Post: #1
Title: نادية السر ( وتقرب بينا مسافات كنا بنمشيها مشاوير )
Author: خضر حسين خليل
Date: 05-09-2007, 03:45 PM
Parent: #0
بنت من بنات الحلة الجديدة هادئة السحنات جميلة للحد اللا محدود تمشي
الهوينا كما يمشي الوجي الوحل ومن ثم تمشي لمشاوير لاتنجب سوي الخير
ولا تنتمي الا لعوالم الجمال وتلك مشاوير خطاها ....................
خطاها الواثقة في الغد الآتي
أما عن سني حياتها فأقل من عطائها كثيراً , هكذا تمت المعرفة بيننا
ثم كان ما كان من أمر الانسان .
خلف عدساتها الطبية تكمن تفاصيل وتفاصيل لا يحس بها سوي الذين لديهم
قدرة علي إستنطاق الجمال ( وفلان الفلاني ) وأنا وكثيرون من محبي الحياة
كنا من مغتصبي إنسان شبكيتها وهكذا إنتمينا لعدساتها الطبية ولنا فيها
مآرب أخري لاتخرج جميعها من نطاق الدهشة في زمن فقد ملامح الاندهاش .
كانت وما إستكانت فأي ريح كان حظنا كل ذلك كان في سودان المحبة سودان
إجتهاد الرسل البلا رسالات لتنبت الرسالات في وجوه دوماً تنتمي للصدق وحده
لاشريك له . وكانت كذلك نبية النية شأنها شأن كل الذين يعملون بصمت وبلا ضجيج
يزرعون الارض بخطي الصدق ويفلحونها بالنوايا الطيبة شرط جنتهم الوحيد هو
الانسان وتلك شروط !!!!
علي كل
كانت بنت أبوها وأمها ومن ثم ظهر لبلاب مودتها في وجدان الكثيرون وأنا بالطبع
منهم وأمثالي كثر من لدن السواي وما حداث ... فهل هذا كفي أم للأصدقاء/ت كلام
سيأتي ....
......................
يتبع ............
العديد من الاصدقاء/ت
|
Post: #2
Title: Re: نادية السر ( وتقرب بينا مسافات كنا بنمشيها مشاوير )
Author: خضر حسين خليل
Date: 05-09-2007, 03:55 PM
من الواسوق ....... يطلع ما في البال دوما صديقتي نادية
أما المدافع ....... فكفاها ضجيجاً
هذه ليست محاولة ليوم شكرك فقط محاولة لهز هذا الصمت ورج
حليبه ليتدفق ويملأ المكان
خضر
|
Post: #3
Title: Re: نادية السر ( وتقرب بينا مسافات كنا بنمشيها مشاوير )
Author: خضر حسين خليل
Date: 05-09-2007, 04:01 PM
Parent: #2
ضف الي ذلك
يعتبر
محاولة لإستنطاق القيم الجميلة وإنتي إحدي ورثتها الشرعيين
......
خضر
|
Post: #4
Title: Re: نادية السر ( وتقرب بينا مسافات كنا بنمشيها مشاوير )
Author: ريهان الريح الشاذلي
Date: 05-09-2007, 07:28 PM
Parent: #3
بالله هي كده؟؟؟ كنت متوقعة..
لا اعرفها سوي لقاءين وثالثهم .. لكنها ادهشتني بروعة الابتسامة وبشاشة الاستقبال...
لها كل الود..
ولخضر خالص الشكر ..
|
Post: #8
Title: Re: نادية السر ( وتقرب بينا مسافات كنا بنمشيها مشاوير )
Author: معاوية كرفس
Date: 05-09-2007, 09:28 PM
Parent: #4
.
شكراً العزيزة/ سحر عبد الرحمن
إحدي فاتحات بوابات الأمل
|
Post: #14
Title: Re: نادية السر ( وتقرب بينا مسافات كنا بنمشيها مشاوير )
Author: خضر حسين خليل
Date: 05-10-2007, 09:10 AM
Parent: #4
ريهان الشازلي :
مرحبتين حبابك في محاولة إستنطاق الجمال
ونورت البوست
...........
خضر
|
Post: #5
Title: Re: نادية السر ( وتقرب بينا مسافات كنا بنمشيها مشاوير )
Author: عاصم ابوبكر حامد
Date: 05-09-2007, 07:35 PM
الاخ خضر
لك التحية
اتمنى ان تكون بخير وعافية ...
وعبرك ارسل اسمئ ايات التقدير الى العزيزة دوما
وكل التقدير لها
نادية
هى اكثر من رائعة واكثر من انسانة تحمل روح ...
انى ارها ملاك فى هيئة بشر ...
لها منى كل التقدير ولمثيلاتها من صديقات الامل ....
تسلم
|
Post: #15
Title: Re: نادية السر ( وتقرب بينا مسافات كنا بنمشيها مشاوير )
Author: خضر حسين خليل
Date: 05-10-2007, 09:13 AM
Parent: #5
عاصم
إزيك يامحترم :
شكراً لمشاركتنا هذا الاستنطاق فنادية بت جدعة وتستاهل
الضبايح ...
ثم أنا بخير فقط شوق ثم شوق لك وللمجموعة
...........
خضر
|
Post: #6
Title: Re: نادية السر ( وتقرب بينا مسافات كنا بنمشيها مشاوير )
Author: معاوية كرفس
Date: 05-09-2007, 09:07 PM
.
