اخر ما كتبه الدوش هديه للموصلى

العزيز ابو هديل
لك المحبه
هذه القصيده اسمها
امل شارد
كتبها المرحوم الدوش فى ايامه الاخيره الله يرحمه
وقالها لنا فى مكتب الاستاذ عبد المنعم الكتيابى
كاخر عمل له
وها هى القصيده اهديها لك واتمنى ان تجد فيها احساسك
لك المحبه

وقفت على امل شارد
ونازل من شعاع الروح
واقف فوق امل ناهد
وقفت معاى ظلال اشجار
على كل الحصل شاهد
بانك انتى روح الروح
وانت الماشى والصاعد
دوام بتلمى فى المغبون
وفى المحزون وفى القلبو الزمن قاعد
وقفت على امل مشبوك
باطراف الندى ومحبوك
على غره جبين نادر
وفوق صهوه فرح غامر
وانتى العامر العامر
وانتى المخفى والظاهر
وانتى فرح جنونى ومنتشى وامر
ويا غيمه زمان اثر
انت الفيك اصيل مخزون
من بهجه وحلاوه روح
بودى الزول محل ما يروح
يا نجمه صباح طلعت
على كون فى الدجى مسافر
اذا كان الزمن لقياك
انا الربحان وانا الخاسر
000000000000

الله الله
ايوه طلع الدرر ياعنتيل
عسى ان تصيب بها فؤاد ابو هديل
وتصبح لنا ايفاعا ونغما
لك الرحمه ايها الحبيب الدوش
ويا حمزه انا جاييك؟؟
انور





لى وين وكيف لمتين يا ضحكه ضاعت وين
يا حزن يا مرتاح بين الدموع والعين
يحيى فضل الله

يا ابو النور
انا فى رجاااااااااك
تسلم

ياسلام ياحمزه انت كده حققت حلم التلاقي بيني وبين الدوش
برغم صداقتي العميقه له ولمحجوب شريف الا ان القسمه ما باليدوعقبال ما اشوف كمان صديقي محجوب شريف
تسلم ياحمزه
ولا عدمناك ابدا

تستاهل يا ابو هديل
وان شاء الله ااحيب ليك قصيده لى الاستاذ
محجوب شريف
وحقيقى لو محتاج قصايد عندى كميات
بس انت اشر
ولى شعراء شباب مغمورين
لكن شعر شعر

الجميل حمزة
مااتيت الا واتي معك وبك ايضا كل الجمال

وليت الموصلي يقبل رقيق دعوتك فما اجمل لقاء حرف الدوش بك وبالموصلي

التحية والتقدير

عبدالله جعفر

ليك كل الموده ياعبد الله جعفر بلدنا عامره بالمبدعين الشعراء والموسيقيين وغيرهم اريتها يبقي عشره عليهم

العزيز حمزه .. زمن طويل ، اطول من احساس الناس بغربتهم فى عصر الانقاذ، هو من فرقنا .. كيف احوالكم والاهل، كيف الحبيب الماحى .. الذى انقطعت عنه وانقطع عنا الا من بقايا أشرطة عفا عليها الزمن بها ايقاعات الشجن الندى .. ارجو ان تبلغه تحياتى وتمنياتى . الدوش الراحل المقيم، كما عهدناه قمة من قمم الابداع الشامخة وان لم يلق حقه حتى الآن ..
الموصلى كعهدى به قادر على ايجاد معادل نغمى يتوافق مع ابداع الدوش .. نتمنى ان نستمع للحن قريبا.
مع كل الحب والود.....

الحبيب بشري
الايام دي انت مشرف
تسلم
وتسمع كل خير

يا سلالالالالالالالالالام
استاذ بشرى الفاضل نفسه
والله الدنيا ضيقه وبركه فى البورد
زمن طوييييييييييييييل يا استاذ
ويا حليل
يا عيون الدنيا طلى
وانشرى الخير فى المداين
و
قالوا مسافر خاتى النيه
وذى الماحاسى بى حنيه
و
الكثير من الذكريات الاصيله
ربنا يحفظك
ونتمنى ان تتحفنا بى الجديد
والاخ الماحى بخير والحمد لله
والايام الفاتت
ابنائه نزار وناجى تاهلوا
والعيال كبرت يا استاذ

