Title: Re: خميسك ... ويك إند سودانيي الداخل
Author: خضر حسين خليل
Date: 03-12-2007, 09:02 PM
Parent: #10
تعرف يادفع الله :
حلة الرقاب دي دخلتها وياهو ده عبقرية السودانيين بسوا من( الرقبة حلة )
لكن لقيتك شاقي الخيران كلها يادفع الله . لدي ذكريات لاتنسي في خور مرزوق وده
بالمناسبة خور ممكن تفقد فيهو رقبتك شخصياً لو ماعملت حسابك .
الايام دي الناس الفقرانيين واقعين في حلل جديدة جاهزة مابتحتاج سوي حبة موية
سخنة وكيس عيش يسمونها بخبث خرطومي (حلة دجاج) بالرغم من خلو الحلة حتي من
رقبة .
الحلة التي دخلت موائد الخرطوميين هو نكهة الدجاج الشهيرة _( أندومي وكدة)
وخليك سوداني .
خضر
|
Post: #13
Title: Re: خميسك ... ويك إند سودانيي الداخل
Author: خضر حسين خليل
Date: 03-12-2007, 09:13 PM
Parent: #12
في الراهن تبدأ فعاليات الخميس منذ صباح الأربعاء وتبدأ حركة الاتصالات
لتوفير محطة للخميس ومن ثم تبدأ عملية توزيع التكاليف . بعضهم عليه
تجهيز تفاصيل الجلسة (أو القعدة) للذين يطيقونه هكذا .
وبعضهم عليه تجهيز الحلة أياً كانت نوعها المهم الالتزام . عادة تخلو الخمايس
من أشخاص يلفون في محيطك الاجتماعي ذلك للاتفاق العام بين المجموعة ونرجع الاسباب
مثلاً لأنه زول بتاع مشاكل ومن يضرب ليهو و(ترين) يبدأ في الجوطة .
أو لاي اسباب موضوعية .
إذن الخميس بي ناسوا ياشباب .
...........................
خضر
|
Post: #14
Title: Re: خميسك ... ويك إند سودانيي الداخل
Author: خضر حسين خليل
Date: 03-12-2007, 09:32 PM
بداية يكون هذا العود مدخلاً مناسباً لمقومات خميس ناجح
فيتمايل الاصدقاء علي أنغامه ليهدوا صمت الليل أروع الالحان
|
Post: #15
Title: Re: خميسك ... ويك إند سودانيي الداخل
Author: خدر
Date: 03-12-2007, 09:35 PM
سلامات يا خضر
و سلام لاهل الداخل
في صيف 97 و في احدي خميسات الداخل
وبصحبتي الاوغاد الاتية اسمائهم
انور ابوغيداء
عماد براكة
و اخرين غير اعضاء هنا لكنهم اعضاء علي قلوبنا بفنهم
قضينا خميس نادر و لم يسبقنا عليه احد في تاريخ الخمائس
و من موقعي هذا ادعو المذكورين اعلاة للشهادة
|
Post: #16
Title: Re: خميسك ... ويك إند سودانيي الداخل
Author: خضر حسين خليل
Date: 03-12-2007, 09:39 PM
Parent: #15
ياخدر
إذيك
| Quote: و من موقعي هذا ادعو المذكورين اعلاة للشهادة |
ونحن في إنتظار شهاداتهم التاريخية
حتي ذلك فليستمتع سوداني الداخل بالفرجة علي خمايس الناس التانيين
|
Post: #19
Title: Re: خميسك ... ويك إند سودانيي الداخل
Author: محارب
Date: 03-12-2007, 09:52 PM
Parent: #16
خضر ...
الله يجازي محنك ... في داعي للشحتفة دي ؟؟؟؟
زمااااان لمن كنا طلبة حربيين في الكلية الحربية كانو بيقولو لينا ( خميسك زي لوح الزجاج احسن تحافظ عليه عشان تمرق )
والزمن داك الخميس كان ليه مذاق خاص يجبرك على الانضباط طوال الاسبوع خوفا من انكسار لوح الزجاج والحبس ...
