على هامش شرف ندوة الأمام .. بورداب واشنطن فى لمة عفوية وحاجات تانية

أولاً لا يفوتنى أن أقدم التحية للسيد الحبيب إمام الأنصار الصادق المهدى ..

فى حضرة الأمام تشعر أنك سودانى وتشعر بأنتماءك للسودان .. لم يسعفنى الحظ أن أحضر الندوة كلها .. فكنت منتظراً أحد الأصدقاء لأستصحابه للندوة وحدث لنا طارئ فقدنا بسبب لحظة حديث الأمام .. ولكننا حضرنا كل ال Q &A وكانت الأسئلة والأجوبة عبرت عن تنوعنا الساسيى والثقافى والأثنى.

بريمة

قابلت البورداب الأتية أسماءهم .. أو رأيتهم من بعيد ..
مولانا عبدالله عبدالله
مولانا هاشم الأمام
الأخ حامد شارف
الأستاذة إيمان بدر الدين
الأستاذة صباح حسين
الأخ الصحفى صلاح شعيب
الأخ الصحفى عبدالفتاح عرمان
الأخ عدلان
الأخ الصادق الزين
الأخ محمد دودى
العبار دينق
الخردة كوستاوى

كما رأيت السيد الوزير أنور الحاج

وكثير من أعيان الجالية السودانية أمثال الأخ الأستاذ أبراهيم سعد، الرئيس السابق للجالية السودانية والأخ منتصر جمبلان السكرتير العام السابق .. وغيرهم كثير من وجوه واشنطن.

ندوة جمعت كل ألوان الطيف السياسى فى المنطقة ..

بريمة

لقاء البورداب بعد الندوة كان لقاءاً شيقاً .. بحق وحقيقة ..

لكن والله الشيئ الوحيد نسيت تماماً أنى ح أقابل العبار دينق وكوستاوى .. !! .. الناس ديل لموا فينى .. ودى دايره ليها قعدة طويلة. هاجمونى هجوم عنيف جداً .. لو كنت تذكرتهم لأحضرت عكازى ولقشطت لكم دينق وكوستاوى الأثنين.

المهم فتحنا حوار ونقاشات حادة حول مواضيع معروفة للجميع .. والأهم أقنعت ليكم دينق تب .. وح نجيكم للموضوع دا ..


البورداب أخذوا صور للذكرى ..

ثم تفرقنا كل منا يتذكر هموم الغربة الجبارة ..


---------------------------------------------------------------------------
تذكرت الأخ تبارك شيخ الدين .. من ضمن الحضور

بريمة

( والأهم أقنعت ليكم دينق تب )

دينق ، مطلوب حضورك لنفي او إثبات الكلام دا..

حزب الأمة .. ظهر ظهور قوى فى الولايات المتحدة .. ووجود الأمام مثل دفع معنوى كبير للأحباب .. حيث جاء الأحباب من أماكن وولايات بعيدة أمثال الحبيب عبدالجليل الباشا من كلورادو والحبيب محمد دودى من ميتشجان .. والحبيب الصادق الزين من نيويورك .. وأخرون كثر.

بريمة

Quote: تذكرت الأخ تبارك شيخ الدين .. من ضمن الحضور

معقول تنسى

المهم

معتصم ..
سلامات ..
ونسيت البوردابى ومنظم زمن الندوة الحبيب أبو هريرة زين العابدين ..

الأخ أبوهريرة قص لليك شيخ هاشم الامام .. الأخ هاشم الأمام ليس أنصارى ولكنه من أحباب الأمام الصادق، تحدث هاشم حديث شيق عن الأمام الصادق وأسهب فى خطابه المليئ بالأطراء والأعجاب بخطاب ورسالة الأمام السياسية ودوره فى الحياة ومدرسته الفكرية فى العمل السياسى ..

وفجأة الحبيب أبوهريرة .. يرفع ساعته الرقمية فى وجه هاشم الأمام .. قال كلامك سمح لكن يؤسفنى الزمن أنتهى وما عندك فرصة حتى للسؤال !