خضر وينك إنت ياخي
إنت بتعمل كدا ليه
و تخلينا نشتاق ليك
يازول الخرطوم دي ما عندك حل
غير إنك تعيش فيها و ما تعيشها،
أما فيما يخص صاحبتنا بت السر
هي دفعتني أتذكر اول لقاء بيني
وبينها وكان عبر الهاتف :
Quote: عند بداية طرح تفاصيل مرض غادة نوري علي المنبر
وكان الاستاذ علي عجب قد فتح بوست نزّل فيه السيرة
المرضيية لها، في تلك الايام تلقيت محادثة تلفونية
من شابة سودانية لا اعرفها كانت تسأل عن غادة نوري وعن صحتها
و عندما عرّفت عن نفسها تأكدت تماماً من أنها لا صلة لها بغادة .
اكثر ما لفت نظري مدي تأثرها بالموضوع ولهفتها علي غادة .
نقلت لها بعض المعلومات و ذكرت لي بأنها سوف تذهب لملاقات غادة .
كانت نادية السر .
|
فعلاً ذهبت و لاقت غادة
و إتصلت بي مرة أخري تطرح كمية من الحلول
و مرت الأيام فكان أن تكونت بزرة شباب الأمل
منها وأخريات .
ما أروعهن ...
ودي
م.كرفس
|
Post: #7
Title: Re: نادية السر ( وتقرب بينا مسافات كنا بنمشيها مشاوير )
Author: طلال عفيفي
Date: 05-09-2007, 09:18 PM
Parent: #6
خلاص يا خضر ، عايز تجيب أجل البنيه !!
بس هي فعلاً ممكن تحرق روحك عشان تكتب ،
أول إنطباعي عنها إنها إنسانة مريحة ،
وبعد كده لقيتا زولة في منتهى الجمال ..
مثقفة ولطيفة وزي ما بيقولوا دمها حار
وما بتحب الحال المايل ..
عرفني عليها إبراهيم سيداحمد وهو كمان
زول جميل لا يأتي منه إلا الجميل ..
ومن يومها يا خضر فرحت جداً بها وبقيت
أنبسط لمن أشوفا في أي مكان ..
|
Post: #9
Title: Re: نادية السر ( وتقرب بينا مسافات كنا بنمشيها مشاوير )
Author: Raja
Date: 05-10-2007, 00:35 AM
Parent: #7
العزيز خضر..
شكرا ليك وإنت بتدينا فرصة نحيي الزولة الهميمة نادية السر..
وعمره الواجب ما بشكرو عليه زول، لكن الواجب بيقول برضو ما نهضم للناس حقهم في الوقوف لحظة لتحيتهم..
دمتم
|
Post: #21
Title: Re: نادية السر ( وتقرب بينا مسافات كنا بنمشيها مشاوير )
Author: خضر حسين خليل
Date: 05-10-2007, 12:00 PM
Parent: #9
المقاتلة رجاء :
ودي أبرز وأجمل وأطهر مافيكي يازولة
ودة علي قولك ماشكر دي بنية تفوق حد الصف
والقول .... وشكراً ليها وهي بتدردق روحك
عشان تجي وتكتبي هنا وياريت نلاقيكي برضو
في بلاد السجم والرماد دي .
.............
خضر
|
Post: #11
Title: Re: نادية السر ( وتقرب بينا مسافات كنا بنمشيها مشاوير )
Author: طلال عفيفي
Date: 05-10-2007, 05:57 AM
Parent: #7
|
Post: #20
Title: Re: نادية السر ( وتقرب بينا مسافات كنا بنمشيها مشاوير )
Author: خضر حسين خليل
Date: 05-10-2007, 11:57 AM
Parent: #7
طلال الشفت
إزيك يا فنان
ضحكت نهاري المولع علي الايمان بتعليقك الفوق دة
وصدقني ياطلال البت دي هي ببساطتها وتلقائيتها
وضحكتها الصافية أخذتنا جميعاً من طرف
ولو الزول ما إنتمي لي صفاء زي ده يبقي زول
شاملو بيت الشعر داك ( .... لايري في الوجود
شيئاً جميلاً )
شكراً ليك ياطلال ياحقاني وإنت بتدي الزولة دي حقها
صفة صفة وحرف وحرف وكتابة تسل الروح وشكراً علي الصورة
يا شفت .
.......................
خضر
|
Post: #16
Title: Re: نادية السر ( وتقرب بينا مسافات كنا بنمشيها مشاوير )
Author: خضر حسين خليل
Date: 05-10-2007, 09:23 AM
Parent: #6
كرفس :
ثالث الاثنين :
أخبار لياليك ونهاراتك ياصاحبي
فعلاً الخرطوم أمرها عجيب
وكلامك صاح تعيش وماتعيش فيها
أو تعيش وتاخد غيرها ......
متزكر كلامك لي ياكرفس لامين كنا بنطرأ
سيرة الناس العرفناهم أيام الحملة
فعلاً جميلين للغاية كلهم ولا أستثني منهم
أحداً علي قول صديقنا مظفر النواب
أها ياصاحبي الكلام داك كان حارق حشاي
حبيت أكتبو هنا بالموجود من المفردات التي
لا تعين ساعة الحوجة
خليك قريب وجدع معاي في سيرة البت الحليب دي
................
خضر
|
Post: #10
Title: Re: نادية السر ( وتقرب بينا مسافات كنا بنمشيها مشاوير )
Author: خالد العبيد
Date: 05-10-2007, 01:03 AM
خضر الجميل
تحياتي
| Quote: محاولة لإستنطاق القيم الجميلة وإنتي إحدي ورثتها الشرعيين |
نادية السر دي دايره ليها روقه !
هسه انا جاي من وردية ليل !