طوال القامة كانو بيقولو ليهم ( طويل كدة زي يوم السبت ) .. وللآن يوم السبت اطول يوم في الاسبوع ..
اما بعد التخرج من الكلية ... فكانت كل ايامنا ( خمايس ) بس برضو يوم الخميس كان ( أخمس ) يوم في الاسبوع ...
لك مودتي ... وأكيد شكري على البوست الخفيف الظريف
|
Post: #21
Title: Re: خميسك ... ويك إند سودانيي الداخل
Author: خضر حسين خليل
Date: 03-12-2007, 10:03 PM
Parent: #19
إذيك يامحارب
والله كلامك ده هد خيلي من الضحك
| Quote: بس برضو يوم الخميس كان ( أخمس ) يوم في الاسبوع |
وأنا كمان أقول الزول ده شفتو وين .... أتاريك مصاب بالخمايس زيك زينا
جنس محن . أنا دايماً بقول لي أصحابي أنو الخميس ده جانا ناقص . ده طبعاً
إكتشفتو من حكي ناس زمان الكملوا الخمايس وقبلو علي باقي الايام .
يازول علي الايمان ما عندي ليك هسي فرقة غير الفودكا الروسية دي إنشاء الله
تغطي معاك ....
خضر
|
Post: #31
Title: Re: خميسك ... ويك إند سودانيي الداخل
Author: خضر حسين خليل
Date: 03-13-2007, 09:25 AM
Parent: #15
Quote: وبصحبتي الاوغاد الاتية اسمائهم
انور ابوغيداء
عماد براكة |
تظل دعوتنا لهؤلاء الاوغاد مفتوحة لحين الادلا بشهاداتهم التاريخية
خضر
|
Post: #18
Title: Re: خميسك ... ويك إند سودانيي الداخل
Author: خضر حسين خليل
Date: 03-12-2007, 09:51 PM
Parent: #1
ده طبعاً للناطقين بغيرها أو الناس الما (خمسو برة البلد) ديل أخوانا السوريين
عندهم حكومة كدة ماعندها قشة مرة في روسين الخلق يعملو الدايرين يعملوا والله يجازي
حنكك البيش يا نميري
وأيضاً للناس البصرو علي الفقر ....
طبعاً الموضوع شكلو ماشي لي ( فجات) تانية بفضل الصور اللخبطت كيانا المهم نرجع
للخميس بتاعنا العادي ده .
معاً نحو خمايس بلا كحول
|
Post: #24
Title: Re: خميسك ... ويك إند سودانيي الداخل
Author: دفع الله خطاب
Date: 03-12-2007, 10:16 PM
Parent: #18
خضر
فى احد الخمايس الشباب كانوا قاعدين فى معهد الموسيقى .. والقعدة متوهجة .. تصادف ان كان هنالك تجمع كيزان .. خرج عليهم احد الشباب ٌقائلا لهم " ما تعملوا ازعاح الناس القاعدين ديل ما ساهلين"
فى صباح اليوم التالى خرجت صحيفة الكيزان بمانشيت "اجتماع اللجنة المركزية للحزب الشيوعى بداخلية المعهد".
والله ايام يا خمايس ..
|
Post: #27
Title: Re: خميسك ... ويك إند سودانيي الداخل
Author: خضر حسين خليل
Date: 03-12-2007, 10:26 PM
Parent: #24
والله غايتو يا دفع الله الكيزان ديل قصتهم حزينة خلاص طوالي هم في
عوارتهم دي وجرائدهم الماسخة الكلها فبركات دي .
طيب طالما المقام مقام حكاوي
في الجامعة كان عندنا زول صاحبنا إسمو عيسي النبي أها عيسي ده كان بفتكر
أنو هو نصف اله وكان بقول الموضوع ده بشكل يحيرك ذاتوا .