الشيخ هاشم الأمام سلم المايك ومشى دون سؤال .. لكن الأمام شكره بحفاوة لكلماته الجميلة.

بريمة

كما قابلنا الوجوه الدارفورية الشعبية النيرة ..
الأخوة السياسيان بشير أسحاق وعبدالله موسى ..


وبشير أسحاق للذين يعرفونه هو فاكهة واشنطن وملحها .. ولكن بالجد حسيت أن بشير أسحق واقف مع دينق ضدى .. ودا كلام بفل وحدتنا أبناء الغرب العايزين نثبّتوا للجلابة حاجة.

بريمة

بالمناسبة جوهر عبدالماجد من البورداب برو وقطعا سيكون حاضرا

للندوة وكم تمنيت أن تؤكل له مهمة تقديم الندوة فهو من

اميز كوادر حزب الامة الشبابية .مرتب فى الحديث وخطيب

لاشق له غبار ..كان سكرتيرا عاما لاخر اتحاد بجامعة الاهلية

فى التسعينات ..وخرج من السودان مستشفيا من اصابة

فى عينه من جراء التعذيب الدى تعرض له من قبل امن الكيزان

اكمل دراسته الجامعية ببرنسس آن نتمنى أن يقود العمل

فى حزب الامة مثل هؤلاء الشباب ..

معتصم
سلام ..

هناك حضور كبير لحزب الأمة والأحزاب السياسية كلها .. أمثال السفير السابق د. على حمد، والأخ مهدى داوؤد الخليفة والأستاذ عبد الرحمن حامد .. وغيرهم كلهم حضور.

ندوة جمعت قيادات حزب الأمة بالولايات المتحدة .. وأظن هذا تدشين جديد وبهمة ودفع معنوى عالى للحزب.

لا أستبعد أن يكن الأخ جوهر من ضمن الحضور ..

بريمة

أخى العزيز بريمه
والله ياخى شرَفتنا كتير بحضورك للندوه
وأجمل حاجه لمَن لقيتك بعد إنتهاء الندوه واقف مع صديقيى العزيزين
دينق وكوستاوى وآخر قرقراب , بس ماكان معاى كمره
ربنا يديم البسط , طبعاً دى واحده من بركات الإمام.

مولانا عبد الله عبد الله
وحاتك منعنا الشديد القوي من حضور هذه الندوة.


اها بريمه ده ما حبيب جاهز ما تشوفوا له فرقة عضويه معاكم
قاعد حزب امه من منازلهم ليه؟!


ويا بريمه بالله امسك لينا الزعيم عبد الجليل الباشا ده ما يرجع كلورادو قبال ما نقابله
اصلا نحن جاينكم قريب خلال هذا الاسبوع اها اوعك تعمل بيات شتوي يا بريمه وتلبد!

ضروري تحضر ندوة قيادات السودان الجديد القادم بقوة!

مولانا عبد الله

سلام ..

Quote: أخى العزيز بريمه والله ياخى شرَفتنا كتير بحضورك للندوه وأجمل حاجه لمَن لقيتك بعد إنتهاء الندوه واقف مع صديقيى العزيزين دينق وكوستاوى وآخر قرقراب , بس ماكان معاى كمره ربنا يديم البسط , طبعاً دى واحده من بركات الإمام.

شرف الله قدرك يا الحبيب ..
والله الندوة كانت رائعة .. وأظن ناس واشنطن ما بتذكروا متين أنا جيت ليهم فى ندوة عامة .. وأكاد أجزم أن الأمام هو الشخص الوحيد الذى يبث روح الأنتماء للوطن فى كل الحضور .. سواء كان الفرد معه أم ضدهم لايهم الأمام بقدر ما يهمه أن يسود الأحترام وأن يكون هناك حوار يرتقى فوق الشخوص والأفراد إلى القضية الكبيرة التى تواجه الجميع.