وشوفي طشاش طشاش
اكيد برجع
|
Post: #12
Title: Re: نادية السر ( وتقرب بينا مسافات كنا بنمشيها مشاوير )
Author: bayan
Date: 05-10-2007, 06:06 AM
Parent: #10
يحق لاي ام ان تهتف اريتك بتي..
|
Post: #25
Title: Re: نادية السر ( وتقرب بينا مسافات كنا بنمشيها مشاوير )
Author: خضر حسين خليل
Date: 05-10-2007, 12:18 PM
Parent: #12
بيان
نهاراتك بتوقيت الخرطوم
وتشكرات لحضورك الي هنا ونادية تستاهل كل خير فشكراً لاحاسيسك تجاهها
..........
خضر
|
Post: #24
Title: Re: نادية السر ( وتقرب بينا مسافات كنا بنمشيها مشاوير )
Author: خضر حسين خليل
Date: 05-10-2007, 12:10 PM
Parent: #10
إذيك يا خالد ياعبيد :
مشتاقين كتير
مرحباً بك في إنصاف الجمال ياصديقي
هكذا السودان مليئ الي جانب العسس
واللصوص بوجوه تترك من الاثر ماتترك
..................
بالمناسبة :
قبل أسبوع تم إفتتاح مكتبة العم عباس وهبة
وسط أجواء ستبقي في الذاكرة طويلاً
يوماً ما سأتحدث عنها .
........
خضر
|
Post: #13
Title: Re: نادية السر ( وتقرب بينا مسافات كنا بنمشيها مشاوير )
Author: هشام المجمر
Date: 05-10-2007, 07:20 AM
أدهشتنى بأفكارها المرتبة
وقلمها الواعى الرزين
أنها من فصيلة:
يا أم ضفاير قودى الرسن
نتمنى لها دوام التقدم
|
Post: #18
Title: Re: نادية السر ( وتقرب بينا مسافات كنا بنمشيها مشاوير )
Author: Muna Khugali
Date: 05-10-2007, 10:34 AM
Parent: #13
ولي من المشاوير التي امشسيها مع ناديه عن طريق الكلمه خالقة الشعور الكثير..
جغرافيا لست محظوظه مثلكم..فارافقها من الحله الجديده حتي امدرمان او بحري..اسعي معها لأحياء
باب امل هنا او هناك..
ولكني مشيت معها مشواير بقلبي..فأحببتها كثيرا..
أحببت حبها للخير ونشاطها وقدرتها علي مواجهة المتاعب بقوة الواثق من نفسه ومما يفعل..
التحيه لناديه السر ولكل زميلاتي القادرات علي رفع أصواتهن بآرائهن..وعلي الوقوف صامدات..
|
Post: #28
Title: Re: نادية السر ( وتقرب بينا مسافات كنا بنمشيها مشاوير )
Author: خضر حسين خليل
Date: 05-10-2007, 12:31 PM
Parent: #18
مني خوجلي :
إذيك يا جميلة
تفتقدك الخرطوم بكامل نهاراتها المولعة هذه الايام
حر حر حر قال ثم من قال : حر شديد يامني
وبالرغم من ذلك نحاول أن نجد براحات وواحات نوعاً ما
تنجينا فنلوز بنادية وبمثيلاتها من الجميلات المدهشات
السوايات وما حداثات .....
نادية نموزج جيد للنساء الرائعات النساويين ( الـ ولا
دستة رجال)
شكراً مني مع الامنيات أن تتوفق خطاك بمصادفتها والمشي
معها ( الحجل بالرجل) وكتف كتف
..........
خضر
|
Post: #26
Title: Re: نادية السر ( وتقرب بينا مسافات كنا بنمشيها مشاوير )
Author: خضر حسين خليل
Date: 05-10-2007, 12:25 PM
Parent: #13
Quote: يا أم ضفاير قودى الرسن
|
عزيزي هشام المجمر :
دوماً لاتخطئ عيناك الجمال
شكراً لأنك تنصفنا بإنحيازك لجمال هذه الشابة
.........
خضر
|
Post: #17
Title: Re: نادية السر ( وتقرب بينا مسافات كنا بنمشيها مشاوير )
Author: معاوية كرفس
Date: 05-10-2007, 10:11 AM
.
متزكرا كويس ونستنا عن شباب الأمل
و متزكرو كويس حبنا ليهم دون فرز
هم شباب ولا أي شباب
يسدو عين الشمس
طنطبق عليهم كل ما جاددت
به شاعرية أهلنا السودانيين
عن الكرم و حب الغير و الشجاعة
و المروءة .
كدي يا صحبي شوف أختنا سناء جعفر
قالت شنو عن البت دي
Quote:
نادية السر ...
تعرفي انك زولة غشاشة ؟؟؟
اي والله ...
لمن اتلاقينا اول وآخر مرة لقيت نفسي باتامل انثى رقيقة جدا ...
خجلت من نفسي قدامك ... صوتك الناعم ... كلامك البجي اعلى من الهمس بشوية ...
طلتك المشرقة ...
افتكرتك بت هشة ومدلعة ونوع لو قالوا ليه ( وهـ ) بيغمى عليها ...
فوجئت بيك (انسانة) جسورة ... محاربة في سبيل الحق ...ما بتهابي ولا بتتراجعي ..
لقيتك ( انثى ) ( ارجل) من رجال كتار...
وهسة انا مبسوطة لاني اتغشيت فيك ...
يا ناس حملة الامل .... ما تخلوا اي شئ في الدنيا يطفي شموعكم ....
ثقتنا فيكم ما ليها حدود ....
|
ودي لكم دون فرز
م.كرفس
|
Post: #19
Title: Re: نادية السر ( وتقرب بينا مسافات كنا بنمشيها مشاوير )
Author: ملكة سبأ
Date: 05-10-2007, 10:51 AM
سمحة
بسيطة
كوم كدا بتاع لطافة
بتصل عليها عشان موضوع معين ، بقوم انسى انا عايزة اقول ليها شنو
لاني بلقاها اخدتني برقتها ولطف حديثها لعوالم تانية ..
