Post: #1
Title: حمزه سليمان....الولد الصحيح فنان
Author: الواثق عبد الرحمن
Date: 09-21-2007, 01:44 AM
Parent: #0
على قناة النيل الازرق الانيسة قدمت سهرة ناجزة المتعة باسم تقاسيم استضيف فيها الاستاذ انس العاقب وعضو المنتدى وفرقة عقد الجلاد سابقا حمزة سليمان ...تجلى حمزة ودفق غناء شفيفاً ....وقد ابدع حمزة ايما ابداع وهو يغني لحميد لحناً منثالاً مستخدما فيه ايقاع الدليب باحترافية عالية وعذوبة تكاد تتفلت من ايدي الموسيقى ........شكراً للوارف حمزة سليمان ...والى مزيد من الالق
|
Post: #4
Title: Re: حمزه سليمان....الولد الصحيح فنان
Author: tmbis
Date: 09-21-2007, 02:07 PM
Parent: #3
الواثق .. وين الحي بيك ..؟
رمضان كريم ..
كالعادة يتجلى حمزة سليمان في الالحـان والأداء .. جميل يا حمزة .. وجميل حميد..
|
Post: #19
Title: Re: حمزه سليمان....الولد الصحيح فنان
Author: Azhari Nurelhuda
Date: 09-22-2007, 01:48 AM
Parent: #4
بالله ينكسر العوج و الصاح يصح
ياسلام
يالجنى الفنان
يعطيك العافية
ويخليك للسودان
يا حمزة سليمان
|
Post: #5
Title: Re: حمزه سليمان....الولد الصحيح فنان
Author: ناذر محمد الخليفة
Date: 09-21-2007, 02:18 PM
Parent: #1
يا سلام عليك يا تمبس ..
تعرف تقنص لي بس للحاجات الزي دي 
|
Post: #6
Title: Re: حمزه سليمان....الولد الصحيح فنان
Author: محمد سنى دفع الله
Date: 09-21-2007, 02:26 PM
Parent: #5
الود ده فنان فنان فنان
بركة الشهر الفضيل
ازيد نجاح وابداع وتفوق دائما وابدا
ربنا اخليك لينا ولي السودان يابديع
|
Post: #7
Title: Re: حمزه سليمان....الولد الصحيح فنان
Author: tmbis
Date: 09-21-2007, 02:57 PM
Parent: #5
| Quote: تعرف تقنص لي بس للحاجات الزي دي |
أبو النيذ ..
كيف يا مواطــن..؟
تعرف كنت نايم صحيت لقيت الزول دا .. بيغني في زي زيتونـة .. مسافة اعافر الكمبيوتر علشان اسجل .. كان انتهت.
كنت فاكره اغنية سلاخية كدا .. اتاريها حلقة كاملة ما عارفه بدت متين واللا ح تنتهي متين .. المهم قعدت حرست الباقي .. طلعت لي بي تلاتة اغنيات .. الفوق دي واحده وباقي ليكم اتنين..
ملحوظة:
ملتزم معانا في مسالة رمضان دي .. واللا فكيت ..؟
المهم كان عندك نية اديني خبر عليك الله ..
ياخي هنا في (سخانة) اخير منها (بمبان) محمد عادل (الفشنك) بتاع امس داك ..
|
Post: #8
Title: Re: حمزه سليمان....الولد الصحيح فنان
Author: ناذر محمد الخليفة
Date: 09-21-2007, 03:20 PM
Parent: #1
تمبس كسفك ....
Quote: ملتزم معانا في مسالة رمضان دي .. واللا فكيت ..؟
المهم كان عندك نية اديني خبر عليك الله ..
ياخي هنا في (سخانة) اخير منها (بمبان) محمد عادل (الفشنك) بتاع امس داك .. |
والله أنحنا عندنا هنا سخانة التقول ميت فيها مكوجي !!
لكن برضو صابرين ..