وما أعجبنى أكثر، أن الأمام الصادق، قدم إجابات لأسئلة تراود الكثير يتساءلون عن دور الأحزاب .. فقال لهم أنتم أهل الخارج تمثلون حوالى 20% مجموع الشعب ولديكم الوسائل على أقلها الحرية التامة .. تحدثوا لوسائل الأعلام والقنوات وقدموا قضيتكم للعالم بصورة حضارية وأتحدوا جميعاً سواء بأحزاب أو بدون أحزاب .. وشوفونا، إن لم نقف معكم سوف لن نقف فى طريقكم ...

والله، الأمام مدرسة فى العمل السياسى .. وإن كانت السياسة لديها أخلاق ما أظن أنجب الشعب السودانى إنسان خلوق حتى مع خصومة مثل الأمام.


بريمة

تراجى
سلام ..

Quote: اها بريمه ده ما حبيب جاهز ما تشوفوا له فرقة عضويه معاكم قاعد حزب امه من منازلهم ليه؟!

خلاص غلبتكم الحيلة .. عايز تهمشكوا فينى الأنصار .. أنا لو بقيت حزب أمة ناس دينق وكوستاوى بأدبهم مينو؟ الناس ديل ما كان بكونوا عايرين ساكت فى المنبر. الحبيب عبد الباشا بألف خير وكان حضور وضمن من أداروا الندوة بطريقة رائعة أعجبت الجميع.

يا تراجى، أنا عايزك تقيفى فى صفى .. أنت عارفه أن (قادى) ليكم الجماعة فى ياتو جهة وبايتو لغة .. ودينق وكوستاوى موقفين ليك ناس واشنطن ضدى لمبة عدييل وبالذات النسوان، وأنت عارفه لو أنا أنهزمت يعنى خطابنا الداعى للتساوى فى القبول الأجتماعى والجاه الأجتماعى وتساوى النظرة الأجتماعية لشعوب السودان ح يضييع ساكت ..


وبجييك لباقى الكلام ..

بريمة

يا بريمة محمد محمود وسام جاء الندوة وللأ ما جاء؟!
لأنو لو جاء الندوة ح يديك على رأسك؟ هاهاها
وبعدين منان شكلو ما جاء، وبالمناسبة يا بريمة
حامد شارف برضو جاء من حتة بعيدة وهي مدينة قرين
سبورو بولاية نورث كارولاينا

تحياتي ليك يا فردة

Quote: وقابلت متمرد منطقة واشنطن الأكبر .. البوردابى الأخ الأستاذ علي صالح

بريمة
تحياتي
دا بوردابي جديد في واشنطون ولا دا رئيس اليمن شكلك ناس كوستاوي ودينق عملو ليك خلعة هههههه

الأخ متوكل

سلامات .. ما شفتك فى الندوة ..

Quote: وقابلت متمرد منطقة واشنطن الأكبر .. البوردابى الأخ الأستاذ عادل علي صالح

يا أخى صاحب فيلم الأنجيرة الشهير .. يا أخى، عادل بوردابى محفور فى ذاكرة واشنطن الشعبية وما بتنسى كلو كلو ..

عادل، كان كله أبتسامات .. أبداً ما كشر ذى كشيراته المعروفة فى مكان الجالية للجماعة، لكن الله وحده يعلم ما يخمّره عادل من حضوره لهذه الفعاليات.

بريمة

النذير
سلام يا حبيب ..

Quote: يا بريمة محمد محمود وسام جاء الندوة وللأ ما جاء؟! لأنو لو جاء الندوة ح يديك على رأسك؟ هاهاها وبعدين منان شكلو ما جاء، وبالمناسبة يا بريمة حامد شارف برضو جاء من حتة بعيدة وهي مدينة قرين سبورو بولاية نورث كارولاينا تحياتي ليك يا فردة

لم أر محمد محمود .. والسفير منان لم يحضر.

نعم الحبيب حامد شارف، حضر من ولاية نورث كارولاينا .. عيييييك والله يا النذير، الموضوع كان ركن نقاش عدييل بعد الندوة.