المهم انا بالجد برتاح ليها شديد
وبحبها والله
...
|
Post: #22
Title: Re: نادية السر ( وتقرب بينا مسافات كنا بنمشيها مشاوير )
Author: كمال علي الزين
Date: 05-10-2007, 12:07 PM
Parent: #19
(****)
خضر حسين ياصديق الزمان الجميل
البتقول عنها الكلام ده
أكيد مليانة عظمة
محبتي
وبجيك راجع
|
Post: #29
Title: Re: نادية السر ( وتقرب بينا مسافات كنا بنمشيها مشاوير )
Author: خضر حسين خليل
Date: 05-10-2007, 12:37 PM
Parent: #22
كمال :
إزيك ياصديق المسافات
وكيف هي الدوحة في هذا النهار
لدي أغنية لتجربة شاب ولحنها
صديقنا أشرف بصوته فياريتك تجي تسمعها
هنا في واحدة من الحيشان ذات أمسية نرتب تفاصيلها
كيفما نتفق ... يقول فيها
دقسن خطاك معترة
والنيل قصادك ما وراك
وبي قفاك حاجات
كتيرة بتشبهك
أرأيت ياصديقي
...
خضر
|
Post: #35
Title: Re: نادية السر ( وتقرب بينا مسافات كنا بنمشيها مشاوير )
Author: كمال علي الزين
Date: 05-10-2007, 07:12 PM
Parent: #29
Quote: كمال :
إزيك ياصديق المسافات
وكيف هي الدوحة في هذا النهار
لدي أغنية لتجربة شاب ولحنها
صديقنا أشرف بصوته فياريتك تجي تسمعها
هنا في واحدة من الحيشان ذات أمسية نرتب تفاصيلها
كيفما نتفق ... يقول فيها
دقسن خطاك معترة
والنيل قصادك ما وراك
وبي قفاك حاجات
كتيرة بتشبهك
أرأيت ياصديقي
...
خضر |
صديقي خضر حسين
زمان والله ياحيشان
بجي قريب وإمكن الواحد يسمعا في حوش ناس متوكل مبارك الوسيع داك
والله كمان وحشوني ناس حذيفة وخالد عمر وصاحبك صفوت صلاح
خلينا في البنية دي
بالله لسا الناس بتلد بنات من النوع ده
ياخي تحية ليها
وربنا يرجعنا لي إيام البنات الجسورات
والشعب الجسور زاتو
سلم لي عليها
وقول ليها:
خضر ده عجبو صعب
ونفسو نقية
وده يعني إنتي عظيمة فعلاً
محبتي
|
Post: #36
Title: Re: نادية السر ( وتقرب بينا مسافات كنا بنمشيها مشاوير )
Author: كمال علي الزين
Date: 05-10-2007, 07:21 PM
Parent: #29
Quote: دقسن خطاك معترة
والنيل قصادك ما وراك
وبي قفاك حاجات
كتيرة بتشبهك
أرأيت ياصديقي
...
|
كلمات جميلة ياصديقي
والنيل قصادك ماوراك
رأيت والله
أن الصيف يقترب
جهز صاحبك أشرف ده
والنيل قصادنا إنشاالله
إنشاء الله ربنا يكتر من الحاجات الجميلة
وعلى رأسها بوستك الجميل ده
محبتي
ولقاءنا قريب
|
Post: #27
Title: Re: نادية السر ( وتقرب بينا مسافات كنا بنمشيها مشاوير )
Author: خضر حسين خليل
Date: 05-10-2007, 12:28 PM
Parent: #19
| Quote: كوم كدا بتاع لطافة |
إذيك ياملكة :
ماخليتي لينا قبلة نقبل عليها بعد وصفك ده
شكراً لصدقك سيدتي .
...
خضر
|
Post: #23
Title: Re: نادية السر ( وتقرب بينا مسافات كنا بنمشيها مشاوير )
Author: معاوية كرفس
Date: 05-10-2007, 12:09 PM
.
يا صاحبي
نسيت إني أنوه انو المقطوعة النزلتها
فوق دي هي مأخوزة من بوست همس السحر للأستاذة سحر عبد الرحمن
و عشان نادية و عشانك و عشان صاحبكم التالت داك أهو دا لنك الحفظ
Save As Save As Save As Save As
ودي
م.كرفس
|
Post: #30
Title: Re: نادية السر ( وتقرب بينا مسافات كنا بنمشيها مشاوير )
Author: خضر حسين خليل
Date: 05-10-2007, 12:41 PM
Parent: #23
كرفس :
مثلاً
ذات بلاد خائبة لانستطيع إمساك أطرافها الا ساعات الليل
تحدثنا طويلاً عن جامبول وأكيج ( صاحبة أجمل مسكول)
وكثيرات بحجم مشاريع الامل ..... هكذا نحن يابني آدم يابراك
علي قول عاطف خيري لانمل من ( رصد) الجمال نتتبعه ممهما كلفتنا
من خطاوي ... ياخ داير أكتب عنهن لكني سأنتظر طرف الخيط
خيط جامبول وخيوط أخري نجرجر من خلالهن علي الاقل بن بن وحلاق
وملايين المشردين في أوطانهم .
ياخ أنا مبسوط شديد
وشكراً للنك الحفظ
.........