حمزة أيها الفنان الرقيق

دائماً تلتقي الأحاسيس الجميلة هكذا ،،، من غير ميعاد

يظل الدوش رب الإدهاش برغم الرحيل المفجع

شكراً جميلاً

نادر

قد لا يسع زمنك زيارة مزار عثمان بشري فاتيناك به كما طلبت في واحدة من درره


لوح السراب

لوح السراب نقع محاية الشوق
لا تجيني لا نجالة الخاطر
سبيب من طيف
وقع الصقر .. أو هان
كتر البتابت عيب
لا تجيني هان في الغربة
أم سدولاً جيف
تعردي في يمنة ويسرى
أسئلة تعبر السيف
دحين ودرني .. شن خدرني
غير حيلاً غشاهو الكيف
يا تركة حشاي عنف المساسقة
والهبر والجيف
ضمة حساك .. كشنة بالي
متنخشم ضراي تبالي
جكاك المتنى رهيف
شن تبقى الرهيفة المالية
ضمة بلاك .. شايلة هلاكي
والميتة الفطيس كفكيف
صوت من نجم مقهور
ومتورط علاقة مع السماء
أو غابة في وردة مريض بلدي
معصلج في الحكيم والإسبتالية
مجنونة من غبشة زقاقات البيوت اليابسة
ماكلة ولابسة أحلام في الحضر
ثمود أو عاد وبيناتن حجر
منحل ..
غنوة بعيدة .. بعيدة
مقيات الهبوب والقرى المطرية
أو طورية
تفتق سرة في شهوة بذور
والضل كديب مأجور على حقو
مزنق في سماي
سمت المخاليق البتجبد
جوة ميدان الطحين سب دين
وزغرودات صبايا
عشم المسارقة والمجابيد الهويني
المفاتيح البلاش
والكيف مستف إحتشاد
كلاكي جيد
جيداً يجود حالكي
يا هبر القنيص الفضي
والخلا سم بهار
عفيط الشوق قميص ودران
من الصبر المحمد تار
أجيك مسك بدراوي
في ساعة نفاس بكري
أجيك عكري
أجيك من حتة الوطن المعتب ضل
ومتريق علي في نعشة مبلولة
ومطعنة بالخلو الذهني
من كدب التهم والجتة المرقشة
بالمرابيط واللحام البشري
أبنوسة في فد مرقة وقعد للريح
والهتش عريان
ومن وين أختلف عنك
يطيب ظنك
أدخلي من المغارب
ما ختاك النيل
محل قبلت أتمحن
وأشوفك في حداهو توسوسو
شن بتقولوا يا كاشفات جرفنا عروض
شن بتقولوا يا سمك الهجير والمستحي
أبنوسة طرف من براطيشي السؤال
عذبني قصر الأجوبة
ساسقت بين أمشي وتعال
عفرت هدومي الأتربة
وحل المقادير إختلال
في تكلنوجيا الأفئدة
تمشيني من أقصى التلال في الروح
إلى أشهى العذابات في الحبال
ينشل صوت الأقربة
أبنوسة جيتك برة
صوت الإجتماع
واللجنة والعرق الرهيف
طلقانة بنوت النميمة الهشة
سماك ما بتنفضح لليل
ولا بربح نجومك شوق
وبشر في السهل عفريت
وكل ما يسقطك في الدم عنت
إتجلبط هلاويس وانشتر
مين يقدر بلاك في العكرة
من شبق الطنين والفكرة
يبرد أضاني من قعدة ونسة الموية
والخمج المكركع
مين يقدر يحت إحساسي في غربال
يفرز كومو .. يسند نومو
بالإرث البتصحى من الصباح
دكان وراكوبة ونعال
تنشال على كيف
تتحدث عن الكوليرا ونهايات السباق الأجنبي
ولا هماك
مناكف في الغلط والصاح
وتتتقب براح
مين يطلع مع الضي من تحت فركة
وعصير نجمة هفيف الليل
ينقط في المسام
الهم برش . .
تمدد على كيفك
تتمدد قدر فرشك
وحتى إن كان إذا نعشك
زنق أحلامك البكرة
ومين يقدر يضمك في حدث عابر
ولد في ثرثرة بنوت من الدهشة
ويضمك في حلوقن ريق
مدبرة في الخفايا قدر
بلاك ما دافقت جواي
روح نطفة ولا بلغت ظنوني بلد
ولا ناطح عرق في الروح
بكيمياء العلاقة ولد
يا شكنبة كل القوانين
وإرتفاع صقر الممارسة
في أزيز الإيدلوجيا
أحبك ..
حر من البدرة الملح
أحبك
أنتي بايوتك الكلامات المهترشة
حين يصطدم الندى بالليل
لا تتفرعي في النار
نسمتك من السليقة
أنا وين من العالم
إذا كل القوانين
ركزت طايوقة فيني
ومركزت جواي كون
ولا هامش يكون في الواطة
غير إتنين ونسمة من الدغش
تمرق على التاريخ سلام
عودين مشبكة في هدف
وتترتب صفوف الديش
أنا وين ..
وتقعدي في الهبايب ثرثرة ونتيش
محننة بالسليقة …
آآ مهبوشة قومي من الزلط
دهستني في أترك سموم اللهفة
حي عليك قومي من العباية
الفار لعب فيني … الضلمة
أمرقي يا جاموسة من تحت الأكمة
أسكتي يا قرقير ضحاوي البال هي يمة
وإتلفح ضهاري الغربة
منك أنسيك أسمي وإتنبر بلاد
من صف بطاقة وإشتباهات في الهوية
ما بفوتك …
حدثي الجايين ورا رقراق بيوتك
ما بفوتك …
بين زناة الفكرة والغلط المبيت
ما بفوتك …
جف الدبر أو شيب
ما بفوتك …
أطلقي البيبان تفك ريقا
وتصلح من بنابرا للفريق
الواطة صبحت
واللحافات في الشمس
جريها تحت الزول
بكان خت الفقر
وإنطاق فجر ضحوية
ما بفوتك …
من يفضل باقي غير قفة غناكي الفنجري
أنا منك إدليت علي
وغشيت يميني وجيت عليك
يا شكنبة كل القوانين
وإرتفاع صقر الممارسة
في أزيز الإيدلوجيا
أحبك ..
حر من البدرة الملح
أحبك
أنتي بايوتك الكلامات المهترشة
حين يصطدم الندى بالليل
الآن لا أبكي ..
ولكني أحدد قدرتي في الإتساع
على مدى عينيك
رب طريقة أخرى تحملني الأمانة
وفق إيماني بها
وفظاعتي في العشق
إبان الهزيمة فيما يخص البحر
للبحر الذي
فيما يخص البحر