بريمة

بريمة..
ردك علي مداخلتي غير مقبول من جانبي ...
غير مقبول تماماً ..
فيا ريت تمسح الكتبتو لانو ما بيرضيني انو اسمي يتكتب في مداخلة زي دي..
ويا ريت تعرف انو في حدود بين الاعضاء..
فيا ريت تلزم حدود مداخلاتك معاي

سارة

أنا ما عارف الزعل لزوموا .. مع أنى كتبت كلام عادى فى ردى على مداخلتك .. لو ما فاهمة القصة أقرأى البوست التالى، موضوع المصارعة مع دينق قائم من سنة 2005م وأمس دينق أعترف ..

دينق: الكلام إنتهى! (يوجد فيديو)

لو تفتكرى أنا أحاول أفذلق على الأخت إيمان، يبقى أنت غلطانه .. أيمان زولة ضكرانه وقلبها حار .. وناس واشنطن كلهم سالين ليها القبعة.

خلاصة القول .. أسحبى مداخلتك وأنا بسحب مداخلتى .. ودار ما دخلك شر .. أها قصرت معاك ..


يلا أعملى اللازم ..

بريمة

بريمة..
انا سالتك من إيمان ولا ذكرتها في مداخلتي ؟
انا ما افتكرت اي شئ بيخص الاخت إيمان او غيرها .. انا علقت على الشئ البيخصني.. انو الرد كان معنون لي..
مع كامل الاحترام للاخت إيمان..
واللخبتة مافي داعي ليها يا بريمة

سارة

الحمد الله أيمان بره الزعلة ..

Quote: انا علقت على الشئ البيخصني..

الطيب الشيئ البخصك هنا شنو؟ .. سؤالى ليك أنك كنت فى الندوة؟ ..

سؤال عام، وما تسرعى فى الأحكام رجاءً .. وأسألى الشلة ..

وأنا فى المنبر دا داخل فى شخصية (كلام ناس المسرح) .. وما بقبل أمرق أبداً من الشخصية دى .. إلا حين أريد الخروج بمفردى.


قصارة الحديث أمسحى مداخلتك .. وبمسح مداخلتى وبمسح الكلام عن دينق وأيمان معاه.

بريمة

العبار بريمة بلل.

شايفك جيت جاري وفتحت لك بوست لكي تطرح وجهة نظرك وتكون هي الأولى. ولكن هيهات. أنا لسه ما جيتك.

لكن دعني أصحح لك الهباب ده:

أنت كتبت:

Quote: سارة على هل أنت كنت فى الندوة .. ؟ دينق وكوستاوى .. موضوعهم مستحمى .. وإيمان بدر الدين .. بقت إلا فى وووب علىّ .. وووب علىّ يا بريمة شكيتك لله .. يا إيمان تشتكينى لى شنو؟ .. ما بسألك يا بريمة وووووب علىّ، ودينق يتدخل يا إيمان شوفى دا زول عامل فيها فحل إلا بخشمه .. قلت لدينق أملص ملابسك لو كريعنك ما دقوا سقف القاعة أنا أكون زول ساكت .. وقرقرقر الجماعة فكوها ضحكة فى دينق.

كده أقرا الكلام ده كويس وشوف رد الأخت سارة علي ليه كان كده؟
سارة علي لم تكن موجودة وأي زول ح يقرا كلامك ده ولم يكن موجودا سوف يفهمه في سياغه اللي كاتب بيهو أنت.
كلامك أنت كاتبو ناقص ومبتور. علشان كده لازم تفرق بين الحديث والكتابة يا العبار.

العزيزة سارة علي.

الدرويش بريمة قال لي يلا نملص هدومنا هنا علشان نتصارع. أنا ضحكت عليه وقلت ليهو أنا أول مرة أشوف لي زول عاوز يصارع لازم يملص هدومو وضحكت فيهو وقلت ليهو أنا لا أحتاج أن أملص هدومي لكي أسحقك. تخيلي العبار كان بقول كلاموا الدايش ده قدام مجموعة من البورداب,

Quote: ( والأهم أقنعت ليكم دينق تب ) دينق ، مطلوب حضورك لنفي او إثبات الكلام دا..