خضر
|
Post: #31
Title: Re: نادية السر ( وتقرب بينا مسافات كنا بنمشيها مشاوير )
Author: انعام عبد الحفيظ
Date: 05-10-2007, 12:48 PM
نادية
شابة جميلة قوية
إلتقيتها وعملت معها في حملة الأمل العام
أحب فيها قوتها وصمودها وتحديها للصعاب
|
Post: #43
Title: Re: نادية السر ( وتقرب بينا مسافات كنا بنمشيها مشاوير )
Author: خضر حسين خليل
Date: 05-13-2007, 08:58 AM
Parent: #31
إنعام :
دعيني أحي فيكي بداية جسارتك
عرفتك عن قرب خلال حملتنا تلك
أعترف لك بأنك قد إعدتي لي
ملامح كثيرة تلاشت من وجه خرطومنا
شكراً يابنية وكتر خيرك
ونورتي البوست
....
خضر
|
Post: #32
Title: Re: نادية السر ( وتقرب بينا مسافات كنا بنمشيها مشاوير )
Author: Deng
Date: 05-10-2007, 01:21 PM
الاخ خضر حسين.
كل ما زكرته عن الاخت العزيزة نادية السر صحيحا, فهي إنسانة جميلة جدا ولطيفة وأنا هنا لا أتحدث عن الجمال المظهري فقط بل أزيد عليه جمال الاخلاق والتعامل الراقي مع الاخرين. أنا سعيد جدا بمعرفة نادية السر وبمعرفتك أنت يا خضر أيضا.
دينق.
|
Post: #44
Title: Re: نادية السر ( وتقرب بينا مسافات كنا بنمشيها مشاوير )
Author: خضر حسين خليل
Date: 05-13-2007, 09:04 AM
Parent: #32
دينق :
تحياتي لك من هذه البلاد الحائرة
سعدت جداً للأمانة بلقائك في الخرطوم وتمنيت لو طال بقاؤك
بيننا للمزيد من الحكي وطق الحنك .... شكراً لمرورك من هنا
..........
د
خضر
|
Post: #33
Title: Re: نادية السر ( وتقرب بينا مسافات كنا بنمشيها مشاوير )
Author: عبد المنعم سليمان
Date: 05-10-2007, 04:47 PM
ده
غزل وللا غزل وللا ما غزل ..
يا ولدنا خضر
بتحــداك وبتحدي ازهري ذااتو في حب نادية
وللا ما كده يا نادية
محبتي
منعم
|
Post: #34
Title: Re: نادية السر ( وتقرب بينا مسافات كنا بنمشيها مشاوير )
Author: صباح احمد
Date: 05-10-2007, 04:56 PM
Parent: #33
سنة يا انا
_______
تخريمة:
خدر حسين ازيك..
والله نادية تستاهل
|
Post: #37
Title: Re: نادية السر ( وتقرب بينا مسافات كنا بنمشيها مشاوير )
Author: نهال الطيب
Date: 05-10-2007, 08:23 PM
Parent: #34
نادية السر
الصباح الباهي لونك
وضاحة يا فجر المشارق
غابة الابنوس عيونك
يابنية من خبز الفنادك
خضر ما أجمل أن نقف عند قامة من هم بقدر جمال نادية
لك
ولها
مودتي
|
Post: #38
Title: Re: نادية السر ( وتقرب بينا مسافات كنا بنمشيها مشاوير )
Author: GamarBoBa
Date: 05-11-2007, 11:45 AM
Parent: #37
التحية لنادية وكل حماة الامل العام
ليتنا نشد من ازرهم
.....
خضر تعبت وراك وفترتني....حاصل الحاصل....تلفونك مقفول ومسنجر مافي والتفاصيل ما رسلتها...ورسلها لي فتحي قريشي....والموقع مسخن جد...ياخي انت بتعمل كدة ليه....اتمنيت لو كنت معاك...
|
Post: #39
Title: Re: نادية السر ( وتقرب بينا مسافات كنا بنمشيها مشاوير )
Author: Nadia Elsir
Date: 05-12-2007, 02:23 PM
Parent: #38
صديقى الغالى خضر ,
الاعزاء حقا و صدقا ,,,,
ريهان الشاذلى
معاوية كرفس
عاصم ابوبكر
طلال عفيفى
رجاء
خالد العبيد
بيان
هشام المجمر
منى خوجلى
ملكة سبأ
كمال على الزين
انعام عبد الحفيظ
دينق
عبدالمنعم سليمان
صباح احمد
نهال الطيب
قمر بوبا
كلماتكم الجميلة النبيلة فى حقى ماهى الا انعكاسات لدواخل هى قطعا اجمل و انبل !
سعادتى لا توصف بما تكنون لى من صدق احساس اجدنى اقف حياله عاجزة و لا املك سوى عميق الحب و صافى المودة ابثها لكم عسى ان (تقرب بينا مسافات كنا بنمشيها مشاوير )
صديقى خضر اكرر لك عميق مودتى !
|
Post: #50
Title: Re: نادية السر ( وتقرب بينا مسافات كنا بنمشيها مشاوير )
Author: خضر حسين خليل
Date: 05-14-2007, 10:03 AM
Parent: #34
صباح :
صباحاتك يازولة
أين أستقر بك المقام ( من ديك وعيك)
شكراً لحضورك هنا وإحتفائك بنادية معنا
..........
خضر
|
Post: #46
Title: Re: نادية السر ( وتقرب بينا مسافات كنا بنمشيها مشاوير )
Author: خضر حسين خليل
Date: 05-13-2007, 09:32 AM
Parent: #33
منعم المشوطن :
إزيك ياخي
ووين الحي بيك ( تقول إتصورت مع بيل غيتس)
شنو من ديك وعيك .....
ثم دة غزل ومحبة وفوران حليب ذاتو بعدين هسي
الجاب سيرة أذهري شنو هنا ؟ عاش أبو هاشم عاش أبو
هاشم .......
