Post: #1
Title: مجرد اقتراح ! مش فتوى!! عشان مافي حد يدعوا علينا
Author: welyab
Date: 12-05-2008, 10:36 PM
Parent: #0
بمناسبة غلاء أسعار الاضاحي ( الذبايخ بالخليجي)
اليومين دول تقريبا كل يوم بنسمع عن الهدي والاضاحي ..
طبعا انا هنا بقدم اقتراحي لإخوتنا المقيمين بعيالهم خارج الوطن ( السودان) ..
والاقتراح مبني على بعض ما ورد إلى فهمي من فتاوى وأقوال مشايخ وأئمة مساجد وآخرها كان يوم الجمعة الموافق 7ذي الحجة و من خطبة الشيخ الكاروري ..
فقد أشاروا جميعهم إلى جواز أن يتم ذبح الأضحية وبالتوكيل خارج مكان إقامة المضحي ..
وطبعا الخراف السنة دي غالية والأسعار فوق الوصف ..
طيب ما يقوموا إخوانا (أصحاب العوائل ) يوكلوا أقاربهم في السودان بالذبح وتقسيم لحوم الأضحية على الجيران و الناس الغلابة هناك ..
وهو وعيالو يشتروا كمية مناسبة من اللجم ( لان في الأصل لو ذبحوا كان نصيبهم شرعا الثلث من الأضحية )
طبعا قطع شك من الناحية الحسابية ( تكاليف الذبيحة في السودان + ثمن كام كيلو لحم من الاسواق ) بيكون اقل من ثمن الذبيخة خارج السودان ..
بعض إخواننا في الغربة ! ويمكن كمان بعض العزاب احتمال ما يعجبهم الفكرة ..
لكن ممكن كام واحد من المغتربين وكام واحد في الداخل تعجبهم الفكرة ..
أرجو أن تكون دعوات الرضاء اكتر من اللذين سيدعون علينا !!
|
Post: #2
Title: Re: مجرد اقتراح ! مش فتوى!! عشان مافي حد يدعوا علينا
Author: welyab
Date: 12-06-2008, 01:05 AM
الظاهر الاقترح فشل بالاحماع ..
واحد من شوية اتصل بي متحدثا باسم شلة الاصدقاء ( العزابة) المقيمين في الرياض ..
يقول المتصل :-
يمكن ولياب من اقطار رمضان وضياع عدة المدام قرر ان يزوغ أو ينفرد بلحم الاضحية !!
انا الحمد لله من الاول قلت ان الموضوع مجرد اقتراح ..
وإلا كانو قالوا الحلفاوي بدأ يقدم فتاوى الهدي والاضاحي!!!
|
Post: #3
Title: Re: مجرد اقتراح ! مش فتوى!! عشان مافي حد يدعوا علينا
Author: osman righeem
Date: 12-06-2008, 04:45 AM
اخونا ولياب
كل العام وانت بخير
اقتراح عملي
وشغال الموضوع ده في الامارات من سنين
وماشي في الانتشار
استمر
|
Post: #4
Title: Re: مجرد اقتراح ! مش فتوى!! عشان مافي حد يدعوا علينا
Author: welyab
Date: 12-06-2008, 05:58 PM
Parent: #3
Quote: اقتراح عملي
وشغال الموضوع ده في الامارات من سنين
وماشي في الانتشار
استمر |
.
osman righeem
لك خالص المودة
.. الله يطمئنك
|
|