العزيزة سارة علي.

العبار بريمة بلل لن يقنع دجاجة بي كمية الهباب الذي يكتبه هنا.
وواضح أن بريمة أمس كان خايف من بعض الأخوات الذين كانو يتربصون له بسبب بوستاته المهببة.

Quote: قابلت البورداب الأتية أسماءهم .. أو رأيتهم من بعيد .. مولانا عبدالله عبدالله مولانا هاشم الأمام الأخ حامد شارف الأستاذة إيمان بدر الدين الأستاذة صباح حسين الأخ الصحفى صلاح شعيب الأخ الصحفى عبدالفتاح عرمان الأخ عدلان الأخ الصادق الزين الأخ محمد دودى العبار دينق الخردة كوستاوى

طيب نبدا من الأول!!!

ليه يا بريمة أنا و دينق ختيتنا في ذيل اللستة و نحن أكتر إتنين تحدثنا معك و كمان عزمناك للعبار.....تقوم ترص لي الكيزان و الأنصار في بداية اللستة و ناس عبابيرك في نهاية اللستة!!!
إنتا نسيت خوة الكاس يا بريمة!!!



لو ما إعتذرت يا بريمة و أعدت رص اللستة
علي بسيدي الحسن أقوم أخت كل الصور
و خاصة الصورة الخانقك فيها دينق
لو ما الصاق الزين حجزكم كان تكون في خبر كانا.....

إعتذروا يا بريمة...

كك

Quote: الدرويش بريمة قال لي يلا نملص هدومنا هنا علشان نتصارع. أنا ضحكت عليه وقلت ليهو أنا أول مرة أشوف لي زول عاوز يصارع لازم يملص هدومو وضحكت فيهو وقلت ليهو أنا لا أحتاج أن أملص هدومي لكي أسحقك. تخيلي العبار كان بقول كلاموا الدايش ده قدام مجموعة من البورداب,

والله مبالغة عدييل ..

ما قادر أكتب من الضحك ... طيب ما أحسن أعتذر لدينق قبل ما أعتذر لأى زول تانى .. وما تنسى يادينق أنا موجه الكلام لمنيو فى أثناء حديثنا.

معروف يا دينق .. فرسان المصارعة بيقلعوا هدومهم .. أبداً ما شفت لى مصارعة بالهدوم ..!! دى جرسة منك بس .. مصارعة بالهدوم!

بريمة

صورة نادرة جدا في مزاد علني

حضر العبار بريمة الى الندوة متأخرا كعادته دائما، وعوضا عن أن يجلس في الكراسي الخلفية إلا أنه أصر أن يجلس في المقدمة. ولقد كان يحاول جاهدا لكي يصل الى بعض المقاعد الخالية وسط الحضور مما تسبب في عفص بعض الشباب بجزمته الحمراء اللون ولقد كان عدم الرضا على سلوك العبار بريمة واضحا على وجوه بعض الحضور. لأن بريمة قد تسبب في إحداث بعض الشوشرة في تلك المنطقة. يا عبار نرجوا منكم أن تحضرون في المواعيد المحددة لو سمحت. أما إذا أتيت متأخرا فيجب عليك الجلوس في المقاعد الخلفية أو الوقوف في الخلف أيضا كما فعل الأخرون المتحضرين.

العبار دينق

سلام ..

Quote: عفص بعض الشباب بجزمته الحمراء اللون

حسى لزوم لون الجزمة شنو؟ .. وبعدين شفوا كمية الترصد، جاى متأخر؟ ومشيت جلست وين؟ وعفصت مينو؟ ..

تانى، ح أكون مثل الراهب فى صومعته ..