ياخ مشتاقين بالجد لكوم خستكة كدة معاك
.........
خضر
|
Post: #40
Title: Re: نادية السر ( وتقرب بينا مسافات كنا بنمشيها مشاوير )
Author: Elmosley
Date: 05-12-2007, 02:26 PM
Quote: كانت بنت أبوها وأمها ومن ثم ظهر لبلاب مودتها في وجدان الكثيرون وأنا بالطبع
منهم وأمثالي كثر من لدن السواي وما حداث ... فهل هذا كفي أم للأصدقاء/ت كلام
سيأتي |
رسم دقيق بريشة ساحرة
كآني اراها وآعرفها من زمن
|
Post: #41
Title: Re: نادية السر ( وتقرب بينا مسافات كنا بنمشيها مشاوير )
Author: محمد سنى دفع الله
Date: 05-12-2007, 02:33 PM
Parent: #40
الزوله الفكرت
في وليد دارفور النداء
لازم تكون ملانه محبة الناس
وهميمة اخت اخوان
وزولة حارة
مابترضى الحال المايل
ده الزول الجميل خلقه وأخلاق
تقربنا المشاوير
والملاحم الجد
ليك المجد والإحترام
مودتي
|
Post: #54
Title: Re: نادية السر ( وتقرب بينا مسافات كنا بنمشيها مشاوير )
Author: خضر حسين خليل
Date: 05-17-2007, 09:14 AM
Parent: #41
محمد السني دفع الله
كلما تزكرتك تزكرت تلفزيوننا جيراننا الاربعتاشر بوصة أبيض وأسود
( لم تكن كهرباء خزان الرصيرص ساعتئذ قد دخلت حلتنا المليئة بالفقراء)
كنتم تملأؤن سواد تلك الشاشة ببياض نيتكم وصفاء سريرتكم كان المسرح
حينها مدرسة تعلمنا ما تفشل فيه المدراس .. سال حزننا علي فقدكم جداً
يشهد الله ..
يا السني ... أنا سعيد لتفقدك إثر الجمال ونادية كذلك بلا شك
نورت البوست والله
.......
خضر
|
Post: #53
Title: Re: نادية السر ( وتقرب بينا مسافات كنا بنمشيها مشاوير )
Author: خضر حسين خليل
Date: 05-17-2007, 09:07 AM
Parent: #40
الموصلي
شيخ الموسيقيين هكذا أراك بقلبي فلا تكترث
قبل قليل كنت إستمع لطفل العالم الثالث
أوجعتوني ثلاثتكم مصطفي الذي ذهب قبال يوم
شكرو ووردي الذي ذهب قبال يشكرو شعبنا
وأنت هناك بعيداً .... الحاصل شنو
أما بخصوص القنديلة نادية فهي تشبه كثيراً
أستاذي فنارات المواني كمعالم يهتدي بها
العابرون وأبناء السبيل من أمثالنا
هي كذلك أقسم أقسم أقسم
شكراً عزيزي وأنت معنا هنا
..........
خضر
|
Post: #42
Title: Re: نادية السر ( وتقرب بينا مسافات كنا بنمشيها مشاوير )
Author: Deng
Date: 05-12-2007, 02:40 PM
سنتين.
ولمن أقابلك يا صباح ح أحكي لك باقي النكتة دي.
دينق.
|
Post: #45
Title: Re: نادية السر ( وتقرب بينا مسافات كنا بنمشيها مشاوير )
Author: حمزاوي
Date: 05-13-2007, 09:25 AM
والله يا خضر
يا ام لسان اغلف بقيت تعرف تتكلم عربي مع بنات الخرطوم
يا قمر بوبا ( موسى ) تعال شوف خضر
أنا بتذكر شكلك لمن كنت بتقود المظاهرات في ابوراقي
ابوراقي تبايع ميمد سالي
الابنة العزيزة
نادية السر
قابلتها أيام حملة الامل وغادة نوري
أرفع القبعة وانحني تحية لهذه الانسانة الرقيقة
يا نادية يا بتي
لازم تتعلمي الرطانة
ومسكاقمي
|
Post: #47
Title: Re: نادية السر ( وتقرب بينا مسافات كنا بنمشيها مشاوير )
Author: انعام حيمورة
Date: 05-13-2007, 12:10 PM
........................
وفقت كثيرا قبل ان ابدا ... هل يا ترى يمكن ان اوفيها حقها ام لا ...
فوجدت (لا) ...
ويبقى الود في الحنايا
|
Post: #48
Title: Re: نادية السر ( وتقرب بينا مسافات كنا بنمشيها مشاوير )
Author: Ishraga Haimoura
Date: 05-13-2007, 12:40 PM
صديقي خضر
...
يا اخي نادية دي حكاية
دي بنية
دي.. زهرة وبرية بشوق الأرض عينها كحالة
تريانة ندية بعرق الناس والناس في بالة
يا خوفها علينا عقل وثبات ماها الولوالة
من فرحي البي قلعت الخوف وكستني بسالة
.... دي بت سودانية
|
Post: #55
Title: Re: نادية السر ( وتقرب بينا مسافات كنا بنمشيها مشاوير )
Author: خضر حسين خليل
Date: 05-17-2007, 09:16 AM
Parent: #48
إشراقة
أم عيون أربعة وأم سلمي وأخت قلبي ودمي
والله ياصديقتي كما قلتي نادية بت سودانية وجدعة زيها زيك وزي
كتيرات فاجأؤني في سودان المشروع الحضاري وإعادة صياغة الشخصية
السودانية ومشاريع الوهم الكانت بتهدف لوأد مشاريع الامل والنفرة
ونجدة المحتاج ... أدهشتموني جداً علي البنية الحليب ديك
.............
