Post: #1
Title: بعد السلام ....،،..هل سنغنى غناء الحب ؟
Author: HAMZA SULIMAN
Date: 02-10-2005, 01:42 PM
لم اتعمد الكتابة من قبل ...فالوقت كان لا يسمح والظرف غير فهى تعنى ايصال الصوت مقروءا لا مسموعا فكيف اطيق نفسى بهذا الفهم ؟ اكتب ...؟ والله حكاية 000 داير اغنى باعلى صوتى ... والله لقد كرهت هذا الظرف 00000 لى وين وكيف لمتيييييين ؟
ح تجى البت الحديقة يا تماضر وتشرق شمس بكرة ونسلك دربا سلفا معروفا لنا ؟
وهل سنكون كالفراشات ؟
شعوريا او لا شعوريا اتوق لاخلد من موهبتى زمنا ولو لثانية واحدة والله لهى كافية لكى ادرك حقيقة مااقوم به، مشاعرى الان لا وصف لها فهى بسقت نخيلها فى نفسى لكنها تفقد سمادها ليوفر امكانية نمؤئها طبيعيا بها ليه تتجمد فى قلبى ؟ كل امنياتى بان لا تذوب
الانفس التى ابت تعابيرنا .... غنائنا ....جماعيتنا ....ذاتنا بفهمها عليها التعرف على ذاتها المتجهجة ما بين اعادة الصياغة والحفاظ على التراث والموروث
اريد ان اعيد رسم طريقى حتى لا تموت سنابل اغنياتى ..هل يمكن ان يكون هناك شخص مسئول عن هذه الاحاسيس
منو المقصر ؟
نحن لخياراتنا العكس الصياغة؟؟؟؟؟؟؟؟؟
ام الصياغة العكس خياراتنا ؟؟؟؟؟؟؟؟؟؟
يعنى لازم نغنى للسلام بهذا الفهم
مافى شمال بدون جنوب ومافى جنوب بدون شمال ..
هل هذا غناء ام هل هذا فهم ؟؟؟؟؟
بعد السلام هل ح يكون هناك تبصر وبصيرة ؟ هل الخيار لنا ام لابد من مصنفات فنية تتدخل فى ميلاد النص شعرا وغناءا ام سنغنى ما يفرضة الواقع الجديد ونعكس تجديدة فينا ان كان هناك جديد ؟؟؟؟؟
بحلم بان تتجاوز سحناتنا ايقاعاتها من مردوم ودليب وجالوة وتم تم وسيرة وعرضة وتتلاقى فى نفس تستوعب كل هذا دون تقيد هوية
حرية الفن تعنى التعبير للذات وفيها ..
نحلم بحرية لنعبر عن فهم جديد للسلام .....
وكل سنة وانتم طيبون مهاجرون الى ذاتنا ووطننا ....كل سنة وانتم طيبون تفردون للحب مساحة اصيلة فينا كل سنة وانتم طيبون احبائى فى البورد تحياتى وودى وعظيم اشواقى
|
Post: #2
Title: Re: بعد السلام ....،،..هل سنغنى غناء الحب ؟
Author: zola123
Date: 02-10-2005, 01:56 PM
Parent: #1
حمزة سليمان
كل سنة وانت طيب
تعال رجع الجمال لهذا المكان .....في انتظاركم
|
Post: #3
Title: Re: بعد السلام ....،،..هل سنغنى غناء الحب ؟
Author: HAMZA SULIMAN
Date: 02-10-2005, 02:04 PM
Parent: #2
يا زولة يا رائعه
انتى وجميعكن هنا رمز الجمال فى هذا المكان
|
Post: #4
Title: Re: بعد السلام ....،،..هل سنغنى غناء الحب ؟
Author: Elmosley
Date: 02-10-2005, 02:53 PM
Parent: #1
كلام سمح يعبر عن كل فنان مهموم
بالوطن مكانا وزمانا وفنا في ديار الغربة
اها زوله اللطيفه احسنت الاقتراح لمن ربك يهون ياحمزه
|
Post: #5
Title: Re: بعد السلام ....،،..هل سنغنى غناء الحب ؟
Author: HAMZA SULIMAN
Date: 02-13-2005, 01:28 PM
Parent: #4
يا استاذ
تسلم
واشواقى وتحياتى
|
Post: #6
Title: Re: بعد السلام ....،،..هل سنغنى غناء الحب ؟
Author: لقمان حسن همام
Date: 02-13-2005, 07:59 PM
Parent: #5
لهذا الجمال ... شكرا
للصمت السابق ... شكرا
للغناء القادم ... شكرا
شكرا للحب ... حمزة
شكرا لحمزة ... الحب
بالمناسبة سهرتك في قناة النيل الازرق مع عثمان النو والطيب مدثر كانت رائعة جدا ..
وشايف الجماعة كل يومين بعيدوها ..
موفق دائما ...
|
Post: #7
Title: Re: بعد السلام ....،،..هل سنغنى غناء الحب ؟
Author: HAMZA SULIMAN
Date: 02-14-2005, 08:14 AM
Parent: #6
الرائع لقمان حسن همام
تحياتى
شكرا ليك كتير ...