أنا مظاهرات وإنفجارات البلد دي ما قاعد أحس بيها إلا في المنبر دا مع إني ساكن وشغال في نص الخرطوم !!
|
Post: #9
Title: Re: حمزه سليمان....الولد الصحيح فنان
Author: bushra suleiman
Date: 09-21-2007, 04:49 PM
Parent: #1
مررت بكون جمال .. هنا
شكراً يا واثق ..
شكراً يا تمبس ..
ياسلام ياحمزة وانت تبعثر الكلمات دهشةً !!
|
Post: #10
Title: Re: حمزه سليمان....الولد الصحيح فنان
Author: HAMZA SULIMAN
Date: 09-21-2007, 05:09 PM
Parent: #9
مشكورييييييين يا احباء
وكل سنة وانتو طيبين
|
Post: #11
Title: Re: حمزه سليمان....الولد الصحيح فنان
Author: Abureesh
Date: 09-21-2007, 05:18 PM
Parent: #10
شكـرا يا تمبس،
ويا استاذ حمزة ياخى قول للعازفين ديل..
يا جماعـة فى كل موسيقى الدنيا لما الفنان يغنى الألات اما تسكت أو تخفض
الصوت لأقل درجـة..
هسى ما عارفين القاعد يغنى منو؟ حمزة واللا الأورغن واللا الكمان..
الموسيقى السـودانيـة دى مالا؟
|
Post: #12
Title: Re: حمزه سليمان....الولد الصحيح فنان
Author: ahmed khidir
Date: 09-21-2007, 05:26 PM
Parent: #11
شكرا واثق
الفنان حمزه سليمان
يستحق دائما الاشادة والتقدير
صوت جميل واداء متميز
وملحن خطيييييييييييييييييييييير
شكرا ناذر
شكرا تمبس ويا ريت تنزل بقية الاغانى.
احمــد خضــر
|
Post: #13
Title: Re: حمزه سليمان....الولد الصحيح فنان
Author: tmbis
Date: 09-21-2007, 07:55 PM
Parent: #12
شكرا يا أبو الريش ويا بشرى سليمان .. ويا ناذر وياحمزه سليمان .. ويا أحمد خضر..
|
Post: #14
Title: Re: حمزه سليمان....الولد الصحيح فنان
Author: tmbis
Date: 09-21-2007, 10:52 PM
Parent: #13
|
Post: #15
Title: Re: حمزه سليمان....الولد الصحيح فنان
Author: الواثق عبد الرحمن
Date: 09-22-2007, 01:07 AM
Parent: #14
الفنان ناذر
شكراً على مرورك الكريم حقيقي حمزة فنان خطير
صديقي الانيق تمبس
طبعا كعادتك توثق باحترافية عالية لكل ما هو جميل وتحلي الموضوع كمان بخفة دمك الطاغية تسلم يا زول يا صاح
استاذنا الضخم فناً والقاً السني
كيفك واخبار الدراما شنو معاك
الاستاذ ابوالريش
تسلم على المداخلة وسؤالك في محلو ومحول لحمزة وللناس الفنانة
استاذي حمزة سليمان
حقيقي انت اضافة مبدعة لميدان الموسيقى والغناء في السودان
|
Post: #16
Title: Re: حمزه سليمان....الولد الصحيح فنان
Author: osama elkhawad
Date: 09-22-2007, 01:25 AM
Parent: #15
حمزة سليمان فنان بكل معنى الكلمة وصاحب رؤية متفردة.
|
Post: #17
Title: Re: حمزه سليمان....الولد الصحيح فنان
Author: خالد محمد سليمان
Date: 09-22-2007, 01:40 AM
Parent: #1
حمزه سليمان ده الولد الصحيح خليفة مصطفى سيد احمد
لم اصدق نفسى و انا استمع الى البيت القديم هذا عمل مدهش
|
Post: #18
Title: Re: حمزه سليمان....الولد الصحيح فنان
Author: ابوالقاسم ابراهيم الحاج
Date: 09-22-2007, 01:43 AM
Parent: #17
والله صوت جميل
الله ينور يا استاذ حمزة
و الى الامامم وربنا يوفق
تحياتي
ابوالقاسم
|
Post: #20
Title: Re: حمزه سليمان....الولد الصحيح فنان
Author: Dr. Moiz Bakhiet
Date: 09-22-2007, 02:04 AM
Parent: #18
متفرد جداً
ومختلف
وحبيبي والله..     