بريمة

Quote: تذكرت الأخ تبارك شيخ الدين .. من ضمن الحضور

الاخ بريمة

يا اخى تبارك دا انا قدر ما فرفرت علشان الاقيه راح منى وسط اللمة

والله لقائكم كان سمح بلحيل, بعدين ما تشوفوا زنقات البورد دى,

الجماعة ديل كانوا اخر قرقره و انبساطة, عشان كدة قلنا ليكم الامام دا

حكيم الامة, هو الوحيد القادر يجمعنا, غيرو تب ما فى زول و لا شنو يا بريمة؟

Quote: تانى، ح أكون مثل الراهب فى صومعته ..

ما اظن يابريمة انت تقدر تقعد ساااي



بعدين الخبر الوصلني و اتاكدته منو هو انك مشيت لدينق و كوستاوي
و اديت ولا الطاعة للمريخ العظيم و سجلته اسمك عندهم فما تجي تشبكنا
صراع و ما صراع و اقنعتو والقصص بتاعة الفنتازيا دي .



يا دينق الزول دا كل ما يكتب لازم تجي تشرح وراهو ياخ لانو صراحة كدا
موضوع كرعيك تدق في سقف القاعه دا لو ما جيت شرحتو انت كان الشرط
ضحكك و فهمناك غلط فياخ ركز مع البوست دا و الزول دا باريهو با الطوالة
كاااااااااااااااااااك .

بجزمته الحمراء اللون

دا تطقيم مع الطاقية

سفيان
سلام وكل عام والأسرة بألف خير

Quote: يا دينق الزول دا كل ما يكتب لازم تجي تشرح وراهو ياخ لانو صراحة كدا موضوع كرعيك تدق في سقف القاعه دا لو ما جيت شرحتو انت كان الشرط ضحكك و فهمناك غلط فياخ ركز مع البوست دا و الزول دا باريهو با الطوالة كاااااااااااااااااااك .

بعد كتابتك للمداخلة هذه، دينق سحب كل مداخلتى ..


ما قلتو نوبــــــة يا دينق؟؟

بريمة

Quote: حسى لزوم لون الجزمة شنو؟ .. وبعدين شفوا كمية الترصد، جاى متأخر؟ ومشيت جلست وين؟ وعفصت مينو؟ .. تانى، ح أكون مثل الراهب فى صومعته .. بريمة

العبار بريمة بلل.

لأنو الكلام ده حصل قدامي والناس اللي كانو قاعدين جنبي قالو لي المهرج ده منو؟
أنا قلت لهم ده العبار بريمة بلل بتاع سودانيز أون لاين اللي كتب بوست بنات الجلابة.
بعدين أنت ما أظنك بتقدر تروق في علبك.

Quote: سارة على هل أنت كنت فى الندوة .. ؟ دينق وكوستاوى .. موضوعهم مستحمى .. وإيمان بدر الدين .. بقت إلا فى وووب علىّ .. وووب علىّ يا بريمة شكيتك لله .. يا إيمان تشتكينى لى شنو؟ .. ما بسألك يا بريمة وووووب علىّ، ودينق يتدخل يا إيمان شوفى دا زول عامل فيها فحل إلا بخشمه .. قلت لدينق أملص ملابسك لو كريعنك ما دقوا سقف القاعة أنا أكون زول ساكت .. وقرقرقر الجماعة فكوها ضحكة فى دينق.

بريمه يؤسفني جدا اقول ليك انت زول كذاب ومنافق ومريض,والدليل علي مرضك ده انو ترتضي لي نفسك تكذب بالطريقه الفجه والمبتذله دي,اول شئ ان ما كنت فاضيه ليك ولا لي نقاش معاك وكونو تقعد تكذب انو قلت اووب وكلامك الفارغ دا
وكونو تدخل مسالة فحولتك ولا غيرها ده شئ انت مهجس بيهو واقول ليك شئ يابريمه انت محظوظ جدا لانو لو انت قلت كلامك المبتذل ده قدامي انا كان اديتك كف عشان تعرف ايمان بدر الدين منو واتمني انو تاني ما تجيب سيرتي دي لانو بعدها حا تشوف ما يسئ ليك فاهم الكلام ده ولا مافاهم
حقيقه سودانيز دي بتلمنا بي نمازج مفروض تكون في مصحه للامراض النفسيه
انت زول ######## وحقير ةمبتذل

سلام بريمة



وانا اسمي مشي وين

شوف يا بريمة
قول أي حاجة عني أنا أو دينق بس أبعد الإخوات من كلامك
لأنو أنا أعرف جيدا إنو ما لاقوك ولا إتكلموا معاك

أحصر الموضوع بيناتنا أرجوك.