ويا ريت نوفق دائما فى تقديم شى يستحق الاعادة
|
Post: #8
Title: Re: بعد السلام ....،،..هل سنغنى غناء الحب ؟
Author: salah almahal
Date: 02-14-2005, 10:43 AM
Parent: #1
الرائع دوما حمزة
انت والعقد الفريد
من توكل لكم مثل هذه المهام الصعبة
فى الزمن الصعب
انتم اللذين جعلتمونا
نستدرك الجمال فى مفردات شعراءنا
قبلكم كنا نمر عليها مرور الكرام
حتى بدون فهم ما تحويه
انتم الشعلة التى تضىء لنا
انتم الجمال كله فى الزمن الصعب
انتم الروعة
يا رائع
وانت بالذات من المقتدرينبحمل هذه الراية
فالى الامام
صلاح عبدالرحمن
|
Post: #12
Title: Re: بعد السلام ....،،..هل سنغنى غناء الحب ؟
Author: HAMZA SULIMAN
Date: 02-15-2005, 02:04 AM
Parent: #8
يا صلالالالالالالالالالالالاح
كيفك واريتك طيب
تشكرات يا حلو
وين ابو النور غايب كدى ؟؟
|
Post: #9
Title: Re: بعد السلام ....،،..هل سنغنى غناء الحب ؟
Author: علوبه
Date: 02-14-2005, 12:16 PM
Parent: #1
اخونا العزيز حمزه
لك الود الجميل
كلنا من اجل الوطن الواحد انتو غنوا وابدعوا ونحن معاكم
غنوا من اجلنا للسلام للامن للكل حتى نفرح
دعونا نفرح حتى يأتى زمنا اخر
غنوا لنا غنوا لنا غنوالنا
ولك كل السلام ياسلام عليك.....................
|
Post: #10
Title: Re: بعد السلام ....،،..هل سنغنى غناء الحب ؟
Author: soma
Date: 02-14-2005, 12:29 PM
Parent: #9
العزيز حمزه
الشوق وارف
والود مساحات خضراء
وينك يا الكلك جميل
وطبعك نبيل
غنى وسوف نغنى معك
طلتك جابت السمحين
بالفال والعديل والزين
كل سنه وانت طيب
وكل سنه وانت حمزه البشوش
فرحت جدا لى ناس مسقط الطيبن الغنوا معاك
يا ود باب السنط
وزعلت لى حظى الكعب .. الخلانا نتعاقب على قول حبوباتنا
لكن الجايت اكتر زى ما بقولوا
ولسه الامل اخضر ..
ربنا عوضنا بى طلة استاذناالشاعر الشفيف الكتيابى ..
واستاذنا الشاعر الشفيف القدال
وكان القاء رائعا ..بس فقدناك
حبابك من تانى حمزه .. وحباب ضيوفك السمحين
|
Post: #11
Title: Re: بعد السلام ....،،..هل سنغنى غناء الحب ؟
Author: HAMZA SULIMAN
Date: 02-15-2005, 02:01 AM
Parent: #10
سنغنى غناء الحب طالما انتى فى يا سومه
الله يخليك
حقيقى تعشمت شدييييييييد بلقياك وسألتك منى
وتمنيتك وانا قارئ جيد لى اشعارك
|
Post: #13
Title: Re: بعد السلام ....،،..هل سنغنى غناء الحب ؟
Author: HAMZA SULIMAN
Date: 02-15-2005, 02:06 AM
Parent: #9
الناس فى بلدى يصنعون الحب
يا علوب
|
Post: #14
Title: Re: بعد السلام ....،،..هل سنغنى غناء الحب ؟
Author: لؤى
Date: 03-02-2005, 01:27 PM
Parent: #1
حمزة الحبيب
سلامات وأشواق
اسمح لي بوضع أغنيتك الرائعة والمبدع هاشم "تواصُل" هنا .
لك وُدّي
|
Post: #15
Title: Re: بعد السلام ....،،..هل سنغنى غناء الحب ؟
Author: Tumadir
Date: 03-02-2005, 08:17 PM
Parent: #14
حمزة سليمان...
وقلت انك تريد ان تغنى بملء صوتك وتملا المسامع بالشدو...
ونحن ايضا لا نريد ان نكتب..نريد ان نملأ خشبة المسرح طاقة جبارة من الابداع وتغص القاعات بالتصفيق..من اجل فكرة ملهمة او ايماءة موحية...ولكن ..
اه من لكن هذه..
جاء السلام وجاء معه الف غصن من الشوك..
وكلما انبت الزمان قناة...
على الرغم من كل الصعاب تعال نحاول نصنع فرحا يطول فرحى بهذه الاغنية ...
اظنك لاحظت فى الفترة السابقة جنونى بها ..حتى احتفظت بها بين انسجة قلبى..
ياحليلنا الزمان...فى البورد وفى السودان...
ماهذا الالم المتكاثر يا حمزة؟؟ ويا ضيوفه الجميلين؟؟
شكرا لؤى فساعتبر هذه الاغنية هدية شخصية..تفرحنى فى هذا الزمن "الخطواته ماسخة ودائرة" يالها من اغنية...
|
Post: #16
Title: Re: بعد السلام ....،،..هل سنغنى غناء الحب ؟
Author: HAMZA SULIMAN
Date: 03-03-2005, 02:09 AM
Parent: #15
شكرا جميلا يا لؤى
وفاقدنك
وينك انت الطال غيابك
الرائعه الفنانه
تماضر
ناديتك فى غيابك
وتمنيتك ترجعى والحمد لله لى رجوعك
لك الاغنية
شقشقت عصفورة
واتمنى ان نلتقى فى هذا
الزمن الماسخ ودائرى
واغنيها ليك
|
Post: #17
Title: Re: بعد السلام ....،،..هل سنغنى غناء الحب ؟
Author: بلدى يا حبوب
Date: 03-03-2005, 05:16 AM
Parent: #1
الاستاذ/حمزه سلطان
انت حينما تغنى نجد اللحن الجميل والصوت الرخيم وتطفو الحروف على يم حب الوطن لتنبلج مليون زهرة تزين وجوه اطفالنا وتعطر جباه الغبش فنحن منتظرين لتبدع
تحياتى
|
|