|
Post: #21
Title: Re: حمزه سليمان....الولد الصحيح فنان
Author: Adam Mousa
Date: 09-22-2007, 02:37 AM
Parent: #20
فنان كامل (الدسم) حضور انيق وكلمه جميله ولحن عذب وطروب
مخارج حروف واضحه وصوت مميز فخيم (غايتو ما خلى شئ )و(دارس مش فنطازيه ساكت)
مستقبل الغناء فى السودان مطمن مطمن بوجودك يا حمزه..........
|
Post: #22
Title: Re: حمزه سليمان....الولد الصحيح فنان
Author: Alsa7afa_30
Date: 09-22-2007, 02:47 AM
Parent: #1
جميييييييل ..
|
Post: #23
Title: Re: حمزه سليمان....الولد الصحيح فنان
Author: HAMZA SULIMAN
Date: 09-22-2007, 11:46 AM
Parent: #22
صورة تجمعنى مع الفنان القصاص قبل التسجيل بقناة النيل الازرق
|
Post: #24
Title: Re: حمزه سليمان....الولد الصحيح فنان
Author: HAMZA SULIMAN
Date: 09-22-2007, 11:53 AM
Parent: #23
مهندس الصوت بقناة النيل الازرق مبارك صاحب الانامل الذهبية والحس الرهيف
|
Post: #25
Title: Re: حمزه سليمان....الولد الصحيح فنان
Author: HAMZA SULIMAN
Date: 09-22-2007, 11:58 AM
Parent: #24
الرائع الفنان عثمان محى الدين قبل التسجيل
|
Post: #26
Title: Re: حمزه سليمان....الولد الصحيح فنان
Author: HAMZA SULIMAN
Date: 09-22-2007, 12:04 PM
Parent: #25
|
Post: #27
Title: Re: حمزه سليمان....الولد الصحيح فنان
Author: HAMZA SULIMAN
Date: 09-22-2007, 12:09 PM
Parent: #26
القصاص فى الاستديو خاصتة فى الخرطوم
|
Post: #29
Title: Re: حمزه سليمان....الولد الصحيح فنان
Author: HAMZA SULIMAN
Date: 09-22-2007, 12:16 PM
Parent: #27
الاستاذ الشفيع مدير البرامج بقنانة النيل الازرق ..... كل هذا الجمال وراءة الاستاذ الشفيع له التحية والتقدير للمجهود الدى يبزلة فهو دائما بشوش وطيب
وايضا هنا احى الاستاذ حسن فضل المولى وله عظيم الشكر لكل مجهوداتة
|
Post: #28
Title: Re: حمزه سليمان....الولد الصحيح فنان
Author: عمر بانقا
Date: 09-22-2007, 12:16 PM
Parent: #25
صديقى حمزه الفنان الله يديك العافيه
دائما متالق ورهيب وانيق
تحياتى لك وللاخوين عمرالقصاص وعثمان محى الدين
اخوك بندق
|
Post: #30
Title: Re: حمزه سليمان....الولد الصحيح فنان
Author: HAMZA SULIMAN
Date: 09-22-2007, 12:25 PM
Parent: #28
الاستاذة الاخت العزيزة منال .... المنتج لها التحية
|
Post: #31
Title: Re: حمزه سليمان....الولد الصحيح فنان
Author: HAMZA SULIMAN
Date: 09-22-2007, 12:29 PM
Parent: #28
يا حبيبيبيبيبيبيبيبيب يا ابو باسل
والله فقدتك .... حقيقى
لك التحية ورمضان كريم وباذن الله يا عمر
بيننا ح يكون كثير من الاغنيات ويا صديقى
اجمل الاغنيات لم تأتى بعد
|
Post: #32
Title: Re: حمزه سليمان....الولد الصحيح فنان
Author: HAMZA SULIMAN
Date: 09-22-2007, 09:08 PM
Parent: #31
يا دكتور معز يا حلو
How r u
|
Post: #33
Title: Re: حمزه سليمان....الولد الصحيح فنان
Author: HAMZA SULIMAN
Date: 09-22-2007, 09:25 PM
Parent: #32
مشكور الاخ الواثق
لك تقديرى واحترامى
مشكور اخى تمبس .... تحياتى وسلمت يداك
|
Post: #34
Title: Re: حمزه سليمان....الولد الصحيح فنان
Author: ناذر محمد الخليفة
Date: 09-22-2007, 09:39 PM
Parent: #1
أبو الريش ..