سلام يا بريمة أنا بتفق مع كوستاوي مش لأنك قلت حاجة كعبة لكن بصراحة عندك شتارة شديدة, هسع كلامك الفوق دا أول ما قريته استغربت فيه استغراب شديد و لما دينق جا شرحه عرفت إنه التعبير خانك و دا أدى لإنه الأخوات سارة و إيمان يفهموه غلط مع إنك كتبته بكل براءة.

Quote: سلام يا بريمة أنا بتفق مع كوستاوي مش لأنك قلت حاجة كعبة لكن بصراحة عندك شتارة شديدة, هسع كلامك الفوق دا أول ما قريته استغربت فيه استغراب شديد و لما دينق جا شرحه عرفت إنه التعبير خانك و دا أدى لإنه الأخوات سارة و إيمان يفهموه غلط مع إنك كتبته بكل براءة.

اخى ياسر لك تحياتى وشكرى وسلامى لخالتى فاطمة واسرتك

براءة شنو البتفترضها فى بريمة الانا ما بعرفوا دا يا ياسر يا اخوى تصدق انا ما بعرفو خالص !! بقرا مداخلاته فى سودانيز فقط واول مرة شوفتو جابوا لى دينق وقال لى دا العبار بريمة سلم على وما مديت ليهو حتى ايدى وانا كنت مشغولة مع زملاء مصر طلاب انصار فارقتهم من زمن دراستى بمصر وكانوا مجموعة والمحيرنى انو قال انا قلت كلام فارغ بتاع ووب وحاجة كدة مابتشبهنى خالص حاجة تقرف ياخى !! انتو جيران ومن امدرمان لبحرى كوبر اها لما تسمعوا اغتيال لشخصى بالطريقة دى بترضوا بالفارغة والمقدودة دى؟ والله حليفة بالله تانى اسمعه اجيب اسمى ولا سيرتى يكون جنى على نفسه
قال برىء قال دا كوز كذاب يا ياسر العوض وانا عايزة كل الكان هناك فى يوم الندوة وسمع كلامو دا يجى يقول سمع شنو منى بعد كدة ما بنفع غير كلام الحاضرين كشهادة وشكرا لكوستاوى الانا شوفتو من بعيد حتى سلام ما سلمت عليه يكون كيف قلت كلام ووب وشكيتك على الله الجابوا الموهوم دا ؟!! ومحاولة اغتيال شخصيتى ما بثنينى عن نشاطى واداء رسالتى وعملى العام وانا بتحدى اى راصد واى متابع واى عدو او صليح والبعرفونا ان شاء الله يجونا ويشرفونا والحمد الله ماشة عدل ومحتار عدوى فينى والانسان المؤدب ومحترم ووالديه ربوهو تمام بعكس تربيته وبكون سفير اسرته واهله قال بريمة قال من وين دا جاى!!! لا قرا معاى ولا ود حلتى ولا لمتنى بيهو صلة ولا مكان ولا زمان ولا زمالة سبحان الله ربى العالمين

قرقرقر .. وووب علىّ .. قالوا بدونى كف !!

بريمة

علىّ اليمن أمرأة تدينى كف باليمن .. أديها خدى الشمال ..

بقارى فحل ذى بريمة ما بشاكل النسوان ..


مع خالص إعتذارى للأخوات .. سارة وإيمان ..


بريمة

كدى تفرجوا فى المداخلة التالية .. كانت أمس القريييييب دا ..