المهم مرة بتذكر كان في ركن لمؤتمر الطلاب المستقلين وكان المتحدث هو عارف
الصاوي القاعد معانا في المنبر دة وفتحو فرص النقاش قمت وقفت عشان آخد فرصة الجبهة
الديمقراطية شداني من قميصي عيسي النبي وقال لي بصوت عالي . ياخضر بالله دقيقة
عندي كلام مهم لازم أقولو . المهم عيسي ماقصر وحسب ( القعدة ) الفي راسو شتم ليك
أي زول وبمفردات عجيبة لي هسي ما لاقاني غايتو زول مباشر زي عيسي النبي ده . بالمناسبة
عيسي إختفي من كل الدروب الان ولا أحد يدري أين يتقاسم معنا الاوجاع ليته يعود
ياسلام زول واضح خلاص
خضر
|
Post: #22
Title: Re: خميسك ... ويك إند سودانيي الداخل
Author: عبد المنعم سليمان
Date: 03-12-2007, 10:05 PM
Parent: #1
تعــرف يا خضــر عشان البوس(ط) الرائـــع ده
الخمـــيس الجـــااي اللحمـــــة مني
______
امس قابلت غادة نوري بالليل قلت ليها اشتكيتك لخضرخليل اب قزازة قوية
|
Post: #23
Title: Re: خميسك ... ويك إند سودانيي الداخل
Author: خضر حسين خليل
Date: 03-12-2007, 10:11 PM
Parent: #22
Quote: الخمـــيس الجـــااي اللحمـــــة مني
|
نحنا ياصاحبي حنكون في إنتظارك وخليك قدر ( لحمتك) أقصد كلمتك
بالمناسبة يا منعم يستحيل غادة تقطع فيني قطيعة بالنكهة دي
غايتو للخميس إتصبر بكاس القمح الفرعوني دة يا شقي الحال
شايفك وقفت لط
غايتو ناس راسها خفيف شمومة بس تجيب أجلهم
خضر
|
Post: #26
Title: Re: خميسك ... ويك إند سودانيي الداخل
Author: خدر
Date: 03-12-2007, 10:21 PM
Parent: #23
دفع الله
شايفكـ سكنت في البوست
والله مشتهيك،ـ يادفع الله
و كل ما اشوف ليكـ مداخله اقعد اضحكـ
كن بخير يا صاحب
|
Post: #25
Title: Re: خميسك ... ويك إند سودانيي الداخل
Author: عبد المنعم سليمان
Date: 03-12-2007, 10:20 PM
Parent: #1
والله يا خضــر اخوك كتر ما تعباان قريتها عــــرق جبينـــي
|
Post: #28
Title: Re: خميسك ... ويك إند سودانيي الداخل
Author: خضر حسين خليل
Date: 03-12-2007, 10:31 PM
Parent: #1
ياخي المحيرني إنو لقيت الجماهير دي كلها عطشانة
والبوست ده
في صحتكم ياشباب
خدر : ياخي بالله ما تطفش لينا الزول ده شكلو كدة لاقي روحو زيي كدة هنا
وزي منعم وزي كل الناس الجات للفرجة
خضر
|
Post: #29
Title: Re: خميسك ... ويك إند سودانيي الداخل
Author: خضر حسين خليل
Date: 03-12-2007, 10:43 PM
Parent: #28
أعلاه ياشباب إحدي أدوات إنتاج البلدي حقنا ...
وفي الغالب الناس بيعملو بيهو النبيذ والدكاي الخ المشروبات الروحية ...
ياشباب أخليكم هسي
ونتلاقي في الاحساس
وكاس المودة يدوم
|
Post: #30
Title: Re: خميسك ... ويك إند سودانيي الداخل
Author: خضر حسين خليل
Date: 03-12-2007, 11:46 PM
Parent: #1
الواحد غايتو كان ما أخد ليهو نظرة نظرتين للبوست ده
راسو ما بجي ....
خضر
|
Post: #32
Title: Re: خميسك ... ويك إند سودانيي الداخل
Author: خضر حسين خليل
Date: 03-14-2007, 07:14 PM
Parent: #1
بجي الفجر باكر
منور وناجز
...........
منعم سليمان :
تظل دعوة صديقنا أذهري معلقة بين السما وا
لظروف صحية ليس الا ... علي أن نعاودكم ماتبقي من أيام البلاد القادمة .
إذهري الذي يقرؤنا من علي البعد : تحياتي ياوسيم الطلعة ويوم شكرك لايجي .
خضر
|
|