| Quote: الموسيقى السـودانيـة دى مالا؟ |
الموسيقى السودانية بتعاني نقص في مهندس الصوت المؤهل ..!!
عشان كدة الإشكاليات بتاعت ضعف الصوت في أعمالنا الموسيقية وحتى الدرامية حا تظل قائمة ..
معهد الموسيقى والدراما محتاج بشدة لمناهح في الناحية دي ..
|
Post: #35
Title: Re: حمزه سليمان....الولد الصحيح فنان
Author: عادل التجانى
Date: 09-23-2007, 08:18 AM
Parent: #34
سعيد بهذا البوست
حمزة سليمان فنان حتى النخاع ، جمعتنا أجمل الأيام في شوارع وبيوت وحواري أم بده السبيل ، بيت كلو فنانين (د . الماحي سليمان - أ . دفع السيد سليمان - أ . حمزة سليمان - أبناء الماحي سليمان) وكان ما أخاف الكضب أقول عمكم سليمان كمان فنان .
كنا نغني بصفة فردية وكمان جماعية ، وبين الماحي وحمزة هنالك الفنان الرائع جداً والملحن المذهل دفع السيد سليمان .. الذي شغلته الدنيا ولم يقدم نفسه بالصورة التي كنا نتوقعها له .
وهذا البوست أسعدني لمرور أ . بشرى سليمان الشاعر الفحل والذي كان يسمكر لأعظم الشعراء أغانيهم وهو صاحب مفرده قوية ومتميزة .
وكما أسعدني مرور أ . عمر بانقا أحد الطيور التي غردت بأجمل الألحان مع عقد الجلاد والذي زامل حمزة سليمان في هذه الفترة ، وقبله زاملني مع فرقة شباب كردفان بالأبيض حين كنت اسافر لها للقاء الأصدقاء والأحبه فكنا نغني ، ولي معه طرفة قوية حدثت عند زواجي من مدينة بارا وكان لا بد من السفر بالطائرة إلى الأبيض ولدى وصولي كان عمر بالمطار وقتها يقضي بعض الأشياء فسلم علي ووجدني في حالة ارتباك عجيب حيث وصلت وأنا العريس ولم تصل معي شنطة ملابسي وكان الزواج في اليوم التالي .. وكنت أحمل شنطة هاند باق صغيره في يدي وحرصت على أن أضع بها إحدى لبسات السفاري الخاصة بي احتياطاً فلما أخبرته بمصيبتي قال لي يا زول ولا مصيبه ولا حاجه أنا بتابع الموضوع مع سلطات المطار وإنت شيل لبستك الواحده دي وأنا بديك عليها جلابيه وأعمل عرسك .. وحصل هذا السيناريو بالضبط وتم العرس بالجلابية واللبسه الواحده .. وحتى الآن لم تصل شنطتي !!!!