بريمة

يا بريمة
إيمان ردت على كلامك بكل إحترام....

مفروض تتكلم معاها بإحترام

ولا أقول ليك حاجة

ما تتكلم معاه خالص
الموضوع دا إنقفل هنا دا period

لانى عرفت انو بوستيك ما تمام خاصة لما سحبت الكلام الردت ليك عليه سارة على وانا ما تابعت بوستيك ومداخلتك الفيها ووب على وماشابه ذلك وبعض المهتمين اتصلوا بى وسالونى عن الموضوع وهل انتى بتعرفى بريمة دا واتكلمتى معاهو ؟ لما قلت ليهم لا قالوا لى قال انتى قلتى وووب على وشكيتك على الله وحاجات زى دى وهى ما بتشبهنى وبعدها رجعت لاجد الفارغة بتاعتك دى واكيد اسحب تشجيعى ليك لانى ماقرات الجزء الذى سحبته و اكيد لازم اعبر عن عدم رضاى عنها ولما رديت ليك عن العم حرحوف كنت قايله انك حقيقة بتستاهل الرد لكن وضح لى انك انت جاى من وين وانا سحبت الكلام بتاع تشجييعى ليك وقولة بوست تمام لانى ما كنت عارفة انك كاتب عنى كذب و من خيالك المريض وكمان ساحبوا وبتقول لسارة انا ما بفذلك على ايمان عجيب امرك عجيب سوكات على المسخرة ما عندى والجهر بالقول لمن ظلم حق مكفول اوكى

Quote: علىّ اليمن أمرأة تدينى كف باليمن .. أديها خدى الشمال .. بقارى فحل ذى بريمة ما بشاكل النسوان .. مع خالص إعتذارى للأخوات .. سارة وإيمان .. بريمة

بريمة يبدولى بديت افهم خلفيتك وانت جاى من وين شكل شنو الانت بتتكلم عنه انت لا تشاكل النسوان ولا الرجال والمرأة الما بتكفت ليها راجل بقول زى كلامك الفوق دا معناها هى امرأة ساقطة وبتقبل تسمعه وتضحك بيهو والمرأة البختها الراجل امام الخيارات الصعبة بتختار اصعبها للحفاظ على سمعتها الضحك والونسات بالكلام الفاحش والتلفونات والاسافير وفتح المواضيع فى الفارغة ما بجى من بنت او مرأة محترمة وسمعنا كثير انو بعض الرجال الذين يحاولون عمل حاجات زى دى ولو الواحدة سكتت معناها راضية بيها وعاجبها فهمت ؟ اذن الموضوع ما موضوع مشاكل وشكالة وبتاعة مشاكل البفكوها الكيزان دى !!! الحاصل فى واشنطن دى عارفاهو وفايت اضانى زى يجيك محرش دافرنو الجماعة اياهم يقل ادبو ويتحرش بيك مرة يرفع صوته ومرة يجدع كلام فارغ ومرة يستفز ومرة يعملوا ليك بالضحك ومرة بالجد ترد عليهو يقول ليك شكالة تسيبو يقول ليك 000000 فارغة وبتاعة حركات احسن لى اكون شكالة بشرفى للبحاول يتطاول ولا اسكت لراجل يحاول يغتال شخصيتى وينال من مكانتى ويقول زى كلامك الفوق دا وشرف الانسان والمرأة التزامه الاخلاقى والدينى واحترام نفسه
عايز تطلع نفسك برىء وما بتاع مشاكل وانت كايس المشاكل جايب كلام من خيالك المريض وتكذب يردوا عليك ويحذروك تقول ما بتشاكل امرك عجيب امشى خلى مرتك راجل يقول انها قالت الكلام بتاع ووب على ووووب على وشكيتك والفارغة الفوق البتقول فيها دى وكمان فى لمة ناس خارجين من ندوة واضحك معاهو واقبلها منه انا ما بتنفع معاى ولا مع راجلى ولا مع رجالى و اخوانى وابوى واسرتى اوكى