ياحلو
ما اجملك
استاذنا الدوش الحاضر الغائب سيظل نبراسا فى المسيرة الفنية السودانية.. وستكون اضافه كبيرة ورائعة التقائه فنيا بموصلى هذا الزمان استاذنا الجميل ابوشوبان
تسلم حبيبنا حمزه وابوالنور عليك الله شيله لينا الجديد ونحن منتظرين

عزيز الحبوب بركه بالشوفه شفقتنا ياخي

والله مشتاقين يا نادر
وتشكراتى
يا رائع

بسم الله الرحمن الرحيم

الأساتذة الدوش والموصلي وبيناتم حمزة أنا ما خائف أكيد حا نغلب

يابدر الدين ياخوي اخير لينا صورتك من صورة مستر بين ده

بسم الله الرحمن الرحيم

الجميل الموصلي

والله أنا قلت كدا لكن أهل العوض والرحمابي والملا عمر منعوني من إنزال صورتي
لكن بيني وبينك أنا عايز أغير إسمي ذاتو وأنزل بي إسم مستعار وأغير الصورة تمشياًً مع الإسم الجديد وجد جد عايز رأيك في الحتة دي

حبي وودي للجميل

ياخوي صورتك بالنسبه لي مستر بين ده ولا الفيس بريسلي

عزيزى الاستاذ حمزه


يعنى مافى مجال للسلبطه؟؟؟؟
انشاء الله رميه

حمزه كلك زوق واهل الزوق كله الموصلى ابو اهل الزوق الوش

الاعزاء
عبد الله جعفر
عزيز
بدر الدين
مبيوع
عمر
لكم منى
كل الود