معليش سرحت بيكم لحبي لهذا الثلاثي الجميل
حمزة سليمان (مخزن غنا)
عادل التجاني
الدوحة
|
Post: #36
Title: Re: حمزه سليمان....الولد الصحيح فنان
Author: nadus2000
Date: 09-23-2007, 02:30 PM
Parent: #35
حمزة سليمان
صديقنا النبيل، تفرحنى جدا خطواتك الوئيدة نحو عرش الغناء الطاعم المليان معنى وطرب.
|
Post: #37
Title: Re: حمزه سليمان....الولد الصحيح فنان
Author: tmbis
Date: 09-27-2007, 10:55 AM
Parent: #36
الشكر للأخ سمباتيكــو .. الذي قام برفع باقي الحلقة في موقع اليوتيوب:
|
Post: #38
Title: Re: حمزه سليمان....الولد الصحيح فنان
Author: ناذر محمد الخليفة
Date: 11-25-2007, 09:43 PM
Parent: #1
شوف البوست دا يا محمود مصطفى محمود ..
صدقني رفعتو علشانك
|
Post: #39
Title: Re: حمزه سليمان....الولد الصحيح فنان
Author: HAMZA SULIMAN
Date: 11-27-2007, 10:21 AM
Parent: #1
اعلى
اتمنى ان تسمع الغنا
مرة تانى وتقيم
|
Post: #40
Title: Re: حمزه سليمان....الولد الصحيح فنان
Author: د.نبراس
Date: 11-27-2007, 12:06 PM
Parent: #1
استاذ حمزه سليمان ,,
كلك جمال وابداع ,
انا برضو برفع البوست عشان الناس تستمتع ,,
ملحوظه صغيره :
انا كان لي شرف تدريسك لي يا استاذ حمزه قبل
حوالي خمسه سنوات في كلية الاحفاد ,
استمتعت بدروس الموسيقى واستمتعنا جميعا
بجمال التعامل وطريقة توصيل المعلومه ,,
للاسف انا مامشيت في الموسيقى كتير لان الدراسه اخدتني
بس متزكره كويس حصصك وتلحينك وابداعك ,,
انا نبراس هشام شيخ الدين , ويارب تكون متزكرني ,,
ومزيد من الابداع ,,
|
Post: #41
Title: Re: حمزه سليمان....الولد الصحيح فنان
Author: HAMZA SULIMAN
Date: 11-27-2007, 12:20 PM
Parent: #40
ما شاء الله د. نبراس
انا لى الشرف بذلك يا دكتورة انك تكونى طالبتى
لانك انتى الان دكتورة وليس بعد الطب علم
وربنا يحفظك والتحية لوالدك
|
Post: #42
Title: Re: حمزه سليمان....الولد الصحيح فنان
Author: Elmosley
Date: 11-27-2007, 01:23 PM
Parent: #1
ياسلااام ياواثق
حمزه واثق من نفسه
وكون ثلاثي خطير مع القصاص وعثمان محي الدين الشفيف
لهم التحية ولقناة النيل الازرق
|
Post: #44
Title: Re: حمزه سليمان....الولد الصحيح فنان
Author: Badr Edinn Abdul Rahman
Date: 11-27-2007, 03:46 PM
Parent: #42
ياااسلام على هذا الجمال، تسلم يا حمزة يا فنان،
والتحية للاستاذ الموصلي، تسلم أنت وتسلم أنغامك، وجهودك بتطوير الغنا السوداني...والاماني السندسية كانت حالة خاصة طربت لها عندما تغنيت بها أنت، وبكيت حد الكبابي عندما تغنى بها مصطفى، وعرفت أن الوطن فقد عزيز أبنائه، فمنهم من ارتحل إلى الآخرة ومنهم من ارتحل إلى دهاليز الغربة، رد الله غربتكم موصلي وحمزة، وشكراً جميلاً سودانيز أون لاين
|
Post: #45
Title: Re: حمزه سليمان....الولد الصحيح فنان
Author: HAMZA SULIMAN
Date: 11-27-2007, 06:03 PM
Parent: #42
استاذ الموصلى
حييناك من على البعد كنت حاضر معنا
ويكفى ردك يا حبيب
|
Post: #43
Title: Re: حمزه سليمان....الولد الصحيح فنان
Author: ملكة سبأ
Date: 11-27-2007, 02:24 PM
Parent: #1
شكرا ليكم ياخ
|
|