Post: #1
Title: البــــورداب .. !! .. المفروض ناس كل منطقة يقولوا نحن المقصودين ويدخلوا
Author: welyab
Date: 03-11-2008, 04:51 PM
البورداب اسم أطلق مجازا على مجموعة تعارفت عبر الأثير الاسفيري، وبلكنة أو بأسلوب متبع في التسمية في السودان ( طبعا بعدين هأرجع وأقول إنها أسلوب ونهج نوبي ) بس عشان ناس بشاشا ما يزعلوا نمررها بدون ما نقيف فيها كتير ..
طيب نرجع ونقول ان فكرة التواجد وخلق شكلية تحت أي مسمى تربط بين مجموعات متقاربة او مترابطة هو شيء جميل . ولكن بيكون أجمل لو في أهداف ونتائج متوقعة .
طبعا الحكاية بدأت بالفعل .. والناس بقت موجودة واخذوا اسمهم الجميل والشكلية والأهداف في ظني تقريبا ما اكتملت لدى الجميع ..
يعني الحكاية مش وناسة وحفلات وهجيج .. أكيد بيكون في أهداف ذات منفعة . واقل ما فيها تواصل وتعارف بالذات للناس الى المجودة في الغربة ..
وطبعا المنبر الجمع الناس منبر سوداني وأهلنا بطبعهم ناس تكافل وتواصل وناس مشاركين . يعني المهمة بتكون واضحة في تجمعاتنا والتكافل الاجتماعي ومساعدة المحتاجيين من غير ما نقول بقت موجودة والبوستات الكتيرة بتاكد وجود التكافل وروح المساعدة البقت متاصلة فينا بحمد الله .
خلاصة القول التنظيم والترتيب والتنسيق بين المتواجدين بفت ليها ضرورة قصوى ..
يعني الدعوة هنا صريحة .. طالما الناس عاوزة تعمل تحت مسمى البورداب وعاوزين يكون ليهم هيبة ومكانة مناسبة بين الكيانات القائمة والحمد لله بالفعل المكانة دي أتخلقت بالفعل وبقت موجودة .. لازم نعمل على بقائها بصورة اجمل .
الجهود المبذولة حتى اليوم في اغلبها جهود فردية وبالرغم من انها فردية جابت نتائج طيبة ..فما بالكم لو لقت الحس الجماعي ..
للجميع خالص المودة
|
Post: #2
Title: Re: البــــورداب .. !! .. المفروض ناس كل منطقة يقولوا نحن المقصودين ويدخلوا
Author: ابو جهينة
Date: 03-11-2008, 08:11 PM
Parent: #1
Quote: خلاصة القول التنظيم والترتيب والتنسيق بين المتواجدين بفت ليها ضرورة قصوى ..
يعني الدعوة هنا صريحة .. طالما الناس عاوزة تعمل تحت مسمى البورداب وعاوزين يكون ليهم هيبة ومكانة مناسبة بين الكيانات القائمة والحمد لله بالفعل المكانة دي أتخلقت بالفعل وبقت موجودة .. لازم نعمل على بقائها بصورة اجمل . |
عين العقل يا إبن العم
|
Post: #3
Title: Re: البــــورداب .. !! .. المفروض ناس كل منطقة يقولوا نحن المقصودين ويدخلوا
Author: ismeil abbas
Date: 03-11-2008, 08:52 PM
Parent: #1
ألأخ/ويلياب
...............
ده كلام رائع...
لمزيد من التكافل والتكاتف.والعمل الجماعى والتنظيم..
....................................................
إسماعيل محمد احمد عباس................
|
Post: #4
Title: Re: البــــورداب .. !! .. المفروض ناس كل منطقة يقولوا نحن المقصودين ويدخلوا
Author: welyab
Date: 03-12-2008, 00:54 AM
Parent: #3
ابو جهينة
إسماعيل محمد احمد عباس
لكما خالص الود
ونأمل ان تمضي القافلة وتغطي كل ارجاء العالم .. و يكون في كل بقعة في الارض (بورداب) ليكون لهم الوطن الاسفيري هو ( منبر سودانيز اون لاين ) ويكون هنالك تكافل وتواصل ولقاءات مثمرة وتفاكر ونتائج ..
وقتها يحق لابي جهينة... وعلى لسان بورداب الرياض ان يقول :-
دع القيادة لنا... واستمتع بالرحلة..
ولابي بكر ان بقول: - حان لابي ... حنيفة ان يمد رجليه .. ..
|
Post: #5
Title: Re: البــــورداب .. !! .. المفروض ناس كل منطقة يقولوا نحن المقصودين ويدخلوا
Author: ابو جهينة
Date: 03-12-2008, 10:16 AM
Parent: #4
Quote: وقتها يحق لابي جهينة... وعلى لسان بورداب الرياض ان يقول :-
دع القيادة لنا... واستمتع بالرحلة.. |
أنا ذاتي داير إستمتع ... عشان كدة نخلي القيادة بالدور .. 
| Quote: ولابي بكر ان بقول: - حان لابي ... حنيفة ان يمد رجليه .. .. |
إلا يقفل الماسنجر ... لو ما قفلو ما بيقدر يمد لسانو حتى
|
Post: #6
Title: Re: البــــورداب .. !! .. المفروض ناس كل منطقة يقولوا نحن المقصودين ويدخلوا
Author: welyab
Date: 03-12-2008, 11:00 AM
Parent: #5
أولا ..
يا اخوانا انا كنت عاوز اسمي البوست
للجميع .. و ليس لبورداب الرياض فقط ...
لان الطرح يخص المنبر والبورداب بصفة عامة .. بعني مش مقصورة على ناس الرياض
ثانيا..
في كلام كتير واضافات وانتقادات جاية
عشان كده الناس تعمل حسابها . وتقول كل مالديها ( فضوا الجراب ) ..
وبعد ما نفتح النار مافي اي هدنه.. او اجاويد أو واسطات ..
|
|