خضر
|
Post: #49
Title: Re: نادية السر ( وتقرب بينا مسافات كنا بنمشيها مشاوير )
Author: السمؤال بدرالدين
Date: 05-13-2007, 12:49 PM
الوجيه خضر
شنو مختفي
بقينا نتخيلك فقط
ليه القسوة
اما نادية
لو
بايدي
كنت عملت ليها تمثال وبث
تسلم واظهر
|
Post: #51
Title: Re: نادية السر ( وتقرب بينا مسافات كنا بنمشيها مشاوير )
Author: ريهان الريح الشاذلي
Date: 05-14-2007, 10:08 AM
Parent: #49
| Quote: كنت عملت ليها تمثال وبث |
تمثال بالله يكون مكندش ..زي ال click
|
Post: #52
Title: Re: نادية السر ( وتقرب بينا مسافات كنا بنمشيها مشاوير )
Author: Nadia Elsir
Date: 05-17-2007, 08:39 AM
Parent: #51
الاعزاء جدا,
الموصلى
السنى
دينق
حمزاوى
انعام حيمورة
اشراقة حيمورة
السمؤال
ريهان
فى مقامكم الحروف كما الفراشات الملونة ارانى اطاردها بلا ملال و عندها اقف امتنانا لكل حرف سطره صدق الاحساس و نبل المشاعر
|
Post: #56
Title: Re: نادية السر ( وتقرب بينا مسافات كنا بنمشيها مشاوير )
Author: AmroKamal
Date: 05-17-2007, 11:17 AM
Parent: #52
كبف يجهلوك ؟؟؟؟؟
!!!!!!!!!!!!!!!!
|
Post: #57
Title: Re: نادية السر ( وتقرب بينا مسافات كنا بنمشيها مشاوير )
Author: خضر حسين خليل
Date: 06-18-2007, 04:11 PM
Parent: #49
السموأل
إزيك ياجميل
عزراً أو معليش لم يكن خياري هكذا يوماً
لكن للمعايش أقاويلها ياصاحبي عموما سعدت
جداً برفقتك ونتقابل في ساعة خير ياجميل
|
Post: #65
Title: Re: نادية السر ( وتقرب بينا مسافات كنا بنمشيها مشاوير )
Author: خضر حسين خليل
Date: 06-19-2007, 03:52 PM
Parent: #49
السموأل :
إزيك الامنيات أن تكون كما أود
عجبتني صورتك بتاعت الستينات الخاتيها دي ( وشك ضاحك ومليان شمار)
مرحباً بك هنا وأنت تحتفي بنادية الجدعة
خضر
|
Post: #58
Title: Re: نادية السر ( وتقرب بينا مسافات كنا بنمشيها مشاوير )
Author: معتصم دفع الله
Date: 06-19-2007, 07:03 AM
شكراً يا خضر أن أشركتنا معك في حب هذه الإنسانة النبيلة ..
لكما كل الحب والتقدير ..
|
Post: #59
Title: Re: نادية السر ( وتقرب بينا مسافات كنا بنمشيها مشاوير )
Author: Nadia Elsir
Date: 06-19-2007, 07:57 AM
Parent: #58
العزيز معتصم دفع الله ,
امتن لوجودى بينكم دائما و رهانى ان الخير و الحب لكل الناس باق فينا الى ان يرث الله الاض و من عليها !
فقدنا خضر حضورا بيد انه حاضرا فينا نبضا و وجداناالسلوى انه بينكم!
|
Post: #60
Title: Re: نادية السر ( وتقرب بينا مسافات كنا بنمشيها مشاوير )
Author: ahmed haneen
Date: 06-19-2007, 07:58 AM
خضر ...
نشفتا ريقنا .. وطلعت زيتنا ؟؟؟
Quote: بنت من بنات الحلة الجديدة هادئة السحنات جميلة للحد اللا محدود تمشي
الهوينا كما يمشي الوجي الوحل ومن ثم تمشي لمشاوير لاتنجب سوي الخير
ولا تنتمي الا لعوالم الجمال وتلك مشاوير خطاها ....................
خطاها الواثقة في الغد الآتي
أما عن سني حياتها فأقل من عطائها كثيراً , هكذا تمت المعرفة بيننا
ثم كان ما كان من أمر الانسان .
خلف عدساتها الطبية تكمن تفاصيل وتفاصيل لا يحس بها سوي الذين لديهم
قدرة علي إستنطاق الجمال ( وفلان الفلاني ) وأنا وكثيرون من محبي الحياة
كنا من مغتصبي إنسان شبكيتها وهكذا إنتمينا لعدساتها الطبية ولنا فيها
مآرب أخري لاتخرج جميعها من نطاق الدهشة في زمن فقد ملامح الاندهاش . |
ونجهت الإنسانة .. نادية ..لها ولك التحية
سعدت بالتعرف علي هذة الإنسانة .. عندما احتجت لأتصال عاجل
من لجنه الداخل.. فكانت هي .. رنة الهاتف .. المدفوعة بحب الخير..
.. واكتملت دهشتي يا خضر .. ومازلت فاغرا فاهي
( يعني منشدهاوليس مندهشا)
طلال .. تحياتي
Quote: أول إنطباعي عنها إنها إنسانة مريحة ،
وبعد كده لقيتا زولة في منتهى الجمال ..
مثقفة ولطيفة وزي ما بيقولوا دمها حار
وما بتحب الحال المايل .. |
ما تحب الحال المايل .... هنا عظمتها ..
لها كل تقدير ..وهي تواصل عطاء بلا حدود
فقط دعونا مندهشين
|
Post: #61
Title: Re: نادية السر ( وتقرب بينا مسافات كنا بنمشيها مشاوير )
Author: Nadia Elsir
Date: 06-19-2007, 08:11 AM
Parent: #60
العزيز احمد حنين,
سعدت بان جمعتنى بك احدى دروب الانسانية حملة لاهلنا فى دارفور و افخر بك و بكل بورداب الرياض و اشد على اياديكم فردا فردا يقينى ان ما جمعنا هو حب الخير و الجمال فلنسعد برفقتنا دوما هنا و هناك !
يا احمد اصحابى خضر و طلال ديل ناس فنانين شديد و ببالغوا مرات مرات فى الوصف و ده راجع لان دواخلهم بتفيض بالجمال و نالنى منها الكثير الوفير و انا ممتنة و سعيدة بيهم و بيك!
|
Post: #62
Title: Re: نادية السر ( وتقرب بينا مسافات كنا بنمشيها مشاوير )
Author: asmhan hashim
Date: 06-19-2007, 10:26 AM
Parent: #61
نادية
انثي ولا دستة رجال
سلامي وحبي
|
Post: #64
Title: Re: نادية السر ( وتقرب بينا مسافات كنا بنمشيها مشاوير )
Author: خضر حسين خليل
Date: 06-19-2007, 03:29 PM
Parent: #60
ويشهد من عرفوها من الناس
يا أحمد ياحنين بأني لم أقل
في حقها عشر ما تملك من مودة
بالامس كادت الدنيا كعادتها أن
تفعل بي أفاعيلها لم أجد من يماسكني
إتصلت بنادية الجدعة كانت بذات الابتسامة
النضرة حدثتني عن يومهم الاخير واحتفائهم
بوليد دارفور سألته عن أجمل أصدقائنا المشتركين
أزهري صاحب القلب الحبوب ياااااه هذه البنت
الحليب تخرجك من قلب الحزن لقمة البهجة والمسرة
هذه خصائص يزرعها الله في عباده الجميلين وبالطبع
نادية إحداهن بالتأكيد .
حأجيك يانادية بمزاج
|
Post: #63
Title: Re: نادية السر ( وتقرب بينا مسافات كنا بنمشيها مشاوير )
Author: celecon
Date: 06-19-2007, 11:29 AM
والله الا كان نشارك ..
سمعنا عن البنيه كتير والليلة قرينا الكتير
ومن موقعنا يا نادية السر نقول ليك ربنا
يحفظك ويخليك ويقدرك دوما على فعل الخير ...
قدرك انك سودانية ونحن كمان وياريت تسنح
احوالنا وتلاقينا بيك عشان نكمل الدائرة
هنيئا لنا بك وهنيئا لك بما اعطاك الله ..
دمت يا بت الحله الجديده ..
شكرا ليك يا خدر للفرصة الجميلة وتعريفنا
بعقد الامل المتفرد ...
______________
كلو الا عبدالمنعم صاحبى ده
|
Post: #69
Title: Re: نادية السر ( وتقرب بينا مسافات كنا بنمشيها مشاوير )
Author: خضر حسين خليل
Date: 06-20-2007, 12:47 PM
Parent: #63
celecon
إزيك ياخي وكتر خيرك علي مجادعتك معانا في
سيرة البت الحليب دي .... ( هسي ناس منعم
ديل يقولو الزول دة مكسر فيها) وشن طعم
الكسير ذاتو لو ما إتسكسرت في نادية دي
المهم ياخ أنا سعيد بلا حدود بتواجدك معنا
في خيط المحبة هذه بس رجاءً ما تكتر لينا
من سيرة منعم دة أعوذ و بالله زول عجيب دة
ياخ
|
Post: #66
Title: Re: نادية السر ( وتقرب بينا مسافات كنا بنمشيها مشاوير )
Author: Alsa7afa_30
Date: 06-19-2007, 03:53 PM
سلام و تحايا..
تشـرفت بمقابلتها في حفل غادة نوري بواسطـة الأخت إنعام حيمورة,,و كانت واحدة من حملة مشاعل الأمل في ذلك اليوم..
رغم أن المقابلة اسغرقت بضع دقائق بسبب الأزدحام , إلا أنها أوحت بطيب أصلها و أصالة معدنها..
كما أنها من سكـان الصحافة سابقـا كما قالت ,,ً إن لم تخني الذاكـرة 
مش كـده؟؟
تحياتي..
|
Post: #67
Title: Re: نادية السر ( وتقرب بينا مسافات كنا بنمشيها مشاوير )
Author: Giwey
Date: 06-19-2007, 04:03 PM
Parent: #66
خضر...
تحياتى نديّات...
(شفتها) فى إحدى (لمّات) سودانيز أونلاين...
بحديثك هذا (تأكلنى) الندامة على أننى ما (شفتها)
وعرفتها ...
لك التحية وأنت تنسب الفضل لأهله والكلمة الطيبة بخور الباطن...
لك ولها عميق الود
عبد الرحمن قوى
|
Post: #68
Title: Re: نادية السر ( وتقرب بينا مسافات كنا بنمشيها مشاوير )
Author: خضر حسين خليل
Date: 06-19-2007, 04:13 PM
Parent: #67
سليكون
الصحافة
تحياتي وشكراً لمروركم من هنا
...........
عبد الرحمن قوي
ومثلك يا بني آدم ياجميل تأكلني الندامة
لكوني بعيد منها الان ... كانت تلملم جراحات
الجميع بهدوء عجيب لاتجده الا عندها ... نادية
صلصالها غريب ما زي صلصال الخلق ياقوي
مودتي
|
|